Old Testament Level-1

01/01.txt

@@ -0,0 +1 @@
+\v 1 Solomon pikinini man bilong Devit i bin kamap strongpela king long taim bilong em na God Yawe, em God bilong em i stap wantaim em na mekim em i kisim biknem tru.

01/02.txt

@@ -0,0 +1 @@
+\v 2 Solomon i tokim olgeta lain Israel wantaim ol ofisa i go pas bilong lukautim ol 1000 na ol 100 man na ol bikman na long olgeta lain pikinini bilong king long olgeta hap bilong Israel na olgeta ol hetman bilong ol wanwan famili. \v 3 Olsem na Solomon na olgeta lain i go wantaim em long ples bilong lotu long Gibeon, long hap i gat haus sel bilong lotuim God, em Moses wokman bilong God Yawe, i bin wokim long ples drai. \v 4 Tasol Devit i kisim kontrak bokis bilong God Yawe i go pinis long Kiriat Jearim long ples em i bin redim na wokim haus sel bilong en long Jerusalem. \v 5 Antap long dispela alta bilong bras Besalel pikinini man bilong Uri na tumbuna pikinini bilong Hur i mekim long en, i stap long pes bilong haus lotu bilong God Yawe olsem na Solomon wantaim olgeta lain i go long en.

01/06.txt

@@ -0,0 +1 @@
+\v 6 Solomon i go long hap i gat alta ol i wokim long bras na long ai bilong God Yawe long sel haus bilong lotu na em i mekim 1,000 ofa bilong paia i kukim olgeta. \v 7 God i kamap long Solomon long dispela nait na i tokim em olsem, "Inap yu askim mi long wanem samting yu laik bai mi givim long yu?"

01/08.txt

@@ -0,0 +1 @@
+\v 8 Solomon i tokim God olsem, "Yu soim mi bikpela kontrak bilong stap klostu long Devit papa bilong mi na mekim mi i kamap king long ples bilong em. \v 9 Nau God Yawe, larim dispela promis bilong yu long Devit papa bilong mi bai i kamap olsem bilong wanem yu mekim mi i kamap king bilong ol manmeri planti tru olsem das bilong dispela graun. \v 10 Nau givim mi gutpela tingting na save bilong yu na mi ken lukautim ol manmeri bilong yu. \v 11 God i tokim Solomon olsem "long wanem dispela i bin stap long bel bilong yu na long wanem yu no bin askim long ol planti mani samting o laik kisim biknem o long laip bilong husait i no laikim yu o i no long yu yet i stap longpela taim long graun, tasol yu i bin askim long gutpela tingting na save long yu yet tasol, olsem bilong yu i ken bosim na lukaukim ol manmeri bilong mi na antap long ol mi bin mekim yu i kamap king na dispela em i wanem bai mi mekim.

01/12.txt

@@ -0,0 +1 @@
+\v 12 Nau bai mi givim yu gutpela tingting na save. Mi bai givim yu tu planti mani na ol samting na biknem bilong yu bai i winim ol king i kamap pastaim long yu na long ol king i kam bihain long yu. \v 13 Olsem na Solomon i kam long Jerusalem long ples bilong lotuim God long Gibeon, long pes bilong haus sel bilong lotu, em i stap king na bosim ol Israel.

01/14.txt

@@ -0,0 +1 @@
+\v 14 Solomon i bungim ol karis na ol man bilong sindaun long hos na em i gat 1,400 ol karis na ol 12,000 man bilong sindaun long hos em i putim ol i stap long biktaun bilong ol karis na i stap wantaim em, king bilong Jerusalem. \v 15 King i wokim silva na gol kamap planti long Jerusalem olsem ol ston na em i wokim diwai sida i kamap planti olsem sikamo diwai fik ol i stap long ples stret. \v 16 Long kisim ol hos i kam long Isip na Kue bilong Solomon, em i salim ol bisnis wokman bilong em i go baim long Kue. \v 17 Ol i baim na kisim karis long Isip long 6,900 kilo silva mani na hos long 1,725 kilo silva mani. Na ol i salim i go long ol king bilong ol lain Hit na ol lain Aram.

02/01.txt

@@ -0,0 +1 @@
+\v 1 Nau Solomon i givim stia toktok long wokim wanpela haus long nem bilong God Yawe bai ol manmeri i kam lotuim em na wokim haus bilong king long lukautim ol manmeri. \v 2 Solomon i givim wok long 70,000 man long karim ol hevi samting na 80,000 man olsem man bilong katim ol ston long ol bikpela maunten na 3,600 man bilong lukautim ol. \v 3 Solomon i salim tok i go long Hiram, king bilong Tair na tok, ''Bipo yu bin helpim papa bilong mi Devit na yu bin salim diwai sida long wokim haus bilong em long stap, orait yu mekim wankain pasin wantaim mi.

02/04.txt

@@ -0,0 +1 @@
+\v 4 Lukim , mi laik mekim haus long nem bilong God Yawe, God bilong mi na mekim olsem haus bilong em stret, long mipela i ken i go long dispela haus long kukim ol gutpela paura bilong kamapim smok i gat gutpela smel i go long em, na oltaim putim long ai bilong em dispela bret mipela i save givim em olsem ofa. Na mekim ofa bilong paia i kukim olgeta long moning na long apinun long ol dei Sabat na long bikpela dei bilong ol nupela mun na long ol arapela bikpela dei bilong lotu long God Yawe, God bilong mipela. Em i bin tokim mipela ol Israel long mekim olsem oltaim. \v 5 Orait dispela haus mi bai mekim em bai i bikpela tru, long wanem God bilong mipela i winim tru olgeta narapela ol god.

02/06.txt

@@ -0,0 +1 @@
+\v 6 Yumi save graun na heven em i bikpela ples tumas tasol em i no bikpela tumas long God i stap long en. Olsem na husait inap wokim wanpela haus bilong en? Na tu mi husait na bai mi mekim haus bilong en, tasol mi laik mekim dispela haus olsem ples bilong kukim paura bilong kamapim gutpela smel i go long God. \v 7 Tasol mi laik yu salim wanpela man i gat gutpela save tru long ol kain wok i kam wok wantaim gol, silva, bras, ain na long wokim ol gutpela bilas long pepolpela, retpela na blupela laplap na man i gat gutpela save long wokim ol kainkain piksa long diwai. Em bai i kam wok wantaim ol dispela save man i stap wantaim mi long Juda na Jerusalem, bipo papa bilong mi Devit i bin makim.

02/08.txt

@@ -0,0 +1 @@
+\v 8 Na mi save tru olsem sampela wokman bilong yu i save gut tru long katim ol diwai bilong maunten bilong Lebanon, olsem na mi laik bai ol i katim diwai sida, diwai pain, diwai junipa long Lebanon na salim i kam long mi. Bai mi salim ol wokman bilong mi i go helpim ol wokman bilong yu, \v 9 long bungim planti diwai long wanem mi laik wokim bikpela na naispela haus tru. \v 10 Lukim, mi bai givim ol wokboi bilong yu, ol man bilong katim ol diwai, 4,400 ton wit ol wilwilim pinis na 4,400 ton rais bali na 440,000 lita wain na 440,000 lita wel bilong oliv.''

