Thu Jun 27 2019 12:58:24 GMT-0700 (Pacific Daylight Time)

09/01.txt

@@ -0,0 +1 @@
+\v 1 Pila oilitae, tagataga kamana uliluwe, 1kaisa kinapa bambapa asolimba bindawe. kegakamba puwanda Goti kumayage, eseginawape agakilane. \v 2 6-wa duga bigalate, Jisasiva Pitana Jemisina Jonina sumba ivavite kano amukageli ulitawe. Pita imitamepa, Jisasi autapa aulo auga puma abolatagina agatawe. \v 3  Pigo autisanaliva pavuwama aogi autisanava w e puwama bamba bavindisa kinamba ekatovakaga besa pumave kambae.

09/04.txt

@@ -0,0 +1 @@
+\v 4 Aindiva Ilaisage Mosasige amba abolama Jisasike kamana itawe. \v 5 Pitava Jisasikava pilae olitae, alavanembao kanamba batapa binduse, pilavimi kulo kakaga dama kikiluse. Kanope kakendae, kanope Mosasi'ndae to kanope Ilaisa'ndae. \v 6 Pilama akeva anagavala iyemaginava kamba betawe, anavie otamae tavewata iyekulu watawe.

09/07.txt

@@ -0,0 +1 @@
+\v 7 Kano wepuwanda ilaoma amba itikambetae. Ila aguvindisa kano kamana pila itae. Piyape dake anende tavewatasa davuwagagae. Ake kamana aviyo. \v 8 Avagano ewali ewalima agatamepa, pigo kaisamava kamba agatagana Jisasi kanoso agatawe.

09/09.txt

@@ -0,0 +1 @@
+\v 9 Pigo amukagelisa tumitamepa, Jisasiva esegi kamana oilitae.Tikeve kanao yagolagave pila ana avolagi agaune mave a oilo. Goti anende puwanda pindisa ima asolimbete avola kanakimi duga. \v 10 Pilama kamanapa bema kakakalatawe, pilama ikewipa atalu kamana itawe, amiwapa anavie kamanane,puwate asolinda kamanane.

09/11.txt

@@ -0,0 +1 @@
+\v 11 Pilama Jisasikava amakigatawe, anaviyema amiwa kamanapa pilapise kamana kalanda omave Ilaisakave kanakitayoma? \v 12 Pilai oilitae, Ilaisakave ago kanama kogano ana ambema  kano baluta akivotakie. Pilama amiwa kamana kalatamepa wanama anendebava tave atalu gunda bekimipa pilama ageva kamba minda yagolayema?   \v 13 Pilayomepa tikega yomepa, Ilaisave ago kanagalamipa ikeva anana pikiema ike ivuwakinana pila kamana Gotiva ago ugalatae.

09/14.txt

@@ -0,0 +1 @@
+\v 14 Pigo ikeva Gotida auta biyegana iyomanasuna kinambita be kanatawe, pigo ikeva kagatawe atalu wawaya akima pilavise kamana kalagagame kinambiva kano iumava kamba pinda atalu kamana itawe. \v 15 Avaganotasa Jisasi aola agatawe, kogano wawayambiva paguta potama avagano kamana amba agatamagini imalagu kasa otatawe. \v 16 Akeva auta biyegana iyomanasugagami kinawambi kava amakigatawe, anaviyema tikeva kili kamanapa otawe?

09/17.txt

@@ -0,0 +1 @@
+\v 17 Kano kevala wawaya bitame kina pindisa amakiganda kamana aisa itaye,alavanembao,dakeve amana basisone avavite kanauwe. Akeva kambalaga awamusa kina bindegina kamanapa kamba aogima iye. \v 18 Akeva tavewata pai puma esegima asagayoma beluluma awamu wani pamba awi  dama aupa aovuloto puwatae aupa esegiwagae. Dakeva kauta biyegana iyomanasugagabe kinambika kambalaga awamusa kinape beigalo olitagina, ikeva kamba agaluvatawe". \v 19 Akeva aisala amakigatame kamanapa olitae tike wawaya biyeme kinambitapa tikeva tiyumalipa kamba aluwage pewe, aliwa duga tikegeva bikiluwe? Aliwala avagota tikegeva aoginava pulitakiwa,avamete daketandi kano''.

09/20.txt

@@ -0,0 +1 @@
+\v 20 Pigo basisova abamvite kaka atawe. Pigo kambalaga awamusa Jisasi agatae, Pigo boba basisova avagno bavindi beluluma awamu wani pagitae. \v 21 Jisasiva avowambaka amakigatae, aliyawala bamba suanava piye? Pigo avowambava Jisasikava olitae, amana anende so bitamitane. \v 22 Atalu dugave bamba basisove asagayoma yakupindiva belulugagavelo wani daitakinanava pugagayo, pilama aliyaba pilagepene kakeva alagayoma, takepa kandalapuma takepa taopo.

09/23.txt

@@ -0,0 +1 @@
+\v 23 Jisasiva pila olitae, kava ago alagayo? Kogano anavala wanama kevala aumawa alugage pikimipa".\v 24 Avaganotasa anedemba avawamba tavela kuweta pila ikiye, Dakeva dauma alugage puwe! Dauma aluwage pikina suana daoyasavo! \v 25 Pigo Jisasiva agatamipa atarukina bekanatagina pila olita'e kambalaga awamusa kava avuwama pila olitaye. Kakeva kambalaga awamusa kinambiva, kamana bema bogalate igenava ekukalane dakeve esegi kamana ugaluwe, anamali ilosowama tove a ivailese olitaye.

09/26.txt

@@ -0,0 +1 @@
+\v 26 Akeva tavewata aleugalama basisomapa pagula analatali atao tatamine pilavitagina kuwana mbasisova puwanda kina kanda watamine, pigo wa' wayambiva itaoe, " Agopuwae " \v 27 Pilavitagina Jisasi'va ayataumba ima asoli atatagina mbi tuluma asolitae.

09/28.txt

@@ -0,0 +1 @@
+\v 28 Pigo Jisasi dama pindi ivalalopitamipa, pigo autasa eliya kinawambiva ikewi imata balambi mema avigatawe, " Anaviye otama takeva kamba aogi awamusa kinapa alakalakilune, wagalanomava"? \v 29 Pila oilitamine" Pilavindapa kamba agaluva siyavikiye, pigoema puletasa uga agaluva kalakiluwe."

