ilo_ulb_rev/43-LUK.usfm

\id LUK
\ide UTF-8
\h Lucas
\toc1 Lucas
\toc2 Lucas
\toc3 luk
\mt Lucas

\s5
\c 1
\p 
\v 1 Adu a tattao ti nangpadas a mangisurat kadagiti istorya maipapan kadagiti banbanag a natungpal kadatayo. 
\v 2 Dagiti nakasaksi manipud idi damo ken nagbalin nga ad-adipen ti sao, ket impakaammoda kadatayo. 
\v 3 Ngarud, kasla nasayaat met para kaniak, kalpasan iti panangadalko a naimbag iti tunggal banag manipud idi rugrugina, nga ilanadko a para kenka a naurnos, madaydayaw unay a Teofilo. 
\v 4 Kayatko a mammoam ti kinasigurado dagiti banbanag a naisuro kenka.

\s5
\v 5 Idi panawen ni Herodes, ari ti Judea, adda maysa a padi a managan Zacarias, manipud iti bunggoy ni Abias. Ti asawana ket manipud kadagiti annak a babbai ni Aaron, ken ti naganna ket Elisabet. 
\v 6 Agpadada a nalinteg iti sangoanan ti Dios, magmagnada nga awan pakababalawanna kadagiti amin a bilin ken ordinansa iti Apo. 
\v 7 Ngem awan a pulos ti annakda, gapu ta ni Elisabet ket baog, ken agpadada a nataengan unayen.

\s5
\v 8 Maysa nga aldaw idi madama nga ar-aramiden ni Zacarias ti pagrebbenganna iti sangoanan ti Dios a kas padi a naituding iti bunggoyda, 
\v 9 sinurot dagiti papadi iti gagangay nga ar-aramidenda, ket napili ngarud isuna babaen iti panagbibinnunotda a sumrek iti templo ti Apo ken mangpuor iti insenso. 
\v 10 Ti sibubukel a gimong dagiti tattao a naummong ket agkarkararag iti ruar idi tiempon a puoran ti insenso.

\s5
\v 11 Maysa nga anghel iti Apo ti nagparang kenkuana, agtaktakder iti makanawan a denna ti altar iti insenso. 
\v 12 Nariribukan ni Zacarias idi nakitana isuna, ket nakaru ti butengna. 
\v 13 Ngem kinuna ti anghel kenkuana, "saanka nga agbuteng Zacarias gapu ta nadenggeg ti kararagmo." Ti asawam a ni Elisabet, ipasngayannakanto iti maysa a lalaki, ket panaganamto isuna iti Juan.

\s5
\v 14 Kastanto unay iti rag-om ken ragsakmo gapu kenkuana, ken adunto a tao ti maragsakan iti pannaka-ipasngayna. 
\v 15 Ta agbalinto isuna a natan-ok iti imatang ti Apo, ken saanto nga uminom iti arak wenno aniaman nga inumen a naingel. Mapnoanto isuna iti Espiritu Santo, uray kabayatan ti kaaddana iti aanakan ti inana.

\s5
\v 16 Isunanto ti pakaigapuan nga agsubli ti adu kadagiti annak ti Israel iti Apo a Diosda. 
\v 17 Umunanto a mapan ngem isu babaen iti espiritu ken pannakabalin ni Elias. Iturongnanto dagiti puspuso dagiti amma kadagiti annakda, ken pakaigapuan dagiti nasusukir a magna a maibisar iti kinasirib dagiti nalinteg. Aramidenna daytoy tapno pagbalinenna a nakasagana dagiti tattao a sisasagana para iti Apo.

\s5
\v 18 Kinuna ni Zacarias iti anghel, "Kasano a maammoak a daytoy ket mapasamak? Ta lakayakun, ken ti asawak ket baket metten." 
\v 19 Simmungbat ti anghel kenkuana, "Siak ni Gabriel. Agtaktakderak iti presensia ti Dios, ken naibaunak nga agsao kenka ken iyeg kenka daytoy naimbag a damag. 
\v 20 Kitaem, agulimekkanto ken saankanto a makasao agingga ti aldaw a dagitoy a banbanag ket mapasamak, agsipud ta saanka namati iti sasaok, a matungpalto iti umno a tiempo."

\s5
\v 21 Kabayatanna, ur-urayen dagiti tattao ni Zacarias ken panpanunotenda no apay a nabayag unay isuna idiay templo. 
\v 22 Idi rimmuar isuna, saan isuna a makapagsao kadakuada, ket naamirisda a nakakita isuna iti sirmata idiay templo. Nagsinsinyas isuna kadakuada, ngem nagtalinaed a saan a makasao. 
\v 23 Idi natungpalen ti tiempo a panagserbina, nagsubli isuna idiay balayna.

\s5
\v 24 Kalpasan dagitoy nga al-aldaw, nagsikog ti asawana a ni Elisabet. Naglemmeng isuna iti lima a bulan, a kunana, 
\v 25 "Daytoy ti inaramid ti Apo para kaniak. Tinarabaynak, tapno ikkatenna iti pannakaibabainko kadagiti tattao."

\s5
\v 26 Ita, iti maika-innem a bulan ti panagsikog ni Elisabet, ti anghel a ni Gabriel ket imbaon ti Dios iti maysa a siudad idiay Galilea, a maaw-awagan iti Nazaret, 
\v 27 iti maysa a birhen a naitulag a maiyasawa iti lalaki a managan Jose. Isuna ket kaputotan ni David, ken iti nagan ti birhen ket Maria. 
\v 28 Immay ti anghel kenkuana, ket kinunana, "Kablaaw, kenka a naparaburan unay! Ti Dios ket adda kenka!" 
\v 29 Ngem kasta unay a nariribukan isuna gapu iti sasao ti anghel, ket pinanunotna no ania ngata a kita ti kablaaw daytoy.

\s5
\v 30 Kinuna ti anghel kenkuana, "Saanka nga agbuteng, Maria, ta naay-ayo ti Dios kenka. 
\v 31 Kitaem, agsikogkanto ken mangipasngayka iti maysa nga anak a lalaki, ket panaganamto isuna iti Jesus. 
\v 32 Agbalinto isuna a naindaklan, ken maawaganto nga Anak iti Kangatoan. Itedto ni Apo Dios kenkuana ti trono ti amana, a ni David. 
\v 33 Agnanayonto nga iturayanna dagiti kaputotan ni Jacob, ken awanto ti patingga iti pagarianna."

\s5
\v 34 Ket kinuna ni Maria iti anghel, "Kasano a mapasamak daytoy, idinto a maysaak a birhen?" 
\v 35 Simmungbat ti anghel kenkuana, "Umayto kenka ti Espiritu Santo ken salinongannakanto iti pannakabalin iti Kangatoan. Ngarud, ti nasantoan a maipasngayto ket maawaganto nga Anak ti Dios.

\s5
\v 36 Kitaem, ti kabagiam a ni Elisabet ket nagsikog met iti maysa nga anak a lalaki iti kinabaketna; isuna ket adda iti maikainnem a bulan ti panagsikogna, nupay isuna ket naawagan a baog. 
\v 37 Ta awan iti saan a mabalin iti Dios!" 
\v 38 Kinuna ni Maria, "Pudno, siak ket adipen ti Apo. Mapasamak ngarud kaniak a kas iti saom " Ket pinanawan isuna ti anghel.

\s5
\v 39 Ita, kadagidiay nga al-aldaw, timmakder ni Maria ken nagdardaras a napan idiay katurturudan a paset, iti maysa a siudad idiay Judea, 
\v 40 no sadinno ket napan isuna iti balay ni Zacarias ken kinablaawanna ni Elisabet. 
\v 41 Idi nangngeg ni Elisabet ti kablaaw ni Maria, naglagto ti ubbing iti tianna; ket ni Elisabet ket napnoan iti Espiritu Santo.

\s5
\v 42 Impigsana ti timekna babaen iti napigsa a panagpukkaw, ket kinunana, "Nabendisionanka kadagiti babbai, ken ti bunga iti aanakam ket nabendisionan. 
\v 43 Kasano nga iti ina ti Apok ket umay kaniak? 
\v 44 Ta idi nangngegko ti kablaawmo, ti ubing iti aanakak ket limmagto gapu iti ragsakna. 
\v 45 Isuna a namati ket nabendisionan, gapu ta dagiti banbanag a naibaga kenkuana manipud iti Apo ket matungpalto."

\s5
\v 46 Kinuna ni Maria, "Itagtag-ay iti kararuak ti Apo, 
\v 47 ken agragrag-o ti espirituk iti Dios a Mannangisalakanko.

\s5
\v 48 Ta inendenganna ti nababa a kasasaad ti adipenna. Manipud ita awagandak dagiti amin a henerasion a nabendisioanan, 
\v 49 ta iti Mannakabalin ket nagaramid iti nakakaskasdaaw a banbanag kaniak; Ket ti naganna ket nasantoan.

\s5
\v 50 Iti asina ket para kadagiti amin a henerasion ti tattao nga agbuteng kenkuana. 
\v 51 Nangaramid isuna kadagiti agkakabileg a banbanag babaen iti imana; inwarawarana dagiti natangsit iti pusoda.

\s5
\v 52 Ingguyodna a pababa dagiti mangiturturay manipud kadagiti tronoda, ken intag-ayna dagiti nabababa a tattao. 
\v 53 Inikkanna iti naimbag a banbanag dagiti mabisin a tattao, ken pinapanawna dagiti babaknang a tattao nga awanan iti uray aniaman a banag.

\s5
\v 54 Tinulonganna ti Israel nga adipenna, tapno kaasianna 
\v 55 ni Abraham ken dagiti kaputotanna iti agnanayon, a kas inkarina kadagiti kapuonantayo nga aramidenna.

\s5
\v 56 Nakipagnaed ni Maria ken ni Elisabet iti agarup tallo a bulan, ket nagawid iti balayna. 
\v 57 Ita, idi dimteng iti tiempo a panangipasngay ni Elisabet iti anakna, nangipasngay isuna iti anak a lalaki. 
\v 58 Nangngegan dagiti karrubana ken kakabagianna nga ti Dios ket naasi unay kenkuana, ket nakipagragsakda kenkuana.

\s5
\v 59 Ket iti maikawalo nga aldaw kalpasan dayta, immayda tapno kugiten ti maladaga; ken awaganda koma isuna iti Zacarias, nga isurotda iti nagan ni tatangna. 
\v 60 Ngem simmungbat ni inangna a kinunana, "Saan, ngem ketdi maawagan isuna iti Juan." 
\v 61 Kinunada kenkuana, "Awan kadagiti kakabagiam iti naawagan iti kastoy a nagan."

\s5
\v 62 Sinenyasanda ti amana tapno ammoenda no ania ti kayatna nga iyawagda iti ubing. 
\v 63 Isu a dimmawat iti pagsuratan ken insuratna ditoy, "Ti naganna ket Juan." Aminda ket nasdaaw unay.

\s5
\v 64 Dagus a nalukatan ti ngiwatna ken nawayawayaan ti dilana, ket nangrugi nga agsao, nga agdaydayaw iti Dios. 
\v 65 Ket buteng ti immay kadagiti amin nga agnanaed iti aglawlawda ken amin a napasamak ket pinagsasaritaan dagiti tattao iti amin a lugar iti turturod a pagilian ti Judea. 
\v 66 Amin dagiti nakangngeg iti daytoy ket pinanpanunotda ti maipanggep iti napasamak ket kinunada, "Ita ngarud, anianto ngata iti pagbalinan daytoy nga ubing?" Ta naamirisda a ti ima iti Apo ket adda kenkuana.

\s5
\v 67 Ti amana a ni Zacarias ket napno iti Espiritu Santo, ket insaona daytoy a padto, 
\v 68 "Madaydayaw ti Apo, a Dios ti Israel, gapu ta immay isuna kadatayo ken nagaramid iti wagas tapno wayawayaanna dagiti tattaona."

\s5
\v 69 Nangipasabet isuna para kadatayo iti mannakabalin a Mannangisalakan manipud iti kaputotan ti adipenna a ni David, 
\v 70 a kas inbaga ti Dios babaen kadagiti nasantoan a profetana idi. 
\v 71 Inkarina nga isabetna ti pannakaisalakantayo manipud kadagiti kabusortayo, ken manipud iti ima dagiti amin nga gumurgura kadatayo.

\s5
\v 72 Inaramidna daytoy tapno ipakitana ti asi kadagiti kapuonantayo, ken tapno lagipenna ti nasantoan a tulagna. 
\v 73 Dayta a tulag ket isu ti sapata nga inbagana ken ni Abraham a kapuonantayo. 
\v 74 Nangaramid isuna iti sapata tapno wayawayaannatayo manipud iti ima dagiti kabusortayo ken ikkannatayo iti pannakabael nga agserbi kenkuana nga awan ti panagbuteng, 
\v 75 ken iti kinasanto ken kinalinteg iti sangwananna kadagiti amin nga aldawtayo.

\s5
\v 76 Ken sika, anakko, ket maawaganto a propeta ti Kangatoan, gapu ta unaam ti Apo tapno isaganam dagiti tattao para iti iyaayna, 
\v 77 ken tapno tulongam dagiti tattao a mangammo no kasanoda a maisalakan babaen iti pannakapakawan dagiti basbasolda.

\s5
\v 78 Pakawanennatayo iti Diostayo gapu iti nalukneng nga asina. Babaen iti daytoy nga asi, ti Mannangisalakan, a maiyarig iti singising ti init iti agsapa, ket umay manipud langit a tumulong kadatayo. 
\v 79 Lawaganna dagiti tattao nga agtugtugaw iti kinasipnget ken iti anniniwan iti patay; idalanna dagiti saksakatayo iti dalan iti kapia."

\s5
\v 80 Dimmakkel ngarud ti ubing, ken nagbalin a napigsa iti espiritu. Nagnaed isuna kadagiti let-ang a luglugar agginga a nangrugi a nagparang a nalatak kadagiti tattao iti Israel.

\s5
\c 2
\p 
\v 1 Ita, kadagidiay nga al-aldaw, immay ti kanito a ni Cesar Agusto ket nangipaulog iti linteg a mangibilbilin a masapul a mailista amin a tattao nga agbibiag iti lubong ti Roma. 
\v 2 Daytoy ti kaunaan a panagpalista a naaramid kabayatan a ni Kerinio ket gobernador iti Syria. 
\v 3 Isu a tunggal maysa ket napan iti bukodda nga ili tapno agpalista para iti dayta nga panagpalista.

\s5
\v 4 Pimmanaw met ni Jose manipud siudad ti Nazaret idiay Galilea ket nagdalyasat a napan iti ili iti Betlehem a sakop ti Judea, a mabigbig a siudad ni David, agsipud ta isuna ket kaputotan a nagtaud iti pamilia ni David. 
\v 5 Napan isuna idiay tapno agpalista a kadwana ni Maria, a naitulag nga asawaenna ken agur-uray iti panaganakna.

\s5
\v 6 Ita immay ti kanito a kabayatan nga addada idiay, dimteng ti tiempo tapno ipasngayna ti anakna. 
\v 7 Inpasngayna ti maysa a lalaki, ti inauna nga anakna, ket binalkotna a nasayaat iti akikid a lupot. Ket inkabil iti kulluong, gapu ta awan ti kuarto a para kadakuada iti pagdagdagusan dagiti bisita.

\s5
\v 8 Iti dayta met laeng a rehion, adda dagiti agpaspastor nga agnanaed iti away ken banbantayanda dagiti aguurnong a karneroda iti rabii. 
\v 9 Pagammoan, nagparang kadakuada ti anghel ti Apo, ken ti dayag ti Apo ket linawaganna ti aglawlawda, ket napalalo ti butengda.

\s5
\v 10 Ket kinuna ti anghel kadakuada, "Saankayo nga agbuteng, agsipud ta dandanin nga ibagak kadakayo ti naimbag a damag a mangiyeg iti dakkel a ragsak kadagiti amin a tattao. 
\v 11 Ita adda mangisalakan a naipasngay para kadakayo iti siudad ni David! Isuna ni Kristo nga Apo! 
\v 12 Daytoy ti pagilasinan a maited kadakayo, masarakanyonto ti maysa a maladaga a nabalkot iti akikid a lupot a nakaidda iti kulluong."

\s5
\v 13 Pagammoan, adda naitipon iti anghel nga adu a bilang ti nainlangitan a soldado nga agdaydayaw iti Dios, a kunkunada, 
\v 14 "Gloria iti Dios nga adda iti kangatoan, ken maadda koma ti kapia ditoy daga kadagiti tattao a pakaay-aywanna."

\s5
\v 15 Apaman a nakapanawen dagiti anghel manipud kadakuada a napandan idiay langit, kinuna dagiti agpaspastor iti tunggal maysa, "Intayo itan idiay Betlehem, ket intayo kitaen daytoy a banag a napasamak, nga impakaammo ti Apo kadatayo." 
\v 16 Nagdardarasda a napan idiay ket nasarakanda ni Maria ken ni Jose, ken nakitada ti maladaga a nakaidda iti kulluong.

\s5
\v 17 Kalpasan a nakitada daytoy, impakaammoda kadagiti tattao ti naibaga kadakuada maipapan iti daytoy nga ubing. 
\v 18 Ket nagsiddaaw amin a nakangngeg iti imbaga dagiti agpaspastor kadakuada. 
\v 19 Ngem pinanpanunot ni Maria ti maipapan kadagiti amin a banbanag a nangngeganna, ket sinalimetmetanna dagitoy iti pusona. 
\v 20 Nagsubli dagiti agpaspastor nga intantan-ok ken indaydayawda ti Dios gapu kadagiti amin a nangngegan ken nakitada, a kas iti naibaga kadakuada.

\s5
\v 21 Idi maikawalo nga aldaw ken isu ti tiempo a pannakakugit ti ubing, pinanagananda isuna iti Jesus, ti nagan nga inted ti anghel sakbay a maisikog isuna iti tiyan.

\s5
\v 22 Idi nalpas ti kasapulan a bilang dagiti aldaw para iti pannakadalusda, a segun iti linteg ni Moises, inyeg da Jose ken Maria ti anakda a maladaga a lalaki iti templo idiay Jerusalem tapno iparangda iti Apo. 
\v 23 Kas naisurat iti linteg ti Apo, "Tunggal inauna nga anak a lalaki ket maawagan a nasantoan iti Dios." 
\v 24 Immayda pay tapno agidaton iti sagot a sigun iti naibaga iti linteg ti Apo, ''maysa a pares iti kalapati wenno dua a sibong a kalapati."

\s5
\v 25 Kitaen, adda maysa a lalaki manipud Jerusalem nga agnagan ti Simeon. Daytoy a lalaki ket nalinteg ken napapati iti Dios. Isu ket agur-uray iti mangliwliwa iti Israel, ken adda kenkuana ti Espiritu Santo. 
\v 26 Naipaltiing kenkuana babaen iti Espiritu Santo a saan pay a matay agingga a saanna a makita ti Kristo iti Apo.

\s5
\v 27 Maysa nga aldaw immay isuna idiay templo, babaen iti panangidalan ti Espiritu Santo. Idi impan dagiti nagannakna ti ubing, a ni Jesus, tapno aramidenda para kenkuana no ania ti kadawyan a kidkiddawen ti linteg, 
\v 28 ket inubba ni Simeon ti ubing, ken nagdayaw iti Dios ket kinunana, 
\v 29 "Ita palubusam toy adipenmo nga pumanaw a sitatalna, Apo, a kas kunam iti saom.

\s5
\v 30 Agsipud ta nakita dagiti matak ti panangisalakanmo, 
\v 31 nga insaganam iti imatang dagiti amin a tattao. 
\v 32 Agbalinto isuna a silaw a mangiparangarang iti kinapudno kadagiti Hentil ken agbalin a dayag dagiti tattaom nga Israel."

\s5
\v 33 Nagsiddaaw ti ama ken ina ti ubing kadagiti banbanag a naibaga maipanggep iti ubing. 
\v 34 Ket binendisionan ni Simeon isuda ket kinunana ken ni Maria nga inana, "Dumngegka a nasayaat! Daytoy nga ubing ket naituding a pakatinnagan ken pakabangonan dagiti adu a tattao iti Israel ken pagilasinan a masuppiat. 
\v 35 Maysa pay, sugatento ti kampilan ti kararuam, tapno dagiti kapanunotan manipud kadagiti adu a puspuso ket maipaltiing."

\s5
\v 36 Maysa a propeta a babai nga agnagan ti Ana ket adda met idiay. Isuna ket anak ni Fanuel manipud iti tribu ni Asher. Immun-una unay isuna ti tawtawen. Nagdennada iti asawana iti pito a tawen kalpasan iti pannakikallaysana, 
\v 37 ken balo isuna iti walo-pulo ket uppat a tawen. Saan isuna a pulos a pimmanaw iti templo ket kanayon nga agdaydayaw iti Dios babaen iti panagayunar ken panagkarkararag, iti rabii ken aldaw. 
\v 38 Iti dayta met laeng a kanito, immasideg isuna kadakuada ken rinugianna ti nagyaman iti Dios. Imbagana ti maipapan iti ubing kadagiti amin nga agur-uray iti pannakasubbot ti Jerusalem.

\s5
\v 39 Idin ta nalpasda nga inaramid ti amin a banag a kinasapulan nga aramidenda a kas kinuna ti linteg ti Apo, nagsublida iti Galilea, iti bukodda a siudad, a Nazaret. 
\v 40 Dimmakkel ti ubing ket nagbalin a napigsa, nanayonan ti kinasiribna, ken adda kenkuana ti parabur iti Dios.

\s5
\v 41 Tinawen a mapmapan dagiti nagannakna idiay Jerusalem tapno makipagrambakda iti Fiesta ti Ilalabas. 
\v 42 Idi agtawen isuna ti sangapulo ket dua, simmang-atda manen a kas kadawyan nga ar-aramidenda iti tiempo ti fiesta. 
\v 43 Kalpasan a nagianda idiay agingga a nalpas ti aldaw ti fiesta, inrugidan ti nagsubli iti pagtaenganda. Ngem ti ubing a ni Jesus ket nagbati idiay Jerusalem a saan nga ammo dagiti nagannakna. 
\v 44 Inpagarupda a naikuyog isuna kadagiti bunggoy a makipagdaldalyasat kadakuada, isu a nagdalyasatda iti uneg iti maysa nga aldaw. Ket inrugida ti nagbirok kenkuana kadagiti kakabagian ken gagayyemda.

\s5
\v 45 Ket idi saanda a mabirukan isuna, nagsublida idiay Jerusalem ket rinugianda a biniruk isuna sadiay. 
\v 46 Iti napasamak ket kalpasan iti tallo nga aldaw, nasarakanda isuna iti templo, nga agtugtugaw iti tengnga dagiti manursuro, dumdumngeg kadakuada ken agsalsaludsod kadakuada. 
\v 47 Amin a nakangngeg kenkuana ket nasdaaw iti pannakaawatna ken kadagiti sungbatna.

\s5
\v 48 Idi nakitada isuna, nasdaawda. Kinuna ti inana kenkuana, "Anakko, apay a kastoy ti panangtratom kadakami? Dumngegka, ni amam ken siak ket nagdandanag a nangbirbiruk kenka." Kinunana kadakuada, 
\v 49 "Apay a birbirukendak? Saanyo kadi ammo a masapul nga addaak iti balay ni Amak?" 
\v 50 Ngem saanda a naawatan ti kayatna a sawen kadagidiay a sasao.

\s5
\v 51 Ket nagawid isuna a kaduada idiay Nazaret ken natulnog kadakuada. Impateg amin ni Maria dagitoy a banbanag iti pusona. 
\v 52 Ngem nagtultuloy ni Jesus a dimakkel iti kinasirib ken bagi, ken ad-adda a naay-ayo kenkuana ti Dios ken dagiti tattao.

\s5
\c 3
\p 
\v 1 Ita iti maikasangapulo ket lima a tawen a panagturay ni Tiberios Cesar, kabayatan a ni Poncio Pilato ket gobernador iti Judea, ni Herodes ket tetraka iti Galilea, ket ni Felipe a kabsatna ti tetraka iti rehion ti Iturea ken Traconite, ket ni Lisanias iti tetraka iti Abilene, 
\v 2 ken idi panawen da Annas ken Caipas a kas kangatoan a padi, immay ti sao ti Dios kenni Juan nga anak a lalaki ni Zacarias, idiay let-ang.

\s5
\v 3 Nagdalyasat ni Juan iti amin a rehion iti aglawlaw ti Karayan Jordan, a nangikaskasaba iti bautisar iti panagbabawi para iti pannakapakawan dagiti basbasol.

\s5
\v 4 Kas naisurat iti libro dagiti sao ni Isaias a propeta, "Ti timek iti maysa nga umaw-awag idiay let-ang, 'Isaganayo ti dalan ti Apo, Aramidenyo a nalinteg dagiti pagnaanna.

\s5
\v 5 Tunggal nababa a disso ket mapunno, tunggal bantay ken turod ket mapatag, dagiti killo a kalsada ket mapalinteg, ken dagiti lasonglasong ket matarimaan. 
\v 6 Makitanto amin a tattao ti panangisalakan ti Dios.'"

\s5
\v 7 Iti kasta kinuna ngarud ni Juan kadagiti adu unay a tattao nga umay agpabautisar kenkuana, "Dakayo a kaputotan ti nagita nga ul-uleg, siasino iti nangballaag kadakayo a lisianyo ti umayto a pungtot?

\s5
\v 8 Mangpataud kayo iti bunga a maikari iti panagbabawi, ket saanyo nga irugi a kunaen iti bagbagiyo, 'Adda ni Abraham nga amami,' ta ibagak kadakayo a kabaelan ti Dios iti mangibangon iti annak ni Abraham uray pay kadagitoy a batbato.

\s5
\v 9 Naikabilen ti wasay iti ramut dagiti kaykayo. Isu a tunggal kayo a saan nga agbunga iti nasayaat a bunga ket mapukan ken maibelleng iti apuy."

\s5
\v 10 Ket nagsaludsod kenkuana dagiti tattao iti kaadduan, a kunkunada, "Ania ngarud ti rumbeng nga aramidenmi?" 
\v 11 Simmungbat ket kinunana kadakuada, "No ti maysa a tao ket addaan iti dua a tunikas, rumbeng nga itedna ti maysa kadakuada iti awanan, ken siasinoman nga addaan iti taraon ket rumbeng nga aramidenna met iti kasta."

\s5
\v 12 Kalpasanna immay met dagiti dadduma nga agsingsingir iti buis tapno agpabautisar, ket kinunada kenkuana, "Manursuro, ania ti rumbeng nga aramidenmi?" 
\v 13 Kinunana kadakuada, "Saankayo nga agsingir iti kuarta a nasursurok ngem iti singirenyo koma."

\s5
\v 14 Nagsaludsod met dagiti dadduma a suldado kenkuana, a kunada, "Ket dakami ngay met? Ania ti rumbeng nga aramidenmi?" Kinunana kadakuada, "Saankayo a mangala iti kuarta iti siasinoman babaen iti panangpilit, ken saankayo nga agpabasol a siuulbod iti siasinoman. Mapnekkayo kadagiti tangdanyo."

\s5
\v 15 Ita kas ur-ururayen a sigagagar dagiti tattao ti Kristo nga umay, panpanunoten ti tunggal maysa kadagiti puspusoda ti maipapan ken ni Juan no isu ngata ti Kristo. 
\v 16 Simmungbat ni Juan babaen iti panagsaona kadakuada amin, "No siak, bautisarankayo iti danum, ngem adda ti umay nga ad-adda pay a mannakabalin ngem siak, ket saanak a maikari uray mangwarwar laeng iti galut ti sandaliasna. Bautisarannakayonto iti Espiritu Santo ken iti apuy.

\s5
\v 17 Ti salungkayna ket adda iti imana tapno waknitanna a nalaing ti pagirikanna ket urnongenna ti trigo iti kamaligna. Ngem puoranna ti taep babaen iti apoy a saan a pulos a maeddep."

\s5
\v 18 Babaen kadagiti adu pay a dadduma a pammagbaga, inkaskasabana ti naimbag a damag kadagiti tattao. 
\v 19 Binabalaw met ni Juan ni Herodes a tetraka ta inasawana ti asawa ti kabsatna, isu ni Herodias, ken amin a sabali pay a dakes a banbanag nga inaramid ni Herodes. 
\v 20 Ngem ketdi nangaramid ni Herodes iti maysa pay a dakes unay a banag. Impaipupokna ni Juan idiay pagbaludan.

