tpi_2ch_text_reg_lvl1/30/07.txt

\v 7 Yupela i noken kamap olsem ol tumbuna bilong yupela o ol brata bilong yupela, ol i bin brukim ol lo bilong God Yawe, God bilong tumbuna bilong ol, olsem na em i mekim ol arapela lain manmeri i kamap birua bilong ol na mekim nogut long ol na tok baksait long ol, nau yupela i ken lukim long ai bilong yupela. \v 8 Nau yupela i noken strongim bel bilong yupela olsem bipo ol tumbuna bilong yupela ol i bin mekim, tasol yupela i harim tok bilong God Yawe na kam insait long haus holi bilong em i stap oltaim na lotuim God bilong yupela, God Yawe, na em bai i no inap kros na belhat nogut long yupela. \v 9 Sapos yupela i tanim na kam bek long God Yawe, ol lain husait i bin kisim ol brata na ol pikinini bilong yupela i go olsem ol kalabus manmeri ol bai i sori long ol na larim ol i kam bek hia long graun bilong ol. God Yawe, God bilong yupela em i God bilong marimari na sori, em bai i no inap givim baksait long yupela, sapos yupela i kam bek long em.''