See in Reader
34 lines
5.5 KiB
JSON
34 lines
5.5 KiB
JSON
{
|
|
"1": "Yơu nữn mơnuĩh Ju-đa hũ kuơ hagĩq? Sì halơi la kaya kuơ màc mưng vruãq adãt sìq kalìq? ",
|
|
"2": "Hũ kuơ màc mưng dơgrữq vơnah. Kơyua, hlơu avih, ponõq nhũ tồq hũ kaya ràc pa-tơviãq mưng Yàc Pô Lơngĩq. ",
|
|
"3": "Nữn mơyah làiq hũ tơkìq mơnuĩh Ju-đa ôh hũ voh-tui nữn hayơu? Huaĩq hatai ôh pãc-tui pơnõq nhũ hũ ngãq ga kaya tui tơpãq Yàc Pô Lơngĩq hũ tơviãq jỡc ôh hũ kuơ màc lơĩh? ",
|
|
"4": "Ôh tũ halơi. Pa-vlữq wỡq, lakơu mơnuĩh halơi kung bôh Yàc Pô Lơngĩq la tui tơpãq, bôh làiq avih dơgrữq mơnuĩh aràc asơi kung la mơnuĩh đơp vlữq. Yơu hũ wãq, \"Lakơu Pitrai hũ ràc pa-tơviãq la tơpãq rĩng dơlãp pơnuaĩq Pitrai đơp, sì Pitrai hũ pha rlao tũq Pitrai chahrơna.\" ",
|
|
"5": "Nữn mơyah làiq kaya ôh tơpãq dãng pơnõq drơi hũ ràc pa-tơviãq kaya tơpãq dãng Yàc Pô Lơngĩq hũ, nữn pơnõq drơi pơlih hũ đơp gĩq jỡc? Yàc Pô Lơngĩq ôh tơpãq dãng tũq Pitrai pa-trỗt kaya anõc mơvai prong yơh? ( Hlãq đơp tui yơu pơnuaĩq đơp anàq mơnuĩh.) ",
|
|
"6": "Ôh tũq halơi hũ vruãq nữn! Yơu nữn, Yàc Pô Lơngĩq ròq chahrơna dun kơyua yơu hayơu?",
|
|
"7": "Kơyua mơyah làiq pơnuaĩq tơpãq dãng Yàc Pô Lơngĩq hũ kơyua mưng kaya đơp vlữq lor hlãq hũ ngãq ga Pitrai hũ sơ-uỗt mơyòp thơu hadùp, nữn hayơu hlãq vloh dòq kađòc chahrơna yơu sa aràc mơnuĩh dlàiq? ",
|
|
"8": "Hayơu pơnõq drơi vloh ôh đơp, \"Iỡuq ngãq kaya mơsãc pioh hũ kaya siàp,\" yơu hũ tơkìq mơnuĩh yãq vlữq lor ga pơnõq hlãq sì ngãq gơnĩt pơnõq hlãq đơp yơu nữn? Kaya ngãq dlàiq la luơi ga pơnõq nhũ la tơpãq rĩng. ",
|
|
"9": "Yơu nữn gơtha la hayơu? Pơnõq drơi hũ kaya hagĩq rlao lơĩq? Viãq la ôh hũ. Kơyua pơnõq hlãq song yãq làiq avih mơnuĩh Ju-đa sigỡuq sì mơnuĩh Grec - avih dơgrữq aràc - song dòq gah ala gơnuar dlàiq dơnũh. ",
|
|
"10": "Yơu hũ wãq: \"Ôh hũ mơnuĩh halơi tơpãq dãng, ôh hũ sa aràc mơnuĩh halơi. ",
|
|
"11": "Ôh hũ asơi thơu pãc. Ôh hũ mơnuĩh halơi duah iãq Yàc Pô Lơngĩq. ",
|
|
"12": "Pơnõq nhũ song pa-pleh mơta sa gah. Avih pơnõq nhũ sigỡuq tơviãq jỡc ôh kuơ. Ôh hũ sa aràc mơnuĩh halơi ngãq kaya siàp, bôh làiq sa aràc kung ôh hũ. ",
|
|
"13": "Atõq pơnõq nhũ la vơnẽq atơu pơh. Dơlah pơnõq nhũ pa-gơla aràc. Dơlãp chơbuai pơnõq nhũ la vĩh ala mơsãc. ",
|
|
"14": "\"Mơvah pơnõq nhũ vãq kaya sơtãp ơluãh sì phìq ka-àc.\" ",
|
|
"15": "\"Tơkai pơnõq nhũ nao krah-kràiq pioh ngãq hõq dơrãh. ",
|
|
"16": "Pãq jơlàt pơnõq nhũ nao gãt la kaya pa-lơhiãq sì pađìq pơđua. ",
|
|
