See in Reader
16 lines
2.7 KiB
JSON
16 lines
2.7 KiB
JSON
{
|
|
"1": "Dơlãp tũq Avo anàq suãq nữm bãc tơjuh, nữn dlòc lơngĩq kađỡc di mưtơh tũq. ",
|
|
"2": "Hlãq bôh tơjuh aràc mơnuĩh gơnrơh dỡc di anãq Yàc Pô Lơngĩq, sì bôh mơnuĩh vrơi ga pơnõq nhũ tơjuh voh tơliãq. ",
|
|
"3": "Suet, bôh sa aràc mơnuĩh gơnrơh tơmo trôh, dỡc pãq ban tơlơvàt, nhũ apãt sa voh kalõq ngãq sì mữh pioh thồp; sì song vrơi ga nhũ lu thồp pioh vơjrãuq sigơuq sì dơgrữq pơnuaĩq iơu lơkơu avih dơgrữq mơnuĩh sơđah sơchih, sì pioh pãq dlòc ban tơlơvàt ngãq mưng mữh pãq anãq sơvan. ",
|
|
"4": "Asãq thồp sigơuq sì dơgrữq pơnuaĩq iơu lơkơu dơgrữq mơnuĩh sơđah sơchih mưng di tơngãn mơnuĩh gơnrơh tơgùq trôh di anãq Yàc Pô Lơngĩq. ",
|
|
"5": "Mơnuĩh gơnrơh mãq kalõq thồp, mãq apôi mưng ban tơlơvàt vũq tơmã vãq đỡn vloh prah trôt hlồq, nữn hũ dơgrữq grim katãl tãq, sãp prõc, tơlia liãq sì mơgơi hlồq.",
|
|
"6": "Tơjuh mơnuĩh gơnrơh apãt tơjuh tơliãq rchãc lơih pioh ayùq. ",
|
|
"7": "Mơnuĩh gơnrơh chơmrờp ayùq tơliãq, nữn hũ hajàt pơtơu, sì apôi vơjrãuq sigơuq sì dơrah hõq trôt pãq hlồq, sa vơnah tlơu voh hlồq apôi bõc, sa vơnah tlơu kơyơu kađòc apôi bõc, sì avih dơgrữq rỡq lơngãu kung apôi bõc.",
|
|
"8": "Mơnuĩh gơnrơh dua ayùq tơliãq, nữn hũ sa kaya yơu chỡq prõc apôi bõc ãt prah trôt pãq ia tơsìq, nữn sa vơnah tlơu ia tơsìq tơviãq jơc dơrah, ",
|
|
"9": "Sa vơnah tlơu avih kaya hadiuq dơlãp tơsìq mơtai avih, sì sa vơnah tlơu ahòq kung lơhiãq thit.",
|
|
"10": "Mơnuĩh gơnrơh tlơu ayùq tơliãq, nữn hũ sa voh pitỗq prõc hõq trôt mưng dlòc lơngĩq, nhũ hũ apôi bõc yơu sa sơnuh tuiq pơsàc, pitỗq nữn hõq tơmã sa vơnah tlơu dơgrữq ia kròc prõc sì dơgrữq chroh ia. ",
|
|
"11": "Angãn pitỗq nữn la kơyơu Jơrao Phìq, sa vơnah tlơu ia tơviãq jơc phìq, sì hũ lu mơnuĩh mơtai kayua mưng ia tơviãq jơc phìq.",
|
|
"12": "Mơnuĩh gơnrơh pàq ayùq tơliãq, nữn sa vơnah tlơu ia harơi, sa vơnah tlơu ia vlàt sì sa vơnah tlơu dơgrữq pitỗq kung yơu nữn, pioh ga sa vơnah tlơu dơgrữq kaya sơđah tơviãq jơc sồp kanãm, sì pioh ga harơi lơhiãq sa vơnah tlơu kaya sơđah, sì mơlãp jãc kung yơu nữn.",
|
|
"13": "Tũq nữn hlãq iãq bôh sì hmỡq chĩp klàc por pãq khrãh dlòc lơngĩq priao sãp prõc laìq: Dleh dlàr sơvỡc rữc! Dleh dlàr sơvỡc rữc! Dleh dlàr sơvỡc rữc ga dơgrữq mơnuĩh dòq pãq hlồq, mưng Pơnuaĩq ayùq tơliãq sì tlơu aràc mơnuĩh gơnrơh tơmo ròq ayùq tra."
|
|
}
|