Sat Nov 18 2023 14:11:11 GMT+0300 (East Africa Time)

02/01.txt

@@ -0,0 +1 @@
+\v 1 Ale olwaikire omu nnaku ezo eiteeka ni rizwa edi oKaisaali Augusito ab’ansi zoona zoona okuwandiikibwa. \v 2 Okwo nikwo kuwandiikibwa okwekereire okubbaawo oKuleniyo niyaali nka akufuga Obusuuli. \v 3 Boona boona ni baaba okwewandiika buli muntu omu kibuga kyewaabwe

02/04.txt

@@ -0,0 +1 @@
+\v 4 No Yusufu nazwa e Nazaleesi omu kibuga kya Ggaliraaya naniina e Buyudaaya okwaaba omu kibuga kya Daudi ekyetebwa oBesirekemu, olwakubba yaali wa mu nnyumba erate wa mu kika kya Daudi. \v 5 yewandiike no Malyamu gwe yaali ayogereza nka alinda.

02/06.txt

@@ -0,0 +1 @@
+\v 6 Ale olwaikire baali bakyaali eyo, ennaku zaamwe eza kubyaala niziika. \v 7 Nabyaala omwaana waamwe akwekeera namusweka omu ngoye eza bwaana obutto namubasisya omu luggo lwa nte, olwakubba tibaboine ibbanga omu kisulo kyabagenyi .

02/08.txt

@@ -0,0 +1 @@
+\v 8 Waalowo abaliisya omu nsi eyo abaikalanga okwiitale nka bakukuuma ekisibo kyaabwe obwiire omu mpalo \v 9 Awo Ontumwa wa wa Mukama nayemeera we baali nekitinisya kya Mukama nikibetoloola nka kikunyerengeta ni batiina muno.

02/10.txt

@@ -0,0 +1 @@
+\v 10 Ontumwa nabakoba ati mutatiina olwakubba, bona, mbaleteire ebigambo ebisai ebyaisanu erinji eriribba edi abantu boona boona. \v 11 Olwakubba olwa leero abyaliibwe ji muli omucunguri omu kibuga kya Daudi niye oKristo Omukama waiswe. \v 12 Kani niko kabonesyo ji muli; mwaabona omwaana enkerembe nka aswekeibwe omu bugoye nka bamubasisirye omu kisibo.

02/13.txt

@@ -0,0 +1 @@
+\v 13 Ale ammangu ago walowo Ontumwa oyo amwe nabandi bainji aba mujje rya mwigguru nka bakuyangiriza oKanca nka bakukoba bati \v 14 Ekitinisya kibbe edi oKanca waiguru omuno, no mu nsi emirembe gibbe omu bantu abasiimibwa.

02/15.txt

@@ -0,0 +1 @@
+\v 15 Ale olwaikire, abantumwa nibazwiire jibabbaire okwaaba omwigguru, abaliisya nibakobangana bati, ale twaabe e Beserekemu tubone ekigambo kinu ekibbairewo, Omukama kyatutegezere. \v 16 Ni baiza maangu ,ni babona oMalyamu no Yusufu n’omwaana onkerembe nka bamubasisirye omu kisibo.

02/17.txt

@@ -0,0 +1 @@
+\v 17 Ale abasumba ni bamuboine, ni bategeeza ekigambo kibakobeibwe oku mwaana oyo. \v 18 Boona boona abawuliire ni bewunya ebyo abasumba bye babakobeire. \v 19 Baitu oMalyamu niyekumiranga ebigambo ebyo byoona byoona nka akubirowozaaku omu mitima gwamwe. \v 20 Awo abaliisya ni bairayo nka bakugulumiza n’okwangiriza oKanca olwa bigambo byoona byoona bye bawuliire, bye babwoine, nka nibakobeibwe.

02/21.txt

@@ -0,0 +1 @@
+\v 21 Awo ennaku omunaanai ni zaikire ezakukomorwaaamu, nayalikibwa eibara lyaamwe Yesu, lidi elyabaziibwe ontumwa nka akyaali kubba mu kidda.

02/22.txt

@@ -0,0 +1 @@
+\v 22 Awo ennaku nizaikire eza kulongooka kwaabwe nka amateeka ga Musa ni gali, ni bamutwaala ni bamuniinisya e Yerusaalemi okumwanjuura Omukama \v 23 nka ni kyawandikiibwe omu mateeka ga Mukama nti buli kisaiza ekiigulanda kyayetebwanga kikiiri edi Omukama, \v 24 n’okuwaayo essadaaka nka ni kyabaziibwe omu mateeka ga Mukama, obukaamukukulu bubiri obate enkayuba ezito ibiri.

02/25.txt

@@ -0,0 +1 @@
+\v 25 Erate bona, waalowo omuntu omu Yerusaalemi eibara lyaamwe Simyoni, omuntu oyo yaali mwikiriri, erate nka atiina oKanca, nka alindiira okusanyusibwa kwa israeri, erate omwooyo omwikiiri yaali kuye. \v 26 Oyo yaswekuliirwe omwooyo omwikiiri nti talibona kufa nka akyaali kubona ku Kristo wa Mukama.

02/27.txt

@@ -0,0 +1 @@
+\v 27 Naizira omwooyo omu yekaalu: abakaire baamwe nibaingiirye omwaana oYesu okumukola nka neeri empisa ya mateka, \v 28 ale ye namukwaata omu mikono jaamwe niyebalya oKanca nakoba ati \v 29 Mukama wange aati osiibule omwiiru waamu emirembe nka ekigambo kyaamu ni kyaali;

02/30.txt

@@ -0,0 +1 @@
+\v 30 Olwakubba amaiso gange gaboine obucunguri bwammu. \v 31 Buwatekeretekere omu maiso ga bantu boona boona: \v 32 Okubba eisana eryakumulisa amaanga, N’okubba ekitinisya kya bantu baamu oIsraeri.