02/11.txt

@@ -0,0 +1 @@
+\v 11 Olsem na Hiram, king bilong Tair, i raitim pas i kam long King Solomon na i bekim tok bilong em, ''Bilong wanem God Yawe i laikim ol manmeri bilong em na mekim yu i kamap king bilong ol.'' \v 12 Orait, antap long dispela, Hiram i tok, ''Givim biknem long God Yawe, God bilong ol Israel, husait i bin mekim heven na graun, husait i bin givim King Devit wanpela pikinini man i gat gutpela tingting, pulap wantaim gutpela save bilong stretim ol samting, husait bai i wokim haus bilong God Yawe na haus bilong em yet.

02/13.txt

@@ -0,0 +1 @@
+\v 13 Nau mi salim wanpela man i gat gutpela save, Huram-Abi, husait i gat gutpela presen wantaim save. \v 14 Mama bilong en, em wanpela bilong ol pikinini meri long lain bilong Dan na papa bilong en bilong taun Tair. Huram-Abi i save gut long wokim ol samting long gol, silva, bras, ain, ston na ol diwai na tu long wokim ol gutpela bilas long pepolpela, retpela na blupela laplap na long gutpela laplap. Em i save gut long wokim ol piksa long diwai na ston samting. Yu ken larim em i wok wantaim ol wokman bilong yu yet na wokman bipo i bin wok long papa bilong yu, King Devit.

02/15.txt

@@ -0,0 +1 @@
+\v 15 Orait King Solomon, nau mi laik yu salim ol wit na bali na wel bilong oliv na wain samting i kam long mipela wokboi olsem yu bin tok. \v 16 Mipela bai i katim planti diwai long Lebanon inap long yu laikim. Mipela bai kisim na salim i kam long yu antap long solwara long taun Jopa na yu bai i kam karim i go antap long Jerusalem.'' \v 17 Solomon i kaunim olgeta man bilong narapela hap i kam i stap long graun bilong Israel, bihainim pasin olsem papa bilong em Devit i bin kaunim ol. Ol i painim olsem 153,600 man. \v 18 Em i givim wok long 70,000 man long karim ol hevi samting, 80,000 man olsem man bilong katim ston long ol mauten na 3,600 man bilong lukautim wokman long mekim wok.

03/01.txt

@@ -0,0 +1 @@
+\v 1 Orait Solomon i stat long wokim haus bilong God Yawe antap long Maunten Moria long Jerusalem, ples God Yawe i bin bungim papa bilong em, Devit. Em i stretim ples long graun Devit i bin tingim long mekim haus, long ples bilong kisim kaikai bilong wit bilong Onan man Jebus. \v 2 Em i stat long wokim dispela haus long namba tu dei bilong namba tu mun, long namba 4 yia bilong em long i stap king. \v 3 Dispela ol mak Solomon i putim long wokim haus bilong God. Longpela bilong haus i 27 mita na bikpela bilong haus i 9 mita.

03/04.txt

@@ -0,0 +1 @@
+\v 4 Bikpela bilong rum i stap long pes bilong haus i mak olsem 9 mita. Dispela haus i stap 9 mita antap long graun na Solomon i bilasim insait bilong haus wantaim gol tasol. \v 5 Em i wokim het bilong haus wantaim diwai saipres na putim gol tru i go antap long en na katim diwai na wokim gutpela piksa wantaim ol pam diwai na sen.

03/06.txt

@@ -0,0 +1 @@
+\v 6 Em i bilasim haus wantaim ol ston em i dia tumas, ol gol i kam long ples Parvaim. \v 7 Em i karamapim olgeta hap bilong haus wantaim gol na katim diwai na wokim piksa bilong ol ensel long sait bilong haus.

03/08.txt

@@ -0,0 +1 @@
+\v 8 Em i wokim rum i holi tru na longpela bilong dispela rum i mak olsem 9 mita na bikpela bilong em i 9 mita. Em i putim 20,400 kilo bilong gol i go antap long dispela rum. \v 9 Na hevi bilong ol nil i olsem 575 gram bilong gol. Em i putim gol antap long ol kona bilong haus i stap antap long en.

03/10.txt

@@ -0,0 +1 @@
+\v 10 Em i mekim tupela piksa bilong ensel bilong putim long rum i holi tru, ol man bilong katim diwai i putim gol i go antap long en. \v 11 Ol han bilong ol ensel i olsem 9 mita longpela na han bilong wanpela ensel i olsem 2 mita longpela i go long sait bilong rum na narapela han i wankain na i go bum wantaim narapela ensel. \v 12 Na han bilong narapela ensel i 2 mita longpela i go long sait bilong rum na narapela han i 2 mita longpela i go bum wantaim han bilong ensel i stap pas.

03/13.txt

@@ -0,0 +1 @@
+\v 13 Ol han bilong ol ensel i 9 mita longpela na ol i sanap long lek bilong ol wantaim pes bilong ol i lukluk i go long bikpela haus. \v 14 Em i mekim laplap wantaim blupela, pepolpela na gutpela waitpela laplap na gras bilong sipsip i klostu wankain olsem retpela kala na pasim long ol ensel. \v 15 Solomon i wokim tupela longpela pos i mak olsem 15 mita i go antap long graun na long pes bilong haus, het bilong pos i mak olsem 2 mita antap. \v 16 Em i wokim sen na putim long ol dispela longpela pos na em i mekim 100 piksa bilong pomagranet na hangamapim antap long ol dispela sen. \v 17 Em i putim dispela tupela longpela pos long pes bilong tempol, wanpela i stap long han sut bilong tempol na em i kolim Jakin na narapela i stap long han kais bilong tempol na em i kolim Boas.

04/01.txt

@@ -0,0 +1 @@
+\v 1 Wantaim olgeta em i mekim alta long bras, longpela bilong em i 9 mita na bikpela bilong em i 9 mita na antap bilong em i 4 mita. \v 2 Na em i mekim tu bikpela wara insait long hap ain inap long holim, makim 4 mita bilong wanwan maus bilong tenk. Antap bilong em i 2 mita na bikpela wara em i 13 mita long olgeta hap. \v 3 Long aninit i raunum arere bilong het bilong tenk, ol i wokim piksa bilong bulmakau man, 10-pela long olgeta mita i stap long tenk taim tenk em yet i stap.

04/04.txt

@@ -0,0 +1 @@
+\v 4 Bikpela dis i luk olsem tang wara ol i putim bilong 12-pela bulmakau, 3-pela i lukluk i go long not, 3-pela i lukluk i go long san i go daun, 3-pela i luluk i go long saut na 3-pela i lukluk i go long san kamap. Ol i putim tang wara antap long beksait bilong ol na i redi long go insait. \v 5 Dispela tang wara em i bikpela olsem sais bilong han na maus bilong em i wankain olsem maus bilong cup na em i kamap olsem naispela flawa i op. Dispela tang i holim 3000 liter bilong wara. \v 6 Em i mekim ol 10 pela dis bilong wasim ol samting, em i putim 5-pela long ples saut, na 5-pela long hap not. Ol samting bilong mekim ofa ol i save wasim long insait. Na bikpela dis olsem tang wara em ol pris i save usim long waswas.

04/07.txt

@@ -0,0 +1 @@
+\v 7 Em i mekim 10-pela stik long gol bilong putim ol lam, dispela ol i wokim long tinktink bilong ol man long plan bilong ol, em i putim ol insait long haus bilong bikpela, 5-pela long han sut na 5-pela long han kais. \v 8 Em i mekim 10-pela tebol na putim insait long haus holi, 5-pela long han sut na 5-pela long han kais na tu em i kisim gol na wokim 100 pela dis.

