Thu Nov 12 2020 12:10:19 GMT+0200 (South Africa Standard Time)

01/01.txt

@@ -0,0 +1 @@
+\v 1 Ghushupi gho kupwa natjangire, Theophilus, gha tongwerire yoyiheya oyi gha tangire kutenda no kuhonga Jesusi, \v 2 kate mudiyuwa edi ha mushimbire mudiwiru, pakumana kutapa marawero kupitera mwa mupepo gho kupongoka kwawa-apostoli awa gha torora. \v 3 Munyima dhoyinyanda yendi, gha kuniyire thinda eshi muyumi kukwagho, noghushupi gho kupira kukanana. Mumayuwa makumi mane gha hokokire kukwagho nogha ghambire yo kuhatera kughufumu waNyambi.

01/04.txt

@@ -0,0 +1 @@
+\v 4 Apa nga kuwanekeranga nawo, gha ghawa rawere eshi mbadi ha kushwaye muJerusalema, ene hakona kutaterera yitoyedhera yokwawihe, oyi gha ghambire eshi, ''Mwayuva kukwange \v 5 eshi Johanesi yashemwa gha yoyire nomeyu, ene mbi muna pu kuyogha pamupepo gho kupongoka mumayuwa ghomapu.''

01/06.txt

@@ -0,0 +1 @@
+\v 6 Apa ha kukongwedhire pofotji, ha mwipurire eshi, ''Fumu, oru ne roruvedhe wa kutendurura ghufumu waIsraeli ndi?'' \v 7 Gha ghambire kukwagho eshi, ''Mbadi yenu yo kudimuka maruvedhe endi yivaka eyi gha tokora Tate pamangcamu ghendi. \v 8 Ene mbo muna wana ngcamu apa mbo gheya mupepo mupongoki papenu, no mbo muna kara mwashupi wange kutunderera muJerusalema noJudeya ghomuheya nomuSamaria n kughuhura gho kaye.''

01/09.txt

@@ -0,0 +1 @@
+\v 9 Apa gha manine Fumu Jesusi kughamba yinu yi, apa gha diyamenine kuwiru, nodivuyi dyamungambwathanine kumeho ghawo. \v 10 Oku shime hanungurukera thikuma kudiwiru oku aye pakayenda, kapupi kamanana hatutughuru hawadi hawemanene muyitere yoyikenu.'' \v 11 Haghambire kukwagho eshi. ''Amwe mwarume ghomu Galileya, pashanye munemanena pano ghukengerera mudiwiru, mbo ghana ka huka karo dyodiya muna mumono ghana kayenda mudiwiru.''

01/12.txt

@@ -0,0 +1 @@
+\v 12 No ha hukire kuJerusalema kutunderera kudirundu edi hetha eshi dirundu dyondhwe, edi dyakara pepi naJerusalema, ruyendo ro mudiyuwa dyoSabata. \v 13 Apa ha ka kumine, ha kengenine mundhugho dhokuwiru, omu nga ha karanga. Awo ne Petrusi. Johanesi, Jacobusi, Andreyasi, Simon ghomuZiloti, naJudasi ghomwana Jacobusi. \v 14 Wahe ha kuturirewmo nothitambo thofotji tho kuraperera, pofotji nawa mbuyama, haMaria gho nyina Jesusi no ha kurwendi.

01/15.txt

@@ -0,0 +1 @@
+\v 15 Mumayuwa gho Petrusi ghemanine mukatji kawa mina nawa kurwendi, hanu hokukuma ku120, no gha ghambire eshi, \v 16 ''Mwamina nomwakurwa , yakarire mudyo eshi matjangwa gha kumemo, eyi ghaghambire mupepo gho kupongoka kughutho mukanwa kaDavida, yo kuhatera kwaJudasi oyu gha pitere awa ha ka kwatire Jesusi.

01/17.txt

@@ -0,0 +1 @@
+\v 17 Aye gha karire ghofotji gho papetu nogha wanineko thitapa muthishongero thetu.'' \v 18 (Katughuru yu gha ghurire dipya noyiwana eyi gha wanine mughuyi wendi, popo vene kokuwa kwendi nomutwi, noyirama yendi yapayukire, yihoye yendi yoyihe yashwayire. \v 19 Wahe awa ha tungire muJerusalema hayi yuvire yinu yi, nga ha toyanga dipya diya mundimi dhawo eshi, ''Akaldema'', kutongora eshi, ''Dipya dyothinyinga.''

01/20.txt

@@ -0,0 +1 @@
+\v 20 ''Ayo yapwa kutjanga mumbapira dhawaka Pisalemi eshi, ''Ninge dipya dyendi dipire matungo, mwa tawedhera noyofotji temba munu kutunga mo'; 'Muninge munughumwe gha shimbe dyango dyendi dyoghupiterithi.'

01/21.txt

@@ -0,0 +1 @@
+\v 21 Mudyo keho eshi, ghofotji ghopatutughuru wa oyu nga yendanga netu ruvedhe roruheya aye Fumu Jesusi ne nga yendanga mwishi nopanunda mukatji ketu. \v 22 Kutunderera kudiyoghero dyaJohanesi kudiyuwa edi ha mushimbire muwiru kutunderera kukwetu, kare gho mushupi netu kumuvumbukero wendi.'' \v 23 Ha turire kughutho ha tutughuru hawadi, Josef oyu hetha eshi Barsabbasi, oyu ha tire karo eshi Justus endi Matiyasi.

01/24.txt

@@ -0,0 +1 @@
+\v 24 Harapererire no kughamba eshi, ''Yowe, Fumu, wadimuka mitjima dhawanu wahe, hokore eshi katughuru munye pakatji kowa hawadi  oyu ghuna torora, \v 25 mu kushimba dyango muthishongero thetu nothituma thetu mudyango dyaJudasi oyu gha pirukire gha huke kudyango dyendi.'' \v 26 Hawa tendere fungu-fungu, no fungu-fungu dhi dhawerere paMatiyasi, no ha mutarire pofotji no ha-apostoli.

02/01.txt

@@ -0,0 +1 @@
+\v 1 Apa dya kumine mo diyuwa dyoPendekosita, wahe ha pongire mudyango dyofotji. \v 2 Kapupi kamanana weyire mughuma kushwagha mudiwiru yira mupepo gho kukona kuhanyaghura, wayarire mundhugho mu ha hungumanine. \v 3 Ha tangire kughamba mandimi yira gho mudiro ogha hawapire, no wa karire pakehe yu. \v 4 Wahe ha yarire noMupepo gho kupongoka no ha tangire kughamba ghamwe, dyodi wawapiterithire Mupepo mupongoki.

