Old Testament Level-1

01/01.txt

@@ -0,0 +1 @@
+\v 1 Bihain long dai bilong Sol, Devit i stap long Sikla inap tupela dei olgeta bihain long pait wantaim ol lain Amalek. \v 2 Long namba tri dei, wanpela man i kam long kem bilong Sol wantaim graun long het na bruk klos.Taim em i kam long Devit em i pundaun long pes i go daun long graun na mekim em yet long amamasim Devit.

01/03.txt

@@ -0,0 +1 @@
+\v 3 Devit i askim em olsem, "yu kam long wanem hap?" Na em i bekim tok olsem, " mi ranawe long kem bilong ol lain Israel." \v 4 Devit i askim em, " plis tokim mi long pait i go olsem wanem," Na em i bekim tok olsem, "ol man i ranawe long pait. " Na planti man tu i dai. Sol na pikinini man bilong em Jonatan tu i dai long dispela pait." \v 5 Na Devit i askim dispela man olsem, "yu save olsem wanem long Sol na pikinini man bilong em Jonatan tu i dai?"

01/06.txt

@@ -0,0 +1 @@
+\v 6 Na dispela yanpela man i bekim tok olsem, " taim mi kamap antap long maunten Giboa, mi lukim olsem Sol i slip long spia bilong en na klostu ol karis wantaim ol birua i kam kisim em." \v 7 Sol i tanim na lukim mi na i singaut long mi. Na mi bekim tok bilong em olsem, " hia mi stap."

01/08.txt

@@ -0,0 +1 @@
+\v 8 Na em i askim mi olsem, " yu husait?" Na mi bekim tok bilong em olsem, " mi bilong Amalek." \v 9 Na em i tok olsem long mi, " plis inap yu kilim mi i dai, long wanem bikpela pen i kisim mi pinis, tasol mi stap laip yet." \v 10 Olsem na mi sanap antap long em na kilim em i dai, long wanem mi save olsem em bai ino inap i stap laip. Na mi kisim hat king bilong em na bilas bilong han i kam long yu, bikman bilong mi."

01/11.txt

@@ -0,0 +1 @@
+\v 11 Na Devit i brukim klos bilong em na olgeta man bilong pait tu i brukim ol klos bilong ol. \v 12 Ol i lusim kaikai na sore krai i go inap long apinun, long Sol na pikinini man bilong en Jonatan na ol manmeri bilong God Yawe na ol haus bilong ol lain Israel, long wanem ol i dai long bainat. \v 13 Devit i askim dispela yangpela man, " yu bilong wanem hap", na dispela man i tok, " mi pikinini man bilong man long narapela ples em Amalek."

01/14.txt

@@ -0,0 +1 @@
+\v 14 Na Devit i asikim dispela man olsem, "bilong wanem han bilong yu no pret long kilim dispela king God Yawe i makim?" \v 15 Na Devit i tokim wanpela yangpela man olsem, " Go na kilim em, " na dispela man i go na kilim dispela man Amalek i dai. \v 16 Na Devit i tokim dispela daiman bilong Amalek olsem, " blut bilong yu i pas long het bilong yu yet long wanem maus bilong yu yet i tokaut olsem yu kilim king God Yawe i makim."

01/17.txt

@@ -0,0 +1 @@
+\v 17 Na Devit i singim song bilong sore long Sol na pikinini man bilong en Jonatan. \v 18 Na em i tok strong long ol i mas lainim dispela song long ol pikinini man bilong Juda, olsem ol i bin raitim long buk bilong Jasha. \v 19 Israel, ol bikpela man i gat nem na ol strongpela man bilong pait i dai antap long ol maunten ples bilong yupela. \v 20 Noken tokim dispela samting long Gat na long ol liklik ples insait long Askelon, long wanem, mi no laik bai ol pikinini meri bilong ol Pilistia i amamas, olsem na ol pikinini meri bilong ol lain ino katim skin ino ken amamas.

01/21.txt

@@ -0,0 +1 @@
+\v 21 Ol Maunten bilong Giboa, noken larim ren na wara bilong nait i kam long yu na ol gaden i no ken givim ol kaikai long mekim ofa, long dispela hap ol strongpela man i kisim bagarap. Na ol i no moa makim na welim hap plang bilong Sol. \v 22 Long blut bilong ol dispela lain ol i kilim na long bodi bilong ol bikpela man i gat nem, bunara bilong Jonatan ino tanim bek na bainat bilong Sol ino kam bek nating.

01/23.txt

@@ -0,0 +1 @@
+\v 23 Pasin bilong laikim na marimari i stap long Sol na Jonatan, na long dai bilong tupela ino mekim tupela i stap longwe long tupela. Tupela i save muv hariap olsem tarangau na strong bilong tupela i winim strong bilong laion. \v 24 Yupela ol pikinini meri bilong Israel, krai long Sol,em i save bilasim yupela wantaim ol gol na ol samting i dia tumas.

01/25.txt

@@ -0,0 +1 @@
+\v 25 Olsem wanem na ol strongpela man bilong pait i dai namel long pait. Na ol i kilim Jonatan i dai long ol maunten ples bilong yupela. \v 26 Jonatan brata bilong mi, mi gat bikpela bel sore long yu, long wanem yu save mekim gut long mi. Na laikim bilong yu long mi i winim tru dispela laikim bilong laikim ol meri. \v 27 Olsem wanem na ol strongpela man bilong pait i dai na olgeta samting bilong pait i pinis olgeta?"

02/01.txt

@@ -0,0 +1 @@
+\v 1 Bihain long dispela Devit i askim God Yawe na i tok, ''Inap mi go long wanpela bilong ol biktaun bilong ol Juda?'' God Yawe i bekim, ''go antap.'' Devit i tok, ''Long wanem biktaun bai mi go?'' God Yawe i bekim, ''Long Hebron.'' \v 2 Orait Devit i go antap wantaim tupela meri bilong en, Ahinoam long Jesril, na Abigel long Karmel, Abigel bipo em meri bilong Nabal tasol Nabal i dai na Devit i maretim em. \v 3 Devit i kisim ol man istap wantaim em, ol wanwan i kisim ol femali, bilong ol long kantri Hebron, ol i stap long dispela hap.

02/04.txt

@@ -0,0 +1 @@
+\v 4 Orait ol Juda man i kam na kapsaitim oil makim Devit olsem king long haus bilong Juda. Ol i tokim Devit, ''Ol man bilong Jabes  Gilead ol bin planim Sol.'' \v 5 Orait Devit i salim man i go tokim ol man bilong Jabes Gilet na tokim ol,'' God Yawe i blesim yupela, Taim yupela i sori long king bilong yupela Sol na planim em.

