See in Reader
24 lines
3.9 KiB
JSON
24 lines
3.9 KiB
JSON
{
|
|
"1": "Pathơu adơi sơai, kaya chơkhãq khiãng dơlãp hatai hlãq sì pơnuaĩq iơu lakơu hlãq hũ sì Yàc Pô Lơngĩq la kơyua pơnõq nhũ, tồq ga pơnõq nhũ hũ dõc tlah. ",
|
|
"2": "Kơyua hlãq ngãq chưng mưng pơnõq nhũ làiq, pơnõq nhũ hũ hatai tluaĩq gơhuar pơweh sì Yàc Pô Lơngĩq, nữn ôh tui kaya pãc thơu. ",
|
|
"3": "Kơyua pơnõq nhũ ôh thơu mưng kaya tơpãq dãng Yàc Pô Lơngĩq hũ, sì pơnõq nhũ pơtãl prãn duah padỡc kaya tơpãq dãng krơi. Pơnõq nhũ ôh duh huaĩq kaya tơpãq rĩng Yàc Pô Lơngĩq hũ. ",
|
|
"4": "Kơyua Yàc Dõc Pơtlah song ngãq wil tãl voh-va pioh vrơi kaya tơpãq dãng ga dơgrữq mơnuĩh pãc-tui. ",
|
|
"5": "Môi-se song wãq mưng kaya tơpãq dãng gơnang mưng voh-va làiq: \"Mơnuĩh halơi pãc rơmiãq dơgrữq pơnuaĩq nĩ ròq gơnang mưng nhũ nữn hadiuq.\" ",
|
|
"6": "Nữn kaya tơpãq dãng trôh kơyua mưng voh-tui đơp yơu nĩ, \"Juơi đơp dơlãp hatai hã làiq, 'Asơi ròq đìq lơngĩq?' ( gơtha la, pioh va Yàc Dõc Pơtlah trỗt); ",
|
|
"7": "kung juơi đơp, \"Asơi ròq trỗt pãq thòc dơlãp?'\" ( gơtha la, pioh va Yàc Dõc Pơtlah mưng anĩh mơtai tơgùq). ",
|
|
"8": "Nữn nhũ đơp yơu hayơu? \"Pơnuaĩq dòq jẽq anàq, dơlãp mơvah anàq sì dơlãp hatai anàq.\" Nữn la pơnuaĩq voh-tui nữn pơnõq hlãq akhàt vrơi pa-thơu. ",
|
|
"9": "Kơyua mơyah làiq mơvah pơnõq adơi sơai akhàt tơviãq Je-su la Yàc, sì pãc-tui dơlãp hatai làiq Yàc Pô Lơngĩq song ngãq ga Pitrai hadiuq wỡq mưng kaya mơtai, nữn pơnõq adơi sơai ròq hũ dõc tlah. ",
|
|
"10": "Kơyua gơnang mưng kaya pãc-tui dơlãp hatai nữn anàq mơnuĩh hũ kaya tơpãq dãng, sì gơnang mưng mơvah akhàt tơviãq nữn anàq mơnuĩh hũ dõc tlah. ",
|
|
"11": "Kơyua Sơrãq Sơđah wãq, \"Mơnuĩh halơi pãc-tui Pitrai ròq ôh kađòc malơu alah.\" ",
|
|
"12": "Kơyua ôh hũ kaya pa-chalah krơi pãq khrãh mơnuĩh Ju-đa sì mơnuĩh Grec. Yàc nĩ la Yàc avih dơgrữq anàq mơnuĩh sì Pitrai mơda gơnãp pơweh sì dơgrữq mơnuĩh hlơi iơu lakơu Pitrai. ",
|
|
"13": "Mơnuĩh halơi iơu lakơu di angãn Yàc, nữn ròq hũ dõc pơtlah. ",
|
|
"14": "Nữn ngãq hayơu pơnõq nhũ pơlih iơu lakơu sì Pitao nữn pơnõq nhũ ka-ôh pãc tui? Ngãq hayơu pơnõq nhũ pơlih pãc tui Pitao nữn pơnõq nhũ ô-ka hmỡq? Ngãq hayơu pơnõq nhũ pơlih hmỡq mơyah làiq ôh hũ mơnuĩh halơi ràc tơviãq? ",
|
|
"15": "Sì ràc tơviãq yơu hayơu mơyah làiq ôh hũ mơnuĩh halơi ãt pơđar nao?- Yơu hũ wãq làiq, \"Plàq tơkai mơnuĩh ràc tơviãq pơnuaĩq siàp nữn siàp mơkrờ viãq! ",
|
|
"16": "Nữn ôh iỡuq mơnuĩh halơi kung duh huaĩq pơnuaĩq siàp. Kơyua E-sai song đơp, \"Talơvãt Yàc, mơnuĩh halơi ròq pãc tui pơnuaĩq pơnõq hlãq pơto akhàt lơĩq?\" ",
|
|
"17": "Yơu nữn voh-tui trôh la mưng kaya aràc hmỡq, nữn kaya aràc hmỡq trôh la mưng pơnuaĩq Yàc Dõc Pơtlah hũ. ",
|
|
"18": "Nữn, hlãq lakơu tơnĩa, \"Iỡuq mĩn pơnõq nhũ ôh ka hmỡq?\" Viãq song hmỡq vloh. \"Sãp pơnõq nhũ song sỡm-wàt tơviãq vãq avih voh hlùq, sì pơnuaĩq pơnõq nhũ va trôh dơgrữq luỗiq hadơi dun kơyua hũ.\" ",
|
|
"19": "Rlao tơra, hlãq lakơu tơnĩa, \"Iỡuq mĩn mơnuĩh Is-ra-el ôh thơu?\" Hlơu avih, Môi-se kung đơp, \"Kơu ròq ngãq ga pơnõq hã lơmùq mơvai sì mơnuĩh ôh iỡuq la sa vual vơla. Kơu ròq ngãq ga pơnõq hã ơnõc mơvai kơyua mưng sa vual vơla ôh hũ kaya pãc thơu.\" ",
|
|
"20": "Vloh E-sai kung chãc khĩn đơp, \"Dơgrữq mơnuĩh ôh duah iãq Kơu vloh pãc jỡc Kơu, Kơu song pa-bôh rùp tơviãq ga dơgrữq mơnuĩh ôh duah lakơu sì Kơu.\" ",
|
|
"21": "Nữn pơweh sì vual vơla Is-ra-el nữn Yàc đơp, \"Avih luỗiq harơi Kơu yơr tơngãn tơviãq pơweh mưng sa vual vơla ôh duh huaĩq sì ngãq jơdrãq.\" "
|
|
}
|