Old Testament Level-1

01/01.txt

@@ -0,0 +1 @@
+\v 1 Wanpela man long ples Ramataim na em man long ol lain Jufa i save stap long maunten hap bilong kantri Efram. nem bilong dispela man em Elkana. Em pikinini bilong Jeroham. Jeroham em pikinini man bilong Eliu, na Eliu em pikinini man bilong Tohu, na Tohu em pikinini man bilong Jufa, na em man bilong ol lain Efram. \v 2 Elkana i gat tupela meri. Namba wan meri em Hana na namba tu meri em Penina. Penina em i gat pikinini tasol Hana em i nogat pikinini.

01/03.txt

@@ -0,0 +1 @@
+\v 3 Dispela man Elkana i save lusim biktaun bilong en na i go long ples Siro long olgeta yia long mekim ofa i go long God na lotuim God Yawe bilong olgeta manmeri taim tupela pikinini bilong Eli, Hopni na Finias i stap olsem pris bilong God Yawe. \v 4 Long dei kam bilong Elkana long mekim ofa i go long God Yawe long wan wan yia kamap, em i save kisim sampela mit na givim i go long Penina meri bilong en wantaim ol pkinini man na meri bilong em.

01/05.txt

@@ -0,0 +1 @@
+\v 5 Tasol long Hana, em i save givim mit tupela taim moa abrusim Penina, long wanem Elkana i laikim tumas Hana maski God Yawe i pasim bel bilong em long karim pikinini. \v 6 Meri poro bilong en Penina i save mekim pasin nogut long em long hatim bel bilong em, long wanem God Yawe i pasim bel bilong em.

01/07.txt

@@ -0,0 +1 @@
+\v 7 Penina i save mekim dispela kain pasin olgeta yia taim Hana i go long haus sel bilong God Yawe wantaim femili bilong em, meri poro bilong em i save mekim em i wari na sori. Olsem na Hana i save krai na i no save kaikai gut. \v 8 Elkana man bilong en i askim em, "Hana, bilong wanem na yu wok long krai na yu no kaikai? Olsem wanem na yu no hamamas? Yu ting mi no inap long mekim gut long yu na long ol 10-pela pikinini man?"

01/09.txt

@@ -0,0 +1 @@
+\v 9 Long wanpela bung long ples Siro taim ol i kaikai na dring pinis, Hana i kirap na i go long haus sel bilong God Yawe long beten. Long dispela taim pris Eli i sindaun long sia klostu long dua long haus sel bilong God Yawe. \v 10 Em i gat bikpela wari na em i krai na beten i go long God Yawe.

01/11.txt

@@ -0,0 +1 @@
+\v 11 Na em mekim tok promis long God Yawe na i tok olsem, "Yu God Yawe bilong olgeta manmeri, yu lukim hevi bilong mi wok meri bilong yu na tingim mi na noken lus tingting long mi. Yu givim wanpela pikinini man long mi wok meri bilong yu. Bihain bai mi givim dispela pikinini i go bek long yu God Yawe inap long laip taim bilong en long dispela graun. Nogat wanpela man bai katim het gras bilong en."

01/12.txt

@@ -0,0 +1 @@
+\v 12 Taim Hana i wok long beten long God Yawe na stap, pris Eli i lukluk long maus bilong Hana long harim toktok bilong em. \v 13 Hana i wok long beten insait long bel na tingting bilong em na maus bilong em tasol i go i kam. Tasol pris Eli i no inap long harim toktok bilong Hana na em i ting olsem Hana mas dring wain na spak pinis. \v 14 Pris Eli i tok olsem long Hana, "Longpela taim yu wok long dring wain. Yu mas lusim dispela wain."

01/15.txt

@@ -0,0 +1 @@
+\v 15 Hana i bekim tok, "Bikpela bilong mi, mi no dring na spak. Mi meri i stap wantaim hevi na wari. Mi no dring wain o strongpela bia, tasol mi wok long tokim God Yawe long wanem hevi na wari i stap insait long mi. \v 16 Yu noken lukim mi wok meri bilong yu olsem meri i save mekim pasin nogut. Mi wok long mekim dispela beten antap long wari mi gat na long pasin bilong mekim mi belhat."

01/17.txt

@@ -0,0 +1 @@
+\v 17 Orait Pris Eli i bekim tok bilong en, "Yu ken i go wantaim bel isi. God bilong Israel em bai i mekim kamap wanem samting yu bin askim long en." \v 18 Hana i tok, "Larim wokmeri bilong yu inap long luksave long gutpela pasin yu mekim." Bihain Hana i go wantaim gutpela hamamas na em i kaikai.

01/19.txt

@@ -0,0 +1 @@
+\v 19 Elkana na Hana i kirap long moning taim tru na lotuim God Yawe na tupela i go bek long haus bilong tupela long Rama. Elkana i slip wantaim meri bilong en Hana na God Yawe i tingim prea bilong Hana. \v 20 Sampela taim bihain, Hana i kisim bel na i karim pikinini man na kolim nem bilong em Samuel na i tok olsem, "Mi bin askim God Yawe long dispela pikinini."

01/21.txt

@@ -0,0 +1 @@
+\v 21 Wanpela moa taim gen Elkana na olgeta lain bilong haus bilong en i go antap long Siro long mekim ofa long God Yawe i save kamap long wanwan yia long soim tok promis bilong en. \v 22 Tasol Hana i no go wantaim ol. Em i tok olsem long man bilong en, "Mi bai i no inap long go inap taim pikinini i lusim susu na wokabaut, orait bihain bai mi kisim em i kam long God Yawe husait i save i stap oltaim oltaim." \v 23 Elkana i tokim meri bilong en olsem, "Yu mas bihainim wanem yu ting em i gutpela. Yu ken i stap bek inap pikinini i lusim susu na wokabaut. God Yawe bai mekim tok bilong em i kamap tru." Olsem na Hana i stap bek long haus na lukautim pikinini inap em i lusim susu na i wokabaut.

01/24.txt

@@ -0,0 +1 @@
+\v 24 Taim Hana i lukautim pikinini inap em i lusim susu na wokabaut, em i kisim dispela pikinini wantaim bulmakao i stap 3pela yia pinis, wanpela hap plaua na wanpela botol wain wantaim na i go long Siro long haus sel bilong God Yawe. Pikinini i kamap olsem yangpela boi long dispela taim. \v 25 Ol i kilim bulmakao na kisim dispela pikinini i go long pris Eli.