02/05.txt

@@ -0,0 +1 @@
+\v 5 Hakarire haJuda awa ha tungire muJerusalema, ha tutughuru waNyambi, kukehe diko dyo pamuve. \v 6 Apa hayuvire mughuma, hanu hohengi heyire pofotji no ha karire thivunganyi yoyishi kehe yuno gha yuvire hana kughamba kehe yunu mundimi dhendi. \v 7 Ha tetukire nohayapire; ha ghambire eshi, ''Awa wahe mbadi hana kughamba ruGalileya?

02/08.txt

@@ -0,0 +1 @@
+\v 8 Pashanye tuna kuwa yuvere? Kehe yu mundimi dhetu dho ka koghatji? \v 9 Partianus naMedesi naElamitesi, nowa hatunga muMesopotamiya naJudeya na Cappadosiya, naPontusi naAsia, \v 10 Phrygia naPamphlia muEgipute nomutara waLibya ghutambe kuSirene no hadhinguri ho kuRoma, \v 11 haJuda no hama Proselytesi, Cretansi no haka Arabiya, kuwa yuva hana kughamba mundimi dhetu yo kuhatera kungcamu dhoyirughana yaNyambi.

02/12.txt

@@ -0,0 +1 @@
+\v 12 waahe ha tetukire no kuyovara; ha ghambathanine mukatji kawo eshi, ''Yinye yina kutongora yi?'' \v 13 Hamwe hawa hekire no kughamba eshi, ''Hana terera novinyu ghomupya.''

02/14.txt

@@ -0,0 +1 @@
+\v 14 Ene Petrusi ghemanine no hasha dikumi noyofotji, gha yeyure diywi dyendi, no kughamba kukwagho eshi, ''Mwanu homuJudeya no mwahe mwe mwa tunga muJerusalema, mudimuke yinu yino; mu tape thinga kunando dhange. \v 15 Hanu wane mbadi hana  terera dyodi mwa kuyithinganyeka, yoyishi viri dho ghuhatu ngenyu mudiyuwa.

02/16.txt

@@ -0,0 +1 @@
+\v 16 Ene eyi ne yo ha ghambire kupitera mwamuporofeta Juweli: \v 17 'Dyoya kukara mumayuwa ghoghuhura,' Nyambi ha ghamba eshi, mbo na tumu mupepo wange pakehe yu. Hanenu ho ha tutughurughana na ho hakamadighana mbo hana pumbu, hoha tutughurughana mbo hana roto yirota.

02/18.txt

@@ -0,0 +1 @@
+\v 18 Ghushemwa poha pika wange no ha pika wange hohambuyama mumayuwa gho mbona mbona tumu mupepo wange, nonanyi ha kupumbe. \v 19 Mbo na negfhedha yitetukitha muwiru no yidimukitho pamuve, manyinga, mudiro nomwithi gho kududumuka.

02/20.txt

@@ -0,0 +1 @@
+\v 20 Diyuwa nanyi dya kukutjindje kumakokore nokaghonda kumanyinga kughutho gho kwiya diyuwa dyaFumu dyongcamu nodyodikuru. \v 21 Nga ya kukare eshi kehe yu mbo ghetha dina dyaFumu mbo ghana pu kughamwena.'

02/22.txt

@@ -0,0 +1 @@
+\v 22 Mwanu ho muIsraeli, muyuve manando ghano: Jesusi gho muka Nasareti kwakarire katughuru oyu gha tumine kukwenu Nyambi nongcamu dhokutombora, noyitetukitho noyidimukitho eyi gha rughane Nyambi kupitera mumwendi mukatji ketu, dyo di mwayi dimuka mwahe. \v 23 Katughuru yu gha tapire Nyambi no ya pwire kurongeka no kudimuka kughutho gho kahokoka; ene mwe, munyara dho ha tutughuru ho hayi, mwa mutwarire kuyifa pakumu pamarera pathikurushe. \v 24 Ene Nyambi gha mu tumune, gha mu shuture kutjitju dhoyifa, yoyishi mbadi ya konine kumukwata.

02/25.txt

@@ -0,0 +1 @@
+\v 25 Davita gha ghambire yino kukwendi, 'Ame kehe pano kumona Fumu kughutho wange, Aye kehe pano kumutara gho rudyo rwange podigho eshi mbadi hani henyithe. \v 26 Podigho mutjima wange washambererire norudimi rwange rwa kuyire. Munyima yirama yange yina kupara muma kurupero.

02/27.txt

@@ -0,0 +1 @@
+\v 27 Owe mbadi mbo mwayerera mudhimu wange mumamboreya, no mbadi wa kutawedhera hapongoki hoye horwe. \v 28 Wani dimukitha mayira gho ghuparo; mbo ghuna ni tendi ni yare no yishamberera kurupara roye.'

02/29.txt

@@ -0,0 +1 @@
+\v 29 Mwashere, ghuwa thikuma kukwange ni ghambe kukwenu noghutjima yo kuhatera kwakerekandongo wetu Davita, naye ghafire nohamuvumbekire, nombira dhendi nadho tudi kudyarero. \v 30 Podigho eshi, gha karire muporofeta nogha dimukire eshi Nyambi gha tenda mawethero kukwendi eshi nanyi gha kuture yofotji gha padiko dyendi mukukara padipuna diyuwa dimwe. \v 31 Gha monine eyi ya ka hokoka kughutho no gha ghambire yo kuhatera kumuvumbukero waKristusi, eshi mbadi ha mu mwayerera kuyifa, endi yirama yendi kukufuta.

02/32.txt

@@ -0,0 +1 @@
+\v 32 Oyu Jesusi-Nyambi gha mu tumune, eyi yidi eshi twahe twashupi wayo. \v 33 Podigho, ghana muyeyura kughutho kurudyo rwaNyambi no ghana kutambura makuruperitho gho Mupepo gho kupongoka kutunderera kwaWihe no gha tutumena keho eyi mwa kumona no kuyuva.

02/34.txt

@@ -0,0 +1 @@
+\v 34 Kukwendi Davita mkbadi gha dhinine mudiwiru, ene gha ghambire eshi, 'Fumu gha ghambire kwaFumu wange, ''Hungumane kurudyo rwange \v 35 kate na kutende ha ka nore dhoye yidjatero yo kumapadhi ghoye.''' \v 36 Podigho eshi, ninge kehe dhino ndhugho dhawa ka-Israeli ha dimuke eshi Nyambi gha mutenda Fumu noKristusi, yoyu Jesusi mwa pamarere.''

02/37.txt

@@ -0,0 +1 @@
+\v 37 Apa ha yiyuvire yi, yawa twire kumitjima dhawo, na ha ghambire kuwaPetrusi no kwawa apostoli wahe eshi, ''Mwayendhange yipi sho tutende?'' \v 38 Munyima Petrusi ghaghambire kukwagho eshi, ''Mupiruke no mupwe kuyogha, no keheyu gho pakatji kenu, mudina dyaJesusi Kristusi ghomathiyerero gho maharwero ghenu, munyima mbo muwana yitapera yaMupepo mupongoki. \v 39 No makuruperitho ne kukwenu no kwahanenu nokawa hadi kayenda, nothingi thawanu awa mbo ghetha Fumu Nyambi.''