09/30.txt

@@ -0,0 +1 @@
+\v 30 Patasava itaotate Galili watae. Akeva wa' wayambige anendesoso migeva kamba igaiyoma aetapala bindawemava. \v 31 Anaviye otamae auta dasina kinawa poilenda, ana pitamine. Akeva pila oilitamine, " Ikeva Wama anedepa wanami iyapindi ataigini alugu kalaigina puwakiye. Pigoya alugukalaiginava, kakaga nuga oma akuwaiva, toima asolikiye". \v 32 Pilavitamipa ake itami kamanapa kamba betegini amakiga kamanapa iyekuluma kamba amakigatawe.

09/33.txt

@@ -0,0 +1 @@
+\v 33 Kapaneamui kanatawe. Waivindi ivaimba iminda ginava, akeva imakigatae, " Keti kanametiva anae ewe?" \v 34 Kamanapa kamba itawe. Pigoya ikeva taveva ke'ema kili ita kanatamene. Keti kanatametiva. \v 35 Kogano ivama balambi itama oilitamine, " Pigoya kevala tave bikinava koganomba akuwai bima eliya kina bikiye kogano bitinda."

09/36.txt

@@ -0,0 +1 @@
+\v 36 Kaliya anendeso avama bitamepindi avakwa atatamine. Pigo ayapindi aepamamima oilitamina. \v 37 Kevala dake ndage vindili mala anendeso avavikimipa, piyapa dakeke davavikiye, pigo ndaketo davavikinipa, dakemanaya davavikiye kambaya, dakeke kevala daisagatami tasinakowa tasivavikiye"

09/38.txt

@@ -0,0 +1 @@
+\v 38 Joni'va olitamine, " Polenda, takeva agombepa kaokuwandisa kinambiva kake kagevindili kambalaga awamusa kina awavumba agaluvamepa eku itaune, anaviye otamae takegeva kamba dasigagawe. \v 39 Pila pitagina Jisasi'va itae, " A ekuniyoma, kano yagwalamava tave eliyapa kamba vikiye to aindiva ugasuga kamanapa unatakiye.

09/40.txt

@@ -0,0 +1 @@
+\v 40 Kevala takega ayanda ana kamba pikinipa tao tuva tasane. \v 41 Kevala wanika ndoma kamikimipa ana viye otamae kakeva Jisasi ndagae, tagatagamba ugaluwe, alavivima ape wape mbe kiye.

09/42.txt

@@ -0,0 +1 @@
+\v 42 Kevala kaliya kinaso poitagagami, kevala kunda'ana nduga auma alugage daketi pikimipa, kamba uma tula wakiye, pavilama kamba puma kano yagwalama tavewa yeva kano yagwalama anambi ugu atama kayo wanipindi boe pugala kiye. \v 43 Kaya oma kamba aogi anavindi kavamete wakinapa, agilisakalama mboe galo. Goti kumati kano kae yaga wasanava kanamba anaye. Talayaga kae oma pikimi anaoma ayugu yaku pindi kaetumba bima unda unda puwanda pindiye. \v 44....

09/45.txt

@@ -0,0 +1 @@
+\v 45 Tolo kano kagisa oma kunda anavidi kavaimete wakinapa, agilisamba mboegalo. Goti kumati kano kagisa yaga wakilambepa kanamba puwakiye, ayugu talayaga kagisa oma vekina yaku'pindi wakilane. \v 46 undefine

09/47.txt

@@ -0,0 +1 @@
+\v 47 Ago kao oma ugasuwa anavindi kavamete wakinapa, igimba mboe galo, kano kauyaga Goti kumapindi wasanava kanamba anaye. Ayugu talayaga kaoyaga yakupindi wakilane. \v 48 Bamba bavindisa kuva omage yaku omageva kamba pagiwanda pindi.

09/49.txt

@@ -0,0 +1 @@
+\v 49 Anaviye otamae, kogano kinapa yaku oma kaopikiye busanali kayo pailembesapuma. \v 50 kayova kanamba anae pilavimi mbapa kanasigi anawa tula wakimipa. Aliyama kanasigi anawapa avosipikilane? Tikeva kayo'gandama bikilawe, kanamba tiuma tikepindiva biyekina to kaukwaisa miva pala vikinae.

09/title.txt

@@ -0,0 +1 @@
+Sapta 9

10/01.txt

@@ -0,0 +1 @@
+\v 1 Jisasi amitami ago atate watae, wama Judiai olate ginava, Jodenisa wani omanda to undisa undi wataye, to wa wayambigi alagatawe, akeva ataluwa anava pugagauwema oilitae." \v 2 Pilavitagina kaukandisa palisi kinambi ata kamana amba avigatawe," Taga taga nema," Pilavise kamana omava wa'mava wayapa uga atate wakiye umalandiya? \v 3 Jisasi'va oilitae," Mosesi'va anaviyema ulilitae?"  \v 4 Pilavitaginava, ikeva olitawe, Mosesi'va pilamba itaema, pigo kano yagolama'va wa'waya agaluva kalakina wakimipa, akeva agola isapa kalatamagina agaluwakiye."

10/05.txt

@@ -0,0 +1 @@
+\v 5 Jisasi'va pilamba oilitae, " Mosesi'va pilavise kamana kalatamine, anavie otamae, tikeva waya tipa agaluvakalakina pilagena yaga bindawe, \v 6 Anaviye otama buka bamba bavindisana avolakinava, Goti'va wa'ge waya'ke potatae.

10/07.txt

@@ -0,0 +1 @@
+\v 7 Pimba amitaka, wamava ano'avapa atate waya bage umigagaye. \v 8 Pilavakimika kano au avolae, pilavikimika tova ama ama aune, kambae pagivuwakiye, kanone. \v 9 Ana pikinikaga Goti'va eku atatae, kano yagwalamaga kamba ekwasava kinae".

10/10.txt

@@ -0,0 +1 @@
+\v 10 Dama'pindi bitagana, auta bigaga kinambi avigatagana. \v 11 Akeva pila oilitae, " pigo kano yagwalamaga waya'ka agaluva kilambepa, to kupiyo analo pikilane" \v 12 Pigo waya'mbaga kawae atate ama yagwalala wakilambepa, kakeva kupiyona anapikilane".

10/13.txt

@@ -0,0 +1 @@
+\v 13 Ikeva amanawala anendesoso ivamete kanatawe jisasi tandi aya umba pule oigalanoma, Anaviye otama, Jisasi auta bigaga eliya kinambi igaluvatawe. \v 14 Jisasi auta bigaga kinambi pilasuana pitame igatate, Akeva amopitagina  oilitae," Amana anedesoso'va atagana daketandi bete kanayo, tikeva a'ekuniyo.

