Wasabamal Commit

01/01.txt

@@ -0,0 +1 @@
+\v 1 Mar ka in Yesus Krais God atatin awagamun dimunta usaqta. \v 2 Teq wagam ka alulinin kwaziqmo God ago nantut Aisaya gamuk mar tonta nazaqmo tugwahtimta. Gamuk na bilam, Ahol waqiy ham. Ya teq mat araq emid in yaqgo gamuk ad danmeb lehdaq  ham. Leheq in ninmen dan tuwastitaydaq ham. \v 3 Mat na aqez saw amatawun haiqtab lileyim bilaqaq, Ne iyahta ayon dan balaw toniy haqaq ham. Ad ne in ayon dante na wastitayid titnonan haqaq ham.

01/04.txt

@@ -0,0 +1 @@
+\v 4 An abeb Asisaya mat anan bilamta na amatin gwahtiqim saw amatawun haiqtab osad in on mataw tuhuz negyaq. In anan Jon haqayta. Ain kazaq mataw gibilenyaq. Ne ginad buliyeq ne gigo daq teq ginad meqinta bunmo gileh ugiy haqyaq. Gileh ugad ne bolsa ya huz negiq haqyaq.Ne nazaq emsa teq God in ne gigo daq teq ginad meqinta na tigiwalem bugdaq haqyaq. \v 5 Haqsa mataw saw Judiya-ibta teq uliq Jerusalem-ubta kabemo in Jon ago gamuk huritnan agerab tubol yaqay. Bolad in gigo daq teq ginad meqinta ulum hassa Jon giqad le yuw Jodan-ib tigihuz negyaq. \v 6 Jon ago tubusan karuw anan kamel haqayta na asan ulim emiyta. Teq in karuw asan asor am gan nog am wazeq luwyaqta. Luwad in kasum teq garanab kubiq akokin neqad luwyaqta.

01/07.txt

@@ -0,0 +1 @@
+\v 7 Ad in mataw kazaq gibilenyaq, Mat araq teq ya ibeb boldaqta na abin in ya ibin uriyamta haqyaq. Ya in ahaqenibta haqyaq. In yaqgo iyahta haqyaq. Ya in ago kabibiy mat samanta haqyaq. \v 8 Ya ne yuwibmo huz negaiqta haqyaq. Ari mat ayahta na boleq teq in God ago bugaw dimunta amalib ne tuhuz negdaq haqyaq.

01/09.txt

@@ -0,0 +1 @@
+\v 9 Kam nab Yesus in uliq Nasaret saw Galiliy-ibta hulosim bolan Jon yuw Jodan-ib in tuhuz ug. \v 10 Huz ugan Yesus hidmo yuw hulosim dubub gwaladmo ame ulilib gwalehim kait misireq nog iyim aqez hasim ussa in ahol wam. Ahol waqsa God ago bugaw  dimunta ah husta nog iyim in amalib tigehitim. \v 11 Gehitiqan Heven-ib God aqez bilam, Ni ya itatin ham. Ya ni ninan inad bilaqsa ya igem dimun iyaqta ham.

01/12.txt

@@ -0,0 +1 @@
+\v 12 Ari God ago bugaw dimunta in Yesus eman saw araq amatawun haiqtab tilah. \v 13 Lehim saw nab in kam 40 nazaqmo didaq haiqmo os. Ossa Satan gwatiqim Yesus daq araq meqinta emdaq haqad tuqulum waqyaq. Saw nab Yesus amomo karuw kwasikta nenaq osyaq. Ossamo angelo bolim in tuqulumsih  yaqay.

01/14.txt

@@ -0,0 +1 @@
+\v 14 Ari mataw in Jon wazim bit giqirquran osaytab eman ossa teq abeb Yesus saw Galiliy-ib gwahtiqim God ago gamuk dimunta on mataw tigibilenyaq. \v 15 In bilaqyaq ,''God kwaziqmo kam anan bilam teq gwahtiqdaq hamta na muran tugwahtim haqyaq. Gwahtiqan God ago maror bolim sinsin tiqiy haqyaq. Ne ginad buliyad gigo daq meqinta gileh ugiy haqyaq. Ad ne God ago gamuk dimunta ka anan helmo haqiy haqyaq.''

01/16.txt

@@ -0,0 +1 @@
+\v 16 Ari Yesus yuw kurorqan Galiliy aqurumnib lehad luwim in Saimon amikqan Andru inaq dob hunegim nabiq waqad luwsa tigibiy. In giger kabiy naqmo em yaqayta amatawun. \v 17 Yesus mataw giger na giyad ''gibilan, Ne ya imuzeq boliy ham. Bolsa ya giqisihunid ne nabiq waqayta nazaqmo nemataw tigiwaq daqay ham.'' \v 18 Haqan hidmo giger na dob hulosan ussa in Yesus muzim inaq tilehiy.

01/19.txt

@@ -0,0 +1 @@
+\v 19 Yesus in giger na nenaq asitmo ta leh nog iyimmo in Sebediy atatniz giger Jems ama Jon inaq tigibiy .  In nazaqmo muyib osad dob wastitayad osiy.  \v 20 Ossa Yesus giger na gililewunan in gimam Sebediy ago kabibiy mataw nenaq gihulosan muyib ossa in Yesus muzim inaq tilehiymo.

01/21.txt

@@ -0,0 +1 @@
+\v 21 Ari Yesus mataw na nenaq le uliq Kapaneam-ub tugwahtiqiy. Gwahtiqim Juda gigo lotu akamnib Yesus le Juda gigo bit humab wolaytab gwahtiqim mataw suleq negad tuqosyaq. \v 22 Suleq negsa mataw huritad gihol turuh nemyaqay. Na ezaqgo Yesus ago gamuk in mataw Moses ago gunun huit kemiyta na gigo gamuk nog a hi iyyaq. In ago gamuk bilaqne God inmo abin ugan in suleq bilaqaqta nazaq nog iyyaq.

01/23.txt

@@ -0,0 +1,2 @@
+\v 23 -\v 24 Sa mo mat araq ago bugaw meqinta inaqta bolim bit na aduganib gwahtiqim in lileyim bilam, Yesus Nasaret-ibta ham, ni i ezaq gitonnan bol? ham,  Ni i gimeqin tonnan daqag ni bolya ham. Ya ningo tuhurit ham. Ni God ago mat tawon diqta naqmo ham. \v 25 Haqsa Yesus wadim bulon, ni niqez hiqiy ham. Bugaw meqinta ni mat na hulosad gwahtiqeq leh ham. \v 26 Haqan bugaw meqinta na in mat na eman woqim abensen hunegsa bugaw       
+na ek tonim gwahtiqimmo tituk.

01/27.txt

@@ -0,0 +1 @@
+\v 27 Tukanmo mataw bunmo daq na ahol waqad ginadnad emad teq in an bulon yaqay, I kwaziqmo nagah araq kazaqta ahol a hi wawta haq yaqay. Ka naga daqin diq? haq yaqay. Ka suleq muturta ago azawayin inaqta haq yaqay. Mat ko bugaw meqinta gamukmo gibilensa in aqez huritayta haq yaqay. \v 28 Nazaq iyan mataw kabemmo in Yesus daq amta na abin eman saw Galiliy-ib uliq bunmo tuhuritiy.