01/26.txt

@@ -0,0 +1 @@
+\v 26 Hana i tok olsem, "O Bikpela bilong mi! Tru tumas yu i stap olsem Bikpela bilong mi. Mi dispela meri i bin stap wantaim yu na mi bin beten i go long yu God Yawe. \v 27 Long dispela pikinini tasol God Yawe i harim beten bilong mi na givim long mi taim mi askim em. \v 28 Mi bin givim yu pinis dispela pikinini i go long yu God Yawe inap long laip bilong en bai i stap longpela taim long dispela graun." Orait Elkana i lotuim God Yawe long dispela hap.

02/01.txt

@@ -0,0 +1 @@
+\v 1 Ana i beten olsem, ''Bel bilong mi i amamas moa yet long God Yawe. Mi amamas Bikpela i bin kisim bek mi na givim biknem long mi, olsem na mi lap nogut long ol birua bilong mi.

02/02.txt

@@ -0,0 +1 @@
+\v 2 Ino gat narapela i holi olsem God Yawe, ino gat narapela bihain long yu na ino gat wanpela ston i wankain olsem God bilong mipela.

02/03.txt

@@ -0,0 +1 @@
+\v 3 Yumi ol manmeri i mas save gut olsem, Yawe em i God i save long olgeta samting yumi mekim na skelim pasin bilong yumi, olsem na yumi noken opim maus na litimapim nem bilong yumi yet, yumi mas pasim maus na i noken mekim kain tok. \v 4 Ol bunara bilong ol strongpela man i bruk pinis, tasol ol lain ol i no gat strong bai i kisim strong gen olsem let.

02/05.txt

@@ -0,0 +1 @@
+\v 5 Ol lain i pulap long bret bipo ol i wok nau long baim bret, ol lain i save angere i wok planti na ino angere moa. Na tu ol meri ino save bel i karim 7-pela pikinini, tasol ol meri i bin gat planti pikinini ol i lus na ol stap wanpis.

02/06.txt

@@ -0,0 +1 @@
+\v 6 God Yawe i save kilim man i dai na i save givim laip long ol man. Em i save mekim ol man igo daun long ples bilong man i dai pinis na kirapim ol gen na ol i kisim laip. \v 7 God Yawe i save mekim sampela man i rabis na sampela i gat planti samting. Em i save daunim, tasol em i save litimapim ol igo antap tu.

02/08.txt

@@ -0,0 +1 @@
+\v 8 Em i save helpim ol rabis man i kam aut long das. Em i save litimapim ol turangu long ples sori long mekim ol i sindaun wantaim pikinini man bilong king na kisim sia bilong kisim biknem. Ol strongpela samting bilong holim dispela graun em i bilong God Yawe na em i mekim dispela graun antap long ol.

02/09.txt

@@ -0,0 +1 @@
+\v 9 Em bai i lukautim lek bilong ol man i laikim em, tasol ol man nogut bai i lus long ples i tudak tru, maski wanpela man i gat bikpela stromg bai ino inap stap gut long strong bilong em.

02/10.txt

@@ -0,0 +1 @@
+\v 10 Ol lain i tok kros pait long God Yawe bai i bagarap nogut tru, Em bai i stap long heven na pairap strong long ol olsem klaut i pairap. God Yawe bai skelim pinis bilong dispela graun, Em bai i givim stromg long dispela king em i bin makim na dispela king bai i gat biknem namel long ol man meri.''

02/11.txt

@@ -0,0 +1 @@
+\v 11 Orait Elkana i go long Rama, long haus bilong em. Pikinini i mekim wok bilong God Yawe long ai bilong pris Eli.

02/12.txt

@@ -0,0 +1 @@
+\v 12 Nau tupela pikinini man bilong Eli ino gutpela man, ol ino save long God Yawe. \v 13 Na pasin tumbuna bilong pris wantaim ol man meri i olsem taim wanpela man i mekim ofa, ol wok man bilong pris bai i kam wantaim fok i gat traipela tit long han, tanim ol mit i boil yet. \v 14 Em bai i putim ol insait long bikpela plet, o ketel, o bikpela suspan. Wanem ol mit samting fok i kisim i kam antap taim pris i pulim fok pris bai i kisim bilong em yet, Ol i save mekim dispela pasin long ol manmeri Israel taim ol i kam long Silo.

02/15.txt

@@ -0,0 +1 @@
+\v 15 Pasin nogut bilong ol i olsem, taim ol i no kukim gris yet, wokman bilong pris i save kam na tokim ol man i mekim ofa, ''Givim mit bilong smukim long pris, long wanem, em bai no inap laikim ol mit yu bolim, em i laikim mit ino tan yet.'' \v 16 Sapos ol man i tokim em, ''Ol i mas kukim ol gris pastaim na bihain bai yu kisim hamas yu laikim.'' Orait em bai i tok, ''Nogat, yu givim long mi nau, sapos nogat, bai mi strong na kisim.'' \v 17 Na pasin nogut bilong dispela tupela yangpela man i kamap bikpela tru long ai bilong God Yawe, long wanem tupela i bagarapim ofa bilong God Yawe.

02/18.txt

@@ -0,0 +1 @@
+\v 18 Tasol Samuel i mekim wok bilong God Yawe olsem liklik pikinini wantaim klos bilong ol pris. \v 19 Mama bilong Samuel i save mekim liklik klos pris na i go givim long em taim mama i go antap wantaim papa long mekim ofa long wan wan yia.

02/20.txt

@@ -0,0 +1 @@
+\v 20 Eli i save mekim gut long Elkana na meri bilong en na tok, ''Bai God Yawe i givim yu moa pikinini long dispela meri long wanem askim em i bin mekim i go long God Yawe. ''Bihain tupela i go bek long haus bilong tupela. \v 21 God Yawe i mekim gut gen long Ana na em i gat bel. Bihain em i gat tripela pikinini man na tupela pikinini meri. Namel taim, liklik Samuel i kamap bikpela long ai bilong God Yawe.