"17": "Pơnõq nhũ ôh thơu jơlàt dadu lơngai.\" ",
|
|
"18": "\"Pãq anãq pơnõq nhũ ôh hũ kaya duh huaĩq Yàc Pô Lơngĩq.\" ",
|
|
"19": "Pơnõq drơi thơu dơgrữq kaya hagĩq voh-va pơto pơđar ga dơgrữq mơnuĩh dòq pãq ala gơnuar voh-va. Nữn la pioh ga mơvah asơi kung iỡuq sua lìt, sì gãm avih dun-kơyua kung iỡuq ãt vruãq ngãq drơi pãq anãq Yàc Pô Lơngĩq. ",
|
|
"20": "Nữn yơh yơu nữn la kơyua, pãq anãq Yàc Pô Lơngĩq, ôh hũ mơnuĩh halơi hũ ngãn tơpãq dãng kơyua mưng vruãq ngãq tui kaya voh-va. Kơyua gơnang mưng kaya voh-va nữn aràc thơu dlàiq. ",
|
|
"21": "Nữn tũq nĩ, kaya tơpãq dãng Yàc Pô Lơngĩq hũ song ngãq chưng kơyua mưng voh-va, sì dơgrữq mơnuĩh Gơnuar hwơr, song hũ akhàt pa-tơviãq lơniãu voh va, ",
|
|
"22": "nữn la kaya tơpãq dãng Yàc Pô Lơngĩq hũ pioh ga dơgrữq mơnuĩh hũ voh tui dơlãp Yàc Dõc Pơ-tlah Je-su. Ôh hũ kaya pa-chơlah halơi. ",
|
|
"23": "Kơyua avih tãl aràc nữn song sỗq dlàiq sì lơhiãq thĩt kaya gơhluh Yàc Pô Lơngĩq hũ, ",
|
|
"24": "sì pơnõq nhũ hũ angãn la tơpãq dãng kơyua mưng kaya anĩt Pitrai nữn ôh chàc ãt anong dlàiq, gơnang mưng kaya dõc sơdua dơlãp Yàc Dõc Pơ-tlah Je-su. ",
|
|
"25": "Kơyua Yàc Pô Lơngĩq song vrơi Yàc Dõc Pơ-tlah Je-su ngãq jỡc kaya sơdua dlàiq mưng voh-tui dơlãp dơrãh Pitrai. Pitrai song vrơi Yàc Dõc Pơ-tlah ngãq chưng tang mưng kaya tơpãq dãng Pitrai hũ, kơyua Pitrai song tlàq luơi dlàiq dơnũh halơu thrơi, ",
|
|
"26": "kơyua mưng hatai ãt-ỡl Pitrai ngãq dơgrữq vruãq. Nữn la pioh akhàt tơviãq kaya tơpãq dãng Pitrai hũ dơlãp rài nĩ, Pitrai la tơpãq dãng, sì angãn tơpãq dãng ga mơnuĩh halơi hũ voh tui dơlãp Yàc Je-su. ",
|
|
"27": "Yơu nữn, kaya yeh drơi pãq halơi? Song kađòc pa-trơh luơi. Mưng gơnãq halơi? Gơnãq vruãq ngãq yơh? Ôh iỡuq, nữn la mưng gơnãq voh-tui. ",
|
|
"28": "Yơu nữn, pơnõq drơi đơp làiq anàq mơnuĩh hũ angãn la tơpãq rĩng kơyua mưng voh-tui nữn ôh chàc trôh vruãq ngãq tui voh-va. ",
|
|
"29": "Hẽla iỡuq lơĩh Yàc Pô Lơngĩq mĩn la Yàc Pô Lơngĩq vual-vơla mơnuĩh Ju-đa soh? Ôh iỡuq Pitrai kung la Yàc Pô Lơngĩq vual-vơla lơniãu ôh yơh? Viãq, Pitrai kung la Yàc Pô Lơngĩq gãm vual-vơla lơniãu wỡq. ",
|
|
"30": "Viãq, mơyah làiq mĩn hũ sa Yàc Pô Lơngĩq, nữn Pitrai ròq hũ angãn tơpãq dãng ga mơnuĩh ãt sìq kalìq kơyua mưng voh-tui, sì gãm mơnuĩh ôh ãt sìq kalìq kung kơyua mưng voh-tui. ",
|
|
"31": "Yơu nữn, iỡuq mĩn pơnõq drơi kơyua mưng voh-tui sì tlàq luơi voh-va? Ôh tũ halơi hũ vruãq nữn. Pa-vlỡq wỡq, pơnõq drơi ngãq gơjãp kađữc kaya voh-va. "
|
|
}
|