01/29.txt

@@ -0,0 +1 @@
+\v 29 Ari Yesus bit na hulosim in Jems ama Jon inaq giwaqim nenaq Saimon ama Andru inaq gigo bitab tilehiy. \v 30 Lehanmo mataw bit nabta Yesus buloniy, Saimon alen moq ayahta waqim asan afanfan iyad nawa banab usaq haqiy. \v 31 Haqan Yesus aw na agerab lehim abenab wazim wazan tiqeram. Eraqim in asan afan iyim usta na tuhulos ug. Hulos uganmo in era lehim Yesus ago mataw na nenaq  gimen didaq anaran usta na waqim a bolim tinag.

01/32.txt

@@ -0,0 +1 @@
+\v 32 -\v 33   Ari teq zeq wolehsa imisor diq tiqiyan on mataw uliq nabta na bunmo Yesus ago hib bolad teq in giyogniz asor gigo moq inaqta na teq asor giholib bugaw meqinta usaqta na in giwaqim nenaq boliy. Bolim in Yesus bit osaqta na aqezab humab wolim turiy.  \v 34 Tursa Yesus nazaq gibiyad in mataw giholib moq amo amo usta na giwastitayad in gigo bugaw meqinta na gimuzan titukiy. Bugaw meqinta na in Yesus ahol alulin in God atatin na ago tuhuritiyta. Nazaq iyan Yesus ginadad gimuzad gibilenyaq,  Ne giqezmo hiqiyeq lehiy haqyaq.

01/35.txt

@@ -0,0 +1 @@
+\v 35 Ari Yesus usim tarom asor ussamo in bit na hulosim saw araq amatawun haiqtab tilah. Lehim in amomo God inaq gamuk emad tuqos. \v 36 Ossa teq saimon ayogniz nenaq Yesus nagunim tilehiy. \v 37 Lehim ahol waqad teq in buloniy, Mataw kabemmo ninagunad luway haqiy.

01/38.txt

@@ -0,0 +1 @@
+\v 38 Haqan Yesus bilam, Nab iysa i uliq sinsin sinsin usayta kogabmo lehuq ham. Leheq ya God ago gamuk in tigibilendaiqmo ham. God ya iqeman ya kabiy naqmo emnan bolta ham. \v 39 Haqad in saw Galiliy ago uliq bunmo tilehyaq. Lehad in mataw gigo bit humab wolaytab gwahtiqeq gamuk dimunta gibilenad teq in mataw gigo bugaw meqinta tigimuzyaq.

01/40.txt

@@ -0,0 +1 @@
+\v 40 Ari Yesus daq nazaq emad luwsa mat araq aholib moq lepra inaqta in agerab tubol. Bolim in Yesus anognib abakbakan ulum laquwim turad kuh tonim in anad meqniysa bulon, Yesus ham ni ninad bilaqsa teq ni ya iwastitayid ya God ameb isan anumlan ka tihiqiydaq ham. \v 41 Haqan Yesus anad meqniysa in aben itiwunim mat wazad  bulon, Ya inad bilaqaq ham. Ni nisanib ninumlan usaqta na hiqiyan ham. \v 42 Haqan muran diq nawaqmo mat na ago moq lepra tihiqiy.

01/43.txt

@@ -0,0 +1 @@
+\v 43 Hiqiyan Yesus mat  na eman lehsa in adek wazim bulon, \v 44 Ni hurit ham. Daq muran kawa ya niholib emta ka ni mat araq hikidik bulon ham. Ni leheq mat tamaz emaqta naqmo nihol isihun ham. Ad Moses bilamta nazaqmo ni nihol dimniyta na anawun em ham. Emid teq mataw in ningo moq tihiqiyta na ago tuhurit daqay ham.

01/45.txt

@@ -0,0 +1 @@
+\v 45 Teq haiq. Mat na lehim nagah bunmo in aholib gwahtimta na in mataw haresmo tigibilan. Nazaq iyan Yesus uliq-uliqgo lehad mataw gimeb a ta hi gwahtiqyaq, luweq ya in gimeb luwsa in bo ya iqisih net daqay haqad. Nazaq haqad in le saw amatawun haiqta nagab luw osyaqta. Ossa on mataw uliq saw bunmo in saw nabmo leheq Yesus ahol waq yaqayta.

01/title.txt

@@ -0,0 +1,4 @@
+Yesus in God ago maror alulin on mataw gibilennan haqad bolta 
+Sapta 1
+Jon mataw huz negyaqta na in on mataw
+gamuk gibilenyaq

02/01.txt

@@ -0,0 +1 @@
+\v 1 Ari kam asor le tihiqiyan Yesus uliq Kapaneam-ub a ta lah. Lehim ossa mataw Yesus bolim bitab osaqta na ago tuhuritiy. \v 2   Huritim mataw kabemmo bolim bit nab humab wolan ban tihiqiy bug. Bit aqezab nazaqmo ban haiq tiqitmo. Na matawmo osan lah. Sa Yesus gamuk dimunta tigibilenyaq.

02/03.txt

@@ -0,0 +1 @@
+\v 3 Gibilenad ossa mataw aweweqmo in mat araq moqaqta banab emim sorim a boliy. Mat na abensen aditin moqan in asit a hi luwyaqta.      \v 4 Ari in mat na a bolan bit nab mataw ban tuwaq bugan in ad Yesus agerab loqgo dan haiq. Nazaq iyan in bit ahuqunib gwalehim Yesus osaq diqta nab in asor tihikneriy. Hiknerm in mat moqaqta a abanan inaqmo eman tuwolah.

02/05.txt

@@ -0,0 +1 @@
+\v 5 Wolehan Yesus mataw na ginad helta ahol waqadmo  in mat moqaqta na tubulon, Yaqgo amun ham ya ningo daq meqinta tigiwalem bug ham. \v 6 Haqan mataw Moses ago gunun hurit kemiyta na asor Yesus agerab osad in ginadibmo susumunim bilaqiy, \v 7 Nagaqgo mat ka God ago ban waq nog iyim kazaq God bilawunaq? haqiy. Og kab mat araq mataw gigo daq meqinta walemdaqta haiqgam haqiy. God amulikmoqmo ago kabiyta haqiy.

02/08.txt

@@ -0,0 +1 @@
+\v 8 Mataw na nazeq ginadib susumusa Yesus giloyin kemim gibilan, Doq tonnan ne ginad haresmo nazaq emay? ham. \v 9 Ya naga gamukin bilqid teq ne nan a hi yag daqay? ham. Ya ningo daq meqinta tigiwalem'' haqdaiq o ''Ni eraqeq ningo ban waqeq a leh'' haqdaiq? ham.

02/10.txt

@@ -0,0 +1 @@
+\v 10 Teq mat  Atatin in og daq meqinta walemgo azawayin aholib usaqta na ago ne hurit daqay haqad ya kazaq diq bilaqdaiq ham. Haqad in mat abensen moqan banab usaqta na tubulon, \v 11 Ya nibilenaiq ham. Ni eraqeq ningo us ban waqeq ad ningo bitab a leh ham.\v 12 Haqanmo mat na eraqim mataw     na gimeb ago ban sorim ad ago bitab tilah. A lehsa mataw bunmo gihol ritensa in God abin iluwad bilaq yaqay, I nagah kazaqta kwaziqmo  ahol a hi wawta haq yaqay.