02/22.txt

@@ -0,0 +1 @@
+\v 22 Nau Eli i kamap lapun tru, em i harim ol dispela pasin tupela pikinini man bilong em i save mekim long ol Israel na tupela i save slip wantaim ol meri i save mekim wok long dua bilong haus sel bilong Bikpela. \v 23 Em i tokim tupela olsem,''Bilong wanem yutupela i mekim ol kain pasin olsem? Na mi harim ol kain pasin nogut bilong yutupela long ol dispela manmeri.'' \v 24 Nogat, tupela pikinini man bilong mi, em ino gutpela tok mi harim. Yutupela i mekim ol manmeri bilong God Yawe i sakim tok.

02/25.txt

@@ -0,0 +1 @@
+\v 25 ''Sapos wanpela man i mekim asua long narapela bai, God bai i skelim em, tasol sapos wanpela man i mekim asua long God Yawe, huasit bai i makim em na tok tok?'' Tasol ol ino inap harim tok bilong papa bilong ol, bilong wanem God Yawe i ting ting long kilim ol. \v 26 Na liklik pikinini Samuel i kamap bikpela man na laikim bilong God Yawe na ol man meri i stap wantaim em.

02/27.txt

@@ -0,0 +1 @@
+\v 27 Nau wanpela wokman bilong God i kam long Eli na i tokim em olsem, ''God Yawe i tok, 'Ating mi no bin kamap ples klia long haus bilong ol tumbuna bilong yupela, taim ol i stap long Isip long kalabus lo haus bilong Farao? \v 28 Mi makim em long olgeta lain bilong Israel long kamap pris bilong mi, long i go antap long alta bilong mi, na kukim smok smel, long pasim klos bilong pris long ai bilong mi. Mi givim haus long ol tumbuna bilong yupela na olgeta ofa ol manmeri bilong Israel ol i save kukim long paia.

02/29.txt

@@ -0,0 +1 @@
+\v 29 Bilong wanem, yupela i wok long rabisim ol ofa mi tokim ol Israel long mekim long ples mi stap long en? Bilong wanem yu laikim tumas ol pikinini bilong yu moa long mi na mekim yupela yet i kamap pat long olgeta gutpela ofa bilong ol manmeri bilong mi Israel?' \v 30 Olsem na God Yawe, God bilong Israel i tok, 'Mi promis olsem bai ol lain manmeri bilong haus bilong yupela na haus bilong ol tumbuna bilong yupela bai stap long pes bilong mi oltaim. 'Tasol nau God Yawe i tok olsem, ' Nau bai mi senisim dispela tok, Nau mi tok olsem, man i litimapim nem bilong mi bai mi givim biknem long em, tasol man i daunim mi, bai mi daunim em tru.

02/31.txt

@@ -0,0 +1 @@
+\v 31 Harim gut, bihain bai mi pinisim ol yangpela man long lain bilong yu na lain bilong papa bilong yu na bai ino gat moa ol lapun man long lain bilong yu. \v 32 Yupela bai i stap nogut long ples mi stap long en. Maski mi givim ol gutpela samting long ol Israel. Bai ino gat ol lapun man  long lain bilong yupela.' \v 33 Sapos wanpela bilong yupela mi no rausim long alta bilong mi, orait bai mi mekim ai bilong yupela i pas na bai mi givim bikpela hevi long yupela. Olgeta man i kamap long famili bilong yupela bai i dai.

02/34.txt

@@ -0,0 +1 @@
+\v 34 Dispela mak bai i kamap long tupela pikinini man bilong yu, Opni na Pinias.Tupela wantaim bai i dai long wanpela de tasol. \v 35 Mi bai makim wanpela pris bilong mi yet na em bai bihainim tingting na bel bilong mi. Mi bai mekim lain bilong em i stap pris oltaim na wok wantaim king mi makim.

02/36.txt

@@ -0,0 +1 @@
+\v 36 Olgeta man husait i stap yet long haus bilong yu bai i kam na brukim skru long em na askim long silva na bret. Bai ol i tok, ''Inap yu givim mi wanpela wok bilong pris na bai mi ken kaikai liklik hap bret.'''''

03/01.txt

@@ -0,0 +1 @@
+\v 1 Liklik mangi Samuel i mekim wok bilong God Yawe aninit long Eli. Tok bilong God Yawe i no kamap ples klia na i no gat planti driman. \v 2 Long dispela taim ai bilong Eli em i pas liklik na em i no inap lukluk gut na em i slip long bet bilong em. \v 3 Lam bilong God i no dai yet na Samuel i go long slip long haus bilong God Yawe long hap bokis kontrak i stap long en. \v 4 God Yawe i singaut long Samuel, husait i tok," Mi stap long hia."

03/05.txt

@@ -0,0 +1 @@
+\v 5 Samuel i ran i go long Eli na i tok olsem," Mi harim yu singautim mi na mi kam." Eli i tok," Mi no singautim yu, go na slip gen." Olsem na Samuel i go na silip gen. \v 6 God Yawe i singaut gen," Samuel."Olsem na Samuel i kirap na i go long Eli na i tok," Mi harim yu singautim mi na mi kam."Eli i bekim," Mi i no singautim yu, pikinini man bilong mi, yu go na slip gen."

03/07.txt

@@ -0,0 +1 @@
+\v 7 Na Samuel i no bin save gut long God Yawe, o kisim tok long God Yawe o harim em i bin toktok long em. \v 8 God Yawe i singautim Samuel gen namba tri taim. Samuel i kirap gen na i go long Eli na tok,"Mi harim yu singautim mi na mi kam."Nau Eli i luksave olsem God Yawe i singautim liklik mangi.

03/09.txt

@@ -0,0 +1 @@
+\v 9 Na Eli i tokim Samuel, " Go na slip gen; sapos em i singautim yu gen , yu i mas tok," Toktok, God Yawe, wokman bilong yu i harim." Olsem na Samuel i go slip long ples bilong em wanpela taim gen.

03/10.txt

@@ -0,0 +1 @@
+\v 10 God Yawe i kam na sanap; em i singaut gen olsem ol arepela taim, " Samuel, Samuel." Na Samuel i tok," Toktok, wokman bilong yu i harim." \v 11 God Yawe i tokim Samuel," Lukim mi bai mekim wanpela samting insait long Israel na taim ol harim ol bai pilim nogut tru.

