Thu Mar 03 2022 10:58:48 GMT+0500 (Tajikistan Time)

19/reference.txt

@@ -0,0 +1 @@
+Китоби муқадаc нақл  аз „3 Потх̇ойен 16-18 бобен“; „4 Потх̇ойен 5 боб“;  „Ирмийо 38 боб“.

20/01.txt

@@ -0,0 +1 @@
+Арварϑ потх̇ойи, а̄м Исроӣлат, а̄м Йаӯдийа̄йи зидди Хуδой гуно чӯд. Wа̄δен wам а̄д wевру̊н чӯд иде̂, Хуδойи wев қати пи Сӣно кӯ ца чӯд, Хуδойи цу̊нд пӣδ пайғумбарен бох̇т, ла̄к мардум тӯба̄ ких̇тат, асараϑ ху ка̄л wирд хамбенен, амо wа̄δен Wи ниғих̇тоw начемт.

20/02.txt

@@ -0,0 +1 @@
+Дев гап нониғих̇тоw ҷа̄ти Хуδой арварϑ потх̇ойи ҷазо δодат, дух̇маненарди иҷозат δод нест wев кинен. Wи wахтанд йӣw аз бақуwат даwлатен Ашшӯрийа̄ вуд. Ашшӯрийенен дига халқенти лап хах̇ ҷаwр чӯд. Wа̄δен Исроӣлти уҷӯм  чӯдху, ди потх̇ойийен анҷӯвд. Ашшӯрийенен Исроӣл потх̇ойийанд фана̄ мардум зӣдат, фук қиматбао хасхорен зох̇тху, лапди қисми wи мулкен пиδид.

20/03.txt

@@ -0,0 +1 @@
+Бағайр аз дийен ашшӯрийен фук сардоренат, басиле̂қайенат, бадаwлат одамен тар Ашшӯрийа̄ йод. Исроӣланден фақат сар бечора̄ одамен ред.

20/04.txt

@@ -0,0 +1 @@
+Ба̄ден ашшӯрийен йик wи замӣн йига халқен қати пур чӯд иде̂, йаманд пиро Исроӣл потх̇ойи ца вуд. Да̄δ халқенен дев wеру̊нчӯɣҷин х̇а̄рен асараϑ обод чӯд. Wа̄δен дев боқиму̊нда̄ исроӣлийен қати нико чӯд. Исроӣли наслийенен дев йига халқен қати нико ца чӯд, девен сома̄ри лу̊д.

20/05.txt

@@ -0,0 +1 @@
+Йа̄ӯдийенен wӣнт, цара̄нги Хуδой Исроӣл халқ дарройи wев беему̊нийат, га̄пнониғих̇тоw ҷазо δод. Амо wа̄δен канонийен бутенардат, хуδойенард ху ка̄лхамбент даwу̊м δод. Хуδойи пайғумбарен бох̇т, ла̄к wа̄δ wев хабарен, амо wа̄δен wев ниғих̇тоw начемт.

20/06.txt

@@ -0,0 +1 @@
+Тақрӣбан ба̄ди 100 сол, та̄мен ашшӯрийен Исроӣл нест ца чӯд, Хуδойи тар Йа̄ӯдийа̄ бобилийен потх̇о Набукаднеса̄р бох̇т. Wи даwра̄ Бобил бақуwат империйа̄ вуд. Йа̄ӯдийа̄ потх̇о маҷбӯр сут иде̂, Набукаднеса̄р хизматгор су̊дат, ар сол wирд андоз сипорт.

20/07.txt

@@ -0,0 +1 @@
+Амо ба̄ди йичанд сол Йаӯдийа̄ потх̇о зидди Бобил андӯйд. Та̄мен бобилийен гах̇т чӯдху, Йаӯдийа̄тийен уҷӯм чӯд. Wа̄δен Ерусалӣм анҷӯвд, Ибодатху̊на̄йен нихе̂ртху, х̇арат Ибодатху̊на̄ зарат зеwарен йод.

20/08.txt

@@ -0,0 +1 @@
+Набукаднесар аскаренен Йаӯдийа̄ потх̇о пацен, wев зид  андӣдоw ҷа̄т wи цем пиронди зӣдат, wинден wи цемен чӣнт. Wа̄δен wи потх̇о тар Бобил йодху, йу тарам ар зинду̊н   мӯд.