02/13.txt

@@ -0,0 +1 @@
+\v 13 Ari Yesus yuw-kurorqan Galiliy aqurumnib a ta lehan mataw kabemmo in agerab tuboliy. Bolan Yesus in God ago suleq tigibilenyaq. \v 14 Gibilenad osim teq in era lehad luwim in Alfiyus atatin Liway ahol tuwam. Mat na takis abitnib  ago kabiy takis waqad ossa Yesus ahol waqad tubulon, Ni ya imuzeq bol ham. Haqanmo Liway eraqim Yesus muzim inaq tilah.

02/15.txt

@@ -0,0 +1 @@
+\v 15 Ari abeb Yesus in Liway ago bitab didaq neqad tuqos. Ossa mataw gibin meqinta takis waqayta teq mat daq meqinta emayta nenaq kabemmo bolim Yesus ago disaipel nenaq bit nab didaq neqad yuqosiymo.Mataw naqanta kabemmo Yesus muzinad inaq luw yaqayta.\v 16 In bunmo nazaq Yesus inaq didaq neqad ossa Farisi asor gibiyad osim in Yesus ago disaipel tigibileniy, Nagaqgo Yesus in mataw daq meqin emayta ko teq mataw takis waqayta ko nenaq didaq neqaq? haqay.

02/17.txt

@@ -0,0 +1 @@
+\v 17 Haqsa Yesus huritim gibilan, Mataw gigo moq haiqta na in le dokta ahol a hi waqayta ham. Mataw gigo moq inaqta naqmo dokta ago hib lehayta ham. Ya on mataw titnonta gililewunnan a hi bol ham. Ya on mataw daq meqinta emad osayta naqmo gililewunnan bolta ham.

02/18.txt

@@ -0,0 +1 @@
+\v 18 Ari Jon Mataw huz negyaqta na ago disaipel teq Farisi nenaq in tuteqmo didaq udin yaqayta. Nazaq iyan mataw asor bolim Yesus buloniy, Ezaqgo Jon ago disaipel na teq Farisi gigo disaipel na in udinsa ta ningo disaipel a hi udinayta? haqiy. \v 19 Haqan Yesus gamuk awowun araq kazaq gibilan, Mat araq aw waqnan tonsa ni ayogniz boleq osad in ginad meqniysa didaq udin daqay ye? ham. Haiqgam ham. Mataw na giyow inaq osad iyan in didaq a hi udin daqay ham.

02/20.txt

@@ -0,0 +1 @@
+\v 20 Ari abeb mataw asor boleq mat aw waqaqta na myogniz gibenab tuwaq daqay ham. Kam na teq boldaqta ham. Bolid kam nab mat na ayogniz didaq tuqudin daqayta ham. \v 21 Haqad in bilam, mataw tubusan muturta waqim amalib tubusan kwaziqta misiramta na inaq a hi initayta ham. In nazaq toneq abeb in tubusan kwaziqta na suholsa tubusan muturta na irnik toneq le amik iyadmo in tubusan kwaziqta na bulsireqid ayahmo diq a ta tartaydaq ham.

02/22.txt

@@ -0,0 +1 @@
+\v 22 Teq mataw wain ayun muturta memeq asan kwaziqtab a hi tenayta ham. In nazaq tonid wain aqurin gwalad huhuw nemsa memeq asan kwaziqta na tartayid wain ayun mutbaleq ogib woqsa memeq asan na timeqniydaqmo ham. Nazaq iyan mataw memeq asan muturtamo waqim wain ayun muturta tenayta ham.

02/23.txt

@@ -0,0 +1 @@
+\v 23 Ari teq Juda gigo lotu akaman araqab Yesus ago disaipel nenaq kabiy araq wit leyiyta aduganib gwahtiqim tileh yaqay. Lehad in ago disaipel gigem moqsa wit anagin asor tuguraq yaqay. \v 24 Guraqsa Farisi asor gibiyad in Yesus buloniy, Ni ko gibiy haqiy. Nagaqgo in lotu akaman ago gunun itiyonim kabiyab wit anagin tuguraqay? haqiy.

02/25.txt

@@ -0,0 +1 @@
+\v 25 Haqan Yesus gibilan, Nabag ne Devit  ago dauh nenaq in nagah osgo siqim iyim gigemnan moqad teq Devit daq amta na awagamun ne ahol a hi waqiy -ya ham. \v 26 Tamaz mat danmebta Abiyatar akamnib Devit le God ago bit aduganib gwahtiqim God ameb bret eman usta na waqim tinam ham. Bret na gunun emiyta ham. Mataw tamaz emayta naqmo gimomo bret na neqayta ham. Teq haiq ham. Devit agem moq titaysa neqad in bret tawonta na asor in ayogniz negan tineqiymo ham. Ta teq in daq meqinta a hi emiy ham.

02/27.txt

@@ -0,0 +1 @@
+\v 27 Haqad in gibilan, God mataw gimeqin tonnan lotu akaman eman a hi gwahtim ham. Haiq ham. In mataw gidimun tonnan haqad lotu akaman eman gwahtimta ham. \v 28 Nazaq iyan Mat Atatin in lotu akaman anamrenmo diq iyim inmo mataw kam nab ezaq luw os daqayta na ago tigibilendaqta ham.

02/title.txt

@@ -0,0 +1,4 @@
+Sapta 2
+    Yesus mat araq abensen aditin moq bugta
+                        wastitayan dimniy 
+                  (Matyu 9.1-8; Luk 5.17-26)

03/01.txt

@@ -0,0 +1 @@
+\v 1 Ari kam araqab Yesus in Juda gigo bit humab wolaytab tilah. Lehan mat araq aben akogan anedan mayim aditinmo usaqta in nab os. \v 2 Ossa Yesus ago bab in Yesus wamuzim nab osiymo, Yesus i gigo lotu akaman kab mat ka wastitayid dimniyid i amalib nan emam haqad.

03/03.txt

@@ -0,0 +1 @@
+\v 3 Haqsa Yesus mat aben meqinta na tubulon, Ni boleq mataw ka gimeb tur ham. \v 4 Haqad in mataw na tisusumun nag, I Juda gigo maror ezaq usaqta? ham. Lotu akamnib i mataw gidimun tonamta o i gimeqin tonamta? ham. Kam na i mat moqaqta ulumsihamta akaman o i mat na aholib hiqiyid in moqdaqta akaman? ham. Haqan mataw na giqezmo hiqiyim osiy.

03/05.txt

@@ -0,0 +1 @@
+\v 5 Ossa Yesus in mataw na bunmo ginad ahol waqim le bolsa in ginad soqotim us. Ussa Yesus ahol afaqan diq iyad in mataw na ginan agem timeqniy. Agem meqniysa in mat na bulon, Ni niben itiwun ham. Haqan mat na aben itiwunan aben akogan na tidimniy. \v 6 Dimniyan Farisi na hidmo lehim in Herot ago dauh nenaq humab wolim osad in ezaq toneq Yesus wol emid moqdaqta na agamukan tibilaq yaqay.

03/07.txt

@@ -0,0 +1 @@
+\v 7 Ari Yesus ago disaipel nenaq yuw-kurorqan Galiliy-ib tilehiy. Lehsa mataw kabemmo Yesus muzim inaq tilehiymo. \v 8 Sa mataw saw Galiliy-ibta teq saw Judiya-ibta teq uliq Jerusalem-ubta teq saw Idumea-ibta teq mataw kabemmo yuw Jodan aqurumnibta teq uliq giger Tair teq Saidon-ibta nagan kabemmo diq in kabiy daq bunmo Yesus emyaqta na abin huritim in agerab tuboliymo.