02/06.txt

@@ -0,0 +1 @@
+\v 6 Nau bai God Yawe i bihainim kontrak na soim sori. Mi bai mekim dispela gutpela samting long wanem yu bin mekim pinis. \v 7 Nau, larim han bilong yu mas strong; tingim king bilong yupela Sol i dai pinis na ol lain Juda i makim mi olsem king bilong ol.''

02/08.txt

@@ -0,0 +1 @@
+\v 8 Tasol Abna pikinini bilong Ner, ofisa bilong ol ami bilong sol, i kisim Isboset pikinini bilong Sol na kisim em i go long Mahanaim. \v 9 Em i mekim Isboset i kamap King bilong ples Gilet, Aser, Jesril ,Efraim, Benjamim na long olgeta hap long Isarel.

02/10.txt

@@ -0,0 +1 @@
+\v 10 Isboset pikinini bilong Sol, em i gat 40 krismas pinis taim em i kamap king bilong olgeta Israel, na em i stap king long tupela yia. Tasol ol lain Juda i bihainim Devit. \v 11 Dispela taim Devit i kamap king bilong Hebron insait long ol lain Juda inap 7-pela yia na 6-pela mun.

02/12.txt

@@ -0,0 +1 @@
+\v 12 Abna pikinini bilong Ner, na wokman bilong Isboset piknini bilong Sol, i lusim Mahanaim na go long Gibeon. \v 13 Joab piknini bilong Serua na ol wokman bilong Devit i go na bungim ol long raun wara Gibeon. Dispela hap ol i sindaun, wanpela lain long narapela sait bilong raun wara narapela lain long narapela sait.

02/14.txt

@@ -0,0 +1 @@
+\v 14 Abna i tok long Joab, larim ol yangpela man i go pas na resis pastaim.'' Orait Joab, i tok, ''Larim ol i go pas.'' \v 15 Na ol yangpela man i kirap na bungim ol yet, 12-pela long Benjamin na Isboset pikinini bilong Sol, na 12-pela wokman bilong Devit.

02/16.txt

@@ -0,0 +1 @@
+\v 16 Wanwan man i makim ol birua long het na sutim ol long sait bilong ol birua, na ol i pundaun wantaim. Dispela as ol i kolim dispela ples ''Helkat Hassurim,'' o ''ples bilong bainat,'' i stap insait long Gibeon. \v 17 Pait i go bikpela tru long dispela de Abna na ol man long Israel i lus long ol ami bilong Devit.

02/18.txt

@@ -0,0 +1 @@
+\v 18 Tripela pikinini bilong Serua i bin stap; Joab, na Abisa, na Asael. Abisai em i save ran strong olsem wel animol. \v 19 Asahel i ronim stret Abna na em i bihainim em na i no tanim long narapela hap.

02/20.txt

@@ -0,0 +1 @@
+\v 20 Abna i lukim baksait bilong em na i tok, ''Em yu tasol Asahel?'' Em i bekim, ''Em mi tasol.'' \v 21 Abna i tokim em, ''Tanim i go long han sut o han gais na makim wanpela bilong ol yangpela man na kisim pait samting bilong em.'' Tasol Asahel i no tanim nabaut.

02/22.txt

@@ -0,0 +1 @@
+\v 22 Orait Abna i tokim Asahel ken, ''No gen ronim mi. Bilong wanem bai mi isi long yu long graun? Olsem wanem bai mi kamap long pes bilong Joab, brata bilong yu?'' \v 23 Tasol Asahel i no tanim en i sakim, na Abna i sutim em insait long bodi het bilong spia kam aut long narapela sait. Asahel i pundaun na dai long hap. Olsem na taim wanpela man i kamap long dispela ples Asahel i pundaun na dai, em i stop na sanap stret.

02/24.txt

@@ -0,0 +1 @@
+\v 24 Orait Joab na Abishai i ronim Abna. Taim san i go daun, ol i kam long maunten Ammah, Em klostu long Giah rot i go long ples nating long Gibeon. \v 25 Ol lain bilong Benjamin ol i bungim ol yet baksait long Abner na sanap antap long het bilong maunten.

02/26.txt

@@ -0,0 +1 @@
+\v 26 Orait Abna i singautim Joab na i tok, ''Dispela pait bai i stap longpela taim? Yu no save olsem em bai kamap nogut long pinis bilong en? Wanem taim bai yu tokim ol man bilong yu long lusim pasin bilong ronim ol brata bilong ol?'' \v 27 Joab i bekim, '' Long nem bilong God i stap laip, sapos yu no tok olsem, ol ami bilong mi inap long ronim ol brata i go inap long moning!''

02/28.txt

@@ -0,0 +1 @@
+\v 28 Orait Joab i winim biugel, na pasim olgeta  ami bilong en na ol i no ronim ol Israel moa, ol i no pait moa. \v 29 Abna wantaim ol ami bilong en i wokabaut long dispela nait long Araba. Ol i brukim wara Jodan, ol i kamap long narapela moning na bihain ol i kamap long Mahanaim.

02/30.txt

@@ -0,0 +1 @@
+\v 30 Joab i ronim Abna pinis na ol i kam bek. Em i lainim ol soldia bilong em, usait ol i no bin stap wantaim Asahel na 19 soldia bilong devit. \v 31 Tasol ol soldia bilong Devit i kilim 360 soldia bilong Benjamen wantaim Abner. \v 32 Bihain ol i kisim Asahel i go antap na planim em long matmat bilong papa, em i stap long Betlehem. Joab wantaim ol soldia bilong em i wokabaut long dispela nait, na tulait i bruk antap long Hebron.

03/01.txt

@@ -0,0 +1 @@
+\v 1 Nau i gat bikpela pait i stap namel long lain bilong Sol na lain bilong Devit, ol lain bilong Devit i pait strong moa yet , tasol ol lain bilong Sol i nogat strong.

03/02.txt

@@ -0,0 +1 @@
+\v 2 Dispela em ol pikinini man bilong Devit i kamap long Hebron. Namba wan pikinini man bilong en em Amnon, em Ahinoam bilong Jesrel i karim. \v 3 Na namba tu pikinini man bilong en em Kilip, em Abigal man bilong en Nabal bilong Kamel i dai pinis i karim em. Na namba tri pikinini em Absalom, em Maka pikinini meri bilong Talmai king bilong Gesur i karim.

03/04.txt

@@ -0,0 +1 @@
+\v 4 Namba 4 pikinini man bilong Devit em Adonija, Hagit i karim em na namba 5 pikinini man em Sefatia, em Abital i karim em, \v 5 na namba 6, em Itrim, em pikinini bilong Egla meri bilong Devit. Dipela em ol pikinini man bilong Devit i kamap long Hebron.