20/09.txt

@@ -0,0 +1 @@
+Набукаднесарат wи лих̇карен қарӣб фук Йаӯдийа̄ халқ тар Бобил йод, фақат сар бечорайенен йаманд замӣнкори ҷа̄т ла̄кчӯд. Йу даwра̄, та̄м Хуδой халқ маҷбӯр ца вуд иде̂, δар аз Wа̄даδоδҷин За̄мӣн зиндаги ких̇т, wи ну̊м Бобил асӣри вуд.

20/10.txt

@@ -0,0 +1 @@
+Арцу̊нди Хуδой халқ wи гунойен ҷа̄т ҷазо  δодат, иҷозати δод иде̂, wи тар асӣри йосен, Йуйи Ху халқ наринух̇тат, Wи wа̄да̄йенен Wи байоδ вад. Хуδойи ба̄ди ди мис Ху хақлқ чӯх̇дат, ба wоситайи пайғумбарени wев қати га̄п δод. Хуδойи wа̄да̄ δод иде̂, исроӣлийента ба̄ди 70 сол во тар Wа̄да̄δоδҷин За̄мӣн гах̇т кинен.

20/11.txt

@@ -0,0 +1 @@
+Қарӣб ба̄ди 70 соли Форс потх̇о Курӯш Бобил нест чӯд. Шичи Бобил империйа̄ ҷойти фана̄ халқенти Форс империйа̄ укмру̊ни чӯд. Wи даwра̄йанден аз исроӣлийен йаӯди лу̊д. Лапди аз wевен таму̊ми умр Бобиланд зиндаги чӯд. Камаϑ йаӯди пӣренен ред иде̂, wев замӣн wев байоδ ца вуд.

20/12.txt

@@ -0,0 +1 @@
+Форсен империйа̄ лап зӯр вуд, амо форсенен йик wев халқен  ца анҷвӯд, ме̂рабу̊нен wевард вад. Ба̄ди wи иде̂, Курӯш Форс потх̇о ца сут, йуйи фарму̊н δодху, фук йаӯдийенарден иҷозат δод, арчирд ца форт, Форс ла̄кенху, тар Йаӯдийа̄ замӣн гах̇тен. Арчӣз Ибодатху̊на̄ барқарорчӣдард даркор ца вуд, йуйи wевард да̄кчӯд! Йик дитийен  ба̄ди 70 сол асӣри, йи гурӯ  исроӣлийен тар Ерусалӣм х̇а̄р гах̇т чӯд.

20/13.txt

@@ -0,0 +1 @@
+Та̄м мардум тар Ерусалӣм ца йат, wа̄δен Ибодатху̊на̄йат, х̇а̄р гаргинӯх̇а̄йен бурҷен барқарор чӯд. Ага арцу̊нден форсен  wевти укмру̊ни мис ца чӯд, йаӯдийенен во асраϑ Wа̄да̄δоδҷин За̄мӣнанд зиндаги чӯдат, Хуδойарден Ибодатху̊на̄йанд ху ка̄л хабент.

20/reference.txt

@@ -0,0 +1 @@
+Китоби Муқадас нақл аз ”4 Потх̇ойи 17 боб;  24-25 бобен“; „2 Войиз; 36 боб“; „Езро 1-10 бобен“; „Наамйо 1-13 бобен“

20/title.txt

@@ -0,0 +1 @@
+Асӣрийат гах̇тчӣд

21/01.txt

@@ -0,0 +1 @@
+Та̄ми Хуδой дунйо офарӣд ца чӯд, Йуйи фа̄мт иде̂, аз ойанда̄та Масе ар ҷау̊н безд. Хуδойи ди Одамат Аwойард wа̄да̄ δод. Йуйи   лу̊д иде̂,  аз Аwойандта насл су̊дху, дивӯск ма̄ғʒардта δӣд. Йид дивӯск шайту̊н вуд. Йу дивӯск ҷиноw йатху, Аwойи фа̄нд δод. Та̄ми Хуδой ца лу̊д иде̂, Аwо наслита дивӯск ма̄ғʒард δӣд, Йуйи Масе ба назар вӯд, ца йоδдтаху, шайту̊нта  охирард соф нест ца ких̇т.

21/02.txt

@@ -0,0 +1 @@
+Хуδойи Ибройимард wа̄да̄ δод иде̂, ба wоситайи ди наслита фук ҷау̊н халқен баракат вирийен. Хуδойта йик ди баракат йик та̄м иҷро ких̇т, арwахта  ойанда̄ Масе ца бе̂зд. Масета таму̊ми ҷау̊н мардум аз фук халқенанд аз гуно наҷот δӣд.