03/09.txt

@@ -0,0 +1 @@
+\v 9 Bolan Yesus in ago disaipel gibilan, Ne yaqmen muy araq ahol waqid teq usan ham. Luweq mataw ka ya iqisih daqay ham. \v 10 Na ezaqgo Yesus in mataw kabemmo gigo moq tuwastitayan iyan biyahta na gigo asor gigo moq inaq na bunmo in agerabmo diq loq yaqay, i Yesus wazeq teq gihol ti

03/11.txt

@@ -0,0 +1 @@
+\v 11 Sa mataw gigo bugaw meqinta inaq na in Yesus ahol waqadmo in anognib woqeq usad lileyeq bilaq yaqay, Ni God atatin haq yaqay. \v 12 Haqsa in bugaw meqinta na atoran diqmo gibileneq bilaqyaq, Ne ya ihol abin na ulalab hi bilaqiy haqyaq.

03/13.txt

@@ -0,0 +1 @@
+\v 13 Ari kam araqab Yesus garah araqab tugwalah. Gwalehim in mataw asor in ginan anad bilaqaqta naqmo gibilenan agarab tuboliy. \v 14- \v 15 Bolan in mataw 12 nazaq gitowun emim ginan Aposel haqad tibiy. In anad mataw na in inaq ossa teq in giqemid in uliq -uliqgo lehad inmo ahol abinib ago gamuk dimunta na gibilenad teq in bugaw meqinta gimuz daqay haqad in anad am. \v 16 Ari in mataw 12 giwamta na ginan kazaq. Saimon, Yesus anan araq Pita haqad biyim ugta.

03/17.txt

@@ -0,0 +1 @@
+\v 17 Teq Sebediy atatniz Jems ama Jon inaq. Yesus in maqbab giger na ginan araq Bowanergers haqad biyta. Nan Bowanerges na alulin mat ago daq atoranta kait ahulan iyaq nazaq nogta haqayta. \v 18-\v 19 Teq Andru teq Filip teq Bartolomyu teq Matyu teq Tomas teq Alfiyus atatin Jems teq Tadiyus teq Saimon, mat Rom nenaq bab emyaqta amatin na teq Judas uliq Kariyot- ibta na. Mat naqmo Yesus waqim bab gibenab amta.

03/20.txt

@@ -0,0 +1 @@
+\v 20 Ari Yesus bitab tilah. Lehan mataw in ahol waqnan haqad lehim bit nab humab a ta woliy. Humab wolim ossa Yesus ago disaipel nenaq in gikabiyan kabemmo emad didaq neqgo akaman haiq iy yaqay. \v 21 Sa Yesus asenlul huritim in Yesus waqnan haqad tuboliy, i gigo amun ahol agadan tiqiy daqag haqad. \v 22 Sa mataw Moses ago gunun hurit kemiyta na asor Jerusalem-ub osim gewoqim osad teq in bilaqiy, Bugaw meqinta gigo amebta Belsebul in Yesus aholib usaq haqiy. Ussa Yesus in belsebul ago zaway amalib bugaw meqinta gimuzaqta haqiy.

03/23.txt

@@ -0,0 +1 @@
+\v 23 Haqan Yesus in mataw aseseqta na gibilenan agerab bolan in gamuk awowun araq kazaq gibilan, Ezaq teq Satan inmo ago dauhta tigimuzdaq? ham. \v 24 Kantri araq ago on mataw gihol husereq an gihar ugad an wolad osad in zaway iyeq a hi tur daqay ham. \v 25 Teq bit araqab on mataw gihol husereq an gihar ugad an wolad osad in zaway iyeq a hi tur daqaymo ham.

03/26.txt

@@ -0,0 +1 @@
+\v 26 Ad nazaqmo Satan ago dauh nenaq gihol huserad an geg ugad Satan zaway iyeq a hi turdaq ham. In tihiqiydaq ham. \v 27 Haqad in bilam, Mat araq in mat awaz meqinta ago bit aduganib samanmo gwahtiqeq ago nagah a hi ginuwdaq ham. Haiq ham.In mat awaz meqinta na abensen irqureq teq in mat na ago bit aduganib gwahtiqeq ago nagah tiginuwdaq ham.

03/28.txt

@@ -0,0 +1 @@
+\v 28 Ya helmo ne gibilenaiq ham. God in on mataw gigo daq meqinta teq in bilawunayta na bunmo tigiwalem bugdaq ham. \v 29 Ari on mataw God ago Bugaw Dimunta bilawunid God in gigo daq meqinta na a hi walemdaq ham. Haiq ham. Daq meqinta na in giholib tuqus tutdaq ham. \v 30 Na ezaqgo mataw aseseqta na Yesus anan bilaqiy, In aholib bugaw meqinta usaq haqiyta na ago Yesus nazaq gibilan.

03/31.txt

@@ -0,0 +1 @@
+\v 31 Ari kam nab Yesus anen teq in amagniz bolim asanib turad in Yesus ayon nan eman tileh, in gigerab boldaq haqad. \v 32 Teq mataw kabemmo Yesus lilut ugim osiy. Osad in Yesus buloniy, Ni ko gibiy haqiy. Ni ninen teq ni nimagniz bolim asanib kowa turad in ni ninan saw waqay haqiy.

03/33.txt

@@ -0,0 +1 @@
+\v 33 Haqan Yesus amenin emim gibilan, Ya inen teq ya imagniz gingan diq? ham. \v 34 Haqad in on mataw lilut ugim osiyta na gibiyim le bolim bilam, Ne ahol waqiy ham. Ya inen teq ya imagniz kawa osay ham. \v 35 Mat aw nog in God anad muzad ago kabiy emayta naqmo in ya ima teq in ya ihiy teq in ya inen ham.

03/title.txt

@@ -0,0 +1,3 @@
+Sapta 3
+             Juda gigo lotu akamnib Yesus mat
+          araq aben meqinta wastitayan dimniy

04/01.txt

@@ -0,0 +1 @@
+\v 1   Ari kam araqab Yesus yuw-kurorqan Galiliy aqurumnib mataw suleq a ta gibilenyaq. Gibilensa mataw kabemo bolim Yesus agerabmo diq loqsa iyan in giban emim muy araqab gwalim yuwmeb tuqos. Ossa mataw bunmo yuw aqurumnib osiy. \v 2 Ossa Yesus suleq kabemo negad gamuk amo amo tigibilenyaq. Gibilenad in kazaq bilam,

04/03.txt

@@ -0,0 +1 @@
+\v 3 Ne huritiy ham. Mat araq ago kabiyab wit anagin hunegnan tilah ham. \v 4 In lehim wit anagin hunegad luwsa asor dan adekib woqan ah bolim tineqiy ham. \v 5 Teq wit anagin asor saw agigin inaqtab og asitmo usaqta nab wom ham. Woqim og ayah diq haiqgam iyan wit hidmo tugwal ham.

04/06.txt

@@ -0,0 +1 @@
+\v 6 An zeq gwalim oysa wit na aninin haiqgam iyan in mayim tuwom ham. \v 7 Teq wit anagin asor am asasuqin inaqta aduganib wom ham. Woqan am asasuqin inaqta na gwalad isihan wit na anon a hi am ham.