03/06.txt

@@ -0,0 +1 @@
+\v 6 Taim bikpela pait i kamap namel long lain bilong Sol na lain bilong Devit, Apner i stap strong long lain bilong Sol. \v 7 Sol i gat wanpela meri i stap long haus bilong em, nem bilong en Rispa, em pikinini bilong Aia. Isboset i tokim Apner olsem, "Bilong wanem na yu slip wantaim meri bilong papa bilong mi?"

03/08.txt

@@ -0,0 +1 @@
+\v 8 Orait Apner i belhat nogut tru long tok bilong Isboset na em i tok, "Ating mi het bilong dok bilong ol Juda a? Nau mi soim mi yet i stap stret long lain bilong Sol, papa bilong yu, long ol brata bilong em na ol wantok bilong em, long i no inap kisim yu i go long han bilong Devit. Tasol nau yu sutim tok na mekim mi sem long dispela meri?

03/09.txt

@@ -0,0 +1 @@
+\v 9 Larim God i mekim olsem long mi, Abner, em i ken mekim olsem moa, sapos mi no mekim long Devit olsem God Yawe i bin promis long em, \v 10 long rausim kingdom long lain bilong Sol na putim antap long sia king bilong Devit long olgeta Israel na olgeta Juda, long Dan i go long Beseba." \v 11 Isboset i no bekim wanpela tok liklik long Apner, long wanem em i pret long em.

03/12.txt

@@ -0,0 +1 @@
+\v 12 Orait Abner i salim ol man bilong karim tok i go long Devit long tokim em, Dispela em graun bilong husait? Mekim kontrak wantaim mi na bai yu lukim olsem mi stap wantaim yu, bai mi kisim olgeta Israel i kam long yu." \v 13 Na Devit i bekim tok olsem, "Gutpela tru, bai mi wokim kontrak wantaim yu. Tasol wanpela samting mi laikim em olsem yu bai no inap lukim pes bilong mi, inap yu kisim Mikal pikinini meri bilong Sol i kam pastaim, taim yu kam long lukim mi."

03/14.txt

@@ -0,0 +1 @@
+\v 14 Orait Devit i salim ol man bilong karim tok i go long Isboset pikinini man bilong Sol na i tok, "Givim meri bilong mi Mikal, long husait mi bin winim prais long wan handred filistia na rausim skin bilong bol bilong ol." \v 15 Olsem na Isboset i go long kisim Mikal long man bilong en, Patiel pikinini man bilong Lais. \v 16 Na man bilong en i go wantaim em, em i krai na bihainim em i go long Bahurim. Na Abner i tokim em, Yu tanim na i go bek nau." Olsem na em i go bek.

03/17.txt

@@ -0,0 +1 @@
+\v 17 Abner i toktok wantaim ol bikman bilong Israel na i tok, "Long sampela taim i go pinis, yupela i bin traim long makim Devit i kamap king bilong yupela. \v 18 Orait nau yupela i mekim olsem. Long wanem God Yawe i tokim Devit pinis na i tok, 'Long han bilong wok man bilong mi Devit mi bai kisim bek ol manmeri bilong Israel long han bilong ol Filistia na long han bilong olgeta birua bilong yupela.'"

03/19.txt

@@ -0,0 +1 @@
+\v 19 Abner tu i go toktok isi long ol lain Benjamin. Na Abner i go toktok tu wantaim Devit long Hebron long tok klia long olgeta samting ol Israel na olgeta haus bilong Benjamin i laik long wanem samting i mas kamap. \v 20 Taim Abner na 20 man long lain bilong en i kamap long Hebron long lukim Devit, Devit i redim kaikai bilong ol.

03/21.txt

@@ -0,0 +1 @@
+\v 21 Abner i tok klia long Devit olsem, "Bai mi kirap na bungim olgeta lain Israel i kam long yu, masta na king bilong mi, bai ol i ken mekim kontrak wantaim yu, olsem na yu ken lukautim wanem samting yu laikim long en." Olsem na Devit i salim Abner i go, na Abner i go wantaim bel isi.

03/22.txt

@@ -0,0 +1 @@
+\v 22 Ol soldia bilong Devit na Joab i kam bek bihain long ol i bin go pait na kisim planti samting wantaim i kam. Tasol Abner i no stap wantaim Devit long Hebron. long wanem, Devit i salim em i go pinis, olsem na Abner i go wantaim bel isi. \v 23 Taim Joab wantaim olgeta ami bilong en i kamap, ol i tokim Joab. "Abner pikinini man bilong Ner i kam long king na king i salim em go pinis na Abner i go wantaim bel isi."

03/24.txt

@@ -0,0 +1 @@
+\v 24 Orait Joab i kam long king na i tok, "Yu bin mekim wanem samting? Lukim, Abner i kam long yu! Bilong wanem na yu bin salim em i go na em go pinis? \v 25 Ating yu no save olsem Abner pikinini man bilong Ner i kam giamanim yu long luksave long tingting bilong yu na lainim olgeta samting yu save mekim?" \v 26 Taim Joab i lusim Devit, em i salim man bilong givim toksave long Abner na ol i go kisim em i kam bek taim em i kamap long hul wara bilong Sira. Tasol Devit i no save long dispela.

03/27.txt

@@ -0,0 +1 @@
+\v 27 Taim Abner i go bek long Hebron, Joap i kisim em i go namel long dua bilong biktaun na toktok isi wantaim em. Long hap Joap i sutim bel bilong em wantaim bainat na kilim em i dai. Long dispela as, Joab i bekim blut bilong brata bilong en Asahel.

03/28.txt

@@ -0,0 +1 @@
+\v 28 Taim Devit i harim dispela em i tok, "Mi wantaim kingdom bilong mi i no gat asua long ai bilong God Yawe i save stap oltaim long blut bilong Abner pikinini man bilong Ner. \v 29 Larim asua bilong dai bilong Abner i stap antap long Joap na ol lain long haus bilong papa bilong en. Bai nogat wanpela long famili bilong Joap bai abrus long kisim leprosi o sua long skin na lek nogut i mas wokabaut wantaim stik o ol bai kilim long bainat o ol bai nogat kaikai." \v 30 Olsem naJoap wantaim brata bilong en Abisai i kilim Abner, long wanem Abner i kilim Asahel, brata bilong tupela insait long pait long Gibion .

03/31.txt

@@ -0,0 +1 @@
+\v 31 Devit i tokim Joap na olgeta manmeri i stap wantaim em, "Yupela i mas brukim klos na putim klos i bruk pinis na soim sori na krai long Abner. Na King Devit i wokabaut bihain tru long ol , long taim bilong planim em. \v 32 Ol i planim Abner long Hebron. King Devit i bikmaus na krai long matmat bilong Abner na olgeta manmeri tu i krai.

