-x-_luk_text_ulb/10/25.txt

\v 25 Naih ah lanh nzaox gâyf Stênx-stengb nyoongz quef stâuđ woa, oix stâyv Zâu Yê-su songđ naic coong, “Stênx stengb lex! yaz zuc ayx laix nzăngđ tuz stâyv quâyx nyăngz mengc?” \v 26 Zâu Yê-su tauz coong, “Đoouc-lif gâyf Stâub ja coong laix? mâyh toc woax đomc Đoouc-lif Gâyf nyăngz âyz gâyf lănv coong laix? \v 27 Woax tauh stênx stengb tauz coong, “Zuc nongc nzuf jab, nongc nzuf zux ix, nongc nzuf Tongb manyh nongc nzuf mengc hoonh, Stăngz mâyh nyăngz Tênb-Hungh. Yâuc zuc stăngz cah synh munh năngđ stăngz pănh nyăngz stynb nâyx.” \v 28 Zâu Yê-su bux nănh coong, “Mâyh tauz tuz toix gôh, phanv ayx năngđ naz six tuz mengc săngh gôh.”