03/12.txt

@@ -0,0 +1 @@
+\v 12 Long dispela taim mi bai mekim save long ol femali bilong Eli long ol wanem samting mi tok bai mi mekim, long stat i go inap long pinis. \v 13 Mi bin tokim em olsem mi bai mekim save long ol femili bilong em long ol pasin nogut em i save, bilong wanem ol pikinini man bilong em i kisim bagarap i kam antap long ol yet na em i no stopim ol. \v 14 Long dispela pasin nogut mi tok strong long ol femili bilong Eli olsem sin bilong ol bai i no gat wanpela ofa i ken rausim.

03/15.txt

@@ -0,0 +1 @@
+\v 15 Samuel i slip i go inap long moning na bihain em i opim dua bilong haus bilong God Yawe. Tasol Samuel i pret long tokim Eli long dispela driman. \v 16 Bihain Eli i singautim Samuel na i tok," Samuel, pikinini man bilong mi." Samuel i tok," Mi stap long hia."

03/17.txt

@@ -0,0 +1 @@
+\v 17 Em i tok," Wanem tok God i tokim yu? Plis yu noken haitim long mi. Bai God i mekim save long yu, sapos yu haitim wanpela samting long mi long ol tok em i tokim yu." \v 18 Samuel i tokim em olgeta samting; em i no haitim wanpela samting long em. Eli i tok,"Em i God Yawe. Larim em i mekim wanem samting em i ting olsem em i gutpela long em.

03/19.txt

@@ -0,0 +1 @@
+\v 19 Samuel i kamap bikpela man na God Yawe i stap wantaim em na em i no larim wanpela driman i lus nating. \v 20 Olgeta manmeri bilong Israel i stap long Dan i go inap long Besiba i save olsem God Yawe i makim Samuel olsem profet bilong em. \v 21 God Yawe i kamap ples klia gen long Silo na em i bin kamapim em yet long Samuel long Silo insait long tok bilong em.

04/01.txt

@@ -0,0 +1 @@
+\v 1 Tok bilong Samuel i kam long olgeta Israel. Nao ol Israel igo pait wantaim ol Filistia. Ol i putim kemp long Ebenesa na ol Filistia i kemp long Apek. \v 2 Ol Filistia lainap long pait wantaim Israel. Taim ol i pait, Ol Israel i lus long pait na 4 tausen man i dai long pait.

04/03.txt

@@ -0,0 +1 @@
+\v 3 Taim ol man i kam bek long kemp, Ol bikman bilong Israel i tok, "Olsem wanem na God Yawe i lusim ol Filistia i kam winim mipela? Yumi kisim bokis kontrak bilong God Yawe i go long ples Silon, em bai stap wantaim mipela long hia, na em bai lukautim miplela long han bilong ol birua. \v 4 Ol manmeri i salim ol man i go long Silon; long hap ol i karim bokis kontrak biolng God Yawe, em i sindaun antap long tupela ensel. Tupela pikinini man bilong Eli em Hopni na Penias i stap wantaim bokis kontrak bilong God.

04/05.txt

@@ -0,0 +1 @@
+\v 5 Taim bokis kontrak Bilong God Yawe i kam long kemp, olgeta manmeri blong Israel i bikmaus, na graun i mekim nois. \v 6 Taim ol Filistia i harim nois bilong singaut, na ol i askim, "Dispela singaut em wanem kain singaut long kemp bilong ol Hibru?" Nao ol i luksave olsem bokis kontrak bilong God Yawe i kam long kemp.

04/07.txt

@@ -0,0 +1 @@
+\v 7 Ol Filistia i pret; na tok, "god i kam stap long kemp bilong ol, "Tok lukaut i kam! Nogat kain samtin olsem i save kamap bipo! \v 8 Tok lukaut i kam! Husait bai helpim mipela long strong bilong dispela bikpela god we em i bagarapim ol Isip wantaim ol planti kainkain hevi long ples i drai. \v 9 Sanap strong na kamap man, yupela Filistia, o yupela i bai kamap wokboi bilong ol Hibru olsem ol i kamap wokboi bilong yupela. Sanap strong na pait olsem man.

04/10.txt

@@ -0,0 +1 @@
+\v 10 Filistia pait, wantaim ol Israel na ol Israel i lus. Olgeta man i ranawe i go long haus, na ol i katim planti man na namba bilong ol i olsem 30 tausen man i dai. \v 11 Ol i kisim bokis kontrak bilong God Yawe, na tupela pikini man bilong Eli, Hopni na Pinias i dai.

04/12.txt

@@ -0,0 +1 @@
+\v 12 Wanpela man long lain bilong Benjamin i ranawe long pait na i kam long Silon wantain brukbruk kolos na graun malualu long het. \v 13 Taim em kamap, Eli i sidaun arere long rot na lukluk long wanem em i gat pret long bokis kontrak bilong God. Taim dispela man kam insait long biktaun na tok save long dispela bagarap, olgeta manmeri i bikmaus na krai.

04/14.txt

@@ -0,0 +1 @@
+\v 14 Taim Eli i harim bikpela nois, Em i askim, "Wanem samting i kamap na ol i mekim bikpela nois?" Dispela man i kam hariap na tokim Eli. \v 15 Eli i stap 98 krimas; ai bilong em i bagarap na em ino inap lukluk gut.

04/16.txt

@@ -0,0 +1 @@
+\v 16 Dispela man i tokim Eli, "Mi wanpela tasol nao mi kam long ples bilong pait" na Eli i askim em, "Pikinini man bilong mi i stap olsem wanem?" \v 17 Dispela man i kisim tok i kam i bekim na i tok, "Ol Israel i lusim pait na ol Filistia i winim ol na tupela pikinini man bilong yu Hopni na Pinias i dai na ol i kisim bokis kontrak bilong God igo.

04/18.txt

@@ -0,0 +1 @@
+\v 18 Taim em i kolim bokis kontrak bilong God Yawe, Eli sidaun long sia na pundaun i go long beksait na brukim nek na dai long sait bilong gait, long wanem em lapun na hevi. Em i wok olsem man i save skelim kot bilong ol Israel long 40 yia.