03/33.txt

@@ -0,0 +1 @@
+\v 33 Na king i krai sori long Abner na i mekim dispela song, "Olsem wanem bai Abner i dai olsem longlong man i dai? \v 34 Ol i no bin pasim han bilong yu. Lek bilong yu ol i no bin taitim long sen. Wankain olsem man i save dai long han bilong ol man nogut," Na ol manmeri i krai gen long em.

03/35.txt

@@ -0,0 +1 @@
+\v 35 Na olgeta manmeri i tokim Devit long kaikai long taim san i stap yet, tasol Devit i mekim tok promis, "Sapos mi kisim kaikai taim san i no go daun yet, God i ken bagarapim mi." \v 36 Olgeta manmeri i lukim sori bilong Devit na ol i laikim tru, long wanem olgeta samting king i mekim ol i save amamas long em.

03/37.txt

@@ -0,0 +1 @@
+\v 37 Long dispela taim olgeta manmeri bilong Israel i luksave olsem dispela em i no laik bilong Devit long kilim Abner pikinini man bilong Ner. \v 38 Na king i tokim ol wokman bilong en,"Ating yupela i no save olsem pikinini man bilong king na wanpela gutpela man tru i bin kisim bagarap long dispela dei long Israel? \v 39 Olsem na nau mi nogat strong, maski God i makim mi stap king. Dispela ol man, ol pikinini man bilong Jeruia, i givim pein long mi. Larim God Yawe i bekim pasin nogut bilong em."

04/01.txt

@@ -0,0 +1 @@
+\v 1 Taim Isboset, pikinini bilong Sol, i harim olsem Abna i dai pinis long Hebron, olgeta strong bilong em i pinis, dispela i givim hevi long olgeta hap bilong Israel. \v 2 Nau pikinini bilong sol igat tupela man husait istap kepten bilong ol ami. Nem bilong tupela em Bana na Rekab, tupela i pikinini bilong Rimon bilong ples Berot long lain Bensamin ol Berot em ol lain Bensamin, \v 3 na ol Berot i ranawe igo long ples Gitaim na ol i stap long hap inap long nau.

04/04.txt

@@ -0,0 +1 @@
+\v 4 Na Jonatan, pikinini bilong Sol i gat wanpela pikinini man na em lek nogut. Em i gat 5pela kismas taim em i harim stori bilong Sol na Jonatan long ol lain Jesril. Meri i save lukautim em i apim em na i laik ranawe. tasol taim em i ranawe, pikinini bilong Jonatan i pundaun long han bilong em na stap lek nogut olgeta. Nem bilong em Isboset.

04/05.txt

@@ -0,0 +1 @@
+\v 5 Olsem na ol pikinini bilong Rimon bilong ples Berot, em Rekab na Bana, i bin wokabaut taim san i hat tumas long dispela de na ol i kamap long haus bilong Isboset, taim em i malolo istap long apinun. \v 6 Meri i save was long dua i slip i dai tru bihain long em i bin rausim skin bilong wit, Rekap na Bana i wokabaut isi tru na  abrusim em. \v 7 Taim ol i go insait long haus, ol i go holim em na kilim em taim em i slip long bet long rum bilong em. Na ol i katim het bilong em na karim igo, long dispela nait yet ol i bihanim rot i go na kamap long Araba.

04/08.txt

@@ -0,0 +1 @@
+\v 8 Na ol i kisim het bilong Isboset i go long Devit long Hebron na   tokim king olsem, ''Lukim, dispela em het bilong Isboset pikinini bilong Sol, birua bilong yu, husait i save mekim nogut long yu. Nau long dispela de God Yawe i mekim bosman bilong mipela dispela  king long daunim Sol wantaim ol tumbuna bilong em.'' \v 9 Devit i bekim tok bilong Rekab na Bana brata bilong em, ol pikinini bilong Rimon bilong ples Berot; em i tok olsem long ol,  God Yawe husait i save stap laip, i helpim mi na rausim mi long planti hevi, \v 10 taim ol man i tokim mi, 'Lukim, Sol i dai pinis,' em i ting olsem em i bringim gutpela nius, mi bin holim em na kilim em long Siklak. Mi bekim dispela pei long em taim mi harim dispela stori

04/11.txt

@@ -0,0 +1 @@
+\v 11 Hamas taim moa, ol man bilong mekim pasin nogut i kilim man i nogat rong i slip long haus bilong em, mi no inap tingim blut bilong em i bin pundaun antap long han bilong yu na bai mi rausim yu long dispela graun?'' \v 12 Na Devit i givim oda long ol yangpela man na ol i kilim dispela tupela man na katim han na lek bilong ol na i hangamapim ol arere long raun wara Hebron. Tasol ol i kisim het bilong Isboset na planim em long matmat bilong Abna long Hebron.

05/01.txt

@@ -0,0 +1 @@
+\v 1 Orait, olgeta lain Israel i kam lukim David long Hebron na ol i tok, "Lukim mipela i wanblut bilong yu stret. \v 2 Long sampela taim i go pinis, taim Sol i stap King bilong mipela, yu tasol i go pas na kisim ol soldia bilong Israel i go long pait. Na God Yawe i tokim yu, 'Yu bai kamap wasman bilong ol manmeri bilong mi Israel, na yu bai kamap bikman bilong ol na lukautim Israel."

05/03.txt

@@ -0,0 +1 @@
+\v 3 Olsem na olgeta bikpela man bilong Israel i kam bilong lukim king long Hebron, na King David i tokaut na mekim kontrak wantaim ol long ai bilong God Yawe. Na ol i kapsaitim wel long het bilong makim em i kamap king bilong Israel. \v 4 David i gat 30 krismas taim em i kamap king na i stap king bilong Israel inap 40 krismas olgeta. \v 5 Long Hebron em i stap king bilong Juda inap 7pela yia na 6pela mun olgeta na long Jerusalem em i stap king inap 33 yia na i bosim olgeta lain Israel na Juda wantaim.

05/06.txt

@@ -0,0 +1 @@
+\v 6 Wanpela taim King wantaim ol soldia bilong em i go long Jerusalem bilong pait wantaim ol lain Jebu, ol asples bilong graun i stap long Jerusalem. Ol i tokim King David, "Yu bai i no inap kam long hia, maski ol ai pas na lek nogut inap long pasim rot bilong yu. Ol i mekim olsem bilong David i no ken kam insait long taun bilong ol." \v 7 Tasol tok bilong ol i popaia, David i pait strong na winim dispela taun i gat strongpela banis. Em dispela taun Saion. Na bihain ol manmeri i kolim olsem taun bilong David.

