Sun Mar 20 2022 18:40:25 GMT+0500 (Tajikistan Time)

37/reference.txt

@@ -0,0 +1 @@
+Китоби Муқадас нақл аз «Йуанно Инҷил» 11:1-46 боб

38/01.txt

@@ -0,0 +1 @@
+Исойи Хушхабар лу̊вдоwат, та̄лӣмδе̂д сар ца чӯд, дирд ара сол наɣҷӣд. Исо ху х̇огирден қати  фана̄ х̇а̄рен наɣҷӣдху, тар Ерусалӣм йат. Наҷот айу̊м наздӣк сутат, Исойи хойих̇ чӯд, Ху х̇огирден қати wи наɣʒимт.  Садо сол тар пиройи Хуδой йаӯдийен бобйу̊н аз Миср ғулу̊ми ца зиwост, ди хотиранден йаӯдийен ар сол Наҷот айу̊м наɣʒимт. Қарӣбаки айу̊ми Исо ху х̇огирденард лу̊д иде̂, Wита ба наздики зӣнен.

38/02.txt

@@ -0,0 +1 @@
+Йӣ одам аз Исо фиристодайенанд  Йаӯдо ну̊м вуд. Йаӯдойи сандӯқи хайрийа̄ ҷа̄т ҷаwоб δодат, тез-тез пӯл азаманд цифт. Ба̄д аз wи иде̂, Исойат wи х̇огирденен тар Ерусалӣм ца йат, Йаӯдо тар катанак рӯу̊ни робарен хез сут. Йуйи wевард луд иде̂, пӯлти йу ва̄рδед Исо wевард сипорт. Йаӯдойи фа̄мт иде̂,  катанак рӯу̊ни робаренен Исо Масе исоб начӯдат, Wи зӣдоwен хойих̇ чӯд.

38/03.txt

@@ -0,0 +1 @@
+Таwрот молименат, йаӯди қабӣлайен пӣренат, катанак рӯу̊ни робаренен Йаӯдойард 30 нуқраги танга̄ да̄кчӯд, ла̄к йу Исо wевард сипорт. Арра̄нген пайғумбарен Нивишчинанд ца лу̊д, фукаϑ дисга сут. Йаӯдойи пӯл зох̇тху, тӯйд. Аз дам меϑанди йу  баша̄нд wахт х̇икӯд, ла̄к Исо wевард сипорт.

38/04.txt

@@ -0,0 +1 @@
+Исойи ху х̇огирден қати Наҷот айу̊м ца наɣʒимт, вега аwқотхӣдтийи Йу гарδа̄ зох̇т, ка̄нди wи чӯдху, лу̊ди: «Зетху, хет. Йам му ҷисм, тама ҷа̄тта ми ца да̄кум. Диҷа̄т ди кинет иде̂, ла̄к Му ху байоϑ wеδет» Дисгайи Исо ху х̇огирденард фа̄му̊нт иде̂, Йута Ху ҷисм қурбу̊ни ких̇тху, wев ҷа̄тта мӣрт.

38/05.txt

@@ -0,0 +1 @@
+Ба̄ди дийи Исо чӣни ангӯрδх̇уц қати зох̇тху лу̊ди: «Зетху, бире̂зет! Йам Му хӯн, Наw А̄д аз динди ца, тама̄ ҷатта ди ре̂хта̄ ца кинум, ла̄к Хуδой тама гунойен тамард бахих̇ ких̇т. Дисга кинет, ла̄к Му Ху байоδ вет».

38/06.txt

@@ -0,0 +1 @@
+Ба̄ди Исо ху х̇огирденард лу̊д: «Йӣw аз тамата мурд хийу̊нат ких̇т». Х̇огирденен айру̊н вадат, дараw пех̇цтен сат, ча̄йта дисга ких̇т. Исойи лу̊д: «Арчирдта wуз ду̊ндик гарδа̄ ца да̄кум, йикута Мурд хийу̊нат ких̇т». Та̄ми гарδа̄ Йаӯдойард да̄кчӯд.