04/08.txt

@@ -0,0 +1 @@
+\v 8 Teq wit anagin asor og dimuntab woqim ahokan gwalim anon tiqam ham. Wit anagin na asor anon 30 nazaq giqam ham. Sa asor anon 60 nazaq giqam ham. Teq asor anon kabemo diq 100 nazaq giqam ham. \v 9 Haqan Yesus gibilan, Mat aw nog in gidek nan huritgo usaqta na in gamuk ka hurit kemiy ham.

04/10.txt

@@ -0,0 +1 @@
+\v 10 Abeb mataw biyahta na haresmo tilehsa Yesus ago disaipel 12 na teq mataw asor nenaq in Yesus lilut ugim osad gamuk awowun in bilaqyaqta nagan ago tisusumun ugiy. \v 11 Susumun ugan in gibilan, Negmo God ago maror aduganib osayta ham. Nazaq iyan ya God ago maror abe alulin ulilemim usaqta na bilaqsa ne huritiyta ham. Teq mataw God ago maror asan ban osayta na ya gamuk awowun mo amalib gibilenaiqta ham. Ya nazaq gitonsa, \v 12 Mataw ne gime saw waqad teq in nagah araq ahol a hi waqayta ham. In gamuk huritad teq in ginad a hi em hasayta ham. Luweq in ginad em hasad ginad buliyid God in gigo daq meqinta na tigiwalem nag ham.

04/13.txt

@@ -0,0 +1 @@
+\v 13 Haqad Yesus gibilan, Ne gamuk awowun ka ago ginad a hi em hasay ye? ham. Ne gamuk awowun ka alulin ginad em haseq teq ne yaqgo gamuk awowun bunmo gigo ginad tiqem has daqaymo ham. \v 14 Ari ne huritiy ham. Wit anagin na in God ago gamukmo ham. \v 15 Sa mataw asor in wit anagin dan adekib woqaqta na nog ham. In God ago gamuk huritim in ginad bilaqsa hidmo waqayta ham.

04/16.txt

@@ -0,0 +1 @@
+\v 16 Teq mataw asor in wit anagin og agigin inaqtab woqaqta na nog ham.  In God ago gamuk huritim in  ginad bilaqsa hidmo waqayta ham. \v 17 Teq mataw na in bilaqne wit aninin haiqta nog ham. In God ago gamuk na gigemabmo diq a hi wazad in muzinad sisaqmo a hi luwayta ham. Na ezaqgo in God muzayta na ago mataw in gimeqin tonad afaqan amo amo negsa in God hulosayta ham.

04/18.txt

@@ -0,0 +1 @@
+\v 18 Teq mataw asor in wit anagin am asasuqin inaqta amuganib woqaqta na nog ham. Mataw na God ago gamuk huritayta ham. \v 19 Teq in og ka ago nagah kabemmo anadin emsa mani-mo kat negad ginad hureqsa in nagah kabemmo diq utetayta ham. Ginad meqinta na ginadib bolad in God ago gamuk isihaqta ham. Isihsa iyan gamuk na in gigemab anon a hi emaqta ham. \v 20 Teq mataw asor in wit anagin og dimuntab woqaqta na nog ham. In God ago gamuk huritim in waqim wazayta ham. An gamuk na in gigemab anon emaqta ham. Mataw na asor gigemab God ago gamuk anon 30 nazaq giqemaqta ham. Sa mataw asor gigemab God ago gamuk anon 60 nazaq giqemaqta ham. Teq mataw na asor gigemab God ago gamuk anon kabemmo diq 100 nazaq giqemaqta ham.

04/21.txt

@@ -0,0 +1 @@
+\v 21 Ari teq Yesus bilam, Mataw lam miderim kuramab a hi sihenayta ham. Ad in ban ahaqenib a hi emaytamo ham. In lam miderim ulilib othenan oyad usaqta ham. \v 22 Nazaq iyan nagah bunmo ulilemim usaqta na in teq ulal tiqiydaq ham. Teq nagah bunmo giqisihan usaqta na in teq saw anuwanib tugwahtiqdaq ham. \v 23 Mat aw nog in gidek inaq iyeq teq in gamuk ka huriteq ginad emiy ham.

04/24.txt

@@ -0,0 +1 @@
+\v 24 Haqad Yesus gibilan, Gamuk ne huritayta ka ago ne ginad em hasiy ham. Mat God ago gamuk huritad anad a hi em hasaqta na, God in mat naqanta anad emid a hi hastitaydaq ham. Ari mat God ago gamuk huritim anad em hasaqta na, God in mat naqanta anad emid ayahmo diq tihastitaydaq ham. \v 25 Na ezaqgo God in on mataw gigo nagah inaqta na bunmo nagah asor a ta negdaq ham. Ad in mataw ginaghan haiqta na gibenab nagah asitmo wazayta na tigiwalem bugdaq ham.

04/26.txt

@@ -0,0 +1 @@
+\v 26 Haqad Yesus gamuk awowun araq kazaq ta bilam, God ago maror in bilaqne mat araq didaq anagin ogib hunegaq nazaq nog ham. \v 27 Mat na taromab usad zeqab in luwsa ago didaq gwalim ezaq ayah iyaqta na ago in a hi huritaqta ham. \v 28 Og inmo didaq eman kabiyab gwalaqta ham. Danmeb diq ahokan gwalaqta ham. Ahokan sisaq iyim in azizorin emaqta ham. Ari abeb in anon emaqta ham. \v 29 Anon na gihemeq ussa teq mat na biqir waqeq a le tigiqurotdaq ham. Na ezaqgo in didaq waqgo akaman tugwahtim ham.

04/30.txt

@@ -0,0 +1 @@
+\v 30 Haqad Yesus bilam, Ya naga diq atowun emeq bilaqid teq ne God ago maror anan ginad em daqay? ham. Teq ya naga gamukin amalib awowun hulsa ne hurit kem daqay? ham. \v 31 Ari God ago maror na in bilaqne ay mastet anagin amulikmo nog ham. Mataw ay anagin na kabiyab leyan in didaq anagin bunmo giquriyamim amik didiq iyim usaqta ham. \v 32 Teq abeb in gwalim ayah iyim in kwasin - kwasan kabiyabta na bunmo giquriyamim turaqta ham. In gwalim aben aseseqmo iyan ah bolim abenab giririn emim amurnib osayta ham.

04/33.txt

@@ -0,0 +1 @@
+\v 33 Ari Yesus in on mataw God ago gamuk gibilenad in gamuk awowun kabemmo amalib nazaqmo gibilenyata. Gibilenad mataw naga gamukin hurit daqayta na in anad emadmo in gamuk awowun nazaqmo gibilenyata. \v 34 Teq in gamuk araq diq alulin a hi gibilenyaq. Haiqgam. In gamuk awowunmo gibilenya. Ari in ago disaipel-mo nenaq giholbinmo osad teq in gamuk alulin tigibilen kemyaqta.

04/35.txt

@@ -0,0 +1 @@
+\v 35 Ari kam nabmo imisor Yesus in ago disaipel gibilan, I yuw urumun kozaq ban lehuq ham. \v 36 Haqan disaipel in mataw biyahta na gihulosadmo in Yesus muy amalib osta nab le gwalim Yesus inaq tilehiy. Lehsa mataw asor gimuyin inaqta na Yesus muzim inaq tilehiymo. \v 37 Lehsa tim ayahta eraqad yuw eman sortukim muy amuganib woqad ate tugwalnan tonyaq.