04/19.txt

@@ -0,0 +1 @@
+\v 19 Nao tambu meri bilong em meri bilong Pinia i gat bel na klostu long karim. Taim em i harim dispela tok long bokis kontrak bilong God ol birua i kisim na tambu man na man bilong em tupela i dai, em i go daun long graun na karim pikinini, tasol pen i bikpela tumas. \v 20 Klostu taim long em bai dai, meri helpim em i tok, "Yu noken pret yu karim pikinini man. "Tasol em ino bekim tok na kisim wanem em i tok.

04/21.txt

@@ -0,0 +1 @@
+\v 21 Dispela meri i kolim nem bilong pikinini Ikabod, i tok , "strong i lusim Israel !" Ol i kisim bokis kontrak bilong God Yawe, long asua bilong tambu man na man bilong en. \v 22 Em tok, "strong bilong God i lusim Israel, long wanem bokis kontrak bilong God ol i kisim."

05/01.txt

@@ -0,0 +1 @@
+\v 1 Nau ol Pilistain i bin olim pas bokis kontrak bilong God na karim long Ebenesa i go long Asdod. \v 2 Ol Pilistain i karim bokis kontrak bilong God na kisim i go insait long haus bilong Dagon na putim sait long em. \v 3 Long bikpela monin long narapela dei ol lain manmeri bilong Asdod kirap na lukim olsem Dagon pundaun na slip putim pes i go long bokis kontrak bilong God Yawe na ol apim Dagon na putim em gen long ples bilong em.

05/04.txt

@@ -0,0 +1 @@
+\v 4 Tasol long bikpela monin ol kirap na lukim, Dagon pundaun na slip putim pes i go lon bokis kontrak bilong God Yawe. Het na ol han bilong Dagon i buruk na lus nambaut long dua long i go insait. Bikpela hap bodi bilong Dagon i no bin buruk na stap yet. \v 5 Em olsem na nau tu ol pris bilong Dagon na ol narapela manmeri husait laik i go insait lo haus bilong Dagon i no save putim lek long dua i go insait long hause bilong Dagon long ples Asdod.

05/06.txt

@@ -0,0 +1 @@
+\v 6 God Yawe i mekim save long ol manmeri bilong Asdod. Em i bagarapim ol Astod na ol lain i stap klostu wantaim ol long pein nogut long bikpela buk. \v 7 Taim ol manmeri bilong Asdod i luksave olsem wanem i bin kamap na ol i tok.''Bokis kontrak bilong God bilong Israel noken stap wantaim yumi, bilong wonem God bilong Israel i bagarapim mipla na Dagon, god bilong mipla.''

05/08.txt

@@ -0,0 +1 @@
+\v 8 Olsem na ol salim i go toksave long bunaim olgeta lida bilong Pilistain na ol tokim ol olsem, ''Bai yumi wokim wonam long kontrak bokis bliong God bilong ol Israel?'' Na ol i bekim na tok, ''Karim bokis kontrak bilong God bilong ol lain Israel na raunim i go long ples Gat.'' Olsem na ol karim bokis kontrak bilong God bilong Israel i go. \v 9 Tasol taim ol bin karim igo long Gat God Yawe i mekim save long olgeta man long biktaun na paulim tintin bilng ol. Em i mekim  bikpela na liklik long biktaun bikpela pein na ol bikpela buk buruk long skin blong ol.

05/10.txt

@@ -0,0 +1 @@
+\v 10 Olsem na ol salim bokis kontrak bilong God igo long Ekron. Tasol taim bokis kontrak bilong God igo insait long Ekron, ol lain manmeri bilong Ekron singaut na tok. ''Ol i karim bokis kontrak bilong God bilong ol Israel i kam long kilim yumi na ol manmeri bilong yumi.

05/11.txt

@@ -0,0 +1 @@
+\v 11 Olsem na ol i go toksave long bungim olgeta lida bilong Palestain na ol tok long ol olsem, ''Salim bokis kontrak bilong God bilong ol Israel i go na em bai igo bek long ples bilong em yet na em bai i no inap kilim ol manmeri bilong yumi.'' Ol i bin guria na prett nogut tru long olgeta hap long biktaun, bilong wonem God i mekim save gut tru long ol. \v 12 Ol lain i no i dai i kisim bikpela pein long ol bikpela  buk na krai bilong manmeri long biktaun i go long ol heven.

06/01.txt

@@ -0,0 +1 @@
+\v 1 Long dispela taim Bokis Kontrak bilong God Yawe i bin stap long bikples bilong ol Filistia long 7pela mun. \v 2 Nau ol manmeri bilong Filistia i singautim ol pris na ol man bilong tok profet i kam na tokim ol, "Yumi bai mekim wanem wantaim Bokis Kontrak bilong God Yawe? Tokim mipela, olsem wanem na bai mipela salim i go bek long bikples bilong em."

06/03.txt

@@ -0,0 +1 @@
+\v 3 Ol pris na ol man bilong tok profet i tok, "Sapos yupela i laik salim Bokis Kontrak bilong God Yawe bilong Israel i go bek, noken salim nating i go taim nogat presen i stap, mekim olgeta samting na salim wantaim ol ofa bilong tok sori. Long dispela rot bai yu orait, na bai yu save olsem em i no bin apim han na putim antap long yu ikam i nap nau." \v 4 Na ol i tok, " Wanem ofa bilong tok sori bai mipela givim i go long em?" Ol i bekim na tok, "5-pela piksa bilong sua nogut ol i wokim long kol na 5pela piksa bilong rat ol i wokim wantaim gol, 5-pela namba em wankain olsem namba bilong ol 5-pela bikpela hetman bilong ol Filistia. Dispela wanpela samting nogut tasol bai i bakarapim yu na ol bikpela hetman bilong yupela wantaim.

06/05.txt

@@ -0,0 +1 @@
+\v 5 Olsem na yupela mas mekim wankain piksa bilong sua nogut, na wankain piksa bilong ol rat i save bakarapim ol graun, na givim biknem na litimapim nem bilong God Yawe bilong ol Israel. Na em bai rausim han bilong em antap long yupela, na long ol god bilong yupela, na long graun bilong yupela. \v 6 Bilong wanem na yupela bai holim pas bel bilong yupela strong tumas, olsem ol manmeri bilong Isip na wantaim Fero i holim pas bel bilong em strong tumas? Long kain pasin tasol God Yawe bilong Israel i bin mekim sampela samting wantaim ol, yu ting ol Isip i no salim ol manmeri i go, na ol i lusim i go?

