See in Reader
24 lines
4.6 KiB
JSON
24 lines
4.6 KiB
JSON
{
|
|
"1": "Vloh mơnuĩh gơnrơh bãc lơmã ayùq gơdèt, sì hlãq bôh sa voh pitỗq song mưng dlòc lơngĩq hõq trỗt pãq ala voh hlùq hlơu nữn. Ia pitỗq nữn hũ alĩn vrơi anàq tlier pơh jơlàt lơvàc anĩh thòc dơlãp ôh hũ tơkai. ",
|
|
"2": "Nhũ pơh jơlàt lơvàc anĩh dơlãp ôh hũ tơkai nữn tơviãq, sì hũ ơsãq mưng jơlàt lơvàc nữn por tơgùq, yơu ơsãq sa voh agòq apôi prong. Ia harơi sì pah lơwah kung sồp kơnãm kơyua ơsãq tơviãq mưng jơlàt lơvàc nữn. ",
|
|
"3": "Vloh mưng ơsãq nữn pa-bôh tơviãq anàq katòc pãq dlòc voh hlùq, sì pơnõq nhũ hũ alĩn vrơi gơnuar drưh yơu gơnuar nữn pơjẽh anàq adiãc hũ pãq dlòc voh hlùq. ",
|
|
"4": "Pơnõq nhũ hũ vrơi gơnuar juơi ngãq iãh rỡq kayơu pãq dlòc voh hlùq hẽla avih dơgrữq kaya halơi hẽla kayơu patơu, nữn mĩn ngãq iãh ga anàq mơnuĩh la dơgrữq mơnuĩh ôh hũ kaya nỡm Yàc Pô Lơngĩq hũ pãq dlòc thơi. ",
|
|
"5": "Pơnõq nhũ ôh hũ gơnuar pa-mơtai mơnuĩh, nữn mĩn ngãq pơ-hãn pơnõq nhũ dơlãp lơmã vlàt. Kaya pơđìq pơđua pơnõq nhũ iỡuq ãt ròq yơu vĩh anàq adiãc hũ dơlãp tũq nhũ kẽq anàq mơnuĩh. ",
|
|
"6": "Dơlãp dơgrữq harơi nữn, anàq mơnuĩh ròq duah kaya mơtai, nữn viãq ròq ôh duah jỡc. Pơnõq nhũ ròq chơkhãq khiãng ững mơtai, nữn kaya mơtai ròq pleh atah pơnõq nhũ. ",
|
|
"7": "Iãq bòq mơta anàq katòc drưh yơu ơseh rơchãc pơkhrà pioh tơviãq mơsôh. Pãq dlòc akõq tơpuôl nhũ hũ kaya hagĩq nữn drưh yơu chrang màc mưng mữh, dòq bòq mơta tơpuôl nhũ nữn drưh yơu bòq mơta mơnuĩh. ",
|
|
"8": "Tơpuôl nhũ hũ bồq drưh yơu bồq mơnuĩh kamơi, sì tagơi nữn drưh yơu tagơi rơmoòn phũm. ",
|
|
"9": "Tơpuôl nhũ chồq ao vơvãc dơda drưh yơu ao mưng pasơi, sì sãp siãuq tơpuôl nhũ rơteh tơviãq drưh yơu sãp lũ lơdeh ơseh hũ sì ơseh ãn vrũh mơsôh. ",
|
|
"10": "Tơpuôl nhũ hũ akô va kaya vĩh drưh yơu anàq adiãc, sì gơnang mưng dơgrữq akô nữn nữn tơpuôl nhũ hũ gơnuar ngãq iãh anàq mơnuĩh dơlãp lơmã vlàt. ",
|
|
"11": "Tơpuôl nhũ hũ pitao apãt akõq drơi la mơnuĩh gơnrơh pãq anĩh thòc dơlãp ôh hũ tơkai. Angãn nhũ dơlãp sãp He-bơ-rơ la A-ba-đôn, dòq dơãp sãp Gơ-rẽc nữn nhũ hũ angãn la A-bô-li-ôn. ",
|
|
"12": "Kaya rũc rài bãc chơmrờp song tơpa gãt. Dih! Hadơi sì kaya rũc rài nữn nữn dòq wỡq dua kaya rũc rài tơra. ",
|
|
"13": "Vloh mơnuĩh gơnrơh bãc \nnãm ayùq gơdèt, sì hlãq hmỡq sãp đơp tơviãq mưng dơgrữq voh tơkì ban duh talơvãt mưng mữh hũ sì dòq pãq anãq Yàc Pô Lơngĩq. ",
|
|
"14": "Sãp nữn đơp sì mơnuĩh gơnrơh bãc nãm hũ bẽq gơdèt, làiq, \"Iỡuq pơlao pàq aràc mơnuĩh gơnrơh kađòc akãq pãq kròc prong Ơ-phơ-rat tơviãq vẽq.\" ",
|
|
"15": "Yơu nữn, pàq aràc mơnuĩh gơnrơh song rơchãc lơĩh ga mĩn tũq jơ nữn, harơi nữn, vlàt nữn, thũt nữn jỡc pơlao tơviãq pioh ngãq pa-mơtai sa vơnah tlơu dun kơyua. ",
|
|
"16": "Katih mơnuĩh lĩng đìq ơseh la dua rơtôh tơlãc. La katih pơgòp tơpuôl nhũ hũ nữn hlãq song hmỡq. ",
|
|
"17": "Ơseh sì mơnuĩh lĩng đìq ơseh nữn hlãq bôh dơlãp kaya pa-bôh iãq yơu nĩ, pơnõq nhũ hũ ao pasơi vơvãc dơda ia phur yơu apôi, ia lơngãu yơu lơngĩq, sì ia kanhìq yơu patơu kràc kanhìq. Akõq dơgrữq anàq ơseh nữn drưh yơu akõq rơmoòn phũm, mưng mơvah tơpuôl nhũ kaprôh tơviãq apôi, ơsãq sì patơu kràc kanhìq. ",
|
|
"18": "Sa vơnah tlơu pơjẽh anàq mơnuĩh kađòc pa-mơtai kơyua mưng tlơu kaya rũc rài nĩ, nữn là apôi, ơsãq, sì patơu kràc kanhìq kaprôh tơviãq mưng mơvah tơpuôl nhũ. ",
|
|
"19": "Kaya prãn khãc dơgrữq anàq ơseh nữn hũ dòq dơlãp mơvah sì akô tơpuôl nhũ- kơyua akôh tơpuôl nhũ drưh yơu ala, hũ akõq, kơyua mưng nữn tơpuôl nhũ ngãq halôh dơgrẽh anàq mơnuĩh. ",
|
|
"20": "Vơnah dòq wỡq dun kơyua hũ, nữn la dơgrữq mơnuĩh ka-ôh kađòc pa-mơtai kơyua mưng dơgrữq kaya rũc rài nĩ, nữn vloh ôh mơvai tlàq dlàiq dơgrữq vruãq drơi song ngãq, nữn la ôh duh talơvãt kamlai sigỡuq sì dơgrữq rùp rãp mưng mữh, priãq, kơsuan, patơu, sì talũc kayơu- dơgrữq kaya ôh bôh jỡc, kaya ôh hmỡq jỡc, kaya ôh lơvàq nao jỡc. ",
|
|
"21": "Pơnõq nhũ kung ôh mơvai tlàq dlàiq dơgrữq dlàiq pa-mơtai mơnuĩh, juh proh, arĩh athãm, tlẽq sơwah drơi hũ. "
|
|
}
|