See in Reader
28 lines
5.1 KiB
JSON
28 lines
5.1 KiB
JSON
{
|
|
"1": "Hẽla, pathơu pơnõq adơi sơai ( kơyua hlãq đơp sì mơnuĩh thơu voh-va), pơnõq adơi sơai ôh thơu làiq voh-va mĩn hũ gơnuar apãt akõq pơweh sì anàq mơnuĩh dơlãp tũq pơnõq nhũ dòq hadiuq yơh? ",
|
|
"2": "Kơyua mơnuĩh kamơi hũ vơsàc mĩn kađòc voh-va pagùq pơ-èp vơsàc dơlãp tũq vơsàc dòq hadiuq, nữn mơyah làiq vơsàc mơtai, nữn mơnuĩh kamơi ôh dòq kađòc pagùq pơ-èp kơyua mưng voh-va hẽ-pakhiãng tơra. ",
|
|
"3": "Yơu nữn, dơlãp tũq vơsàc nhũ dòq hadiuq, mơyah làiq nhũ bõc dòq sa aràc mơnuĩh lakơi tơmo, nữn nhũ ròq kađòc angãn la mơnuĩh kamơi nao drì drõc. Nữn mơyah làiq vơsàc mơtai, nữn nhũ hũ lơnang lơnai pơweh sì voh-va, sì nhũ ôh iỡuq la sơdiuq nao drì drõc mơyah làiq nhũ hadiuq sì mơnuĩh lakơi tơmo. ",
|
|
"4": "Yơu nữn, pa-thơu pơnõq adơi sơai, adơi sơai kung song mơtai pơweh sì voh-va mưng rùp phàp Yàc Dõc Pơ-tlah hũ. Nữn la pioh ga pơnõq adơi sơai pơlih hũ ngãq salơnuãq sì mơnuĩh tơmo, nữn la sì Pitao song hadiuq wỡq mưng kaya mơtai, tồq ga pơnõq drơi hũ voh-chơtai ga Yàc Pô Lơngĩq. ",
|
|
"5": "Kơyua dơlãp tũq pơnõq drơi dòq dơlãp rơlo rùp, dơgrữq kaya hãm khiãng dlàiq dơnũh kađòc mưng voh-va pachôh pasũl dơlãp vơnah rơlo rùp pơnõq drơi, pajỡc tơviãq voh-chơtai va trôh kaya mơtai. ",
|
|
"6": "Nữn tũq nĩ pơnõq drơi song hũ dõc suãq tlah mưng voh-va. Pơnõq drơi song mơtai pơweh sì kaya song akãq drơi. Nữn la pioh ga pơnõq drơi duh vruãq tui kaya ngãq vơhrơu Vơngãq Sơđah hũ, mĩn ôh tui kaya ngãq tlãq voh-va tơra. ",
|
|
"7": "Yơu nữn, pơnõq drơi ròq đơp hagĩq nĩ tơra? Iỡuq lơĩq mĩn voh-va la dlàiq dơnũh? Ôh tũq halơi hũ vruãq nữn. Bôh làiq yơu nữn, mơyah làiq ôh hũ voh-va nữn hlãq ròq ôh tũq halơi thơu dlàiq. Kơyua hlãq ròq ôh thơu hãm guãm la dlàiq mơyah làiq voh-va ôh pơto làiq, \"Hã juơi hãm guãm.\" ",
|
|
"8": "Nữn dlàiq dơnũh song chàc tũq lơwah angui pơnuaĩq pơđar-va nữn pachôh pasũl ngãq dơgrữq kaya ham ưng dơlãp hlãq. Kơyua mơyah làiq ôh hũ voh-va nữn dlàiq dơnũh mơtai. ",
|
|
"9": "Halơu dih, tũq ka-ôh hũ voh-va nữn hlãq hadiuq, nữn dơlãp tũq hũ pơnuaĩq pơđar-va nữn dlàiq dơnũh vloh hadiuq, ",
|
|
"10": "dòq hlãq vloh mơtai. Pơnuaĩq pơđar-va pioh ngãq ga hadiuq wỡq vloh tơviãq jỡc kaya mơtai ga hlãq. ",
|
|
