Thu Feb 17 2022 10:33:37 GMT+0500 (Tajikistan Time)

01/title.txt

@@ -0,0 +1 @@
+Офарӣних̇и олам

02/02.txt

@@ -1 +1 @@
-Амо ди боғанд дивӯск вад. Йа̄ дис ух̇йор вад. Йид дивӯски аз ɣиник пех̇цт: «Йикид росто, Хуδойи тамард аз боғ дирахтенти меwа̄ хӣдоw иҷозат наδод?»
+Амо ди боғанд дивӯск вад. Йа̄ лап ух̇йор вад. Йид дивӯски аз ɣиник пех̇цт: «Йикид росто, Хуδойи тамард аз боғ дирахтенти меwа̄ хӣдоw иҷозат наδод?»

02/title.txt

@@ -0,0 +1 @@
+Дунйоти гуно пеδо сут

03/title.txt

@@ -0,0 +1 @@
+Тӯфу̊н

04/title.txt

@@ -0,0 +1 @@
+Хуδой а̄д Ибром қати

05/01.txt

@@ -0,0 +1 @@
+Ибромат Сорайен тар Канон замӣн ца йат, δис сол наɣҷӣд, амо wеванд ғалаϑ зирйот навуд. Δа̄δи Абром ɣин Сорай wирд лу̊д: «Хуδойи мурд зирйот нада̄кчӯдат, wузум мис зирйотвӣдард пӣри зор, йида турд му канӣʒак Оҷар. Х̇офц дам қатиху,  йид ла̄к зирйот мурд вӣрт».

05/02.txt

@@ -0,0 +1 @@
+Иброми мис wам га̄пти чӯд. Оҷар омиладор сатху, аз Сорай ху биландди дараw фа̄мт сат. Сорайи динди Ибром айбдор чӯд. Ба̄ди йичанд wахти Оҷар пуц вӯдху, Иброми wи ну̊м Исмоӣл δод. Исмоӣл сездасола̄ ца сут, Хуδой вога Ху пӣц тар Ибром чӯд.

05/03.txt

@@ -0,0 +1 @@
+Хуδойи лу̊д: «Wузум Пурқудрат Хуδой. Ту қатита Wуз а̄д кинум». Иброми урмат ҷа̄т зима̄δти ху чи пӣц пите̂wд. Хуδойи вога лу̊д: «Тута фана̄ халқенанд wев та̄т са̄wи. Wузта Канон замӣн тот ту наслийард да̄кумат, wев Хуδойта са̄м. Ту бойад фук ғиδайенат, фук чорикен ху ху̊наwода̄йанд ху̊насӯр кини».

05/title.txt

@@ -0,0 +1 @@
+Wа̄даδоδҷин пуц

06/01.txt

@@ -0,0 +1 @@
+Соленен наɣҷа̄д. Ибройим пӣри зор сутат, wи пуц Исоқ ғулла̄ сут. Йи рӯзи Ибройим ху хизматгор бох̇т тар Канон замӣн, тарамен wи қаwмийот зиндаги ца чӯд, ла̄к йу Исоқард тарам ɣин виред.

06/02.txt

@@ -0,0 +1 @@
+Ди хизматгор пу̊нд тар Ибройим қаwмийот замӣн δа̄р вудат, ца фирӣпт тарам Хуδойи wи тар Ривқо хез вуд. Ривқо Ибройиманд wи вирод нибе̂с  вад.

06/03.txt

@@ -0,0 +1 @@
+Ривқо розӣ сат иде̂, ху ху̊наwода̄ ла̄ких̇тху, wи хизматгор қати тар Исоқ хез су̊д. Йа̄ наw йатат, Исоқи wитийаϑ wам вӯд.

06/04.txt

@@ -0,0 +1 @@
+Дароз wахт наɣҷӣд. Ибройим мӯдат, Хуδойи Ибройим пуц Исоқард аз рӯйи wам а̄д баракат δод иде̂, Ибройим қатийи wам  ца чӯд. Хуδой wам а̄данд wа̄да̄ δод иде̂, Ибройимандта wи насл беисоб су̊д. Амо Исоқ ɣин Ривқойанд зирйот насут.

06/title.txt

@@ -0,0 +1 @@
+Хуδойта Исоқ чост

07/01.txt

@@ -0,0 +1 @@
+Да̄δ вирода̄рен ғулла̄ сат. Есовард ɣеwчӣд хуш вудат,  Йа̄қӯбард чӣданд нӣстоw. Исоқи Есов жӣwҷ чӯд, ата̄ Ривқо Йа̄қӯб жӣwҷ вад.

07/02.txt

@@ -0,0 +1,2 @@
+Йи рӯз Есов аз ɣеw маɣʒу̊нҷи зор йат. Йуйи Йа̄қӯбард лу̊д: 
+«Аwқотат ца пе̂хч, ку да̄к мурд». Йа̄қӯб на̄ла: «Пиро wа̄да̄ δа иде̂,  ху сарфарзанди ақта мурд да̄ки». Есови wа̄да̄ δод иде̂, ди ақта Йа̄қӯбард да̄ких̇т. Ба̄ди дийи Йа̄қӯб wирд аwқот да̄кчӯд.