04/09.txt

@@ -0,0 +1 @@
+\v 9 I go moa yet, em i mekim haus i gat banis bilong ol pris na bikpela rum na dua bilong rum na i putim bras antap long dua. \v 10 Em i putim bikpela dis wankain olsem tang wara klostu long kona bilong haus holi long hap saut.

04/11.txt

@@ -0,0 +1 @@
+\v 11 Uram mekim ol sospen,wantaim savol na arapela dis bilong rausim wara. Uram pinisim ol wok we em i mekim bilong King Solomon insait long haus bilong bikpela, \v 12 tupela bikpela na longpela pos, i gat dis wankain olsem raunpela het em i stap antap long tupela diwai pos na tupela samting bilong bilasim het i stap antap long tupela dis olsem het i stap antap long pos. \v 13 Em i mekim 400 piksa bilong pikinini pomigranet bilong tupela grup bilong bilasim het bilong tupela lain bilong pomigranet long wanwan het i stap antap long tupela dis olsem raunpela het em i stap antap long pos.

04/14.txt

@@ -0,0 +1 @@
+\v 14 Na tu em i mekim tebol na dis bilong karim wara na putim antap long tebol, \v 15 wanpela bikpela tang wara na 12- pela bulmakau man i stap aninit, \v 16 na tu ol sospen, savol, fok na ol narapela ol samting bilong wok em Uram- Abi i mekim long bras oplsem King Solomon i laikim long stap long haus bilong God Yawe.

04/17.txt

@@ -0,0 +1 @@
+\v 17 King i salim ol i go long ples klia long Joden long graun malomalo namel long Sakot na Saretan. \v 18 Olsem na Solomon i mekim ol dispela kontena long bikpela namba, tru tumas, hevi bilong bras bai ol i nonap save.

04/19.txt

@@ -0,0 +1 @@
+\v 19 Solomon i mekim olgeta bilas samting bai i stap insait long haus bilong God wantaim alta ol i mekim lo gol tu, na tabol bilong putim bret ol i save givim long God. \v 20 ol stik bilong putim ol lam wantaim lam, ol i wokim long laitim insait long rum tambu- dispela ol mekim long gol nogat ribis. \v 21 na ol flawa, lam na ol huk bilong gol, em long gol tasol. \v 22 Na tu ol man bilong stretim lam, dis, spun na samting bilong kukim long mekim gutpela smel em ol i wokim long gol i no gat pipia long en. Long geit i go insait long haus, long insait dua i go long ples tambu na dua bilong haus em long dispela hap haus bilong bikpela em ol mekim long gol.

05/01.txt

@@ -0,0 +1 @@
+\v 1 Taim Solomon na ol wokman bilong em i pinisim olgeta wok long haus bilong God Yawe, Solomon i kisim ol silva, gol na olgeta samting papa bilong em Devit i bin makim pinis na i putim insait long bakstua long haus bilong God.

05/02.txt

@@ -0,0 +1 @@
+\v 2 Orait Solomon i bungim ol lida bilong Israel na olgeta hetman bilong bikpela lain na hetman bilong wanwan famili bilong Israel long kisim bokis kontrak bilong God Yawe long biktaun bilong Devit long Saion i kam insait long Jerusalem. \v 3 Olgeta man bilong Israel i kam long king na i bung long namba 7 mun, em Bikpela dei bilong i stap long haus win.

05/04.txt

@@ -0,0 +1 @@
+\v 4 Olgeta lida bilong Israel i kam na ol Livai i karim bokis kontrak. \v 5 Ol pris long lain bilong Livai i kisim bokis kontrak na haus sel bilong Bikpela wantaim olgeta samting i stap long haus sel. \v 6 King Solomon wantaim olgeta Israel i bung klostu long bokis kontrak na i kilim ol sipsip na ol bulmakau man bilong mekim ofa, namba bilong ol man i no inap kaunim.

05/07.txt

@@ -0,0 +1 @@
+\v 7 Ol pris i karim bokis kontrak bilong God Yawe i go insait long rum tambu tru na putim long ples ol i redim bilong en aninit long wing bilong tupela ensel. \v 8 Wing bilong tupela ensel i op i stap na i karamapim bokis kontrak wantaim tupela stik bilong karim bokis.

05/09.txt

@@ -0,0 +1 @@
+\v 9 Tupela stik bilong karim bokis kontrak i longpela tumas na man i sanap long rum tambu em inap long lukim na sapos man i sanap ausait em i no inap lukim arere bilong en. Tupela stik istap olsem yet. \v 10 Insait long bokis kontrak tupela ston igat tok bilong lo tasol i stap,  em Moses i bin putim long taim ol Israel i bin lusim Isip na i kam long Horeb na God Yawe i mekim kontrak wantaim ol.

05/11.txt

@@ -0,0 +1 @@
+\v 11 Olgeta pris i bung wantaim na i bihainim pasin bilong kamap klin long ai bilong God Yawe i lusim rum tambu na i kam ausait. \v 12 Olgeta man bilong singim song long lain bilong Livai wantaim Asap, Heman, Jedutun na ol pikinini bilong ol na ol brata bilong ol i pasim waitpela laplap na i paitim plet bras, gita na ol samting bilong mekim musik wantaim 120 pris i winim trampet i sanap klostu long alta long hap sankamap. \v 13 Ol man bilong winim trampet na ol man bilong singim song i bung wantaim na mekim musik. Ol i singim song na mekim musik wantaim na i kamap olsem wanpela nek stret na ol i litimapim God Yawe. Ol i singim song olsem, ''Em i gutpela tru long yumi, oltaim oltaim em i save laikim yumi,'' Ol i singim song olsem na wantu tasol haus bilong God Yawe i pulap long smok. \v 14 Ol pris i no inap moa long sanap na mekim wok bilong ol, Long wanem smok i pulap na lait bilong God Yawe i lait moa insait long haus.

06/01.txt

@@ -0,0 +1 @@
+\v 1 "Orait Solomon i tok olsem, God Yawe i bin tok olsem em i laik stap insait long bikpela tudak, \v 2 tasol mi bin mekim haus bilong yu antap tru na yu bai stap long en oltaim oltaim. \v 3 Orait King i tanim na blesim olgeta lain manmeri bilong Israel taim ol i sanap yet.

06/04.txt

@@ -0,0 +1 @@
+\v 4 Na em i tok, "Bai yumi litimapim nem bilong God Yawe, em God bilong Israel, husait i bin toktok long King Devit em i papa bilong mi na em i inapim ol samting long han bilong em na tok, \v 5 'Long taim mi kisim ol manmeri bilong mi i kam aut long graun bilong Isip, mi no makim wanpela biktaun long olgeta lain tumbuna bilong Israel long mekim wanpela haus long putim nem bilong mi i stap. Mi no bin makim wanpela pikinini man bilong King long lukautim ol manmeri bilong mi Israel. \v 6 Tasol mi bin makim Jerusalem olsem na nem bilong mi bai i stap long dispela hap na mi bin makim King Devit long lukautim ol manmeri bilong mi Israel.

06/07.txt

@@ -0,0 +1 @@
+\v 7 Em i stap insait long bel na tingting bilong King Devit em i papa bilong mi long mekim haus na putim nem bilong God Yawe bilong Israel. \v 8 Tasol God Yawe i bin tokim King Devit papa bilong mi, em i stap long bel na tingting bilong yu long mekim haus long nem bilong mi, yu bin mekim gutpela tingting i stap long bel bilong yu. \v 9 Maski, yu no inap tru long mekim haus bilong mi, tasol pikinini man bilong yu husait i kamap bihain bai mekim haus bilong mi.