02/33.txt

@@ -0,0 +1 @@
+\v 33 Oitaamwe no maamwe ni bewuunyanga ebigambo ebyo ebyamusimoirweeku. \v 34 Ale oSimyoni nabasabira omukisa, nakoba oMalyamu omaamwe nti boona, oni aterebwewo bainji omu Isiraeri bagwenge, bayemerenge, no kubba akabonesyo akakuzumibwa; \v 35 Erate we empirima erikusumuta omu meeme; ebirowoozo ebya myooyo eziinji biryooke biswekulwe.

02/36.txt

@@ -0,0 +1 @@
+\v 36 Ale waalowo omuranji omukali omuwaara wa Fanweri owa mu kika kya Aseri yali yakamala emyaka minji, yabbaire noibaamwe emyaaka musanju nafa. \v 37 Baitu yaali namwandu nka yakamala emyaaka kinanai nenai, tiyazwanga mu yekaalu, nka aramya oKnca no kusiibanga no kwegayiranga emisaana n’obwiire. \v 38 Oyo ni yaizire omu kiseera ekyo ni yebalya oKanca nakobanga ebigambo baamwe edi boona boona abaali balindirirye okucungulibwa kwa Lukka Yerusaalemi.

02/39.txt

@@ -0,0 +1 @@
+\v 39 Ale ni bamaare okwikiirya byoona byoona ebiri omu mateeka ga Mukama, ni bairayo e Ggaliraaya omu kibuga kya waabwe e Nazaalesi. \v 40 Ale omwaana nakula, nayongerwaaku amaani, naizulibwa amagezi: ekisa kya Kanca nikibba okuye.

02/41.txt

@@ -0,0 +1 @@
+\v 41 Ale abakaire baamwe bayabanga e Yerusaalemi buli mwaaka okumbaga yakwakalaku. \v 42 Ale ni yaali yakamala emyaaka eikumi neibiri, nabayambuka nka neeri empisa ya mbaga: \v 43 ale ni baikirye ennaku zaabwe, baali nka bakwirayo, omwaana oYesu nasigala omu Yerusaalemi, na bakaire baamwe ni bateteja: \v 44 Baitu ni balowooza nka ali mukibuura kyaabwe ni batambula olugendo lwa lunaku lumwei, ni bamutoolya omu baganda baabwe no mu mikwaano zaabwe.

02/45.txt

@@ -0,0 +1 @@
+\v 45 Ni batambula ni bairayo eYerusaalemi nka bakumutoolya. \v 46 Ale olwaikire ni wayakaire ennaku issatu nibamwajja omu omwiramyo nka aikaire akati omu begesya nka bakuwuliirya nka akubabuulya: \v 47 Boona boona abamuwuliire ni bawuninkiira olwa magezi gaamwe nokwiramu kwamwe.

02/48.txt

@@ -0,0 +1 @@
+\v 48 Ale ni bamuboine ni basamaliira: Omaamwe namukoba ati mwaana wange kiki ekitukukoleserye kityo? Bona, oiteewo nanje twakutoirye nka titukubona. \v 49 Nabakoba ati mwantoleirye ki? timwamaite nka kinsaniire okubba omu bigambo byaitange? \v 50 Nibateteja kigambo ekyo kiyabakobere.

02/51.txt

@@ -0,0 +1 @@
+\v 51 Naikiira nabo naiza eNazaalesi nabagonderanga: Omaamwe ni yekuumanga ebigambo ebyo byoona byoona omu mwooyo gwaamwe. \v 52 Ale oYesu ni yeyongerangaku amagezi no kukula, no mu kisa edi oKanca nedi abantu.

03/01.txt

@@ -0,0 +1 @@
+\v 1 Ale omu mwaaka ogwa ikumi neitaanu oku mirembe ja Tiberiyo oKayisaali, oPontiyo oPiraato ni yaali nka niye owaisaza lya Buyudaaya no Kerode ni yaali nka akufuga oGgaliraaya , no Firipo omugande nka akufuga Ituliya ne nsi ya Tirakoniti,no Lusaniya niyaali nka niye akufuga Abireene \v 2 no Ana no Kayaafa ni baali nka nibo bakabona abakusiinga obukulu, ekigambo kya Kanca nikizira oYokaana omwaana wa Zakaliya omwirungu.

03/03.txt

@@ -0,0 +1 @@
+\v 3 Naiza omu nsi zoona zoona eziriraine oYoludaani nka akusomesya okubatizibwa okwa kwenenya olwa kwiyibwaaku ebibbi;

03/04.txt

@@ -0,0 +1 @@
+\v 4 Nga ni kyawandikiibwe omu kitabo kya Muranji oIsaaya nti eiraka lyooyo asimoora aigguru nti musaiirye enzira ya Kanca, mulungamye amazira gaamwe.

03/05.txt

@@ -0,0 +1 @@
+\v 5 Buli kiwonvu kiriizulibwa, na buli lusozi na kasozi birisairwa, ne kikyamire kirigololwa, na mazira agatali gatereeze gali terezebwa. \v 6 Naabo abaliina omubiri boona bali bona obucunguri bwa Kanca.