38/07.txt

@@ -0,0 +1 @@
+Наwи Йаӯдо гарδа̄ зох̇тат, шайту̊н ар wи дед. Та̄ми Исо Йаӯдойард лу̊д: «Тезди йик wи кор ки, чи чӣдат wи ца». Йаӯдо тар катанак рӯу̊ни робарен хез сут, ла̄к  Исо ҷой wевард лу̊вд. Х̇а̄б сут.

38/08.txt

@@ -0,0 +1 @@
+Ба̄ди аwқотхӣд Исо ху х̇огирден қати пи Зайтӯн кӯ сут. Йаманди Исо лу̊д: «Тамата фукаϑ нур х̇а̄б му ла̄кет. Арра̄нг Нивишчинти ца лу̊вд: «Чӯпу̊нта зӣнумат, фук молта рицӣϑт».

38/09.txt

@@ -0,0 +1 @@
+Петрус на̄ла: «Да̄δ фукаϑта ага Ту ца ла̄кен, wузта ачаϑ дисга кор накинум!» Та̄ми Исо Петрусард лу̊д: «Шайтун хойих̇ ких̇т ар тама фукаϑ деδд, амо Wузум ту ҷа̄т, а Петрус дуо чӯд, ла̄к ту ему̊н суст ма̄су̊д. Ата̄ нур х̇а̄бта, пиро аз чух̇ қӣwдоw ту ара тов лу̊ви иде̂, нафа̄ми Му».

38/10.txt

@@ -0,0 +1 @@
+Ба̄ди Петрус Исойард лу̊д: «Мӣдоwард мис ца са̄м, wузта ху азТу мункир накинум!» Дига х̇огирденен мис дисга лу̊д.

38/11.txt

@@ -0,0 +1 @@
+Ба̄ди ди Исо Ху х̇огирден қати тар Ҷатсамони ну̊м ҷой сут. Исойи ху х̇огирден римод дуо кинен, ла̄к wа̄δ wасwаса̄йанд ма̄δийен. Та̄м аз wев хезанд тарамди сут,  ла̄к тоқа̄йаϑ дуо ких̇т.

38/12.txt

@@ -0,0 +1 @@
+Исойи ара тов дисга дуо чӯд: «А Та̄т, ага илоҷ ца вид, Ту қабӯл са̄м,   аз ту̊ɣдоw му халос ки. Ата̄ одамен гунойен бахих̇чӣдард йичиду̊мга пу̊ндга ца навид ,  ла̄к йик дити су̊д, арра̄нг Ту хойих̇ ца кини!»  Исойи лап хах̇ зақтху, wи ара̄қи хун чакра̄ ҷиноw зима̄δард чикт. Хуδойи фирих̇та̄ бох̇т, ла̄к қуwат Wирд δӣд.

38/13.txt

@@ -0,0 +1 @@
+Ар тов  Исо  ба̄ди дисга дуо тар Ху х̇огирден хез гах̇т ца чӯд,  wеви хе̂вʒин wӣнт. Йу сейум тов ца йат, лу̊ди: «Ага̄ сет,! Йикута мурд хийунат ца ких̇т, йу йу̊данд».

38/14.txt

@@ -0,0 +1 @@
+Ди wахтанд Йаӯдо  катанак рӯу̊ни робаренат, ибодатху̊на̄ пайрайен калу̊ненат, пӣренат, аскаренат, ғул мардум қати йат. Wевҷайен шамшеренат, калтакен вад. Йаӯдо тар Исо хез йатху, лу̊ди: «Саломолек Молим», ба̄ди ба̄ wи чӯд. Йаӯдойи диҷа̄т дисга чӯд иде̂, wев йаϑчиненард Wи одам дивест иде̂, Wи анҷӣвдоw даркор ца вуд.Исойи лу̊д: «Йаӯдо, тута ба̄чӣд қати Му сипорийо?».

38/15.txt

@@ -0,0 +1 @@
+Аскаренен Исо ца анҷӯвд, Петруси ху ша̄мшер зиwостху wи ката̄нак ғулу̊манди wи ғу̊ɣ х̇ичӯх̇т. А̄т Исойи лу̊д:«Ху шамшер δа̄р ки! Wуз варδӣм аз Ху Тат  фарих̇тагу̊н лих̇кар тила̄бум, ла̄к wа̄δ му муофизатен, а̄т Wуз бойад Ху Тат ниғу̊ɣӯм «Ба̄ди Исо wи ғулу̊м ғу̊ɣ соз чӯд. Ба̄ди дийен Исо анҷӯвд, ата̄ Wи х̇огирденен фукаϑ рицост.