02/40.txt

@@ -0,0 +1 @@
+\v 40 No manando ghomengi gha nongononithire no kuwatjokedha ghuninga eshi, ''Mupwe kughamwena koghu muhoko gho ghumango.'' \v 41 Ha tamburire nando dhendi no ha pwire kuyogha, no hawa wedherere kuthivarero thomidhimu dyo diyuwa tho kukuma kumayovi mahatu. \v 42 Ha kuturiremo hathinda kuyihonga yawa apostoli nokukupakerera pofotji nomakupakerero, mukuyondora ghuroto nomumandapero.

02/43.txt

@@ -0,0 +1 @@
+\v 43 Woma weyire mukehe mudhimu, noyitetukitha noyidimukitho yoyingi yapwire kutenda kupitera mwa wa apostoli. \v 44 Wahe awa ha tawire hakarire pofotji noha kuwire muyitambo yawo, \v 45 noha ghurithire yiwana yawo no hayi kutapere mumwawo hathinda, kukutha kuyinyanda yawo.

02/46.txt

@@ -0,0 +1 @@
+\v 46 Kemo diyuwa tunda diyuwa ha kuturiremo hathinda nothitambo thofotji mungirishe. Ha yondorire ghuroto mumaghumbo ghawo, no ha kutapere yidya pofotji noyi shamberera nomitjima dhokukumbirupitha, \v 47 kukugha Nyambi no ha karire ghuwa nawnu wahe, no kehe diyuwa Nyambi ghawedhere kuthivarero thawo awa ha pwire kughamwena.

03/01.txt

@@ -0,0 +1 @@
+\v 1 Munyima Petrusi naJohanesi hayendire kuwiru dhongirishe paviri dhomandapero, paviri dhoghukwoko nodhoghune. \v 2 Munyima katughuru oyu gha karire murema kushwayera mumukogha wanyina oyu nga ha retanga kungirishe paheka apa hethangire eshi, Ghuwa. Awo nga ha muturanga popo kehe nadiyuwa eshi ngo gha kumbere masherenyi kwawa hana kwingena mungirishe. \v 3 Apa gha monine Petrusi naJohanesi hana kushana kwingena mungirishe, gha wepure ko maghamweno.

03/04.txt

@@ -0,0 +1 @@
+\v 4 Petrusi, gha topere meho ghendi papendi, naJohanesi gha ghambire eshi, ''Tukenge.'' \v 5 Katughuru gho murema gha wa kengire, ghutaterera kuwana maghamweno kukwawo. \v 6 Ene Petrusi gha ghambire eshi, ''Siriveri no ngorondo mbadi nidi nayo, ene eyi nidi nayo nanyi nikupe. Mudina dyaJesusi Kristus ghomuka Nasareti, yende.''

03/07.txt

@@ -0,0 +1 @@
+\v 7 Hamukwatire kudyoko dyorudyo, Petrusi gha mwimekire, popo vene maghuru nomangongotji gha katughuru yu gha tanarire. \v 8 Katughuru yu ghemanine no kuregha muwiru no gha tangire kuyenda; ghengenine naPetrusi naJohanesi mungirishe, ghuyenda no kukugha Nyambi.

03/09.txt

@@ -0,0 +1 @@
+\v 9 Hana wahe ha mumonine ghana kuyenda noha kuyire Nyambi. \v 10 Ha nongononine eshi yo katughuru oyu nga karanga ghukumbera hanu maghamweno kuheka dhodhiwa dhongirishe.'' Awo hayarire nothitetu yoyishi koyoyi ya hokokire kukwendi.

03/11.txt

@@ -0,0 +1 @@
+\v 11 Kenge gha gorere paPetrus nopaJohanesi, hanu wahe ha tjirere kukwagho mukara oghu hethangire eshi, Solomon ghukuru ghothitetu. \v 12 Apa gha yi monine Petrusi, gha wa huthire eshi, ''Amwe mwa hanu waIsreali, pashanye muna kutetukera? Pashanye muna kutu nungurukera twe, yira yatwe tuna mu ningitha eshi gha yende pamangcamu ghetu endi paghukushuki wetu?

03/13.txt

@@ -0,0 +1 @@
+\v 13 Nyambi waAbraham, no waIsaaki, no waJakop, Nyambi wawakerekandongo wetu, ghana fumaneka muruwaneni wendi Jesusi. Oyu mwa tapire no kuhamura kughutho waPilatus, apa gha tokore eshi gha mu shuture. \v 14 Mwa shwenine mupongoki nomuhungami, no mwa kumberire hamushwayithere mupayi mudyango dyendi.

03/15.txt

@@ -0,0 +1 @@
+\v 15 Mwa payire mutangeri gho yipara, oyu gha vumburire Nyambi mwawafu, no atwene twashupi kuyinu yi. \v 16 Nopa didhi dyomatawero mudina dyendi, dina dyendi dina shutura yu katughuru mwa kumona no kudimuka. Matawero gho kupitera mwaJesusi ghana mupa ghundjewa-ndjewa wendi gho kuyarerera kughutho wene mwahe.

03/17.txt

@@ -0,0 +1 @@
+\v 17 Keho, mwashere, na dimuka eshi mwa yitendere mukunyatha, thika edi mwa tendire kwawaraghuri wenu. \v 18 Ene yinu yaNyambi eyi ha mu tongwera kupitera mutunwa twawa pumbi wahe, eshi Kristusi wendi gha kona kunyanda ne, ghana yikumithamo.

03/19.txt

@@ -0,0 +1 @@
+\v 19 Mupiruke, podigho eshi mirandu dhenu dhipwe kuthiyerera, podigho eshi dha kwiye nako dho kupeperera kughutho waFumu. \v 20 no gha kutume Kristus oyu ghapwa kutorora kukwenu Jesusi.

03/21.txt

@@ -0,0 +1 @@
+\v 21 Aye yodiye ghofotji oyu dya kona katambura diwiru kate ruvedhe romarughuthururo gho yoyiheya, koyi gha ghambire Nyambi pakare kupitera mutunwa twawaporofeta wendi ho kupongoka. \v 22 Mosesi ghushemwa gha ghambire eshi, 'Fumu Nyambi mbo ghana yeyura muporofeta yira yame mukatji kenu mwashere. Mwa kona ka tegherera kuyoyihe eyi mbo ghaka mu ghambitha. \v 23 Mbo yina kahokoka eshi kehe yuno munu gha ka pira kategherera muporofete yu mbo ghana pu kuharanganya mukatji kawanu.'