05/08.txt

@@ -0,0 +1 @@
+\v 8 Long dispela taim David i tok, "Sapos mipela i laik i go pait long ol Jebu, orait, mipela i mas go olsem long hul ol Jebu i save i go i kam bilong kisim wara bilong kamap long ples ol lek nogut na ai pas i stap, husait i birua bilong David." Long wanem ol i tingim yet dispela tok, "Ol lain ai pas na lek nogut i no ken i go insait long haus bilong king." \v 9 Olsem na David i stap long Jerusalem long taun i gat strongpela banis na ol i kolim olsem taun bilong David. Em i tok na ol i wokim ol haus i raunim dispela taun. Ol i wokim ol i dispela haus long dispela ples ol i bin pulimapim graun long wanpela hap ples daun. \v 10 David i kamap strongpela king long wanem God Yawe, em God i gat olgeta strong i stap wantaim em.

05/11.txt

@@ -0,0 +1 @@
+\v 11 Na bihain Hiram King bilong Tair i salim ol ofisa bilong bringim tok i go long David, wantaim ol gutpela diwai sida na ol kapenta bilong wokim haus na ol saveman bilong katim ston bilong ol i ken wokim haus bilong King David. \v 12 David i save God Yawe i makim em i kamap king bilong Israel. Na em i lukim ol dispela strong bilong God Yawe bilong tingim ol lain Israel, em ol manmeri bilong em yet.

05/13.txt

@@ -0,0 +1 @@
+\v 13 Bihain long taim David i lusim Hebron na i go kamap long Jerusalem, em i maritim planti ol meri na ol namba tu lain meri bilong em long Jerusalem. Na i kamapim planti moa pikinini man na meri. \v 14 Ol nem bilong pikinini David i kamapim long Jerusalem i olsem; Samua, Sobab, Natan, Solomon, \v 15 Iphar, Elisua, Nefek, Jafia, \v 16 Elisama, Eliada na Elifelet.

05/17.txt

@@ -0,0 +1 @@
+\v 17 Nau taim ol Filistia i harim olsem ol Israel i makim David olsem king bilong ol, olgeta i go long pait wantaim em. Tasol David i harim tok long ol manmeri i kam long pait wantaim em olsem na em i lusim na i go long taun i gat strongpela banis. \v 18 Nau ol Filistia i kam kamap na inapim olgeta hap bilong ples daun Refaim.

05/19.txt

@@ -0,0 +1 @@
+\v 19 Bihain David i askim God Yawe long helpim em. Em i tok, "Inap mi go pait wantaim ol Filistia? Bai yu mekim mi i winim pait wantaim ol o nogat?" God Yawe i tokim David, "Yu ken i go pait na bagarapim ol long wanem mi bai putim ol Filistia i kam long han bilong yu na bai yu winim ol tru." \v 20 Olsem na David i go pait wantaim ol Filistia long ples Bal Perasim na long dispela ples em i winim ol long pait. Em i tok, "God Yawe i brukim namel long ol birua bilong mi olsem bikpela tait wara." Olsem na ol i kolim nem bilong dispela ples olsem Bal Perasim. \v 21 Ol Filistia i lusim ol god giaman long dispela ples na David wantaim ol soldia bilong en i kisim ol dispela samting na karim i go.

05/22.txt

@@ -0,0 +1 @@
+\v 22 Orait ol Filistia i kam bek gen na kwiktaim inapim olgeta hap ples daun bilong Refaim. \v 23 Olsem na David i askim God Yawe long helpim em gen na God Yawe i tokim em, "Yupela i go pait long ol, tasol yupela i no ken i go stret long ol. Tasol yupela i go raunim long baksait bilong ol na kam olsem namel long ol diwai balsam i sanap long en.

05/24.txt

@@ -0,0 +1 @@
+\v 24 Taim yupela harim olsem nois bilong ol man i wokabaut antap long het bilong ol diwai balsam, orait yupela i go pait strong. Yupela mekim olsem long wanem God Yawe bai i go pas long yupela long pait wantaim ol ami bilong Filistia." \v 25 Olsem na David i mekim olsem God Yawe i tokim em long mekim. Em i kilim olgeta Filistia long taun Geba i go olgeta long taun Geser.

06/01.txt

@@ -0,0 +1 @@
+\v 1 Devit i bungim gen 30 000 man bilong Israel i save long pait. \v 2 Davit i kisim ol i go wantaim em long Bala bilong Juda bilong kisim bokis kontrak bilong God. Dispela bokis kontrak ol i save kolim God Yawe i gat olgeta strong. Bokis igat piksa bilong tupela ensel antap long en i olsem sia king bilong Bikpela.

06/03.txt

@@ -0,0 +1 @@
+\v 3 Ol i go long haus bilong Abinadab i stap antap long liklik maunten na kisim bokis kontrak bilong God na putim antap long wanpela nupela karis. Usa na Ahio tupela pikinini man bilong Abinadab i wok long bihainim na was long dispela nupela karis igo. \v 4 Ol i kisim karis i karim bokis kontrak bilong God long haus bilong Abinadab istap antap long liklik maunten. Ahio i wokabaut igo pas long bokis kontrak. \v 5 Na Davit wantaim olgeta Israel i singsing na mekim musik wantaim ol kain kain samting bilong mekim musik na litimapim nem bilong God Yawe.

06/06.txt

@@ -0,0 +1 @@
+\v 6 Taim ol i kamap long wanpela hap ples bilong rausim skin bilong wit long graun bilong wanpela man nem bilong em Nakon. Long dispela hap, bulmakau klostu i laik pundaun na i mekim bokis kontrak klostu i laik pundaun tu na Usa i putim han bilong em na i holim bokis kontrak bilong God. \v 7 Na God Yawe i belhat long Usa na kilim em long sin bilong em na Usa i dai klostu long bokis kontrak bilong God.

06/08.txt

@@ -0,0 +1 @@
+\v 8 God Yawe i kilim Usa olsem na Devit i kros na em i kolim nem bilong dispela ples Peres Usa. Nau tu ol i kolim Peres Usa yet. \v 9 Long dispela dei Devit i pret long God Yawe na em i tok, ''Olsem wanem bai kontrak bokis bilong God Yawe i kam long mi?''

06/10.txt

@@ -0,0 +1 @@
+\v 10 Olsem na Devit i no laik kisim bokis kontrak bilong God Yawe igo wantaim insait long taun bilong Devit. Em i lusim istap long haus bilong Obet Idom bilong Gitait. \v 11 Bokis kontrak bilong God Yawe i stap long haus bilong Obet Idom bilong Gitait inap tripela mun. Olsem na God Yawe i blessim em wantaim olgeta lain bilong em.