03/07.txt

@@ -0,0 +1 @@
+\v 7 Ale nakoba ebibbuura ebyawulukanga okubatizibwa ye mwenere nti nywe abaana bampiri naani eyabalabwiire okwiruka Obusungu obukwaaba okwiiza.

03/08.txt

@@ -0,0 +1 @@
+\v 8 Ale mubale ebibala ebisanire okwenenya, baitu ni mutasooka kusimoola omunda zanywe nti tuliina ozeizza waiswe oBulayimu:Olwakubba nkubakoba nti oKanca ayinza amabbaale ganu okuyindurangamu oIbulayimu abaana.

03/09.txt

@@ -0,0 +1 @@
+\v 9 Naatubunu empassa etekeibwe oku kikolo kya misaale; ale buli musaale ogutabala bibala bisai bagutema gunagibwe omu muuro.

03/10.txt

@@ -0,0 +1 @@
+\v 10 Ebibbuura nibimubuulya nka bakukoba bati tukole ki? \v 11 nairamu nabakoba ati owa kanzu eibiri aweeku oyo ekanzu emwei ataliinajjo n’oyo aliina emmere akole atyo.

03/12.txt

@@ -0,0 +1 @@
+\v 12 Nabasolooli nibaizza okubatizibwa, ne bamukoba bati omwegesya tukole tutyai? \v 13 Nabairamu ati timusoooryanga okusiinga nimwalagiirwe.

03/14.txt

@@ -0,0 +1 @@
+\v 14 Erate, abasirukale nibamubuulya nka bakukoba bati isweena tukole ki? Nabairamu ati mutanyomanga muntu yeena yeena,baitu mutakakanga, erate empeera yaanywe ebamalenge.

03/15.txt

@@ -0,0 +1 @@
+\v 15 Ale abantu ni baali nka bakusubira, erate boona nka bakulowooza ebigambo bya Yokaana omu myooyo zaabwe, obate nka kaandai niye Kristo, \v 16 OYokaana nairamu nabakoba boona boona ati mazuma nkubatiza na maizzi; baitu akwiiza niye ansiinga amaani, erate njeena tisaanira kusandabula lukobba lwa nkaito zaamwe; baitu ye alibabatizza no mwooyo ogwikiiri no muuro.

03/17.txt

@@ -0,0 +1 @@
+\v 17 Olugali lwaamwe luli mu mukono gwaamwe, okulongoosa omuno eigguliro lyaamwe, n’okukumbania engaano omu kideero kyaamwe; baitu ebisasiro alibyookya n’omuuro ogutalirikira.

03/18.txt

@@ -0,0 +1 @@
+\v 18 Erate nasomesya ebindi biinji nka akusomesya abantu ebigambo ebisai. \v 19 Baitu oKerode owaisaza ni yamunenyerye olwo Kerodiya omu kamugande nolw’abigambo ebibbi byoona byoona oKerode biyakoore, \v 20 erate okwebyo byoona byoona nayongeraku kinu, nakwaata oYokaana namubowa omu nkomyo.

03/21.txt

@@ -0,0 +1 @@
+\v 21 Ale olwakire, abantu boona nka bakubatizibwa,niyasabire eigguru ndiswekuka, \v 22 Omwooyo wa omwikiiri naika oku ye omu kiisani ekya mubiri nka oiruma, neiraka ndiwuluka omwiggulu nti niiwe mwaana wange gwentaka omuno; nkusanukira muno.

03/23.txt

@@ -0,0 +1 @@
+\v 23 Erate oYesu ye mwenyenere, yekereire okwegesya nka yakamala emyaaka amakumi assatu. nka niye mwaana eyalowozeibweku owa Yusufu, omwaana wa Eri. \v 24 omwaana wa mattati, omwaana wa leevi, omwaana wa mereki, omwaana wa Yanayi, omwaana wa Yusufu.

03/25.txt

@@ -0,0 +1 @@
+\v 25 Omwaana wa mattasiya, omwaana wa Amosi, omwaana wa Nakkumi, omwaana wa Esuli, omwaana wa Naggayi, \v 26 omwaana wa Maasi, omwaana wa Mattasiya, omwaana wa Semeyini, omwaana wa Yoseki, omwaana wa Yoda,

03/27.txt

@@ -0,0 +1 @@
+\v 27 omwaana wa Yokanaani, omwaana wa lesa, omwaana wa Zerubbaberi, omwaana wa Seyalutiyeeri,omwana wa omwaana wa Neeri, \v 28 omwaana wa Mereki, omwaana wa Addi, omwaana wa Kosamu, omwaana wa Erumadamu, omwaana wa Eri, \v 29 omwaana wa Yesu, omwaana wa Eryeza, omwaana wa Yolimu, omwaana wa Mattati, omwaana wa Leevi,

03/30.txt

@@ -0,0 +1 @@
+\v 30 omwaana wa Simyoni, Lukka omwaana wa Yuda,omwaana wa Yusufu, omwaana wa Yonamu, omwaana wa Eriyakimu, \v 31 omwaana wa Mereya, omwaana wa Menna, omwaana wa Mattasa omwaana wa Nasani, omwaana wa Daudi, \v 32 omwaana wa Yese, omwaana wa Obedi, omwaana wa Bowaazi, omwaana wa Salumooni, omwaana wa Nakusoni,

03/33.txt

@@ -0,0 +1 @@
+\v 33 omwaana wa Amminadaabu, omwaana wa Aluni, omwaana wa kezulooni, omwaana wa Pereezi, omwaana wa Yuda, \v 34 omwaana wa Yakobo, omwaana wa Isaaka, omwaana wa Ibulayimu, omwaana wa Teera, omwaana wa Nakoli, \v 35 omwaana wa Serugi, omwaana wa lewu, omwaana wa Peregi, omwaana wa Eberi, omwaana wa Sera,

03/36.txt

@@ -0,0 +1 @@
+\v 36 omwaana wa kayinaani, omwaana wa Alipakusaadi, omwaana wa Seemu, omwaana wa Nuuwa, omwaana wa Lameki, \v 37 omwaana wa Misuseera, omwaana wa Enoki, omwaana wa Yaledi, omwaana wa Makalaleeri, omwaana wa Kayinaani, \v 38 omwaana wa Enosi, omwaana wa Seezi, omwaana wa Adamu omwaana wa Kanca.