\s5
\v 21 Ita napasamak a kabayatan iti panangbautisar ni Juan kadagiti amin a tattao, nabautisaran met ni Jesus. Kabayatan nga agkarkarag isuna, nalukatan ti langit. 
\v 22 Bimmaba kenkuana ti Espiritu Santo a kasla kalapati iti langana. Kabayatanna, adda timek nga immay a naggapu sadi langit, "Sika ti dungdunguek nga Anak. Maayayoak unay kenka."

\s5
\v 23 Ita, ni Jesus, idi mangrugi a mangisuro, agarup tallo pulo ti tawenna. Isuna ket anak a lalaki (a kas pagarupenda) ni Jose, nga anak a lalaki ni Heli, 
\v 24 nga anak a lalaki ni Mattat, nga anak a lalaki ni Levi, nga anak a lalaki ni Melki, nga anak a lalaki ni Jannai, nga anak a lalaki ni Jose,

\s5
\v 25 nga anak a lalaki ni Matatias, nga anak a lalaki ni Amos, nga anak a lalaki ni Nahum, nga anak a lalaki ni Esli, nga anak a lalaki ni Naggai, 
\v 26 nga anak a lalaki ni Maat, nga anak a lalaki ni Mattatias, nga anak a lalaki ni Semein, nga anak a lalaki ni Josek, nga anak a lalaki ni Joda,

\s5
\v 27 nga anak a lalaki ni Joanan, nga anak a lalaki ni Resa, nga anak a lalaki ni Zerubbabel, nga anak a lalaki ni Sealtiel, nga anak a lalaki ni Neri, nga 
\v 28 anak a lalaki ni Melki, nga anak a lalaki ni Addi, nga anak a lalaki ni Cosam, nga anak a lalaki ni Elmadam, nga anak a lalaki ni Er, 
\v 29 nga anak a lalaki ni Josue, nga anak a lalaki ni Eliasar, nga anak a lalaki ni Jorim, nga anak a lalaki ni Mattat, nga anak a lalaki ni Levi,

\s5
\v 30 nga anak a lalaki ni Simeon, nga anak a lalaki ni Juda, nga anak a lalaki ni Jose, nga anak a lalaki ni Jonam, nga anak a lalaki ni Eliakim, 
\v 31 nga anak a lalaki ni Melia, nga anak a lalaki ni Menna, nga anak a lalaki ni Matatta, nga anak a lalaki ni Natan, nga anak a lalaki ni David, nga anak a lalaki ni Jesse, 
\v 32 nga anak a lalaki ni Obed, nga anak a lalaki ni Boaz, nga anak a lalaki ni Salmon, nga anak a lalaki ni Nason,

\s5
\v 33 anak a lalaki ni Aminadab, anak a lalaki ni Admin, anak a lalaki ni Arni, anak a lalaki ni Hesron, anak a lalaki ni Peres, anak a lalaki ni Juda, 
\v 34 anak a lalaki ni Jacob, anak a lalaki ni Isaac, anak a lalaki ni Abraham, anak a lalaki ni Terah, anak a lalaki ni Nahor, 
\v 35 anak a lalaki ni Serug, anak a lalaki ni Reu, anak a lalaki Peleg, anak a lalaki ni Eber, anak a lalaki ni Shela,

\s5
\v 36 nga anak a lalaki ni Cainan, nga anak a lalaki ni Arfaxad, nga anak a lalaki ni Shem, nga anak a lalaki ni Noe, nga anak a lalaki ni Lamek, 
\v 37 nga anak a lalaki ni Metusela, nga anak a lalaki ni Enoc, nga anak a lalaki ni Jared, nga anak a lalaki ni Mahalalel, nga anak a lalaki ni Cainan, 
\v 38 nga anak a lalaki ni Enos, nga anak a lalaki ni Set, nga anak a lalaki ni Adan, nga anak a lalaki ti Dios.

\s5
\c 4
\p 
\v 1 Ket ni Jesus a napnoan iti Espiritu Santo, nagsubli manipud Karayan Jordan, ket indalan ti Espiritu idiay let-ang 
\v 2 iti uppat a pulo nga aldaw ket sinulisog iti diablo sadiay. Kadagita nga al-aldaw, saan isuna a nangan iti uray ania, ket iti ileleppas iti dayta a tiempo ket mabisin isuna.

\s5
\v 3 Kinuna ti diablo kenkuana, "No sika iti Anak ti Dios, bilinem daytoy a bato nga agbalin a tinapay." 
\v 4 Simmungbat ni Jesus kenkuana, "Naisurat, 'Saan nga agbiag ti tao babaen iti tinapay laeng.'"

\s5
\v 5 Ket inturong ti diablo isuna iti nangato a lugar, ket iti apagdarikmat a tiempo impakitana amin a pagarian ti lubong. 
\v 6 Kinuna ti diablo kenkuana, "Itedko kenka iti pannakabalin nga agturay kadagitoy a pagarian, kasta met dagiti amin a kinadayagda. Kabaelak daytoy agsipud ta naited kaniak dagitoy nga iturayak, ket mabalinko nga ited iti siasinoman a kayatko a pangtedan. 
\v 7 Isu a no agrukbabka kaniak ken dayawennak, kukuamto amin dagitoy."

\s5
\v 8 Ngem simmungbat ni Jesus ket kinunana kenkuana, "Naisurat, 'Masapul a dayawem ti Apo a Diosmo, ken isuna laeng ti pagserbiam.'"

\s5
\v 9 Sumaruno, inturong ti diablo ni Jesus idiay Jerusalem ket impanna iti kangatoan a tukad ti templo, ket kinunana kenkuana, "No sika iti Anak ti Dios, tumapwakka manipud ditoy. 
\v 10 Ta naisurat, 'Ibaonna dagiti anghelesna nga aywanandaka, nga salaknibandaka.' 
\v 11 ken, 'Ingatodaka kadagiti im-imada, tapno saanmo a maitama dagita sakam iti bato.'"

\s5
\v 12 Simmungbat ni Jesus ket kinunana kenkuana, "Naisao, 'Masapul a saanmo a suoten ti Apo a Diosmo.'" 
\v 13 Idi nalpas ti diablo iti panangsulisogna ken ni Jesus, pimmanaw isuna ket imbatina isuna agingga iti sumaruno a tiempo.

\s5
\v 14 Ket nagsubli ni Jesus idiay Galilea nga addaan iti pannakabalin ti Espiritu, ket nagdinamag ti maipanggep kenkuana iti entero nga aglawlaw a rehion. 
\v 15 Nangisuro isuna kadagiti sinagogada ket dinaydayaw isuna iti tunggal maysa.

\s5
\v 16 Iti maysa nga aldaw immay isuna idiay Nazaret, ti siudad a dimmakelanna. Kas iti gagangay nga ugalina, simrek isuna iti sinagoga iti Aldaw a Panaginana, ket timmakder tapno basaenna ti sursurat. 
\v 17 Naiyawat kenkuana ti libro ni propeta Isaias, isu a linukatanna iti libro ket nasarakanna ti nakaisuratanna,

\s5
\v 18 "Ti Espiritu ti Dios ket adda kaniak, agsipud ta pinulotannak a mangikasaba iti naimbag a damag kadagiti marigrigat. Imbaonnak a mangiwaragawag iti pannakawayawaya kadagiti balud, ken pannakaisubli iti panagkita dagiti bulsek, ken mangwayawaya kadagiti maparparigat, 
\v 19 ken mangiwaragawag iti naparaburan a tawen ti Apo."

\s5
\v 20 Kalpasanna inserrana ti libro, insublina iti agbanbantay ti sinagoga, ket nagtugaw. Dagiti mata iti amin a tattao idiay sinagoga ket nakaturong kenkuana. 
\v 21 Nangrugi isuna nga agsao kadakuada, "Iti inkayo panagdengngeg, natungpalen daytoy a sursurat ita nga aldaw." 
\v 22 Naimatangnan ti tunggal maysa nga adda sadiay ti imbagana ken aminda ket nagsiddaaw kadagiti makaay-ayo a balikas a nagtaud iti ngiwatna. Kunkunada, "Anak laeng ni Jose daytoy, saan kadi?".

\s5
\v 23 Kinuna ni Jesus kadakuada, "Sigurado a kunaenyonto daytoy a mamasirib a sarsarita kaniak, 'Mangngagas, paimbagem ta bagim. Aniaman a nangngeganmi nga inar-aramidmo idiay Capernaum, aramidem met ditoy ilim.'" 
\v 24 Kinunana pay, "Pudno ibagak kadakayo, awan ti propeta nga naawat iti bukodna a pagilian.

\s5
\v 25 Ngem ibagak kadakayo a sipupudno nga adu dagiti balo a babbai iti Israel idi panawen ni Elias, idi nagrekep iti langit ket awan a pulos ti tudo iti las-ud iti tallo ket kagudua a tawen, idi adda iti nakaro unay a panagbisin iti intero a pagilian. 
\v 26 Ngem saan a naibaon ni Elias iti siasinoman kadakuada, no di ket iti maysa laeng a balo a babbai nga agnanaed idiay Zarepat nga asideg iti siudad ti Sidon. 
\v 27 Adu met dagiti agketong idiay Israel idi panawen ni Eliseo a propeta, ngem awan kadakuada ti naimbagan no di laeng ni Naaman a taga-Siria."

\s5
\v 28 Nakapungtot dagiti amin a tattao idiay sinagoga idi nangngeganda dagitoy a banbanag. 
\v 29 Timmakderda ket pinilitda a pinapanaw isuna iti siudad, ket impanda iti teppang iti bantay a nakabangonan ti siudadda tapno itinnagda koma isuna iti derraas. 
\v 30 Ngem nagna laeng isuna iti nagbabaetanda ket napan iti dalanna.

\s5
\v 31 Ket simmalog ni Jesus idiay Capernaum, maysa a siudad iti Galilea. Maysa nga aldaw iti Panaginana, agisursuro isuna kadagiti tattao iti sinagoga. 
\v 32 Nagsiddaawda kadagiti sursurona, agsipud ta nagsao isuna nga addaan iti turay.

\s5
\v 33 Iti dayta nga aldaw idiay sinagoga, adda iti maysa a lalaki nga addaan iti espiritu iti narugit a demonio, ket impukkawna nga imbaga, 
\v 34 "Ania ti pakibianganmi kenka, Jesus a taga-Nazaret? Immayka kadi a mangdadael kadakami? Ammok no siasinoka! Sika ti Nasantoan iti Dios!"

\s5
\v 35 Tinubngar ni Jesus ti demonio ket kinunana, "Agulimekka ket pumanawka kenkuana!" Idi impuruak ti demonyo ti lalaki idiay nagtetengngaan dagiti tattao, rimuar manipud kenkuana a dina inan-ano isuna. 
\v 36 Amin dagiti tattao ket kasta unay ti siddaawda ket ti maipanggep iti dayta lattan ti pagsasaritaan iti tunggal maysa. Kunada, "Ania a kita ti sasao dagitoy? Ta bilinenna dagiti dakes nga espiritu nga addaan turay ken pannakabalin ket rumuarda?" 
\v 37 Ket nangrugin nga agdinamag iti amin a paset iti aglawlaw a rehion ti maipanggep kenkuana.

\s5
\v 38 Ket pimmanaw ni Jesus idiay sinagoga ket simrek iti balay ni Simon. Itatta ti katugangan a babai ni Simon ket nakaro ti gurigorna, ket nakipakpakaasida ken ni Jesus a maigapu kenkuana. 
\v 39 Isunga timmakder ni Jesus iti sibayna ket tinubngarna ti gurigor, ket pimmanaw daytoy kenkuana. Dagus isuna a timmakder ket inrugina isuda a pinagserbian.

\s5
\v 40 Idi lumlumneken ti init, inyeg dagiti tattao ken ni Jesus ti tunggal maysa nga agsaksakit iti nadumaduma a saksakit. Impatayna ti imana iti tunggal maysa kadakuada ket pinaimbagna isuda. 
\v 41 Rimmuar met dagiti demonio iti kaaduan kadakuada, agik-ikkis a kinunada, "Sika ti Anak ti Dios!" Tinubngar ni Jesus dagiti demonio ket linappedanna isuda nga agsao, gapu ta ammoda nga isuna ti Kristo.

\s5
\v 42 Idi immay ti parbangon, napan ni Jesus iti lugar nga awan matataona. Adu a tattao ti mangbirbiruk kenkuana ket immayda iti lugar nga ayanna. Pinadasda a linapdan ti panangpanawna kadakuada. 
\v 43 Ngem kinunana kadakuada, "Masapul met nga ikasabak ti naimbag a damag a maipanggep iti pagarian ti Dios kadagiti dadduma pay nga adu a siudad, gapu ta isu iti nakaibaonak ditoy." 
\v 44 Ket intuloyna iti nangasaba kadagiti sinagoga iti entero a probinsia iti Judea.

\s5
\c 5
\p 
\v 1 Itatta, ti napasamak, kabayatan nga ar-aribungbungan dagiti tattao ni Jesus ken dumdumngegda iti sao ti Dios, isuna ket agtaktakder iti igid iti dan-aw ti Genesaret. 
\v 2 Nakitana ti dua a bangka a naitakdang iti igid iti dan-aw. Bimmaba dagiti agkalkalap ket ug-ugasanda dagiti iketda. 
\v 3 Limmugan ni Jesus iti maysa kadagiti bangka a kukua ni Simon, ket imbagana kenkuana nga ipanna iti danum nga adayo bassit iti igid. Ket nagtugaw ken sinuroanna dagiti tattao manipud iti bangka.

\s5
\v 4 Idi nalpas isuna a nagsao, kinunana ken ni Simon, "Ipanmo ti bangka iti naad-adalem a danum ket ibabam dagiti iketmo tapno makakalapka." 
\v 5 Simmungbat ni Simon ket kinunana, "Maestro, nagpatpatnag kami a nagtrabtrabaho, ngem awan a pulos ti naalami, ngem gapu iti saom, ibabak ngarud dagiti iket." 
\v 6 Ket idi inaramidda daytoy, adu launay a lames ti naalada, ken dandanin mapisang dagiti iketda. 
\v 7 Ngarud, pinayapayanda dagiti kaduada nga adda iti dadduma a bangka nga umayda ken tumulong kadakuada. Immayda ket pinunnoda dagiti bangka, isu a nangrugida a lumned.

\s5
\v 8 Ngem ni Simon Pedro idi nakitana daytoy, nagparintumeng iti sangoanan ni Jesus a kunana, "Panawannak, ta maysaak a managbasol nga tao, Apo." 
\v 9 Agsipud ta nasdaaw isuna ken kasta met kadagiti kakaduana kadagiti lames a nakalapanda. 
\v 10 Nairaman ditoy ni Santiago ken ni Juan, annak ni Zebedeo, a kakadua ni Simon. Kinuna ni Jesus ken ni Simon, "Saanka nga agbuteng, ta manipud ita, tattaon ti inka kalapen." 
\v 11 Ket kalpasan a naitakdangda dagiti bangka, pinanawanda amin ket simmurotda kenkuana.

\s5
\v 12 Kalpasan daytoy, kabayatan nga adda isuna ti maysa kadagiti siudad, ket kitaen, adda iti lalaki sadiay a napnoan ti ketong. Idi nakitana ni Jesus, nagpakleb ken nagpakpakaasi kenkuana, kinunana, "Apo, no pagayatam, mabalinnak nga aramiden a nadalus." 
\v 13 Ket inggaw-at ni Jesus ti imana ket sinagidna isuna a kunana, "Mayatak. Agbalinka a nadalus." Ket dagus a pimmanaw ti ketong kenkuana.

\s5
\v 14 Binilin ni Jesus isuna a saanna nga ibagbaga iti siasinoman, ngem imbagana kenkuana, "Mapanka ket agparangka iti padi ket mangiyegka ti daton iti pannakadalusmo, segun iti imbilin ni Moises, a kas pammaneknek kadakuada."

\s5
\v 15 Ngem ti damag maipanggep kenkuana ket ad-adda pay a naiwaragawag iti adayo ket adu a tattao ti nag-uurnong nga agdengngeg iti panangisurona ken tapno mapaimbag kadagiti saksakitda. 
\v 16 Ngem masansan nga umadayo isuna a mapan kadagiti awan matatao a lugar ken nagkararag.

\s5
\v 17 Kalpasan iti maysa kadagidiay nga al-aldaw a nangisursuro isuna, ket adda nga agtugtugaw dagiti Pariseo ken dagiti manursuro iti linteg a naggapu kadagiti nadumaduma a barrio iti rehion ti Galilea ken Judea, ken kasta met iti siudad iti Jerusalem. Adda kenkuana ti pannakabalin ti Apo a mangpaimbag.

\s5
\v 18 Ita, adda dagiti lalaki nga immay, a mangaw-awit iti lalaki a paralitiko a nakaidda iti ikamen, ket nagsapulda iti wagas tapno maiserrekda ken maipaiddada iti sangoanan ni Jesus. 
\v 19 Saanda a makasapul iti wagas tapno maiserrekda isuna gapu iti adu a tattao. Isu nga immulida iti rabaw ti balay, ket inbabada ti lalaki nga adda iti ikamen manipud iti atep, iti nagtetengngaan dagiti tattao, iti mismo a sangoanan ni Jesus.

\s5
\v 20 Idi nakita ni Jesus ti pammatida, kinunana, "Lalaki, dagiti basbasolmo ket napakawanen." 
\v 21 Inrugi dagiti eskriba ken Pariseo nga isaludsod daytoy a kunada, "Siasino daytoy nga agsasao ti tabbaaw? Siasino ti mabalin a mangpakawan kadagiti basbasol, ngem ti Dios laeng?"

\s5
\v 22 Ngem ni Jesus, agsipud ta ammona ti panpanunotenda, simmungbat ket kinunana kadakuada, "Apay a salsaludsodenyo daytoy kadagiti puspusoyo? 
\v 23 Ania ti nalaklaka nga ibaga, 'Dagiti basbasolmo ket napakawanen kenka' wenno ti ibaga a 'Tumakderka ket magnaka?' 
\v 24 Ngem tapno maamoanyo nga ti Anak ti Tao ket addaan turay ditoy daga a mangpakawan kadagiti basbasol, ibagak kenka, 'Tumakderka, alaem ta ikamenmo ket mapanka idiay balaymo.'"

\s5
\v 25 Dagus isuna a bimmangon iti sangoananda ket innalana ti ikamen a nagiddaanna; ket nagsubli iti balayna, nga agdaydayaw iti Dios. 
\v 26 Nagsiddaw ti tunggal maysa ket dinaydayawda ti Dios. Napnoanda iti panagbuteng, ket kunada, "Naidumduma dagiti banbanag a naimatangantayo ita nga aldaw."

\s5
\v 27 Kalpasan a napasamak dagitoy a banbanag, rimuar ni Jesus manipud idiay ket nakitana ti maysa nga agsingsingir iti buis a managan Levi nga agtugtugaw iti pagsingsingiranna iti buis. Kinunana kenkuana, "Surotennak." Ngarud, 
\v 28 timmakder ni Levi, pinanawanna amin ket sinurotna isuna.

\s5
\v 29 Ket nangisagana ni Levi iti dakkel a padaya idiay balayna, ket adu dagiti agsingsingir iti buis sadiay, ken dadduma pay a tattao a nakasadag iti lamisaan a makipangpangan kadakuada. 
\v 30 Ngem nagtantanabutob dagiti Pariseo ken eskriba kadagiti adalanna, a kunada, "Apay a mangan ken uminomkayo a kakaduayo dagiti agsingsingir iti buis ken dadduma a managbasol a tattao? 
\v 31 Simmungbat ni Jesus kadakuada, "Saan a masapul dagiti nasalun-at a tattao iti mangngagas, dagiti laeng masaksakit a tattao ti agkasapulan. 
\v 32 Saanak nga immay tapno ayaban dagiti nalinteg a tattao iti panagbabawi, ngem tapno ayaban dagiti managbasol iti panagbabawi."

\s5
\v 33 Kinunada kenkuana, "Masansan nga agayunar ken agkararag dagiti adalan ni Juan, ken kasta met dagiti adalan dagiti Pariseo. Ngem dagiti adalam, mangmangan ken uminomda." 
\v 34 Kinuna ni Jesus kadakuada, "Mabalin kadi a pagayunaren dagiti tumabuno para iti nobio no kaduana pay laeng isuda? 
\v 35 Ngem umayto iti al-aldaw a maipanaw ti nobio kadakuada, ket kadagita nga al-aldaw ket agayunarda."

\s5
\v 36 Ket nagsarita pay ni Jesus iti pangngarig kadakuada, "Awan ti tao a mangpigis iti lupot iti baro a pagan-anay ket usarenna tapno tarimaanenna iti daan a pagan-anay. No inaramidna dayta, pigisenna ti baro a pagan-anay, ket ti lupot a naggapu iti baro a pagan-anay ket saanton nga umanay ti daan a pagan-anay.

\s5
\v 37 Kasta met, awan ti tao a mangikabil iti baro nga arak iti daan a lalat a pagkabilan iti arak. No inaramidna dayta, bettaken ken dadaelen ti baro nga arak dagiti lalat a pagkabilan ti arak, ket maibelleng ti arak. 
\v 38 Masapul a maikabil ti baro nga arak iti kaar-aramid a lalat a pagkabilan ti arak. 
\v 39 Awan ti tao, a kalpasan nga imminom iti daan nga arak, agtarigagay iti baro nga arak, agsipud ta kunana, 'Naim-imas ti daan.'"

\s5
\c 6
\p 
\v 1 Ita ti napasamak ket iti maysa nga Aldaw a Panaginana, a ni Jesus ket mapmapan kadagiti kataltalunan ken dagiti adalanna ket agal-ala kadagiti dawa ti trigo, iridisda dagitoy kadagiti dua nga imada ket kanenda dagiti bukel. 
\v 2 Ngem dadduma kadagiti Pariseo ti nagkuna, "Apay agar-aramidkayo iti banag a saan a nainkalintegan nga aramiden iti Aldaw a Panaginana?"

\s5
\v 3 Sinungbatan ni Jesus isuda ket kinunana, "Apay saanyo kadi a nabasa ti inaramid ni David idi nabisinan, isuna ken dagiti lallaki a kaduana? 
\v 4 Napan ket simrek iti balay ti Dios, ket innalana ti tinapay iti presensia ket kinnanna ti dadduma kadagitoy, ken inikkanna met dagiti lallaki a kakaduana iti kanenda, nga uray nainkalintegan laeng a kanen dagiti papadi." 
\v 5 Ket imbagana kadakuada, "Ti Anak ti Tao ket Apo ti Aldaw a Panaginana."

\s5
\v 6 Napasamak met iti sabali nga Aldaw a Panaginana a napan isuna idiay sinagoga ken sinuroanna dagiti tattao idiay. Adda idiay ti maysa a lalaki a kimbet ti makannawan nga imana. 
\v 7 Buybuyaen a nalaing dagiti eskriba ken dagiti Pariseo isuna tapno kitaenda no mangpaimbag isuna iti siasinoman ti Aldaw a Panaginana, ta bareng no makabirukda iti rason nga ipabasolda kenkuana nga isu ket agar-aramid iti maikaniwas. 
\v 8 Ngem ammona dagiti panpanunotenda ket kinunana iti lalaki a kimbet ti imana, "Bumangonka ket agtakderka ditoy nagtetengngaan iti tunggal maysa." Isu a bimmangon ti lalaki ket nagtakder sadiay.

\s5
\v 9 Kinuna ni Jesus kadakuada, "Damagek kadakayo, nainkalintegan kadi ti agaramid iti nasayaat wenno dakes iti Aldaw a Panaginana, ti mangisalakan iti maysa a biag wenno dadaelen daytoy?" 
\v 10 Kalpasanna kinitana amin isuda ket kinunana iti lalaki, "Iyunnatmo dayta imam." Inaramidna ngarud, ket nagsubli ti pigsa dagiti imana. 
\v 11 Ngem nakaungetda unay, ket nagtutungtonganda no ania ti mabalin nga aramidenda ken ni Jesus.

\s5
\v 12 Kadagidiay nga al-aldaw, napasamak a rimmuar isuna ket napan idiay bantay tapno agkararag. Intuloyna ti nagkararag iti Dios iti nagpatnag. 
\v 13 Idi bigaten, inayabanna kenkuana dagiti adalanna ket nangpili ti sangapulo ket dua kadakuada, nga inawaganna met iti "dagiti apostol."

\s5
\v 14 Ti nagan dagiti apostol ket ni Simon (nga isu met laeng ni Pedro) ken ti kabsatna a lalaki, Andres, Santiago, Juan, Felipe, Bartolome, 
\v 15 Mateo, Tomas, Santiago nga anak ni Alfeo, Simon nga maawagan ti Patriota, 
\v 16 Hudas nga anak ni Santiago, ken ni Hudas Iscariote a nagbalin a mangliliput.

\s5
\v 17 Kalpasanna bimmaba ni Jesus manipud idiay bantay a kaduana isuda ket nagtakderda iti patad a lugar. Ti dakkel a bunggoy dagiti adalanna ket adda sadiay, kasta met dagiti adu a tattao a naggapu idiay Judea ken Jerusalem, ken dagiti adda iti igid iti baybay ti Tiro ken Sidon. 
\v 18 Immayda nga agdenggeg kenkuana ken tapno mapaimbag kadagiti sakitda. Dagiti tattao a maburburibor kadagiti dakes nga espiritu ket naimbagan met. 
\v 19 Ikarkarigatan ti tunggal masya kadagiti adda sadiay a naurnong a tattao a masagid isuna ta ti panakabalin a mangpaimbag ket rumrumuar manipud kenkuana, ket pinaimbagna ida amin.

\s5
\v 20 Kalpasana ket kimmita isuna kadagiti adalanna, ket kinunana, "Nabendisionankayo a napanglaw, ta dakayo ti agtagikua iti Pagarian ti Dios. 
\v 21 Nabendisionankayo a mabisbisinan ita, ta mapnek kayonto. Nabendisionankayo nga agladladingit ita, ta agkatawakayonto."

\s5
\v 22 Nabendisionankayo no gurguraendakayo dagiti tattao ken isinsinadakayo kadagiti bunggoyda, ken pabpabainandakayo, ken um-umsienda dagiti naganyo ta dakes ti panagkunada, gapu iti Anak ti Tao. 
\v 23 Agragsakkayo iti dayta nga aldaw ket aglagtokayo gapu ti rag-o, gapu ta awan duadua a maaddaankayo iti naindaklan a gunguna idiay langit, ta kasta met laeng ti inaramid dagiti kapuonanda kadagiti propeta.

\s5
\v 24 Ngem asikayo pay dakayo a nabaknang! Ta naawatyon ti liwliwayo. 
\v 25 Asikayo a napnek ita! Ta mabisinan kayonto. Asikayo nga agkatkatawa ita! Ta agladingit ken agdung-awkayto.

\s5
\v 26 Asikayo, no amin a tao ket agsaoda ti nasayaat maipanggep kadakayo! Ta kasta met ti inaramid dagiti kapuonanda kadagiti palso a propeta.

\s5
\v 27 Ngem ibagak kadakayo a dumdumngeg, ayatenyo dagiti kabusoryo ken nasayaat ti aramidenyo kadagiti gumurgura kadakayo. 
\v 28 Bendisionanyo dagidiay a mangilunlunod kadakayo ken ikararagyo dagiti mangidadanes kadakayo.

\s5
\v 29 Kenkuana a nangsipat ti maysa a pingpingmo, ipasipatmo pay iti bangir. No innala ti maysa a tao ti kagaymo, saanmo nga ipaidam ti pagan-anaymo. 
\v 30 Ikkam ti tunggal maysa a dumawat kenka. No adda ti mangala iti aniaman a kukuam, saanmo nga ibaga kenkuana nga isublina kenka.

\s5
\v 31 No ania ti kayatmo nga aramiden ti tao kenka, masapul nga isu met ti aramidem kadakuada. 
\v 32 No dagiti laeng tattao nga agay-ayat kenka ti ayatem, ania ngay ti pakaidayawam iti dayta? Ta uray pay dagiti managbasol ket ay-ayatenda met dagiti agay-ayat kadakuada. 
\v 33 No agaramidka laeng ti nasayaat kadagiti agar-aramid ti nasayaat kenka, ania ngay ti pakaidayawam iti dayta? Ta uray pay dagiti managbasol ket isu met laeng ti ar-aramidenda. 
\v 34 No ti laeng pabulodam kadagiti banag ket dagiti laeng tattao a namnamaem a makaisubli kenka, ania ngay ti pakaidayawam iti dayta? Uray dagiti managbasol ket agpabulodda kadagiti managbasol, ken mangnamnamada nga umawatda iti isu met laeng a gatad.

