See in Reader
108 lines
7.8 KiB
Plaintext
108 lines
7.8 KiB
Plaintext
\id JON
|
|
\ide UTF-8
|
|
\h Jonas
|
|
\toc1 Jonas
|
|
\toc2 Jonas
|
|
\toc3 jon
|
|
\mt Jonas
|
|
|
|
\s5
|
|
\c 1
|
|
\p
|
|
\v 1 Ita, ti sao ni Yahweh ket immay kenni Jonas nga anak a lalaki ni Amittai, kinunana,
|
|
\v 2 "Agrubbuatka ket mapanka idiay Nineve, ti dakkel a siudad ket agsaoka ti maibusor iti daytoy, gapu ta dimmanon kaniak ti kinadakesda."
|
|
\v 3 Ngem nagrubbuat ni Jonas a mapan idiay Tarsis tapno itarayanna ti imatang ni Yahweh. Simmalog isuna idiay Joppe ket nakasarak iti barko nga agturong idiay Tarsis. Binayadanna ngarud ti pletena ket naglugan iti barko tapno kumuyog kadakuada nga agturong idiay Tarsis, adayo iti imatang ni Yahweh.
|
|
|
|
\s5
|
|
\v 4 Ngem imbulos ni Yahweh ti napigsa nga angin iti taaw ket nagbalin daytoy a napigsa a bagyo. Nganngani marba ti barko.
|
|
\v 5 Nagbuteng unay dagiti tripulante ket immawag ti tunggal lalaki iti bukodna a dios. Impurruakda dagiti karga ti barko iti taaw tapno lumag-an daytoy. Ngem adda ni Jonas iti kaunegan a kadsaaran ti barko ken agid-idda sadiay a narnekan ti turogna.
|
|
|
|
\s5
|
|
\v 6 Isu nga immay ti kapitan kenkuana ket kinunana, Ania ti ar-aramidem, matmaturog? Bumangonka! Awagam ti diosmo! Bareng no makitanatayo ti diosmo ket saantayo a matay."
|
|
\v 7 Kinunada iti tunggal maysa, "Umaykayo, agbibinnunottayo, tapno maammoantayo no siasino ti nakaigapuan daytoy dakes a mapaspasamak kadatayo." Isu a nagbibinnunotda ket nabunot ti nagan ni Jonas.
|
|
|
|
\s5
|
|
\v 8 Ket kinunada kenni Jonas, "Pangaasim ta ibagam kadakami no siasino ti nakaigapuan daytoy dakes a mapaspasamak kadatayo. Ania ti trabahom ken sadino ti naggapuam? Ania ti pagiliam ken ania a puli ti nagtaudam?"
|
|
\v 9 Kinuna ni Jonas kadakuada, "Maysaak a Hebreo; ket agbutengak kenni Yahweh, ti Dios ti langit, a nangaramid iti taaw ken ti daga."
|
|
\v 10 Ad-adda ngarud a nagbuteng dagiti lallaki ket kinunada kenni Jonas, "Ania daytoy nga inaramidmo?" Ta ammo dagiti lallaki nga itartarayanna ti imatang ni Yahweh, gapu ta imbagana kadakuada.
|
|
|
|
\s5
|
|
\v 11 Ket kinunada kenni Jonas, "Ania ti rumbeng nga aramidenmi kenka tapno agtalna ti taaw kadatayo?" Ta ad-adda a dimmawel ti taaw.
|
|
\v 12 Kinuna ni Jonas kadakuada, "Bagkatendak ket ipurruakdak iti taaw. Ket agkalmanto ti taaw kadakayo, ta ammok a gapu kaniak a mapaspasamak daytoy napigsa a bagyo."
|
|
\v 13 Nupay kasta, naggaud ti kasta unay dagiti lallaki tapno makasublida iti daga, ngem saanda a maaramid daytoy gapu ta ad-adda a dumawdawel ti taaw a maibusor kadakuada.
|
|
|
|
\s5
|
|
\v 14 Ngarud, immawagda kenni Yahweh ket kinunada, "Agpakpakaasikami kenka Yahweh, agpakpakaasikami kenka, saanmo nga ipalubos a mataykami maigapu iti biag daytoy a lalaki, ken saanmo nga ipabasol kadakami ti ipapatayna, gapu ta sika, Yahweh, inaramidmo laeng ti makaay-ayo kenka."