04/01.txt

@@ -0,0 +1 @@
+\v 1 Ale oYesu niyaizwiire Omwooyo omwikiiri naira nka akuzwa omu Yoludaani,Omwooyo namutwaala omwirungu, \v 2 namalayo ennaku amakumi anai,nka akoyerwa Ositaani.Erate tiyalyanga kintu omunnaku ezo; ale nizaweire,enzala nemuluma.

04/03.txt

@@ -0,0 +1 @@
+\v 3 Ositaani namukoba ati obate nka oli mwaana wa Kanca,koba eibbale linu lifooke emmere. \v 4 OYesu namwiramu ati kyawandikiibwe kiti Omuntu tabbanga mwoomi na mmere yonkai.

04/05.txt

@@ -0,0 +1 @@
+\v 5 Namuniinisya,namulanga obukama boona boona obwa mu nsi omu kaseera kadooli. \v 6 OSetaani namukoba ati nakuwa we obuyinza bunu boona boona,nekitinisya kyaabo;Olwakubba naweweibwe nje:erate ngabira buli gwenyendya. \v 7 Ale niwaramya omu maiso gange,bunu boona boona bwabba bwaamu.

04/08.txt

@@ -0,0 +1 @@
+\v 8 OY nairamu namukoba ati kyawandikiibwe kiti oramyanga Omukama oKanca waamu,nigwo owerezanga yenkai.

04/09.txt

@@ -0,0 +1 @@
+\v 9 Namutwaala e ayerusaalemi,namuta okukitikiro kya Iramyo,namukoba ati obate nka oli mwaana wa Kanca,ale wenage ansi; 10 Olwakubba kyawandikiibwe kiti Alikuweereza abantumwa baamwe bakukuumire kimwei; \v 11 Erate kiti Balikuwaniira omu mikono jaabwe, Oleme Okwesitala okgulu kwaamu okwibbaale.

04/12.txt

@@ -0,0 +1 @@
+\v 12 OYesu nairamu namukoba ati kyasimoirwe kiti Toyoyeranga mukama oKanca waamu. \v 13 OSetaani niyamaare buli koyera namulekaku akaseera.

04/14.txt

@@ -0,0 +1 @@
+\v 14 Ale oYesu naira e Ggaliraaya omu maani aga mwooyo:Okumanyika kwaamwe nikwaaba nka kusansaana omu nsi ezirirainewo. \v 15 Nayegesyanga omu makumbbaniro gaabwe boona boona nka bakumuyangiriza.

04/16.txt

@@ -0,0 +1 @@
+\v 16 Naizza e Nazaalesi ji yakuliire;oku lunnaku lwa Ssabbiiti nayegesya omwikumbbaniro nka niyaali empisa yaamwe, Nayemeera okusoma. \v 17 Ni bamuwa ekitabo kya muranji oIsaaya,Naswekula ekitabo,nabona ekitundun awawandikiibwe nti

04/18.txt

@@ -0,0 +1 @@
+\v 18 Omwooyo wa Mukama ali kunje, Olwakubba ansukireku amafuta okukobera abooro ebigambo ebisai:Antumire okulangiira abanyage okutaisibwa,N’okuzibula abaigali ba maisio,Nabanyigizibwa okutaisibwa, \v 19 Okulangiira omwaaka gwa Mukama ogwakwikirizibwamu.

04/20.txt

@@ -0,0 +1 @@
+\v 20 Naswekaku ekitabo,nakiriirya omuweereza naikala;abantu boona boona abaali omwikumbbaniro nibamusimbaku amaiso. \v 21 Natandika okubakoba ati olwa leero ebyawandiikibwa binu bikiriire omu matwi ganywe. \v 22 Boona boona ni bamwetegereza,nibewuunya olwa bigambo bya kisa ebizwiire omu kanwa kaamwe: nibakoba bati onu tiniye mwaana wa Yusufu?

04/23.txt

@@ -0,0 +1 @@
+\v 23 Nabakoba ati timulirema kunkoba lugeero lunu nti Omusawo, wewonie wenkai: byoona byoona bitwawuliire nka bikukolwa omu Kaperunawumu,bikoore naanu oku kyaalo kyaamu. \v 24 Nakoba ati amazuma nkubako nti ndoowo Muranji aikirizibwa omu kyaalo kyaamwe.

04/25.txt

@@ -0,0 +1 @@
+\v 25 Baitu, amazuma nkubakoba nti walowo abanamwandu bainji omw’Isiraeri omu biro by’Eriya,eigguru niryaigaliirwe emyaaka eisatu ne myeezi omukaaga,enzala jinji niyagwiire oku nsi yoona yoona; \v 27 Erate,waalowo abantu bainji abagenge omw’Isiraeri omu biro bya Erisa Omuranji: Ndoowo n’omwei okubo eyalongookere,wazia oNaamani yenkai Omusuuli. \v 26Eriya tiyatumiibwe edi omwei okwaabo,wazira e Zalefasi,omu nsi ya Sidoni,edi omukali onnamwandu.

