tpi_1ki_text_reg_lvl1/02/01.txt

\v 1 Taim bilong Devit i dai i kamap klostu, em i tok strong long Solomon pikinini man bilong em na tok, \v 2 ''Mi bai dai na go bihainim pasin bilong dispela graun, yu mas kamap strong, olsem tasol, soim yu yet olsem yu man tru. \v 3 Bihainim gut ol lo bilong God Yawe, God bilong yu na wokabaut long rot em i laikim, bihainim ol pasin bilong em, ol lo bilong em, ol tingting bilong em na ol lo bilong kontrak bilong em na was gut tru long mekim wanem ol i raitim long lo bilong Moses, olsem bai yu stap gut longpela taim long olgeta samting yu mekim na wanem hap yu go, \v 4 Olsem na God Yawe bai inapim tok bilong em long mi na i tokim mi olsem, 'Sapos ol pikinini man bilong yu i lukaut na was gut long pasin bilong ol na wakabaut stret long ai bilong mi wantaim olgeta bel bilong ol na wantaim olgeta spirit bilong ol, yu bai oltaim i gat wanpela man long sia king bilong Israel.'