Mon Apr 04 2022 09:48:49 GMT+0500 (Tajikistan Time)

46/01.txt

@@ -0,0 +1 @@
+Wи даwра̄йи Шоул ну̊м одам зиндаги чӯд. Йу Исо та̄лӣмотард зид вуд.  Йик wи ҷойанден Стефанус жӣрага̄н ца чӯд, Па̄влус мис йаманд вудат, арча̄йен wи ца зӣд, wев луқени пайраги чӯд. Ба̄д Па̄влус ему̊ндорен пех̇ дараw тӣжд сут. Йуйи чӣд тар чӣд не̂ɣдат, Ерусалӣманд ɣиникенат, чорикен анҷӯвдат, ар зинду̊ни wев пите̂wд. Йакбор Шоул тар катанак рӯу̊ни робар хез сутху, аз wийи ха̄т тила̄пт Димишқ йаӯдийен ибодатху̊на̄ ҷа̄т иде̂, йама̄нд ла̄к wинд ақ вид Исо пайраwен банд ких̇тат, тар Ерусалӣм бе̂зд.

46/02.txt

@@ -0,0 +1 @@
+Шоули дев ха̄тен парҷӯвдху, тар Димишқ тӯйд. Йу х̇а̄рард наздӣк ца вуд, рух̇нойийи аз осму̊нти фук wи гаргинӯх̇а̄ рух чӯдху, Шоул зима̄δти wе̂х̇т. Йуйи худ иде̂, Арча̄йцайи лу̊д: «Шоул! Шоул! Тут чӣзард му да̄мти нӯсч?» Шоули пех̇цт: «Е Хоҷа̄, Тут ча̄й?» Аwози лу̊д: «Wузум Исо иде̂, Ту му пех̇ ца та̄жи!»

46/03.txt

@@ -0,0 +1 @@
+Wити Шоул аз зима̄δти ца андӯйд, йичӣзаϑи наwӣнт. Шоул амрогу̊нен тар Димишқ wи йод. Ара рӯзеци йу йичӣзаϑ нахӯдат, набирох̇ти.

46/04.txt

@@ -0,0 +1 @@
+Димишқанд Анонийо ну̊м х̇огирд вуд. Хуδойи wирд лу̊д: «Йик тар wи чӣд са иде̂, Шоул йаманд гӣр ца сут. Ху δустен wити риби, ла̄к йу йакборга wӣнтоw ва̄рδед». Анонийои лу̊д: «Молим wузум х̇уд иде̂, йу одам ему̊ндорен да̄мти нӯсч». Хуδойи wирд ҷаwоб δод: «Са! Wузум wи интихоб чӯд, ла̄к йу дар борайи Му йаӯдийенардат, дига халқен мардумард лу̊вд. Йу бойад му ҷа̄т фана̄ ту̊ɣд.

46/05.txt

@@ -0,0 +1 @@
+Анонийо тар Шоул хуз сут, ху δустени wити рибӯдху лу̊ди: «Исо иде̂, тару̊д йаттоwти пу̊ндард турд зойир ца сут, муйи бох̇т, ла̄к ту во йакборга wинат, аз Рӯйи Пок пур са. Wитийаϑен Шоул цеменен хуб сатху, Анонийойи та̄мӣд wи δод. Ба̄ди Шоул дус аwқот хӯдху, wи ҷу̊н тар wи йат.

46/06.txt

@@ -0,0 +1 @@
+Шоул Исо х̇огирден қати йчианд рӯз Димишқанд редху, ибрийенарди йаӯдийен ҷамоатху̊на̄нди wа̄з чӯд. Йуйи лу̊д: «Исо - Хуδой Пуц!» Ибрийенен лап хах̇ айру̊н вад, ду̊ндҷа̄т пиройи  Шоул х̇огирден пех̇ тӣждат, шич хубаϑ Исойард боwар ких̇т! Шоули ибрийен қати шара̄т чӯд, wеварди исбот чӯд иде̂, Исо, йид Масе вуд.

46/07.txt

@@ -0,0 +1 @@
+Ба̄ди хелак рӯзенен йаӯдийен лу̊д, Шоул зӣненху, нақша̄йен тӣжд иде̂, цара̄нгта ди кор кинен. Wа̄δен одамен бох̇т, х̇а̄р дарwозайен хезанд пи wи ниϑен, ла̄к зӣнен wи. Амо Шоули дар борайи ди wев нийат фа̄мтху, wи ох̇ногу̊нен рица̄стоwард wирд йордам чӯд. Х̇а̄бен wа̄δ кисипчанд wи δодху, ха̄р деwолвайен wи хамбент. Ба̄д аз Димишқанд рицӣстоw, Шоули дар борайи Исо нақлчӣд даwу̊м δод.

