tpi_2ch_text_reg_lvl1/30/01.txt

\v 1 Hesekia i salim tok long olgeta manmeri long Israel na Juda na tu em i raitim ol pas i go long ol manmeri long Efraim na Manase, olsem ol i mas kam long haus bilong God Yawe long Jerusalem, long mekim kaikai na amamas long bikpela de bilong tingim de God i larim ol Israel stap gut, God bilong ol Israel. \v 2 Long wanem king wantaim ol ofisa na olgeta manmeri long Jerusalem i kam bung na pasim tok long mekim kaikai na amamas long bikpela de bilong tingim de God i larim ol Israel i stap gut long namba tu mun. \v 3 Ol i no inap long mekim kaikai na amamas long de na mun ol i bin makim pinis long mekim long wanwan yia, long wanem planti ol pris ol i no givim ol yet i go olgeta long God Yawe na ol i no stap klin long mekim wok pris na ol manmeri i no kam bung wantaim long Jerusalem.