38/reference.txt

@@ -0,0 +1 @@
+Китоби Муқадас нақл аз «Мато Хушхабар» 26:14-56 боб, «Марқус Хушхабар» 14:10-50 боб, «Луқо Хушхабар» 22:1-53,  «Йуанно Хушхабар» 12:6; 18:1-11 бобен

38/title.txt

@@ -0,0 +1 @@
+Исойен таслӣм чӯд

39/01.txt

@@ -0,0 +1 @@
+Нӣми х̇а̄банден аскарен Исо тар катанак рӯу̊ни робар чӣд вуд, ду̊ндҷа̄т wирди форт Исо босхос ких̇т. Петруси δараϑ ху анҷӯвдат, Wи да̄мти тӯйд. Йик та̄мен аскарен Исо тар катанак рӯу̊ни робар хез ца вӯд, Петрус тар ваҷ редху, тар йоц хез сут, хизматгоренат, пайрайенен wи хезанд каш ху ца чӯд.

39/02.txt

@@ -0,0 +1 @@
+Ди wахтанден йаӯди қабӣлайен пӣрен тар катанак рӯу̊ни робар чӣданд Исо укмчӣд сар чӯд. Wа̄δен фана̄ дируғгӯй шойиден вирӯд, Исойен айбдор ца чӯд. Амо wев  айбдорчӣд арра̄нгаϑ вудат, аз йакдигарен фарқ вад, диҷа̄тен Исо айб исбот начӯд. Исойи хубаϑ ху муофизат ҷа̄т ичӣзаϑ налу̊д.

39/03.txt

@@ -0,0 +1 @@
+Охиру̊ни катанак рӯу̊ни робар тар Исо чӯх̇тху, пех̇цти: «Ку лу ма̄шард, Тут Масе, зинда̄ Хуδой Пуцо?»

39/04.txt

@@ -0,0 +1 @@
+Исойи ҷаwоб δод: «У̊н, Wузум Масе, тамата Му Хуδой қати нӯсчинат, аз осму̊н Му йаттоw wинет». Катанак рӯу̊ни робари ху луқ хути цуғ δод, ду̊ндҷа̄т Исо га̄пенен қати wи қа̄р сифӣд. Йуйи wа̄ғас δод: «Ма̄шард ачга шойиден даркор нист иде̂, ми одам корен ма̄шард лу̊вд. Тамет хубаϑ х̇уд,  Йиди ца лу̊д иде̂, Йид Хуδой Пуц. Тамата ба̄д чӣз лу̊вет, айбдор йидо най?»

39/05.txt

@@ -0,0 +1 @@
+Арча̄й йаманд ца вуд, фукаϑен катанак рӯу̊ни робарард сараwозаϑ лу̊д: «Дӣнд ди сазо ма̄рг!» Wа̄δен Исо цемен вӣстху, туфен Wирд дараwчӣд сатат, азобен Wи чӯдат, шӣнтен Wи.

39/06.txt

@@ -0,0 +1 @@
+Ди wахтанд Петрус тар дарго  вуд. Йи канӣʒаки wи wӣнтху, лу̊ди  wирд: «Тут мис Исо қати вуд!» Амо Петруси ху мӯнкир чӯд. Таредийарди йига ға̄ц мис дисга лу̊дат, Петруси во ху мункир чӯд. Охиру̊нен арчиду̊мца одамен мис лу̊д: «Ма̄ш фа̄ма̄м иде̂, тут Исо қати вуд, ду̊ндҷа̄т тамет варϑ аз Ҷалӣл».

39/07.txt

@@ -0,0 +1 @@
+Петрус қасам дараwхӣд сут иде̂, йу Исо нафа̄мт. Йуйи лу̊д: «Қасам ха̄м, wуз ди Одам нафа̄мумам, наwизу̊нум тамата дар борайи чӣз лу̊вет!» Та̄м Исо пӣц гах̇т, тар Петруси чӯх̇тат, wинд wи байоϑ δод, Исойи wирд ца лу̊д: «Нур х̇а̄бта ту пиро аз чух̇ қӣwдоw ара тов лу̊ви иде̂, нафа̄ми Му».