03/24.txt

@@ -0,0 +1 @@
+\v 24 Nhii, noha porofeta wahe kutunderera kwaSamuwel nowa heyire munyima dhendi, ha ghambire no kuyuvithya ghano mayuwa. \v 25 Yamwe mwahana wawaporofeta noho ghundambo oghu gha tendire Nyambi nawa kerekandongo wenu, dyodi gha ghambire kwa-Abraham eshi, ''Murunanda roye mako ghomahe pamuve mbo ghana pukutungeka.' \v 26 Nyambi munyima gha yeyurire murughani wendi, gha mu tumine kuwenu pamutango, podigho eshi mu pwe kutungeka mukushwayitha kehe yu gho papenu kughuyi wenu.''

04/01.txt

@@ -0,0 +1 @@
+\v 1 Oku shime gha karera Petrusi naJohanesi kuna kughambitha hanu, hapristeri namukuru gho tembeli nawaSadusayi heyire kukwagho. \v 2 Ha tokotire thikumenena, yoyishi Petrusi naJohanesi kwa karire kuna kuhonga hanu no kuyuvitha mbudhi dhaJesusi no muvumbukero wawafu. \v 3 Ha wa kwatire no kuwa tura mukashitiko kate mathiku-thiku gho kurandako, ruvedhe ru ne runguro. \v 4 Ene wingi wahanu awa ha yuvire mbudhi dhi hatawire; thitara thawa ha tawire tha kumine kumayovi kwoko.

04/05.txt

@@ -0,0 +1 @@
+\v 5 Nodiyuwa dyo kurandako haraghuri wagho, mayami, nawaka marukwaro hapongire pofotji muJerusalema. \v 6 Annas mupristeri shokuru pogha karire, naKayifasi, naJohannesi, ndani naAlesanderi no wahe ha ka diko dya mupristeri shokuru. \v 7 Munyima dho kureta haPetrusi naJohannesi mukatji kawo, hawepurire eshi, ''Pangcamu dhadye, nomudina dyadye, muna yirughana yi?''

04/08.txt

@@ -0,0 +1 @@
+\v 8 Petrusi, gha yarire nomupepo gho kupongoka, no ghawa tongwerire eshi, ''Amwe mwa raghuri ghowanu, namwe mwa piterithi, \v 9 ngeshi twene munwato tudi dyarero kuhatera yoyiwa kwamurume yu gha karire noyikorwa, nopangcamu dhadye murume yu gherukere, \v 10 mwa kona kuyitjwathana mwahe nokwahanu wahe homu Israeli eshi, ghono katughuru ghanemana kughutho wenu mundjewan-djewa mudina dyaJesusi Kristusi gho muka Nasareti oyu mwa pamarere, oyu gha vumbure Nyambi mwawafu.

04/11.txt

@@ -0,0 +1 @@
+\v 11 Jesusi Kristusi ne yodiye diwe edi hanyathire hambi, ene dyo ha ditendire mudishonga. \v 12 Mbadiko makamweneno mwa kehe yuno munu, nombadiko dina mwishi dhodiwiru ha tapa mukatji kohanu omu sho tupwe kushutura.''

04/13.txt

@@ -0,0 +1 @@
+\v 13 Apa ha monine matjimapero ghaPetrusi naJohanesino kunongonona eshi awo hanu honyara-nyara, mbadi ha kuhonga ene hanu vene, ha tetukire, no kunongonona eshi eshi haPetrusi naJohanesi hakarire pofotji naJesusi. \v 14 Yoyishi ha monine murume oyu gherukire ghanemana nawo, mbadiko eyi gha konine kughamba kuyinu yi.

04/15.txt

@@ -0,0 +1 @@
+\v 15 Munyima dho kuraweera ha apostoli ha shwaye mundhango, ha kuyongire mumwagho hathinda. \v 16 Ha ghambire eshi, ''Yinu munye sho tu tende na wanu wa? Ghushemwa eshi thitetu tho thikuru thina hokoka  kowa hatunga muJerusalema nombadi twa kona kuthiwa shwenena. \v 17 Ene mu kuninga eshi mbudhi dhi mbadi kuhanye mwawanu, twa kona kuwashinga kughamba kwakehe yu no kughamba karo mu dina di.'' \v 18 Munyima ha wethire no kuwa rawera eshi mbadi ha kona karo kughamba endi kuhonga yinu mudina dyaJesusi.

04/19.txt

@@ -0,0 +1 @@
+\v 19 Petrusi naJohanesi hawa huthire eshi, ''Yarogha kughutho waNyambi kufumaneka munu endi yodiye amwe mwa panguri. \v 20 Mbadi sho tukone kushayeka kughamba yinu eyi twa mona no kuyuva.''

04/21.txt

@@ -0,0 +1 @@
+\v 21 Pakumana kuwashinga haPetrusi naJohanesi, hawa thiyire ha ka yende. Mbadi ha konine kuwana kehe ghuno, murandu mukuwahumbitha, yoyishi hanu wahe ha tumerire Nyambi kuyinu eyi ya hokokire. \v 22 Katughuru yu gha wanine thitetu tho merukero gha karire no myaka kupitakana makumi mane.

04/23.txt

@@ -0,0 +1 @@
+\v 23 Munyima dho kuwashutura haPetrusi naJohanesi heyire kohanu wawo nohana thimwetwedhire yoyihe eyi  haghambire hapristeri nawa mayami kukwawo. \v 24 Apa ha yiyuvire, ha yeyurire maywi ghawo nothitambo thofotji tho kutumera Nyambi ghuninga eshi, ''Fumu, watendire diwiru nomuve nodikuruviya noyo yiheya eyi ya karamo. \v 25 Owene wa ghambire naMupepo gho kuponga kupitera mukanwa kamupikoye Davida kerekandongo wetu, pashanye hana karera hahayidena thivunganyi, nohanu hana pemukitha maghano ghawo?''

04/26.txt

@@ -0,0 +1 @@
+\v 26 Waghambire eshi, ''Hafumu hopamuve ha kukwatire pofotji, nawa raghuri ha kukongwedhire pofotji hemanganyene Fumu, no kwimanganyena Kristusi.

04/27.txt

@@ -0,0 +1 @@
+\v 27 Ghushemwa, wahe haHerodesi naPontius, pofotji nawa hayidena nohanu homuIsaraeli ha kupakerire pofotji modhi mbara no kwimanganyena mupongoki ghoye Jesusi mukareri ghoye oyu wa wethere. \v 28 Ha kukongwedhire pofotji mukutenda yoyihe eyi waruwane nonyara dhoye, no yi turithapo waghayarire kughutho eyi mbo yi hokoka.

04/29.txt

@@ -0,0 +1 @@
+\v 29 Keho, Fumu, kenge kumashingero hana tapa kwawa kareri ghoye mukughamba nando ghutjimapa. \v 30 Ghonyonone dyoko dyoye no kwirukitha no kutapa yidimukitho noyitetukitho kupitera mudina dyamupongoki ghoye  no mukareri ghoye Jesusi.'' \v 31 Munyima dho kumana kuraperera, dyango edi ha pongire pofotji dyandandamene, no hayarire wahe no mupepo gho kupongoka noha ghambire nando dhaNyambi nongcamu.