06/12.txt

@@ -0,0 +1 @@
+\v 12 King Devit i harim olsem, ''God Yawe i blessim lain bilong Obed Idom na olgeta samting bilong em, Long wanem bokis kontrak bilong God i stap wantaim em.'' Olsem na Devit i go na kisim bokis kontrak bilong God long haus bilong Obed Idom i go long taun bilong Devit wantaim amamas. \v 13 Ol man i karim bokis kontrak bilong God Yawe na taim ol i stat long wokabaut na tromoi lek 6 - pela taim, em i wokim ofa bilong wanpela bulmakau man na yangpela patpela bulmakau.

06/14.txt

@@ -0,0 +1 @@
+\v 14 Devit i pasim wanpela linen laplap bilong pris na i danis wantaim olgeta strong bilong em na litimapim God Yawe. \v 15 Devit wantaim olgeta Israel i kisim bokis kontrrak bilong God Yawe wantaim singaut bikmaus na nois bilong ol trampet.

06/16.txt

@@ -0,0 +1 @@
+\v 16 Taim bokis kontrak bilong God Yawe i kam insait long taun bilong Devit, Mikal pikinini meri bilong Sol i sanap long windua na i lukim ol. Em i lukim King Devit i kalap na danis long God Yawe na em i no amamas na em i bel nogut long em. \v 17 Ol i kisim bokis kontrak bilong God Yawe i go insait na putim long ples bilong en namel long haus sel Devit i bin sanapim na Devit i wokim ofa bilong paia i kukim olgeta na ofa bilong kamap wanbel i go long God Yawe.

06/18.txt

@@ -0,0 +1 @@
+\v 18 Taim Devit i wokim ofa biong paia i kukim olgeta na ofa bilong kamapim wanbel pinis na em i givim blessing long ol manmeri long nem bilong God Yawe i gat olgeta strong. \v 19 Devit i tilim kaikai long olgeta manmeri bilong Israel. Long ol man na ol meri, em i givim wanpela bret na hap mit na sampela pikinini wain ol i draim pinis. Orait olgeta manmeri i go bek long ples bilong ol.

06/20.txt

@@ -0,0 +1 @@
+\v 20 Devit i go bek long haus long mekim gut long family bilong em. Mikal, pikinini meri bilong Sol i kam ausait long haus long bungim Devit na i tok olsem, '' Nau, King bilong Israel i kisim biknem na i rausim klos na soim em yet long ai bilong ol wokmeri nating namel long ol ofisa biong em yet, olsem wanpela man i nogat gutpela tingting na i nogat sem long rausim klos bilong em yet.''

06/21.txt

@@ -0,0 +1 @@
+\v 21 Devit i bekim tok bilong Mikal olsem, ''Mi mekim dispela long litimapim God Yawe, em i bin makim mi bilong senisim papa bilong yu na ol family bilong em. Em i makim mi long kamap hetman bilong ol Israel em ol manmeri bilong God Yawe. Bai mi amamas na litimapim nem bilong God Yawe. \v 22 Bai mi daunim nem bilong mi moa yet na kamap samting nating long ai bilong mi yet. Tasol ol dispela wokmeri nating yu toktok long ol, bai ol i givim biknem long mi.'' \v 23 Olsem na Mikal pikinini meri bilong Sol i no karim pikinini i go inap em idai.

07/01.txt

@@ -0,0 +1 @@
+\v 1 Bihain long God Yawe mekim king Devit i winim pait long ol birua em sindaun gut long haus bilong em, \v 2 king tokim profet Natan, " Yu lukim, mi stap long gutpela haus ol i wokim long diwai sida, tasol kontrak bokis bilong God Yawe i stap autsait namel long haus sel."

07/03.txt

@@ -0,0 +1 @@
+\v 3 Na Natan tokim king, " Yu go na mekim wanen tingting stap long bel bilong yu, long wanem God Yawe i stap wantaim yu" \v 4 Tasol long dispela nait yet tok bilong God Yawe kam long Natan, na tok olsem, \v 5 "  Go na tokim Devit wokman bilong mi, ' God Yawe i tok: Bai yu wokim haus bilong mi long stap insait long em?

07/06.txt

@@ -0,0 +1 @@
+\v 6 Long wanem Mi no save stap long haus i kam inap nau taim mi kisim ol manmeri bilong Israel i lusim Isip na kam, Mi save raun tasol long sel haus bilong lotu. \v 7 Long olgeta hap mi raun wantaim ol manmeri bilong Israel, mi no save tok long wanpela wasman mi makim long was long ol manmeri bilong Israel na tok, " Bilong wanem na yupela i no wokim haus bilong mi long diwai sida?"

07/08.txt

@@ -0,0 +1 @@
+\v 8 Orait nau, tokim wokman bilong mi Devit, " Dispela tok God Yawe i gat olgeta strong i tok: ' Mi kisim yu kam aut long ples ol sipsip i save kaikai gras long en, yu save bihainim ol sipsip raun na mi makim yu long bai yu stap wasman bilong ol manmeri bilong mi Israel. \v 9 Wanem hap yu i go mi bin stap wantaim yu. Mi rausim na pinisim tru olgeta birua bilong yu. Nau bai mi mekim nem bilong yu i kamap bikpela tru, olsem ol nem bilong ol arapela bikman bilong dispela graun.

07/10.txt

@@ -0,0 +1 @@
+\v 10 Bai mi makim ples bilong ol manmeri bilong mi Israel na putim ol stap long hap, na ol inap long sindaun long ples bilong ol yet na bai nogat hevi moa. Ol man nogut i no inap givim hevi long ol, olsem ol i save mekim long ol bipo, \v 11 olsem ol i save mekim bipo taim mi tokim ol hetman long lukautim ol manmeri bilong mi Israel. Nau bai mi givim malolo long yu ol birua bai i no inap karim pait i kam. Mi, God Yawe tokaut long yu olsem bai mi wokim haus bilong yu.

07/12.txt

@@ -0,0 +1 @@
+\v 12 Taim yu kamap lapun na dai i go stap wantaim ol lain tumbuna bilong yu, bai mi makim wanpela tumbuna bihain long yu, em bai i wan blut bilong yu, na bai mi mekim em stap king bilong olgeta lain manmeri. \v 13 Em bai wokim haus bilong nem bilong mi, na bai mi mekim sia king bilong em i stap i go longpela taim tru. \v 14 Bai mi stap papa bilong em, na em bai stap pikinini bilong mi. Taim em i mekim sin, bai mi stretim em wantaim kanda bilong ol man na paitim em wantaim wip ol man i save mekim long ol pikinini man bilong ol.