06/10.txt

@@ -0,0 +1 @@
+\v 10 God Yawe em inapim olgeta tok em i bin mekim, mi bin kirap long ples bilong papa bilong mi King Devit na sindaun long sia king bilong Israel, olsem God Yawe i bin promis. Na mi bin mekim haus long nem bilong God Yawe, God bilong Israel. \v 11 Mi bin putim dispela Bokis Kontrak bilong God Yawe em i bin mekim wantaim ol manmeri bilong Israel."

06/12.txt

@@ -0,0 +1 @@
+\v 12 Solomon i bin sanap long alta bilong God Yawe long ai bilong olgeta lain manmeri bilong Israel na opim han bilong em i go aut. \v 13 Orait em i bin mekim hap bras, longpela bilong en em 22 mita, sotpela bilong en em 22 mita na antap bilong en em 13 mita. Em i bin putim insait long namel ples na em i bin sanap antap long en na brukim skru long ai bilong olgeta lain manmeri bilong Israel na em i apim han bilong em i go antap long heven.

06/14.txt

@@ -0,0 +1 @@
+\v 14 "Em i tok olsem, God Yawe, God bilong Israel. I nogat wanpela God i olsem yu i stap long skai o long ples graun, husait bai inap long lukautim tok promis na laikim bilong yu wantaim ol wokman long pasin bilong wokabaut wantaim gutpela bel, \v 15 yu bin lukautim ol promis yu bin mekim wantaim papa bilong mi King Devit. Yu bin toktok long maus bilong yu yet na kamapim ol samting long han bilong yu yet olsem ol i stap nau.

06/16.txt

@@ -0,0 +1 @@
+\v 16 Nau God Yawe, God bilong Israel, mekim wanem tok promis yu bin mekim wantaim wokman bilong yu Devit em i papa bilong mi, Yu bin tok olsem, 'yu bai makim man long sidaun long sia king bilong Israel sapos ol tambuna bilong yu i bihainim gut lo bilong mi olsem yu i bin wokabaut i go pas long mi.' \v 17 Nau God Yawe, God bilong Israel, larim tok bilong yu i kamap tru olsem yu i bin tokim wokman bilong yu king Devit.

06/18.txt

@@ -0,0 +1 @@
+\v 18 Ating bai God i stap wantaim ol man long dispela graun? Harim, olgeta samting bilong ples graun na long heven na tu haus bilong God bai i no inap long holim yu. \v 19 God Yawe, plis harim prea na askim bilong wokman bilong yu i wok long prea long yu. \v 20 Olsem na bai ai bilong yu i op na was long dispela haus bilong God long dei na nait, em dispela ples yu bin tok promis long putim nem bilong yu. Inap yu harim prea bilong wokman bilong yu long dispela ples.

06/21.txt

@@ -0,0 +1 @@
+\v 21 Harim singaut bilong mi, wokman bilong yu na ol manmeri bilong Israel taim mipela i prea long dispela ples. Taim yu stap long heven yu mas harim prea bilong mipela na lusim rong bilong mipela.

06/22.txt

@@ -0,0 +1 @@
+\v 22 Sapos wanpela man i mekim sin long wantok bilong em orait em i mas i kam long alta bilong yu na mekim wanpela tok promis. \v 23 Skai, harim na mekim, skelim pasin bilong wokman bilong yu na painim aut ol asua em i bin mekim long tingting bilong em yet. Na sapos em i no bin mekim asua orait em i stretpela man.

06/24.txt

@@ -0,0 +1 @@
+\v 24 Taim ol birua i winim ol manmeri bilong yu Israel long wanem ol i bin mekim sin long ai bilong yu. Sapos ol i kam bek long yu orait yu tokaut long nem bilong yu, prea na askim em long lusim rong bilong yu long haus bilong God, \v 25 Skai, plis yu harim na lusim sin bilong ol manmeri bilong yu Israel na kisim ol i kam bek long graun yu bin givim long ol lain tumbuna bilong ol.

06/26.txt

@@ -0,0 +1 @@
+\v 26 Taim klaut i no pas na nogat ren, long wanem ol manmeri i bin mekim pasin nogut long yu. Sapos ol i prea i go long dispela ples na tok sori long nem bilong yu orait lusim sin bilong ol. \v 27 Na bihain heven i harim na lusim sin bilong wokman bilong yu na ol manmeri bilong Israel. Long taim yu soim ol long wokabaut long gutpela rot. Salim ren i kam daun long graun yu i bin givim long ol manmeri.

06/28.txt

@@ -0,0 +1 @@
+\v 28 Sapos bikpela angre i kamap long graun o sapos sik nogut i kamap o ol grasopa na ol binatang i bagarapim ol samting o ol birua i kam brukim dua bilong biktaun long graun bilong ol o bikpela hevi i painim ol, \v 29 na sapos prea na askim bilong wanpela o planti ol manmeri bilong Israel, em i save long hevi na wari long bel bilong em yet olsem na em i opim han bilong em i go long haus bilong God. \v 30 Olsem na yu mas harim long heven em ples yu stap long en, lusim rong bilong ol na givim pe long olgeta, bilong wanem yu save long bel na tingting bilong man. \v 31 Mekim olsem na bai ol i gat pret long yu na olgeta taim long laip bilong ol bai ol i wokabut long rot yu bin givim long ol tumbuna bilong yumi.

06/32.txt

@@ -0,0 +1 @@
+\v 32 Tasol ol manmeri bilong narapela hap i no bilong ol Israel long wanem em i gat biknem na strongpela han bilong em, olsem na kam na prea long dispela haus. \v 33 Olsem na plis heven yu mas harim long ples yu stap long en na mekim ol samting ol man bilong ol narapela hap graun i askim long en, olsem bai olgeta manmeri long olgeta hap graun bai i save long nem bilong yu na bai ol i gat pret long yu. Olsem yu save mekim long ol manmeri bilong yu Israel na bai ol i save olsem dispela haus mi bin mekim long nem bilong yu.

06/34.txt

@@ -0,0 +1 @@
+\v 34 Sapos ol manmeri bilong yu i go pait wantaim ol birua bilong ol long sampela rot bai yu salim ol. Na sapos ol i prea long yu i go long dispela biktaun yu bin makim long en na long haus mi bin mekim long nem bilong yu. \v 35 Skai yu harim prea bilong ol na ol askim bilong ol na helpim ol.