\s5
\v 35 Ngem ayatenyo dagiti kabusoryo ken nasayaat ti aramidenyo kadakuada. Pabulodanyo ida, a saanyo a pakadanagan iti maipanggep iti maisubli kadakayo, ket naindaklanto ti gungunayo. Agbalinkayonto nga annak ti Kangatoan, ta isuna mismo ket naasi kadagiti saan a managyaman ken kadagiti dakes a tattao. 
\v 36 Manangaasikayo koma, a kas iti Amayo a manangngaasi.

\s5
\v 37 Saankayo a mangukom, ket saankayto met a maukom. Saankayo a mangpabasol, ket saandakayto met a pabasulen. Pakawanenyo dagiti dadduma, ket mapakawankayto met.

\s5
\v 38 Mangtedkayo kadagiti dadduma, ket maitedto met kadakayo. Sukat a naan-anay, nasedsed ken agluplupyas--a maibukbokdanto iti saklotyo. Ta no ania ti pagsukat nga usarem a mangsukat, dayta a pagibasaran ket mausarto a mangsukat para kadakayo."

\s5
\v 39 Kalpasanna imbagana met kadakuada ti maysa a pangngarig." Mabalin kadi nga iturong ti bulsek ti maysa pay a bulsek? No aramidenna, matinnagda nga agpada iti abot, saan kadi? 
\v 40 Ti adalan ket saan a dakdakkel ngem iti manursurona, ngem ti tunggal maysa no naan-anay a masuruan, agbalin isuna a kas iti manursurona.

\s5
\v 41 Ken apay a kitaem ti bassit a pirgis ti garami nga adda iti mata ti kabsatmo ngem saan mo a madlaw ti troso iti mismo a matam? 
\v 42 Kasano nga ibagam iti kabsatmo, 'Kabsat, bay-am nga ikkatek dayta bassit a pirgis ti garami dita matam,' ket dimto pay maikkat ti troso nga adda iti mismo a matam? Sika nga aginsisingpet! Ikkatem nga umuna ti troso dita matam, ket makakita ka a nalawag iti panangikkatmo iti bassit a pirgis iti garami nga adda iti mata ti kabsatmo.

\s5
\v 43 Ta awan ti nasayaat a kayo nga agbunga iti nalungsot, wenno awan ti nalungsot a kayo nga agbunga ti nasayaat. 
\v 44 Ta ti tunggal kayo ket maammoan babaen iti bungana. Ta saan nga agburas ti tao iti igos manipud iti sisiitan a kayo, wenno agburas iti ubas manipud iti sisiitan a labtang.

\s5
\v 45 Ti nasayaat a tao paruarenna ti nasayaat manipud iti nasayaat a kinabaknang iti pusona, ken ti dakes a tao paruarenna ti kinadakes manipud iti dakes a kinabaknang iti pusona. Ta manipud iti kinawadwad iti pusona, isao ti ngiwatna.

\s5
\v 46 Apay nga awagandak ti, 'Apo, Apo,' ngem diyo met a tungtungpalen dagiti banag nga ibagbagak? 
\v 47 Tunggal tao nga umay kaniak ken dengdenggenna dagiti saok ken tungtungpalenna ida, ibagak kadakayo no ania ti kaiyariganna. 
\v 48 Kaiyariganna ti tao a nagpatakder ti balay, nagkali ti nauneg nga abot iti daga ket nagpatakder iti pundasyon ti balayna iti rabaw ti bato. Idi immay ti layos, dinalapus ti napigsa a layus dayta a balay, ngem pulos a saanna a nagungon daytoy, gapu ta daytoy ket naipatakder a sititibker.

\s5
\v 49 Ngem ti tao a dumdumngeg kadagiti sasaok ken saanna a tungtungpalen ida, kaiyariganna ti tao a nagpatakder ti balayna iti rabaw ti daga nga awanan ti pundasyon. Ket idi dinalapus ti napigsa a layus a balay, narba a sigud ken naminpinsan a nadadael.

\s5
\c 7
\p 
\v 1 Kalpasan a nalpas ni Jesus ti amin nga ibagbagana a dengdenggen dagiti tattao, sinerrekna ti Capernaum.

\s5
\v 2 Ti tagabo iti maysa a senturion, a napateg kenkuana, ket agsaksakit ken dandanin matay. 
\v 3 Ngem idi nangngeganna ti maipapan ken ni Jesus, nangibaon ti senturion kadagiti panglakayen dagiti Judio tapno kiddawenda nga umay ket isalakanna ti adipenna manipud iti pannakatay. 
\v 4 Idi nakaasidegdan ken ni Jesus, nagpakpakaasida kenkuana iti kasta unay a kunada, "Maikari isuna nga aramidem daytoy para kenkuana, 
\v 5 agsipud ta ay-ayatenna ti nasionmi ken isuna ti nangipatakder iti sinagoga para kadakami."

\s5
\v 6 Nagtultuloy ni Jesus iti dalanna a kaduana isuda. Ngem idi saanen isunanga adayo manipud iti balay, nangibaon ti senturion kadagiti gagayyemna nga mangibaga kenkuana, "Apo saanmon a riribuken ti bagim, gapu ta saanak a maikari a masapul a sumrekka iti sirok iti bubungak. 
\v 7 Gapu iti daytoy, saanko pay nga inbilang ti bagik a maikari unay nga umay kenka, ngem iyebkas mo laeng ti sao ket maimbagan ti adipenko. 
\v 8 Ta siak met ket maysa a tao a naikabil iti babaen ti turay ken addaanak kadagiti soldado nga adda iti sirukko. Ibagak iti maysa, 'Mapanka,' ket mapan isuna, ken iti maysa pay, 'Umayka,' ket umay isuna, ken iti adipenko, 'Aramidem daytoy', ket aramidenna."

\s5
\v 9 Idi nangngegan ni Jesus daytoy, nasdaaw unay isuna kenkuana, ket timmalyaw ngarud kadagiti tattao a sumursurot kenkuana ket kinunana, "Ibagak kadakayo, awan pay nasarakak uray idiay Israel t siasinoman nga addaan ti dakkel a pammati." 
\v 10 Ket dagidiay a naibaon, nagsublida iti balay ket nasarakanda a nasalun-aten ti adipen.

\s5
\v 11 Iti sumagmamano a tiempo kalpasan iti dayta, napasamak nga agdaldalyasat ni Jesus iti siudad a maaw-awagan ti Nain. Dagiti adalanna ket kimmuyog kenkuana ken simmurot met ti nakaad-adu a tattao. 
\v 12 Idi umas-asidegen isuna iti ruangan ti siudad, kitaen, adda natay a tao a bagbagkatenda a paruar, ti maymaysa nga anak a lalaki ti inana. Isu ket balo a babai, ken kaduana iti adu met bassit a tattao iti dayta a siyudad. 
\v 13 Idi makitana isuna, ti Apo ket kasta unay ti pannakatignay ti asina para kenkuana ket kinunana kenkuana, "Saanka nga agsangit." 
\v 14 Ket nagpasango ni Jesus ket sinagidna iti pagibagbagkatan ti bangkay, ket nagtalinaed met a sitatakder dagiti agbagbagkat. Kinunana, "Agtutubo, ibagak kenka, bumangonka". 
\v 15 Nagtugaw ti natay a lalaki ket nangrugi nga agsao. Ket inyeg ni Jesus isuna iti inana.

\s5
\v 16 Ket inabak ida amin iti buteng. Indaydayawda ngarud ti Dios, a kunkunaenda, "Natan-ok a propeta ti timmaud kadatayo" ken "Kinita ti Dios dagiti tattaona." 
\v 17 Daytoy a damag maipanggep ken ni Jesus ket nagwaras iti entero a Judea ken kadagiti amin a kabangibang a rehion.

\s5
\v 18 Imbaga dagiti adalan ni Juan kenkuana maipangggep iti amin kadagitoy a banbanag. 
\v 19 Inayaban ngarud ni Juan ti dua kadagiti adalanna ket imbaonna ida iti Apo a mangibaga, "Sika kadi ti Umayto, wenno adda pay kadi sabali a tao a masapul a sapulenmi?" 
\v 20 Idi nakaasidegdan ken ni Jesus, kinuna dagiti lallaki, "Imbaonnakami ni Juan a Mammunniag a mangibaga kenka "Sika kadi ti Umayto, wenno adda pay kadi sabali a tao a masapul a sapulenmi?'"

\s5
\v 21 Iti dayta nga oras, inagasanna ti adu a tattao manipud kadagiti saksakit ken panangparparigat ken manipud kadagiti dakes nga espiritu, ken impaayna kadagiti bulsek a tatto ti kabaelan a makakita. 
\v 22 Simmungbat ni Jesus ket kinunana kadakuada, "Inton pumanawkayo, ipadamagyo ken ni Juan ti nakita ken nangngeganyo. Aw-awaten dagiti bulsek a tattao ti pannakakita, magmagna dagiti pilay a tattao, nadalusan dagiti agketong, makangkangngeg dagiti tuleng a tattao, napagungar dagiti natay a tattao, ken nabagaan ti naimbag a damag dagiti agkasapulan a tattao. 
\v 23 Ti tao a saan nga agsardeng a mamati kaniak gapu kadagiti aramidko ket nabendisionan."

\s5
\v 24 Idi nakapanawen dagiti babaonen ni Juan, nangrugi ni Jesus nga agsao kadagiti adu a tattao maipanggep ken ni Juan, "Ania ti napanyo kinita idiay let-ang? Runo kadi a gun-gun-gunen ti angin? 
\v 25 Ngem ania ti napanyo kinita? Maysa kadi a tao a nagkawes iti nalamuyot a pagan-anay? Kitaenyo, dagiti tattao a nakakawes iti napipintas a pagan-anay ken agbibiag nga aglaplapusanan ket adda kadagiti palasio ti ar-ari. 
\v 26 Ngem ania ti napanyo kinita? Maysa kadi a propeta? Wen, kunak kadakayo, ken nangnangruna pay ngem iti maysa a propeta.

\s5
\v 27 Isuna daytoy pakaiturungan iti naisurat, 'Kitaenyo, ibaonko ti mensaherok sakbay iti rupam, a mangisagana iti dalanmo sakbay kenka.' 
\v 28 Ibagak kadakayo, a kadagiti inyanak dagiti babbai, awan iti natantan-ok pay ngem ni Juan, ngem iti kababaan a tao iti pagarian ti Dios ket dakdakkel pay ngem isuna."

\s5
\v 29 Idi nangngegan dagiti tattao daytoy, pakairamanan dagiti agsingsingir iti buis, impaduyakyakda a nalinteg ti Dios. Karaman isuda kadagidiay nabautisaran iti bautisar ni Juan. 
\v 30 Ngem dagiti Pariseo ken nalalaing iti linteg dagiti Judio a saan a nagpabautisar kenkuana, linaksidda iti kinasirib ti Dios a para kadakuada.

\s5
\v 31 "Ania ngarud ti mabali ko a pangiyaspingan kadagiti tattao iti daytoy a henerasion? Ania kadi iti pakaiyaspinganda? 
\v 32 Kaslada la ubbing nga agayay-ayam idiay pagtagilakuan nga agtutugaw ken ay-ayabanda ti tunggal maysa a kunada, 'Pinatukarmi ti plauta para kadakayo, ket saankayo a nagsala. Nagladingit kami, ket saankayo a nagsangit.'

\s5
\v 33 Agsipud ta immay ni Juan a Mammunniag a saan a mangmangan iti tinapay ken saan nga umin-inom iti arak, ket kunaenyo, 'Adda demoniona.' 
\v 34 Immay ti Anak ti Tao a nangan ken imminom ket kunayo, 'Kitaenyo, narawet isuna a tao ken mammartek, gayyem dagiti agsingsingir ti buis ken dagiti managbasol'. 
\v 35 Ngem ti kinasirib ket napalinteg babaen kadagiti amin nga annakna."

\s5
\v 36 Ita, adda maysa a Pariseo a mangkidkiddaw ken ni Jesus a makipangan kenkuana. Isu a kalpasan a nakastrek ni Jesus iti balay ti Pariseo, insanggirna idiay ayan iti lamisaan tapno mangan. 
\v 37 Pagammoan, adda maysa a babai iti dayta a siudad, nga isuna ket managbasol. Naammoanna nga adda ni Jesus nga agsangsanggir idiay balay ti Pariseo, ket nangitugot isuna iti bangbanglo a naikabil iti alabastro a fraskita. 
\v 38 Nagtakder iti likudan ni Jesus nga asideg iti sakaananna ket nagsangit. Ket inrugina a basaen dagiti saka ni Jesus babaen kadagiti luana, ket pinunpunasanna ida babaen kadagiti buokna, nga inag-agepna dagiti sakana ken sinapsapwanna ida iti bangbanglo.

\s5
\v 39 nakita daytoy iti Pariseo a nangawis ken ni Jesus, pinanunotna iti bagina a kunana, "No daytoy a tao ket propeta, ammona koma no siasino ken no ania a klase a babai ti mangsagsagid kenkuana, nga isu ket managbasol." 
\v 40 Simmungbat ni Jesus ket kinunana kenkuana, "'Simon, adda ti banag nga ibagak kenka." Kinunana, "Ibagam, Maestro!"

\s5
\v 41 Kinuna ni Jesus, "Adda ti dua a nakautang iti maysa nga agpapautang. Diay maysa ket nakautang iti limagasut a dinario, diay met maysa ket limapulo a dinario. 
\v 42 Gapu ta awan kuartada a pagbayad, pinakawanna ida a dua. Ngarud, siasino kadakuada iti ad-adda a mangayat kenkuana? 
\v 43 Simmungbat ni Simon kenkuana ket kinunana, "Panagkunak ket diay ad-adu iti napakawan nga utangna." Kinuna ni Jesus kenkuana, "Usto dayta a panangikeddengmo."

\s5
\v 44 Sinango ni Jesus ti babai ket kinuna ken Simon, "Makitam daytoy a babai. Simrekak iti balay mo. Awan danum nga intedmo kaniak para kadagiti sakak, ngem isuna, babaen iti luana, binasana dagiti sakak ken pinunasanna ida iti buokna. 
\v 45 Dinak impaayan iti agep, ngem isuna, manipud simmangpetak, saan a nagsardeng a nangag-agep kadagiti sakak.

\s5
\v 46 Saanmo a sinapsapwan ti ulok iti lana, ngem sinapsapwanna dagiti sakak iti bangbanglo. 
\v 47 Gapu iti daytoy, ibagak kenka nga isuna nga adu iti nagbasolanna ket napakawan iti ad-adu ket dakdakkel met ti panagayatna. Ngem ti basbassit iti napakawan kenkuana, bassit laeng iti panagayatna."

\s5
\v 48 Ket imbagana ti babai, "Napakawanen dagiti basbasolmo." 
\v 49 Dagiti amin nga agsangsanggir sadiay ket inrugida a kinuna kadagiti bagbagida, "Siasino daytoy nga agpakawan pay kadagiti basbasol?" 
\v 50 Ket kinuna ni Jesus iti babai, "Ti pammatim ket insalakannaka. Mapanka a sitatalna."

\s5
\c 8
\p 
\v 1 Napasamak a dagus kalpasan a nangrugi ni Jesus a nagdalyasat iti nadumaduma a siudad ken barrio, a nangikaskasaba ken nangiwarwaragawag iti naimbag a damag maipapan iti pagarian ti Dios ket simmurot kenkuana dagiti sangapulo ket dua, 
\v 2 ket kasta met dagiti babbai a napaimbag manipud kadagiti dakes nga espiritu ken saksakit. Isuda da Maria a naawagan Magdalena, a nawayawayaan manipud kadagiti pito a demonio, 
\v 3 ni Juana nga asawa ni Cusa, a mangimatmaton kadagiti sanikua ni Herodes, ni Susana, ken dagiti dadduma nga adu a babbai, a nangipaay para iti kasapulanda nga nagtaud kadagiti sanikuada.

\s5
\v 4 Ita, idi adda adu a tattao ti naguurnong, a pakairamanan dagiti tattao nga um-umay kenkuana manipud kadagiti adu a nadumaduma a siudad, nagsarita isuna kadakuada babaen iti pangngarig. 
\v 5 "Rimuar ti mannalon a napan nagmula iti bukbukel. Kabayatan a ngmulmula isuna, adda dagiti bukbukel a natinnag iti igid ti dalan ket napayatpayatan ken sinippayot dagiti billit iti tangatang. 
\v 6 Dadduma a bukbukel ket natinnag iti nabato a daga ket apaman a dimmakel dagitoy a mulmula, nanglaylayda, gapu ta awan ti pakabasaanda.

\s5
\v 7 Addamet dagiti bukbukel a natinnag kadagiti nasisiit a mulmula, ket dagiti nasiit a mulmula ket dimmakkel a kaduada dagiti bukbukel ken nangleppes kadakuada. 
\v 8 Ngem sumagmamano kadagiti bukbukel ket natinnag iti nasayaat a daga ket pinataudna ti apit a sangagasut a daras pay ti kaaduna." Kalpasan nga imbaga ni Jesus dagitoy a banbanag, impukkawna, "Siasinoman nga addaan ti lapayag a dumngeg, dumngeg koma."

\s5
\v 9 Ket dagiti adalanna dinamagda no ania ngata iti kaipapanan daytoy a pangngarig. 
\v 10 Kinuna ni Jesus kadakuada, "Naikkankayo iti pribilehio iti pannakaawat kadagiti misterio iti pagarian ti Dios, ngem dagiti nabatbati kadagiti tattao ket masuruan laeng kadagiti pangngarig, tapno 'ti panangkitkita saandanto a pudno a makita, ken ti panangdengdengngeg saanddanto a pudno

\s5
\v 11 Itatta daytoy ti kayat a sawen iti pangngarig. Ti bukel ket sao ti Dios. 
\v 12 Dagiti bukel a natinnag iti igid ti dalan ket dagiti tattao a nakangngeg iti sao, ngem umay ti diablo ket alaenna ti sao manipud iti pusoda, tapno saanda a mamati ken maisalakan. 
\v 13 Ket dagiti met natinnag iti nabato a daga ket dagiti tattao nga idi nangngeganda iti sao, inawatda a siraragsak, ngem awan ti uray maysa a ramutda; mamati da laeng iti apagdarikmat, ket no dumteng ti tiempo iti pannubok, umadayoda.

\s5
\v 14 Dagiti bukbukel a natinnag kadagiti nasiit a mulmula ket dagiti tattao a dimngeg iti sao, ngem kas mapanda iti dalanda, maleppesda kadagiti pakadanagan ken kinabaknang ken ragragsak iti daytoy a biag, ken isut' gapuna nga awan ti maibungada a maluom. 
\v 15 Ngem dagiti bukbukel a natinnag iti nasayaat a daga, dagitoy dagiti tattao nga, addaan iti napudno ken naimbag a panagpuspuso, kalpasan a nangngeganda ti sao, salimetmetanda ken agbungada nga addaan iti panagan-anus.

\s5
\v 16 Itatta, awan ti siasinoman, nga idi napasgedanna ti pagsilawan, kalubanna iti mallukong wenno ikabilna iti sirok ti papag. Ngem ketdi, ikabilna iti umiso a paggiananna, tapno ti tumunggal maysa a sumrek, makitada ti lawag. 
\v 17 Ta awan ti nailemmeng, a saan a maipakaammo, wenno aniaman a palimed, a saan a maammoan ken masilawan. 
\v 18 Isu nga agannadkayo no kasano iti panagdengngegyo, gapu ta siasinoman nga addaan iti ad-adu, ket isu maikkan pay iti ad-adu, ken siasinoman nga awanan, manipud kenkuana ket maala uray pay ti pagarupenna nga adda kenkuana."

\s5
\v 19 Kalpasanna, ni nanang ken dagiti kakabsat ni Jesus ket immay kenkuana, ngem saanda a makaasideg kenkuana gapu iti adu a tattao. 
\v 20 Ket naibaga kenkuana, "Ti inam ken dagiti kakabsatmo a lallaki ket addada nga agtatakder idiay ruar, kayatdaka a makita." 
\v 21 Ngem simmungbat ni Jesus ket kinunana kadakuada, "Ti inak ken kakabsatko ket dagidiay a dumngeg iti sao ti Dios ken tungpalenda."

\s5
\v 22 Ket napasamak iti maysa kadagidiay nga al-aldaw a naglugan ni Jesus ken dagiti adalan iti bangka, ket kinunana kadakuada, "Mapantayo idiay ballasiw iti dan-aw." Ket naglayagda. 
\v 23 Ngem kabayatan nga aglaylayagda, nakaturog ni Jesus, ket immay ti bagyo a binuyugan iti napigsa unay nga angin idiay dan-aw, ket diay bangkada ket mangrugi a mapunno iti danum, ket addadan iti kasta unay a peggad.

\s5
\v 24 Ket dagiti adalan ni Jesus ket immay kenkuana ket riniingda isuna, kunada, "Apo! Apo! Nganngani tayo a matayen!" Nakariing isuna, ket tinubngarna ti angin ken ti narungsot a danum ket nagsardengda, ket adda ti talna. 
\v 25 Ket kinunana kadakuada, "Ayan ti pammatiyo?" Iti butengda, nasdaawda unay, ket kinunada iti tumunggal maysa, "Siasino ngarud daytoy, ta ibaonna uray dagiti angin ken ti danum, ket agtulnogda kenkuana?"

\s5
\v 26 Nakadanunda iti rehion ti Gerasenes, a kabangibang iti Galilea. 
\v 27 Idi bimmadek ni Jesus iti daga, adda iti maysa a lalaki a naggapo iti siudad a simmabat kenkuana, ket daytoy a lalaki ket linuganan dagiti demonio. Ta iti atiddug a panawen saan isuna nga agus-usar iti kawkawes, ken saan isuna nga aggigian iti balay, no di ket kadagiti tanem.

\s5
\v 28 Idi nakitana ni Jesus, nagikkis isuna, ket nagpakleb iti sangoananna. Ket iti napigsa a timek kinunana, "Ania ti biangko kenka, Jesus, Anak iti Kangatoan a Dios? Agpakpakaasi-ak kenka, saannak a parigaten." 
\v 29 Ta manmandaran ni Jesus ti dakes nga espiritu a rumuar manipud iti lalaki, gapu ta masansan a tenngelenna isuna. Uray no galutanda iti kadkadena ken kawkawar ken bantayanda pay, ket mapugsatna latta iti galutna ken iturong latta ti demonio idiay let-ang.

\s5
\v 30 Ket nagsaludsod ni Jesus kenkuana, "Ania ti nagan mo?" Ket kinunana, "Armada," ta adu dagiti demonio a limmugan kenkuana. 
\v 31 Intultuloy dagiti demonio ti nakipagpakpakaasi ken ni Jesus a saanna koma ida a mandaran a mapan idiay yuyeng.

\s5
\v 32 Ita ti arban iti adu a babbaboy ket adda idiay a mangmangan idiay turod, ket dinawat dagiti demonio a palubosanna isuda a lumugan kadagiti baboy. Pinalubosanna isuda nga aramiden dayta. 
\v 33 Isu a dagiti demonio ket rimuar manipud iti dayta a tao ken simrekda kadagiti baboy, ket ti arban ket nagap-apurada a bimmaba iti turod nga agturong iti dan-aw ket nalmesda.

\s5
\v 34 Idi nakita dagiti tattao nga agay-aywan kadagiti baboy ti napasamak, naglibasda ket impadamagda iti siudad ken iti ruar kadagiti barrio. 
\v 35 Isu a dagiti tattao a nakangngeg maipanggep iti daytoy, rimmuarda a mangkita no ania iti napasamak, ket immayda ken ni Jesus ket nasarakanda ti lalaki a rimuaran dagiti demonio. Nakabadon isuna ken addan iti nalimbong a panagpanpanunotna, nakatugaw iti sakaanan ni Jesus, ket nagbutengda.

\s5
\v 36 Ket imbaga dagiti nakakita iti daytoy a napasamak kadagiti dadduma no kasano a naisalakan ti lalaki nga tinengngel dagiti demonio. 
\v 37 Amin dagiti tattao iti rehion ti Gerasenes ken dagiti aglawlaw a lugar, kiniddawda ken ni Jesus a panawanna ida, gapu ta tinengngel ida iti dakkel a panagbuteng. Isu a naglugan isuna iti bangka nga agsubli.

\s5
\v 38 Diay lalaki a nagtalawan dagiti demonio ket nagpakpakaasi ken ni Jesus a palubosanna isuna a sumurot kenkuana, ngem pinagawid isuna ni Jesus, a kunana, 
\v 39 "Agsublika iti balaymo ken ipakaammom amin a naindaklan a banbanag nga inaramid ti Dios kenka." Nagawid ngarud ti lalaki ket inwaragawagna iti entero a siudad dagiti naindaklan a banbanag nga inaramid ni Jesus para kenkuana.

\s5
\v 40 Iti panagsubli ni Jesus, pinasangbay isuna dagiti adu a tattao, ta agur-urayda amin kenkuana. 
\v 41 Pagammoan, immay ti lalaki nga managan Jairo, ket maysa isuna kadagiti mangidadaulo iti sinagoga. Nagpakleb ni Jairo iti sakaanan ni Jesus ket kiniddawna a mapan koma isuna idiay balayna, 
\v 42 ta addaan isuna iti kakaisuna nga anak a babai, nga agtawen iti sangapulo ket dua, ken isuna ket matmatayen. Ngem iti ipapanna, dagiti adu a tattao ket inaribungbunganda isuna.

\s5
\v 43 Adda babai sadiay nga agpadpadara iti las-ud iti sangapulo ket dua a tawen ket nagastosnan amin a kuartana kadagiti mangngagas, ngem saan a napaimbag iti siasinoman kadakuada. 
\v 44 Napan isuna iti likudan ni Jesus ket sinagidna ti laylayan ti badona, ket dagdagus a nagsardeng ti panagpagpadarana.

\s5
\v 45 Kinuna ni Jesus, "Siasino ti nangsagid kaniak?" Idi amin ket nagsaan, kinuna ni Pedro, "Apo, nagado dagiti tattao a mangliplipit kenka ken mangar-aribungbong kenka. 
\v 46 Ngem kinuna ni Jesus, "Adda iti nangsagid kaniak, ta ammok nga adda ti pannakabalin a rimuar manipud kaniak."

\s5
\v 47 Idi makita ti babai a saannan a mailemmeng ti inaramidna, immasideg ti babai nga agpigpigerger. Nagpakleb iti sangoanan ni Jesus, ket imbagana iti sangoanan dagiti tattao ti makagapu no apay a sinagidna isuna ken no kasano isuna nga immimbag a dagus. 
\v 48 Ket kinunana kenkuana, "Anak a babai, ti pammatim isu ti nangpaimbag kenka. Mapanka a sikakappia."

\s5
\v 49 Idi agsasao pay laeng isuna, adda ti immay a naggapu iti balay ti mangidadaulo iti sinagoga, a kunana, "Natayen ti anakmo a babai. Saanmo a riribuken ti manursuro." 
\v 50 Ngem idi nangngeg ni Jesus daytoy, sinungbatanna isuna, "Saanka nga agbuteng. Mamatika laeng, ket maisalakan isuna."

\s5
\v 51 Ket idi nakasangpet isuna iti balay, saanna a pinalubosan ti siasinoman a kaduana a makaserrek malaksid kada Pedro, Juan, Santiago, ken ti ama ti ubing a babai, ken ti inana. 
\v 52 Itatta, amin dagiti tattao sadiay ket agladladingit ken sangsangitanda isuna, ngem kinunana, "Saankayo nga agsangit. Saan isuna a natay, ngem matmaturog laeng." 
\v 53 Ngem kinatawaanda isuna nga inum-umsi, ta ammoda nga isuna ket natayen.

\s5
\v 54 Ngem isuna, innalana ti ima ti ubing a babai, immawag a kunana, "Ubing, bumangonka." 
\v 55 Ket nagsubli ti espirituna, ket bimmangon a dagus isuna. Inbilinna nga adda ti maited kenkuana a kanenna. 
\v 56 Dagiti nagannakna ket nasdaaw, ngem binilinna isuda nga awan ti pangibagaanda iti napasamak.

\s5
\c 9
\p 
\v 1 Inayabanna dagiti sangapulo ket dua, ken inikkanna isuda iti pannakabalin ken turay kadagiti amin a demonio ken mangagas kadagiti saksakit. 
\v 2 Imbaonna isuda a rumuar a mangikasaba iti pagarian ti Dios ken mangpaimbag kadagiti masakit.

