Wи wахтанд Доwӯд ғал йош ца вуд, йуйи Ҷолйот ну̊м бачамард қати δе̂д чӯд. Ҷолйот лап бақуwатат зӯр δе̂дга̄р вудат, wи қа̄д қарӣб арай метр вуд. Амо Хуδойи Доwӯдард йордам чӯдху, йуйи Ҷолйот зӣдат, Исроӣли наҷот δод. Ба̄ди дийи Доwуд фана̄ пӣδ  Исроӣл дух̇маненти ғалаба̄ чӯд. Йу бузург ҷангоwар сутат, фана̄ пӣδи Исроӣл лих̇кар тар δе̂д йод. Доwӯд исроӣлийенард хуш вудат, wа̄δен wи та̄рӣф чӯд.