06/36.txt

@@ -0,0 +1 @@
+\v 36 Sapos ol mekim sin long ai bilong yu olsem tru i no gat wanpela man i no save mekim sin na sapos yu belhat long ol na putim ol i go long han bilong birua. Olsem na ol birua i kisim ol olsem kalabus lain i go long graun bilong ol long ples longwe o klostu. \v 37 Orait sapos ol i luksave olsem ol i stap long ples bilong ol man na sapos ol i tok sori na askim long marimari bilong yu long ples kalabus. Na sapos ol i tok, 'Mipela i bin mekim bikpela sin na ol pasin mipela i mekim em i no gutpela' \v 38 Sapos ol i kam long yu wantaim olgeta bel na tingting bilong ol long ples kalabus ol i stap long en. Na sapos ol i prea i go long hap graun wanem yu i bin givim long ol lain tumbuna bilong ol na i go long biktaun yu bin makim bilong ol na ol i go long haus mi bin mekim long nem bilong yu. \v 39 Skai harim prea na askim bilong ol long ples yu stap long en na helpim ol. Lusim rong bilong ol manmeri bilong yu husait i bin mekim sin long yu. \v 40 Olsem na mi askim God bilong mi, larim ai bilong yu i op na larim yau bilong yu i stap redi long harim prea ol i mekim long dispela ples. \v 41 God Yawe kirap long ples malolo bilong yu wantaim Bokis Kontrak bilong strong bilong yu. God Yawe larim ol pris i stap wantaim pasin bilong kisim bek ol man na larim ol stretpela man i amamas insait long gutpela pasin bilong yu. \v 42 God Yawe, noken tanim pes bilong yu long man yu bin makim long en.Tingim ol samting yu promis long gutpela wokman bilong yu Devit."

07/01.txt

@@ -0,0 +1 @@
+\v 1 Na taim Solomon i beten pinis, paia i kam daun long heven na i kukim olgeta ofa bilong paia i kukim olgeta na glori bilong God Yawe i pulapim haus lotu. \v 2 Glori i pulap long haus lotu bilong God Yawe na ol pris i no inap i go insait long en. \v 3 Taim ol manmeri bilong Israel i lukim paia i kam daun na glori bilong God Yawe i karamapim haus lotu, ol i brukim skru na putim het bilong ol i daun long graun antap long ples ston bilong wokabaut na lotu na tok tenkyu long God Yawe. Ol i tok, "Long wanem em i gutpela na laikim bilong em bai i stap oltaim oltaim."

07/04.txt

@@ -0,0 +1 @@
+\v 4 Olsem na king wantaim olgeta manmeri i mekim ofa i go long God Yawe. \v 5 King Solomon i kisim 22 000 bulmakau na 120 000 sipsip na memek na mekim ofa. Olsem na king wantaim olgeta manmeri i makim dispela haus em i bilong God stret. \v 6 Ol pris i sanap long hap na ol Livai tu i sanap wantaim ol samting bilong mekim musik i go long God Yawe, em ol dispela musik samting Devit i bin mekim long givim tenkyu long God Yawe insait long dispela song, "Long wanem laikim bilong em i save i stap oltaim oltaim. "Olgeta manmeri i sanap i stap na ol pris i winim biugel.

07/07.txt

@@ -0,0 +1 @@
+\v 7 Solomon i makim wanpela hap graun i stap namel long ples bilong bung long pes bilong haus bilong God Yawe. Long dispela em i mekim ofa bilong ofa ol i kuim olgeta long paia na gris bilong mekim wanbel ofa, long wanem alta bras i liklik tumas long holim ol ofa bilong kukim olgeta long paia, wanbel ofa na ol gris.

07/08.txt

@@ -0,0 +1 @@
+\v 8 Olsem na Solomon i mekim bikpela kaikai long dispela taim inap long 7-pela dei na olgeta Israel i stap wantaim em, ol bikpela lain manmeri i stat long Lebo Hamat i go inap long liklik wara bilong Isip. \v 9 Long namba 8 dei ol i bung wantaim, long wanem ol i stap 7 pela dei moa long makim alta i kamap samting stret bilong God na narapela 7- pela dei gen bilong makim bikpela kaikai. \v 10 Long namba 23 dei bilong namba 7 mun, Solomon i salim ol manmeri i go bek long ples bilong ol wantaim bel amamas bilong wanem God Yawe i bin mekim gut long Devit, Solomon na Israel ol manmeri bilong em.

07/11.txt

@@ -0,0 +1 @@
+\v 11 Olsem na Solomon i pinisim haus bilong God Yawe na haus bilong em yet. Olgeta samting Solomon i tingim long bel bilong em long mekim long haus bilong God Yawe na long haus bilong em yet, em i bin inapim tru. \v 12 God Yawe i kamap long Solomon long nait na i tokim em, "Mi bin harim beten bilong yu na mi bin makim pinis dispela ples bilong mi yet olsem haus bilong mekim ofa.

07/13.txt

@@ -0,0 +1 @@
+\v 13 Sapos mi pasim heven na i nogat ren o sapos mi tokim ol bikpela grashopa long bagarapim graun o sapos mi salim sua long skin bilong ol manmeri, \v 14 na sapos ol manmeri mi kolim long nem bilong mi yet, bai i daunim ol yet, beten, painim pes bilong mi na givim baksait long ol sin bilong ol, bai mi harim long heven , lusim sin bilong ol na mekim graun bilong yupela i gutpela gen. \v 15 Mi bai was na harim beten bilong ol manmeri i mekim long dispela ples.

07/16.txt

@@ -0,0 +1 @@
+\v 16 Long wanem mi makim pinis na putim em olsem haus bilong mi stret bai nem bilong i stap long en oltaim oltaim. Ai bilong mi na bel bilong mi bai i stap long en olgeta dei \v 17 Olsem long yu ,sapos yu i wokabaut stret insait long ol pasin bilong papa bilong yu Devit na i bihainim olgeta toktok mi bin tokim yu na lukautim ol lo bilong mi. \v 18 orait mi bai mekim strong sia bilong kingdom bilong yu, olsem mi bin tok insait long kontrak wantaim Devit papa bilong yu, taim mi tok, ' Wanpela tumbuna bilong yu bai i stap bosman oltaim long Israel.

07/19.txt

@@ -0,0 +1 @@
+\v 19 Na sapos yu givim baksait na i no bihainim ol tok na ol lo mi i givim yu na sapos yu go lotuim ol giaman god na brukim skru long ol, \v 20 orait mi bai kamautim ol long graun bilong mi we mi i givim ol. Dispela haus mi bin makim bilong nem bilong mi bai mi rausim long pes bilong mi na mekim em olsem wanpela stori bilong tingim tasol o stori bilong lap namel long ol manmeri. \v 21 Olsem tasol dispela haus lotu i gat biknem nau, olgeta manmeri husait i wokabaut i kam olsem bai kirap nogut na mekim ol toktok i soim ol i no amamas. Ol bai askim, "Bilong wanem God Yawe i mekim olsem long dispela graun na haus lotu?" \v 22 Ol arapela bai i bekim, "Em i kamap bilong wanem ol i sakim tok bilong God Yawe god bilong ol husait i kisim ol tumbuna bilong ol i kam aut long Isip tasol ol i holim ol arapela giaman god na brukim skru na lotuim ol. Em i olsem tasol na God Yawe i bringim ol dispela bagarap antap long ol."'

08/01.txt

@@ -0,0 +1 @@
+\v 1 Em i kamap insait long 20 yia, olsem Solomon i wokim haus bilong God Yawe na haus bilong em yet, \v 2 olsem Solomon i wokim ol haus gen long diwai Hiram i bin givim long em na em i putim ol manmeri bilong Israel insait long ol.

08/03.txt

@@ -0,0 +1 @@
+\v 3 Solomon i pait wantaim ol Amatsoba na i winim ol. \v 4 Em i wokim Tadmor long ples nating na ol biktaun bilong putim ol samting, em ol haus em i wokim long Hamat.