10/15.txt

@@ -0,0 +1 @@
+\v 15 Tagataga dake ulilitawe, wawaya bigitava anamawala anende kandama kamba bikilambe kagava, Gotinda kunu kumativa kamba wakilane. \v 16 Akeva amanawala anendesoso manda iyata umba eseginawa imitamagina, aya imindota atama pule oigalatae.

10/17.txt

@@ -0,0 +1 @@
+\v 17 Akeva autasa eliya kina wambige pigo asolimbete wama mitagana, kano yagwalama agisavindi amba alaka'pulitaginava avigatae, " Aogi Polenda yagwalagae, ana pikiloti augima asiasima bima undawakina kumapa bekiluwe?" \v 18 Jisasi'va kamana watapa pilamba oilitae," Aliama, aogi Polenda yagwalama'va dage'enema, Bamba bavindiva kano aogi yagwalava kamba mindiye, Goti ake asaso aogi yagwalaviye. \v 19 Pilavise kamanapa ago avindane, Wanava a'alutese itae, amatova kupiyo anava apisema itae, pilavimikuna kamenda ku'anava apise itae, tova tikeva atalu kamanapa a'umagiti tivikaipa a'isema itae kanogava kamana aogima avima alagaise ma itae.

10/20.txt

@@ -0,0 +1 @@
+\v 20 Pila vitagina kwana yagwalamava Jisasi kamanatapa pila'oilitae, " Polenda yagwalama'o," Amana wala anendeso bitotapa pilavese kamanapa avima alagatauwe." \v 21 Jisasi kwana yagwalama'va avumetagina pila olitae, " Kano ana soga imambeyane olitae, kakeva to wamagina kogano kutaka uma aisamba kavonagina amo, Pila pikilambe Kavagamba kogano kutakapa inandisa kumati bikiye, Pilavotategina dakepa amba dalago," \v 22 Ake pimba kamana avitamipa, Kamba aogima amalagu pitagina bo'wagalatae. Anaviye otama, Akendava atalu kutawane.

10/23.txt

@@ -0,0 +1 @@
+\v 23 Jisasi'va autasa eliya kina waka igate kina pila oilitae, " Aviyoma" Atalu kutawa bikimibava Goti'nda aogi kumati wakina ana omava ekigiyambo puwakiye. \v 24 Pila itagina Jisasi'nda autasa eliya kinambiva avite tave pilagena pitawe, Jisasi'va to'oilitae, " Anendebio, ekigiyambo puwakiye Goti kumati wakinava. \v 25 Kameli'omava alaga da oma awavindiva pailikiya,? Ekigiyambo puwakiye bone kinamba Goti kumati wakinava.

10/26.txt

@@ -0,0 +1 @@
+\v 26 Pilaitaginiva auta dasigaga eliya kinambiva tave kamana itawe, " Pigo pilavikimi kave, kelo bekiye asiasima bikina kaumava," \v 27 Pigo Jisasi ewalima igategina pila oilitaye, Wanamaga kamba pikilambe anava, Goti'va uga pikiye, aneviye otamaye, kano anamava Goti tapa kamba agapogalakiye." \v 28 Pigo Jisasi pimbaba kamana ugalata ginava, Pitava Jisasi'va olitaye," Avena, takeva kogano analepa kalate kakege dasimamiunema,"

10/29.txt

@@ -0,0 +1 @@
+\v 29 Jisasi'va pila olitaye," Tagamba kamana ugalanema, pigo kegavala damakano, anasagano kamanano, kano gavano, anendekano,bagano kamanandeke dakenekega pilagema be kanane. \v 30 Anaviye otamaye kalate kanambe anava to bekilawe, 100 - oma avovolili bekilane bamba bavindi bitamikagava kona pimbanava pilambane damaka anasaga kamanapala, kano gava anendeka baike kogano anaike, kawandisa wa wayambigi, Goti kamana takaga kunda betama kinayagopa, ikeva asiasima bikina kumapa bekilawe, \v 31 Pilavoimika wa wayambigiva kegivala aitasa bikilame kina biva buka ambikilagana buka bitame kinambiva aitasa kanakilawe.

10/32.txt

@@ -0,0 +1 @@
+\v 32 Pilavitaginava autasa eliya yakwalamiva asolimbetegini Jelusalemui watagana Jisasi'va igasamete ago palitamba bo'watae Jisasi'nda autasa eliya kinambiva uma agate pagulo potatagana, wa'wayambigiva ilambete kanatamepa iyekulupuwatawe pilavitagana Jisasi'va.12wa autasa eliya yagwala wakaga igeuma tikeva wana kamba binda bala waiyo oilitae,pigo wama umitaganava Jisasi'va akewa auta avolakimi kamanapa oilitae,\v 33 Akeva agoma Jelusalemui ulikilome kava,pigo ikeva kamaginiva Wama anende amba avama atiyambi kinambige pilavise kamana ugagame polenda yakwalami iyapindi atakilawe, \v 34 Pilavekinava ikeva kamana avigama alutikina pilagena pikilawe,pilavotate giniva amakinambito imikiliganava ikeva pigo alutikilawe.

10/35.txt

@@ -0,0 +1 @@
+\v 35 Sebedi mbasi lalava Joni'ge Jemisi'ge Jisasi ka malamba avigatase,"polenda yagwalamao tasikeva kano anaga kavigakilosimbe anava pulasitakilane." \v 36 Akeva pigo isivitgatae,"Tisikeva ana pulilisitakiloka tisivigilisi ese?, \v 37 Isikeva pila olitase,"alaga tasikeva kakege aoginaga pindiva alaga bikilusoma,kanopa kayatasati biyekina kanopa kayakemasi bikiye.

10/38.txt

@@ -0,0 +1 @@
+\v 38 pigo Jisasi'va palamba oilitae,"tisikeva kamba aganase anagavala davigasimbe anava,alaga dake dakilo wani'ka pindisava dakilaso?Dake bekilome wanipindiva alaga wanipa bekilaso?"\v 39 Isikeva olitase," tasikeva uga bekilusema, Jisasi'va pila oisilitae tagane dake dakilo kapindisava dakilase pigo pailikilo wanipindiva pailikilase".\v 40 pilamapiyo, kegavala daya tasati bikinayo dayakemasi bikinava dake eliyayane,pilaviyo kekipala ago alapotanda kinambindae.

10/41.txt

@@ -0,0 +1 @@
+\v 41 Pimba kamana aviteginiva teniwa autasa eliya yakwalamiva kamba imalagupitawe Joni'ke Jemisi'ke kava.\v 42 Pila pitaginiva Jisasi'va ige uma akivoitama balabiyo oilitae,"Tikeva atiyambi yagwalava ago igaga oma, pimba yakwalamigiva ikeva amakinata alavamagini bigagawe,alava kinambi alavavoitama eliyapa imigagawe.