04/28.txt

@@ -0,0 +1 @@
+\v 28 Nibaizula obuwandi boona boona abaali omw’Ikumbbaniro nibawuliirwe ebigambo ebyo; \v 29 ni baimuka nibamusindikiirya enzai wa kibuga nibamutwaala okw’ibbanga lya lusozi lwe bayombokereku ekibuga kyaabwe bamunage ansi. \v 30 baitu,Nabakalamu akati nayaba.

04/31.txt

@@ -0,0 +1 @@
+\v 31 Naikiriira e Kaperunawumu,ekibuga kya Ggaliraaya: nabeegereswa oku lunnaku lwa ssabbiiti: \v 32 ni bawuninkiira olwa kwegesya kwaamwe,olwakubba ekigambo kyaamwe kyaalina obuyinza.

04/33.txt

@@ -0,0 +1 @@
+\v 33 Ale omwikumbbaniro mwaalumu omuntu eyaaluku odaimoni; nakunga neiraka erikooto \v 34 ati woowe,okutujunaana ki we, Yesu omunazaalesi? Oizire anu kutuzikiirya? Nkumaite we nooli omwikikiiri wa Kanca.

04/35.txt

@@ -0,0 +1 @@
+\v 35 OYesu namuboigoora nka akukoba ati sirika, muzweeku.Odaimooni niyamunagire ansi namuzwaaku nka tamukoore kabbi. \v 36 Okuwuninkiira nikubakwaata boona boona nibebuulyangana bonkai nabonkai nka bakukoba bati kigambo ki kinu? Olwakubba alagira nobuyinza namaani abadaimooni nibazwaaku. \v 37 Okumanyika kwaamwe nikubuna omu buli kifo ekya nsi erirainewo.

04/38.txt

@@ -0,0 +1 @@
+\v 38 Naimuka nazwa omwikubbaniro naingira omu nnyumba ya Simooni. Ale onyubyaala wa Simooni yaali nka akwatiibwe omusujja gwinji,nibamwegayiira oku Lukka lwaamwe. \v 39 Nayemeera waali . naboigoora omusujja; niguwona: ammangu ago naimuka nabaweereza.

04/40.txt

@@ -0,0 +1 @@
+\v 40 Ale eisana nilyaali likugwa, bona abaalina abalwaire abandwaire ezitaali zimwe nibabamuletera,buli omwe okwaabo namutaaku emikono zaamwe, nabatamba. \v 41 nabadaimooni nibabazwaaku bainji, nibakunga nka bakukoba bati we oli mwaana wa Kanca. Nababoigoora natabaikiriza kusimoola kigambo, olwakubba betejerya nka niye Kristo.

04/42.txt

@@ -0,0 +1 @@
+\v 42 Ale obwiire nibwakyeire, nazwaayo nayaba omu kifo awataali bantu: Ebibbuura nibimuswaagana nibaiza waali,nibendya okumugaana okubazwaaku. \v 43 Baitu,nabakoba ati kinsaniire okukoba enjiri ya Bukama bwa Kanca no mu bibuga ebindi; Olwakubba nikyo kyansidikisirye. \v 44 Ale nakoba enjiri omu makumbbaniro aga mu Ggaliraaya.

05/01.txt

@@ -0,0 +1 @@
+\v 1 Ale olwaikire ebibbuura nibyamumigiriirye ni bawuura ekigambo kya Kanca, ye yaali ayemereire oku nnyanja Genesaleeti; \v 2 nabona obwaato bubiri nka buli okunyanja: baitu abategi baali babuzwiremu nka bakunaabya ebitimba byaabwe. \v 3 Naniinaku eryaato rimwei eryaali erya Simooni; namukoba okulyegeryayo kadooli okuzwa okwitale. Naikala nayegesya ebibbuura omu bwaato.

05/04.txt

@@ -0,0 +1 @@
+\v 4 Niyaali nka ammaare okusimoola nakoba oSimooni nti igeera ebuluba, munagge ebitimba byaanywe mutegge. \v 5 OSimooni nairamu nakoba nti omwaami twategere okukeesya obwiire ni tutakwatisye kintu: baitu olwa kigambo kyaamu nanangga ebitimba. \v 6 Ale nibakoore batyo, ni bakwaata encwii ziinji munno ebitimba byaabwe nibitaka okutiika. \v 7 Ni beeta abairaabwe omu bwaato obundi baize babajuneku. Ni baiza ni baizulya obwaato bukali bubiri, n’okwiika ni gataka okwiika.

05/08.txt

@@ -0,0 +1 @@
+\v 8 Baitu, oSimooni oPeteero niyaboine nainama oku magulu ga Yesu nakoba ati Ondeke; olwakubba ndi muntu aliina ebibbi, Mukama wange. \v 9 Olwakubba, yawuninkiriire na boona boona abaali naye olwa ncwii eziinji zibakwatisirye, \v 10 no Yakobo no Yokana boona batyo abaana ba Zebeddayo abaali baikirize kimwi no Simooni. OYesu nakoba oSimoon ati otatiina: okwekeera ati oizza kuteganga bantu. \v 11 Ale bawungwiire obwaato bwaabwe ebuluba, nibaleka byoona byoona ni baaba naye.