04/38.txt

@@ -0,0 +1 @@
+\v 38 Ari na teko Yesus muy abe ban hartiy qwayim tuqus. Ussamo tim eraqsa ago disaipel bo bulonan in kayeq tiqiy. Kayeq iyan in buloniy, Tisa haqiy, i tumoqnan tonauq haqiy. Ni i ginan ninad a hi meqniyaq e? haqiy. \v 39 Haqan Yesus eraqim tim wadad teq in yuw atoranmo bulon, Muleqeq woq ham. Haqanmo tim hiqiysa yuw midemim ahol a ta hi wol.

04/40.txt

@@ -0,0 +1 @@
+\v 40 An Yesus in ago disaipel gibilan, Ne nagaqgo kazaq rabay? ham. Ne ezaq tonim God anadin a hi emay? ham. \v 41 Haqan disaipel rabad in an tubulon yaqay, Mat ka nog diq? haq yaqay. Tim yuw inaq in aqez huritayta haq yaqay.

04/title.txt

@@ -0,0 +1,3 @@
+Sapta 4  
+               Mat araq kabiyab wit anagin hunagta
+                    ago gamuk awowun

05/01.txt

@@ -0,0 +1 @@
+\v 1 Ari Yesus ago disaipel nenaq le yuw urumun kozaq ban tugwahtiqiy, uliq Gerasa gigo og saw ban. \v 2 Gwahtiqim Yesus muy hulosim itiqsamo mat araq ago bugaw meqinta inaq luwaqta na hodhod hulosim in agerab tubol.

05/03.txt

@@ -0,0 +1 @@
+\v 3 Mat na hodhodabmo luw osyaqta. Ossa mataw in wazan yo hiqiy yaqayta. In mat na aben amub am wazan haiq. Ad in sen-ib am wazan haiqmo. \v 4 Kam kabemmo in abensen sen-ib am waz yaqayta teq in sen na gibultayad hankap asenab usta na wolzilayyaqtamo. In mat awaz meqin diqta.

05/05.txt

@@ -0,0 +1 @@
+\v 5 Sirisrimo zeqab teq taromab in hodhodab  teq garahab osad in ek tonad inmo ahol asan gigib gwatayyaqta . \v 6 Ari mat na yesus pesanmo bolsa ahol waqad in sibim bolim yesus anognib abakbakan ulum laquwim tur.

05/07.txt

@@ -0,0 +1 @@
+\v 7 Turad in dedibmo lileyim bilam , Yesus ham ni God ulilibta atatin ham. Ni ya ezaq itonnan bol? ham. Ya God ameb nibilenaiq ham. Ni santitiy hi yag ham.\v 8 Na ezaqgo yesus tekomo tubulon, Bugaw meqin ham ni mat ka hulosad gwahtiq ham.

05/09.txt

@@ -0,0 +1 @@
+\v 9 Haqad teq in susumun ug, Ni ninan ezaq? ham. Haqan in bilam, Ya inan kuluwmo ham. Na ezaqgo i mataw kabemmo diq ham. \v 10 Teq mat na anad awaz meqin diq amalib ame kabemmo Yesus bulonyaq, Ni saw kab bugaw hi muz haqyaq.

05/11.txt

@@ -0,0 +1 @@
+\v 11 Haqsa bul gihumaban araq ayahta didaq neqad garah amanmanib sinsinmo turiy. \v 12  Tursa bugaw meqinta nagan ginad meqniysa Yesus buloniy, Ni i giqemid i bul ko gimuganib le woquq haqiy. \v 13 Haqan Yesus bilam, Lehiy ham.Haqanmo mat aholib bugaw meqinta giqusiyta na gwahtiqim le bul na gimuganib tuwoqiy.Woqanmo bul bunmo sibim wole garah asibsibranib bayhilek tonim yuwmeb woqan yuw gineqanmo tumoq bugiy.Bul na bunmo gigo ginulinqan 2,000 nazaq.

05/14.txt

@@ -0,0 +1 @@
+\v 14 Ari mataw bul giwamuzim osiyta na in daq na ahol waqad titukiy. Tukim lehad uliqab teq saw haresmo in nagah ahol waqiyta na awagamun tibilaqiy. Bilaqsa on mataw huritim in nagah na ahol waqnan tilehiy. \v 15 Lehim in Yesus ago hib bolim mat kwaziqmo bugaw meqinta kabemmo amuganib usiyta na in ahol tuwaqiy. Mat na anad dimunta waqim tubusan welim ossa in ahol waqad tirabiy.

05/16.txt

@@ -0,0 +1 @@
+\v 16 Rabsa mataw gimeb daq ahol waqiyta na in mat kwaziqmo bugaw meqinta aholib usiyta na awagamun gibilenad teq in bul ago bilaq toniy. \v 17 Bilaqan mataw na Yesus abe yahad buloniy, Ni saw ka huloseq leh heqiy.

05/18.txt

@@ -0,0 +1 @@
+\v 18 Haqan Yesus le muyib tugwalsa mat bugaw meqinta aholib usan in gimuzta na in inaqmo lehnan anad bilaqsa in anad awaz meqin amalib Yesus bulonyaq. Ya ninaq lehdaiq haqyaq. \v 19 Haqsa Yesus hulos. Hulosad in mat na bulon, Ni ningo uliqab nisenlul gigerbmo leh ham. Leheq teq Iyahta daq ayah diqmo em nigta na teq in ninan anad meqniyta na ni gibilen ham. \v 20 Haqan  mat na saw anan Dekapolis haqayta nab lehim uliq bunmo luwad in nagah Yesus inmen amta na tibilaq bugyaq.sa mataw bunmo huritim gihol turuh nemyaq.

05/21.txt

@@ -0,0 +1,2 @@
+\v 21 Ari teq Yesus ago disaipel nenaq yuw-
+kurorqan Galiliy urotim aqurumun kozaq ban ta lehiy. lehan mataw kabemmo bolim Yesus agerab humab tuwoliy, yuw na aqurumnib .\v 22 Humab wolim Yesus inaq nab ossa Juda     gigo bit humab wolayta ago danmebta araq   anan Jairus haqay na bolim Yesus asen agerab   ahol hulosan wom. \v 23 Ahol hulosan woqim usad in anad meqniysa ame kabemmo bulonyaq, Yaqgo amun aw amikta tumoqnan diq tonaq haqyaq. ni boleq niben aholib emeq wazid in ahol dimniyeq hi moqan haqyaq. \v 24 Haqan Yesus in inaq ago bitab tilah.                                                                         Lehsa on mataw kabemmo Yesus muzim inaq lehad teq in aholib soqotim diq inaq leh yaqay.

