kea_luk_text_reg/07/11.txt

\v 11 Na otu dia Jezus bai pa un bila txomadu Nain, djuntu ku ses disiplu, y un grandi multidon staba ta sigi-s. \v 12 Kontisi ki kantu E staba ta ba entra na porton di bila, bira asin E odja un ntéru di un rapás ki staba ta sai. Kel difuntu éra úniku fidju matxu di un viúva y txeu algen di kel bila staba djuntu ku el na kel ntéru. \v 13 Kantu Sinhor odja pa kel viúva, E xinti txeu dór di el. Nton E fla-l: "Ka bu txora!" \v 14 Dipôs, E txiga pértu y E poi mon na maka. Nton, kes ómi ki staba ta karega kel maka para. Asin, Jezus fla: "Rápas, é Mi ki sa ta fla-u, labanta". \v 15 Y kel rapás mortu labanta y e xinta, y e kumesa ta pâpia. Nton Jezus torna integra kel rapás pa se mai.