05/12.txt

@@ -0,0 +1 @@
+\v 12 Ale olwaikire niyaali omu kibuga ekimwei okwebyo, bona waalowo omuntu eyaali aizwiire abigenge, namwegaiira nka aku mukoba ati Mukama wange, notaka oyiinza okusaiirya. \v 13 Nagolola omukono gwamwei namukwataku nka akukoba ati nkutaka, longooka. Ammangu ago ebigenge byaamwe ni bimuwonaku.

05/14.txt

@@ -0,0 +1 @@
+\v 14 ye namukalatira obutakoberaku muntu, baitu yaba werange edi oKabona oweeyo ebya kusaiirwa kwaamu nka oMusa ni yalagiire okubba obujuurwa ji bali.

05/15.txt

@@ -0,0 +1 @@
+\v 15 Baitu ebigambo byamwei ni byeyongera kimwei okusansana, ebibbuura biinji ni bikumbaana okuwuura no kutambibwa endwaire zaabwe. \v 16 Baitu ye ni yeeyawula, nayaba omu marungu nasaba.

05/17.txt

@@ -0,0 +1 @@
+\v 17 Ale olwaikire oku lunaku Olumwei okweezo, yaali akwegesya, n’Abafalisaayo nabegesya bamateeka baali baikaire awo, abaali bazwiire omu buli kibuga ekya Ggaliraaya no Buyudaaya no Yerusaalemi: namaani ga Mukama gaali naye okutamba.

05/18.txt

@@ -0,0 +1 @@
+\v 18 Bona, abantu ni baletera omuntu oku kitabo eyaali asalaire: ni basala amagezi okumwingirya, ni bendya okumwica omu maiso gaamwei nibalemwa. \v 19 Nibataboine wa kumwingiirya olwa kibbuura, ni baniina aigguru oku nnyumba ni bamwakalya omu ma toffaali nibamwikiriirya ansi oku kitabo kyaamwei omu maiso ga Yesu.

05/20.txt

@@ -0,0 +1 @@
+\v 20 Ale niyaboine okwikiriza kwaabwe, nakoba ati omuntu, ebibbi byaamu bikutoleibweku. \v 21 Abawandiiki na Bafalisaayo nibatandika okuwakana nka bakukoba bati naani oni asimoola ebyakutyoboola? Naani ayiinza okutolaku ebibbi,wazira oKanca yenkai?

05/22.txt

@@ -0,0 +1 @@
+\v 22 Baitu, oYesu niyetejerye okuwakana kwaabwe nairamu nabakoba ati mukuwakana ki omu myooyo jaanywe? \v 23 Ekyangu kirai okukoba nti ebibbi byaamu bikutoleibweku; obate okukoba nti imukka otambule?. \v 24 Baitu mweteje nka omwaana wa muntu aliina obuyinza oku nsi okwiyaku ebibbi, nakoba oyo ayaali asalaire, nkukukoba nti imukka oimule ekitabo kyaamu oireyo omu nnyumba yaamu.

05/25.txt

@@ -0,0 +1 @@
+\v 25 Ammangu ago naimukka omu maiso gaabwe, naimula ekyo ki yaali abbasiryeku, nayaba ewaamwei, nka okugulumirya oKanca. \v 26 okuwuninkiira ni kubakwaata boona boona ni bagulumirya oKanca ni batiina munno nka bakukoba bati tuboine ebya maano olwa leero.

05/27.txt

@@ -0,0 +1 @@
+\v 27 Ale oluzwanyuma olwebyo, nazwaayo nabona omusorolya wa musolo eibara lyaamwe Leevi, nka aikaire omu kifo mwe basorolerya omusolo namukoba ati yakala nanje. \v 28 Naleka byoona byoona naimukka nayakala naye.

05/29.txt

@@ -0,0 +1 @@
+\v 29 OLeevi namusumbira embaga ejikooto omu nnyumba yaamwei: erate waalowo ekibbuura kikooto ekya basoroli nekya bandi abaali baikaire nabo oku mmere. \v 30 Abafalisaayo nabawandiiki baabwe ni bemulugunya olwa begereswa baamwe, nka bakukoba bati, ekibaliisya no kunyeera amwei na basoroli na bantu abaliina ebibbi ki? \v 31 OYesu nabairamu nabakoba ati aboomi tibataka mutabambi wazira abalwaire. \v 32 Nje tinaizire kweeta baikiriri wazira abantu abaliina ebibbi okuwendeka omwooyo.

05/33.txt

@@ -0,0 +1 @@
+\v 33 Nibamukoba bati abegereswa ba Yokaana basiibire emirundi zinji erate basabire; erate na Bafalisaayo batyo; baitu abaamu balya, banywa. \v 34 oYesu nabakoba ati ale muyinza okusiibya abaana ba bugole, Lukka abandwire omugole nabba nka ali nabo? \v 35 Baitu ennaku ziriiza; ale abandwire omugole nalibatolwaaku ni balyooka basiiba omu nnaku ezo.

05/36.txt

@@ -0,0 +1 @@
+\v 36 Erate, nabageera olugeero ati ndoowo muntu ayonola oku lugoye oluyaaka ekiraka nakitunga omu lugoye olukaire. Olwakubba nakola atyo, ekiyaaka kyonola olukaire; erate ne kiraka kyayonola oku luyaaka tikiisana nalukaire.

05/37.txt

@@ -0,0 +1 @@
+\v 37 Erate, ndoowo asukka mwenge ogukookya omusawo zabyanzo ezikaire; olwakubba omwenge ogukookya goonola ensawo zabyanzo, ni gususuka, nensawo zabyanzo zifafagana. \v 38 Baitu kisanira omwenge oguyaaka okugusuka omu nsawo zabyanzo eziyaaka. \v 39 Erate ndoowo muntu anywiire oku mwenge ogukuure ayendya ogutto; olwakubba akoba ati ogukulu nigwo gusai.