46/08.txt

@@ -0,0 +1 @@
+Шоул тар Ерусалӣм сут, гуйо фиристодайен қати wохури ких̇т, амо фукен аз wи х̇оҷ δӯйд, боwарен начӯд иде̂, йу шич Исо пайраw. Та̄м Барнаббо ну̊м, йи  ему̊ндори  Шоул тар фиристодайен хез вӯд. Йуйи wевард нақл чӯд, цара̄нги Шоул Димишқанд беғамаϑ Хушхабар лу̊д. ба̄ди дийен фиристодайен Шоул қабӯл чӯд.

46/09.txt

@@ -0,0 +1 @@
+Йила̄в ему̊ндоренен аз Ерусалӣманд пех̇тӣжд ца рицост, тар Антокийа ну̊м δар х̇а̄рен тойдху, дар борайи Исойен тарам нақл чӯд. Бех̇ди одаменен Антокийайанд ибри навад, ата̄ Исо х̇огирден wа̄зен х̇удху, ему̊ндорен сат. Wа̄δен йакум одамен вад иде̂, йаӯдийен навад, амо Исойарден амчун Хуδой Пуц боwар чӯд. Барнаббойат Шоулен тар Антокиа̄ сат, ла̄к наw х̇огирденард дар борайи Исо лапди нақл киненат, масейиен ҷамоатард йордам кинен, ла̄к рӯу̊ни бақуwат сен. Антиокийайанден Исо ему̊ндорен  йакумӣн бор «масейиен» лу̊д.

46/10.txt

@@ -0,0 +1 @@
+Йакборен Исо х̇огирден Антиокийайанд рӯза̄ анҷӯвдат, дуойен ца чӯд, Рӯйи Поки wевард лу̊д: «Барнаббойат Шоул мурд ҷудо кинет,  ла̄к арчӣз ҷа̄тум wев  да̄wат ца чӯɣҷ , йик wи кинен. Ему̊ндоренен тар Антиокийа̄ Барнаббойат  Шоулти ху δустен рибӯдху, wев ҷа̄тен дуо чӯд. ба̄ден Барнаббойат Шоул аз Антокийайанд тойд, аррақамаϑ халқенарден та̄лӣм δодху, фана̄ аз wевен  Исойард боwар чӯд.

46/reference.txt

@@ -0,0 +1 @@
+Китоби Муқадас нақл аз «Фиристодайен корен» 8:3, 9:1-31, 11:19-26, 13:1-3 бобен

46/title.txt

@@ -0,0 +1 @@
+Па̄влуста Исо х̇огирд су̊д

47/01.txt

@@ -0,0 +1 @@
+Wитийи Шоул Рӯм империйайард сафар ца чӯдат, дар борайи Масейи га̄п ца δод, wирден рӯми ну̊м- «Па̄влус» δод. Йакборен Па̄влусат, wи ох̇но Сило Тар Филӣп ну̊м х̇а̄р сат, ла̄к тарам  дар борайи Исойи Масе та̄лӣмот  нақл кинен. Wа̄δен аз х̇а̄р нах̇тойдху, тар йи ҷойен сат, йу дарйо хезанд ца вудат, йаманден ему̊ндорен дуо ҷа̄т ҷа̄м ца сат. Wев байнанд Лӣдийа нм ɣиник вад, қимат колайени саwдо ца чӯд. Лӣдийа Хуδой жӣwҷ вадат, Wирди ху ка̄л хамбент.

47/02.txt

@@ -0,0 +1 @@
+Хуδойи Па̄влус wа̄з фа̄мтоw ҷа̄т Лӣдийа дил йет чӯдху, йа̄йи Исойард боwар чӯд. Па̄влусат Силойен Лӣдийайат wам хунаwода̄ та̄мӣд δод. Ба̄ди дийи йа̄ фиристодайен тар ху чӣд қӣwдху, wеварди лу̊д, wам ҷойанд ниϑен. Wа̄δен розӣ сат.

47/03.txt

@@ -0,0 +1 @@
+Па̄влусат Силойен тез-тез мардум қати wи дуо ҷойанд ҷа̄м сат. Йакборен wа̄δ тарам ца сат, йи канӣʒак пи wеванд δод иде̂, рӯйи нопок пи wам йор вудат, йа̄йи мардум ойанда̄ wевард пехгӯйи чӯд. Дев пех̇гӯйийен қатийи ху сойибенард  фана̄ пӯл  чӯд.