04/32.txt

@@ -0,0 +1 @@
+\v 32 Wingi wawaheya awa ha tawire ha karire nomutjima nomudhimu ghofotji. Mbadiko oyu gha ningire eshi eyi ghadi nayo ne yendi, ene hayi kuyarekere wahe pofotji. \v 33 No ngcamu dhodhikuru ha-apostoli ha hongire ghushupi wagho no muvumbukero waFumu Jesusi no thineke thothikuru ethi thakarire papawo wahe.

04/34.txt

@@ -0,0 +1 @@
+\v 34 Karo mbadiko munu pakatji kawo oyu gha nyandire thinu, wahe ha karire nodipwa ngambi ndhugho gha ghurithire no kureta manyinga kuyinu eyi gha ghurithire, \v 35 nohana yiturire kughutho wawa-apostoli, na ha yi kutaperire dyodi ha yi nyandire.

04/36.txt

@@ -0,0 +1 @@
+\v 36 Joseph, oyu hethangire eshi apostoli Barbabasi (oyu ha shingonone eshi mwana gho matjimapero), mu Livite katughuru gho mu Syprus, \v 37 gha ghurithire dipya dyendi no gha retire manyinga naghana gha tapire kwawa apostoli.

05/01.txt

@@ -0,0 +1 @@
+\v 1 Pano keho, katughuru gho dina Ananiyasi, naSapphirasi mundambo wendi, haghurithire dyango dyagho, \v 2 no ha horekire dihenda mughuro (munuwendi naye gha yidimukire), no haretire dihenda dimweya no kuna ditura kumapadhi wa apostoli.

05/03.txt

@@ -0,0 +1 @@
+\v 3 Ene Petrusi gha ghambire eshi, ''Ananiyasi, pashanye gha nengenena shatani mumutjima ghoye eshi wangereke Mupepo gho kupongoka no kuhoreka dihenda dyo paro dho dyango? \v 4 Apa dya karire mbadi ghuna dighuritha dya karire dyoye nopa dya pwire kughuritha mbadi mungcamu dhoye dyan karire? Yidye yu ghana tura yirughana yo kemo mumutjima ghoye? Mbadi ghu nangereka munu, ene Nyambi.'' \v 5 Pakuyuva manando gha, Ananiyasi ghawire pamuve no kufa, nowoma weyire kwawahw awa ha yiyuvire. \v 6 Ha tutughurughana hemanine no kumudhinga, ha mu shwayithire panunda no kamuvumbeka.

05/07.txt

@@ -0,0 +1 @@
+\v 7 Munyima dhomaviri mahatu munuwendi ghanengenine, mbadi gha dimukire eyi ya hokokire. \v 8 Petrusi gha mu ningire eshi, ''Ni tongwere dhoparo dhodhi muna ghuritha dyango ndi?'' Gha huthire eshi, ''Nhii, dhodiyo.''

05/09.txt

@@ -0,0 +1 @@
+\v 9 Petrusi gho gha ghambire kukwendi eshi, ''Ngepi eshi muna kughun pofotji mu kwangera Mupepo waFumu?Mone mapadhi ghawa tutughuru wa hana ka vumbeka munughoye ne muthero ghadi, nonanyi ha kushimbe ha kushwayithe.'' \v 10 Popo vene gho gha wire pamapadhi ghendi gho gha fire. Apa hengenine ha tutughurughana hana munine ghanafu, hamushimbire hamushwayithe no haka muvumbekire kumbadi dha katughuru wendi. \v 11 Woma gho ghukuru weyire kungirishe dhodhodhiheya no kwawahe awa ha yuvire yinu yi.

05/12.txt

@@ -0,0 +1 @@
+\v 12 Yidimukitho no yitetukitha yishawingi ya hokokire mukatji kawanu kupitera mwawa apostoli. Wahe ha karire mumukara gho maghundhi ghaSolomoni. \v 13 Ene mbadiko gho pa wamweya gha karire no matjimapero mukuku pakerera nawo; ngambi kemo, hanu hawa pire fumwa dho dhikuru.

05/14.txt

@@ -0,0 +1 @@
+\v 14 Shime hatawi hohengi ha kuwedherere kwaFumu, mbunga dhawa tutughuru nawa mbuyama, \v 15 podigho karo ha shimbire hakorwi mumikunda no kuwatura pamaghudidi nopa matemba, podigho eshi pakudhipita Petrusi, mudhidhimbi wendi ghuwa fugherere. \v 16 Theyire karo thitara tha wanu hohengi awa ha shwayerere mumadoropa ghomumbadi dhaJerusalema, ghureta hakorwi nawa dhapethire mipepo dhodhimango, no wahe herukire.

05/17.txt

@@ -0,0 +1 @@
+\v 17 Ene mupristeri shokuru ghemanine nawahe awa ha karire nendi (odhi dha karire mbunga dhawa Sadusayi); no hayarire nonya \v 18 no hakwatire ha apostoli no kuwa tura mukashitiko.

05/19.txt

@@ -0,0 +1 @@
+\v 19 Ngambi kemo, mughuthiku mu engeli waFumu gha yandhurure mathero gho kashitiko no ghawa shwayithire no gha ghambire esh, \v 20 ''Muyende, mukemane mu tembeli no mukaghambe kwawanu manando gho moyo.'' \v 21 Apa ha yi yuvire yi, ha kengenine mungirishe mudiyuwa dyodyo no hakahongire. Ene mupristeri shokuru gheyire nowa ha karire nendi, hethire haka muragho pofotji, hakuru wawaIsraeli waheya, no hawa tumine kukashitiko haka rete ha apostoli.

05/22.txt

@@ -0,0 +1 @@
+\v 22 Ene hamaporitha wa hayendireko mbadi ha ka wawaninemo mukashitiko, no haka hukire no kurapota eshi, \v 23 ''Tuna ka wana kashitiko shime ha ka yandhererera thiwana no hakungi hanemana kuthero, ene apa tuna kayandhurura ko, no yofotji temba tuna ka wana mwishi.''

05/24.txt

@@ -0,0 +1 @@
+\v 24 Apa gha yiyuvire mukuru gho ngirishe nohakuru wawapristeri manando gha, yawa dhodhengire thikuma kuhatera hanu wa eshi ngo yinu munye sho yi randeko. \v 25 Po gheyire ghumwe no ghawa tongwere eshi, ''Ha tutughuru wa mwa turire mukashitiko ne hanemana no kuna kuhonga hanu.''

