See in Reader
8 lines
1.4 KiB
Plaintext
8 lines
1.4 KiB
Plaintext
Yesus awagamun Mak mar tonta Gamuk ameb lehaqta
|
|
Mak in on mataw Yesus ago nan huritad uliq ayahta Rom-ub osiyta na ginadin emad in Yesusa awagamun dimunta ka mar tonta. Mataw na Yesus abin in giholib ussa in afaqan kabemmo sor yaqayta. Sa Mak in on mataw na gigem zaway ugid in giwaz meqniyeq ginadnad a hi em daqay haqad in gimen Yesus awagamun ka mar ton.
|
|
Mak in aposel araq a haiqta teq in Pita inaq luwsa Pita in Yesus awagamun on mataw gibilensa Mak tuhurit kamta. Huritk kemim in gamuk Pita aqezab wamta naqmo in ago wagam kab mar tonan usaqta.
|
|
Teq nagah ayah diqta Mak i giqisihunta na in kazaq. God in atatin Yesus-mo atowun emeq ago Bugaw Dimunta amalib balaw tonid in Amam ago on mataw bunmo gigo king iyeq osdaq haqad in eman bolta. Bolim in ago zaway inaqta iyim in on mataw gamu awaz meqinta gibilenad teq in gigo bugs meqinta gimuzad gigo moq kabemmo giwastitayta, mataw in anan helmo haq daqay haqad. Teq on mataw kabemmo Yesus anan ginad hi em hasim in anan gigem meqniysa baymuziyta. Na ezaqgo God anad am, Yesus in on mataw kabemmo giyon ahol nog huloseq ta giwaqeq teq in king ago ban ulilibta na waqeq tuqos woqdaq ham. Wagam ka abitanib (16.9) ni lain araq kazaq
|
|
|
|
------------------------------
|
|
|
|
hureqan ussa ahol waqdaq. Mataw asor in Mak 16.9-20 na anan bilaqay, Mat araq in Mak ago wagam ka eman hiqiyta haqayta. |