07/03.txt

@@ -0,0 +1 @@
+Йа̄қӯби хойих̇ чӯд, ху баракат Есовард δӣд, амо ба ҷойи дийи йу  Йа̄қӯбард баракат δод, ду̊ндҷа̄т Ривқойат Йа̄қӯбен wи абрат δод. Йа̄қӯб тар ху та̄т хез йат, гуйо йу Есов. Йуйи Есов луқен пинӯйдху, ху ма̄кат δустенарди ваз пу̊стак печу̊нт. Исоқ пӣр вудху, ду̊нд баша̄нди наwӣнт, диҷа̄т аз ди wев фа̄ндат фиреб хабар насут.

07/04.txt

@@ -0,0 +1 @@
+Йа̄қӯб тар Исоқ хез йатху, лу̊ди: «Wузум Есов. Wузум йат, ла̄к ту мурд баракат δа». Исоқи тар wи ваз пу̊стак ху дуст δодат, wев луқен бу̊йи ис чӯдху, гуму̊ни чӯд иде̂, йид Есовху, Йа̄қӯбарди баракат δод.

07/05.txt

@@ -0,0 +1 @@
+Есов Йа̄қӯб қати бад сут, диҷа̄т иде̂, йу баракат Есованд ца вуд, Йа̄қӯби фа̄ндат фиреб қати wи зох̇т. Диҷа̄ти Есов лу̊д иде̂, ба̄ди ху та̄т мӣдоwта Йа̄қӯб зӣнт.

07/title.txt

@@ -0,0 +1 @@
+Хуδойта Йа̄қӯбард баракат δӣд

12/01.txt

@@ -0,0 +1 @@
+Исроӣлийенен хуши қати аз Мисрийанд нах̇тойд. Wа̄δен ачга ғулу̊м навадат, тар Хуδой Wа̄даδоδҷин Замӣнен тойд! Арчӣзен исроӣлийен аз Миср мардум ца тила̄бт, wа̄δен wевард фук да̄кчӯд,  тиллойат нуқра̄йат, аррақамаϑ зарат зеwарга мис. Wи wахтен исроӣлийен аз Миср ца нах̇тойд, йила̄вга мардуми аз дига халқен Хуδойард боwар чӯдху,  тар wевен амро сат.

12/02.txt

@@ -0,0 +1 @@
+Хуδой дойимаϑ wев қати вудат, пу̊нди wевард дивих̇т. Wевард даркор вуд, фақат Wи да̄мти тӣдоw. Меϑин Хуδой исроӣлийен тарпиро абр ситан ра̄нгти тӯйдат, х̇а̄б йоц ситан ра̄нгти.

12/03.txt

@@ -0,0 +1 @@
+Ба̄ди йичанд wахт фираwнат, wи халқен ху фикр дига чӯд. Wа̄δен хойих̇ чӯд, ла̄к исроӣлийен вога wев ғулу̊м сен. Диҷа̄тен wа̄δ исроилийен да̄мти чӯд. Дийи Хуδой чӯд, ла̄к фук wинен иде̂, Йу— Йахӯва̄, аз фираwнат, аз фук Миср хуδойен пурқудратди.

12/04.txt

@@ -0,0 +1 @@
+Та̄мен исроӣлийен ца wӣнт иде̂, Миср лих̇кар wев да̄мти йат, wа̄δен фа̄мт иде̂, фираwн лих̇карат, ба̄ри Сурх байнанден ар пе̂δ δод. Wа̄δен осепи сатху, Мӯсойарден лу̊д: «Бар шич бийа̄бу̊нанд мӣдоwа̄м, ма̄ш Миср мардумард ғулу̊м ца вицат бӣди!»

12/05.txt

@@ -0,0 +1 @@
+Мӯсойи исроӣлийен ҷаwобанд лу̊д: «Ба̄с х̇оҷ δе̂рет! Нурта Хуδой тама ҷа̄т δе̂д ких̇тху, наҷотта тама δӣд». Ба̄ди Хуδой Мӯсойард лу̊д: «Халқард фарму̊н δа, тар ба̄ри Сурх хеза̄ҷ сен!»

12/06.txt

@@ -0,0 +1 @@
+Ди wахтандат исроӣлийен тарпиро йу абри ситан ра̄нгти ца вуд, аракати чӯдху, wеват Миср мардум байнанд гӣр сут. Х̇а̄б йид ситан йоц сатху, Миср мардуми йира х̇а̄б тар исроӣлийен қарӣб йаттоw нава̄рδод.