07/15.txt

@@ -0,0 +1 @@
+\v 15 Tasol mi tingim kontrak bilong mi na mi noken lusim em, olsem mi bin kisim bek long Sol, husait mi bin rausim em pastaim long yu. \v 16 Famili lain bilong yu na ol manmeri stap aninit long yu bai i stap oltaim aninit long yu wanpela tasol. Sia king bilong yu bai stap oltaim."' \v 17 Natan toktok long Devit na tokim em olgeta tok, na i tokim em olgeta samting em i bin lukim long driman.

07/18.txt

@@ -0,0 +1 @@
+\v 18 Na king Devit go insait na sindaun long pes billong God Yawe na em i tok, " Mi husait, God Yawe na famili bilong mi em ol i wanem na yu kisim mi kam long dispela hap? \v 19 Na nau dispela em liklik samting long ai bilong yu, Bikpela God Yawe. Yu bin tok pinis long famili bilong wokman bilong yu longwe yet long kamap, olsem na yu soim mi pinis ol lain manmeri bai i kamap bihain tu, Bikpela God Yawe! \v 20 Bikpela God Yawe, wanem moa mi Devit, bai tokim yu? Yu save pinis long wokman bilong yu,

07/21.txt

@@ -0,0 +1 @@
+\v 21 Long strongim tok bilong yu, na long inapim tingting bilong yu, yu bin mekim dispela bikpela samting na yu mekim kamap ples klia long ai bilong wokman bilong yu. \v 22 Olsem na yu nambawan, Bikpela God Yawe, long wanem i nogat wanpela i olsem yu, na i nogat wanpela God i olsem yu i stap, olsem mipela i bin harim long ia bilong mipela yet. \v 23 Wanem ol lain manmeri i olsem ol lain manmeri bilong yu Israel, wanpela lain manmeri long graun, yu God Yawe i bin go na kisim ol i kamap manmeri bilong yu yet? Yu mekim olsem inap long ol manmeri i kamap lain bilong yu yet, long kamapim nem bilong yu yet, na long mekim ol bikpela na ol narakain samting long graun bilong yu. Yu bin rausim ol manmeri na ol giaman god bilong ol long ai bilong ol manmeri bilong yu, em ol manmeri yu bin kisim ol i kam aut long Isip,

07/24.txt

@@ -0,0 +1 @@
+\v 24 Yu mekim na olgeta manmeri bilong Israel i kamap ol manmeri bilong yu yet olgeta na yu, God Yawe kamap God bilong ol. \v 25 Olsem nau, God Yawe promis yu bin mekim long wokman na famili bilong em i ken kamap na stap oltaim. Mekim olsem yu bin tok pinis. \v 26 Larim biknem bilong yu ken i stap antap oltaim, na ol manmeri bai i tok, ' God Yawe i gat olgeta strong em God bilong Israel,' taim famili lain bilong mi, Devit, wokman billong yu bai i stap oltaim long ai bilong yu.

07/27.txt

@@ -0,0 +1 @@
+\v 27 Long yu, God Yawe i gat olgeta strong, God Yawe bilong ol Israel, i kamap ples klia long wokman bilong yu olsem yu bai wokim haus bilong em. Long dispela as mi, wokman bilong yu i kisim strong long beten long yu, \v 28 Bikpela God Yawe, yu God, na ol tok bilong yu i tru tasol, yu bin mekim gutpela promis long wokman bilong yu. \v 29 Orait, yu ken bel isi long blesim famili bilong mi wokman bilong yu, long dispela as wok bilong yu i ken go moa yet long ai bilong yu. Bikpela God Yawe, wantaim gutpela pasin bilong yu mekim gut long famili bilong wokman bilong yu oltaim.

08/01.txt

@@ -0,0 +1 @@
+\v 1 Bihain long dispela, Davit i pait na winim ol Filistia na Davit i kisim Metheg Ammah long han bilong ol Filitia.

08/02.txt

@@ -0,0 +1 @@
+\v 2 Na bihain em i winim ol Moab,em i putim lain na mekim ol i brukim het,Em i makim tupeia lain makim sait bilong dai na narapela makim long istap laip.olsem na ol Moabites kamap wokboi bilong Davit na givim gutpela tok igo long em.

08/03.txt

@@ -0,0 +1 @@
+\v 3 Davit i winim Hadadezer pikinini bilong Rehob em i king bilong Zobah,taim Hadadezer i wakabaut raunim wara Euphrates na givim tok stia. \v 4 Devit i kisim 1700 karis na 20,000 soldia. Devit i kisim 100 hos tasol na em i bagarapim lek bilong olgeta hos bai ol i no gat strong

08/05.txt

@@ -0,0 +1 @@
+\v 5 Taim ol Aram bilong Damaskus i kam long helpim Hadadisa king bilong Zoba, Devit i kilim 22,000 bilong ol Aram. \v 6 Na Devit i putim ol soldia bilong em long olgeta hap long Aram bilong Damaskus na ol Aram i stap aninit long em na givim takis igo long em. Wanem hap Devit i go, God Yawe i save helpim em.

08/07.txt

@@ -0,0 +1 @@
+\v 7 Devit i kisim ol hap palang ol i wokim long gol long ol wokman bilong Hadadesa na kisim i go long Jerusalem. \v 8 King Devit i kisim planti brons moa long Tebah na Berotai em ol biktaun bilong Hadadesa.

08/09.txt

@@ -0,0 +1 @@
+\v 9 Taim Tou king bilong Hamat i harim olsem Devit i winim ol ami bilong Hadadesa, \v 10 Tou i salim Hadoram,em pikinini man bilong em, i go long King Devit long givim tok amamas long em na givim ol samting olsem silva, gol na brons long em, long wanem, Devit i pait wantaim Hadadesa na i winim em na Hadadesa i bin birua long Tou.

08/11.txt

@@ -0,0 +1 @@
+\v 11 King Devit i makim ol dispela samting bilong God Yawe wantaim ol silva na gol bilong ol narapela kantri em i bin pait wantaim ol na winim ol, \v 12 bilong Aram, Moab na ol lain bilong Amon na ol Filistia na Amelek wantaim olgeta samting bilong Hadadesa pikinini man bilong Rehob, king bilong Zobah.

08/13.txt

@@ -0,0 +1 @@
+\v 13 Nem bilong Devit i kamap bikpela taim em i go pait na kilim 18,000 man na i winim ol Aram long ples daun i gat sol. \v 14 Em i putim ol soldia long olgeta hap bilong Idom na ol Idom i stap aninit long em. Long wanem hap Devit igo pait God Yawe i save helpim em.