39/08.txt

@@ -0,0 +1 @@
+Петрус аз ди аwлинди нах̇туйдху, хах̇-хах̇и нӣwд. Йик ди wахтандат Йаӯдойи фа̄мт, Исо иде̂,  хийу̊нати wирд ца чӯд, зӣдоw хойих̇ кинен. Йуйи тӯба̄ чӯдху, дев пӯлени катанак рӯу̊ни робаренат, пӣренард гарδент, ата̄ хубаϑ сутху дори ху тӣжд.

39/09.txt

@@ -0,0 +1 @@
+Wи даwра̄ Рум оким Йаӯдийа̄йанд, Пилотус вуд. Катанак рӯу̊ни робаренат, пӣренен Исо тар Пилотус хез вӯд. Wа̄δен хойих̇ чӯд иде̂, Рум оким Исо укм ких̇тху, фарму̊н δӣд, зӣнен Wи. Пилотуси Исо пех̇цт: «Тут йаӯдийен Потх̇ойо?»

39/10.txt

@@ -0,0 +1 @@
+Исойи ҷаwоб δод: «Тут рост лу̊д. Амо Му Потх̇ойи замӣнти нист. Йид дисга ца вуδҷат, Му хизматгоренен Му ҷа̄т δе̂д чӯҷат. Wузум ар замӣн йат, ла̄к ақӣқат дар  борайи Хуδой  лу̊м. Арча̄йи ақӣқат ца жӣwҷ, Му ниғу̊ɣд». Пилотуси пех̇цт: «Ақиқат пас чӣз?»

39/11.txt

@@ -0,0 +1 @@
+Ба̄ди Исо қати нақлчӣд, Пилотус тар ғӯл мардум хез нах̇тӯйдху лу̊ди: «Wузум йичӣзаϑ бу̊на̄ навирӯд иде̂, аз рӯйи wи ми Одам зӣдоw римӣм» . Амо катанак рӯу̊ни робаренат, пӣренат, йид ғӯли қӣwд: «Чорме̂х ди δа̄!» Пилотуси лу̊д: «Йик ди арчӣзанд айбдор ми ца кинет, аз диндийи Йам йичӣзаϑ начӯɣҷ». Амо wа̄δен соф хах̇ди дараw wа̄ғд сат. Та̄ми Пилотус сейум тов лу̊д: «Йам айбдор нист!» Амо йид ғӯли соф хах̇ди wа̄ғд: «Чорме̂х Ди δа!»

39/12.txt

@@ -0,0 +1 @@
+Пилотуси х̇оҷ δӯйд иде̂, халқта андӣздху, wев талаботен қати розӣ сут, ху аскаренарди фарму̊н δод чорме̂х Wи δен. Рӯми аскаренен Исо қамчи қати азоб чӯд. Ба̄ди дийен wа̄δ Wи масқара̄ чӯдат, Потх̇ойи луқат пинӯйдат, шӯδин тоҷен Wи ка̄лти чӯд. Wа̄δен лу̊д: «Чисет, йима йаӯдийен Потх̇о!»

39/title.txt

@@ -0,0 +1 @@
+Исота укм кинен

manifest.json

@@ -538,6 +538,37 @@
 		"37-08",
 		"37-09",
 		"37-10",
-		"37-11"
+		"37-11",
+		"37-reference",
+		"38-title",
+		"38-01",
+		"38-02",
+		"38-03",
+		"38-04",
+		"38-05",
+		"38-06",
+		"38-07",
+		"38-08",
+		"38-09",
+		"38-10",
+		"38-11",
+		"38-12",
+		"38-13",
+		"38-14",
+		"38-15",
+		"38-reference",
+		"39-title",
+		"39-01",
+		"39-02",
+		"39-03",
+		"39-04",
+		"39-05",
+		"39-06",
+		"39-07",
+		"39-08",
+		"39-09",
+		"39-10",
+		"39-11",
+		"39-12"
 	]
 }