08/05.txt

@@ -0,0 +1 @@
+\v 5 Em i wokim tu Bet Horon em Bet Horon antap na narapela long daunbilo, ol biktaun taun i gat ol geit na ol ain banis wantaim. \v 6 Em i wokim taun baalat na ol biktaun taun bilong putim ol samting em yet i gat na ol biktaun bilong putim ol karis na ol taun bilong ol man i save bosim ol hos na wanem ol taun em i wokim long amamas bilong em long Jerusalem, long Lebanon, na ol hap ples em i lukautim.

08/07.txt

@@ -0,0 +1 @@
+\v 7 Olgeta manmeri husat i bin i stap bek long lain bilong ol Hit, ol Amor, ol lain Hivi na ol lain Jebus, husat i no bilong ol lain Israel, \v 8 ol tumbuna pikinini lain husat i stap bek long ples em ol husat ol lain Israel i no bin bagarapim ol, Solomon i mekim ol i kamap wokboi, olsem nau ol i save mekim wok yet nau.

08/09.txt

@@ -0,0 +1 @@
+\v 9 Tasol Solomon i no mekim ol manmeri bilong ol Israel i wok strong. Tasol, ol i kamap ol soldia bilong em, ol ofisa bilong ol soldia na ol i kamap ol man i go pas long ol karis na ol man i save raun long ol hos. \v 10 Dispela em ol hetman na ol man i go pas na man i save bosim na skelim wok bilong king Solomon, namba bilong ol dispela man i kamap olsem 250 olgeta.

08/11.txt

@@ -0,0 +1 @@
+\v 11 Solomon i bringim pikinini meri bilong king Fero long biktaun bilong Devit na putim em long haus em yet i bin wokim long em. Em i tok, "Meri bilong mi i no ken i stap long haus bilong Devit king bilong ol Israel, long wanem hap bokis kontrak bilong God Yawe i bin kam long en em i stap holi."

08/12.txt

@@ -0,0 +1 @@
+\v 12 Na Solomon i mekim ofa bilong paia i kukim olgeta long God Yawe long alta klostu long dua bilong haus lotu em yet i wokim. \v 13 Em i mekim ofa bilong paia i kukim olgeta, olsem wok long wanwan dei. i bihainim wanem lo bilong Moses i tok, long ol sabat dei, long ol nupela mun na long tripela taim ol i makim long wanwan krismas, em ol bung bilong bret i no gat yis, bung bilong amamas long kaikai, na bung bilong i stap long haus win.

08/14.txt

@@ -0,0 +1 @@
+\v 14 Long bihainim lo bilong papa bilong em Devit, Solomon i makim ol ples ol pris i mas wok long en na long ol livai long ol wok mak bilong ol, olsem wok mak bilong wanwan dei. Em tu makim ol man bai i was long wanwan geit long wanwan dei, olsem wokman bilong God Devit i bin tok. \v 15 Dispela manmeri i no tanim baksait long tok bilong King o ol pris na ol livai i mekim, wankain long wanem kain hevi i kamap long haus bilong putim ol samting.

08/16.txt

@@ -0,0 +1 @@
+\v 16 Olgeta wok Solomon i tok long ol i mas mekim em i pinis, long taim ol i kirapim wok i go inap long taim ol i pinisim wok, Na olgeta wok bilong haus bilong God Yawe em i pinis gut tru. \v 17 Na Solomon i go long Esion Geba na i go long Elat long nambis bilong graun bilong Idom. \v 18 Hiram i salim ol sip bilong em wantaim sampela man na ol man i save long pasin bilong solwara na sampela wok man bilong Solomon long kantri Ofir na kisim gol hevi bilong en klostu16 ton na i kisim i kam givim long King Solomon.

09/01.txt

@@ -0,0 +1 @@
+\v 1 Taim kwin bilong Seba i harim olsem Solomon i gat biknem, em i go long Jerusalem long traim save bilong em wantaim ol hatpela askim. Em i go wantaim planti wokboi na ol kamel wantaim planti gol na ol paura samting i gat gutpela smel na ol kainkain ston i gat pei i antap tumas. Taim em i kam kamap long Solomon, em i tokim em long olgeta tingting long bel bilong em. \v 2 Solomon i bekim olgeta askim bilong em isi tru, nogat wanpela samting i hat long Solomon, i no gat wanpela askim i hat long bekim.

09/03.txt

@@ -0,0 +1 @@
+\v 3 Taim kwin bilong Seba i harim gutpela tingting bilong Solomon na lukim haus king em i wokim long en \v 4 na ol kain kaikai i stap antap long tebol bilong em, sindaun bilong ol wokman na wok bilong ol na ol lain bilong skelim wain, wantaim ol klos bilong olgeta lain i gutpela tru na ofa bilong paia i kukim olgeta em i mekim long haus bilong God Yawe na em i hat long pulim win.

09/05.txt

@@ -0,0 +1 @@
+\v 5 Em i tok long king, "Tru tumas olgeta tok mi harim long gutpela tingting na biknem bilong yu i stret olgeta. \v 6 Mi i no bin bilip long wanem mi harim inap long taim mi kam hia na nau mi lukim long ai bilong mi yet. I no hap bilong gutpela tingting na kago tasol! Yu winim tru wanem mi bin harim.

09/07.txt

@@ -0,0 +1 @@
+\v 7 Olgeta manmeri i amamas tru long harim gutpela tingting bilong yu long wanem ol i stap gut tru. \v 8 Biknem bilong God Yawe em God bilong yu, em i amamas tru long yu na i makim yu long sindaun long sia na stap olsem king, long kamap king long wanem God Yawe em i God bilong yu. Olsem na dispela God bilong yu i laikim ol Israel long kamapim ol i stap oltaim, em i makim yu long stap king na lukautim ol na mekim stretpela na trupela pasin long ol."

09/09.txt

@@ -0,0 +1 @@
+\v 9 Em i givim king long 4,080 kilo gol na bikpela mak bilong paura i gat gutpela smel na ol kain ston i gat bikpela pei. Ol dispela kain presen kwin bilong Seba i givim long King Solomon, i no gat wankain presen olsem wanpela i givim em bihain gen.

09/10.txt

@@ -0,0 +1 @@
+\v 10 Ol wokman bilong Hiram na wokman bilong Solomon i bringim gol i kam long Ofir na tu ol alkum diwai na ol ston i gat bikpela pei. \v 11 Wantaim diwai alkum, king i wokim lata long haus bilong God Yawe na long haus bilong em yet na gita samting bilong mekim musik. Nogat ol dispela kain diwai ol i bin lukim long graun bilong Juda bipo. \v 12 King Solomon i givim long kwin bilong Seba olgeta samting em i laikim na askim long en, em i givim moa long ol samting em i bin bringim i kam long king. Olsem na em wantaim ol wokman bilong en i lusim na go bek long ples bilong ol.

09/13.txt

@@ -0,0 +1 @@
+\v 13 Hevi bilong gol ol i givim i kam long Solomon insait long wanwan yia i olsem 22,640 kilo bilong gol, \v 14 i no ol kainkain bisnisman tasol i kisim gol i kam. Ol king bilong Arebia na ol gavana long dispela kantri tu i bringim gol na silva i kam long Solomon.

09/15.txt

@@ -0,0 +1 @@
+\v 15 King Solomon i wokim 200 bikpela hap plang bilong pait long gol ol i paitim pinis. Na ol i wokim wanwan long 6,900 kilo bilong gol. \v 16 Em i wokim tu 300 hap plang bilong pait wantaim 2 kilo gol ol i paitim pinis long en. Na king i putim ol dispela samting i go insait long Haus long Bikbus bilong Lebanon.