06/07.txt

@@ -0,0 +1 @@
+\v 7 Olsem na, yupela mas redim karis na tupela mama kau i stap long susu ol i no bin pasim karis long en bipo. Pasim ol rop long tupela kau long karis, tasol kisim ol pikinini kau i go long haus, longwe long em. \v 8 Kisim Bokis Kontrak bilong God Yawe na putim i go antap long karis. Putim ol dispela samting yupela i bin wokim long ol gol olsem ofa bilong tok sori i go long wanpela sait bilong en. Na rausim em i go na larim em i go longwe bilong em yet. \v 9 Na lukim, sapos em i go bek stret long rot antap long graun bilong em Bet Semes, em i olsem God Yawe i bin kamapim na kilim ol long dispela bakarap. Sapos nogat, em yumi bai save olsem em i no han bilong em i bakarapim yumi, long dispela as tasol yumi bai save olsem em i kamap tasol long yumi."

06/10.txt

@@ -0,0 +1 @@
+\v 10 Ol man i bin mekim olsem wanem ol i bin tokim, ol i kisim tupela mama kau i stap long susu, pasim long karis na putim ol pikinini kau bilong ol i go insait long haus. \v 11 Ol i putim Bokis Kontrak i go antap long karis, wataim bokis ol i putim rat ol i wokim long gol wantaim sua nogut ol i kamapim long en. \v 12 Ol kau i go stret long Bet Sebes. Ol yet i go long wanpela bikpela rot, nois wantaim ol i go na ol i no tanim i go long hansut o long hankais taim ol i go. Ol hetman bilong Filistia i bihainim ol i go long mak bilong Bet Semes.

06/13.txt

@@ -0,0 +1 @@
+\v 13 Long dispela taim ol manmeri bilong Bet Sebes i katim wit bilong ol long gaden i stap long ples daun. Taim ol apim ai i go antap ol i lukim Bokis Kontrak na ol i amamas.

06/14.txt

@@ -0,0 +1 @@
+\v 14 Dispela karis kam yet long bikples bilong Bet Sebes na kam stop long graun bilong Josua. Traipela ston bin stap long em, na ol brukim diwai bilong karis na kukim kau olsem ofa bilong kukim olgeta long paia i go long God Yawe. \v 15 Ol Livai i kisim Bokis Kontrak i go daun wantaim bokis i stap insait wantaim, ol samting ol i wokim wantaim gol na putim antap long traipela ston. Ol man bilong Bet Semes ol i kukim ofa bilong kukim olgeta long paia na mekim ol narapela ofa tu i go long God Yawe long dispela dei tasol.

06/16.txt

@@ -0,0 +1 @@
+\v 16 Taim ol 5-pela hetman bilong Filistia i lukim ol dispela samting pinis, long dispela dei tasol ol i go bek long Ekron

06/17.txt

@@ -0,0 +1 @@
+\v 17 Displa em sua nogut bilong Filistia ol i wokim long gol na salim i go olsem ofa bilong mekim tok sore long God Yawe, wanpela bilong Asdot, wanpela bilong Gasa, wanpela bilong Askelon, wanpela bilong Gat na wanpela bilong Ekron. \v 18 Ol dispela gol rat i wankain namba bilong ol dispela biktaun bilong ol Filistia em bilong ol dispela 5-pela hetman bilong ol strongpela biktaun na wantaim ol bikples haus lain wantaim. Beksait bilong traipela ston ol i bin putim Bokis Kontrak bilong God Yawe i sanap yet nau long graun bilong Josua bilong Betsemit.

06/19.txt

@@ -0,0 +1 @@
+\v 19 God Yawe i bin bakarapim sampela man long Bet Semes long wanem ol i bin lukluk i go insait long Bokis Kontrak bilong God Yawe. Em i kilim 50,070 man. Ol manmeri i krai, long wanem God Yawe i givim ol manmeri bikpela pen moa. \v 20 Ol man bilong Bet Sebes i tok, " Husait bai sanap strong wantaim Yawe, holi God Yawe? Long husait lain bai dispela Bokis Kontrak i lusim mipela na i go?"

06/21.txt

@@ -0,0 +1 @@
+\v 21 Ol i salim ol man bilong karim tok i go long ol manmeri i stap long Kiriat Jiram na i tok, "Ol filistia i salim i kam bek Bokis Kontrak bilong God Yawe pinis, yupela kam daun na kisim i go bek wantaim yupela."

07/01.txt

@@ -0,0 +1 @@
+\v 1 Ol man long Kiriat Jearim i kam na kisim bokis kontrak bilong God Yawe na putim long haus bilong Abinadab antap long liklik maunten na ol i makim Eliesa long lukautim bokis kontrak bilong God Yawe. \v 2 Taim Bokis Kontrak bilong God Yawe i stap long Kiriat Jearim, em i stap longpela taim pinis, olsem 20 yia. Ol Israel i wari na krai na laik i go bek long God Yawe.

07/03.txt

@@ -0,0 +1 @@
+\v 3 Samuel i tokim olgeta Israel olsem, "Sapos yupela kam bek long God Yawe wantaim trupela bel na rausim ol god giaman bilong narapela hap na god meri Astores i stap namel long yupela na givim bel bilong yupela long God Yawe na lotu long em wanpela tasol, em bai kisim bek yupela long han bilong ol Filistia." \v 4 Nau ol manmeri bilong Israel i rausim god giaman Bal na god meri Astores na ol lotuim God Yawe wanpela tasol.

07/05.txt

@@ -0,0 +1 @@
+\v 5 Olsem na Samuel i tok, "Bungim olgeta manmeri bilong Israel long Mispa na bai mi beten long God Yawe long yupela." \v 6 Ol i bung long Mispa na pulimapim wara na kapsaitm long ai bilong God Yawe. Na ol i tambuim kaikai na ol i tok, "Mipela i bin mekim sin long ai bilong God Yawe," Long dispela taim Samuel i stat long stretim hevi bilong ol Israel na i kisim ol i go.

07/07.txt

@@ -0,0 +1 @@
+\v 7 Taim ol Filistia i harim olsem ol Israel i bung long Mispa, ol lida bilong Filistia i laik pait wantaim ol Israel. Taim ol manmeri bilong Israel i harim dispela, ol i pret long ol Filistia. \v 8 Nau ol manmeri bilong Israel i tokim Samuel olsem, yu noken lusim pasin bilong singaut long God Yawe, God bilong mipela na em i helpim mipela long han bilong ol Filistia."