06/01.txt

@@ -0,0 +1 @@
+\v 1 Ale olwaikire oku ssabbiiti ni yaali akwaakala omu numiro zangaano; abeegereswa baamwei nibanokola ebirimba bya ngaano ni balya, nka bakukunya omu ngalo zaabwe. \v 2 Kandi Abafalisaayo abamwei ni bakoba bati kiki ekikubakolesya ekyamuzizo okukoora oku ssabbiiti?

06/03.txt

@@ -0,0 +1 @@
+\v 3 OYesu nabairamu nabakoba ati baitu, kinu timukisomangaku, oDaudi ki yakoore ni yalumirwe enzala ye ne beyaali nabo. \v 4 niyaingiire omu nnyumba ya Kanca natoola emigaatti ejakulanga nalya, kandi naweerya ne beyaali nabo egyamuzizo kulya okutolaku abakabona bonkai. \v 5 Nabakoba ati omwaana wa muntu niye Mukama wa ssabbiiti.

06/06.txt

@@ -0,0 +1 @@
+\v 6 Olwaikire oku ssabbiiti eyindi, naigira omwikubbaniro nayegesya; mwalumu omuntu omukono gwaamwe oguryo gwaali gukaare. \v 7 Ale Abawandiiki na Bafalisaayo ni bamuloleera, babone obate nka yatambira oku ssabbiiti, kaisi babone engeri jibamulopamu. \v 8 Baitu, namanya ebirowoozo byaabwe, nakoba omuntu ayabbaire no mukono ogukaare ati, imukka oyemeere akati.Naimukka nayemeera.

06/09.txt

@@ -0,0 +1 @@
+\v 9 Ale oYesu nabakoba ati, nkubabuulya nywe, kisai oku ssabbiiti okukola obusai, obate okukola obubbi, kutamba bwoomi obate kubusania wo? \v 10 Nabetoloolya amaiso boona boona, namukoba ati imukya omukono gwaamu nakola atyo; omukono gwaamwe ni guwona. \v 11 Ale ni batabuka ni basimoola bonkai na bonkai ki bakoora oYesu.

06/12.txt

@@ -0,0 +1 @@
+\v 12 Olwaikire omunnaku ezo nazwaayo nayaba oku lusozi okuramya nakeesya obwiire nka akuramya oKanca. \v 13 Obwiire ni bwakeire nayeta abeegereswa baamwe; omu bo nalondamu ikumi nababiri no kubeeta nabeeta abatume.

06/14.txt

@@ -0,0 +1 @@
+\v 14 OSimooni gwe yayalikire oPeetero, no Andereya omuganda waamwe, no Yakobo, no Yokaana, no Firipo, no Battolomaayo, \v 15 no Matayo, no Tomasi, no Yakobo omwaana wa Alufaayo, no Simooni eyayetebwanga oZerote, \v 16 no Yuda omuganda wa Yakobo, no Yuda oIsikalyoti eyamuliremu olukwe.

06/17.txt

@@ -0,0 +1 @@
+\v 17 Naniinuka nabo ansi nayemeera awatereri, ne kibbuura kikooto ekya beegereswa baamwe na bantu baiinji okuzwa e Buyudaaya yoona yoona, no mu Yerusaalemi na bazwiire eruguru wa nnyanja eya Tuulo no Sidon, abaizire oku muwuliirya no kutambibwa endwaire zaabwe, \v 18 na baali bakugadda no daimooni ni batambibwa. \v 19 Ne kibbuura kyoona kyoona nikisala amagezi okumukwaataku mbbe: olwakubba amaani gazwanga omu ye nigabatamba boona boona.

06/20.txt

@@ -0,0 +1 @@
+\v 20 Naimukya amaiso gaamwei edi abeegereswa baamwe, nakoba ati muliina omukisa abooro, olwakubba Obukama bwa Kanca nibwo bwaanywe. \v 21 Muliina omukisa abalumwa enzala ati,olwakubba muliikusibwa, muliina omukisa abakunga ati, olwakubba muliseka,

06/22.txt

@@ -0,0 +1 @@
+\v 22 Muliina omukisa abantu nibabakyawanga, nibabewalanga, nibabazumanga, nibabakolimanga nka ababbi, okubajunaania omwaana wa muntu. \v 23 Musagarukanga oku lunnaku olwo, mugulukanga olwaisanu:Olwakubba bona, empeera yaanywe jinji omwigguru:Olwakubba abaizeiza baabwe nimwo baakolanga abarnji batyo.

06/24.txt

@@ -0,0 +1 @@
+\v 24 Zibajirye nywe abaguuda, olwakubba mu maare okubba neisanu lyanywe. \v 25 Zibajirye nywe abaikutire ati, olwakubba mulirumwa enzala. Zibajirye nywe abakuseka ati, olwakubba mulinakuwala, mulikunga.

06/26.txt

@@ -0,0 +1 @@
+\v 26 Zibajirye, abantu boona boona nibalibasiima! olwakubba batyo abaizeiza baabwe nimwo baakolanga abaranji ba bubeyegi.

06/27.txt

@@ -0,0 +1 @@
+\v 27 Baitu nkubakoba nywe abakuwuura nti mwendyenge abananzugu baanywe, mukolenge kusai ababakyaawa. \v 28 Musabirenge omukisa ababakolimira, musabirenge ababakooraku eitiji.