05/26.txt

@@ -0,0 +1 @@
+\v 26 Mukuru gho tembeli ghayendire nawa ka muragho, ha ka wahuthire, ene mbadi nonyanya, yoyisi awo hayapire eshi pamweya hana kawa vukuma mawe. \v 27 Apa ha ka waretire kukwagho, hawa hungumekire kughutho ghondhango. Mupristeri sho kuru gha wepurire ghuninga \v 28 eshi, ''Twa muraweree nomuragho mukupira kuhonga mudina di, ene shime muna yaritha Jerusalema noyihonga yenu no muna shana kureta thinyinga thoyu katughuru papetu.''

05/29.txt

@@ -0,0 +1 @@
+\v 29 Ene Petrusi nawa apostoli ghawa huthire eshi, ''Twa kona kufumaneka Nyambi mbadi munu. \v 30 Nyambi wawakerekandongo wetu gha vumburire Jesusi, oyu mwa payire pakumukureka kuthitondo. \v 31 Nyambi gha muyeyurire kudyoko dyendi dyo rudyo ghakare Fumu ghana noMukomononi, kutapa mapirukero kwaIsraeli no kuthigherera maharwero. \v 32 Twa shupi muyinu yi, kemo naMupepo gho kupongoka, oghu ghatapa Nyambi kwawa hakara ghutawedhi kwendi.''

05/33.txt

@@ -0,0 +1 @@
+\v 33 Apa hayiyuvire ha ka ndhango yi, hapatire thikuma no hashanine kupagha ha apostoli. \v 34 Ene muFarasayi gho dina Gamaliyeli, muhongi gho muragho oyu ha kutekerire hanu wahe, ghemanine mwaka ndhango gha rawerire ha apostoli hawa shwayithe panunda kapupi kamanana.

05/35.txt

@@ -0,0 +1 @@
+\v 35 Gho gha ghambire kukwagho eshi, ''Mwaka Israeli, mutegherere thiwana koyi muna shana kutenda nowa hanu. \v 36 Mayuwa agha ghana kapita, Tadeghusi ghemanganyine noghunu mwene, nothitara thawanu mathere mane, ha kupakerere nendi. Ghapwire kupagha nowahe wa ha mukuthire ha kuharanganyine no hakarire nyara-nyara. \v 37 Munyima dho yu katughuru, Judasi gho muka Galileya ghemanganyine mumayuwa gho kutara no ghakughongawedhere hanu hongandji.  Naye karo ghafire, no wahe awa ha mu kuthire ha kuharanganyine.

05/38.txt

@@ -0,0 +1 @@
+\v 38 Pano keho kuna kughamba nenu eshi, mushwaye kwawanu wa no muwathiye pithagho, ngeshi dighano di ngambi  yirughana yamunu, mbo yina pu kuwitha. \v 39 Ene ngeshi yaNyambi, mbadi sho mukone kuwawitha; no nanyi muka kuwane eshi kuna kurwitha Nyambi.'' Dyo ha pwire kuhongaghura.

05/40.txt

@@ -0,0 +1 @@
+\v 40 Po hethire ha apostoli no kuwamwashura no kuwa rawera eshi, mbadi ha kughambe karo mudina dyaJesusi, no hawa thiyire ha kayende. \v 41 Ha shwayire kughutho wawakandhango ghushamberera eshi hana wa tara mudyo mukunyanda no honyi mudina dyendi. \v 42 Kutunda po kehe diyuwa, mutembeli no kutunda ndhugho yenda ndhugho, ha twarire kughutho kuhonga no kughambughura mbudhi dhodhiwa eshi Jesusi ne Kristusi.

06/01.txt

@@ -0,0 +1 @@
+\v 1 Mogho mayuwa, apa thakuwedhere thivarero tha wa ka thishongero, haGresian hohaJuda ha tangire kushivana kwawa Heburayi, yoyishi mbadi hathotere mukughamwena hadidhi no yinu yo kehe nadiyuwa.

06/02.txt

@@ -0,0 +1 @@
+\v 2 Hasha dikumi nahawadi dhawa kathishongero kukwagho no kuwa tongwera eshi, ''Mbadiko kurogha kukwetu mukuyongaritha nando dhaNyambi mukutapera yikoreritha. \v 3 Podigho eshi mwa kona kutorora mumwenu ha tutughuru kwoko noha wadi, hatutughuru ho mi mwene, ho kuyara noMupepo gho kupongoka, homaghano awa sho yupe thirughana thi. \v 4 Ene twe, nanyi tu tware kughutho mumandapero no kuyuvitha nando dhaNyambi.''

06/05.txt

@@ -0,0 +1 @@
+\v 5 Thighanba thawo tha shambererithire mbunga dhodhihe. Ha tororire Stefanus, katughuru gho matawero gho kuyara noMupepo mupongoki, naFilipusi, Prokorasi, Nikanori, Timoni, Paramenasi naNikolaghusi, oyu gha tundire muAntiyokiya. \v 6 Hatawi haretire ha tutughuru wa kughutho wawa apostoli, awa ha wa reperere no kuwa kambeka moko ghawo.

06/07.txt

@@ -0,0 +1 @@
+\v 7 Nando dhaNyambi dha kutapathanine kokuheya, nothivarero thawa kathishongero tha kuwedherere thikuma, nohapristeri hohengi ha karire ghutawedhi kumatawero.

06/08.txt

@@ -0,0 +1 @@
+\v 8 Stefanusi yu, gha yarire noneke nongcamu, gha tendire yitetukitha yo yikuru noyidimukitho mukatji ka wanu. \v 9 Ene pakarire hahati hamwe homu Sinagoge oyu hetha eshi sinagoge waka horo, homu Sirene nomuAleksandriya, hamweya homuSilisiya naAsiya. Hanu wa ha karire munanani naStefanusi.

06/10.txt

@@ -0,0 +1 @@
+\v 10 Ene mbadi ha mukonine kughunyanyami oghu gha wanine kwaMupepo mupongoki oghu gha ghambithire Stefanusi. \v 11 Kokuruwera kwawo hanu no kuwa ninga ha ghambe ghumbango eshi, ''Tuna muyuvu Stefanusi ghana kushwahura Mosesi naNyambi.''

06/12.txt

@@ -0,0 +1 @@
+\v 12 Hatjoka-tjokire hanu, mayami, nawa kamarukwaro, hahenyene Stefanusi no kumukwata no ha muretire kughutho ghondhango. \v 13 Ha ka retire kwawo hashupi hombango awa ha ghambire eshi, ''Katughuru yu ne mbadi ghana kushayeka kughamba manando gho kwimanganyena dyango dino dyokupongoka no miragho. \v 14 Tuna muyuvu ghana ghamba eshi oyu Jesusi gho muka Nasareti mbo ghana yungununa dino dyango no kutjindja miragho edhi gha tupire Mosesi.'' \v 15 Waheya wa hahungumanine mundhugho hamu kengururire nohamonine rupara rwendi yira rupara rwa mu-engeli.