07/09.txt

@@ -0,0 +1 @@
+\v 9 Samuel i kisim pikinini sipsip i dring susu yet na i mekim ofa bilong paia i kukim olgeta i go long God Yawe. Nau Samuel i krai  long God Yawe bilong Israel long helpim ol, na Yawe i harim krai bilong ol.

07/10.txt

@@ -0,0 +1 @@
+\v 10 Taim Samuel i wok long mekim paia bilong kukim ofa, ol Filistia i kam na banisim ol Israel tasol God Yawe i mekim bikpela nois na paulim tingting bilong ol Filistia na ol i ranawe long ol Israel. \v 11 Ol man bilong Israel i ronim na kilim ol Filistia long Mispa na i go inap long ples daun bilong Bet Kar.

07/12.txt

@@ -0,0 +1 @@
+\v 12 Nau Samuel i sanapim wanpela ston namel long ples Mispa na Sen na i kolim nem bilong dispela ples Ebenesa, em i tok olsem, "God Yawe i bin helpim mipela i kam inap long hia."

07/13.txt

@@ -0,0 +1 @@
+\v 13 Olsem na ol Filistia i stap longwe na ol i no brukim mak bilong ol Israel na i go insait. Han bilong God Yawe i banisim ol Israel long ol Filistia long taim Samuel i stap. \v 14 Ol Israel i kisim bek taun bilong ol, i stat long taun Ekron i go inap long taun Gat', ol i kisim graun mak bilong ol bek long ol Filistia. Bihain ol Israel na ol Amon i stap gut gen.

07/15.txt

@@ -0,0 +1 @@
+\v 15 Samuel i bosim ol Israel gut long taim em i stap. \v 16 Olgeta yia em i save go raun sotpela taim long ples Betel na Gilgal na Mispa long stretim ol hevi bilong ol Israel long ol dispela ples. \v 17 Na  em bai i go bek long Rama long wanem em i save stap long hap na stretim hevi bilong ol Israel. Na em i wokim alta bilong God Yawe long dispela hap.

08/01.txt

@@ -0,0 +1 @@
+\v 1 Taim Samuel i lapun, em i mekim tupela pikinini bilong em i kamap Jas bilong ol Israel. \v 2 Nem bilong namba wan pikinini man em Joel, na namba tu pikinini man em Abija. Tupela i wok olsem Jas long Besiba. \v 3 Tupela pikinini i no bihainim stret rot bilong em, tasol ol i giaman long bihainim na kisim mani na i no bihainim tok tru.

08/04.txt

@@ -0,0 +1 @@
+\v 4 Na olgeta hetman bilong Israel ol i bung wantaim na i kam long Samuel long ples Rama. \v 5 Ol i tokim em olsem, "Lukim, yu lapun pinins na tupela pikinini bilong yu i no bihainim stret rot bilong yu. Makim wanpela bilong mipela long em i ken kamap king bilong stretim mipela olsem ol narapela lain manmeri."

08/06.txt

@@ -0,0 +1 @@
+\v 6 Tasol Samuel i bel hevi tru taim ol i tok, "Givim wanpela king long mipela long em i ken stap Jas bilong mipela." Olsem na Samuel i beten i go long God Yawe. \v 7 God Yawe i tokim Samuel, "Olsem yu mas harim tok bilong ol manmeri long olgeta samting ol i tok long yu; ol i no les long yu, tasol ol i les long mi bai stap king bilong ol.

08/08.txt

@@ -0,0 +1 @@
+\v 8 Ol i mekim wankain pasin long taim ol i bin stap long Isip na mi bin kisim ol i kam autsait, ol i givim baksait long mi, na bihainim narapela god, na ol i mekim wankain pasin long yu tu. \v 9 Nau harim ol i toktok; tasol yu mas givim strongpela tok long ol na ol i ken save long rot we king bilong ol bai bosim ol."

08/10.txt

@@ -0,0 +1 @@
+\v 10 Olsem na Samuel i autim olgeta toktok God Yawe i bin tokim em long ol manmeri usait i bin askim long kisim king. \v 11 Em i tok olsem, "king bai mekim ol dispela samting long yupela. Em bai kisim ol pikinini bilong yupela na makim ol i kamap man bilong sindaun antap long hos, na pulim karis. \v 12 Em bai makim 1000 kepten na 50 kepten bilong em yet. Em bai mekim sampela long dikim graun, sampela bai kisim kaikai, na sampela bai mekim spia bilong pait na samting bilong ol karis.

08/13.txt

@@ -0,0 +1 @@
+\v 13 Na tu em bai kisim ol pikinini meri bilong yupela long mekim samting igat gutpela smel, kukim kaikai, na bekim skon. \v 14 Em bai kisim ol gutpela kaikai long gaden bilong yupela, long gaden wain, na oliv bilong yupela, na givim long ol wok man bilong em. \v 15 Em bai kisim ten hap long gaden kaikai bilong yupela na givim long ol wasman na ol wokboi bilong en.

08/16.txt

@@ -0,0 +1 @@
+\v 16 Em bai kisim ol wokman na ol wokmeri bilong yupela na ol yangpela man na donki bilong yupela; em bai putim ol long mekim wok bilong em. \v 17 Em bai kisim wanpla bilong olgeta 10-pela sipsip bilong yupela, na yupela bai stap wokboi nating tasol . \v 18 Long dispela dei yu bai krai strong bilong wanem yu yet i bin makim king bilong yu; tasol God Yawe bai i no inap harim krai bilong yu long dispela dei.

08/19.txt

@@ -0,0 +1 @@
+\v 19 Tasol ol manmeri i les tru long harim tok bilong Samuel; na ol i tok, "Nogat! Mipela i mas igat wanpela king long lukautim mipela \v 20 olsem mipela tu i mas i stap olsem ol narapela lain manmeri, olsem na king bilong mipela i ken i stap Jas na i go paslain long mipela na pait long ol birua."