10/43.txt

@@ -0,0 +1 @@
+\v 43 Pilavimipiyo tikeva pilasuanava apese,pigo kano yogalamaga tikelipindili atiyambi yagwala avolakina pikilambepa,kakeva pigo ikenda eliya yagwala biyese. \v 44 Pigo kegavala bukasa balu bekinava,eliya yagwala bi'itase.\v 45 Wama anende kanatamipa ake eliya'ana pikilombe kaya kanatae,kambaye"Akewa aumawapa kogano wa'wayambitika aumawapa tamigalama gina pulikina kanatae.

10/46.txt

@@ -0,0 +1 @@
+\v 46 Jelikoi uma olatategina, Jisasi autasa eliya kina wabigige Jerikoi agasamete bo watagana atalu wa'waya bigiva igaluwabete watawe,kano aolika yagolava,Timausi anende agewapa Batamiyasie, ke oma awali bima gina biyeka ekauma bigagae.\v 47 Pigo Jisasi Nasaletisa yagola kana mamiye kamana avitegina,tavewata ke ugalamagina jisasi o Deviti anadekae,kae kaumama punato olitae. \v 48 Pila pitaginava wa wayabiva awavulitawe akeyoma. Pila pitamepa akeva kaba avida to ke otamaginava,Jisasi o Deviti anadekae, kaumama punato.

10/49.txt

@@ -0,0 +1 @@
+\v 49 Jisasiva kona keitami kamana avitegina uma asolimbagina aulika yogala olitae ago asolimbetegina wo olitae,dake kageluwe.\v 50 Pila pitaginava autisanawa auguma bogalategina,asolimbetegina Jisasi tandi kanatae.

10/51.txt

@@ -0,0 +1 @@
+\v 51 Jisasiva pigo pila olitae, ana pogatasinaga kaviema amakigatae? Pila itaginava aolika yogalamava olitae,Tave nembao dao agakina puwe olitae.\v 52 Pigo Jisasiva pila itae, kauma alugage pembe ana oma kaova agane olitae, pila itaginava aogawamagina Jisasi alabete watae.

10/title.txt

@@ -0,0 +1 @@
+Sapta 10

11/01.txt

@@ -0,0 +1 @@
+\v 1 Pigo Jelusalemi be kanatamepa, Betpesiyaie Betanige olivisa amukegela amba avavitawe ,Jisasiva tala auta bigina poilenda pugagami kina isiagatae. \v 2 Oisilitae, " damatuwali wama olatawe a'ga donki uma agakilane wanamava kamba agavindane. Pigo uganda'va isovakalama bete bedamiso. \v 3 Kawina kanama anaga isovane? Ekenapa, olese tave'yagwalama agambete agasaga kananomae,"

11/04.txt

@@ -0,0 +1 @@
+\v 4 Pigo watasimbepa, tavekige oma aomati aga Donki ugubalanda uma isovatasigina. \v 5 Wanama'va isivigatawe, anavikina Donki nepe isovanema. \v 6 Oisilitami sapuma Jisasi igela olitagina, pigo alagae oisilitawe.

11/07.txt

@@ -0,0 +1 @@
+\v 7 Pigo tala auta'bigina poilenda pugagami yagwalala'mava isiu'tisanava akuma agulotama, " Jisasi'pa be amitasigina. \v 8 Pigo wa wayam biva kaiyage, yenale yagepe bema keta agulotatawe. \v 9 Pigo, bekanataginava wa wayam biva aleuma, Hosana kano aogina bete kanami yagwalave," Tavelemba agela kanami yagwalae itawe. \v 10 " Hosana'uma awagauma inatapo," Deviti tupindisa amba avolakiye itami yagwalave pigo kanae.

11/11.txt

@@ -0,0 +1 @@
+\v 11 Pigo Jisasi'va Jerusalemi wama Goti awagauna damaka uma agatae, 12- puwa auta bigina poilenda pugagami kinambige tale itagina Beteni watawe. \v 12 Asava Jisasi'va Betenisa kigeti watamipa agavulitagina.

11/13.txt

@@ -0,0 +1 @@
+\v 13 Bolo agatamipa Fiki'ye ana kutali puwate bitagina anda'pa alave vema uma agatamipa, anda alakina kasiya kuna ana oma awagitawatagina. \v 14 Kwana Fiki'ye gava pila olitae, kawinama'va anda wape kamba igimba dakiye itagina auta bigagame elia kinambiva avitawe.

11/15.txt

@@ -0,0 +1 @@
+\v 15 Pigo Jisasi'va Jerusalemi, Goti awaga una damapindi ima agatamipa, bonepa etamavite aisaganava'pite alapepa aisagate puma bitagana. \v 16 Jisasi'va oilitae aisagana puna damaya'ne oilitae.

11/17.txt

@@ -0,0 +1 @@
+\v 17 Pila oilitae," Kamba kalamalatayo, kogano kinambinda pule una damane mava? Bape kukinambinda yava awayane oilitae. \v 18 Alotu damapindisa alavakinambige, pilavise kamana kalagagamikinambi'geva Jisasi'pa alutikina kasa itamepa, ataluma Jisasi kamana avitami wawaya ka'iye kulupitawe. \v 19 Pigo taleitagina'va Jelusalemi'va itaotate.

11/20.txt

@@ -0,0 +1 @@
+\v 20 Avaya pigo bowatameti bomba fig'yeva asawanda uma agatawe. \v 21 Pita'va pilavite olitae,Tisa'o ago! figi'eva ago awavulembe yeva ago asawatae."

11/22.txt

@@ -0,0 +1 @@
+\v 22 Pigo jisasi'va olitae "Goti'ka kauma alugagevo oilitae.\v 23 Tagataga'ka uliluwe kegavala kauma alugagewama bamba amukage omaka epakumbete kayo wanipindi tumoma, tala pilagenava kamba vinda kano aumala ikimipe Goti've pikiye.

11/24.txt

@@ -0,0 +1 @@
+\v 24 Piyaka,alugagema kogano anaga divigakilambepe bekilane,taga bekilane oilitae. \v 25 pigo pule ikina'anava,wanamaka kaliya kauma potanda,kamba alaganawapa begalagano, Goti'va kamba laga anagape begagalakiye."\v 26

11/27.txt

@@ -0,0 +1 @@
+\v 27 Jisai'va to Jelusalemui Goti awaga una damapindi umitaginava,Goti awaga una damapindisa, amindo yakwalamage, alava yakwala yage, pila vese kamana kalagagami kinayagepa Jisasi tandi watawe. \v 28 Pila uma olitawe, kakeva ke'esegi analasa bala anava pita dasene kwana eseginava ke'kamimi eseginalasa vene?"