\s5
\v 3 Kinunana kadakuada "Dikayo mangitugot iti uray ania iti panagdalyasatyo-uray sarukod, uray pitaka, uray tinapay, uray kuarta--wenno dua a pagan-anay. 
\v 4 Aniaman a sumrekanyo a balay, agtalinaed kayo sadiay agingga a pumanawkayo iti dayta a lugar.

\s5
\v 5 No maipanggep kadagiti saan nga umawat kadakayo, inton pumanaw kayo iti dayta a siudad, pagpagenyo dagiti tapok iti saksakayo kas pammaneknek a maibusor kadakuada." 
\v 6 Ket pimmanawda a napan kadagiti ili, a mangiwarwaragawag iti naimbag a damag ken mangpapaimbag kadagiti tattao iti sadinnoman.

\s5
\v 7 Itatta ni Herodes, a tetraka, nangngegna amin dagitoy a mapaspasamak ket nariribukan unay, gapu ta ibagbaga dagiti dadduma a ni Juan a Mammuniag ket nagungar manipud iti patay, 
\v 8 ken dagiti dadduma nagparang kano ni Elias, ken dagiti dadduma ket maysa kano kadagiti propeta idi un-una a panawen ket nagbiag manen. 
\v 9 Kinuna ni Herodes, "Pinapugotak ni Juan, ngem maipanggep iti siasino daytoy a mangmangngegak a banbanag?" Ket pinadas ni Herodes a mangbiruk iti wagas tapno makitana ni Jesus.

\s5
\v 10 Idi nagsublin dagiti naibaon, imbagada kenkuana ti amin nga inaramidda. Intugotna isuda ket napan isuna iti siudad a maawagan Betsaida. 
\v 11 Ngem nangngegan daytoy dagiti adu a tattao ket sinurotda isuna ket pinasangbayna ida, ket nagsao kadakuada maipanggep iti pagarian ti Dios, ken inagasanna dagidiay nga agkasapulan ti pannakaagas.

\s5
\v 12 Ket idi mumalemen, napan kenkuana dagiti sangapulo ket dua ket kinunada, "Pagawidemon dagiti tattao tapno mapanda kadagiti il-ili ken barbarrio nga agsapul iti pagdagusan ken makan gapu ta addatayo iti lugar nga awan matagtagitao." 
\v 13 Ngem kinunana kadakuada, "Ikkanyo ida ti kanenda." Kinunada, "Ti adda kadatayo ket lima laeng a tinapay ken dua a lames, malaksid no mapankami gumatang ti taraon para kadagitoy amin nga adu a tattao." 
\v 14 Adda idi ti agarup lima ribu a lallaki nga adda sadiay. Kinunana kadagiti adalanna, "Pagtugawenyo isuda a nabunggu-bunggoy iti saglilima pulo."

\s5
\v 15 Isu nga inaramidda dayta, ket nagtugaw dagiti amin a tattao. 
\v 16 Innalana ti lima a tinapay ken ti dua a lames, ket timmangad sadi langit, binendisionanna ida, ket pinisipisina, ket intedna kadagiti adalanna tapno maiwaras kadagiti tattao. 
\v 17 Ket nanganda amin ken napnekda, ket dagiti nabati a taraon ket naurnong ket napunno iti sangapulo ket dua a basket.

\s5
\v 18 Ket napasamak a kabayatan nga agkarkararag isuna iti bukodna, kaduana dagiti adalanna, ket sinaludsodna kadakuada, a kunana, "Siasinoak iti panagkuna dagiti tattao?" 
\v 19 Simmungbatda, ket kinunada, "Juan a Mammuniag, ngem kuna dagiti dadduma nga Elias, ken kuna dagiti dadduma a maysa kadagiti propeta idi un-una a panawen ket nagbiag manen."

\s5
\v 20 Kinunana kadakuada, "Ngem siasinoak iti panagkunayo?" Simmungbat ni Pedro a kunana, "Ti Kristo a naggapu iti Dios." 
\v 21 Ngem iti panangballaagna kadakuada, binilin ida ni Jesus nga awan ti pangibagaanda iti daytoy, 
\v 22 a kunana nga ti Anak ti Tao ket masapul nga agsagaba iti adu a banbanag, umsien dagiti panglakayen ken panguloen a papadi ken escriba, mapapatay, ken mapagungar iti maikatlo nga aldaw.

\s5
\v 23 Kinunana kadakuada amin, "No siasinoman ti mayat a sumurot kaniak, masapul ngarud a lipatenna ti bagina, baklayenna ti krusna iti inaldaw ket sumurot kaniak. 
\v 24 Siasinoman a mangpadas a mangisalakan iti biagna ket mapukawna daytoy, ngem siasinoman a mangpukaw iti biagna gapu kaniak, ket maisalakanna daytoy. 
\v 25 Ania ti magunguna ti tao, no matagikuana ti entero a lubong, ngem mapukawna wenno maawan kenkuana ti bukodna a bagi?

\s5
\v 26 Ti siasinoman a mangibain kaniak ken kadagiti sasaok, isu ibainto met ti Anak ti Tao inton umay iti bukodna a dayag, ken ti dayag ti Ama ken dagiti nasantoan nga anghel. 
\v 27 Ngem sipupudno nga ibagak kadakayo, adda dagiti dadduma kadakayo nga agtaktakder ditoy, a saandanto a maramanan ti patay agingga a makitada ti pagarian ti Dios."

\s5
\v 28 Ket napasamak iti agarup walo nga aldaw kalpasan nga insao ni Jesus dagitoy a sasao nga inkuyogna ni Pedro, ni Juan, ken Santiago, ket simmang-atda iti bantay tapno agkararag. 
\v 29 Kabayatan iti panagkararagna, nagbaliw ti langa iti rupana, ken dagiti kawesna ket pimmuraw ken makasisirap.

\s5
\v 30 Pagammoan, adda dua a lallaki a makisarsarita kenkuana! Isu da Moises ken Elias, 
\v 31 a sidadayag ti langada. Ket nagsasaritaanda ti maipanggep iti ipapanawna, nga umadanin a tungpalenna idiay Jerusalem.

\s5
\v 32 Itatta, ni Pedro ken dagidiay kakaduana ket makaturturogen. Ngem idi nakariingdan, nakitada ti dayagna ken dagiti dua a lallaki a kaduana nga agtaktakder. 
\v 33 Ti napasamak ket, kabayatan nga umad-adayoda ken ni Jesus, kinuna ni Pedro kenkuana, "Apo, nasayaat ta adda kami ditoy ket masapul nga agaramid kami iti tallo a paglinongan. Palubosandakami nga iyaramidandaka ti maysa para kenka, maysa para ken ni Moises, ken maysa para ken ni Elias." Saanna a naawatan ti ibagbagana.

\s5
\v 34 Ket kabayatan nga isasaona dagitoy a banbanag, immay ti ulep ket linilonganna isuda; ket nagbutengda kabayatan ti pananglawlaw ti ulep kadakuada. 
\v 35 Adda ti timek a naggapo iti ulep, a kunana, "Daytoy ti pinilik nga Anakko. Dumngegkayo kenkuana." 
\v 36 Idi nalpas ti timek, agmaymaysan ni Jesus. Nagulimekda, ket kadagidiay nga al-aldaw, awan ti nangibagaanda kadagiti banbanag a nakitada.

\s5
\v 37 Ti napasamak ket, iti simmaruno nga aldaw, idi nakasalogdan manipud iti bantay, sinabat isuna iti dayta nga adu a tattao. 
\v 38 Pagammoan, maysa a tao manipud kadagiti adu a tattao ti nagpukkaw a kunana, "Manursuro, ipakpakaasik kenka a kitaem koma ti anak ko a lalaki, ta maymaysa laeng isuna nga anakko. 
\v 39 Kitaem, al-alaen isuna ti espiritu, ket kellaat nga agikkis isuna, ken papayegpegenna ken paglabutabenna ti ngiwatna. Isu ket pumanpanaw kenkuana ngem agparigat, ket dangranna iti kasta unay no pumanaw. 
\v 40 Nagpakpakaasiak kadagiti adalam a pilitenda a pumanaw kenkuana, ngem saanda met a kabaelan."

\s5
\v 41 Simmungbat ni Jesus ket kinunana, "Dakayo a saan a mamatpati ken managdakdakes a henerasion, kasano ti kabayag a masapul a makipagtalinaedak kadakayo ken iti panaganusko kadakayo? Iyegmo ditoy ti anakmo." 
\v 42 Iti iyaasideg ti ubing a lalaki, tinumba ti demonio isuna ken winagwagna iti napalalo. Ngem tinubngar ni Jesus ti dakes nga espiritu, ket pinaimbagna ti ubing a lalaki, ken insubli isuna iti amana.

\s5
\v 43 Nasdaawda amin iti kinaindaklan ti Dios. Ngem kabayatan a masmasdaaw ti amin kadagiti banbanag nga inaramidna, kinunana kadagiti adalanna, 
\v 44 "Bay-anyo dagitoy a sasao a sumrek iti kaunggan iti lapayagyo, ta iti Anak ti Tao ket maiyawatto kadagiti ima dagiti tattao." 
\v 45 Ngem saanda a naawatan ti kayat a sawen daytoy a balikas, ken daytoy ket nailimed kadakuada, isu a saanda a maawatan. Agamakda nga agsaludsod kenkuana maipanggep iti dayta a balikas.

\s5
\v 46 Ket nangrugi ti maysa a riri kadakuada maipanggep no siasinonto ti katatan-okan kadakuada. 
\v 47 Ngem idi naamiris ni Jesus ti irasrasonda kadagiti pusoda, innala ti bassit nga ubing, ket inyabayna kenkuana, 
\v 48 ket kinunana kadakuada, "No adda umawat iti bassit nga ubing a kas daytoy gapu iti naganko, aw-awatennak met, ket no adda umawat kaniak, aw-awatenna met ti nangibaon kaniak. Ta ti tao a kababaan kadakayo amin ket ti katatan-okan."

\s5
\v 49 Simmungbat ni Juan ket kinunana, "Apo, adda ti nakitami a mangpakpaksiat iti demonio babaen iti naganmo ket pinasardengmi isuna, gapu ta saan met a sumursurot kadatayo." 
\v 50 Ngem kinuna ni Jesus kenkuana, "Saanyo a pasardengen isuna, agsipud ta isuna a saan a mangbusor kadakayo ket para kadakayo."

\s5
\v 51 Ti napasamak ket, bayat nga umas-asidegen ti al-aldaw nga yuulina idiay langit, sipapasgedna nga impatalged ti rupana a mapan idiay Jerusalem. 
\v 52 Nangibaon isuna kadagiti mensahero nga umuna kenkuana, ket napanda ken napanda iti maysa a barrio idiay Samaria tapno agsaganada a maipaay kenkuana. 
\v 53 Ngem dagiti tattao sadiay, saanda nga inawat isuna, gapu ta impatalgedna ti rupana a mapan idiay Jerusalem.

\s5
\v 54 Ket idi nakita daytoy dagiti adalanna a ni Santiago ken Juan, kinunada, "Apo, kayatmo kadi a mangbilinkami ti apuy a bumaba manipud langit ket dadaelen isuda?" 
\v 55 Ngem timmalyaw ni Jesus ket tinubngarna isuda. 
\v 56 Ket napanda iti sabali a barrio.

\s5
\v 57 Bayat a magmagnada iti dalanda, adda ti nagkuna kenkuana, "Sumurotak kenka sadinoman ti papanam." 
\v 58 Kinuna ni Jesus kenkuana," Dagiti lobo ket adda abutda, ken dagiti billit iti tangatang ket adda umokda, ngem iti Anak ti Tao ket awan ti pangiiddaanna iti ulona."

\s5
\v 59 Ket kinunana iti sabali a tao, "Sumurotka kaniak." Ngem kinunana, "Apo, palubosannak pay nga umuna a mapan ken ipunpon ni tatangko." 
\v 60 Ngem kinunana kenkuana, "Bay-am a dagiti natay ti mangipunpon kadagiti bukodda a minatay, ngem mapanka ket ipakaammom iti sadinoman ti pagarian ti Dios."

\s5
\v 61 Sabali manen a tao ti nagkuna, "Sumurotak kenka, Apo, ngem ipalubosmo pay nga umuna a mapanak agpakada kadagiti kabbalayko." 
\v 62 Ngem kinuna ni Jesus kenkuana, "Awan ti siasinoman, a kalpasan nga ingkabilna iti imana iti arado ket agtaltalyaw iti likudanna, ti maikari iti Pagarian ti Dios."

\s5
\c 10
\p 
\v 1 Itatta, kalpasan dagitoy a banbanag, nangdutok ti Apo iti pitopulo a dadduma pay, ket imbaonna ida a sagdudua nga umuna kenkuana iti tunggal siudad ken lugar a rinantana a mismo a papanan. 
\v 2 Kinunana kadakuada, "Nagadu ti maapit, ngem bassit dagiti trabahador. Ngarud, darasenyo ti agkararag iti Apo iti panagapit, tapno mangibaon isuna iti adu a trabahador iti panagapitna.

\s5
\v 3 Mapankayon iti dalanyo. Kitaenyo, ibaonkayo a kas kadagiti kordero iti nagtetengngaan dagiti lobo. 
\v 4 Saankayo a mangitugot iti kuarta, bay-on, wenno sandalyas, ken awan ti kablaawanyo iti dalan.

\s5
\v 5 Iti aniaman a balay a sumrekanyo, ibagayo nga umuna, 'Kapia koma ti maadda iti daytoy a balay.' 
\v 6 No adda ti tao iti kapia sadiay, agtalinaed kenkuana ti kapiayo, ngem no awan, agsubli kadakayo. 
\v 7 Agtalinaedkayo iti dayta a balay, ket kanen ken inumenyo ti aniaman nga isagana, agsipud ta iti trabahador ket adda karbenganna iti tangdanna. Saankayo nga agbalaybalay.

\s5
\v 8 Aniaman a siudad a sumrekanyo, ket awatendakayo, kanenyo ti maidasar kadakayo, 
\v 9 ken paimbagenyo dagiti masakit nga adda sadiay. Ibagayo kadakuada, 'Ti pagarian ti Dios ket immasideg kadakayo.'

\s5
\v 10 Ngem iti aniaman a siudad a sumrekanyo, ket saandakayo nga awaten, rumuar kayo kadagiti kalkalsadana ket ibagayo, 
\v 11 'Uray pay dagiti tapok manipud iti siudadyo a dimket kadagiti saksakami ket punasenmi a maibusor kadakayo! Ngem ammoenyo daytoy: Ti pagarian ti Dios ket immasidegen.' 
\v 12 Ibagak kadakayo nga iti aldaw ti panagukom, ad-adda a maibturan pay para iti Sodoma ngem para iti dayta a siudad.

\s5
\v 13 Asika pay, Corazin! Asika pay, Betsaida! No dagiti nabileg nga aramid a naaramid kadakayo idiay Tiro ken Sidon, nagbabawida koman idi pay laeng, a nakatugaw iti sako ken dapdapo. 
\v 14 Ngem ad-adda a maibturanto pay para iti Tiro ken Sidon iti pannakaukom ngem iti para kadakayo. 
\v 15 Sika, Capernaum, panpanunotem kadi a maitan-okkanto idiay langit? Saan, maibabakanto a maipan idiay hades.

\s5
\v 16 Ti dumdumngeg kadakayo ket dumdumngeg kaniak, ket ti manglaklaksid kadakayo ket ilaklaksidnak, ket ti manglaklaksid kaniak, ilaklaksidna ti nangibaon kaniak."

\s5
\v 17 Dagiti pitopulo ket nagsubli nga addaan ragsak, a kunkunaenda, "Apo, uray dagiti demonio ket nagpaituray kadakami babaen iti naganmo." 
\v 18 Kinuna ni Jesus kadakuada, "Binuybuyak ni Satanas a matmatag manipud langit a kas kimat. 
\v 19 Kitaenyo, intedko kadakayo iti turay a mangpayat kadagiti uleg ken manggagama, ken kadagiti amin a pannakabalin iti kabusor, ket awan ti makadangran kadakayo iti uray aniaman a wagas. 
\v 20 Uray no kasta, saankayo nga agragsak iti daytoy laeng, a dagiti espiritu ket nagpaituray kadakayo, ngem ad-adda pay nga agragsakkayo ta naikitikiten dagiti nagnaganyo sadi langit."

\s5
\v 21 Iti dayta met laeng a kanito, kasta launay ti ragsakna iti Espiritu Santo, ket kinunana, "Daydayawenka, O Ama, Apo iti langit ken daga, gapu ta inlimed mo dagitoy a banbanag kadagiti nasirib ken addaan pannakaawat, ket impakaammom dagitoy kadagiti saan a nasuruan, kas kadagiti babassit nga ubbing. Wen, Ama, ta isu ket makaay-ayo iti imatangmo."

\s5
\v 22 "Amin a banbanag ket naitalek kaniak manipud iti Amak, ket awan makaammo no siasino ti Anak no di laeng ti Ama, ken awan ti makaammo no siasino ti Ama no di laeng ti Anak, ken ti siasinoman a tarigagayan ti Anak a pangipakaammoan kenkuana."

\s5
\v 23 Simmango kadagiti adalanna, kinunana kadakuada laeng, "Nabendisionan dagiti makakita kadagiti banbanag a nakitayo. 
\v 24 Ibagak kadakayo nga adu a propeta ken ar-ari a nangtarigagay a makakita kadagiti banbanag a makitkitayo, ngem saanda a nakita dagidiay, ken mangngegan dagiti banbanag a mangmangngegyo, ngem saanda a nangngegan dagidiay."

\s5
\v 25 Pagammoan, maysa a manursuro iti linlinteg dagiti Hudio ti timmakder ket pinadasna isuna, kinunana, "Manursuro, ania ti aramidek tapno matawidko ti biag nga agnanayon?" 
\v 26 Kinuna ni Jesus kenkuana, "Ania ti naisurat iti linteg? Kasano ti panangbasam iti dayta?" 
\v 27 Simmungbat, ket kinunana, "Masapul nga ayatem ti Apo a Diosmo iti amin a pusom, iti amin a kararuam, iti amin a pigsam, ken iti amin a panunotmo, ken iti kaarrubam a kas iti bagim." 
\v 28 Ket kinuna ni Jesus kenkuana, "Kusto dayta insungbatmo. Aramidem daytoy, ket agbiagka."

\s5
\v 29 Ngem ti manursuro, iti panangtarigagayna nga ikalintegan iti bagina, kinunana ken ni Jesus, "Ket siasino ti kaarrubak?" 
\v 30 Simmungbat ni Jesus a kunana, "Adda tao a sumalsalog manipud Jerusalem a mapan idiay Jerico. Nasalawna dagiti agtatakaw, nga isu ti nangala kadagiti amin nga adda kenkuana, ken kinabkabilda, ken imbatida isuna a matmatay.

\s5
\v 31 Nairanrana met a sumalsalog iti dayta a dalan ti maysa a padi, ket idi nakitana isuna, linabsanna a nagna iti bangir ti dalan. 
\v 32 Kasta met ti maysa a Levita, idi nakadanun iti dayta a lugar ket nakitana ti lalaki, linabsanna a nagna iti bangir ti dalan.

\s5
\v 33 Ngem adda maysa a Samaritano, kabayatan iti panagdalyasatna, dimteng iti ayanna. Idi nakitana isuna, natignay isuna a naasian. 
\v 34 Inasitganna ken binaredbedanna dagiti sugsugatna, sinapsappoanna iti lana ken arak dagitoy. Insakayna iti bukodna nga ayup, ket impanna isuna iti balay a pagdadagusan, ket inaywananna isuna. 
\v 35 Iti summaruno nga aldaw, nangiruar isuna iti dua a denario ket intedna iti agpadpadagus, ken kinunana, 'Aywanam isuna, ken aniaman a sobra a magastom, inton agsubliak, bayadankanto.'

\s5
\v 36 Iti panagkunam, siasino kadagitoy a tallo ti kaarruba diay tao a dinarup dagiti agtatakaw?" 
\v 37 Kinuna ti manursuro, "Diay nangipakita kenkuana iti asi." Kinuna ni Jesus kenkuana, "Mapanka ket isu met laeng ti aramidem."

\s5
\v 38 Itatta, bayat nga agdaldalyasatda, napan isuna iti maysa a barrio, ket adda maysa a babai a managan Marta a nangpadagus kenkuana iti balayna. 
\v 39 Adda kabsatna a babai a managan Maria, a nagtugaw iti sakaanan ti Apo ken nagdengngeg iti saona.

\s5
\v 40 Ngem ni Marta, makumikum unay iti panangisagana iti makan. Napan isuna ken ni Jesus, ket kinunana, "Apo, awan kadi aniamanna kenka nga iti kabsat ko a babai ket binaybay-annak nga agmaymaysa nga agserbi? Ibagam ngarud kenkuana a tulongannak." 
\v 41 Ngem simmungbat ti Apo ket kinunana kenkuana, "Marta, Marta, madandanaganka iti adu a banbanag, 
\v 42 ngem maysa laeng a banag ti nasisita. Pinili ni Maria ti kasayaatan, ket isu ti saanto a maala manipud kenkuana."

\s5
\c 11
\p 
\v 1 Ti napasamak, kalpasan a nagkararag ni Jesus iti maysa a lugar, maysa kadagiti adalanna ti nagkuna, "Apo, isuronakami nga agkararag a kas iti panangisuro ni Juan kadagiti adalanna."

\s5
\v 2 Kinuna ni Jesus kadakuada, "No agkararagkayo, kastoy ti ibagayo, 'Ama, madaydayaw ti naganmo. Dumteng koma ti pagariam.

\s5
\v 3 Itedmo kadakami iti tunggal aldaw, ti inaldaw a tinapaymi. 
\v 4 Pakawanen nakami kadagiti basbasolmi, gaputa pakpakawanenmi dagiti amin a nakabasol kadakami. Ket saannakami nga iturong iti pakasulisogan.

\s5
\v 5 Imbaga ni Jesus kadakuada, "Siasino kadakayo ti addaan iti gayyem, a no mapankayo kenkuana iti tengnga ti rabii ket ibagayo kenkuana, 'Gayyem, pabulodannak iti tallo piraso a tinapay, 
\v 6 gapu ta adda ti gayyemko a dimmagas manipud iti dalan, ket awan ti aniaman a maipasangok kenkuana. 
\v 7 Ket ti adda iti uneg, sumungbat ket mabalin a kunaenna, 'Dinak ringgoren. Nakaserran ti ridaw ket dagiti annakko, ken siak, addakamin iti pagiddaan. Saanak a makabangon a mangted iti tinapay kenka.' 
\v 8 Ibagak kadakayo, uray saan isuna a bumangon a mangted iti tinapay kadakayo, gapu ta sika ket gayyemna, ngem gapu ta awan bainyo a mangipilit, bumangonto ket itedna ti kaadu iti tinapay a masapulyo.

\s5
\v 9 Ibagak pay kadakayo, agdawatkayo ket maitedto kadakayo; agsapulkayo ket makabirukkayto; agtuktokkayo ket mailukatankayto. 
\v 10 Ta ti tunggal tao nga agdawat ket umawat; ken ti tao nga agsapsapul ket makabirukto; ken ti tao nga agtuktuktok ket mailukatan.

\s5
\v 11 Siasino kadakayo ti ama a no dumawat ti anakna a lalaki iti tinapay ket ikkanna iti bato, wenno imbes a lames ket uleg? 
\v 12 Wenno, no dumawat iti itlog, manggagama aya ti itedmo kenkuana? 
\v 13 No kasta ngarud, no dakayo a managdakdakes ket ammoyo a mangted iti nasayaat a sagut kadagiti annakyo, dinto ket ad-adda pay a ti Amayo sadi langit, itedna ti Espiritu Santo kadagiti dumawat kenkuana?"

\s5
\v 14 Iti saan a nabayag, mangpakpaksiat ni Jesus iti demonio, ket umel daytoy. Ti napasamak ket idi rimuar daytoy a demonyo, nagsao ti umel a tao. Nasdaaw dagiti adu a tattao! 
\v 15 Ngem adda sumagmamano a tattao a nagkuna, "Babaen ken ni Beelzebul, ti mangiturturay kadagiti demonio, pakpaksiatenna dagiti demonio."

\s5
\v 16 Pinadas dagiti dadduma isuna ket binirukanda isuna iti pagilasinan nga aggapu sadi langit. 
\v 17 Ngem ammo ni Jesus dagiti kapanpanunotanda ket kinunana kadakuada, "Tunggal pagarian a nabingaybingay a maibusor met laeng iti daytoy, ket mapanawan, ken ti balay a nabingaybingay a maibusor met laeng iti daytoy ket matnag.

\s5
\v 18 No mabingaybingay ni Satanas a maibusor iti bagbagina, kasano a makatakder ti pagarianna? Gapu ta kunaenyoyo a pakpaksiatek dagiti demonio babaen ken ni Beelzebul. 
\v 19 No mangpaksiatak kadigiti demonio babaen ken ni Beelzebul, babaen ken ni sinno nga pakpaksiaten isuda dagiti pasurotyo? Gapu iti daytoy, isudanto ti mangukom kadakayo. 
\v 20 Ngem no paksiatek dagiti demono babaen iti ramay ti Dios, dimteng ngarud ti pagarian ti Dios kadakayo.

\s5
\v 21 No bantayan ti maysa a napigsa a lalaki a kumpleto iti igam ti bukodna a balay, natalged dagiti sanikuana, 
\v 22 ngem no abaken isuna ti napigpigsa a lalaki, alaen ti napigpigsa nga lalaki ti igam dayta a lalaki ket samsamenna iti sanikua diay lalaki. 
\v 23 Ti saan a makikadua kaniak ket maibusor kaniak, ket ti saan met a makipagurnong kaniak ket maiwara.

\s5
\v 24 No ti dakes nga espiritu ket pumanaw iti maysa a tao, lumabas iti awan danumna a lugar ket agsapul iti paginanaanna. Ket no awan ti mabirukanna, ibagana, 'Agsubliak iti balayko a naggapuak.' 
\v 25 Ket iti panagsublina, masarakanna a dayta a balay ket nawalisan ken naisimpa. 
\v 26 Ket mapan a mangikuyog iti pito pay nga espiritu a nadakdakes pay ngem isu ket sumrekda amin tapno agianda sadiay. Ket ti kamaudianan a kasasaad iti dayta a lalaki ket agbalin a nakarkaro pay ngem iti damo."

\s5
\v 27 Ti napasamak ket, idi ibagbagana dagitoy a banbanag, adda maysa a babai a nangipigsa iti timekna ngem iti adu a tattao ket kinunana kenkuana, "Nabendisionan ti aanakan a nangipasngay kenka ken ti suso a nangpasuso kenka." 
\v 28 Ngem kinunana, "Ad-adda a nabendisionan dagiti dumngeg iti sao ti Dios ken salimetmetanda daytoy."

\s5
\v 29 Kabayatan nga umad-adu dagiti tattao a makitaripnong, inrugina nga imbaga, "Daytoy a kaputotan ket nagdakes a kaputotan. Sapulenna ti pagilasinan, uray no awan ti maited a pangilasinan malaksid iti pagilasinan ni Jonas. 
\v 30 Ta kas iti panagbalin ni Jonas nga pagilasinan kadagiti taga-Ninive, kastanto met a ti Anak ti Tao ket agbalin a pagilasinan iti daytoy a kaputotan.

\s5
\v 31 Tumakderto ti Reyna iti Abagatan iti pannakaukom a kaduana dagiti lalaki iti daytoy a kaputotan ket ukomenna ida, ta naggapo isuna iti ungto ti daga nga agdengngeg iti kinasirib ni Solomon, ken kitaenyo, adda ditoy ti natantan-ok pay ngem ni Solomon.

\s5
\v 32 Agtakderto dagiti lalaki iti Ninive iti pannakaukom a kaduada dagiti tattao iti daytoy a kaputotan ket ukomenddanto daytoy, ta nagbabawidan gapu iti kasaba ni Jonas, ken kitaenyo, adda ditoy ti natantan-ok pay ngem ni Jonas.

\s5
\v 33 Awan ti siasinoman a no malpasna a sindian ti lampara ket ikabilna iti maysa a nasipnget a siled wenno iti sirok ti labba, ngem ketdi, ikabilna iti pagidisdisuan iti lampara tapno masilawan dagiti sumrek. 
\v 34 Ti matam ket ti lampara iti bagi. No nasayaat ti matam, ti sibubukel a bagi ket mapno iti lawag. Ngem no saan a nasayaat ti matam, ti bagi ket mapno iti kinasipnget. 
\v 35 Ngarud, agannadkayo a ti lawag nga adda kadakayo ket saan a kinasipnget. 
\v 36 Tapno iti kasta, mapunno ti sibubukel a bagiyo iti lawag ken awan pasetna iti kinasipnget, ket ti entero a bagiyo ket agbalin a kasla adda lampara a mangisilnag iti lawagna kadakayo."