09/17.txt

@@ -0,0 +1 @@
+\v 17 Na bihain king i tok na ol i wokim sia king long gutpela gol na bilasim wantaim tit bilong elefan. \v 18 I gat 6-pela step i go long sia king na i gat wanpela samting olsem sia long putim lek na i go antap long sia king. Long tupela sait bilong sia king long hap bilong putim han antap ol i wokim tupela piksa bilong laion na putim sait, sait long tupela.

09/19.txt

@@ -0,0 +1 @@
+\v 19 Na ol i wokim 12-pela piksa bilong laion na sanapim long 6-pela step wankain long 2-pela sait wantaim. Ol narapela kantri i no gat wankain sia king olsem. \v 20 Olgeta kap King Solomon i save dring ol i wokim long gol tasol na olgeta kap bilong dring i stap long Haus long Bikbus bilong Lebanon ol i wokim long gutpela gol. Ol i no wokim long silva long wanem silva i no gat luksave long dispela taim bilong King Solomon. \v 21 King i gat ol planti bikpela lain sip long solwara wantaim ol lain sip bilong Hiram. Wanpela taim namel long olgeta tripela krismas ol i bum na bringim gol, silva na tit bilong elefan na ol kainkain monki tu i kam.

09/22.txt

@@ -0,0 +1 @@
+\v 22 Olsem na King Solomon i gat planti mani samting na ol gutpela tingting i winim olgeta king bilong dispela graun. \v 23 Olgeta king bilong graun i kam na lukim Solomon long harim ol gutpela tingting bilong em, God i putim insait long bel bilong em. \v 24 Ol lain i kam long lukim em i bringim presen ol i wokim long silva na gol, klos, klospait, paura i gat gutpela smel na ol hos na donki long olgeta krismas.

09/25.txt

@@ -0,0 +1 @@
+\v 25 Solomon i gat 4,000 banis bilong hos na ol karis na 12,000 man bilong sindaun long hos em i putim ol long biktaun bilong ol karis na long Jerusalem wantaim em tu. \v 26 Em i lukautim olgeta king long Wara Yufretis i go inap long graun bilong ol Filistia na i go olsem long boda bilong Isip.

09/27.txt

@@ -0,0 +1 @@
+\v 27 Na king i gat silva long Jerusalem i winim ol ston i stap long graun. Em i gat ol diwai sida i planti tumas i winim ol sikamo fik diwai i stap long ol ples daun. \v 28 Ol i bringim ol hos bilong King Solomon i kam long Isip na long olgeta hap graun. \v 29 Ol narapela samting Solomon i mekim pastaim na bihain tu ol i raitim long buk ol i kolim, Ol Stori Bilong Profet Natan na long buk, Ol Tok Profet Bilong Ahiya bilong Silo na long buk, Driman God i soim Ido bilong Siar (em tu i gat stori bilong Jeroboam pikinini man bilong Nebat)? \v 30 Solomon i stap king long Jerusalem na olgeta hap bilong Israel inap long 40pela krismas. \v 31 Em i dai na ol i planim em wantaim ol tumbuna bilong em long biktaun bilong David papa bilong em. Rehoboam pikinini man bilong em i kamap king na kisim ples bilong em.

10/01.txt

@@ -0,0 +1 @@
+\v 1 Rehoboam i go long Sekem, long wanem olgeta Israel bai i kam long Sekem long mekim em i kamap king. \v 2 Taim Jeroboam pikinini man bilong Nebat i harim dispela (long wanem em i stap long Isip, em i ranawe long king Solomon) na em i kam bek long Isip.

10/03.txt

@@ -0,0 +1 @@
+\v 3 Olsem na ol i salim na singautim em na Jeroboam na olgeta Israel i kam, ol i tok long Rehoboam na tok, \v 4 "Papa bilong yu i bin mekim hevi bilong mipela i go hat tru. Olsem nau na mekim hatpela wok bilong papa bilong yu i kamap isi, na rausim hevipela wok em putim antap long mipela na mipela bai harim tok na aninit long yu." \v 5 Rehoboam i tokim ol, "Kam gen long mi bihain long tripela dei" Olsem na ol manmeri i go.

10/06.txt

@@ -0,0 +1 @@
+\v 6 King Rehoboam i toktok wantaim lapun man husait i bin i stap longpela taim wantaim Solomon papa bilong em taim em i stap laip na em i tok, "Olsem wanem bai yu givim tingting long mi long kisim wanpela ansa i go long dispela ol manmeri ?" \v 7 Ol i singaut long em na i tok, "Sapos yu mekim gutpela pasin long dispela ol manmeri na mekim ol i amamas na mekim gutpela toktok long ol, orait ol bai i stap wokboi bilong yu oltaim."

10/08.txt

@@ -0,0 +1 @@
+\v 8 Tasol Rehoboam i no laik harim tok skul bilong lapun man ol i bin givim em, na em i kisim tingting bilong ol yangpela man husait i bin kamap bikpela wantaim em, husait i sanap paslain long em. \v 9 Na em i tokim ol, "Wanem tok skul yupela i givim long mi, olsem na wanem ol tok bai mipela i bekim i go long ol manmeri husait i singaut long mi na tok, "Rausim ol hevi papa bilong yu i bin putim antap long mipela?"

10/10.txt

@@ -0,0 +1 @@
+\v 10 Na ol yangpela man i bin kamap bikpela wantaim Rehoboam i singaut long em na tok, "Dispela i olsem yu mas singaut i go long ol manmeri husait i tokim yu olsem papa bilong yu Solomon i bin mekim hevi bilong hevi tru, tasol yu mas mekim i kamap olsem i no gat hevi. Dispela em tok bai yu tokim ol. Liklik pinga bilong mi em i bikpela na i winim hap papa i save putim let long en. \v 11 Olsem nau na maski papa bilong mi i bin bagarapim bel bilong yupela wantaim bikpela hevi moa, mi putim gen moa hevi antap. Papa bilong mi i bin mekim save long yupela wantaim wip, tasol mi bai mekim save long yupela wantaim skopion."

10/12.txt

@@ -0,0 +1 @@
+\v 12 Olsem na Jeroboam na olgeta manmeri i kam long Rehoboam long namba tri dei, olsem king i bin tok, "yupela i mas kam bek long mi long namba tri dei." \v 13 Rehoboam i singaut long ol wantaim belhat na i no laik bihainim tok skul bilong ol lapun man. \v 14 Em i toktok long ol i bihainim tok skul bilong ol yangpela man na i tok, papa bilong mi i bin mekim hevi bilong yupela i go hevi moa tasol mi bai putim moa antap long en. Papa bilong mi i bin mekim save long yupela wantaim wip, tasol mi bai i mekim save long yupela wantaim skopion.

10/15.txt

@@ -0,0 +1 @@
+\v 15 Olsem na king i no harim tok bilong ol manmeri, long wanem God Yawe i bin tok pinis long ol dispela samting bai i kamap, em God Yawe, i inapim tok bilong em long maus bilong Ahiya bilong Silon i bin tokim Jeroboam pikinini man bilong Nebat.

