tpi_2ch_text_reg_lvl1/21/18.txt

\v 18 Bihain long ol dispela, God i givim sik long em insait long bel rop bilong em wantaim sik we i no gat marasin bilong em. \v 19 Bihain long tupela krismas, taim bilong em i kamap, nau dispela sik nogut i mekim bel rop bilong em i kam aut na pundaun na em i dai long dispela sik nogut. Ol manmeri bilong em i tingim em na i no mekim paia wankain olsem ol i save wokim long ol tumbuna bilong em. \v 20 Em i bin kamap king taim em i 32 krismas, em i lukautim na stap long Jerusalem inap long 8-pela krismas na taim em i dai i no gat wanpela manmeri i sore long em. Ol i planim em long biktaun bilong Devit, tasol i no insait long ples matmat bilong ol king.