sgh_ol_sgh_obs_text_obs_com_check/45/02.txt

Йакбори Истефа̄нус дар борайи Исо та̄лӣм ца δод, аз дига wилойатенен йаӯдийен wи қати шара̄т дараwчӣд сат, амо wи хирад ҷа̄тен wи ба̄с найат. Та̄мен мусла̄т чӯдху, оwоза̄йен дараwчӣд сат иде̂, Истефа̄нуси аз Мӯсойат Хуδой арчӣзаϑ ганда̄ га̄пен лу̊д. Да̄δ оwозайенен пӣренат Таwрот молимен қа̄р сифент. Wа̄δен Истифа̄нус анҷӯвдху, тар катанак рӯу̊ни робар хезен wи вӯд. Тарамен дирӯғгӯй шойиденга йатху, дар борайи Истифа̄нусен дирӯғгӯйи чӯд.