"11": "Kơyua mưng pơnuaĩq pơđar-va, dlàiq dơnũh song chàc tũq lơwah pa-gơla hlãq, sì kung mưng nữn pa-mơtai hlãq. ",
|
|
"12": "Yơu nữn, voh-va la sơđah sơchih, pơnuaĩq pơđar-va kung sơđah sơchih, tơpãq dãng, sì siàp lamuỡn. ",
|
|
"13": "Yơu nữn, iỡuq mĩn kaya siàp vloh tơviãq jỡc kaya mơtai ga hlãq? Ôh tũq halơi hũ vruãq nữn. Mĩn dlàiq dơnũh ngãq ga hlãq mơtai, tồq vloh tũq kơyua mưng kaya siàp ngãq ga hlãq mơtai dơgrữq mơnuĩh iãq bôh nữn la dlàiq. Nữn la pioh kơyua mưng pơnuaĩq pơđar-va, dlàiq dơnũh tơviãq jỡc brữh mơsãc viãq. ",
|
|
"14": "Kơyua pơnõq drơi thơu voh-va la gah suàt vơngãq, dòq hlãq la rơlo rùp kađòc pa-vlơi ngãq mơnuĩh halỗt ga dlàiq dơnũh. ",
|
|
"15": "Vruãq hlãq ngãq, viãq ôh thơu avih. Kơyua kaya hlãq ưng ngãq nữn ôh ngãq, nữn hlãq vloh ngãq kaya drơi mơvai. ",
|
|
"16": "Nữn mơyah làiq hlãq ngãq kaya drơi ôh ưng ngãq, nữn hlãq sa hatai sì voh-va la voh-va la siàp lamuỡn. ",
|
|
"17": "Tũq nĩ ôh iỡuq la hlãq ngãq vruãq nữn tơra, nữn la dlàiq dơnũh dơlãp hlãq. ",
|
|
"18": "Kơyua hlãq thơu làiq dơlãp hlãq, nữn la dơlãp rơlo rùp hlãq, ôh hũ kaya hagĩq siàp lamuỡn. Kơyua hlãq gãm ưng ngãq kaya siàp, nữn hlãq ôh tũq halơi ngãq jỡc. ",
|
|
"19": "Kơyua hlãq ôh ngãq kaya siàp drơi ưng ngãq, nữn vloh ngãq kaya mơsãc drơi ôh ưng ngãq. ",
|
|
"20": "Sì mơyah làiq hlãq ngãq kaya drơi ôh ưng ngãq, nữn ôh iỡuq la hlãq ngãq vruãq nữn tơra, nữn la dlàiq dơnũh dòq dơlãp hlãq. ",
|
|
"21": "Yơu nữn, hlãq iãq thơu voh-va dòq dơlãp hlãq, nữn la hlãq ưng ngãq vruãq siàq, nữn viãq kaya hũ dơlãp hlãq vloh la kaya mơsãc. ",
|
|
"22": "Kơyua pơweh sì mơnuĩh gah dơlãp drơi hũ, hlãq hãm sơh mưng voh-va Yàc Pô Lơngĩq hũ. ",
|
|
"23": "Nữn hlãq iãq hũ sa voh-va tơmo dơlãp dơgrữq vơnah rùp phàp drơi, mơvlah kơchah sì voh-va vahrơu dơlãp kaya sanơng hlãq. Nhũ mãq hlãq ngãq tui voh-va dlàiq dơnũh ãn hũ dơlãp dơgrữq vơnah rùp phàp drơi. ",
|
|
"24": "Hlãq viãq la sà aràc mơnuĩh dleh dlar! Mơnuĩh halơi ròq dõc hlãq tơviãq tlah mưng rơlo rùp mơtai lơhiãq nĩ? ",
|
|
"25": "Nữn ỡn ngai Yàc Pô Lơngĩq gơnang mưng Yàc Dõc Pơtlah Je-su, Yàc pơnõq drơi! Yơu nữn, rùp phuỗt hlãq angui dlò sanơng drơi duh vruãq voh-va Yàc Pô Lơngĩq hũ. Bôh làiq yơu nữn, hlãq vloh mãq rơlo rùp drơi duh vruãq voh-va dlàiq dơnũh hũ. "
|
|
}
|