\s5
\v 37 Idi nalpas isuna a nagsao, dinawat ti maysa a Pariseo a makipangan isuna iti balayna, ket simrek ngarud ni Jesus ket nagsadag. 
\v 38 Ket nasdaaw ti Pariseo ta saan a nagbuggo ni Jesus sakbay iti pangrabii.

\s5
\v 39 Ngem kinuna ti Apo kenkuana, "Ita ngarud, dakayo a Pariseo, ugasanyo ti akinruar a paset dagiti tasa ken mallukong, ngem ti kaungganyo ket napunno iti kinaagom ken kinadakes. 
\v 40 Dakayo a saan a makaaw-awat a lallaki! Saan kadi a ti nangaramid iti akinruar ket aramidenna met ti akin-uneg? 
\v 41 Itedyo kadagiti nakurapay ti aniaman nga adda iti uneg, ket amin a banbanag ket madalusan para kadakayo.

\s5
\v 42 Ngem asi kayo pay a Pariseo, ta itedyo ti apagkapullo kadagiti menta ken ruda ken amin mulmula iti bangkag, ngem baybay-anyo ti kinalinteg ken ti ayat iti Dios. Nasisita nga agtignaykayo a nalinteg ken ayatenyo ti Dios, a saanyo met a liwayan nga aramiden dagiti dadduma a banbanag.

\s5
\v 43 Asikayo pay a Pariseo, ta kaykayatyo dagiti tugaw iti sangwanan idiay sinagoga ken dagiti narespeto a kablaaw iti ayan dagiti pagtagilakuan. 
\v 44 Asikayo pay, ta kaskayla kadagiti saan a namarkaan a tantanem a saan nga ammo dagiti tattao a badbaddekanda."

\s5
\v 45 Ket simmungbat kenkuana ti maysa a manursuro iti linteg dagiti Judio a kunana, "Maestro, lalaisennakami met dayta ibagbagam." 
\v 46 Kinuna ni Jesus, "Asikayo pay a manursuro iti linteg! Ta padagsenanyo dagiti lallaki kadagiti pakadadagsenan a narigat a baklayen, ngem saanyo uray laeng koma sagiden ti maysa kadagiti ramayyo dagidiay a pakadadagsenan.

\s5
\v 47 Asikayo pay, ta agipatakderkayo kadagiti pakalaglagipan a maipaay kadagiti tanem dagiti propeta, ngem dagiti kapuonanyo a nangpatay kadakuada. 
\v 48 Isu a saksikayo ken nangpanuynoy kadagiti aramid dagiti kapuonanyo, ta pudno a pinatayda dagiti propeta, nga akin-tanem kadagiti ipatpatakderanyo kadagiti pakalaglagipan.

\s5
\v 49 Gapu met laeng iti daytoy, kinuna ti kinasirib ti Dios, 'Ibaonkonto kadakuada dagiti propeta ken dagiti apostol ket idadanes ken patayenda ti dadduma kadakuada.' 
\v 50 Daytoyto a kaputotan ngarud ti mapabasol kadagiti amin a dara dagiti propeta a naibukbok sipud pay iti panangrugi ti lubong, 
\v 51 manipud iti dara ni Abel agingga iti dara ni Zacarias, a napapatay iti nagbaetan iti altar ken ti nasantoan a disso. Wen, ibagak kadakayo, a daytoyto a kaputotan ti mapabasol.

\s5
\v 52 Asikayo pay a mangisursuro kadagiti linteg ti Hudio, gapu ta innalayo ti tulbek iti pannakaammo; ket dakayo a mismo, saankayo a sumsumrek, ken laplappedanyo pay dagidiay a sumrek."

\s5
\v 53 Kalpasan a pimmanaw ni Jesus idiay, dagiti eskriba ken dagiti Pariseo, kinontrada isuna ken nakisinnuppiatda kenkuana maipanggep iti adu a banbanag, 
\v 54 kas panangpadasda a palab-ogan isuna kadagiti bukodna a sasao.

\s5
\c 12
\p 
\v 1 Kabayatanna, idi adu a rinibribo a tattao ti nagguummong, nga uray la nga agpipinnayatda iti tunggal maysa, umuna ti amin inrugina nga imbaga kadagiti adalanna, "Annadanyo iti lebadura dagiti Pariseo, nga isu ti panaginsisingpet.

\s5
\v 2 Ngem awan iti banag a nailemmeng, a saan a maibutaktak, ken awan ti nailimed a saan a maammoan. 
\v 3 Ta aniaman nga imbagam iti kinasipnget ket mangngegto iti lawag, ken aniaman nga insaom iti lapayag iti kaunggan a kuarto ket maiwaragawagto iti rabaw dagiti babbalay.

\s5
\v 4 Ibagak kadakayo gagayemko, saankayo nga agbuteng kadagidiay mangpatay iti bagi, ken kalpasan iti dayta ket awanen ti mabalinda nga aramiden. 
\v 5 Ngem ballaagankayo maipanggep iti pagbutnganyo. Pagbutnganyo isuna, isuna a kalpasan a mangpatay, addaan iti turay a mangitapuak kadakayo idiay impierno. Wen, ibagak kadakayo, agbuteng kayo kenkuana.

\s5
\v 6 Saan kadi a diay lima a billit tuleng ket mailako iti dua a babassit a barya? Nupay kasta, awan uray maysa kadakuada a malipatan iti imatang ti Dios. 
\v 7 Ngem uray pay ti buok iti uloyo ket nabilang amin. Saankayo nga agbuteng. Napatpategkayo ngem kadagiti adu a billit tuleng.

\s5
\v 8 Ibagak kadakayo, tunggal maysa a mangiwaragawag kaniak iti sangwanan dagiti tattao, iwaragawagto met ti Anak ti Tao iti sangwanan dagiti anghel ti Dios, 
\v 9 ngem isuna a mangilibak kaniak iti sangwanan dagiti tattao ket mailibakto met iti sangwanan dagiti anghel ti Dios. 
\v 10 Tunggal maysa nga agsao iti maibusor iti Anak ti Tao ket mapakawanto dayta kenkuana, ngem kenkuana nga agtabbaaw a maibusor iti Espiritu Santo ket saanto a mapakawan.

\s5
\v 11 No iyegdakayo idiay sinagoga ket isangodakayo kadagiti papanguloen ken agtuturay, saankayo a madanagan no kasanokayo nga agsao a mangikalintegan iti bagbagiyo, wenno ania ti ibagayo, 
\v 12 ta isuronakayonto ti Espiritu Santo no ania ti masapul nga ibagayo iti dayta nga oras."

\s5
\v 13 Ket kinuna kenkuana ti maysamanipud iti kaaduan ti tattao, "Maestro, ibagam ken ni kabsat ko ta pagbingayanmi ti tawidmi." 
\v 14 Kinuna ni Jesus kenkuana, "Lalaki, siasino ti namagbalin kaniak nga ukom wenno mangibabaet kadakayo?" 
\v 15 Ket kinunana kadakuada, "Annadanyo ti bagbagiyo manipud kadagiti amin a naagum a tarigagay. Ngamin, ti panagbiag iti tao ket saan a ti kinaadu iti sanikuana ti linaonna."

\s5
\v 16 Ket imbaga ni Jesus kadakuada ti maysa a pangngarig, a kunana, "Ti bangkag iti maysa a baknang a tao ket nawadwad ti inapitna, 
\v 17 ket inrasonna iti bagina a kunana, 'Ania ngata ti aramidek, agsipud ta awanen ti lugar a pangidulinak kadagiti apitko?' 
\v 18 Kinunana, 'Kastoy ti aramidek, rakrakek daytoy kamarinko ket agpatakderak iti dadakkel ket idiayto ti pangidulinak iti amin a bukbukelko ken dadduma pay a mausar. 
\v 19 Ibagakto iti kararuak, "Kararua, adun ti mausar a nakadulin para iti adu a tawen. Aginanaka a nagin-awa, mangan, uminom ken agragsakka.'"

\s5
\v 20 Ngem kinuna ti Dios kenkuana, 'Maag a tao, kasapulan kenka ti kararuam ita a rabii, ket dagita insaganam a banbanag, siasinonton ti akinkukua?' 
\v 21 Kasla kasta ti kaiyaspingan iti maysa nga agurnong iti kinabaknang a maipaay iti bagina ket saan a nabaknang iti maipanggep iti Dios."

\s5
\v 22 Imbaga ni Jesus kadagiti adalanna, "Ngarud, ibagak kadakayo, saan kayo madanagan maipapan iti panagbiagyo--no ania ti kanenyo, wenno maipapan iti bagiyo-- no ania ti ibadoyo. 
\v 23 Ta ti biag ket napatpateg ngem taraon, ken ti bagi ket napatpateg ngem ti badbado.

\s5
\v 24 Ibilangyo dagiti uwak, saanda nga agmulmula wenno agap-apit. Awan ti pangiduldulinanda wenno kamarinda, ngem pakpakanen ida ti Dios. Ket ad-addaa a napatpategkayo ngem kadagiti billit! 
\v 25 Ket siasino kadakayo ti makanayon iti maysa a cubit iti biagna gapu iti panagdandanag? 
\v 26 No kasta ngarud, awan ti kabaelanyo nga aramiden uray dayta a kababassitan a banag, apay ngarud a madanagankayo maipanggep kadagiti nabatbati?

\s5
\v 27 Panunotenyo dagiti lirio--no kasanoda a dumakkel. Saanda nga agtartarabaho, wenno agabel. Ngem ibagak kadakayo, uray pay ni Solomon iti amin a kinadayagna ket saan a nakawesan a kasla iti maysa kadagitoy. 
\v 28 No baduan ti Dios dagiti ruot iti tay-ak nga agbibiag tatta nga aldaw, ket no bigat maibelleng idiay pugon, nangnangruna pay a kawesannakayo, nagbassit ketdin ti pammatiyo!

\s5
\v 29 Saanyo a sapulen ti kanenyo ken ti inumenyo, ken saan kayo a madanagan. 
\v 30 Ta amin a nasion iti lubong ket sapsapulenda dagitoy a banbanag, ket ammo ti Amayo a masapulyo dagitoy nga banbanag.

\s5
\v 31 Ngem birukenyo ti pagarianna, ket dagitoy a banbanag ket mainayonto kadakayo. 
\v 32 Saankayo nga agbuteng, babassit nga arban, agsipud ta ti Amayo ket maay-ayo unay nga ited kadakayo ti pagarian.

\s5
\v 33 Ilakoyo dagiti sanikuayo ket itedyo kadagiti marigrigat. Iyaramidanyo dagiti bagbagiyo kadagiti pitaka a saan a marunot - kinabaknang idiay langit a saan a maibus, saan a maasitgan iti agtatakaw ken saan a dadaelen iti igges. 
\v 34 Ta no sadinno ti ayan iti kinabaknangyo, idiayto met ti ayan iti pusoyo.

\s5
\v 35 Bay-anyo a nakasuksok ti atiddug a badoyo iti barikesyo, ken bay-anyo nga agap-apuy dagiti lamparayo, 
\v 36 ken agbalinkayo a kas kadagiti tattao a mangpadpadaan iti amoda no agsubli isuna nga aggapu iti kasaran, tapno inton sumangpet ket agtuktok, dagusda a lukatan ti ridaw para kenkuana.

\s5
\v 37 Nabendisionan dagiti adipen, a masangpetan ti amongda a mangpadpadaan no sumangpet isuna. Pudno nga ibagak kadakayo, nga isuksoknanto ti atiddog a badona iti barikesna, patugawennanto ida iti panganan, ken umay ket pagserbianna ida. 
\v 38 No ti amo ket sumangpet iti maikadua a panagbantay iti rabii, wenno uray pay iti maikatallo a panagbantay, ket makitana ida a sisasagana, nabendisionan dagita nga adipen.

\s5
\v 39 Maysa pay, ammoenyo daytoy, a no ammo koma ti amo iti balay ti oras nga isasangpet ti agtatakaw, saanna koma a binaybay-an ti balayna a maserrek. 
\v 40 Agsaganakayo met, gapu ta saanyo nga ammo ti oras nga umay Ti Anak ti Tao."

\s5
\v 41 Kinuna ni Pedro, "Apo, ibagbagayo kadi dayta a pangngarig kadakami laeng, wenno iti amin?" 
\v 42 Kinuna ti Apo, "Siasino ngarud ti napudno ken nasirib a mangimatmaton, nga isunto ti isaad iti amongna a mangidaulo kadagiti dadduma pay nga adipenna a mangted kadakuada iti bingayda a makan iti umno nga oras? 
\v 43 Nabendisionan dayta nga adipen a masangpetan ti amongna nga ar-aramidenna dayta inton umay isuna. 
\v 44 Pudno nga ibagak kadakayo nga isaadnanto dayta nga adipen tapno agaywan kadagiti amin a sanikuana.

\s5
\v 45 Ngem no ibaga dayta nga adipen iti pusona, 'Itantantan met ti amongko ti panagsublina,' ket rugianannanto a kabilen dagiti adipen a lallaki ken babbai, ken mangan ken uminom, ken agbartek, 
\v 46 sumangpetto ti among iti dayta nga adipen iti maysa nga aldaw a saanna a mapakadaan, ken iti oras a saanna nga ammo, ket tadtadennanto isuna ken mangidutok iti lugar para kenkuana a kaduana dagiti saan a mapagtalkan.

\s5
\v 47 Dayta adipen nga ammona no ania ti pagayatan ti amongna nga aramidenna, ngem saan a nagsagana wenno saanna nga inaramid segun iti pagayatan ti amongna, ket mapang-urto iti mamin-adu. 
\v 48 Ngem isuna a saanna nga ammo, ket nakaaramid kadagiti banbanag a rumbeng a pakapang-uranna, ket mapang-urto iti bassit. Tunggal maysa a naikkan iti adu ket adunto met ti kasapulan kenkuana, ken iti nangitalekan iti ad-adu, ket ad-adunto met ti dawatenda kenkuana.

\s5
\v 49 Immayak tapno iwayatko ti apuy iti rabaw ti daga, ket anian a kalkalikagumak a daytoy ket nasindianen. 
\v 50 Ngem adda bautisar a pakabautisarakto, ket anian a dukotko agingga a matungpal!

\s5
\v 51 Ipagarupyo kadi nga immayak tapno mangiyeg iti kapia iti rabaw ti daga? Saan, ngem ketdi, pannakbingay-bingay. 
\v 52 Ta manipud ita ket addanto lima iti maysa a pagtaengan a mabingay-bingay-- ti tallo a tao ket busorenda ti dua, wenno ti dua a tao ket busorenda ti tallo. 
\v 53 Mabingay-bingaydanto, ti ama maibusor iti anak a lalaki, ken ti anak a lalaki maibusor iti ama; ti ina maibusor iti anak a babai, ken ti anak a babai maibusor iti inana, ti katugangan a babai maibusor iti manugangna a babai, ken ti manugang a babai maibusor iti katugangan a babai."

\s5
\v 54 Ibagbaga pay ni Jesus kadagiti tattao, "No makitayo ti ulep a ngumato iti laud, ibagayo a dagus, 'Umay ti arbis,' ket isu mapasamak. 
\v 55 Ket no agpuyupoy ti angin nga aggapu iti abagatan, ibagayo nga, 'Addanto iti makasinit a pudot,' ket isu mapasamak. 
\v 56 Dakayo nga aginsisingpet, ammoyo no kasano ti mangipatarus iti langa iti daga ken ti langlangit, ngem kasano a saanyo nga ammo iti mangipatarus iti agdama a tiempo?

\s5
\v 57 Apay a saanyo a maikeddeng no ania ti umno para kadagiti bagbagiyo? 
\v 58 Ta no mapankayo iti ukom a kaduayo ti kabusoryo, idiay pay laeng dalan ket aramidenyo iti pamuspusan tapno maurnos iti banag kenkuana tapno iti kasta ket saannakayo nga idatag iti ukom, ken tapno iti ukom ket saannakayo nga iyawat iti opisyal, ket dinakayto ipan ti opisyal iti pagbaludan. 
\v 59 Ibagak kadakayo, saankayonton a makaruar manipud idiay agingga a nabayadanyo amin a multa."

\s5
\c 13
\p 
\v 1 Iti dayta a tiempo, adda dagiti tattao sadiay a nangibaga kenkuana iti maipanggep kadagiti taga-Galilea a ti darada ket inlaok ni Pilato kadagiti mismo a datonda. 
\v 2 Simmungbat ni Jesus ket kinunana kadakuada, "Ipagarupyo kadi a dagitoy a taga- Galilea ket ad-adda a managbasol ngem dagiti dadduma a taga-Galilea gapu ta nagsagabada iti kastoy a wagas? 
\v 3 Saan, ibagak kadakayo. Ngem no dikay agbabawi, mapukawkayo amin a kas kadakuada.

\s5
\v 4 Wenno dagidiay sangapulo ket walo a tattao idiay Siloe a nagaburan idi narba ti torre ket isu iti nakatayanda, ipagarupyo kadi a nadakdakesda ngem kadagiti dadduma a tattao idiay Jerusalem? 
\v 5 Saan, kunak. Ngem no dikay agbabawi, mapukawkayto met amin."

\s5
\v 6 Imbaga ni Jesus daytoy a pangngarig, "Adda ti maysa a tao a nagmula iti igos idiay kaubasanna ket immay ken nagbiruk iti bungana ngem awan nasarakanna. 
\v 7 Kinuna ti lalaki iti hardinero, 'Kitaem, tallo a tawenen nga um-umayak tapno agbirukak iti bunga iti daytoy a kayo ti igos ngem awan nasarakak. Pukanemon. Apay nga ipalubos a sayangenna ti daga?'

\s5
\v 8 Simmungbat ti hardinero ket kinunana, 'Bay-am pay laeng iti daytoy a tawen ta kaliak ti aglawlawna sakunto abunoan iti rugit. 
\v 9 No agbunga iti daytoy sumaruno a tawen, nasayaat; ngem no saan, pukanemton!'"

\s5
\v 10 Itatta mangisursuro ni Jesus iti maysa kadagiti sinagoga iti Aldaw a Panaginana. 
\v 11 Pagammoan, adda iti babai sadiay a walo a tawenen a lugluganan iti dakes nga espiritu iti panagkapsut, nagbalin a kubbo ket saan a pulos a makatakder a nasayaat.

\s5
\v 12 Idi nakita ni Jesus ti babai, inayabanna ket kinunana, "Nawaya-wayaankan iti pagkapuyam." 
\v 13 Impatayna dagiti imana kenkuana ket dagus a limminteg ket nagdaydayaw isuna iti Dios. 
\v 14 Ngem nakapungtot ti agturturay iti sinagoga gapu ta nangpaimbag ni Jesus iti Aldaw ti Panaginana. Isu a simmungbat ti mangiturturay ket kinunana kadagiti adu a tattao, "Adda ti innem nga aldaw a masapul nga agtrabaho. Umaykayo ket mapaimbagkayo ngarud, saan nga iti Aldaw a Panaginana."

\s5
\v 15 Simmungbat ti Apo kenkuana ket kinunana, "Managinsisingpet! Diyo kadi aya a warwaran dagiti asno wenno bakayo iti nakaiparngedanda iti Aldaw a Panaginana tapno painumenyo ida? 
\v 16 Kasta met iti daytoy a babai nga anak ni Abraham, a tinalyan ni Satanas iti sangapulo ket walo a tawen, saan kadi aya a mabalin a warwaren ti talina iti Aldaw a Panaginana?"

\s5
\v 17 Idi naisaona dagitoy a banbanag, amin a nangsupiat kenkuana ket nabainan, ngem nagramrambak dagiti tattao kadagiti amin a nagloriaan a banbanag nga inaramidna.

\s5
\v 18 Ket kinuna ni Jesus, "Ania ti langa iti pagarian ti Dios, ken ania iti mabalinko a pangiyarigan? 
\v 19 Daytoy ket kasla bukel iti mustasa nga innala iti maysa a lalaki ket impurwakna idiay hardinna, ket dimmakkel daytoy a nagbalin a dakkel a kayo, ken dagiti billit sadi langit ket nagumokanda kadagiti sangsangana."

\s5
\v 20 Kinunana manen, "Ania ti pangiyarigak iti pagarian ti Dios? 
\v 21 Daytoy ket kasla iti lebadura nga innala iti maysa a babai ket inlaokna iti tallo a takal nga arina aginggana nga immalsa daytoy."

\s5
\v 22 Sinarungkaran ni Jesus ti tunggal ili ken barrio iti dalan a mapan Jerusalem ket sinuroanna ida. 
\v 23 Adda nagkuna kenkuana, "Apo, manmano laeng kadi a tattao ti maisalakan?" Isu a kinunana kadakuada, 
\v 24 "Ikarigatanyo ti sumrek iti nailet a ruangan, gapu ta adunto iti mangpadas ket saandanto a makastrek.

\s5
\v 25 Inton tummakder ti makinkukua iti balay ket irikepna ti ruangan, ket agtakderkayonto iti ruar ket agtuktokkayo iti ridaw ken ibagayo, 'Apo, Apo, pastrekennakami.' Sumungbatto ket ibagana kadakayo, 'Saankayo nga am-ammo wenno no sadino ti naggapuanyo.' 
\v 26 Ket ibagayonto, 'Nangankami ken imminom iti sangoanam ken nangisuroka kadagiti kalkalsadami. 
\v 27 Ngem isungbatnanto, 'Ibagak kadakayo, saanko nga ammo no sadinno iti naggapuanyo. Umadayokayo kaniak, dakayo nga agar-aramid iti dakes!'

\s5
\v 28 Addanto iti panagsasangit ken panagngaretnget iti ngipen inton makitayo da Abraham, Isaac, Jacob ken dagiti amin a propeta idiay pagarian ti Dios, ngem dakayo--naitapuakkayo iti ruar. 
\v 29 Sumangpetdanto manipud daya, laud, amianan ken abagatan ket aginanadanto iti panganan idiay pagarian ti Dios. 
\v 30 Ammoenyo daytoy, dagiti naudi ket dagiti umuna, ken dagiti umuna ket dagiti maudinto."

\s5
\v 31 Iti saan unay a nabayag, adda dagiti Pariseo nga immay kenkuana ket kinunada kenkuana, "Mapanka ket pumanawka ditoy ta ni Herodes ket kayatnaka a papatayen." 
\v 32 Kinuna ni Jesus, "Mapankayo ket ibagayo iti dayta a nauyong nga aso, 'Kitaem, paksiatek dagiti demonio ken mangpapaimbagak itatta ken inton bigat, ket iti maikatlo nga aldaw malpaskonton ti rantak.' 
\v 33 Iti aniaman a mapasamak, nasisita para kaniak nga agtultuloy ita nga aldaw, inton bigat ken iti sumaruno nga aldaw, gapu ta saan a rumbeng ti mangpatay iti propeta iti adayo iti Jerusalem.

\s5
\v 34 Jerusalem, Jerusalem, a mangpappapatay kadagiti propeta ken mangub-ubor kadagiti naibaon kenka.. Namin-ano a tinarigagayak nga ummongen dagiti an-annakmo a kas iti panagurnong ti upa kadagiti piekna iti siruk dagiti payyakna, ngem saanyo a kinayat daytoy. 
\v 35 Kitaenyo, nabaybay-an ta balayyo. Ibagak kadakayo, saandakto a makita aginggana nga ibagayo, 'Nabendisionan ti tao nga umay babaen iti nagan ti Apo.'"

\s5
\c 14
\p 
\v 1 Napasamak ti maysa nga Aldaw a Panaginana, idi napan isuna iti balay ti maysa a panguloen dagiti Pariseo tapno mangan iti tinapay, a palpaliiwenda isuna iti kasta unay. 
\v 2 Pagammoan, iti sangoananna ket adda lalaki nga agsagsagaba iti ibbal. 
\v 3 Nagsaludsod ni Jesus kadagiti Pariseo kadagiti nalalaing iti Linteg dagiti Judio, "Naingkalintegan kadi ti mangpaimbag iti Aldaw a Panaginana, wenno saan?"

\s5
\v 4 Ngem nagulimekda. Ngarud inigganan ni Jesus isuna, pinaimbagna isuna, ken pinapanawna isuna. 
\v 5 Kinunana kadakuada, "Siasino kadakayo ti addaan anak a lalaki wenno baka a no matnag iti bubon iti Aldaw a Panaginana ket saanna a dagus a guyuden nga iruar isuna?" 
\v 6 Saanda a nakaited iti sungbat kadagitoy a banbanag.

\s5
\v 7 Idi nadlaw ni Jesus no kasano a pinili dagiti naawis dagiti tugaw a nadayaw, nagsao isuna iti pangngarig, kinunana kadakuada, 
\v 8 "No dakayo ket ket inawis iti maysa a tao iti maysa a padaya, saankayo nga agtugaw iti lugar a nadayaw, gapu ta amangan no adda pay naawis nga ad-adda a mararaem ngem kadakayo. 
\v 9 No ti tao a nangawis kadakayo a dua ket sumangpet, ibagana kenka, 'Itedmo ti lugarmo iti daytoy maysa a tao,' ket ngarud, nabainanka nga umakar iti kanunummoan a lugar.

\s5
\v 10 Ngem no naawiska, mapanka agtugaw iti kanunummoan a lugar, tapno inton sumangpet ti nangawis kenka, mabalin nga ibagana kenka, 'Gayyem, inka iti nangatngato.' Ket mapadayawankanto iti imatang dagiti amin a kakaduam nga agtugtugaw iti ayan iti lamisaan. 
\v 11 Agsipud ta ti tunggal maysa a mangitan-ok iti bagina ket maipababanto, ken isuna a mangipababa iti bagina ket maitan-okto."

\s5
\v 12 Kinuna pay ni Jesus iti lalaki a nangawis kenkuana, "No mangipaayka iti pangngaldaw wenno pangrabii, saanmo nga awisen dagiti gagayyemmo wenno kakabsatmo wenno kakabagiam wenno dagiti nabaknang a kaarrubam, ta mabalindaka nga awisento, ket masubadanka.

\s5
\v 13 Ngem no agpadayaka, awisem dagiti nakurapay, dagiti paralitiko, dagiti pilay, 
\v 14 ken dagiti bulsek, ket mabendisyonankanto, agsipud ta saandaka a masubadan. Ta masubadankanto iti panagungar dagiti nalinteg."

\s5
\v 15 Idi nangngeg ti maysa a nakitugaw ken ni Jesus iti ayan iti lamisaan dagitoy a banbanag, kinunana kenkuana," Nabendisionan isuna a makipanganto iti tinapay iti pagarian ti Dios!" 
\v 16 Ngem kinuna ni Jesus kenkuana, "Adda maysa a lalaki a nangisagana iti dakkel a pangrabii ket nagawis iti adu. 
\v 17 Idi naisagana ti pangrabii, imbaonna ti adipenna tapno ibagana kadagiti naawis, 'Umaykayon, agsipud ta nakasagana aminen.'

\s5
\v 18 Ngem padapadada amin nga nangrugi nga agpambar. Kinuna kekuana ti umuna, 'Gimmatangak iti taltalon, ket masapul a mapanak ket kitaek. Dispensarennak.' 
\v 19 Kinuna met ti maysa, 'Nakagatangak met iti lima a paris iti baka, ket mapanko padasen ida. Dispensarennak.' 
\v 20 Kinuna met ti maysa a lalaki, 'Kaas-asawak laeng, ket ngarud saanak a makaumay.'

\s5
\v 21 Immay ti adipen ket imbagana iti amona dagitoy a banbanag. Ket nakapungtot ti amo iti balay ket kinunana iti adipenna, ' Darasem ti rumuar ket mapanka kadagiti kalkalsada ken daldalan ti siudad ket iyegmo ditoy dagiti nakurapay, dagiti paralitiko, dagiti bulsek, ken dagiti pilay.' 
\v 22 Kinuna ti adipen, 'Amo, ti imbilinmo ket naaramiden, ngem adda pay latta ti pagyanan.'

\s5
\v 23 Kinuna ti amo iti adipen, 'Rumuarka kadagiti kalkalsada ken bitbit-ang ket pilitem isuda a sumrek, tapno mapunno koma ti balayko. 
\v 24 Ta ibagak kenka, awan kadagiti lallaki nga immuna a naawis ti makaramanto iti pangrabiik.'"

