See in Reader
24 lines
4.1 KiB
JSON
24 lines
4.1 KiB
JSON
{
|
|
"1": "Yơu nữn, Pathơu pơnõq adơi sơai, kơyua mưng kaya khiãng anĩt Yàc Pô Lơngĩq hũ, hlãq lakơu pơto pa-sơdor pơnõq adơi sơai pioh rùp phàp drơi ngãq jỡc kaya adãt padỡc hadiuq, sơđah sơchih, siàp hatai Yàc Pô Lơngĩq. Nữn la kaya duh vruãq iỡuq viãq pơnõq adơi sơai hũ. ",
|
|
"2": "Juơi ngãq tui dun kơyua rài nĩ, nữn iỡuq luơi ga drơi hũ pa-sơdua kơyua mưng kaya sanơng ngãq ga vahrơu wỡq drơi hũ. Dơlãp tũq ngãq yơu nữn, pơnõq adơi sơai ròq pơlih halơi la hatai ưng siàp lơgeh, siàp hatai, sì wil tãl Yàc Pô Lơngĩq hũ. ",
|
|
"3": "Kơyua, mưng kaya anĩt song vrơi ga hlãq, hlãq lakơu đơp làiq avih tãl aràc dơlãp pơnõq adơi sơai juơi hũ kaya sanơng mưng rùp phuỗt drơi la dlòc rlao uãn. dơgrữq kaya hagĩq iỡuq sanơng. Pa-vlữq wỡq iỡuq hũ kaya sanơng jãc rgơi, tui yơu kaya sơkãq voh-tui nữn Yàc Pô Lơngĩq song vrơi ga tãl aràc mơnuĩh. ",
|
|
"4": "Kơyua yơu pơnõq drơi hũ lũ vơnah dơlãp sa rùp phàp, nữn ôh iỡuq dơgrữq vơnah kung hũ sigỡuq ngãq vruãq drưh yơu gỡuq, ",
|
|
"5": "kung yơu nữn, pơnõq drơi bôh làiq lũ, nữn la sa rùp dơlãp Yàc Dõc Pơtlah, sì avih tãl aràc la vơnah rùp phàp sigỡuq. ",
|
|
"6": "Nữn pơnõq drơi hũ dơgrữq kaya anĩt krơi di gỡuq tui yơu kaya anĩt hũ vrơi ga drơi. Mơnuĩh halơi hũ kaya anĩt đơp hwơr, iỡuq đơp kaya sơkãq voh-tui drơi. ",
|
|
"7": "Mơnuĩh halơi hũ kaya anĩt duh vruãq, nữn iỡuq duh vruãq avih hatai drơi. Mơnuĩh halơi hũ kaya anĩt pơto pơđar, nữn iỡuq avih hatai pơto pơđar; ",
|
|
"8": "Mơnuĩh halơi hũ kaya anĩt paluơ padờp, iỡuq paluơ padờp. Mơnuĩh halơi hũ kaya anĩt alĩn vrơi, iỡuq alĩn vrơi lơnang lơnai. Mơnuĩh halơi hũ kaya anĩt apãt akõq, iỡuq apãt akõq iãq gơrhia. Mơnuĩh halơi hũ kaya anĩt hatai khiãng dumãn, iỡuq ngãq mưng hatai rơchãc lơĩq. ",
|
|
"9": "Kaya khiãng dumãn iỡuq ngãq tơpãq viãq. Iỡuq lơmùq mơvai kaya brưh mơsãc; salơvãq sì kaya siàp. ",
|
|
"10": "Mưng kaya khiãng anĩt pơnõq adơi sơai, iỡuq anĩt dumãn di gỡuq. Mưng hatai kĩ ngam, iỡuq kĩ ngam di gỡuq. ",
|
|
"11": "Mưng kaya tơriãc amãc, juơi dỡq dỡng. Mưng vơngãq hatai, iỡuq tluỡiq gơhuar. Pơweh sì Yàc, iỡuq duh vruãq Pitrai. ",
|
|
"12": "Iỡuq uỗt sơh ga mơnuĩh halơi mưng kaya chơkhãq chàc gơjãp gơnĩt drơi hũ. Iỡuq ãt-ỡn dơlãp kaya rũc rài. Iỡuq tui tơpãq dơlãp kaya iơu lakơu. ",
|
|
"13": "Iỡuq pơgòp vơnah dơlãp kaya angui dơgrữq mơnuĩh gơnuar pơđar sơđah hũ. Iỡuq duah lũ pơnẽq pioh ràc tơviãq hatai charơmãh tồq ròq thuãi. ",
|
|
"14": "Iỡuq vrơi lơngai ga mơnuĩh mãq pakỡuq pơnõq adơi sơai; iỡuq lakơu kaya lơngai, juơi duah kaya sơtãp lơmãh. ",
|
|
"15": "Iỡuq sơh sơr vẽq sì mơnuĩh sơh sơr, sia vẽq sì mơnuĩh sia. ",
|
|
"16": "Iỡuq hũ sa hatai sigỡuq dơlãp kaya sanơng. Juơi sanơng dlòc dlòng, nữn iỡuq tồq mãq mơnuĩh ôh jỡc ôh chãq. Juơi đơp ga drơi la mơnuĩh jãc rgơi. ",
|
|
"17": "Juơi mãq kaya iãh mơsãc pioh vơyar wỡq ga mơnuĩh iãh mơsãc. Iỡuq ngãq vẽq kaya siàp pãq anãq dơgrữq mơnuĩh. ",
|
|
"18": "Mơyah làiq pơlih jỡc, iỡuq rãn avih prãn hadiuq salơnuãq sigỡuq sì dơgrữq mơnuĩh. ",
|
|
"19": "Ơ adơi sơai anĩt dumãn, juơi yơr đồq tơngãn krơi drơi, nữn iỡuq luơi ga kaya ơnõc mơvai prong Yàc Pô Lơngĩq hũ. Kơyua hũ pơnuaĩq wãq, \"Kaya yơr đồq tơngãn pơweh sì Kơu; Kơu ròq yơr vơyar,' Yàc đơp yơu nữn.\" ",
|
|
"20": "\"Yơu nữn, mơyah làiq mơnuĩh jơdrãq sì pơnõq adơi sơai hũ lơpa, iỡuq vrơi ga pơnõq nhũ bõc. Mơyah làiq pơnõq nhũ mơhão ia, iỡuq vrơi ga pơnõq nhũ mơnhũm. Kơyua mơyah làiq ngãq yơu nữn, pơnõq adơi sơai ròq vuh hadãc apôi phôn pãq dlòc akõq pơnõq nhũ.\" ",
|
|
"21": "Juơi luơi kaya iãh mơsãc pha rlao sì drơi, nữn iỡuq mãq vẽq kaya siàp pioh pha rlao sì kaya iãh mơsãc. "
|
|
}
|