07/01.txt

@@ -0,0 +1 @@
+\v 1 Mupristeri shokuru gha ghambire eshi, ''Oyi yinu ne yashemwa ndi?'' \v 2 Stephanusi gha mu huthire eshi, ''Mwayendhange nomwatate, muni tegherere thiwana: Nyambi gho Fumu gha hokokere kwakerekandongo wetu Abraham oku yene shime muMesopotamiya, kughutho gho kuna tunga muHarani; \v 3 gha mu tongwerire eshi, 'Tunde muditunga dyoye nodiko dyoye, no ghuyende kuditunga edi mbo ni kuneghedha.'

07/04.txt

@@ -0,0 +1 @@
+\v 4 Aye ghashwayire mu ditunga dyawaka chaldian no katunga mu Harani; munyima dho kupwa wihe, Nyambi ghamuretire muditunga di omu muna kutunga pano. \v 5 Mbadiko yi ghakonine kumupa eshi yoghupingwa kukwendi, no dyango dyoghuturo. Ene ghamukuruperithire ngambi kenge Abraham mbadi ghakarire no mwana temba oku mboghakona kutapa ditunga dikare dyoghupingwa kukwendi no kohanahoka ho munyima dhendi.

07/06.txt

@@ -0,0 +1 @@
+\v 6 Nyambi ghaghambire kukwendi ngeno eshi, hanahoka wendi mbohanatungu kapupi kamanana muditunga dyo ghutjwayuki, no muditunga di mbohatunga mbo hanawatura hakare mughupika no kuwapetha momumango mumyaka mathere mane. \v 7 'Ene mbona pangura muhoko oghu hana kurughanena,'' dyo ghana kughamba Fumu. Munyima dhopo mbo hana tundumo no kunanikugha me modi dyango. ' \v 8 NaNyambi gha tapire kwa Abrahamu gho makeneno, Abrahamu ghakarire wiha Isaki no ghamukenyine mudiyuwa dyoghukwoko nodyoghuhatu. isaki ghakarire wiha Jakopu, no Jakopu wiha wawa kerekandongo wetu dikumi no hawadi.

07/09.txt

@@ -0,0 +1 @@
+\v 9 Yoyishi hakerekandongo wetu hakarire nonya kwaJoseph, hamughurithire mu egiputena ene Nyambi ghakarire nendi \v 10 no ghamughamwenine kumaghukukutu. ghamupire Nyambi ghuwa no manongwahu kughuthio waFaragho, fumu wa egiputena oyu ghakamutendire nguvuru waegitena nomudighumbo dyendi.

07/11.txt

@@ -0,0 +1 @@
+\v 11 Podyeyire diyerenge mu egiputena ghomuheya no mukanani, noyinyanda yoyikuru, hakerekandongo wetu mbadi hakonine kuwana yokudya. \v 12 Ene apa ghayiyuvire Jakopu eshi kuegiputena ne koghadi mavumbukiro ne, ghatumineko hakerekandongo wetu ruyendo ro kutanga. \v 13 Muthiyendo thawo thoghuwadi, Josefu ghakakudimukithire kwawakurwendi, no diko dyaJoesfu dyapwire kudimukitha kwaFaragho.

07/14.txt

@@ -0,0 +1 @@
+\v 14 Josefu ghatumine hakurwendi hahuke ha katongwere wihe Jakopu ghakeye ku egiputena, pofotji nohapendi wahe, hanu makumi kwoko nohanu hakwoko kuwapakerera. \v 15 Jakopu ghaghurumukire kuegiputena noghakafire nawakerekandongo wetu. \v 16 Hawashimbire kudyango dya shechemu nokawarangeka mumbira odhi ghaghurire Abrahamu noparo dhosiliveri kwa wana Hamori mushechemu.

07/17.txt

@@ -0,0 +1 @@
+\v 17 Apa rwakokere ruvedhe ro matoghedhero, matoghedhero gha Nyambi ghatendire kwa Abrahamu, hanu hakurire no hakuwedherere mu Egiputena, \v 18 kare pemanine karo fumu ghumeya , fumu yu ghapirire kudimuka yo kuhatera kwaJosefu. \v 19 Ghapemukithire hanu wetu no ghathinenekire hakerekandongo wetu mu kushwayitha tumbututu twawo podiyo mbadi hatuthiye ghuyumi.

07/20.txt

@@ -0,0 +1 @@
+\v 20 Paruvedhe ruya Mosesi hamushamurukire; ghamonekire ghuwa kughutho waNyambi no hamuyamwekire tughonda tuhatu mundhugho dhawihe. \v 21 Apa hamuturire panunda, mwana Faragho ghombuyama ghamushimbire noghakamurerire yira mwanendi.

07/22.txt

@@ -0,0 +1 @@
+\v 22 Mosesi ghakuhongire mumanongwahu ghomaheya gha Egiputena, ghakarire ghongcamu mumanando ghendi no muyirughana. \v 23 Ene paghakarire myaka makumi mane, yeyire mumutjima wendi mu kadhingura hakurwendi, hanahoka waIseraelite. \v 24 Kumona muka Israelite hana kupetha, Musesi ghamughamwenine no kumurwerapo yu hanapethi haka egiputena mukumupumura muka egiputena: \v 25 Ghaghayarire eshi nganyi hatjwathane Nyambi, eshi mudyoko dyendi ghana kuwaghamwenena, ene mbadi hayitjwathane.

07/26.txt

@@ -0,0 +1 @@
+\v 26 Mudiyuwa dyokurandako ghamonine hatutughuru hawadi hana kurwa no ghashanine kureta thiraro pakatji kawo ghuninga eshi; 'tutughuru,  mwakaghukurwa mwe; pashanye munakukutjitjupithera mwathinda?' \v 27 Ene oyu ghayipithere muyendhendi ghamuthindekere kuya, nokughamba eshi, ' yidye ghunakutendi muraghuri no mupanguri pakatji ketu? \v 28 Ghunashana kunipagha me, kenge ngaghupagha muka Egiputena peghundha?'

07/29.txt

@@ -0,0 +1 @@
+\v 29 Mosesi ghatjirire apa ghayuvire yinu yi; ghakakarire mutunda kure muditunga dya Midiya, omu ghaka karirwe wiha ghohana hawadi hohatutughuru. '' \v 30 Apa dhapitire myaka makumi mane, muengeli ghamuhokokere mumamboreya  ghomudirundu dya Sinayi, mumudiro ghokutumbuka pathipumbu.

07/31.txt

@@ -0,0 +1 @@
+\v 31 Apa ghamonine Mosesi mudiro ghu, ghatetukire thikuma kuyimona yi; no apa ghahenyineko ghathikenge, podyeyire diywi dyaFumu, ghuninga eshi; \v 32 Yame Nyambi wakerekandongo ghoye, Nyambi waAbrahamu, naIsaki, naJakopu, 'Mosesi ghatutumine no mbadi ghakonine karo kukengako.