05/25.txt

@@ -0,0 +1 @@
+\v 25 Lehsa aw araq moqad sirisimo ned hunegyaqta na in Yesus muzim mataw na nenaq tilehyaqmo. Ulig 12 nazaq moq na aholib usta.\v 26 Ussa mataw gime inaqta santitiyayahmo ug yaqayta. in ahol dimniydaq haqad. Teq haiq. Aw na ago mani kabemmo mataw na gigo hib hulos bugta teq in ago moq naasit a hi hiqiyyaq. Haiqgam. In aholib moq ayahmo diq iyyaq. \v 27 Ari aw na Yesus ahol awagamun huritim in anad tiqam,

05/28.txt

@@ -0,0 +1 @@
+\v 28 Ya iben Yesus ago tubusanmo wazeq teq ya ihol tidimniydaq ham. Haqad in bolim mataw biyahta na gilikmanib gwahtiqim nenaq lehad in Yesus abun ban loqimmo aben le in ago tubusan tuwaz. \v 29 Wazimmo in ago ned muran diq nawaqmo tumay. Mayan aholib moq tihiqiyan in ahol tiloyin.

05/30.txt

@@ -0,0 +1 @@
+\v 30 Loyinsa Yesus ago zaway asor tuhulos ugim lahta na ago in ahol tiloyinmo. Nazaq iyan in ahol buliyim bilam, Nog aben yaqgo tubusan waz? ham.\v 31 Haqan ago disaipel buloniy , Ni mataw kabemmo soqot nigim ninaq lehayta ka a hi gibiyaq e? haqiy. Ni nagaqgo susumunim bilam, Nog yaqgo tubusan waz ham? haqiy. \v 32 Haqan teq haiq. Yesus saw waqim le bol, Nog diq daq na amta na ago haqad.

05/33.txt

@@ -0,0 +1 @@
+\v 33 Sa aw na in nagah alulib gwahtimta na ago anad emad in tirabyaq. Rabad in bolim Yesus anognib abakbakan ulum laquwim turad nagah aholib gwahtimta na in tibilaq bug. \v 34 Bilaq bugan Yesus bulon, Ya imiy ham ni ya inan helmo hamta naqmo niqeman ni nihol tidimniy ham.

05/35.txt

@@ -0,0 +1 @@
+\v 35 Ari Yesus gamuk bilaqad nab tursamo Jairus ago bitab mataw asor osim bolim in gigo mat ayahta na danib ahol waqad buloniy, Nagaqgo i Tisa atuw a ta bilam? haqiy.

05/36.txt

@@ -0,0 +1 @@
+\v 36 Haqan Yesus gamuk na ago adek a hi emad in Jairus bulon, Ni hi rab ham. Ni God amomo anan helmo haq ham. \v 37 Haqad teq in on mataw bunmo giwasihan nab tursa in pita teq Jems ama Jon inaq naqmo giwaqim nenaq tilehiy. \v 38 Lehim in Jairus ago bitab tugwahtiqiy. Gwahtiqim in mataw ek tonad gaq wazad ossa tigibiy.

05/39.txt

@@ -0,0 +1 @@
+\v 39 Gibiyad in lehim gibilan, Ne nagaqgo gaqad saw zunad osay? ham. In usaq ham. \v 40 Haqan on mataw na bunmo in aqez tiyuquwuniy. Yuquwunsa Yesus gimuzan asanib gwahtiqsa in amun anen amam teq inmo ago disaipel ezeqman na giwaqim nenaq bit adugan amun usaqta nab le tugwahtiqiy.

05/41.txt

@@ -0,0 +1 @@
+\v 41 Gwahtiqim in amun na aben wazim in Juda gigo nanib bulonim kazaq bilam, Talita kumi ham. Na in kazaq bilam, Amun aw amik, ni eraq ham. \v 42 Haqan hidmo in eraqim tiloq gelyaq. [Amun aw na ayah tiqiy bugim in ago uliq 12 nazaq tiqiyta.] An amun anen amam in nagah na gimeb ahol waqim in gihol turuh nem naqmo diq hiqiy. \v 43 Sa Yesus atoranmo gibilan, Nagah ka ago ne mat araq hikidik buloniy ham. Haqan in amun didaq ugid neqgo gibilan.

05/title.txt

@@ -0,0 +1,3 @@
+Sapta 5
+                Yesus mat araq aholib bugaw  
+                            meqinta muz.

06/01.txt

@@ -0,0 +1 @@
+\v 1 Ari Yesus uliq na hulosim inmo ago uliq diq Nasaret-ib lehsa in ago disaipel muzim inaq tilehiy. \v 2 Lehim juda gigo lotu akamnib Yesus bit humab wolaytab gwahtiqim in mataw God ago gamuk tigibilenyaq. Gibilensa mataw kabemmo Yesus ago gamuk huritad in gihol turuh nemsa bilaq yaqay, Mat ko gamuk bilaqaqta na in edob diq wam? haq yaqay. In anad usaq ko ezaq diq wam? haq yaqay. In ezaq diq tonim anad emsamo nagah gwahtiqaq? haq yaqay. \v 3 Mat ko in igmo gisenlul araq haq yaqay. In bitmo emaq ta amatin araqta haq yaqay. In anen Mariya teq in amagniz Jems teq Josep teq Judas teq Saimon kawa osay haq yaqay. Teq ahiyan kawa i nenaq osauqmo haq yaqay. In nazaq haqad Yesus anan gigem timeqniy yaqay.

06/04.txt

@@ -0,0 +1 @@
+\v 4 Gigem meqniysa Yesus gibilan, Mat God ago nantut bilqaqta na abin uliq bunmo usaqta. Ari inmo ago uliqab teq in asenlulib teq in ago bitabmo diq in ahol abin haiqta ham.                                                                         \v 5 Nazaq iyan in daq azawayin inaqta araq diq uliq nab a hi emyaq. In matw gigo moq inaqta naqmo amulik-mulikmo giholib aben emim giwazsa in dimniy yaqay. \v 6 Teq mataw uliq nabta na in anan helmo a hi haqsa iyan in anadnad emyaq. Ari Yesus saw nab uliq-uliqgo luywad in God ago gamuk on mataw tigibilenyaq.

06/07.txt

@@ -0,0 +1 @@
+\v 7 In nazaqmo emad luwim kam nab in ago disaipel 12 na gibilenan boliy. Bolan inmo ahol abinib bugaw meqinta gimuzgo azawayin in negim teq in giqeman giger giger tilehiy. \v 8 Lehsa in gibilan, Ne lehad es araq waqeq ad hi lehiy ham. Ne katekmo wazeq ulum ugeq a lehiy ham. Teq ne ziy araq es sihengo hi waqiy ham. Ad didaq araq neqgota ad hi lehiymo ham. Teq mani araq ne giholib hi usanmo ham. \v 9 Ne gigo gisendugan gisenab tiqem daqay ham. Teq ne tubusan gigermo gihol siheneq hi lehiy ham.

06/10.txt

@@ -0,0 +1 @@
+\v 10 Haqad in gibilan, Ne uliq araqab le tugwatiqeq bitbitmo leheq hi osiy ham. Bit amulikmo ne os daqayta nabmo ne osiy ham.Oseq teq ne era uliq araqab lehiy ham.   \v 11 Ari ne le uliq araqab gwahtiqid mataw uliq nabta na in ne gibaymuzad gigo gamuk a hi huritsa teq ne uliq na huloseq uliq ta araqab lehiy ham. Lehad ne gisen aqogin uliq nab wolhamid woqan ham. Woqid teq mataw na in gigo daq na anadin tiqem daqay ham.