08/21.txt

@@ -0,0 +1 @@
+\v 21 Taim Samuel i harim olgeta toktok bilong ol manmeri em i tokim gen God Yawe. \v 22 God Yaweh i tokim Samuel olsem, "Harim tok bilong ol na makim wanpela long kamap king bilong ol," Olsem na Samuel i tokim ol man bilong Israel olsem, "Olgeta man i mas i go bek long biktaun bilong ol yet."

09/01.txt

@@ -0,0 +1 @@
+\v 1 I gat wanpela man long lain bilong Benjamin, husait em i save mekim planti samting.Nem bilong em Kis pikinini bilong Abiel, em i pikinini bilong Zeror, em i pikinini bilong Bekorat, em i pikinini bilong Apia na em i pikinini long lain bilong Benjamin. \v 2 Em i gat wanpela pikinini man bilong em, nem bilong en Sol, husait namel long ol Israil em i naispela na strongpela man.

09/03.txt

@@ -0,0 +1 @@
+\v 3 Nau, ol donkey bilong Kis papa bilong Sol i lus.Olsem na Kis i tokim pikinini bilong em Sol olsem, " Kisim wanpela wokman na yupela i go painim ol dispela donkey." \v 4 Sol i wokabaut long maunten bilong Efraim na long graun bilong Salisa tasol em i no painim ol.Em i kamap long graun bilong Salim na ol lain bilong Benjamin, tasol ol donkey i no i stap.

09/05.txt

@@ -0,0 +1 @@
+\v 5 Taim ol i kamap long Zup, Sol i tokim wokboi olsem," Kam yumi mas go bek, nogut papa bilong mi i wari long yumi na ino nap lukautim ol donkey moa. \v 6 Tasol wokboi i tokim Sol olsem," Harim, i gat wanpela wokman bilong God i stap long biktaum, we olgeta manmeri i save litimapim em.Yumi i go long hap bai em inap long soim yumi rot long yumi i ken i go.

09/07.txt

@@ -0,0 +1 @@
+\v 7 Na Sol i askim wokman bilong em,"Bai yumi kisim wanem samting long i go na givim em? Olgeta bret insait long bek i pinis na i nogat wanpela presen tu i stap bilong givim wokman bilong God. Nau i gat wanem samting i stap?'' \v 8 Wokman i bekim tok olsem,'' Mi i gat wanpela hap bilong foapela sakel silva long givim em na em bai tokim yumi long wanem rot bai yumi i go.''

09/09.txt

@@ -0,0 +1 @@
+\v 9 Long Israil, taim wanpela man i laik kisim save bilong God,em i save tok ."Come yumi i go lukim glasman." Ol profet bilong nau tu ol i kolim ol yet olsem glasman. \v 10 Na Sol i tokim wokman bilong em,''Yu tok stret. Kam na yumi go.'' Na ol i go long biktaun we wokman bilong God i stap long en. \v 11 Na taim ol i go antap long maunten bilong biktaun, ol i bungim ol yangpela meri i kam bilong pulumapim wara. Na Sol wantaim wokman bilong em i askim ol,'' Dispela glasman i stap ah?''

09/12.txt

@@ -0,0 +1 @@
+\v 12 Ol i bekim tok,'' Em i stap, lukim, em i go paslain long yupela. Kam hariap, long wanem em bai i go long biktaun tete long wanem, olgeta manmeri bai givim ofa antap long maunten. \v 13 Na taim yu i go insait long biktaun bai yu lukim em, na ol manmeri bai i no inap kaikai yet inap long em i kam, long wanem em bai blesim ol offa. Na bihain, ol man em i singautim ol bai i kaikai. Nau yupela i mas i go hariap na bai yupela i bungim em.

09/14.txt

@@ -0,0 +1 @@
+\v 14 Na ol i go kamap long bik taun. Na taim ol i kamap long biktaun,ol i lukim Samuel i kam autsait na i go antap long maunten.

09/15.txt

@@ -0,0 +1 @@
+\v 15 Nau em taim bilong Sol i kamap, na God Yawe i kamap ples klia long Samuel. \v 16 Long wankain taim tumoro, bai mi salim wanpela man long lain bilong Benjamin, na yu bai blesim em na bai em i bosim ol manmeri bilong mi Israil. Em bai kisim bek ol lain bilong mi long han bilong ol Palistain. Mi gat bikpela sori tru long ol long wanem, ol i singaut long helpim bilong mi.

09/17.txt

@@ -0,0 +1 @@
+\v 17 Taim Samuel i lukim Sol, God Yawe i tokim em,'' Em dispela man mi wok long tokim yupela long en. Em tasol bai lukautim yupela olgeta manmeri bilong mi.'' \v 18 Na Sol i kam insait long banis klostu long Samuel na i tok,'' Tokim mi long haus bilong glasman.'' \v 19 Samuel i bekim na i tokim Sol,'' Mi yet em dispela glasman. Yu go long maunten na bai yu kaikai wantaim mi. Na long moning mi bai larim yu i go na bai mi tokim yu long olgeta samting i stap long tingting bilong yu.

09/20.txt

@@ -0,0 +1 @@
+\v 20 Ol donki bilong yu i bin lus tri pela de i go pinis. Yu noken wari, ol i painim ol pinis. Olsem na long husait tru bai dispela olgeta laik na tingting bilong ol Israil i ken kamap ples klia? Ating long yu na long haus bilong papa bilong yu?'' \v 21 Sol i bekim na i tok, ''Mi em long lain bilong Benjamin, na em ol liklik lain bilong yumi tasol long Israil? Ol lain bilong papa bilong mi i no gat nem namel long ol lain bilong Benjamin. Bilong wanem na yu tokim mi olsem?''

09/22.txt

@@ -0,0 +1 @@
+\v 22 Na Samuel i kisim Sol na wokman bilong em i go insait long bikpela rum, na ol i sindaun long namba wan ples bilong ol lain ol i bin askim ol long kam, namba bilong ol i olsem 30 pela manmeri.

09/23.txt

@@ -0,0 +1 @@
+\v 23 Na Samuel i tokim ol kuk boi ,'' bringim ol kaikai mi bin tokim yupela long putim i stap.'' \v 24 Na kuk i kisim ol kaikai samting i kam long Sol.Na Samuel i tok,''Lukim wanem samting i stap em i bilong yu.Kaikai, long wanem em ol samting mi redim i stap long taim mi singautim ol manmeri.'' Olsem na Sol i kaikai wantaim Samuel long dispela de.