tpi_2sa_text_reg_lvl1/14/01.txt

\v 1 Nau Joap pikinini bilong Seruia i pilim olsem bel bilong king i laik long lukim Apsalom. \v 2 Olsem na Joap i salim tok i go long Tekoa na kisim meri i gat gutpela save i kam long em. Na em i tokim em, "Plis mekim olsem yu meri bilong krai na werim klos bilong krai. Plis noken welim yu yet wantaim oil, tasol yu mekim yu yet luk olsem wanpela meri i krai longpela taim long dai man. \v 3 Orait yu ken i go long king na tokim em wanem bai mi tokim yu long en." Olsem na Joap i tokim dispela meri long ol toktok em bai tokim king.