|
|
\v 15 Binagkatda ngarud ni Jonas ket impuruakda iti taaw, ket nagsardeng ti kinadawel ti taaw. Ket kasta unay ti buteng dagiti lallaki kenni Yahweh.
|
|
\v 16 Nangidatagda iti daton kenni Yahweh ken nagsapatada.
|
|
|
|
\s5
|
|
\v 17 Ita, nangisagana ni Yahweh iti dakkel nga ikan a mangalun-on kenni Jonas ket adda ni Jonas iti tian ti ikan iti tallo nga aldaw ken tallo a rabii.
|
|
|
|
\s5
|
|
\c 2
|
|
\p
|
|
\v 1 Kalpasanna, nagkararag ni Jonas kenni Yahweh a Diosna iti kaaddana iti tian ti lames.
|
|
\v 2 Kinunana, "Immawagak kenka O Yahweh maipanggep iti pakariribukak ket sinungbatannak; manipud iti tian ti sheol, nagpatulongak! Nanggegmo ti timekko.
|
|
|
|
\s5
|
|
\v 3 Intapuaknak iti kaadalman, iti lansad ti taaw, ket nalawlawak iti danum; sinabbuagandak dagiti dalluyonmo.
|
|
\v 4 Ket kinunak, 'Napagtalawak manipud iti imatangmo; kasano a makitak manen ti nasantoan a templom?'
|
|
|
|
\s5
|
|
\v 5 Linapunosnak ti danum a mangala ti biagko; linawlawnak ti kaadalman; naibalkot iti ulok ti ruot ti taaw.
|
|
\v 6 Bimmabaak kadagiti puon dagiti bantay; naibalunet ti daga kaniak iti agnanayon. Ngem inyaonmo ti biagko manipud iti abot, O Yahweh, a Diosko!
|
|
|
|
\s5
|
|
\v 7 Idi kimmapuy ti kararuak, nalagipka O Yahweh; ket dimmanon ti kararagko kenka, iti nasantoan a templom.
|
|
\v 8 Dagiti dumdumngeg kadagiti awan serserbina a dios ket inlaksidda ti kinapudnom kadakuada.
|
|
|
|
\s5
|
|
\v 9 Ngem para kaniak, agidatonak kenka nga addaan panangiyebkas ti panagyaman; Tungpalekto no ania ti insapatak. Aggapu kenni Yahweh ti pannakaisalakan!"
|
|
\v 10 Ket nagsao ni Yahweh iti lames ket insarruana ni Jonas iti namaga a daga.
|
|
|
|
\s5
|
|
\c 3
|
|
\p
|
|
\v 1 Nangngeg ni Jonas ti sao ni Yahweh iti maikadua a gundaway, kinunana,
|
|
\v 2 "Agrubbuatka, mapanka idiay Nineve, ti dakkel a siudad ket iwaragawagmo sadiay ti mensahe nga imbilinko kenka."
|
|
\v 3 Nagrubbuat ngarud ni Jonas ket napan idiay Nineve kas panagtulnog iti sao ni Yahweh. Ita, ti Nineve ket nalawa unay a siudad, maysa a lugar a daliasaten iti tallo nga aldaw.
|
|
|
|
\s5
|
|
\v 4 Rinugian ni Jonas a serreken ti siudad ket kalpasan ti maysa nga aldaw a pannagnana, nagpukkaw ket kinunana, "Uppat a pulo nga aldaw manipud ita, madadaelto ti Nineve."
|
|
\v 5 Namati iti Dios dagiti tattao ti Nineve ket inwaragawagda ti panagayunar. Nagkawesda amin iti nakersang a lupot, manipud iti katatan-okan agingga iti kanunumoan kadakuada.
|
|
|
|
\s5
|
|
\v 6 Nakadanon a dagus ti damag iti ari ti Nineve. Timmakder isuna iti tronona, inussobna ti pagan-anayna, nagkawes iti nakersang a lupot ket nagtugaw iti dapo.