47/04.txt

@@ -0,0 +1 @@
+Ар рӯз йид канӣʒак Па̄влусат Сило да̄мти тойдат, wа̄ғди: «Ма̄δ одаменен Хуδой Тооло бандайен. Wа̄δта тамард наҷот пу̊нд ниху̊н δен!» Йа̄йи ар рӯз дизга чӯдху, Паwлус аз ди безор сут.

47/05.txt

@@ -0,0 +1 @@
+Йи рӯз, йа̄ канӣʒак во дараw wа̄ғд ца сат, Па̄влуси ху пӣц тар wам чӯдху, рӯйи нопок ар wам ца вуд, лу̊ди wирд: «ба ну̊ми Исо, нах̇ти аз дам дарӯнанд!» Йу wитийаϑ аз канӣʒак дарӯнанд нах̇тӯйд.

47/06.txt

@@ -0,0 +1 @@
+Wам канӣʒак сойибен қа̄р лап хах̇ сифӣд. Wа̄δен фа̄мт иде̂, бе ди рӯйи нопокта wев канӣʒак ойанда̄ пех̇гӯйи чӣдоw нава̄рδед. Ди ма̄ни йикид иде̂, wа̄δта бе wам пех̇гӯйийаϑ ху даромад аз даст δен.

47/07.txt

@@ -0,0 +1 @@
+Wам канӣʒак сойибенен Па̄влусат Сило тар рӯми қозийен хез вӯдху, wевен айбдор чӯд иде̂, wа̄δ х̇а̄р бесарат бар кинен. Ғӯл мардумен тар айбдорчӣд қӯш сат. Қозийенен фарму̊н δод фиристодайен калтакен қати азобенху,  ба̄д банд wев кинен.

47/08.txt

@@ -0,0 +1 @@
+Па̄влусат Силойен йик тар wи қисм банди не̂δд иде̂,  йаманд аз фукаϑ лапди пайра̄ ца вудат, wев поδенен ɣинʒелен қати чуст чӯд. Нӣми х̇а̄банден Па̄влусат Сило созлу̊вд қати,  Хуδой ситоwах̇чӣд сар чӯд.

47/09.txt

@@ -0,0 +1 @@
+Йакбораϑ хах̇ замӣнҷумби сут. Фук дивийенен зинду̊нанд фирохаϑ йет сатат, аз бандийентийен ɣинʒелен wе̂х̇т.

47/10.txt

@@ -0,0 +1 @@
+Зинду̊н пайра̄ ага̄ сутху чӯх̇ти иде̂, зинду̊н дивийенен йет. Йуйи фикр чӯд иде̂, фук бандийенен рицӣсцат, х̇оҷи δӯйд wи таш wев рицӣстоw ҷа̄т зӣненху, диҷа̄т йу чи зӣд ху сут. Па̄влуси ди wӣнтху, хах̇аϑи қӣwд: «Гӣр са! Бар ху йичӣз ма̄к! Ма̄ша̄м фукаϑ йу̊данд».

47/11.txt

@@ -0,0 +1 @@
+Йид пайра̄ аз х̇оҷ лаɣʒа̄ чӯдат, тар Па̄влусат Сило хез йатху, аз зинду̊нади wев зиwост. Ба̄ди пех̇цт: «Wуз чӣр кинум, ла̄к наҷот вирӣм?» Павлуси лу̊д: «Худоwанд Исойард боwар киху, тот ту ху̊наwода̄та наҷот вирийет». Пайра̄йи Па̄влусат Сило тар ху чӣд вӯдху, wев захмийени зинод. Тарами Па̄влус фуквϑард, арча̄й wи чӣданд ца вуд, дар борайи Исойи wевард нақл чӯд.

47/12.txt

@@ -0,0 +1 @@
+Зинду̊н пайра̄йат, фук wи ху̊наwода̄йи Исойард боwар чӯдху, Па̄влуси wев та̄мӣд δод. Ба̄ди йу пайра̄ Па̄влусат Сило сер чӯдат, чӣданден фукаϑ хуши чӯд иде̂, Хуδойарден боwар ца чӯд. Ата̄ Па̄влусат Силойен тар зинду̊н wижӣвд.