11/29.txt

@@ -0,0 +1 @@
+\v 29 Jisasi'va pila oilitae,"Pigo dakeva kano kamana tivigauwe, unaligi ulileno,ke'eseginalasavala puwema. \v 30 Jono wani beitatamipa Goti kumatisa velo wanama'tandisae?" baunaliyo itae.

11/31.txt

@@ -0,0 +1 @@
+\v 31 Pigo ikewipa yoke uma aliyalasa oilikilunema, "pigo inandisa kumatisae ekanava piyapa anaga tiumava kamba alugagevewe ikiya?" \v 32 Pigo wanamatandisae ikilombepa,Joni tandi iuma  ewali puma Goti'nda eliya kinane emekuna ema, wanaga iyekulu pitawe. \v 33 Pigo Jisasi'kava pila olitawe, kamba agandune olitagana Jisasi'va pila oilitae, dakelova ake eseginalasa pumava kamba ulilikiluwe oilitae.

11/title.txt

@@ -0,0 +1 @@
+Sapta 11

12/01.txt

@@ -0,0 +1 @@
+\v 1 Pigo Jisai'va ama kamana aaagovuluma ama kamana poilenda pitae. Akeva pila oilitae, kano yagwalama waini uga'ana pitae, akeva waini ugala kago ana potategina, waini ana pite bete vikinaga kuma ekane pitae.Akeva kanondama kitamagina waini ugala alavapikina kinambi imitae. Pila pitegina akeva kano undi watae. \v 2 Pigo waini yokavina duga amba avolatagina, pigo akeva kano yagwala aisagatae waini ugala alava kinambitandi kaisa waini beyoma. \v 3 Pilamapa ikeva kwana yagwalava alugumba kano anava kamba benda uga aisagatawe.

12/04.txt

@@ -0,0 +1 @@
+\v 4 To akeva kano eliya kinawa aisagatagina watae, iketandi, pigo ikeva talala amindo palu atamagini ugasuwa potama anali kamana otatawe. \v 5 Akeva ama yagwala aisagatagina pimba yagwalava alugukalatagana puwatae.Ikeva kambasa su anavindisa kaisamipa ugasuwa  poitama ilutitawe.

12/06.txt

@@ -0,0 +1 @@
+\v 6 Akeva kano yagwala aisagakinava bitae, pimba Anende kava avulasa avuwatae. Akeva alitalele anende iketandi aisagakinava bitae. Akeva pila itae, ikeva wama anendemba kamana avikilawe itae. \v 7 Pigo waini ugala alava pitame kinambiva ikewi kamanapa pila itawe, pila ite pimba anendebava avowambanda kogano anava bekiye ite, kanaigita akepa alugukalama bonewake kogano ana wapa beyano itawe.

12/08.txt

@@ -0,0 +1 @@
+\v 8 Pigo akepa aitaka atamagini alugumba waini ugaoma aomati bokalatawe. \v 9 Pigo waini uga oma avowamba anaviye ikiye? Akeva pigo kanamagina waini ugala alava kinapa ugasuwa poitate gina, waini ugava bemagina amakinambi imitae.

12/10.txt

@@ -0,0 +1 @@
+\v 10 Tikeva kamba enosuma agao Goti kamanakava dama kikina kinambi yavapa begalatawe, dama kikina evapa ege puwanda evane. \v 11 pimba evape Tave yagwalamatandisa kanatae, pilamapa agakinava aogilasa puwandane. \v 12 Pigo ikeva pilage pitawe Jisasi'pa igwanda amikinaga  ikeva iyekulu puwatae atalukina bitameka, anaviye otamae Jisasi'va pimba amakamana olitamika. Pila pitagina pigo akeva atatagana watae.

12/13.txt

@@ -0,0 +1 @@
+\v 13 Pigo kaisa tavepe yakolamiva Parisi kinake Heroti tukeva asisagatagina watawe aketandi, ikeva ka aogi kamana enoma atapota kina watawe .\v 14 Pigo ikeva kanatamepa, pila olitawe,Polenda yagolamao,takeva agobapa tagakamana una yagolagae olitawe,kake kano kinasogava kamba lasa kavugagae, kambae, kavu wanda ana wapa kogano wawaya bi aokapindi bigagae.Taga tagane kakeva Gotida agisu ana    waka wawaya bi pa poileda pugagane.Sisa takisi amiknanava ago agi vikivelo kambae? Ikapikilupelo kambae? \v 15 Pila mape Jisasiva ivi kamana ikinapewema ago boagategina pila oilitae,anvie otama dakepa atapunatakina pewe? kano awate baevigi agano oilitae.

12/16.txt

@@ -0,0 +1 @@
+\v 16 Pigo ikeva kano awate                                                              bema Jisasi amitagana. Pila oilitae,"piya awatetiva ke'amake ke'agige bindiye oilitae. \v 17 Pigo Jisasi'va pila oilitae, Sisa danava Sisa amiyo, itegini Goti danava Goti amiyo,"pigo ikeva kwana kamana aviteva pagula pumalatawe.

12/18.txt

@@ -0,0 +1 @@
+\v 18 Alagae, Saduisi kinambiva Jisasi tandi kana tawe, pimba kina biva to asolikinanava kamba bindiye ugagame kinakuni, kanama amba avigatawe. \v 19 Polenda yawalamao, Mosesi've pilamba isapa kalamalatae,  pigo kano anasagaba wayawa atate puwa kimipa, anende kamba atandata, pila vikimikava, unamusowamba lo bekiye. Pilavotamaginava anasa wamba amaluta anendepa avolakiye.

12/20.txt

@@ -0,0 +1 @@
+\v 20 pigo seveni'wa aganda mitawe, bukasa basima kano we bemalate puwatae, anende kamba atandata. \v 21 Puwataginava to inamu wamba bete anende kamba atandata akelova puwatagina,pigo akelo puwatagina ake akwalasa basima lo betamipa anende tova kamba atandata to puwatae. \v 22 Pilavita wama kogano seveni'wa aganda nandava pumba pagivuwatawe anende kamba atandata, kwana wepa aindi lasa bopuwatae. \v 23 Pogoema kogano kanota asolikilakava kwana wepa ke we ana vikiye?Anaviye otamae, koganopa kano aganda  nandama  betami wene.

