tpi_2ch_text_reg_lvl1/31/09.txt

\v 9 Orait Hesekia i askim ol pris na Livai long ol dispela ol samting ol i bungim. \v 10 Hetpris Asaria bilong lain bilong Sadok, i bekim tok bilong em olsem.''Taim ol manmeri i kisim ol ofa bilong ol i kam long haus bilong God Yawe, mipela i kaikai na i pulap, na planti moa i stap yet, long wanem God Yawe i blesim ol manmeri bilong em olsem na dispela hap i stap yet'' \v 11 Orait Hesekia i tokim ol long redim bakstua insait long haus bilong God Yawe, olsem na ol i redim. \v 12 Orait ol i bungim olgeta samting bilong ofa, ol namba ten hap na ol samting ol i makim bilong God Yawe. Konania bilong Livai i bosim dispela wok na brata bilong em Simei em i stap namba-tu bilong en. \v 13 Jehiel, Asasia, Nahat, Asael, Josabat, Eliel, Ismakia, Mahat na Benaia ol i wok aninit long Konania na Simei brata bilong en, olsem king Hesekia i bin makim na Asaria ofisa bilong haus bilong God.