tpi_2ch_text_reg_lvl1/14/01.txt

\v 1 King Abiya i dai na ol i planim em long taun bilong Devit. Na pikinini man bilong en, Asa, i kisim ples bilong em na kamap king. Long graun bilong em yet taim Asa i bosim kantri Juda i no gat pait i kamap inap long 10-pela yia. \v 2 Asa i mekim gutpela na strepela pasin long ai bilong God Yawe, Bikpela bilong en, \v 3 long wanem, em i rausim ol alta bilong ol god giaman bilong arapela kantri antap long ol ples maunten. Na tu em i bagarapim ol ples bilong lotu long ol giaman god na em i brukim ol pos ston i gat piksa bilong giaman god na em i katim ol pos diwai i gat piksa bilong god meri Asera. \v 4 Em i tokim ol Juda  long ol i mas strong tru long bihainim laik bilong God Yawe, Bikpela bilong tumbuna bilong ol na bihainim olgeta lo na tok bilong en.