12/24.txt

@@ -0,0 +1 @@
+\v 24 Pigo Jisasi'va oilitae, "tikeva pimba pilagene anava ugasuga su'ana pumamiyewe, anaviye otama tikeva kamba agadawe, Goti'nda esegi ana wapindiva umalandembe anava? \v 25 Pigoya ikeva to ima asolikilamekava, ikeva tova kamba waya waw anava kamba pikilawe,taga kambae, ikeva inandisa Goti'nda Agaga binda kina kandama bikilawe.

12/26.txt

@@ -0,0 +1 @@
+\v 26 Pigo wana pulite aoga kimipa kamba ka  Mosese isa pindiva  enosugagawe. Kavuvindi imitami kamanapa, anaviye otamae Goti akege kamana itasimbe kamanapa, dakeva Abrahamu'ke, Aisaki'ke Jekopi'ke Goti'nae oilitae? \v 27 "Akeva ago puwanda kinambi Goti yane kambae, take taoganda bindombe kina bitendae. Tikeva sokale kamana ugaga kina biyewe."

12/28.txt

@@ -0,0 +1 @@
+\v 28 Kano apise kamana kalagagami pilagena minda yagolama kanamagina kamana itamika   ambima aviyavitae,pigo akeva bima aviya pitamipa kamana avigatapa aogimalasa ewalima oilitae, itaginava akeva pilamba avigatae, "Aemba pilapise kamana oma ukwandisava igasama agilasapa puwandiye?" \v 29 Jisasi'va pila oilitae, Islaili kina bitava aviyo,"Tavelepa Goti lembae asasoye. \v 30 Tikeva tavelimba kava tivuwama tiumaliyaga, eseginaliyaga, pilage naliyaga Goti limbakava tivuwayo. \v 31 Gotida tala pila pise kamana wapa tova kamba bindiye,"

12/32.txt

@@ -0,0 +1 @@
+\v 32 pila pise kamana kalagagame kina biva pila ewe , Aogi Polenda yagwala! tagamba tasa ene, Goti asasoe,tova amapa autapa kamba bindiye.\v 33 Kogano kauma pindisava kavumema, kogano pilage nagayage, esegi nagayagapa keka pilage mamiyewe. Kakegaka kavume gagambesa puma kamekava kavumeyo, piya tala kamanapa tave kamana tasane, Goti amo pindi wanoma kaopugagame anava pila mayane," \v 34 Jisasiva igatamipa aogi pilagenayaga kinanema igataye, Akeva pilamba oilitae," Tikeve Gotida inandisa kumativa pagosava kamba bindawe," Pimba avagotapa kawinava kamba kano kamanapa avigatae, Jisasi kava aekulu puwatae.

12/35.txt

@@ -0,0 +1 @@
+\v 35 Goti awaga una dama pindi Jisasiva wawaya poilenda ana pitae,Jisasi ike itame kamana kava pila oilitae,"Anavie otamae pilavisie kamana kalagagame kinambiva Jisasi kava Deviti anadene itawe? \v 36 Aogi awamusa kinapa Devitige mindie itegini, Tave yakwala mava Taveleka pila oilitae, dayatasati balabiyo itae,pimbadua uvoikimitapa dakeva tikwama kina kava dagisa avendi balabi iyo oiliki luwe \v 37 Deviti ake kanaso tavene ba,ova ugagae ,''Tave'o anavie otama akeva Deviti anende ana vapitae?''Pigo atalu Wa'waya biva imbutisa Jisasi kamanapa avi tawe.

12/38.txt

@@ -0,0 +1 @@
+\v 38 pigo Jisasi'va Wa'waya poilenda  pite gina oilitae, tiekulu piyo pilavise kamana kalana kina bikave,kega wataya kautasana pumete wasinagava kavu gagae,pila pegana,pila pegana Wa'waya biva imbu kamana oita gagawe maketi kuma pindiva, \v 39 Pila pegana ikeva aogi baluti balabi sanaga ivu gagae Goti awaga una dama pindiva, pigo Tave dugava ayogi baluti balam bima danidava dagagae. \v 40 Pila pitagina iwae puwanda wembindava damapa ugasua pugala gagawe, pila pitegini ikeva wa'wayabi iganoma wataya pule ugagawe. Ikeva tavewa kunda bekilawe.''

12/41.txt

@@ -0,0 +1 @@
+\v 41 Pigo Jisasi'va Goti awaga una damapindi bone pogisi bitami undi balabitae, pigo akeva bone pogisi bitami undibima wa'wayambi bone bo'ata ta pitame ka agaisitae. Pigo bone kinambiva kanamagini tavepe bone beata tagana. \v 42 Pila vitaga kano awae puwanda wembava tala tete bone so tala bo'atae, pila kano awatesoe.

12/43.txt

@@ -0,0 +1 @@
+\v 43 Pigo Jisasi'va auta bigagame eliakina wambi kava igeuma beitamagina oilitae,'' tagakalasa uliluwe,Awae puwanda kila wembava Goti awaga una damapindi tete bone so tala bo atatamipa, kogano wa'waya igasatae. \v 44 Pigo wa'wayambi atalu bone botatamepa atalu bonei bitagini pitawe. pilamava ake awae puwanda kilawe bava atalu bone wapa bogala tagina to ama bone wapa kamba bitae.

12/title.txt

@@ -0,0 +1 @@
+Sapta 12

13/01.txt

@@ -0,0 +1 @@
+\v 1 Pigo Jisasi'va alotu una damapa atate bowatagina kano auta bigagami yagwalamava pila olitae," Polenda Yagwalao deya ayogi evaka agatagino bemiya ayogi dama ka ago olitae". \v 2 Pilae olitae, "Ago tavewa damapa agana? kano eva omava kamba ame autapa uma ekalatamba pavigo kogano belulu wakiye".

13/03.txt

@@ -0,0 +1,2 @@
+\v 3 Jisasi'va Oliv'isa amuta alotu una undi balambima bitagina.Pita'ya, jemisi'
+ya, Joni'ya Andulu'ya piyawa kinamba kakamba avigatawe. \v 4 Ulalembe anava aliya dugaga amba puma avolakiye? Ana ama anawape amba puma avolakina, kwana ba embe anava amba puma avolakiye?"

13/05.txt

@@ -0,0 +1 @@
+\v 5 Jisasi'va pigo pila oilitae, "Aogima biyo oilitae ayugu kano yagwalama kanama tivama wasuwa undi titasanagava. \v 6 Atalu kinambava dake dagela kanama pilae ikiye, "Dakeva Jisasi nae oigalama atalukinapa avama ka'ayogi kigeti tivavite wakiye.