12/07.txt

@@ -0,0 +1 @@
+Хуδойи Мӯсо римод иде̂, ху δуст тар ба̄р хеза̄ҷ сент. Мӯсойи ху δуст тар ба̄р хеза̄ҷ сентат, Хуδойи х̇ӯʒ анду̊ʒдху, дам ба̄р х̇аци тар хезат тар ча̄п тараф ҷудо чӯдат, ба̄р байнва пу̊нд пеδо сут.

12/title.txt

@@ -0,0 +1 @@
+Аз Мисрийанд нах̇тӣдоw

13/01.txt

@@ -0,0 +1 @@
+Ба̄ди wи иде̂, Хуδойи исроӣлийен ба̄ри Сурхва ца наɣʒимт, Йуйи wев бийа̄бу̊нва тар Сӣно ну̊м кӯ хез вӯд. Йик ди кӯ хезанди йи wахт Мӯсо шӯδ йоц дарӯн wӣнт. Х̇алқи Сӣно кӯ бӣранд ху хиргойен не̂δд.

13/02.txt

@@ -0,0 +1 @@
+Хуδойи Мӯсойат, фук Исроӣл халқард лу̊д: «Ага тамата Му ца ниғу̊ɣетат, а̄дта тама қати ца кинум, рийойа̄ wам ца кинет, тамата  бар дига халқенет Мурд  қиматдийат,  рӯу̊нейен потх̇ойийат, Му муқадас халқта сет.

13/03.txt

@@ -0,0 +1 @@
+Хуδойи Мӯсо римод, ла̄к йу халқ сейум меϑард Хуδой wӣнтоw ҷа̄т тайора̄йат, муқадас ких̇т. Халқи δу рӯз дам меϑ ҷа̄т тайори чӯд. Сейум рӯзти Хуδой ар Сӣно кӯ ну̊л йат. Wи йаттоw тундурат, отих̇акат, δудат, биланд карна̄й садо  қати вуд.  Хуδойи Мӯсо қӣwдху, Мӯсо пи ди кӯ сифӣд.

13/04.txt

@@ -0,0 +1 @@
+Сӣно кӯтийи Хуδой халқ қати а̄д чӯдат, Δӣс Амрийи wевард да̄кчӯд. Йуйи лу̊д: «Wузум Йахӯва̄ — тама Хуδой. Wузум тама аз Миср ғулу̊ми наҷот δод. Дига хуδойенард ху ка̄л ма̄хамбенет».

13/05.txt

@@ -0,0 +1 @@
+«Бутен ма̄мозетат, ху ка̄л wевард ма̄хамбенет, ду̊ндҷа̄т Wуз— Йахӯва̄, йагу̊на̄ Хуδой бойад таманд вӣм. Бедаракаϑ Му ну̊м ху дар забу̊н ма̄анҷет. Ху байоδ анҷет иде̂, шанбе йид муқадас меϑ. Йа̄ни, ху фук корен хоɣ меϑанд кинет, ата̄ wӯвдум меϑ, шанбейанд ху да̄м δетат, дар борайи Му фикрийет».

13/06.txt

@@ -0,0 +1,2 @@
+«Ху додат на̄н урмат кинет. Ма̄зӣнет. Чорат ɣиндорийанд  беwафойи ма̄кет. Дузди ма̄кет. Дирӯғ ма̄лу̊вет. Тар йига ɣин,
+ тар йига чӣдо, арчӣзга дига мардуманд ца, аwас ма̄кет».

13/07.txt

@@ -0,0 +1,2 @@
+Хуδойи амрийен ца да̄кчӯд,  фук халқ wев иҷрочӣд розӣ 
+вуд. Фукен розӣ сат иде̂, йик Wи йи Хуδойанд ду̊нд wийенат, Wирд ду̊нд ху ка̄л хамбенен.

13/08.txt

@@ -0,0 +1 @@
+Хуδойи исроӣлийенард лу̊дга, ла̄к wа̄δ ғулла̄ хирго — Ҷамомад Хирго мозен. Хуδойи wевард фа̄му̊нт иде̂, цара̄нг бойад wам мозенат, тар wам дарӯн чӣз рибийен. Хуδойи римод wев йи ғулла̄ парδа̄ кинен, ла̄к дам хирго δу ма̄ла̄йард тақсӣм ких̇т. Хуδойи лу̊д иде̂,  йик тар ма̄ла̄ Йу йоδд, йу аз парδа̄ зибо йу цаху, тарамта рист. Тар ди ма̄ла̄ катанак рӯу̊ни робарард ду̊нд дедоw мӯмкин вуд.

13/title.txt

@@ -0,0 +1 @@
+Хуδой а̄д Исроӣл қати

manifest.json

@@ -126,6 +126,22 @@
 		"11-05",
 		"11-06",
 		"11-07",
-		"11-08"
+		"11-08",
+		"12-01",
+		"12-02",
+		"12-03",
+		"12-04",
+		"12-05",
+		"12-06",
+		"12-07",
+		"13-title",
+		"13-01",
+		"13-02",
+		"13-03",
+		"13-04",
+		"13-05",
+		"13-06",
+		"13-07",
+		"13-08"
 	]
 }