07/33.txt

@@ -0,0 +1 @@
+\v 33 Fumu ghaghambire kukwendi eshi, 'Shutureko yisandari kumapadhi ghoye, nodyango di ghunemana ne dyapongoka. \v 34 Namono yinyanda yawanu wange wa hadi muEgiputena; nayuvu madiro ghawo, nonashuruka mukawaghamwena; wiye keho, nganikutume kuEgiputena.

07/35.txt

@@ -0,0 +1 @@
+\v 35 Yoyu Mosesi ghofotji hashwenine, apa ghaghambire eshi; 'Yidye ghakutenda muraghuri nomupanguri?' -Yodighe ghofotji ghatumine Nyambi pofotji muraghuri no mughamweni. Nyambi ghamutumine nodyoko dya muEngeli yu ghakahokokere Mosesi mumuthitu. \v 36 Mosesi ghakawashwayithire muEgiputena, pakamana katenda yitetukitho noyidimukitho muEgiputena, nodikuruviya dyo mbu, nomumamboreya myaka makumi mane. \v 37 ''Yo Mosesi ghofotji ghaghambire kwawa Israeli eshi, Nyambi mbo ghana mutendera muporofeta mukatji kawakurwenu, muporofeta yira yame.'

07/38.txt

@@ -0,0 +1 @@
+\v 38 Oyu ne yo katughuru oyu gha karire mumbunga dhawanu mumburundu na mu-engeli oyu gha ghambire nendi kudirundu dyaSinayi, oyu gha karire nawa kerekandongo wetu, awa ha tamburire manando gho ghuparo mukutupa twe. \v 39 ''Ene hakerekandongo wetu ha shwenine kukara ghutawedhi; ha mu shwayithire kukwawo hathinda, no mitjima dhawo dha hukire kuEgipute. \v 40 Paruvedhe ruya ha ghambire kwaAroni eshi, 'Tutendere twe hanyambi hombango awa sho ha tupitere twe. Koyu Mosesi gha tushwayithire muditunga dyaEgipute, mbadi sho tudimuke eshi yipi ya kumuhokokera.'

07/41.txt

@@ -0,0 +1 @@
+\v 41 No hatendire ndana ghana mogho mayuwa no ha retire ndupu kuthitjwandjo, no kushamberera eshi yirughana yo nyara dhawo. \v 42 Ene Nyambi ghawa tapire mu kukuvumana tutumwedhi tomudiwiru, thika kenge edi hayi tjanga mumambapira ghawa porofete eahi, 'Muna nipa mwe miyambo dhoyiyama eyi muna pagha muyaka makumi mane mumburundu, ndhugho dhaIsraeli?

07/43.txt

@@ -0,0 +1 @@
+\v 43 Muna tambura ndhugho dhaMoleki nodinungwedhi dyonyambi gho mbango Rafani, noyitjwandjo eyi mwa kutendere mukarere: no mbona mushwayithamo kupitakana muBabiloni.'

07/44.txt

@@ -0,0 +1 @@
+\v 44 Hakerekandongo wetu ha karire nondhugho dhoghushupi mumburundu, thika kenge edi gha yirawere Nyambi apa gha ghambire kwaMosesi, eshi ghakona kutendurura thika kenge edi gha yimonine. \v 45 Munyima, hakerekandongo wetu muma piteritho ghaJoshwa, ha tamburire ndhugho no hadhiretire pofotji nawo apa gha ka tambure no kupinga ditunga. Nyambi gha shimbire ditunga kumuhoko no kuwa tjidha mo kughutho wawo ha kerekandongo wetuNdhugho dhiya dha karire muditunga kate ruvedhe rwaDavita, \v 46 oyu gha wanine neke kughutho waNyambi, no ghepurire ngeshi kukona kuwana matendero gho ndhugho dhaJakobu.

07/47.txt

@@ -0,0 +1 @@
+\v 47 Ene Solomoni yogha tendire ndhugho dhaNyambi. \v 48 "Kemo kengeyo, Fumu oyu gha piterera yoyihe mbadi ghatunga mumayugho agha hatenda hanu nonyara, thika kenge edi ngha yi ghambire muporofeta, \v 49 'Diwiru ne dipuna dyange , no kaye ne madjatero gho dipadhi dyange. Ndhugho munye edhi sho mukone kuni tendera? Dyo ghana kughamba Fumu, endi dyango munye dyo maturumuthero ghange? \v 50 Nane mbadi nyara dhange dha tendire yinu yi ndi?'

07/51.txt

@@ -0,0 +1 @@
+\v 51 ''Mwakukutu ghomwanu mwe, mwapira makeneno mumitjima no mumatwi, amwe kehe pano kushwena Mupepo gho kupongoka; Muna kurughana thika kenge edi harughanine ha kerekandongo wenu. \v 52 Haporofete munye hakerekandongo wenu ha pirire kukutha-kutha? Hapayire haporofeta awa ha hokokire kughutho gho kwiya oyu gha Hungama; no muna kara mwaheti nomwapayi wendi karo, \v 53 mwanu mwe mwa tamburire veta edhi gha tungekire mu engeli, ene mbadi mwadhipungura.''

07/54.txt

@@ -0,0 +1 @@
+\v 54 Apa ha yuvire yinu yi hahati hondhango, ha kuyuvire tjitju kudhimitjima dhawo no ha humine mayegho ghawo kwaStefanus. \v 55 Ene ye gha yarire noMupepo gho kupongoka, gha kengire no kutopera kuwiru no ghamonine ghufumu waNyambi; no gha monine Jesusi gha nemana kurudyo rwaNyambi. \v 56 Stefanusi gha ghambire eshi, ''Mone, namono diwiru dina yandhuruka, noMwana munu ghanemana kurudyo rwaNyambi.''

07/57.txt

@@ -0,0 +1 @@
+\v 57 Hahati hondhango hafikire bmatwi ghawo, no kukugherera nodiyi dyodikuru no ha tambukere kukwendi wangu nothitambo thofotji. \v 58 Hamushwayithire panunda dhombara no ha muvukumine mawe. Hashupi hashuturire yishupata yawo yo peghuru no kuyitura kumaghuru gha mutjaha gho dina dyoSaghulu.

07/59.txt

@@ -0,0 +1 @@
+\v 59 Pakumu vukuma Stefanusi, gha kuyererire nodiywi dyodikuru kwaFumu no kughamba eshi, ''Fumu Jesusi, tambure mudhimu wange.'' \v 60 Gha tongamenine no kwithya nodiywi dyodikuru eshi, ''Fumu, mbadi wa kona kuwatetera ndhango kughuyi oghu.'' Pakumana kuyighamba yi gha wire nogha fire.