\s5
\v 25 Itatta adu unay a tattao ti sumursurot kenkuana, ket timmalyaw isuna ket kinunana kadakuada, 
\v 26 "No adda siasinnoman nga umay kaniak ket saanna a guraen ti bukodna nga ama, ina, asawa, annak, kakabsat a lallaki ken babbai--wen, ken ti bukodna met biag-saan isuna a mabalin nga agbalin nga adalak. 
\v 27 Ti siasinoman a saan a mangawit ti bukodna a krus ken umay sumurot kaniak ket saan a mabalin nga agbalin nga adalak.

\s5
\v 28 Ta siasino kadakayo, nga agtarigagay nga agpatakder iti tore, ti saan nga agtugaw nga umuna ken mangbilang iti magastos tapno makwentana no adda kenkuana dagiti masapulna nga mangleppas iti daytoy? 
\v 29 Ta no saan, no naikabilnan ti pundasyon ket saanna a kinabaelan nga inleppas, amin a makakita ket ruggianda nga uyawen isuna a 
\v 30 kunaenda, 'Nangrugi a nangipatakder daytoy a tao ngem saanna met a kinabaelan nga ileppas.'

\s5
\v 31 Wenno ania nga ari, iti ipapanna a mangsaranget iti maysa pay nga ari iti gubat, saan nga agtugaw nga umuna ken mangala iti pammagbaga no kabaelanna ti makiranget a kaduana iti sangapulo a ribo a lallaki iti maysa pay nga ari nga umay manggubat kenkuana a kaduana iti duapulo a ribo a lallaki? 
\v 32 Ket no saan, kabayatan nga adayo pay ti sabali a bunggoy dagiti suldado, mangibaon isuna iti mangibagi ket damagenna no ania dagiti pagtulagan iti kapia. 
\v 33 Isu nga, siasinoman kadakayo a saan a mangibbat kadagiti amin nga adda kenkuana ket saan a mabalin nga agbalin nga adalak.

\s5
\v 34 Nasayaat ti asin, ngem no mapukaw iti asin ti ramanna, kasano daytoy a paapgaden manen? 
\v 35 Awanen ti usarna a maipaay iti daga wenno uray pay iti takki a napenpen. Maibelleng daytoy. Siasinnoman nga adda lapayagna a dumngeg, bay-anyo isuna a dumngeg."

\s5
\c 15
\p 
\v 1 Itatta, amin dagiti agsingsingir iti buis ken dadduma pay a managbasol ket um-umay ken ni Jesus tapno dumngeg kenkuana. 
\v 2 Dagiti Fariseo ken eskriba ket agtatanabutobda iti tunggal maysa, a kunkunada, "Awaten met daytoy a tao dagiti managbasol, ken makipangan pay kadakuada."

\s5
\v 3 Sinarita ni Jesus daytoy a pangngarig kadakuada a kinunana, 
\v 4 "Siasino kadakayo, no adda sangagasut a karnerona ket napukaw ti maysa kadagitoy, ti saan a mangpanaw kadagiti siam a pulo ket siam idiay let-ang, ket mapanna sapulen ti maysa a napukaw agingga a masarakanna daytoy? 
\v 5 Ket inton nasarakanna daytoy, baklayenna daytoy ket agragsak.

\s5
\v 6 Inton addan iti balay, ayabanna dagiti gagayyem ken kaarrubana, a kunana kadakuada, "Umaykayo makipagraksak kaniak, ta nasapulak ti napukaw a karnerok.' 
\v 7 Ibagak kadakayo nga ad-adda pay ti panagrag-o idiay langit iti maysa nga agbabawi, ngem iti siam a pulo ket siam a nalinteg a tattao a saan a kasapulan ti agbabawi.

\s5
\v 8 Wenno ania a babai nga addaan sangapulo a pirak, no mapukawna ti maysa a pirak, ti saan a mangsindi iti pagsilawan, walisanna ti balay, ket sapulenna a naimbag agingga a masarakanna daytoy? 
\v 9 Ket inton nasarakanna, ayabanna dagiti gagayyem ken kaarrubana, a kunana, 'Umaykayo makipagragsak kaniak, ta nasapulak ti pirak a napukawko.' 
\v 10 Kasta met, ibagak kadakayo, adda panagragsak iti presensia dagiti angel ti Dios gapu iti maysa a managbasol nga agbabawi."

\s5
\v 11 Ket kinuna ni Jesus, "Adda maysa a lalaki nga addaan dua nga annak a lallaki, 
\v 12 ket kinuna ti inaudi nga anak, 'Ama, itedmo itan ti sanikua a naituding a tawidek.' Ket biningayna ngarud ti kinabaknangna kadakuada.

\s5
\v 13 Kalpasan ti saan unay nga adu nga al-aldaw, nagrubwat ti inaudi nga anak ket nagdalyasat a napan iti adayo a pagilian, ket idiay binusbosna amin a kuartana iti nalabes unay a panagbiag. 
\v 14 Idi awanen ti kuartana, adda dakkel a panagbisin a napasamak iti dayta a pagilian, ket mangrugin isuna nga agksapulan.

\s5
\v 15 Napan isuna ket nagpatangdan iti maysa kadagiti tattao iti dayta a pagilian, a nangibaon kenkuana idiay taltalon tapno agpakan kadagiti babbaboy. 
\v 16 Ket ragragsakenna koma payen a kanen dagiti taraon dagiti babbaboy, gapu ta awan ti mangted ti uray ania a kanenna.

\s5
\v 17 Ngem idi nakapagpanpanunot ti inaudi nga anak, kinunana, 'Nagadu kadagiti tatangdanan nga adipen ni amak ti aglaplapusanan ti taraonna, idinto nga addaak ditoy a matmatay gapu iti bisin! 
\v 18 Pumanawak ditoy ket mapanak ken ni amak, ket ibagakto kenkuana, "Ama, nagbasolak iti langit ken iti imatangmo. 
\v 19 Saanakon a maikari a maawagan nga anakmo; aramidennak laengen kas maysa kadagiti tatangdanan nga adipenmo."'

\s5
\v 20 Pimmanaw ngarud ti inaudi nga anak, ket nagsubli ken amana. Idi adayo paylaeng isuna, nakita ti amana ket natignay nga addaan asi, ket timmaray, ken inarakup ken inagkanna isuna. 
\v 21 Kinuna ti anak kenkuana, 'Ama, nakabasolak iti langit ken iti imatangmo. Saanakon a maikari a maawagan nga anakmo.'

\s5
\v 22 Kinuna ti ama kadagiti adipenna, 'Darasenyo nga iyeg ti kasasayaatan a pagan-anay ket ikawesyo kenkuana, singsinganyo ti imana ken sapatosanyo dagiti sakana. 
\v 23 Alaenyo pay ti napalukmeg nga urbon a baka ket partienyo. Mangan ken agrambaktayo. 
\v 24 Ta natay ti annako, ket itan nabiag. Napukaw isuna, ket itan nasarakan.' Ket rinugianda ngarud ti nagrambak.

\s5
\v 25 Ita, adda ti inauna nga anak idiay taltalon. Idi makaasideg isuna iti balay, nangngegna ti tukar ken salsala. 
\v 26 Inayabanna ti maysa kadagiti adipen ket sinaludsodna no ania ngata dagitoy a banbanag. 
\v 27 Kinuna ti adipen kenkuana, 'Simmangpet ti kabsatmo ket nagpaparti ti amam iti napalukmeg nga urbon a baka, gapu ta simmangpet isuna a sitatalged.'

\s5
\v 28 Nakapungtot ti inauna nga anak, ken saan a sumrek, ket rimmuar ti amana, ken nagpakpakaasi kenkuana. 
\v 29 Ngem simmungbat ti inauna nga anak ket kinunana iti amana, "Kitaem, nagpatagaboak kadakayo kadagitoy adu a tawtawen, ket saanko a pulos nga linabsing ti paglinteganyo, ngem saandak man laeng nga inikkan iti urbon a kalding tapno agrambakkami kuma met kadagiti gagayemko, 
\v 30 ngem idi simmangpet ti anakyo, a nangbusbos iti kinabaknangyo kadagiti balangkantis, nagpratikayo a maipaay kenkuana iti napalukmeg nga urbon a baka.'

\s5
\v 31 Kinuna ti ama kenkuana, "Anakko, addaka a kanayon iti dennak, ket amin a kukuak ket kukuam. 
\v 32 Ngem rumbeng laeng para kadatayo nga agrambak ken agragsak, agsipud ta daytoy kabsatmo ket natay, ket ita nabiag; napukaw isuna ngem ita nasarakan.'"

\s5
\c 16
\p 
\v 1 Kinuna pay ni Jesus kadagiti adalan, "Adda maysa a nabaknang nga addaan iti mangimatmaton, ken naipadamag kenkuana a busbusbosen daytoy a mangimatmaton dagiti sanikuana. 
\v 2 Isu nga inayaban ti nabaknang ti mangimatmaton ket kinunana kenkuana, 'Ania daytoy mangmangngegko a maipanggep kenka? Itedmo kaniak ti listaan dagiti amin a naaramidam, ta saankan a mabalin a mangimaton.'

\s5
\v 3 Kinuna ti mangimatmaton iti bagina, 'Ania ti nasken nga aramidek, agsipud ta alaenen ti amongko ti trabahok a mangimaton? Awan ti pigsak nga agkali, ken mabainak nga agpalama. 
\v 4 Ammokon ti aramidek, tapno inton maikkatak iti trabahok, awatendakto dagiti tattao iti babbalayda.'

\s5
\v 5 Inayaban ngarud ti mangimatmaton ti tunggal maysa kadagiti nakabulod iti amongna ket dinamagna iti immuna, 'Mano ti binulodmo iti amongko?' 
\v 6 Ket kinunana, 'Sangagasut a rukod iti lana ti olibo,' Ket kinunana kenkuana, 'Alaem ti listaan, agtugawka a dagus ket isuratmo ti limapulo.' 
\v 7 Ket kinuna ti mangimatmaton iti maysa, 'Ket mano ti utangmo?' Kinunana, 'Sangagasut a rukod iti trigo.' Kinunana kenkuana, 'Alaem ti listaam, ket isuratmo ti walopulo.'

\s5
\v 8 Dinayaw ngarud ti nabaknang ti saan a nalinteg a mangimatmaton gapu ti inaramidna a kinasikap. Ta dagiti annak iti daytoy a lubong ket ad-adda iti kinasikapda no maipanggep kadagiti bukodda a tattao ngem kadagiti annak iti lawag. 
\v 9 Ibagak kadakayo, makigayyemkayo babaen iti nainlubongan a kinabaknang, tapno inton awanen, mabalin a pasangbayendakayo idiay agnanayon a pagtaengan.

\s5
\v 10 Isuna a mapagtalkan iti bassit ket mapagtalkan met iti adu, ken isuna a saan a nalinteg iti bassit ket saan met a nalinteg iti adu. 
\v 11 Ngarud, no saankayo a mapagtalkan iti panangus-usaryo iti nainlubongan a kinabaknang, siasino ti mangitalek kadakayo iti pudno a kinabaknang? 
\v 12 Kasta met, no saankayo a nagbalin a mapagtalkan iti kukua iti sabali, siasino ti mangted kadakayo iti bukodyo?

\s5
\v 13 Awan adipen a mabalinna ti agserbi iti duwa nga amo, ta masapul nga guraenna ti maysa ken ipategna ti maysa. Wenno agbalin a napasnek iti maysa ken umsienna ti maysa. Saankayo a makapagserbi iti Dios ken iti kinabaknang."

\s5
\v 14 Idi nangngeg daytoy dagiti Pariseo a mangay-ayat iti kuarta, pinagang-angawanda isuna. 
\v 15 Ket imbagana kadakuada, "Ikalkalinteganyo dagiti bagbagiyo iti imatang dagiti tattao, ngem ammo ti Dios ti puspusoyo. Agsipud ta ti maitan-ok kadagiti tattao ket makapakarurod iti imatang ti Dios.

\s5
\v 16 Maar-aramat ti linteg ken dagiti propeta agingga nga immay ni Juan. Manipud idi, ti naimbag a damag ti pagarian ti Dios ket naikasaba, ken tunggal maysa padpadasenda nga ipilit ti wagasda iti daytoy. 
\v 17 Ngem nalaklaka a mapukaw ti langit ken daga ngem iti pannakaawan-serbi ti maysa a letra iti linteg.

\s5
\v 18 Tunggal maysa a mangisina iti asawana a babai ken mangasawa iti sabali ket nakikamalala, ken siasinoman a mangasawa iti babai a naisina iti asawana ket nakikamalala.

\s5
\v 19 Itatta adda maysa a nabaknang a nakakawes iti maris-lila ken pino a lino, ken inaldaw a ragragsakenna ti dakkel a kinabaknangna. 
\v 20 Adda maysa nga agpalpalama a managan Lazaro nga adda iti ruanganna ken napunno iti gaddil, 
\v 21 ket kanayon nga agtartarigagay a mapakan iti aniaman a matinnag manipud iti lamisaan iti nabaknang - ken malaksid iti dayta, umay pay dagiti aso a mangdilpat kadagiti gaddilna.

\s5
\v 22 Ti napasamak ket natay ti agpalpalama ket impan dagiti anghel iti sibay ni Abraham. Natay met ti baknang ket naitabon, ket idiay hades, 
\v 23 idi madama nga agsagsagaba, inngatona ti panagkitana ket nakitana iti adayo ni Lasaro a nakasanggir iti barukong ni Abraham.

\s5
\v 24 Ket immawag isuna ket kunana, 'Ama Abraham, kaasiannak koma. Ibaonmo ni Lazaro tapno isawsawna koma ti murdong iti ramayna iti danum, ket palammiisanna ti dilak, ta agsagsagabaak unay iti daytoy nga uram.'

\s5
\v 25 Ngem kinuna ni Abraham, 'Anak, laglagipem nga inawatmo dagiti agkakaimbag a banbanag iti unos ti panagbiagmo, ket inawat met ni Lazaro dagiti agkakadakes a banbanag. Ngem ita adda ditoy a maliwliwa, ken addaka iti nakaro a panagrigat. 
\v 26 Ken malaksid iti amin dagitoy, adda dakkel a yuyeng a silalagda a naikabil, tapno dagiti adda ditoy a kayatna ti bumallasiw ket saan a makapan dita, ken awan makaumay ditoy nga aggapu dita.'

\s5
\v 27 Kinuna ti baknang, 'Agpakpakaasiak kenka, Ama Abraham, nga ibaonmo isuna idiay balay ni amak 
\v 28 ta adda lima a kakabsat ko a lallaki - tapno maballaaganna isuda, tapno agbutengda ket saanda met nga umay iti daytoy a lugar a pagtutuokan.'

\s5
\v 29 Ngem kinuna ni Abraham, 'Adda kadakuada ni Moises ken dagiti propeta; bay-am a dumngegda kadakuada.' 
\v 30 Insungbat ti baknang, 'Saan, Ama Abraham, ngem no adda maysa a mapan kadakuada manipud kadagiti natay, agbabawida.' 
\v 31 Ngem imbaga ni Abraham kenkuana, 'No saanda a dumngeg ken ni Moises ken kadagiti propeta, saanda met laeng a maallukoy uray adda agbiag manipud ken patay.'"

\s5
\c 17
\p 
\v 1 Kinuna ni Jesus kadagiti adalanna, "Pudno nga umay dagiti banbanag a pakaigapuan iti panagbasol, ngem asi pay isuna a paggapuan dagitoy nga umay! 
\v 2 Nasaysayaat pay no makabilan ti tengngedna iti bato a paggilingan ken maitapuak isuna iti baybay, ngem ti agbalin a pakaigapuan a maysa kadagitoy a babassit a maitublak.

\s5
\v 3 Siputanyo dagiti bagbagiyo. No nakabasol ti kabsatyo, babalawenyo isuna, ket no agbabawi, pakawanenyo isuna. 
\v 4 No nakabasol isuna kadakayo iti maminpito a daras iti maysa nga aldaw, ken maminpito a daras nga agsubli kadakayo, a kunana, 'Agbabawiak,' masapul a pakawanenyo isuna!"

\s5
\v 5 Kinuna dagiti apostol iti Apo, "Padakkelem ti pammatimi." 
\v 6 Kinuna ti Apo, "No adda pammatiyo a kas iti bukel ti mustasa, mabalinyo a kunaen iti daytoy a kayo iti sikamoro, 'Maparutka, ken maimulaka iti baybay,' ket adda nga agtulnog kenka.

\s5
\v 7 Ngem siasino kadakayo, nga addaan iti adipen nga agar-arado wenno agay-aywan iti karnero, ti mangibagana kenkuana inton sumangpet manipud iti taltalon, 'Umayka a dagus ket agtugawka tapno manganka.' 
\v 8 Saanna kadi nga ibaga kenkuana, 'Mangisaganaka iti aniaman a taraon a kanek, ken agikabilka iti barikes dita kawesmo ken pagserbiannak agingga a malpasak a mangan ken uminom. Ket kalpasanna mabalinkan a mangan ken uminom'?

\s5
\v 9 Saan isuna nga agyaman iti adipen gapu ta inaramidna dagiti banbanag a naibilin, saan kadi? 
\v 10 Uray met kadakayo, inton naaramidyo amin a naibilin kadakayo, masapul nga ibagayo, 'Saankami a maikari nga ad-adipen. Inaramidmi laeng no ania ti rumbeng nga aramidenmi.'"

\s5
\v 11 Napasamak ket kabayatan nga addada iti dalan nga agturong idiay Jerusalem, agdaldalyasat isuna idiay nagbaetan ti Samaria ken ti Galilea. 
\v 12 Idi sumrek isuna iti maysa a barrio, sadiay sinabat isuna iti sangapulo a lallaki nga agketong. Timmakderda iti adayo manipud kenkuana 
\v 13 ket inngatoda dagiti timekda, a kunada, "Jesus, Maestro, kaasiannakami."

\s5
\v 14 Idi nakitana isuda, kinunana kadakuada, "Mapankayo ket ipakitayo dagiti bagbagiyo kadagiti papadi." Ket dimteng dayta a kanito, kabayatan a mapmapanda, isuda ket nadalusan. 
\v 15 Idi nakita ti maysa kadakuada nga immimbag isuna, nagsubli, ket iti napigsa a timek indaydayawna ti Dios. 
\v 16 Nagdumog isuna iti sakaanan ni Jesus, ket nagyaman kenkuana. Isuna ket Samaritano.

\s5
\v 17 Iti sungbat ni Jesus, kinunana, "Saan aya a sangapulo ti nadalusan? 
\v 18 Ayandan dagiti siam? Awan kadin ti dadduma a nagsubli a mangted dayaw iti Dios, malaksid iti daytoy a gangannaet?" 
\v 19 Kinunana kenkuana, "Tumakderka, ken mapanka. Ti pammatim ti nangpaimbag kenka."

\s5
\v 20 Gapu ta sinaludsod dagiti Pariseo no kaano nga umay ti pagarian ti Dios, simmungbat ni Jesus kadakuada a kinunana, "Ti pagarian ti Dios ket saan a maysa a banag a maimatangan. 
\v 21 Urayno ibagadanto, 'Kumitakayo ditoy! wenno, 'Kumitakayo idiay!' gapu ta ti pagarian ti Dios ket adda kadakayo."

\s5
\v 22 Kinuna ni Jesus kadagiti adalan, "Umayto dagiti al-aldaw a tarigagayanyo a makita ti maysa kadagiti al-aldaw iti Anak ti Tao, ngem daytoy ket saanyonto a makita. 
\v 23 Ibagadanto kadakayo, 'Kitaenyo, idiay! Kitaenyo, ditoy!' Ngem diyo mapan kitaen, wenno suroten ida, 
\v 24 gapu ta no kasano ti panagparang ti kimat inton aggilap manipud iti maysa a paset iti tangatang nga agturong iti maysa a paset ti tangatang, ngarud kasdiayto met ti Anak ti Tao inton aldawna.

\s5
\v 25 Ngem masapul nga agsagaba nga umuna isuna iti adu a banbanag ken mailaksid iti daytoy a kaputotan. 
\v 26 Kas iti napasamak kadagiti al-aldaw ni Noe, kasdiayto met ti mapasamak kadagiti al-aldaw ti Anak ti Tao. 
\v 27 Nanganda, nagbartekda, nangasawada, ken naitedda a maasawa, agingga iti aldaw a simrek ni Noe iti daong - ken immay ti layus ket dinadaelna ida amin.

\s5
\v 28 Kasta met ti napasamak idi al-aldaw ni Lot, nanganda, nagbartek, naggatang, naglaku, nagmula, ken nagpatakderda. 
\v 29 Ngem iti aldaw a rimmuar ni Lot manipud iti Sodoma, nagtudo iti apuy ken asupre manipud langit ket dinadaelna ida amin.

\s5
\v 30 Kastanto met ti mapasamak inton aldaw a maipakaamo ti Anak ti Tao. 
\v 31 Iti dayta nga aldaw, saanto a mapalubosan ti siasinoman nga adda iti tuktok ti balay a bumaba tapno iruarna dagiti gamengna manipud iti balay. Ken saanto met a mapalubosan nga agsubli ti siasinoman nga adda iti kataltalunan.

\s5
\v 32 Lagipenyo ti asawa ni Lot. 
\v 33 Ti siasinoman a mangbiruk tapno magun-odna ti biagna ket mapukawnanto daytoy, ngem ti siasinoman a makapukaw iti biagna maisalakannanto daytoy.

\s5
\v 34 Ibagak kadakayo, iti dayta a rabii addanto dua a lallaki iti maymaysa a pagiddaan. Maalanto ti maysa, ket mabatinto ti maysa. 
\v 35 Addanto ti dua a babbai nga agkadua nga aggilgiling. Maalanto ti maysa ket mabatinto ti maysa." 
\v 36 
\v 37 Dagiti kasayaatan a nagkauna a kopya iti Lucas 17: 36 ket naikkat. Addanto dua iti taltalon, maalanto ti maysa ket mabatinto ti maysa.

\s5
\v 37 Dinamagda kenkuana, " Sadinno, Apo?" Ken kinunana kadakuada, "No sadinno ti ayan iti bagi, saddiayto met ti paguurnungan dagiti buitre."

\s5
\c 18
\p 
\v 1 Ket nagsao isuna kadakuada iti maysa a pangngarig no kasanoda koma nga agkararag a kanayon, ken saan a maupay, 
\v 2 kinunana, "Adda idiay maysa a siudad iti maysa nga ukom nga awan panagbutengna iti Dios ken saan nga agraem kadagiti tattao.

\s5
\v 3 Tatta adda ti maysa a balo iti dayta a siudad, ket masansan iti ipapanna kenkuana, a kunkunana, 'Tulungannak a manggun-od iti hustisya kontra iti kabusorko.' 
\v 4 Iti naunday a tiempo ket saanna a kayat a tulongan isuna, ngem kalpasan dayta kinunana iti bagina, 'No man pay saanak nga agbuteng iti Dios wenno agraem iti tao, 
\v 5 ngem gapu ta mangmangted kaniak iti riribok daytoy a balo, tulungakon isuna a manggun-od iti hustisya, tapno saannak a bannugen babaen iti kanayonna a panagsubli-subli.'"

\s5
\v 6 Ket kinuna ti Apo, "Denggenyo no ania ti kuna iti saan a nalinteg nga ukom. 
\v 7 Ita saan aya nga iyegto met ti Dios ti hustisya kadagiti napilina a tattao nga umawag kenkuana iti aldaw ken rabii? Saanna kadi ida nga anusan? 
\v 8 Ibagak kadakayo nga itednanto a dagus ti hustisya kadakuada. Ngem inton umay ti Anak ti Tao, addanto pay ngata pammati a masarakanna ditoy daga?"

\s5
\v 9 Ket sinaritana met ti maysa a pangngarig kadagiti dadduma a naallukoy kadagiti bagbagida nga isuda ket nalinteg ken mangum-umsi kadagiti dadduma a tattao, 
\v 10 "Adda dua a lalaki a napan idiay templo nga agkararag - ti maysa ket Pariseo ken ti maysa ket agsingsingir iti buis.

\s5
\v 11 Timmakder ti Pariseo ket inkararagna dagitoy a banbanag maipanggep iti bagina, 'Dios, agyamanak ta saanak a kas kadagiti sabali a tattao nga agtatakaw, saan a nalinteg a tattao, mannakikamalala, wenno kas iti daytoy nga agsingsingir iti buis. 
\v 12 Agayunarak iti dua a daras iti makalawas. Itedko ti agpakapulo iti amin a masapulak.'

\s5
\v 13 Ngem ti agsingsingir ti buis, nga agtaktakder iti adayo, pulos a saanna pay a maitangad ti mata sadi langit, ngem dandanogenna ti barukongna, kunkunana, 'O Dios, maasika kaniak, a managbasol.' 
\v 14 Ibagak kadakayo, nagsubli daytoy a tao iti pagtaenganna nga ad-adda a napalinteg ngem iti sabali, agsipud ta ti tunggal maysa a mangitan-ok iti bagina ket maipababanto, ngem ti tunggal maysa a mangipakumbaba iti bagina ket maitan-okto."

\s5
\v 15 Iyeyeg met dagiti tattao dagiti maladagada kenkuana, ta bareng no sagidenna ida, ngem idi nakita dagiti adalan daytoy, binabalawda ida. 
\v 16 Ngem inayaban ni Jesus ida kenkuana, kunana, "Palubosanyo dagiti babassit nga ubbing nga umay kaniak, ken saanyo ida a paritan. Gapu ta ti pagarian ti Dios ket maipaay iti kas kadakuada. 
\v 17 Pudno ibagak kadakayo, siasinoman a saan nga umawat iti pagarian ti Dios a kas iti ubing ket saanto pulos a makastrek iti daytoy."

\s5
\v 18 Maysa a mangiturturay ti nagdamag kenkuana, kunana, "Naimbag a maestro, ania ti masapul nga aramidek tapno matawidko iti agnanayon a biag?" 
\v 19 Kinuna ni Jesus kenkuana, "Apay nga awagannak a naimbag? Awan ti naimbag no di ti Dios laeng. 
\v 20 Ammom dagiti bilbilin - saanka a makikamalala, saanka a pumatay, saanka nga agtakaw, saanka nga agsaksi iti ulbod, raemem ti amam ken ti inam." 
\v 21 Kinuna ti mangiturturay, "Amin dagitoy a banbanag ket pinagtulnogak manipud pay iti kinaagtutubok."

\s5
\v 22 Idi nangngegan ni Jesus dayta, kinunana kenkuana, "Adda pay maysa a banag a pagkurangam. Masapul nga ilakom dagiti amin nga adda kenka ket ibunongmo kadagiti nakurapay, ket maaddaankanto iti gameng sadi langit - ket umayka, surotennak." 
\v 23 Ngem idi nangngeganna dagitoy a banbanag, nakaro ti ladingitna agsipud ta isu ket nabaknang unay.

\s5
\v 24 Ket idi nakita ni Jesus, iti panangkitkitana kenkuana, nagladingit unay ket kinunana, "Nagrigat ketdin aya kadagiti nabaknang ti sumrek iti pagarian ti Dios! 
\v 25 Agsipud ta nalaklaka pay a sumrek ti kamelio iti mata ti dagum, ngem iti nabaknang a tao a sumrek iti pagarian ti Dios."

\s5
\v 26 Kinuna dagiti nakangngeg iti daytoy, "Ket siasino ngarud ti mabalin a maisalakan?" 
\v 27 Simmungbat ni Jesus, "Dagiti banbanag a saan a mabalin iti tao ket mabalin iti Dios."

\s5
\v 28 Kinuna ni Pedro, "Adtoy, imbatimi amin a banag a kukuami ket simmurot kami kenka." 
\v 29 Kinuna ngarud ni Jesus kadakuada, "Pudno, ibagak kadakayo nga awan ti siasinoman a nangpanaw iti balayna, wenno iti asawana a babai, wenno iti kakabsatna a lalaki, wenno dagiti nagannakna, wenno dagiti annakna, para iti pagsayaatan iti pagarian ti Dios, 
\v 30 a saanto nga umawat iti ad-adu pay iti daytoy a lubong, ken iti lubong nga umay, biag nga agnanayon."

\s5
\v 31 Kalpasan nga inummongna dagiti sangapulo ket dua kenkuana, kinunana kadakuada, "Kitaenyo, sumang-attayo idiay Jerusalem, ket amin a banbanag nga insurat dagiti propeta maipanggep iti Anak ti Tao ket matungpalto. 
\v 32 Agsipud ta maiyawatto isuna kadagiti Hentil, ken mairurumento, ken mapabainanto, ken matupraanto. 
\v 33 Kalpasan a saplitenda isuna, papatayenda isuna ken iti maikatallo nga aldaw, agungarto.