06/12.txt

@@ -0,0 +1 @@
+\v 12 Haqan disaipel lehim on mataw gibileneq bilaq yaqay, Ne ginad buliyeq gigo daq meqinta gileh ugiy haq yaqay.\v 13 Haqad in bugaw meqinta kabemmo gimuzad teq in mataw gigo moq inaqta na giholib masil emad giwastitay yaqay.

06/14.txt

@@ -0,0 +1,2 @@
+\v 14 Ari mataw saw nabta gigo king Herot in Yesus abin tuhurit. Na ezaqgo Yesus abin saw bunmo lehim ayah tiqiy bug. An mataw asor in anan bilaq yaqay, Jon mataw huz negyaqta na moqan God hodhodab wazan ta eram haq yaqay. Nazaq iyan  in aholib zaway ayahmo usaqta haq yaqay. \v 15 Sa mataw asor bilaq yaqay, Ko Elaija haq yaqay. God mat emid bo Iyahta ayon dan wastitaydaqta na amatin inmo haq yaqay. Teq mataw asor bilaq yaqay, 
+Ko God ago nantut araq haq yaqay. Mataw kwaziqmo God ago nantut bilaq yaqayta naqanta araq haq yaqay.

06/16.txt

@@ -0,0 +1 @@
+\v 16 Haqsa Herot gamuk na huritim bilam, Kwaziqmo ya bilaqan Jon mataw huz negyaqta na anat urot tayiyta ham. Ta teq God in hodhodab wazan ta eram daqagya ham. \v 17 Na ezaqgo kwaziqmo Herot in ama awe Herodiyas hureqim aholyon wam.

06/18.txt

@@ -0,0 +1 @@
+\v 18 In daq nazaq eman Jon tutimmo bulonyaq, Ni God ago gunun ayahta itiyonim niu nima awe wamta haqyaq. Haqsateq Herot in ago mataw asor giqeman lehim in Jon wazim tiqirquriy. \v 19 Irquran ossa Herot awe Herodiyas agem meqin diq Jon ugad in anad emyaq, In moq nagta haqyaq. Haqad teq in wol emgo dan nagun yo hiqiyyaq. \v 20 Na ezaqgo aduw Herot in Jon rabunad alowan tonyaqta na ago. Herot anad emyaq, Jon in mat dimun diqta daq araq meqinta a hi amta haqyaq. Haqad in Jon gamuk bilaqsa huritad anad kabemmo emyaqta teq in huritnan anad  bilaqyaqmo.

06/21.txt

@@ -0,0 +1 @@
+\v 21 Ari abeb Herodiyas aduw Herot anen iqamta na akaman tugwahtim. Gwahtiqan kam nab Herot humab araq ayahta tiqam. Emim in mataw  aseseqta in nenaq gavman ago kabiy muzayta na teq mataw bab emayta gigo aseseqta na teq saw Galiliy-ib mataw marorta nagan in gibilenan bolan nenaq humab wolim didaq neqad tuqosiy. Ossa Herodiyas gibiyad anad tiqam, Ari muran ya Jon wol emdaiqta adateqin inaq tiqiy ham. \v 22 Haqad Herodiyas in amiy eman lehim bit na aduganib gwahtiqim dorsa Herot ago mataw nenaq in amun aw na ahol waqad gime tisiriryaq. An abeb Herot aw barasta na bulonim bilam, Ni naga diq waqnan ninad bilaqaq? ham. Na ni ya ibilenid ya tinigdaiq ham.

06/23.txt

@@ -0,0 +1 @@
+\v 23 God ya ibiysa ya bilaqay ham. Ni naga diq anan susumun yagid ya tinigdaiq ham. Ari ni ninad yaqgo og ya wamuzaiqta na liqabmo uroteq asor nigdaiq haqid na dimunmo ya tinigdaiq ham. \v 24 Haqan amun aw na asanib gwahtiqim lehim in anen tisusumun ug, Ya le naga diq anan bilaqdaiq? ham. Haqan anen bilam, Ni Jon mataw huz negyaqta naqmo afaqin waqgo bilaq ham. \v 25 Haqan amun aw na hidmo lehim in Herot atoranmo bulon, Muranmo ni Jon mataw huz negyaqta na anat uroteq afaqin degib emeq a bo yag ham.

06/26.txt

@@ -0,0 +1 @@
+\v 26 In nazaq bilaqan Herot afaqan tiqiy.Na ezaqgo in ago mataw na gimeb helmo ulilib hamta na anadin emad in amun aw na aqez othasnan in atuw tihiqiy. \v 27 Ad hidmo in ago mat araq bab emaqta eman in Jon afaqin waqeq a bolnan tilah.Lehim in bit giqirquran osaytab  gwahtiqim Jon anat urot tayim afaqin tuwam. \v 28 Waqim in degib emim a bolim aw barasta na uganin waqim a le anen tuqug. \v 29 An abeb Jon ago disaipel in Jon wol emiyta na ago huritim in bolim asan waqim a le hodhodab tiyay toniy

06/30.txt

@@ -0,0 +1 @@
+\v 30 Ari Yesus ago mataw in giqeman uliq-uliqgo lehiyta na muleqim ta bolim Yesus agerab humab tuwoliy. Humab wolim in lehim kabiy emiyta na teq gamuk bunmo in mataw gibileniyta na awagamun in Yesus tubuloniy. \v 31 Bulonsa kam nabmo mataw kabemmo leh bolsa Yesus ago disaipel nenaq gikabiyan emad in didaq neq daqayta akaman haiq iy yaqay. Nazaq iyanYesus in ago disaipel gibilan, Bolsa i gimomo saw araq amatawun  haiqtab leheq asitmo ginamur emuq ham. \v 32 Haqad in muyib gwalim saw araq amatawun haitab in gimo tilehiy.

06/33.txt

@@ -0,0 +1 @@
+\v 33 Lehsa mataw kabemmo gibiyad ginad emiy, Ko in saw nabmo tilehay haqay. Haqsa mataw uliq kabemmo era lehim gisenab yuw adek muzim ameb lehim saw nab tugwahtiqiy. Gwahtiqim tuqossa teq Yesus ago disaipel nenaq muyib abeb le gwahtiqiy, \v 34 Gwahtiqim Yesus muy hulosad le dubub gwalimmo ame le on mataw kabemmo gibiyad in ginan anad timeqniy. Mataw na bilaqne sipsip ginamren haiqta os nog iy yaqay. Nazaq iyan Yesus suleq dimdimunta kabemmo tigibilenyaq.

06/35.txt

@@ -0,0 +1 @@
+\v 35 Gibilenad ossa zeq tuwolenan tonsa Yesus ago disaipel bolim tubuloniy, Zeq tuwolehaq haqiy. Teq saw ka amatawun haiqta haqiy. \v 36 Ni on mataw ka giqemid leheq kabiy uliq sinsin usayta kogab giholmen didaq zayaq neqiy haqiy.

06/37.txt

@@ -0,0 +1 @@
+\v 37 Haqan Yesus amenin emim gibilan,Negmo didaq negid neqiy ham. Haqan in bilaqiy, Sey haqiy, i gigo 200 kina i a leheq bret kabemmo zayeq mataw biyahta ka negid neq daqayta na edowa? haqiy. \v 38 Haqan Yesus tisusumun nag, Ta ne gigo bret ganim usaq? ham. Leheq ahol waqiy ham. Haqan in lehim ahol waqim bolim Yesus buloniy, I gigo bret abaynagin teq nabiq giger nazaqmo usaq haqiy.