mlp-x-kurum_mrk_text_ulb/14/63.txt

\v 63 Haqanmo tamaz mat danmebta na era inmo aholib tubusan bulsireqim bilam, mat araq in nan araq a ta hi bilaqan ham. \v 64 Mat ka God bilawunsa ne tuhuritiy ham. Ne in ayon naga gamukin bilaq daqay? ham. Haqan mataw bunmo bilaqiy, na in daq meqin diq haqiy. Mat daq nazaq amta na in moq nagta haqiy. \v 65 Haqan mataw na gigo asor in Yesus tukusluw ug yaqay. Ad in tubusanib ame isihim wolad teq in bulon yaqay, anan biy haq yaqay. Haqsa mataw tamaz emayta na gigo hurmey na in Yesus waqim tuwol titay yaqaymo.