\s5
\v 34 Awan ti naawatanda kadagitoy a banbanag, ken dagitoy a sasao ket nailemmeng kadakuada, ken saanda a naawatan dagiti banbanag a naisao.

\s5
\v 35 Napasamak a bayat nga umas-asideg ni Jesus iti Jerico, adda maysa a bulsek a nakatugaw iti igid ti kalsada nga agpalpalama, 
\v 36 ket idi nangngegna a lumablabas ti adu a tattao, sinaludsodna no ania ti mapaspasamak. 
\v 37 Imbagada kenkuana a lumablabas ni Jesus a taga-Nazaret.

\s5
\v 38 Nagpukkaw ngarud ti bulsek a kunana, "Jesus, anak ni David, maasika kaniak." 
\v 39 Tinubngar dagiti adda iti sango ket imbagada kenkuana nga agulimek. Ngem inyad-addana pay ti nagpukkaw, "Anak ni David, maasika kaniak."

\s5
\v 40 Nagsardeng ni Jesus ket inbilinna nga iyegda ti lalaki kenkuana. Ket idi asidegen ti bulsek a lalaki, sinaludsod ni Jesus kenkuana, 
\v 41 "Ania ti kayatmo nga aramidek kenka?" Kinuna ti lalaki, "Apo, kayatko a maawat ti panagkitak."

\s5
\v 42 Kinuna ni Jesus kenkuana, "Awatem ti panagkitam. Pinaimbagnaka ti pammatim." 
\v 43 Dagus a naawatna ti panagkitana, ken simmurot kenkuana, nga agdaydayaw iti Dios. Idi nakita daytoy dagiti amin a tattao, indayawda iti Dios.

\s5
\c 19
\p 
\v 1 Simrek ni Jesus ken lumablabas idiay Jerico. 
\v 2 Sadiay, adda ti tao a managan Zakeo. Isuna ket panguloen dagiti agsingsingir iti buis ken nabaknang.

\s5
\v 3 Padpadasenna a kitaen no siasino ni Jesus, ngem saanna a makita ta malingdan iti tallaong, gapu ta kurang ti kinatayagna. 
\v 4 Nagtaray ngarud nga inunaanna dagiti tattao ket kimmalay-at iti maysa a kayo a sikamoro tapno makitana isuna, gapu ta lumabasen ni Jesus iti dayta a dalan.

\s5
\v 5 Idi immayen ni Jesus iti daydiay a lugar, timmangad isuna ket kinunana kenkuana, "Zakeo, umulog ka dita a dagus, ta ita nga aldaw, masapul nga aggianak idiay balaymo." 
\v 6 Ngarud nagdardaras nga immulog ket sirararag-o a pinasangbayna isuna. 
\v 7 Idi nakita daytoy dagiti amin, nagtanabutobda amin, a kunada, "Simrek isuna a mangbisita iti tao a managbasol."

\s5
\v 8 Timmakder ni Zakeo ket kinunana iti Apo, "Kitaenyo Apo, kagudua kadagiti sanikuak ket itedko kadagiti napanglaw, ken no bilang man ta adda iti kinusitko iti aniaman a banag, isublik iti mamin-uppat a daras iti gatadna." 
\v 9 Kinuna ni Jesus kenkuana, "Ita nga aldaw, immay ti pannakaisalakan iti daytoy a pagtaengan, gapu ta isuna ket anak met ni Abraham. 
\v 10 Ta immay ti Anak ti Tao tapno biruken ken isalakanna dagiti tattao a napukaw."

\s5
\v 11 Kabayatan a nangngeganda dagitoy a banbanag, intuloyna ti nagsasao ket imbagana ti maysa a pangngarig gapu ta asideg isuna idiay Jerusalem, ken pinanunotda nga iti pagarian ti Dios agparangen iti mabiit. 
\v 12 Isu a kinunana, "Adda ti maysa a natakneng a tao a napan iti adayo a pagilian tapno awatenna ti maysa a pagarian ket agsubli kalpasanna.

\s5
\v 13 Inayabanna ti sangapulo kadagiti adipenna ket inikkanna ida iti sangapulo a mina, ket kinunana kadakuada, 'Agnegosyokayo aginggana nga agsubliak.' 
\v 14 Ngem ginura isuna dagiti kailianna, ket nangibaonda kadagiti mangibagi kadakuada nga nangsaruno kenkuana, kunada, 'Saanmi nga itulok nga iturayannakami daytoy a tao.' 
\v 15 Ket napasamak nga idi nagsubli manen isuna, ta naawatnan ti pagarian, pinaayabanna dagiti adipenna a nangtedanna iti kuarta tapno maammoanna no ania ti ganansia a naaramidanda iti pinagnegosyoda.

\s5
\v 16 Immay kenkuana ti immuna ket kinunana, 'Apo, ti minam ket nakaaramid iti sangapulo pay a mina.' 
\v 17 Ket kinuna ti natakneng a tao kenkuana, 'Nasayaat ti inaramid mo, naimbag nga adipen. Gapu ta managtungpalka iti bassit a banag, maaddaankanto iti turay iti sangapulo a siudad.'

\s5
\v 18 Immay ti maikadua ket kinunana, 'Ti minam apo, ket nakaaramid iti lima a mina.' 
\v 19 Kinuna ti natakneng a tao kenkuana, 'Iturayam ti lima a siudad.'

\s5
\v 20 Ket immay ti sabali pay a kinunana, 'Apo, adtoy ti minam, nga indulinko a sitatalged iti lupot, 
\v 21 agsipud ta mabutengak kenka, nalabeska ngamin a tao. Alaem dagiti saanmo nga inyeg ken apitem ti saanmo nga inmula.'

\s5
\v 22 Kinuna ti natakneng a tao kenkuana, 'Babaen kadagiti sinaom ket ukomenka, sika a nadakes nga adipen. Ammom met gayam a nalabesak a tao, ta alaek dagiti saan ko nga inyeg, ken apitek uray saanko nga inmula. 
\v 23 Ket apay ngarud ta saanmo nga inkabil ti kuartak iti bangko tapno iti panagsublik ket alikumkumek nga adda iti tubona?'

\s5
\v 24 Kinuna ti natakneng a tao kadagiti nakatakder, 'Alaenyo kenkuana ti mina, ket itedyo iti addaan sangapulo a mina.' 
\v 25 Kinunada kenkuana, 'Apo, adda ti sangapulonan a minana.'

\s5
\v 26 Ibagak kadakayo, a tunggal maysa nga addaan ket maikkan pay, ngem kenkuana nga awanan, uray ti kakaisuna ket maala pay. 
\v 27 Ngem dagitoy a kabusorko, dagiti saan a mangkayat kaniak a mangituray kadakuada, iyegyo isuda ditoy ket patayenyo ida iti sangwanak.'"

\s5
\v 28 Idi naibaganan dagitoy a banbanag, immuna isuna a simmang-at idiay Jerusalem.

\s5
\v 29 Ket napasamak nga idi umasidegen isuna idiay Betfage ken Betania, idiay bantay a maawagan ti Olibo, imbaonna ti dua kadagiti adalanna a 
\v 30 kinunana, "Mapankayo iti sumaruno a bario. No nakastrekkayon, masarakanyo ti urbon a saan pay namanso. Warwarenyo ti galotna ket iyegyo kaniak. 
\v 31 No adda ti agsaludsod kadakayo, 'Apay ta warwarwarenyo ti galotna?' Ibagayo nga 'Kasapulan ngamin ti Apo.'"

\s5
\v 32 Napan dagiti naibaon ket nasarakanda diay urbon a kas iti imbaga ni Jesus kadakuada. 
\v 33 Kabayatan a warwarwarenda ti galotna, kinuna dagiti akinkukua kadakuada, "Apay ta warwarwarenyo ti galot ti urbon?" 
\v 34 Kinunada, "Kasapulan ngamin ti Apo." 
\v 35 Inyegda daytoy ken ni Jesus ket inyaplagda dagiti kagayda iti likud ti urbon ket pinagsakayda ni Jesus. 
\v 36 Bayat iti ipapanna, inyaplagda dagiti kagayda iti kalsada.

\s5
\v 37 Kabayatanna nga umasidegen isuna iti pasalog a paset ti Bantay Olibo, rinugian amin dagiti nakaad-adu nga adalan a nagrag-o ken nagdayaw iti Dios nga ipukpukkawda dagiti naimatanganda nga aramid a pakakitaan iti pannakabalin, 
\v 38 a kunada, "Mabendisionan ti ari nga immay iti nagan ti Apo! Kapia idiay langit ken dayag iti kangatoan!"

\s5
\v 39 Dagiti dadduma a Fariseo nga adda kadagiti nakaad-adu a tattao kinunada kenkuana, "Maestro, babalawem dagiti adalam." 
\v 40 Simmungbat ni Jesus ket kinunana, "Ibagak kadakayo, no agtatalna dagitoy, dagiti batbato ti agriyaw."

\s5
\v 41 Idi asidegen ni Jesus iti siudad, sinangitanna daytoy, 
\v 42 kunana, "Uray sika, no laeng koma naammoam iti daytoy nga aldaw, dagiti banbanag a makaited iti kapia kenka! Ngem ita, nailemmengen dagitoy kadagiti matam.

\s5
\v 43 Ta umayto dagiti aldaw kenka, inton dagiti kabusormo ket mangipatakderda kadagiti barikada iti aglawlawmo, ken palikawkawandaka, ken darupendaka manipud kadagiti amin a sikigan. 
\v 44 Pak-ulandaka aginggana a maidasayka ken dagiti annakmo iti daga. Awan ti ibatida a bato a naituon iti sabali, gapu ta saanmo nga nailasin daytoy idi padpadasen ti Dios nga isalakannaka."

\s5
\v 45 Simrek ni Jesus iti templo ket rinugianna ti nangpatalaw kadagiti aglaklako, 
\v 46 kinunana kadakadua, "Naisurat, 'Ti balayko ket balayto iti kararag,' ngem pinagbalinyo a rukib dagiti agtatakaw."

\s5
\v 47 Isu nga inaldaw a nangisuro ni Jesus idiay templo. Kayat isuna a patayen dagiti panguloen dagiti papadi ken dagiti eskriba ken dagiti mangidadaulo kadagiti tattao 
\v 48 ngem awan ti makitada a wagas tapno aramiden daytoy, agsipud ta amin dagiti tattao ket sigagagar a dumdumngeg kenkuana.

\s5
\c 20
\p 
\v 1 Immay iti maysa nga aldaw, kabayatan nga agisursuro ni Jesus kadagiti tattao nga adda iti templo ken ikaskasabana ti ebanghelio, immay kenkuana dagiti panguloen a papadi ken dagiti eskriba a kaduada dagiti panglakayen. Nagsaritada, 
\v 2 a kunada kenkuana, "Ibagam kadakami no ania ti kalintegam a mangaramid kadagitoy a banbanag? Wenno siasino ti nangted iti daytoy a kalintegan kenka?"

\s5
\v 3 Simmungbat isuna ket kinunana kadakuada, "Agsaludsodak met kadakayo. Ibagayo kaniak iti maipapan 
\v 4 iti panangbautisar ni Juan. Naggapu kadi sadi langit wenno naggapu kadagiti tattao?"

\s5
\v 5 Naginnadalda iti tunggal maysa, a kunada, "No ibagatayo nga, 'Naggapu sadi langit,' ibagana nga, 'Apay ngarud a dikayo namati kenkuana?' 
\v 6 Ngem no ibagatayo nga, 'Naggapu iti tao,' uborendatayo dagiti tattao, gapu ta naallukoyda a ni Juan ket maysa a propeta."

\s5
\v 7 Isu nga insungbatda a dida ammo ti naggapuanna. 
\v 8 Kinuna ni Jesus kadakuada, "No kasta ngarud saanko met ibaga no naggapuan ti kalintegak a mangaramid kadagitoy a banbanag."

\s5
\v 9 Imbagana kadagiti tattao daytoy a pangngarig, "Adda maysa a tao a nagmula iti kaubasan, impaupana iti agu-ubas, ket napan iti sabali a pagillian iti nabayag a tiempo. 
\v 10 Iti naituding a tiempo ket nangibaon isuna iti adipen a mapan idiay agu-ubas, a masapul nga itedda kenkuana ti bunga iti kaubasan. Ngem kinabkabilda isuna, ken pinapanawda nga ima-ima.

\s5
\v 11 Nangibaon ngarud isuna iti sabali pay nga adipen ket kinabkabilda manen, imbabainda, ken pinapanawda isuna nga ima-ima. 
\v 12 Nangibaon manen isuna iti maikatlo pay ngem sinugsugatanda laeng, sadanto impuruak isuna iti ruar.

\s5
\v 13 Isu a kinuna ti akinkukua iti kaubasan, 'Ania ti aramidek? Ibaonko laengen ti patpatgek nga anak. Nalabit a raemenda isuna.' 
\v 14 Ngem idi nakita dagiti mangay-aywan ti ubas isuna, nagtutulagda a kunada, 'Daytoy ti agtawid. Papatayentayo isuna, tapno ti tawid ket matagikuatayo.'

\s5
\v 15 Impuruakda isuna iti ruar ti kaubasan, ken pinapatayda isuna. Ania ngarud ti aramiden ti akinkukua ti kaubasan kadakuada? 
\v 16 Umay ket perdienna dagitoy a mangay-aywan iti ubas, ken ited ti kaubasan iti sabali." Ket idi nangngegda dayta, kinunada. "Saan nga ipalubos ti Dios!"

\s5
\v 17 Ngem kinitana ni Jesus ida, ket kinunana, "Ania ti kayat a sawen daytoy Nasantoan a Surat? 'Ti bato nga inbelleng dagiti nagpatakder iti balay ket nagbalin a pasuli a bato'? 
\v 18 Siasinoman a matinnag iti dayta a bato ket maburak-burak, ngem siasinoman a pakaitupakanna, ket marumek."

\s5
\v 19 Isu nga dagiti eskriba ken dagiti panguloen a papadi ket nagsiim tapno tiliwenda isuna iti dayta nga oras, ta ammoda nga imbagana daytoy a pangngarig a maisupiat kadakuada. Ngem nagbutengda kadagiti tattao. 
\v 20 Pinaliiwda isuna a naimbag, nangibaonda kadagiti tattao nga agsiim a nagpammarang a nalinteg, tapno makabirokda koma iti biddut babaen iti panagsaona, a panggapuanda kenkuana a mangiyawat iti panangituray ken paglintegan iti gobernador.

\s5
\v 21 Nagdamagda kenkuana a kunada, "Maestro, ammomi a ti ibagbaga ken isursurom ket husto, ken saanka a naimpluwensiyaan iti siasinoman, ngem isursurom ti pudno maipanggep iti wagas ti Dios. 
\v 22 Nainkalintegan kadi nga agbayad ti buis ken ni Cesar, wenno saan?"

\s5
\v 23 Ngem naawatan ni Jesus ti kinatusoda, ket kinunana kadakuada, 
\v 24 "Mangiparangkayo kaniak iti denario. Siasino ti akinladawan ken akinnagan iti daytoy?" "Ni Cesar," insungbatda.

\s5
\v 25 Kinunana kadakuada, "Itedyo ngarud ken ni Cesar dagiti banag a kukua ni Cesar, ken iti Dios, dagiti banag a kukua ti Dios." 
\v 26 Dagiti eskriba ken dagiti panguloen a papadi ket awan nabalinanda a nangdillaw iti imbagana iti sangoanan dagiti tattao. Nasdaawda iti insungbatna ket awan ti imbagada.

\s5
\v 27 Immasideg kenkuana dagiti sumagmamano a Saduseo, isuda dagiti mangibagbaga nga awan ti panagungar, 
\v 28 ket dinamagda kenkuana, a kunada, "Maestro, insurat ni Moises kadatayo a no ti maysa a lalaki ket natay ti kabsatna a lalaki, ket addaan asawa, ngem awanan anak, nasken nga asawaen ti lalaki ti asawa iti kabsatna tapno aganakda a pannaka-anak ti kabsatna a lalaki.

\s5
\v 29 Adda pito a lallaki nga agkakabsat, diay inauna ket nangasawa ngem natay nga awan putotna, 
\v 30 kasta met ti maikadua. 
\v 31 Ti maikatlo innalana isuna, ket kasta met laeng a dagiti pito ket awan ti inbatida nga annak, ket natay. 
\v 32 Saan a nagbayag ket natay diay babai. 
\v 33 Inton panagungar, siasino ti akin asawa kenkuana? Ta aminda a pito ket nagbalinda nga asawana."

\s5
\v 34 Kinuna ni Jesus kadakuada, "Dagiti annak ditoy lubong ket aga-assawa ken maikasarda. 
\v 35 Ngem dagiti naukom a maikari a mangawat iti panagungar manipud patay a sumrek iti agnanayon ket saanen nga agasawa, uray maikasar. 
\v 36 Ket saandan a matay, gapu ta kasda la kadagiti anghel ken kadagiti annak ti Dios, nagbalinda nga annak iti panagungar.

\s5
\v 37 Ngem gapu ta dagiti natay ket mapagungar, uray ni Moises ket impakitana, iti lugar maipapan iti bassit a kayo, no sadino nga inawaganna ti Apo a Dios ni Abraham ken Dios ni Isaac ken Dios ni Jacob. 
\v 38 Isuna ita ket saan a Dios dagiti natay ngem Dios dagiti sibibiag. Gapu ta sibibiag amin kenkuana."

\s5
\v 39 Simmungbat dagiti dadduma nga eskriba, "Maestro, nasayaat unay ti sungbatmo." 
\v 40 Ta saandan a maitured ti agdamag kenkuana iti dadduma pay a salsaludsod.

\s5
\v 41 Kinuna ni Jesus kadakuada, "Kasano a naibagada a ti Kristo ket anak ni David? 
\v 42 Ta ni David a mismo ket imbagana iti libro dagiti Salmo, Kinuna ti Apo iti Apok, 'Agtugawka iti makannawanko, 
\v 43 aginggana a mapagbalinko dagiti kabusormo a pagbatayan ti sakam.' 
\v 44 Inawagan ngarud ni David ni Kristo nga 'Apo', kasano ngarud a nagbalin isuna nga anak ni David?"

\s5
\v 45 Iti panagdengngeg dagiti amin a tattao kinunana kadagiti adalanna, 
\v 46 "Agalwadkayo kadagiti eskriba, a tarigagayanda ti magna nga addaan iti atiddug a pagan-anay, ken pagaayatda ti naisingsingayan a kablaaw kadagiti pagtagilakuan, ken kangrunaan a tugtugaw iti sinagoga, ken kangrunaan a lugar iti piesta. 
\v 47 Gamgamenda dagiti babbalay dagiti balo a babbai, ken agpampammarangda nga atiddug ti kararagda. Dagitoy ket umawatto iti dakdakkel a pannakaukom."

\s5
\c 21
\p 
\v 1 Timmangad ni Jesus ket nakitana dagiti nababaknang a lallaki a mangikabkabil kadagiti sagsagutda iti pagipisukan. 
\v 2 Nakitana ti nakurapay a balo a babai a nagipisok iti dua a barya. 
\v 3 Isu a kinunana, "Pudno, ibagak kadakayo, daytoy a balo ket ad-adu pay ti naitedna ngem kadakuada amin. 
\v 4 Ta paset laeng ti nawadwad a gamengda ti naitedda a sagut. Ngem daytoy a balo, manipud kinakurapayna, intedna ti amin a pagbiagna."

\s5
\v 5 Kabayatan a dadduma kadakuada ket pagtutungtonganda ti maipanggep iti templo, no kasanu a naarkusan iti napipintas a batbato ken datdaton, kinunana, 
\v 6 "No maipanggep kadagitoy a banbanag a makitkitayo, umayto dagiti al-aldaw nga uray maysa kadagiti batbato ket awanto ti mabati a nagtutuon a saan a marba."

\s5
\v 7 Isu a nagdamagda kenkuana, kunada, "Maestro, kaanunto a mapasamak dagitoy a banbanag? Ken anianto ti pagilasinan no dagitoy a banbanag ket mapasamaken." 
\v 8 Simmungbat ni Jesus, "Agannadkayo ket di kay agpaallilaw. Ta adunto ti umay iti naganko, a kunada, 'Siak isuna,' ken, 'Asidegen ti tiempo.' Saanyo a suroten ida. 
\v 9 Inton makangngegkayo kadagiti gubat ken riribuk, saankayo nga agbuteng, ta masapul a mapasamak dagitoy nga umuna, ngem ti panungpalan ket saanto pay a mapasamak a dagus."

\s5
\v 10 Ket kinunana kadakuada, "Aggiginnubatto dagiti pagilian ken pagarian a maibusor iti pagarian. 
\v 11 Addanto napipigsa a gingined, ken panagbisin ken didigra kadagiti nadumaduma a lugar. Addanto dagiti nakabutbuteng a paspasamak ken nakaskasdaaw a pagilasinan manipud langit.

\s5
\v 12 Ngem sakbay kadagitoy amin a banbanag, idissodanto dagiti imada kadakayo ken idadanesdakaytonto, maidarum ken mausigkayonto kadagiti sinagoga ken ibaluddakayto, ken iyegdakayonto kadagiti ar-ari ken gobernador gapu iti naganko. 
\v 13 Iturongto daytoy iti gundaway a maipaay iti pammaneknekyo.

\s5
\v 14 Ngarud, ikeddengyo iti puspusoyo a diyo isagana ti isungbatyo, 
\v 15 ta itedkonto kadakayo ti sao ken kinasirib a dinto masungbatan wenno supiaten dagiti amin a kabusoryo.

\s5
\v 16 Ngem iyawat dakayto met dagiti nagannak, kakabsat, kakabagian, ken dagiti gagayyem, ket papatayendanto dagiti dadduma kadakayo. 
\v 17 Kaguradakayonto ti amin gapu iti naganko. 
\v 18 Ngem awanto iti uray maysa a buokyo a mapukaw. 
\v 19 Gapu iti panagibturyo, magun-odyonto dagiti kararwayo.

\s5
\v 20 No makitayo ti Jerusalem a napalawlawan dagiti suldado, ammoyon nga asidegen ti pannakadadaelna. 
\v 21 Iti kasta masapul a palubosanyo dagiti adda idiay Judea a kumamang kadagiti banbantay, ken pumanaw dagiti adda iti tengnga ti siudad, ket diyo itulok a sumrek dagiti naggapu iti away. 
\v 22 Ta dagitoy dagiti panawen iti panagibales, tapno amin a banbanag a naisurat ket matungpalto.

\s5
\v 23 Asi pay kadakuada a masikog ken agpaspasuso kadagidiay nga al-aldaw! Ta addanto ti dakkel a rigat iti pagilian, ken pungtot iti daytoy a tattao. 
\v 24 Ket matinnagdanto iti murdong ti kampilan, ken maipanawdanto nga agbalin a balod kadagiti amin a nasnaiyon, ket baddebaddekanto dagiti Hentil ti Jerusalem agingga a matungpal dagiti tiempo dagiti Hentil.

\s5
\v 25 Addanto dagiti pagilasinan iti init, ken iti bulan ken kadagiti bitbituen. Ken iti rabaw ti daga, addanto iti rigat kadagiti pagilian, gapu iti butengda manipud daranudor iti baybay ken dalluyon. 
\v 26 Addanto lallaki a matalimudaw gapu iti butengda ken manipud iti panangnamnama kadagiti banbanag nga umay iti lubong. Gapu ta dagiti pannakabalin iti langlangit ket magungonto.

\s5
\v 27 Ket makitadanto ti Anak ti Tao nga um-umay iti ulep nga addaan pannakabalin ken dakkel a dayag. 
\v 28 Ngem inton mangrugi a mapasamak dagitoy a banbanag, tumakder, ken tumangadkayo, gapu ta ti pannakaisalakanyo ket umas-asidegen."

\s5
\v 29 Nagsarita ni Jesus kadakuada iti pangngarig, "Kitaenyo daydiay igos ken amin a kaykayo. 
\v 30 No agrugida nga agbulongen, makitayo ken ammoyo a ti kalgaw ket asidegen. 
\v 31 Kastamet ngarud, inton makitayo dagitoy a banbanag a mapaspasamak, ammoyo a ti pagarian ti Dios ket umadanin.

\s5
\v 32 Ibagak kadakayo, pudno a daytoy a kaputotan ket saanto a mapukaw, agingga a saan a mapasamak dagitoy a banbanag. 
\v 33 Ti langit ken ti daga ket mapukawto, ngem dagiti sasaok ket saanto pulos mapukaw.

\s5
\v 34 Ngem kitaenyo dagiti bagbagiyo, tapno saan a madagsenan dagiti puspusoyo babaen kadagiti nalabes a panagragragsak, panagbartek ken kadagiti pakasikuran iti biag. Ta kellaatto nga umay kadakayo dayta nga aldaw 
\v 35 kas palab-og. Ta umayto kadagiti amin nga agbibiag iti rupa iti sibubukel a daga.

\s5
\v 36 Ngem naridamkay koma a kankanayon, ikarkararagyo a naan-anay koma ti pigsayo a manglibas kadagitoy a banbanag a mapasamak, ken agtakder iti sangnguanan iti Anak ti Tao."

\s5
\v 37 Isu a kadagiti aldaw ket nangisursuro isuna idiay templo ken iti rabii ket rummuar isuna, ken agpatpatnag idiay bantay a maawagan ti Olibo. 
\v 38 Ket immay dagiti amin a tattao iti agsapa tapno denggenda isuna idiay templo.

\s5
\c 22
\p 
\v 1 Ita umadanin ti Fiesta iti Tinapay nga awan Lebadurana a maawagan ti Ilalabas. 
\v 2 Nagnunumoan dagiti panguloen ti papadi ken dagiti eskriba no kasanoda nga ipapatay ni Jesus, gapu ta agamakda kadagiti tattao.

\s5
\v 3 Simrek ni Satanas ken ni Judas Iskariote, maysa kadagiti sangapulo ket dua. 
\v 4 Ni Judas ket napan nakisarita kadagiti panguloen ti papadi ken kadagiti kapitan no kasanona nga iyawat ni Jesus kadakuada.

\s5
\v 5 Naragsakanda amin ken nagnunumoanda a bayadanda isuna iti kuarta. 
\v 6 Immannugot isuna ket nangbirok iti gundaway tapno iyawatna kadakuada ni Jesus manipud kadagiti adu a tattao.

\s5
\v 7 Nadanon ti aldaw iti tinapay nga awan lebadurana, nga isu iti panangidaton iti kordero para iti Ilalabas. 
\v 8 Imbaon ngarud ni Jesus da Pedro ken Juan, a kinunana, "Mapankayo ket isaganayo ti makan a maipaay ti Ilalabas, tapno mangantayo." 
\v 9 Sinaludsodda isuna, "Sadino ti kayatmo a pangisaganaanmi?"

\s5
\v 10 Simmungbat isuna kadakuada, "Dumngegkayo, no nakastrekkayon iti siudad, adda maysa a lalaki a nakabaklay iti burnay iti danum a sumabat kadakayo. Surotenyo isuna agingga iti balay a papananna. 
\v 11 Ket ibagayo iti makinbalay, 'Kuna iti Maestro kenka, "Sadino ti siled a pangsangailian, sadino iti panganak iti Ilalabas a kaduak dagiti adalak?"

\s5
\v 12 Ipakitananto kadakayo ti nalawa ken nakasagana a ngatoen a siled. Sadiay ngarud iti pangidasaranyo." 
\v 13 Napanda ngarud, ket nasarakanda amin a kas iti inbagana kadakuada. Ket insaganada ti pannangan iti Ilalabas.

\s5
\v 14 Idi nadanon iti tiempo, nakitugaw isuna kadagiti adalan. 
\v 15 Ket kinunana kadakuada, "Tarigagayak a makipangan kadakayo iti daytoy a Fiesta ti Ilalabas sakbay nga agsagabaak. 
\v 16 Ta ibagak kadakayo, saanakto a makipangan manen iti daytoy aginggana a matungpal daytoy idiay pagarian ti Dios."

\s5
\v 17 Nangala ngarud ni Jesus iti kopa, ken nagyaman, a kinunana, "Alaenyo daytoy, ken ibingayyo iti tumunggal maysa kadakayo. 
\v 18 Ta ibagak kadakayo, saanakto nga uminom manen iti bunga ti ubas, aginggana nga umay ti pagarian ti Dios."

