Аз ди тиллойанди Ҷидӯн махсӯс луқ чӯд, йид тар катанак рӯу̊ни робар луқ му̊нанд вуд. Wийи ху ҷойдоданд ла̄кчӯд. Амо халқи ди луқард ху ка̄л хамбент, арра̄нг бутард ца хамбенен. Ҷидӯн пир сутху, ца мӯд, исроӣлийенен во бутпарасти дараwчӣд сат. Диҷа̄тти Хуδой Исроӣл ҷазо δодху, wи дух̇маненарди иҷозат δод, бар wев ғалаба̄ кинен. Охири охиру̊нен во исроӣлийен аз Хуδой йордам тила̄птху, Хуδойи wевард йига қози бох̇т.