47/13.txt

@@ -0,0 +1 @@
+Wам йига рӯзен қозийен ца фа̄мт иде̂, Па̄влус Рӯм ша̄рванд, wа̄δен Па̄влусат Сило озодчӣд римодху, wевен илтимос чӯд, аз Филӣпанд тийен. Па̄влусат Силойен Лидийайат дига ох̇ногу̊н хабар зох̇тху, ба̄ден аз ди х̇а̄ранд тойд. Та̄лӣмот дар борайи Исо па̄н сутат,  масейиен ҷамоат пех̇тапех̇ лапди сут.

47/14.txt

@@ -0,0 +1 @@
+Па̄влусат дига масеийиен ҷамоат робаренен тар фана̄ х̇а̄рен сат, дар борайи Исойен нақл чӯдат, та̄лӣмен δод. Wа̄δен фа̄на̄ масеийен ҷамоатху̊найенард wев дилпуриδе̂дат, насиат ҷа̄т ха̄тен нивишт. Фа̄на̄ аз дев ха̄тенен  Китоби Муқадас китобен сат.

47/title.txt

@@ -0,0 +1 @@
+Па̄влусат Силойен Филӣп х̇а̄ранд

50/14.txt

@@ -0,0 +1 @@
+Амо Хуδойта ар йак одам  укм ких̇т, арча̄йта Исойард боwар ца наких̇т. Йута wев ар дӯзах пите̂wд. Арамта wа̄δ нола̄ненат δинду̊нзирита кинен. Wев ту̊ɣдоwта абади су̊д. Йику йоц иде̂, ачаϑта ца наwизу̊д, дойимаϑта wев ϑе̂wдат, чихӣрҷакента ачаϑ wев хӣдоw ба̄с накинен.

50/15.txt

@@ -0,0 +1 @@
+Арwахтта Исо ца йоδд, шайту̊нат wи потх̇ойита пура̄йаϑ нест ких̇т. Исота шайту̊н ар дӯзах пите̂wд. Шайту̊нта абади арам йик wев қати ϑу̊д иде̂, арча̄йи wи ца ниғух̇тат, Хуδойи ца наниғух̇т.

50/16.txt

@@ -0,0 +1 @@
+Одамат Аwойен Хуδой ца наниғух̇тху,  гунойен тар мам ҷау̊н ца вӯд, Хуδойи Замӣн ла̄нат чӯдат, йи wахтта йу ба охир фиропт. Амо wахтта йоδд иде̂, Хуδойта наw осму̊нат, наw Замӣн офарӣд ких̇т, комилта ца сен.

50/17.txt

@@ -0,0 +1 @@
+Исойат Wи халқта наw Замӣнти зиндаги сар киненху, Йута абади йаманд фукаϑти укмру̊ни ких̇т. Исота  аз одам цементи фук йӯх̇кен зидӣрт. Йича̄йаϑта ачга нану̊дат, нату̊ɣдтайат, қӣнта насу̊д.Wа̄δта касал насенат, намарента. Бадита мис ачга насу̊д. Исота ху Потх̇ойити баинсофаϑат, осойах̇и қати укмру̊ни ких̇т. Йута абади Ху халқ қати рист.

50/reference.txt

@@ -0,0 +1 @@
+Китоби Муқадас нақл аз «Мато Инҷил» 24:14, 28:18 бобен, аз «Йуано Хушхабар» 15:20, 16:33 бобен, аз «Йуано ох̇корсид китоб» 2:10 боб, аз «Матто Хушхабар» 13:24-30, 36-42 боб,  «Па̄влус 1 ну̊ма̄ Таслу̊ниқийенард» 4:13-5:11 боб, аз «Ну̊майи Йа̄қӯб» 1:12 боб, аз «Хушхабар Мато» 22:13 боб, аз «Йуано ох̇корчӣд китоб» 20:10, 21:1-22:21 бобен

manifest.json

@@ -628,6 +628,37 @@
 		"50-02",
 		"50-03",
 		"50-04",
-		"50-05"
+		"50-05",
+		"46-title",
+		"46-01",
+		"46-02",
+		"46-03",
+		"46-04",
+		"46-05",
+		"46-06",
+		"46-07",
+		"46-08",
+		"46-09",
+		"46-10",
+		"46-reference",
+		"47-title",
+		"47-01",
+		"47-02",
+		"47-03",
+		"47-04",
+		"47-06",
+		"47-07",
+		"47-08",
+		"47-09",
+		"47-10",
+		"47-11",
+		"47-12",
+		"47-13",
+		"47-14",
+		"50-14",
+		"50-15",
+		"50-16",
+		"50-17",
+		"50-reference"
 	]
 }