06/29.txt

@@ -0,0 +1 @@
+\v 29 Oyo akupaayanga oluyi okuluba, omukyusizanga no lwa kabiri; nakutolangaku omunagiro gwaamu ne kanzu tojimugaananga \v 30 Na buli akusabanga omuweryanga; nooyo akutolangaku ebintu byaamu tobimusabanga te.

06/31.txt

@@ -0,0 +1 @@
+\v 31 Erate nka nimutaka abantu okubaakalya, nywena mubaakalyenge mutyo. \v 32 Kandi nimutaka abo ababataka nywe bali bebalyaaku ki? Olwakubba na bantu abata nebibbi bataka abo ababataka. \v 33 Erate nimukola okusai abo ababakola okusai, nwye bali bebalyaaku ki? Olwakubba na bantu abata nebibbi nimwo bakola batyo. \v 34 Ale nimwazika abo be musuubira okubaweerya, bali bebalya ki? Na bantu abata nebibbi bazika abata nebibbi,erate baweebwa batyo.

06/35.txt

@@ -0,0 +1 @@
+\v 35 Baitu mendyenge abananzigu banywe mubakolenge kusai, mwazikenge kandi timukanganga kusubira; ne mpeera yaanywe eribba jinji, nyweena mulibba baana bo’Oyo ali aigguru omunno: Olwakubba niye musai edi abateebalya na babbi. \v 36 mubbenge ne kisa, nka oitanywe naalina ekisa.

06/37.txt

@@ -0,0 +1 @@
+\v 37 Ale timusalanga musango, nanywe timulisaarwa: erate timusingisianga musango, erate nyweena timulisingisibwa musango: musonyiwenge, nanywe mulisonyiyibwa.

06/38.txt

@@ -0,0 +1 @@
+\v 38 Mugabenge, Lukka nyweena muliweebwa; ekigero ekisai ekiikatiibwe, nikitengetebwa ekikususukasusuka. Nikyo balibaweera omukifubba. Olwakubba ekigero ekyo kimugera, nanywe nikyo muligeerwa.

06/39.txt

@@ -0,0 +1 @@
+\v 39 Erate nabakoba olugeero ati, omulibbi wa maiso asobola okukulembera omulibbi omwiraamwe? tibagwa bakali babiri omu bwiina? \v 40 omweegereswa tasiinga amwegesya: Baitu buli muntu naikiriira omubyayegere alibba nka amwegesya.

06/41.txt

@@ -0,0 +1 @@
+\v 41 Kiki ekikuloleerya akantu akali oku liiso lya muganda waamu, no tolowooze ku kineni ekiri oku liiso lyaamu? \v 42 Obate osobola otyai okukoba omuganda waamu nti muganda wange, ndeka nkutooleku akantu akali oku liiso lyaamu,baitu nka tokubona kineni ekiri oku liiso lyaamu we? kiweeweita we, osooke otooleku ekineni ekiri oku liiso lyaamu we; ale obone kusai okwiyaku akantu akali oku liiso lya muganda waamu.

06/43.txt

@@ -0,0 +1 @@
+\v 43 Olwakubba ndoowo musaale gusai ogweerya ebyeera ebibbi, gonze omusaale ogubbi ogweerya ebyeera ebisai. \v 44 Olwakubba buli musaale gwetejerwa ku byeera byagwo. Olwakubba, tibanokola etiini ku busaana, nekindi tibanokola zabbibbu ku mweeramanyo.

06/45.txt

@@ -0,0 +1 @@
+\v 45 Omuntu omusai, ekintu ekisai akitoola mw’ibiikiro erisai erya mwooyo gwaamwe, no mubbi ekibbi akitoola mw’ibiikiro eribbi: Olwakuba ekiizula mwooyo akanwa nikyo kawulukya.

06/46.txt

@@ -0,0 +1 @@
+\v 46 Ale munyetera ki Omukama wanywe, Omukama wanywe, atenga timukola bigambo byensimoola? \v 47 Buli muntu yeena yeena aizza jendi nawuura ebigambo byange nabikola, nabalanga gwakwisana: \v 48 ayisana nka omuntu ayomboka ennyumba nasaka ansi omuno, omusiinji nakuta omu lwaazi; ale amaizzi nigaizula, omwigga gukutenta oku nnyumba eyo namaani, okujinagga, nokusobola nigutasobola kujitengeitya: olwakubba yayombokeibwe kusai.

06/49.txt

@@ -0,0 +1 @@
+\v 49 Baitu oyo awuura natakole, ayisana nko’muntu eyayombokere ennyumba okwitakali natasake musiinji: omwigga ni gukutenteraku namaani ammangu ago neggwa, no kuggwa kwa nnyumba eyo nikubba kukooto.

07/01.txt

@@ -0,0 +1 @@
+\v 1 Ale niyamaare okubaza ebigambo byamwei byoona byoona omu bantu, naingira e Kaperunawumu.

07/02.txt

@@ -0,0 +1 @@
+\v 2 Ale walowo omwaami wa kitongole omwiiru waamwei gwe yaali ayendya omuno yaali nka alwaire nka akwaaba kuffa. \v 3 N’oyo niyawuliire ebigambo bya Yesu natuma abakaire b’Ababayudaaya jaali nka akumusaba okwiiza okucungura omwiiru waamwei. \v 4 Boona nibaizire eddi oYesu, ni bamwegaira muno, ni bakoba bati osaniire we oku mukoora ekyo: \v 5 olwakubba ayendya eiyanga lyaiswe, n’eiramyo niye yali tombokeire.