21/03.txt

@@ -0,0 +1 @@
+Хуδойи Мӯсойард wа̄да̄ δод иде̂, ойанда̄та йига пайғумбар Мӯсо ҷиноw бе̂зд. Йик дитийи Хуδой йакборга wа̄да̄ δод иде̂, Масета бе̂зд.

21/04.txt

@@ -0,0 +1 @@
+Дисгагайи Хуδой потх̇о Доwӯдард wа̄да̄ δод иде̂, йӣw аз wи наслийенандта Масе сӯд. Хуδойи лу̊д иде̂, йид Наслита Потх̇о су̊дху, абадандта Хуδой халқти укмру̊ни ких̇т.

21/05.txt

@@ -0,0 +1 @@
+Хуδойи Ирмийо пайғумбарард лу̊д иде̂, мардум қатита Наw А̄д ких̇т. Фарқ аз Кӣна̄ А̄д, Хуδойи wам Исроӣл қати пи Сӣно кӯ ца чӯд, йикеданд иде̂, Наw А̄дандта мардум хубаϑ Хуδой фа̄мт. Хуδойи лу̊д иде̂, Йута Ху қонӯнен ар одамен wеδдху, дев қонӯнента wев диленти нивишт. Арйак одамта Хуδой жӣwҷ ких̇тат, хойӣх̇та ких̇т Wи қонӯнен риойа̄ чӣдоw. Йута wев Хуδой   су̊дат, wа̄δ Wи халқ, ду̊ндҷа̄т Хуδойта мардум гунойен бахих̇ ких̇тху, ачгата wев Ху байоδ наwеδд. Дам Наw А̄дта Масе халқ қати ких̇т.

21/06.txt

@@ -0,0 +1 @@
+Дисгагайи Хуδой пайғумбаренен лу̊д иде̂, ойанда̄ Масета, Пайғумбарат, Рӯу̊ни робарат, Потх̇ота су̊д. Пайғумбар, йид йику одам иде̂, Хуδой га̄пен х̇ӣнттат, халқард wев ца фире̂пт. Хуδойи wа̄да̄ δод иде̂, Масета комил пайғумбар су̊д. Йута Хуδой га̄пен пурра̄йаϑ х̇интат, фа̄мтта wеват, мардумардта wев та̄лӣм δӣд.

21/07.txt

@@ -0,0 +1 @@
+Исроӣлийен рӯу̊ни робаренен Хуδойард халқ ҷа̄т дуо чӯдат, аз ну̊ми халқен Хуδойард қурбу̊нийен чӯд. Дев қурбу̊нийенен ди ҷа̄т чӯд иде̂, мардум гугойен пу̊нд аз Хуδой ҷазо анҷен. Мардуми бе нуқс айwу̊нен рӯу̊ни робаренард вӯд, ата̄ рӯу̊ни робаренен wев қурбу̊ни ҷа̄т Хуδойард вӯд. Масе бойад комил катанак рӯу̊ни робар суδҷатху, Хуйи амчун қурбу̊нийи комил Хуδойард сипорчат. Ди ма̄ни дисга иде̂, Масе бегунойат, Хута амчун қурбу̊ни сипортху, ба̄ди дита ачга дига қурбу̊нийен гуно ҷа̄т даркор насен.

21/08.txt

@@ -0,0 +1 @@
+Арйак халқанден wи потх̇ойенат, wи пех̇wойен вад. Wа̄δен дойимаϑ Хуδой ниғух̇тат, фана̄ хатойийенен чӯд. Ага Доwӯди фақат фук исроӣлийенти укмру̊ни чӯд, паста Масе, аз Доwӯд насл, таму̊ми ҷау̊нти укмру̊ни ких̇т. Wи укмру̊ни баинсофат, хирад қатийат, абади су̊д.

