tpi_1ki_text_reg_lvl1/20/13.txt

\v 13 Orait wanpela profet i kam long Ahap king bilong Israel na tok, " God Yawe i tok, 'Ating yu bin lukim pinis dispela bikpela ami? Long dispela dei tasol bai mi putim em long han bilong yu, na bai yu save olsem Mi God Yawe" \v 14 Ahap i bekim tok, " Long husait?" God Yawe i bekim na i tok, " Long ol yangpela ofisa husat i wok wantaim ol gavana bilong ol distrik." Orait Ahap i tok, " Husat bai statim pait?" Yawe i bekim tok, " Yu." \v 15 Na Ahap i bungim ol yangpela ofisa husait i bin wok wantaim ol gavana bilong ol distrik. Namba bilong ol em i 232. Bihain long ol em bungim ol soldia, ol ami bilong Israel; 7000 olgeta.