|
|
\v 7 Nangiwaragawag isuna iti pakaammo a nagkuna, "Babaen iti turay ti ari ken dagiti opisialna iti Nineve, awan kadagiti tattao wenno ayup, wenno kadagiti taraken ti mangraman iti aniaman a banag ditoy Nineve. Saanyo ida a palubosan a mangan wenno uminom ti danum.
|
|
|
|
\s5
|
|
\v 8 Ngem masapul nga agabbong iti nakersang a lupot dagiti tao ken ayup ket masapul nga ipukkawda ti umawag iti Dios. Masapul a tallikudan ti tunggal maysa ti dakes a kababalinna ken ti kinaranggas dagiti imana.
|
|
\v 9 Siasino ti makaammo? Mabalin a maasi ti Dios ket baliwanna ti pangeddengna ket saanen nga agpungtot tapno saantayo a matay."
|
|
|
|
\s5
|
|
\v 10 Nakita ti Dios ti inaramidda, a tinallikodanda dagiti dakes a kababalinda. Isu a binaliwan ti Dios ti pangngeddengna maipanggep iti panangdusa nga imbagana nga aramidenna kadakuada ket saannan nga inaramid daytoy.
|
|
|
|
\s5
|
|
\c 4
|
|
\p
|
|
\v 1 Ngem kasla saan nga umno daytoy kenni Jonas, ket kasta unay ti ungetna.
|
|
\v 2 Isu a nagkararag kenni Yahweh ket kinunana, "Ah, Yahweh, saan kadi a daytoy ti kas imbagak kenka idi addaak iti bukodko a pagilian? Isu't gapuna a nagtignayak nga immuna ket pinadasko ti immadayo a napan idiay Tarsis—gapu ta ammok a naparaburka a Dios, manangngaasi, saan a nalaka a makaunget, napnoan ti kinapudno ket baliwam ti pangngeddengmo a mangibaon iti didigra.
|
|
\v 3 Ita ngarud, Yahweh, agpakpakaasiak kenka, alaemon ti biagko, ta nasaysayaat a matayak ngem ti agbiag."
|
|
|
|
\s5
|
|
\v 4 Kinuna ni Yahweh, "Nasayaat kadi a makaungetka?"
|
|
\v 5 Ket rimmuar ni Jonas iti siudad ken nagtugaw iti akindaya a paset daytoy. Nangaramid isuna iti paglinongan sadiay ket nagtugaw iti sirok daytoy tapno makitana ti mabalin a mapasamak iti siudad.
|
|
|
|
\s5
|
|
\v 6 Nangisagana ni Yahweh a Dios iti mula ket pinadakkelna daytoy a dimmanon iti ngatoen ni Jonas tapno malinongan ti ulona ket mabang-aran. Naragsakan unay ni Jonas gapu iti mula.
|
|
\v 7 Ngem nangisagana ti Dios iti igges idi sumingising ti init iti kabigatanna. Kinibkibanna ti mula ket nalaylay.
|
|
|
|
\s5
|
|
\v 8 Ket napasamak, idi simmingising ti init iti kabigatanna, nangisagana ti Dios iti napudot nga angin manipud iti daya. Kasta met a nainitan ti ulo ni Jonas ket kimmapsut. Ket tinarigagayan ni Jonas a matay isunan. Kinunana iti bagina, "Nasaysayaat a matayak ngem ti agbiag."
|
|
\v 9 Ket kinuna ti Dios kenni Jonas, "Nasayaat kadi a makaungetka maipanggep iti mula?" Ket kinuna ni Jonas, "Nasayaat a makaungetak, uray pakatayak."
|
|
|
|
\s5
|
|
\v 10 Kinuna ni Yahweh, "Maasianka iti mula, a saanmo a nagbannogan wenno pinadakkel. Nagtubo daytoy iti rabii ken natay iti sumaruno a rabii.
|
|
\v 11 Isu a para kaniak, saan kadi a rumbeng a kaasiak ti Nineve, ti dakkel a siudad, nga addaan iti nasurok a sangagasut ket duapulo a ribu a tattao a saan a makaammo iti nagdumaan ti kannawan ken kannigid nga imada, ken kasta met dagiti adu a tarakenda?"
|