13/07.txt

@@ -0,0 +1 @@
+\v 7 Pigo to kano aganava tavepe piye kamana aviteginapa, piya kave atalu pilage anava apese. Pimba anava amba puma avola kimipa, piyapa bamba ba'oma atuti kanae mava apilage vese. \v 8Kano bala bigagame kinambiva asolimba akemba ana asolimba to mala bigagame kinambigeva buvo bavu pikie. To kano anava ,imimake tave kavonanae kogano undi puma avolakie.Piya pikimi ana omava,wawayaba yakolai ana pikinavigina aesu puga gami sapikie.

13/09.txt

@@ -0,0 +1 @@
+\v 9 Egema ima asolimba biyo. Tikepa tavama kanisole kinambi aola ima asoli titama kano anavuna damapindi tilutikilewe.Gavana kinambake kini kinambi iyola ima asoli titakimipa,anavie mae,Jisaside dage tiketa belamika kuna pimba anava pulitakie. \v 10 Pavimba aguvindiva Goti kamanapa bemetegina kogano ba atuta uma oiliyo.

13/11.txt

@@ -0,0 +1 @@
+\v 11 Pila pegano kevala tietaka atama tilutikimikava,piyape atalu pilagenava aliya ikiluwe mava a pilagevese.Bo kamana ikinaga veganava Aogi Awamusa omava pilae yomava pilagena kamekina ikilene. \v 12 Anasawambava to ewalima inamuwapa alutekana, Avogamba anedena alutekana, anedewambava to esigisamba anoke avake. \v 13 Jisaside dage tikepindi bikimi kagone, kamba yogi anava tike tiutape pikilawe. Pavimba kundana oma aguvindi ima asolimba egema kauma alugage pikilambekava, pimba yagwala wepe tiwima tivamekiluwe.

13/14.txt

@@ -0,0 +1 @@
+\v 14 Tavepe kundana yaga kamba yogi suana kamba vonata pekina agate kinape, enosikilambe kinambagave ayogimaso avikinae. Judiai bikilame kinakava oilegana ikeva kalate amukageli uliyo. \v 15 Dama avovoli binda kinakave oilitagana ikeva kamba lo waevindiva wama anavala binda anava umeyano. \v 16 Pavilama kevala yogavindi binda kinakave oilegana ikeve a wama iutisanave umeyano.

13/17.txt

@@ -0,0 +1 @@
+\v 17 Pigo to kano anava kevala asasa anende dono amima bikimi kinakave tavewata tandala poitauwe. \v 18 Pimba amitaka egana kwana pimba anava kalakimi anavindiva kamba puma agolane. \v 19 Tavewa  kunda bekanakiye pimba kundava amalu Goti bamba ba potatamipa pila kunda anava kanakiye, piyapa pavigo alitalele kunda bekanate pagiwakie. \v 20 G0tiva dugava bema avalu kikie, wawaya wakava pilagema.Kamba bema avalu pikimikava wawaya wapa uma ugasu wa wakiye.

13/21.txt

@@ -0,0 +1 @@
+\v 21 Kano yago lama pilae ugalikimipa akape avese, Jisasiva amba bindiye o pita bindie ikimi kava, atasakape kaumave alugagevo. \v 22 Avi kina be kaumama dakeva Jisasi danae itegina pigo tova avi polopeti kina bekanama kaisana amba puma avoloma kake kanda amba ewali puma ugasuwa undi katakiye. \v 23 Pigoya alvamao,bi'ise ambo avolakiya ka bamba kamanapa uliluwe.

13/24.txt

@@ -0,0 +1 @@
+\v 24 Pigo tave kunda ana omava akwaiva, pa'oma aoliva tunupuwakina, o'pe kamba pavikiye. \v 25 Pigo imaleyapa kunutisa igibete tumu tumu vekina, kogano kunutisa eseginawa binda anava panapana puvitakina. \v 26 Pigo Wa'ma Anedepa ila'oma aguvindi esegiana wayage pakwasasa ana wayage kanakiye. \v 27 Pigo Jisasi'va enisole'wa aisaga kina ba atutake kunu atutake kogano atupindisa eseginawa akendawa ka alapotanda kina wapa bema ekivikiye.

13/28.txt

@@ -0,0 +1 @@
+\v 28 Pigoya fiki'ye omatandisa pilagenava beise, pigo ano bala kina anawa betulaya waginava pigo kavoliye ugagane. \v 29 Pila ugagambe sa puma ugalome ana amba avola kinapa pigo, kavela ambindimi kuna pigo kanakiye ese.

13/30.txt

@@ -0,0 +1 @@
+\v 30 Akelasa tasa ulilikinavuwe aviyo, babiyeme avago tasa kinapa kamba pumba pagiwandata kwananava amba puma avolakiye. \v 31 Pigo kunu'ke bageva pagiwakina kamana depa kamba tasa pagiwakiye. \v 32 Kwana pimba duga oma, pimba kunala nemava kawinava kamba avindigina, kunu kumatisa enisole omage, Jisasi akewa keva, kamba agano gano, Davanemba ake asa avindiye oilitae.

13/33.txt

@@ -0,0 +1 @@
+\v 33 Kaundaki puma, alavama biyese, pimba kuna lanemava kamba agandune. \v 34 pigo pilasu analane itae kawinapa pagwasa, bali wagalakina damandeke, eliya kina wambakava eliya itate, alavavuna kinambiki kava tatae puma biyese oilitae.

13/35.txt

@@ -0,0 +1 @@
+\v 35 Pigoya kaundaki puma biyese dama'oma alava yagwalava pilagu dama wativa  bekana kiyemava aganane kwana kunave atamino, asekwavayo kokole agaikimitano, baliyo . \v 36 Pagula kiki anaga bekanakimipe kawitaminda amba kagasiye. \v 37 Ana kamanapala ugalomepa, kogano kinambika oiluwe alavama biyese."

13/title.txt

@@ -0,0 +1 @@
+Sapta 13

14/01.txt

@@ -0,0 +1 @@
+\v 1 Pigo tala nuga bigalateginava. Tave kina akima Goti iyombetamika bo pilagema beleti dakina kuna. Pigo amindo yakwalamage, pilavise kamana ala kagagame kina bigeva, Jisasi alutikinaga yoke kamana uma bitawe. \v 2 Ikeva pila itawe, pimba ana tave akinalapa kamba puma avolakiye, anaviye otamae, wa'wayambiva kili uma akemba anava ikewi avakwapa, kamba puna avola iyoma.