\s5
\v 19 Ket nangala isuna iti tinapay, kalpasan a nagyaman, pinisi-pisina, ken inyawatna kadakuada, a kunana, "Daytoy ti bagik a maipaay kadakayo. Aramidenyo daytoy a pananglaglagip kaniak." 
\v 20 Nangala ti kopa kalpasan a nangrabii, a kinunana, "Daytoy a kopa ti baro a tulag iti darak, nga isu a naibukbok a maipaay kadakayo.

\s5
\v 21 Ngem dumngegkayo. Ti mangliput kaniak ket adda ita a kaduak ditoy lamisaan. 
\v 22 Ta ti Anak ti Tao ket pudno nga agturong iti nakaitudinganna. Ngem asi pay dayta a tao a mangliput kenkuana!" 
\v 23 Ket rinugiananda ti nagsisinnaludsod iti tungal maysa no siasino kadakuada ti mangaramid iti daytoy a banag?"

\s5
\v 24 Ket adda rimsua a panagsusupiat kadakuada no siasino ti maibilang a katan-okan. 
\v 25 Kinunana kadakuada, "Dagiti Ar-ari ti Hentil ket addaan turay kadakuada, ket ti siasinoman nga addaan panagturay kadakuada isu ti maawagan a madaydayaw.

\s5
\v 26 Ngem saan a rumbeng a maaramid daytoy kadakayo. Ngem ketdi, maaramid a ti katatan-okan kadakayo agbalin nga isu ti kaubingan. Kasta met a no siasinoman ti kangrunaan agbalin a kapada ti agserserbi. 
\v 27 Ta siasino kadi ti natantan-ok, diay kadi nakatugaw iti lamisaan, wenno diay agidasdasar? Saan kadi nga isu diay nakatugaw iti lamisaan? Ngem addaak kadakayo a kas maysa nga agserserbi.

\s5
\v 28 Ngem nagtalinaedkayo a kaduak iti amin a pannakasuotko. 
\v 29 Ikkankayo iti pagarian a kas inted ni Amak a pagarian kaniak, 
\v 30 tapno mangan ken uminumkayo iti lamisaan idiay pagariak. Ket agtugawkayo kadagiti trono nga ukomenyo dagiti sangapulo ket dua a tribu ti Israel.

\s5
\v 31 Simon, Simon, agannadka, dinawatnakayo ni Satanas, tapno taepannakayo a kas trigo. 
\v 32 Ngem inkararaganka, a ti pammati ket saan nga agkapuy. Ket inton agsublika manen, papigsaem dagiti kakabsatmo."

\s5
\v 33 Kinuna ni Pedro kenkuana, "Apo, nakasaganaak a sumurot kenka sadiay pagbaludan wenno iti patay." 
\v 34 Simmungbat ni Jesus, " Ibagak kenka, Pedro, saanto pay a nagtaraok ti kawitan itatta nga aldaw, sakbay nga ilibaknak iti tallo a daras nga am-ammonak."

\s5
\v 35 Kalpasanna kinuna ni Jesus kadakuada, "Idi inbaonkayo nga awanan pitaka, supot ti pagkasapulan, wenno sapatos, nagkasapulankayo kadi?" Ket simmungbatda, "Awan." 
\v 36 Ngarud kinunana kadakuada, "Ngem itatta, ti addaan pitaka, alaenna latta, agraman ti supot ti pagkasapulan. Siasinoman nga awanan kampilan ket ilakona ti kagayna ket gumatang iti maysa.

\s5
\v 37 Ta ibagak kadakayo, no ania man ti naisurat maipanggep kaniak ket masapul a matungpal, 'Ket naibilang isuna a kas maysa nga awanan linteg.' Ta aniaman ti naipadto maipanggep kaniak ket isu ti matungpal." 
\v 38 Ket kinunada, "Apo, kitaem! Adtoy ti dua a kampilan." Simmungbat ni Jesus kadakuada, "Umanayen."

\s5
\v 39 Kalpasan ti panangrabii, napan ni Jesus, a kas gagangay nga ar-aramidenna, idiay Bantay ti Olibo, ket simmurot dagiti adalanna. 
\v 40 Idi nakadanonda, kinunana kadakuada, "Agkararagkayo a dikay sumrek iti pannakasuot."

\s5
\v 41 Immadayo isuna manipud kadakuada iti saan unay nga adayo, ket nagparintumeng ket nagkararag, 
\v 42 a kinunana, "Ama, no pagayatam, ikkatem daytoy a kopa manipud kaniak. Nupay kasta saan nga iti pagayatak, no di ket ti pagayatam ti maaramid."

\s5
\v 43 Ket nagparang ti maysa nga anghel a naggapu sadi langit, a nangpappapigsa kenkuana. 
\v 44 Kabayatan nga agsagsagaba, sipipinget a nagkararag isuna, ket ti ling-etna kasla dara a nagtedted iti daga.

\s5
\v 45 Idi timmakder isuna manipud iti panagkararagna, napan kadagiti adalan, ket nasarakanna ida a matmaturog gapu iti ladingitda, 
\v 46 ket nagsaludsod kadakuada, "Apay a matmaturogkayo? Bumangonkayo ken agkararagkayo tapno saankayo a sumrek iti pannakasulisog."

\s5
\v 47 Idi madama pay laeng isuna nga agsasao, kitaen, nagparang ti adu a tattao, kaduada ni Judas, maysa kadagiti sangapulo ket dua, nga isu ti nangidaulo kadakuada. Immasideg ken ni Jesus tapno agkanna, 
\v 48 ngem kinuna ni Jesus kenkuana, "Judas, lipliputam kadi ti Anak ti Tao babaen iti agek?"

\s5
\v 49 Idi nakita dagiti adda iti aglawlaw ni Jesus no ania ti mapaspasamak, kinunada, "Apo, tagbatenmi kadi isuda iti kampilan?" 
\v 50 Ket tinagbat ti maysa kadakuada ti adipen ti panguloen dagiti papadi, ken piningasanna ti makannawan a lapayagna. 
\v 51 Kinuna ni Jesus, "Husto daytan." Ket sinagidna ti lapayag diay adipen, ket pinaimbagna isuna.

\s5
\v 52 Kinuna ni Jesus iti panguloen dagiti papadi, agraman kadagiti kapitan ti templo, ken panglakayen, nga immay bumusor kenkuana, "Umaykayo kadi, a kas maibusor iti agtatakaw, nga adaan ti kampilan ken pang-or? 
\v 53 Idi addaak kadakayo iti inaldaw idiay templo, saanyo nga indisso dagiti imayo kaniak. Ngem daytoy ti orasyo, ken iti panagturay ti kinasipnget."

\s5
\v 54 Tiniliwda ni Jesus, ket inyadayoda isuna, ket impanda iti balay ti panguloen iti papadi. Ngem simmursurot ni Pedro iti saan unay nga adayo. 
\v 55 Kalpasan a nagarunda iti tengnga iti paraangan ket nagtugawda a sangsangkamaysa, nakitugaw met ni Pedro iti nagtetengngaanda.

\s5
\v 56 Maysa nga adipen a babai ti nakakita kenkuana a nakatugaw iti masilsilawan iti apoy, ket minatmatanna a kinunana, "Daytoy a tao ket kaduana met." 
\v 57 Ngem inlibak ni Pedro daytoy, a kinunana, "Babai, saanko nga am-ammo isuna." 
\v 58 Kalpasan ti sumagmamano a kanito adda ti sabali a nakakita kenkuana, ket kinunana, "Maysaka met kadakuada." Ngem kinuna ni Pedro, "Lalaki, saan a siak."

\s5
\v 59 Kalpasan ti agarup maysa oras, inpapilit ti maysa pay a lalaki a kinunana, "Pudno a daytoy a tao ket kaduana met, gapu ta taga-Galilea isuna." 
\v 60 Ngem kinuna ni Pedro, "Lalaki, saanko nga ammo dayta ibagbagam." Ket dagus, kabayatan nga agsasao pay laeng isuna, nagtaraok ti kawitan.

\s5
\v 61 Timmalyaw ti Apo ket kimmita ken ni Pedro. Ket nalagip ni Pedro ti sao ti Apo, idi a kinunana. "Sakbay nga agtaraok ti kawitan ita nga aldaw ket ilibaknakto iti mamitlo a daras." 
\v 62 Rimmuar ni Pedro ket nagsangit a sisasaem.

\s5
\v 63 Ket linalais ken dinangran dagiti lallaki nga agbanbantay ni Jesus. 
\v 64 Kalpasan nga inabbunganda ti matana, sinaludsodda isuna, a kinunada, "Pugtuam! Siasino ti nangdangran kenka?" 
\v 65 Nagsaritada iti adu a banbanag a maibusor ken ni Jesus, a tinabtabbaawanda isuna.

\s5
\v 66 Idi bumigbigaten, naguummong dagiti panglakayen ti umili, agpada a panguloen a papadi ken dagiti eskriba. Impanda ni Jesus iti Konseho, 
\v 67 a kinunkunada, "No sika ti Kristo, ibagam kadakami." Ngem kinunana kadakuada, "No ibagak kadakayo, saanyo met a patien, 
\v 68 ket no saludsodenkayo, saankayo met a sumungbat.

\s5
\v 69 Ngem manipud ita, agtugawto ti Anak ti Tao iti makanawan nga ima iti pannakabalin ti Dios." 
\v 70 Kinunada amin, "Ket sika ngarud ti Anak ti Dios?" ket kinuna ni Jesus kadakuada, "Dakayo ti nangibaga a Siak." 
\v 71 Kinunada, "Apay a kasapulantayo pay laeng ti mangsaksi? Ta nangngegantayo amin manipud iti bukod a ngiwatna."

\s5
\c 23
\p 
\v 1 Timmakder ti sibubukel a bunggoy, ket indatagda ni Jesus iti sangoanan ni Pilato. 
\v 2 Nangrugida a mangakusar kenkuana, kinunkunada, "Nasarakanmi daytoy a tao a mangal-allilaw iti pagiliantayo, mangiparparit a mangted ti pammadayaw a maipaay ken ni Cesar, ken ibagbagana nga isuna ti Kristo, maysa nga ari."

\s5
\v 3 Nagsaludsod ni Pilato kenkuana, ket kinunana, "Sika kadi ti Ari dagiti Judio?" Ket simmungbat ni Jesus, "Imbagamon." 
\v 4 Nagsao ni Pilato kadagiti panguloen a papadi ken kadagiti adu a tattao, "Awan ti masarakak a basol iti daytoy a tao. " 
\v 5 Ngem ipilitda latta a kunada, "Rirriribukenna dagiti tattao, a mangisursuro iti entero a Judea, manipud Galilea ken uray pay agingga iti daytoy a lugar."

\s5
\v 6 Isu nga idi nangngeg daytoy ni Pilato, sinaludsodna no taga-Galilea ti lalaki. 
\v 7 Ket idi naammoanna nga isuna ket adda iti turay ni Herodes, impatulodna ni Jesus ken ni Herodes, ta isuna ket adda met iti Jerusalem kadagidiay nga al-aldaw.

\s5
\v 8 Idi makita ni Herodes ni Jesus, naragsakan isuna unay, agsipud ta nabayagen a tiempo a kayatna a makita isuna. Nangnangngegnanna ti maipanggep kenkuana ken mangnamnama isuna a makakita kadagiti nakaskasdaaw nga aramidenna. 
\v 9 Adu dagiti saludsod ni Herodes ken ni Jesus, ngem awan a pulos ti insungbatna kenkuana. 
\v 10 Timmakder dagiti panguloen a papadi ken kasta met dagiti eskriba, ket nakaro unay iti panangak-akusarda kenkuana.

\s5
\v 11 Linais ni Herodes ken dagiti suldadona isuna, ken pinaggaangaawanda isuna, ket kinawesanda isuna iti napintas a pagan-anay, kalpasanna insublida ni Jesus ken ni Pilato. 
\v 12 Nagbalin nga aggayyem ni Herodes ken ni Pilato iti dayta met laeng nga aldaw (agkabusor dagitoy idi).

\s5
\v 13 Inayaban ni Pilato amin dagiti panguloen dagiti papadi ken dagiti agtuturay ken dagiti tattao, 
\v 14 ket kinunana kadakuada, "Indatagyo kaniak daytoy a tao a kasla iti tao a mangidadaulo nga agaramid iti dakes, ken kitaenyo, siak, pinagsaludsodak isuna iti sangoananyo, awan masarakak a biddut daytoy a lalaki maipanggep kadagiti banbanag nga ipabpabasolyo kenkuana.

\s5
\v 15 Saan, uray ni Herodes, isu nga insublina isuna kadatayo, ken kitaenyo, awan iti masarakak a pakaigapuan iti pannakapapatayna. 
\v 16 Ngarud dusaek laeng isuna, ken sakonto palubosan." 
\v 17 Naikkat daytoy a paset (Lucas 23: 17), iti kadaanan a sursurat. Ita, rebbengen ni Pilato a palubosan ti maysa a balud a Judio iti aldaw ti fiesta.

\s5
\v 18 Ngem sangsangkamaysada a nagriyaw, a kunkunada, "Ipanawyo daytoy a lalaki, ken palubosanyo ni Barrabas!" 
\v 19 Naibalud ni Barrabas gapu iti panagrebeldena iti siudad ken pammapatayna.

\s5
\v 20 Nagsao manen kadakuada ni Pilato, ta tarigagayna a wayawayaan ni Jesus. 
\v 21 Ngem nagriyawda a kunkunada, "Ilansa isuna, ilansa isuna." 
\v 22 Kinunana kadakuada iti maikatlo a gundaway, "Apay, ania ti dakes a naaramid daytoy a lalaki? Awan ti masarakak a rason tapno madusa isuna iti pannakapapatay. Ngarud kalpasan iti pannakadusana, wayawayaakton isuna."

\s5
\v 23 Ngem impappapilitda nga addaan iti napipigsa a timek, dawdawatenda a mailansa isuna iti krus. Ket ti timekda ti nangallukoy ken ni Pilato. 
\v 24 Isu nga inkeddeng ni Pilato a tungpalenna ti dawdawatenda. 
\v 25 Pinalubosanna ti maysa a naibalud a dinawatda gapu iti panangriribuk ken panangpatayna. Ngem intedna ni Jesus kadakuada tapno maaramidda ti kaykayatda.

\s5
\v 26 Iti panangipanawda kenkuana, nasabatda ti maysa a Simon a taga-Cirene, a naggapu iti pagilian, ket impabaklayda kenkuana ti krus, a sursurutenna ni Jesus.

\s5
\v 27 Adu a tattao, ken babbai nga agsangsangit ken agdungdnung-aw a maipaay kenkuana, ti sumursurot kenkuana. 
\v 28 Ngem tinalyawna ida, kinuna ni Jesus "Annak a babbai ti Jerusalem, saankayo nga agsangit para kaniak, ngem agsangitkayo ketdi para iti bagbagiyo ken para kadagiti annakyo.

\s5
\v 29 Ta kitaenyo, umayto dagiti al-aldaw ket kunaendanto, 'Nagasat dagiti baog ken dagiti aanakan a saan a nagsikog, ken dagiti saan a nagpasuso.' 
\v 30 Ket kunaento dagiti tattao kadagiti banbantay, 'Tupakannakami,' ken uraypay kadagiti turturod, 'Gaburannakami.' 
\v 31 Ta no aramidenda dagitoy a banbanag kabayatan a naganus pay ti kayo, ania iti mapasamak no nagangonton?"

\s5
\v 32 Adda pay sabali a lallaki, dua a kriminal, ti niayadayo a kaduana a mapapatay.

\s5
\v 33 Idi makasangpetda iti lugar a maawagan a Ti Bangabanga, idiayda nga inlansa isuna iti krus ken dagiti kriminal, maysa iti makannawanna ken ti maysa met iti makannigidna. 
\v 34 Kinuna ni Jesus, "Ama, pakawanem ida, ta saanda nga ammo iti ar-aramidenda." Ket nagbibinnunotda, nagbibingayanda dagiti pagan-anayna.

\s5
\v 35 Sitatakder nga agbuybuya dagiti tattao kabayatan a lalaisen dagiti agtuturay isuna, kunkunada, "Insalakanna dagiti sabali. Bay-anyo nga isalakanna ti bagina, no isuna ti Kristo ti Dios, ti napili."

\s5
\v 36 Pinagang-angawan pay isuna dagiti suldado, inasitganda isuna, inyawatanda iti suka, 
\v 37 ken kunkunada, "No sika ti Ari dagiti Judio, isalakanmo ti bagim." 
\v 38 Adda pay iti pagilasinan iti ngatoenna a kastoy, "DAYTOY TI ARI DAGITI JUDIO."

\s5
\v 39 Maysa kadagiti kriminal a nailansa, ti nanglais kenkuana, a kunkunana, "Saan kadi a sika ti Kristo? Isalakanmo ti bagim ken isalakannakami met." 
\v 40 Ngem simmungbat ti maysa, a panangtubngarna kenkuana a kinunana, "Saanka kadi nga agbuteng iti Dios, ta agpapada iti naikeddeng a dusatayo? 
\v 41 Rebbengna laeng nga agsagabata gapu kadagiti inaramidta. Ngem awan ti madi nga inaramid daytoy a tao."

\s5
\v 42 Ket innayonna, "Jesus, laglagipennakto inton addaka iti pagariam." 
\v 43 Kinuna ni Jesus kenkuana, "Pudno nga ibagak kenka, ita nga aldaw makipagyankanto kaniak idiay paraiso."

\s5
\v 44 Umadanin ti maikainnem nga oras, ken immay ti kinasipnget iti entero a daga agingga iti maikasiam nga oras 
\v 45 a saan a naglawag ti init. Ket ti kurtina iti templo, napigis iti tengngana.

\s5
\v 46 Nagsangit ni Jesus iti napigsa, ket kinunana, "Ama, kadagita imam iyawatko ti espirituk." Apaman a naibalikasna daytoy, natayen isuna. 
\v 47 Idi makita ti kapitan dagiti suldado no ania ti napasamak, nagdaydayaw isuna iti Dios a kunkunana, "Agpayso a nalinteg daytoy a lalaki."

\s5
\v 48 Idi nakita dagiti adu a tattao a naguummong a mangsaksi iti daytoy a pasamak a naaramid dagitoy a banbanag, nagsublida ket dinandanogda iti barukongda. 
\v 49 Ngem amin dagiti am-ammona, ken dagiti babbai a simmurot kenkuana manipud Galilea, ket nakatakder iti saan unay nga adayo, a mangbuybuya kadagitoy a banbanag.

\s5
\v 50 Pagammoan, adda maysa a lalaki a managan Jose, a kameng iti Sanhedrin, maysa a nalinteg ken nasayaat a tao 
\v 51 (saan isuna nga immanamong kadagiti tignay ken pangngeddengda), naggapo idiay Arimatea, maysa a siudad dagiti Judio, nga agur-uray iti iyuumay ti pagarian iti Dios.

\s5
\v 52 Daytoy a tao, ket napan ken ni Pilato, ket nakitungtong nga alaenna ti bagi ni Jesus. 
\v 53 Imbabana daytoy, ken binalkotna iti pino a lino, ket impaidda iti pagitaneman a bato a saan pay nausar.

\s5
\v 54 Aldaw idi iti Panagsagana, ken umadanin ti Aldaw a Panaginana. 
\v 55 Dagiti babbai, a sumursurot kenkuana manipud Galilea, a simmaruno kadakuada, ket nakitada ti tanem ken no kasano ti pannakaipaidda ti bagina. 
\v 56 Nagsublida ket insaganada dagiti bangbanglo ken sapsapo. Ket iti Aldaw a Panaginana, naginanada kas maiyannurot iti bilbilin.

\s5
\c 24
\p 
\v 1 Iti parbangon ti umuna nga aldaw iti lawas, napanda idiay tanem, intugotda dagiti pabanglo nga insaganada. 
\v 2 Nakitada a naitulid diay bato a naiyadayo idiay tanem. 
\v 3 Simrekda, ngem awan ti nakitada a bagi ni Apo Jesus.

\s5
\v 4 Ti napasamak, kabayatan a marirriribukanda maipanggep iti daytoy, kellaat nga adda dua a lallaki a nagtakder iti sibayda a nakakawes iti makasisirap a pagan-anay. 
\v 5 Kabayatan a napunno iti buteng dagiti babbai ken iti panagpaklebda iti daga, kinunada kadagiti babbai, "Apay a birbirukenyo ti sibibiag kadagiti natay?

\s5
\v 6 Awan isuna ditoy, ngem ketdi nagungaren! Lagipenyo no kasano a nagsao isuna kadakayo idi adda pay laeng isuna idiay Galilea, 
\v 7 kinunana a maiyawat ti Anak ti Tao kadagiti im-ima dagiti managbasol a lallaki ken mailansa iti krus, ket iti maikatlo nga aldaw, ket bumangon manen."

\s5
\v 8 Nalagip dagiti babbai dagiti sasaona, 
\v 9 ket nagsublida manipud tanem ket impadamagda amin dagitoy a banbanag kadagiti sangapulo ket maysa ken kadagiti amin. 
\v 10 Itatta, ni Maria Magdalena, Juana, Maria nga ina ni Santiago ken dagiti dadduma pay a babbai a kaduada, impadamagda dagitoy a banbanag kadagiti apostol.

\s5
\v 11 Ngem daytoy a mensahe ket kasla awan serbina a sarita para kadagiti apostol, ket saanda a pinati dagiti babbai. 
\v 12 Ngem, timmakder ni Pedro, ket nagtaray a napan idiay tanem, ket nagdumog ken kimmita idiay uneg, ket diay lupot a lino laeng ti nakitana. Nagawid ni Pedro idiay balayna a masmasdaaw no ania iti napasamak.

\s5
\v 13 Adtoy, dua kadakuada ti mapmapan iti dayta met laeng nga aldaw iti maysa a baryo a managan Emmaus, nga innem a pulo nga estadia manipud Jerusalem. 
\v 14 Pagtungtungtonganda ti maipanggep kadagiti amin a banbanag a napasamak.

\s5
\v 15 Ti napasamak, kabayatan ti pinagtungtungtongda ken pinagdindinnamagda, immasideg ni Jesus ken nakikuyog kadakuada. 
\v 16 Ngem nalappedan dagiti matmatada iti panangbigbigda kenkuana.

\s5
\v 17 Kinuna ni Jesus kadakuada, "Ania ti pagtungtungtonganyo a dua kabayatan ti pannagnayo?" Ket nagtakderda idiay a malidlidayan ti langada. 
\v 18 Ket maysa kadakuada a managan Cleopas, ti simmungbat kenkuana, "Apay sika laeng ti tao idiay Jerusalem a saan a makaammo kadagiti banbanag a napasamak idiay iti napalabas nga al-aldaw?"

\s5
\v 19 Kinuna ni Jesus kadakuada, "Ania a banbanag?" Insungbatda kenkuana, "Dagiti banbanag a maipanggep ken ni Jesus a taga-Nazaret a propeta, mannakabalin ti aramid ken saona iti imatang ti Dios ken iti amin a tattao. 
\v 20 Ken no kasano nga inyawat dagiti panguloen ti papadi ken dagiti turay a maikeddeng a matay ken inlansada.

\s5
\v 21 Ngem ninamnamami nga isuna ti mangwayawaya iti Israel. Wen, ken malaksid pay iti amin daytoy, maikatlo itan nga aldaw manipud napasamak dagidiay a banbanag.

\s5
\v 22 Ngem maysa pay, dagiti dadduma a kakaduami a babbai ket pinagsiddaawdakami iti ipapanda idiay tanem iti bigbigat. 
\v 23 Idi saanda a nabirukan ti bagina, immayda, ket kinunada pay a nakitada dagiti anghel iti maysa a sirmata ket imbagada a sibibiag isuna. 
\v 24 Dagiti dadduma a kakaduami a lallaki ket napan idiay tanem, ket nakitada daytoy a kas iti kinuna dagiti babbai. Ngem saanda a nakita isuna."

\s5
\v 25 Kinuna ni Jesus kadakuada, "O maag a tattao ken nabuntog ti puspusoda a mamati kadagiti amin nga imbaga dagiti propeta! 
\v 26 Saan aya a masapul a sagabaen ni Kristo dagitoy a banbanag, ken sumrekto idiay gloriana?" 
\v 27 Ket manipud ken ni Moises ken kadagiti amin a propeta, impalawag ni Jesus kadakuada iti amin a banbanag maipapan kenkuana kadagiti amin a Nasantoan a Sursurat.

\s5
\v 28 Kabayatan nga umas-asidegda iti bario a papananda, nagpammarang ni Jesus nga kasla adayo pay ti papananna. 
\v 29 Ngem pinilitda isuna, a kinunada, "Makidaguskan kadakami, ta rumabiin ket ti aldaw ket dandanin a malpas." Isu a simrek ni Jesus a nakidagus kadakuada.

\s5
\v 30 Ti napasamak, idi nakitugawen isuna kadakuada a mangan, innalana ti tinapay, binendisyonanna, ket iti panangguduana, intedna daytoy kadakuada. 
\v 31 Ket naluktan dagiti matmatada, nailasinda isuna, ket nagpukaw isuna iti panagkitada. 
\v 32 Kinunada iti tunggal maysa, "Saan kadi nga agap-apoy dagiti puspuso nga adda kadatayo, kabayatan nga agsasao isuna kadata kadata idiay dalan, kabayatan a linukatanna kadata dagiti Nasantoan a Surat?"

\s5
\v 33 Nagrubwatda iti dayta met laeng nga oras ket nagsublida idiay Jerusalem. 
\v 34 Nasangpetanda a naurnong dagiti sangapulo ket maysa ken dagiti kakaduada, nga ibagbagada nga, "Ti Apo ket nagungar nga agpayso, ket nagpakita pay ken ni Simon." 
\v 35 Isu nga imbagada dagiti banbanag a napasamak idiay dalan, ken no kasano a naipakita kadakuada ni Jesus babaen iti pannakapisipisi iti tinapay.

\s5
\v 36 Kabayatan nga ibagbagada dagitoy a banbanag, nagtakder ni Jesus iti nagtengtengngaanda, ket kinunana kadakuada, "Kapia koma ti adda kadakayo." 
\v 37 Ngem nakigtotda ken napnoanda iti buteng, ta impagarupda a nakakitada iti espiritu.

\s5
\v 38 Kinuna ni Jesus kadakuada, "Apay a mariribukankayo? Apay adda rumusing a saludsod dita pusoyo? 
\v 39 Kitaenyo dagiti imak ken dagiti sakak, siak a mismo daytoy. Sagidendak ket makitayo. Gapu ta ti espiritu ket awan lasag ken tulangna, kas makitayo met nga addaanak." 
\v 40 Idi naibagana daytoy, impakitana kadakuada dagiti ima ken dagiti sakana.

\s5
\v 41 Kabayatan a kasta la unay ti ragsakda, ken agsidsiddaawda, kinuna ni Jesus kadakuada, "Adda kadi uray ania a makanyo?" 
\v 42 Inikkanda isuna iti tinuno a lames. 
\v 43 Innala ni Jesus, ket kinnanna iti sangwananda.

\s5
\v 44 Kinunana kadakuada, "Idi addaak kadakayo, imbagak kadakayo nga amin a nakasurat iti linteg ni Moises ken kadagiti insurat dagiti propeta, ken kadagiti Salmo ket masapul a matungpal."

\s5
\v 45 Kalpasannna, linukatanna dagiti panunotda, tapno maawatanda dagiti Nasantoan a Sursurat. 
\v 46 Kinunana kadakuada, "Kas iti naisurat, masapul nga agsagaba ni Kristo, ken agungar manipud kadagiti natay inton maikatlo nga aldaw. 
\v 47 Ket ti panagbabawi ken pannakapakawan dagiti basbasol, masapul a maikasaba babaen iti naganna kadagiti amin a nasion, a mangrugi manipud Jerusalem.

\s5
\v 48 Dakayo dagiti saksi kadagitoy a banbanag. 
\v 49 Kitaenyo, ibaonko kadakayo ti kari ni Amak. Ngem aguray kayo idiay siudad, aginggana a makawesankayo iti pannakabalin a naggapu idiay ngato."

\s5
\v 50 Ket inturong ida ni Jesus a rimuar aginggana a makaasidegda idiay Betania. Inngatona dagiti imana, ket binendisionanna ida. 
\v 51 Ti napasamak, kabayatan ti panangbendisionna kadakuada, imbatina ida ket nabagkat a naipangato idiay langit.

\s5
\v 52 Ngarud dinayawda isuna, ket nagsubli idiay Jerusalem a napalalo ti ragsakda. 
\v 53 Ket nagtultuloyda nga adda idiay templo a nagdaydayaw iti Dios.