08/15.txt

@@ -0,0 +1 @@
+\v 15 Devit i stap king na i bosim olgeta Israel na em i mekim stretpela kot na stretpela pasin long olgeta manmeri bilong em. \v 16 Joab pikinini man bilong Zeruai i stap nambawan kepten bilong ami na Jehosafat pikinini man bilong Ahilud i stap kuskus. \v 17 Zadok pikinini bilong Ahitub na Ahimelek pikinini bilong Abiata ol i stap pris na Seraia i stap saveman bilong lo. \v 18 Bennaia pikinini bilong Jeoaiada i lukautim ol Keretait na ol Peletait na ol pikinini bilong Devit i stap ol namba wan ofisa bilong king.

09/01.txt

@@ -0,0 +1 @@
+\v 1 David i tok, "I gat sampela man moa i stap yet long lain famili bilong Saul em mi ken soim laikim na mekim gut long Jonatan olsem em i bin mekim?" \v 2 I gat wanpela wokboi  i stap long lain famili bilong Saul, nem bilong em Siba, na ol i singautim em i go long David. Na king i tokim em, "Ating yu Siba?" Na em i bekim, "Yes, Mi tasol wokboi bilong yu.

09/03.txt

@@ -0,0 +1 @@
+\v 3 Olsem na King i tok,"I gat sampela man moa i stap yet long famili bilong Saul em mi ken soim laikim bilong God ?" Siba i bekim tok bilong king, "Jonatan i gat pikinini man, tupela lek bilong em i bagarap. \v 4 Na King i tokim em, "Em i stap we?" Siba i bekim tok bilong king, "Lukim, em i stap insait long haus bilong Makir pikinini man bilong Ammiel long ples Lo Debar."

09/05.txt

@@ -0,0 +1 @@
+\v 5 Na bihain King David i salim Siba i go na kisim em i kam aut long haus bilong Makir pikinini man bilong Ammiel bilong ples Lo Debar. \v 6 Olsem na Mefiboset pikinini bilong Jonatan em pikinini bilong Saul, kam long David na putim pes i go daun long graun long givim biknem long David. David i tok, "Mefiboset." Em i bekim, "Lukim, Mi wokboi bilong yu!"

09/07.txt

@@ -0,0 +1 @@
+\v 7 David i tokim Mefiboset, "Yu noken pret, long wanem bai mi  soim yu belgut na marimari bilong Jonatan papa bilong yu i bin mekim, na bai mi givim yu bek olgeta graun bilong Saul tumbuna papa, na yu bai oltaim kaikai long tebol bilong mi." \v 8 Mefiboset i putim pes i go daun na i tok, "Wanem em wokboi bilong yu, olsem na yu mas lukluk wantaim laikim antap long kain samting olsem i dai dok olsem mi?"

09/09.txt

@@ -0,0 +1 @@
+\v 9 Nau King i singautim Siba, wokboi bilong Saul, na tokim em,"Olgeta samting bilong Saul na ol famili bilong em mi bin givim i go long bosman bilong yu na ol tumbuna pikinini bilong em. \v 10 Yu wantaim ol pikinini bilong yu, na ol wokboi bilong yu mas tilim graun i go long em na yu mas kamautim kaikai, olsem na bosman bilong yu na ol tumbuna pikinini bai i gat kaikai long kaikai. Long Mefiboset, tumbuna pikinini bilong bosman bilong yu, mas oltaim kaikai long tebol bilong mi." Nau Siba i gat 15pela pikinini man na 20pela wokboi.

09/11.txt

@@ -0,0 +1 @@
+\v 11 Nau Siba i tokim King, "Wokboi bilong yu bai mekim olgeta samting olsem bosman bilong mi em i king na i toktok strong long ol wokboi bilong em." Na king i tok moa olsem, "Olsem long Mefiboset em bai kaikai long tebol bilong mi, olsem wanpela pikinini man bilong king." \v 12 Mefiboset i gat yangpela pikinini man nem bilong em Mika. Olgeta man husait i stap long haus bilong Siba, ol i olsem wokboi bilong Mefiboset. \v 13 Olsem na Mefiboset i stap long Jerusalem, na em oltaim i kaikai long tebol bilong king na tupela lek bilong em i bin bagarap pinis.

10/01.txt

@@ -0,0 +1 @@
+\v 1 Bihain em i kamap olsem king bilong lain manmeri bilong Amon i dai na pikinini bilong em Hanun i kisim ples bilong em na i kamap king. \v 2 David i tok, "Mi bai mi mekim gut bel bilong Hanun pikinini bilong Nahas, olsem papa bilong en i bin mekim gut long mi." Olsem na David i salim wokman bilong em long strongim Hanun tingim papa bilong em. Ol wokman bilong em i go insait long graun bilong ol lain manmeri bilong Amon. \v 3 Tasol ol lida bilong ol lain manmeri bilong Amon i tok long Hanun masta bilong ol olsem, " Yu ting olsem David i hamamas long papa bilong yu long wanem em i bin salim ol man long strongim yu? O David em i no bin salim ol wokman bilong em i kam long yu long was long biktaun, long lukluk na spai, inap long winim yu?"

10/04.txt

@@ -0,0 +1 @@
+\v 4 Olsem na Hanun i kisim wokman bilong David na em i katim hap maus gras bilong ol, katim klos i kam antap inap long as bilong ol na em i salim ol i go. \v 5 Taim ol i stori long ol dispela samting i kamap long David, em i salim ol man i go long bungim ol, long wanem ol man i sam nogut tru. King i tok, "Stap long Jeriko inap long maus gras i gro gen na bihain bai yupela go."

10/06.txt

@@ -0,0 +1 @@
+\v 6 Taim ol manmeri bilong Amon i lukim dispela pasin nogut ol i mekim long David, ol manmeri bilong Amon i salim ol man bilong karim tok raun na baim ol Aramea long Bet Reob na Soba, inap long mak bilong 20, 000 lek nating ol soldia na king bilong Maka wantaim 1,000 ol man na ol man bilong Tob wantaim 12,000 ol man. \v 7 Taim David i harim dispela tok, em i salim Joab wantaim olgeta ami bilong soldia bilong em. \v 8 Ol Amon i kam na sanap long lain redi long pait long banis bilong dua bilong biktaun, tasol ol Aramea bilong Soba na Reob na ol man bilong Tob na Maka, ol sanap long ol yet long bikpela graun.

10/09.txt

@@ -0,0 +1 @@
+\v 9 Taim Joab i lukim dispela ol man i sanap long lain long pait i raunim ol long olgeta hap, em makim sampela strongpela ol soldia bilong Israel long pait na em i stretim ol long pait wantaim ol Aramea. \v 10 Sampela manmeri em i putim ol long han bilong Habisa brata bilong em na em i makim ol na givim posisen long pait wantaim ol ami bilong Amon.