14/03.txt

@@ -0,0 +1 @@
+\v 3 Pigo Jisasi'va Betanisa Saimoni dama pindi umi tamipa kogano Saimoni'va alepa ana puwanda yagwalaye.Pilama bitameta kano wemba aogi aindu'vinda ana basawe amindoti amba etevatae. \v 4 Pila vitaginava kaokaisa kinambiva iupuwama, ikewipa pila itawe. Ana oma amitaka aogi aindu pinda anava, ugambapa etevae? \v 5 Piya aogi aindu anava aisamba 300 silva bone bema wa'waya kevala kotawa kamba binda kina imikinae. Pigo pila umagini kwana wepa aomana sitawe.

14/06.txt

@@ -0,0 +1 @@
+\v 6 Pila vitagana Jisasi'va oilitae,"Tikeva agagalaiyo, anaviye otama bamba wekava otama biyewe? Akeva aogina punatae  oilitae. \v 7 Pigo kogana dugava kotawa kamba binda wa'waya kava tikege bigagawe. Aliyandugaga pila kinapa iyombema aogi poitakilawe, pila pimikuna kogano dugava dakegeva kamba mitawe.\v 8 Bamba wemba anavala pimi anava, pavigo pikinana viye dauti aindu vinda ana paindatamipa, pulikina anaomaka bo'ala pitae. \v 9 Taga kamana ulilikina vuwa aviyo, kogano bavindi aogi kamana pagu uma oilikilame pindiva, bamba wemba pindi anagavala pagusama oiliteginava bo'pilage pikilawe olitae.

14/10.txt

@@ -0,0 +1 @@
+\v 10 Aindiva Judasi Iskerioti'va, 12 wa kina auta bima eliya pugagame kina pindisava kano ikuna, pigo akeva Jisasi'pa akewa amitegina, amindo yagwalama tandi wamagina, Jisasi'pa iyapindi boitatae. \v 11 Pigo Judasi itami kamana aviteginiva, amindo yakwalamiva ibu puwamagini, pigo bone'pa kamikilunema b o'ege potatawe. Pigo Judasi'va aepasama bitae, pigo kano aogi nugava pigo Jisasi'pa avama iyapindi boita kiluwema itae.

14/12.txt

@@ -0,0 +1 @@
+\v 12 Pigo baleti dagagame amalusa dugawa amba avolatagina, pigo sipsipi awalo yakupama, Goti eliya pugagame kina wambiva, Jisasi kava pila olitawe. Takeva aeta wamagita, daninda dakina balupa uma yoke potasune? \v 13 Pigo Jisasi'va auta bima eliya pugagame kina pindisa talagava pila oisilitae, "Pigo tisikeva tave kumapindi wama, kono yagwalamava tave wani ka'yage aesaga bete kana kimi uma palikilase. Tisikeva alambete waiso. \v 14 Aemba dama pindivala kwana yagwala ivalalo pekinapa, pigo tisikeva alambete uluma dama oma avowambage kamana ima iso. Pigo Tisa'va pila iye, Dakenda balupa aeta bindiye, dauta bima eliya pugagame kinambige, Goti iyombetami dugaga bo pilagema danindava dakilombekae?

14/15.txt

@@ -0,0 +1 @@
+\v 15 Kwana yagwalamava tavewa balu tisilasikiye, ago aogi potanda tisilasikiye, inatasa dama pindiye. \v 16 Pigo autambima eliya pugagame kinambiva, tavemala wama gini pigo Jisasi itami sapuma kogano anava uma aga tawe, pigo Goti iyombeta mika pilagema dakina danindava uma yoke pitawe.

14/17.txt

@@ -0,0 +1 @@
+\v 17 Pigo pa'oma tu pai wataginava,pigo Jisasi'va 12wa eliya kina wambi geva kanatawe. \v 18 Pigo yalage ana potandati balambimagini danindava datawe, pigo Jisasi'va pila oilitae, "Taga kamana ulilikina puwa aviyo, daninda dama biyombe pindisa kawi nama gava davama dagwama kinambi iyapindi bondata kilawe oilitae. \v 19 Pigo kogano indala puwama autasa eliya kina wambiva, olitawe, pilage pombepa dakeyane?"

14/20.txt

@@ -0,0 +1 @@
+\v 20 Pigo Jisasi'va ikekava pila oilitae, 12wa dauta bima eliya pugagame pindisava kano winamagae, akeva beleti va igwale vindi dakege bo atakiye. \v 21 Pigo Wama Anendepa avama agwama kinambi iya pindi bo'amitae, anaviye otamae, Goti kamana oma itamisapuma. pila vikimi yagwalamava tavela dau potauwe, anaviye otamae. WAma Anendepa avama agwama kinamba aya pindi bo atakilameka. Tagamba tasa aogi puwakiye, piyamba yagwalava anowamba kamba yakwalai potakimipa.

14/22.txt

@@ -0,0 +1 @@
+\v 22 Pigo daninda damamitagana. Pigo Jisasi'va kano bleti bema pule otama gina, epako magina auta bima eli pugagame kinawa imitae. Pigo Jisasi'va pila oilitae, "Beiyo bape dake dauno. \v 23 Pigo akeva kapu bema Goti'ka aisa otamagina autasa eliya kina wambipa imitae. \v 24 Jisasi'va pila oilitae, bamba kula omava dakenda asa'sa eliya pikinae, pimba kula tumikimipa kogano wa'wayambindae. \v 25 Tagamba kamana tasa tikegava uliluwa aviyo, Dakeva tova kamba danda bitawama, pigo asasa waini Goti'da aogi kumawati ima dakilawe.

14/26.txt

@@ -0,0 +1 @@
+\v 26 Pigo kano ini ugalateginiva, pigo ikeva Olivei'sa amukage vindi ulitawe. \v 27 Jisasi'va pila oilitae, "Tikeva kogano dakepa itaunata kilawe, anaviye otamae, kamana wa pindiva  bindiye. Pigo alava pikina yagwala alugu kalakinava, sipsipi'pa kogano undi aluvala wakiye.

14/28.txt

@@ -0,0 +1 @@
+\v 28 Pila vikimi kuna, aindi asolikilometapa dakeva pali wama Galili wakiluwe. \v 29 Pita'va Jisasi kava pila olitae, kakwaisa miva itaugata kilamepa dakeva kamba itaugata kiluwe.

14/30.txt

@@ -0,0 +1 @@
+\v 30 Jisasi'va Pita'kava pila olitae, tagamba kamana tasa ugaluwe, pimba asekwapa kokole oma tala'la agaekinapa pila ikilane olitae.\v 31 Pigo Pita'va pila itae,pigo kakeva puwakina anava, dakeva kamba kaganduwema ikiluwe. "Pigo ikeva koganopa kanokanabana Jisasi kava olitawe.