21/09.txt

@@ -0,0 +1 @@
+Пайғумбаренен нақл чӯд иде̂, Масе бойад цара̄нгин вид. Дисгайи Малоки пайғумбар лу̊д иде̂, пиро аз Масета, Илйос пайғумбар йоδд. Wи хизматта лап муйим су̊д. Ишайо пағумбари нивишт иде̂, Масета йик аз wам ғацанд азна̄н су̊д иде̂, ачаϑ мардӣна̄ қати ца навиц. Ата Мико пайғумбари лу̊д иде̂, Масете Байт-Ла̄манд азна̄н су̊д. Ишайо пайғумбари лу̊д иде̂, Масета Байт-Ла̄манд азна̄н су̊д

21/10.txt

@@ -0,0 +1 @@
+Ишайо пағумбари лу̊д иде̂, Масета Ҷалӣланд зиндаги ких̇т. Йута ға̄мдор мардум дилпури δӣдат, асӣрента озод ких̇т. Масета касаленат, чӯненат, ку̊ренат, га̄п ца наδенат, пу̊нд ца натийен, хуб ких̇т.

21/11.txt

@@ -0,0 +1 @@
+Ишайо пайғумбари ди мис лу̊д иде̂, Масета бейичӣзаϑ  фукаϑард бад су̊дат, қабӯлта Wи накинен. Пайғумбаренен дивих̇т иде̂, Масейардта wи наздӣк одам хиу̊нат ких̇т. Закарийо пайғумбари лу̊д иде̂, йид чорикта ху хиу̊нат ҷа̄т 30 нуқрагин танга̄ зе̂зд. Дисгагайен йилав пайғумбарен лу̊д иде̂, мардумта Масе зӣненху, да̄δ одамкух̇ента wи пӯх̇окенти  танга̄ қура̄ ҷа̄т питен, ку Wи луқента чирд фира̄пен.

21/12.txt

@@ -0,0 +1 @@
+Пайғумбаренен дар борайи йик wи нақл чӯд иде̂, цара̄нгта Масе мӣрт. Ишайо пайғумбари пех̇гӯйи чӯд иде̂, одамента Wирд туф кинен, масқара̄та Wи киненат, дийента. Wа̄δта Wи найза̄ қати халла̄ δенху, Йута лап қӣнийат ту̊ɣдоw қати мӣрт, ага йичӣз бадийи мис начӯд.

21/13.txt

@@ -0,0 +1 @@
+Пайғумбаренен ди мис лу̊д иде̂, Масета бегуно шахс су̊д. Йута комил одам су̊д. Амо Масета мӣрт, ду̊ндҷа̄т Хуδойта Wи фук мардум гунойен ҷа̄т ҷазо δӣд. Wи мӣдоwта Хуδойат мардум байнанд осойах̇и вӣрт. Диҷа̄т Хуδой нақша̄ қати Масе бойад мӣрт.

21/14.txt

@@ -0,0 +1 @@
+Пайғумбаренен ди мис лу̊д иде̂, Хуδойта Масе аз мӯɣҷиненанд зинда̄ ких̇т. Йид  дивест иде̂, Исо (Масейен аз на̄н ситтоwти дисга ну̊м δод), мӣдоwат зиндасиден, йи қисми Хуδой нақша̄  Наw А̄д чӣдоw ҷа̄т вуд. Хуδойанд мардум ҷа̄т дисга нақша̄ вуд, wа̄δен зидди Wи  гуно ца чӯд.

21/15.txt

@@ -0,0 +1 @@
+Хуδойи фана̄ ақӣқатен пайғумбаренард дар борайи Масе дивих̇т, амо йӣw аз wевен ху умранд wи наwӣнт. Ба̄ди аз дев охиру̊н пех̇гӯйийен 400 сол зийод наɣҷӣдат, wи wахти Хуδой  таӣйн ца ҷӯд, Йуйи Масе ар ҷау̊н бох̇т.

21/title.txt

@@ -0,0 +1 @@
+Хуδойта Масе wа̄да̄ δӣд

manifest.json

@@ -364,6 +364,38 @@
 		"25-05",
 		"25-06",
 		"25-07",
-		"25-08"
+		"25-08",
+		"19-reference",
+		"20-title",
+		"20-01",
+		"20-02",
+		"20-03",
+		"20-04",
+		"20-05",
+		"20-06",
+		"20-07",
+		"20-08",
+		"20-09",
+		"20-10",
+		"20-11",
+		"20-12",
+		"20-13",
+		"20-reference",
+		"21-title",
+		"21-01",
+		"21-02",
+		"21-03",
+		"21-04",
+		"21-05",
+		"21-06",
+		"21-07",
+		"21-08",
+		"21-09",
+		"21-10",
+		"21-11",
+		"21-12",
+		"21-13",
+		"21-14",
+		"21-15"
 	]
 }