10/16.txt

@@ -0,0 +1 @@
+\v 16 Taim olgeta Israel i lukim olsem king i no harim tok bilong ol, ol manmeri i bekim tok bilong em na i tok, wanem gutpela samting mipela i gat long Devit? Mipela i no gat wanpela samting insait long pikinini man bilong Jesi! Wanwan bilong yupela i mas i go bek long haus sel bilong en, long Israel na lukluk long haus bilong yupela yet, Devit. Olsem na olgeta Israel i tanim i go bek long haus sel bilong ol yet. \v 17 Tasol long ol manmeri bilong Israel husait i stap long biktaun bilong Juda, Rehoboam i kamap king na lukautim ol. \v 18 Na king Rehoboam i salim Adoniram, husait em i save lukautim ol man i save mekim wok, olsem wokboi long haus bilong king, tasol ol manmeri bilong Israel i tromoi ston long em na kilim em i dai long ol ston. King Rehoboam i ranawe hariap wantaim karis bilong em i go long Jerusalem. \v 19 Olsem na ol Israel i bin kros pait namel long ol lain bilong Devit i kam inap long dispela dei.

11/01.txt

@@ -0,0 +1 @@
+\v 1 Taim Rehoboam i kamp long Jerusalem, em i bungim ol lain bilong Juda na Benjamin na makim 180,000 soldia man long pait wantaim ol Israel long kisim ol i kam bek long Rehoboam na em i ken bosim ol.

11/02.txt

@@ -0,0 +1 @@
+\v 2 Tasol tok bilong God Yawe i kam long Semaia man i save stap klostu tru long God Yawe na i tok, \v 3 "Tokim pikinini man bilong Solomon, Rehoboam king bilong Juda na olgeta manmeri bilong Israel long Juda na Benjamin, \v 4 'God Yawe i tok olsem, "Yu noken karim pait i go o pait wantaim ol brata bilong yu. Olgeta i mas i go bek long haus bilong ol yet, long wanem mi yet i mekim ol dispela samting long kamap." Olsem na ol i harim tok bilong God Yawe na olgeta i go bek na ol i no pait wantaim Jeroboam.

11/05.txt

@@ -0,0 +1 @@
+\v 5 Rehoboam i stap long Jerusalem na em i wokim ol biktaun long Juda long banisim em yet. \v 6 Em i wokim ol biktaun long Betlehem, Etam, Tekoa, \v 7 Bet Su, Soko, Adulam \v 8 Gat, Maresa, Sip, \v 9 Adoraim,Lakis, Aseka, \v 10 Sora, Aijalon na Hebron. Dispelal em ol stronpela banis i raunim Juda na Benjamin.

11/11.txt

@@ -0,0 +1 @@
+\v 11 Em i strongim ol biktaun na putim ol ami ofisa long lukautim ol, wantaim ol kaikai samting, ol oil bilong kuk na ol wain. \v 12 Em i mekim strong tru olgeta biktaun na em i putim ol hap plang na ol spia insait long ol. Na Juda na Benjamin i bilong em.

11/13.txt

@@ -0,0 +1 @@
+\v 13 Ol pris na ol Livai husat i stap insait long ol ples bilong ol Israel na klostu long ol mak bilong ol i go long em. \v 14 Long wanem ol Livai i bin lusim ol graun bilong lukautim ol abus na ol haus samting bilong ol long kam long Juda na Jerusalem, long wanem Jeroboam wantaim ol pikinini man bilong em ol i bin rausim ol na ol i no bin mekim ol wok pris bilong God Yawe. \v 15 Jeroboam i makim bilong em yet ol pris long mekim wok pris long ol piksa bilong meme na pikinini bulmakau em ol giaman god em bin wokim.

11/16.txt

@@ -0,0 +1 @@
+\v 16 Ol manmeri long olgeta lain long Israel husat i bilip long God Yawe ol i kam long Jerusalem long mekim ofa long God Yawe, God bilong ol tumbuna bilong ol. \v 17 Olsem na ol i strongim kantri bilong Juda na mekim Rehoboam pikinini man bilong Solomon  stap strong long tripela yia na ol i bihainim ol gutpela pasin bilong Devit na Solomon inap long tripela yia.

11/18.txt

@@ -0,0 +1 @@
+\v 18 Rehoboam i maritim Mahalat pikinini meri bilong Jerimot pikinini man bilong Devit na Abihail pikinini meri bilong Eliap pikinini man bilong Jesi \v 19 Meri bilong Rehoboam Mahalat i karim ol pikinini man, nem bilong ol em, Jeus, Semaria na Saham.

11/20.txt

@@ -0,0 +1 @@
+\v 20 Bihain long Malahat Rehoboam i maritim Maka pikinini meri bilong Apsalom, Maka i karim ol dispela pikinini, Abija, Atai, Sisa na Selomit. \v 21 Rehoboam i laikim tru Maka pikinini meri bilong Apsalom, laikim bilong em long Maka i winim tru laik bilong em long ol arapela meri bilong em na ol namba tu lain meri bilong em, em i gat 18-pela meri na 60 namba tu lain meri na em i gat 28 pikinini man na 60 pikinini meri.

11/22.txt

@@ -0,0 +1 @@
+\v 22 Rehoboam i makim Abija pikinini man bilong namba tu meri bilong em Maka long stap bosman bilong olgeta lain brata bilong em, papa bilong em, Rehoboam i gat tingting long makim em i kamap king. \v 23 Rehoboam i lukautim gut tru ol manmeri bilong Juda na Benjamin, em i salim ol pikinini man bilong em long olgeta biktaun ol i banisim gut na stap strong. Em i givim ol planti kaikai tru na painim planti meri na givim ol.

12/01.txt

@@ -0,0 +1 @@
+\v 1 Long taim Reoboam i kamap king, em i kamap strongpela king tru na lukautim ol, olsem na em i bin lusim lo bilong God Yawe na olgeta Israel  i stap wantaim em.

12/02.txt

@@ -0,0 +1 @@
+\v 2 Em i bin kamap long namba 5 yia bilong king Reoboam na Sisak king bilong Isip i kam na pait wantaim Jerusalem, long wanem ol manmeri i no bin stap tru long God Yawe. \v 3 Em i bin kam wantaim 1,200 karis bilong pait na 60,000 man bilong draivim hos. Ol soldia i no gat namba i bin kam wantaim em long ples Isip, Libya, Suk na Kus. \v 4 Em i bin winim strongpela biktaun bilong ol Juda na em i bin kam long Jerusalem.

12/05.txt

@@ -0,0 +1 @@
+\v 5 Olsem na profet Semaia i bin kam long Reoboam na long ol lida bilong Juda, ol i bin bung long Jerusalem long wanem ol i laik stretim tok bilong Sisak. Semaia i bin tokim ol olsem, "Dispela em i tok bilong God Yawe, yupela i bin givim baksait long mi olsem na mi tu i givim yupela i go long han bilong Sisak." \v 6 Bihain king na ol pikinini man bilong ol  i bin daunim ol yet na tok olsem, "God Yawe em stretpela man."

12/07.txt

@@ -0,0 +1 @@
+\v 7 Taim God Yawe i bin lukim olsem ol i daunim ol yet, tok bilong God Yawe i bin kam long Semaia olsem, "Ol i daunim ol yet olsem na bai mi no inap long bagarapim ol. Mi bai i helpim ol long sampela kain rot na belhat bilong mi bai i no inap kamap long Jerusalem long han bilong Sisak. \v 8 Tasol maski, ol bai i kamap wokman bilong em, olsem na ol bai klia long wanem, ol bai i mekim long helpim mi na long helpim ol bikman bilong ol arapela kauntri."