See in Reader
21 lines
4.0 KiB
JSON
21 lines
4.0 KiB
JSON
{
|
|
"1": "Vloh sa kaya nỡm krơi tơmo pa-bôh tơviãq pãq dlòc lơngĩq: hũ sa aràc mơnuĩh kamơi rùq chồq ao lơniãu ia harơi, tơkai dòq dỡc pãq dlòc ia vlàt, dòq akõq nữn tơruãq chrơng pitao hũ saplôh dua ia pitỗq. ",
|
|
"2": "Nhũ mơtiàt sì ãn driãu papơ kơyua pơđìq đeh sì pơđìq jẽq đeh. ",
|
|
"3": "Vloh hũ sa kaya nỡm krơi tơmo pa-bôh tơviãq pãq dlòc lơngĩq: Dih! Sa drơi anàq grãi prong phur hũ tơjuh akõq, saplôh tơkì, gãm sì tơjuh voh chrơng pitao pãq dlòc akõq. ",
|
|
"4": "Nhũ angui akô vah avih sa vơnah tlơu ia pitỗq pãq dlòc lơngĩq vloh prah trỗt pãq ala voh hlùq. Anàq grãi dòq dõc chàc pãq anãq mơnuĩh kamơi jẽq đeh dih, pioh tũq mơnuĩh kamơi nhũ đeh anàq nữn nhũ ròq bõc luỗt anàq tìt nữn. ",
|
|
"5": "Mơnuĩh kamơi nữn đeh sa aràc anàq lakơi, anàq lakơi nữn la mơnuĩh ròq apãt akõq dơgrữq vual vơla mưng gai hơwai pasơi. Anàq mơnuĩh kamơi nữn hũ sơđõh mãq sì va tơgùq pãq Yàc Pô Lơngĩq anĩh sơvan Pitrai, ",
|
|
"6": "dòq mơnuĩh kamơi nữn đuaĩq tơma dơlãp blàc chuah, anĩh nhũ hũ sa anĩh mưng Yàc Pô Lơngĩq rơchãc lơĩh, pioh nhũ hũ iãq jàc pãq đỡn dơlãp sa-rơvơu dua rơtôh nãm plôh harơi. ",
|
|
"7": "Tũq nữn hũ sa kaya mơsôh atòc pãq dlòc lơngĩq. Mi-ca-el sì dơgrữq mơnuĩh gơnrơh nhũ hũ poh mơsôh sì anàq grãi; dòq anàq grãi sigỡuq sì dơgrữq kamlai nhũ hũ jơdrãq mơsôh wỡq. ",
|
|
"8": "Nữn nhũ ôh tũq halơi jơdrãq pha rlao, kung ôh dòq bôh anĩh vrơi ga tơpuôl nhũ pãq dlòc lơngĩq. ",
|
|
"9": "Yơu nữn la anàq grãi prong kađòc prah trỗt- nữn la anàq ala mưng rài sơđãq, angãn la kamlai hẽla Sa-tan, mơnuĩh ngãq ơniãi vãq avih dun kơyua, nhũ kađòc prah trỗt ala voh hlùq, sì dơgrữq kamlai nhũ kung kađòc prah trỗt sigỡuq sì nhũ. ",
|
|
"10": "Vloh hlãq hmỡq sa sãp đơp prong pãq dlòc lơngĩq làiq, \"Tũq nĩ, kaya dõc pơtlah, gơnuar chơnuãq, sì lơgar Yàc Pô Lơngĩq pơnõq drơi hũ song trôh, sigỡuq sì gơnuar Pitao ãt pa-vuh mơnhàq Pitrai hũ. Kơyua mơnuĩh yãq vãq pơnõq adơi sơai pơnõq drơi song kađòc prah trỗt pãq ala voh hlùq, nữn la mơnuĩh harơi sì mơlãp yãq dlàiq pơnõq nhũ pãq anãq Yàc Pô Lơngĩq pơnõq drơi. ",
|
|
"11": "Pơnõq nhũ song pha rlao nhũ kơyua mưng dơrãh Avo Anàq sì kơyua mưng pơnuaĩq ngãq chưng drơi, kơyua pơnõq nhũ ôh anĩt kaya hadiuq drơi bôh làiq trôh mơtai. ",
|
|
"12": "Yơu nữn, ơ dơgrữq tãl lơngĩq sigỡuq sì dơgrữq mơnuĩh hadiuq padưh dòq pãq đỡn, iỡuq uỗt sơh vẽq! Nữn dleh dlàr ga hlùq tơnãh sì ia tơsìq, kơyua kamlai song trỗt pãq anĩh pơnõq hã! Nhũ ãn ơnõc kruãq hanruơi pơlai viãq, kơyua thơu làiq drơi mĩn dòq sa asĩt tũq jơ! ",
|
|
"13": "Tũq anàq grãi kơnãl tơviãq drơi song kađòc prah trỗt pãq ala voh hlùq, nữn nhũ pagui tui mơnuĩh kamơi song đeh anàq lakơi dih. ",
|
|
"14": "Nữn mơnuĩh kamơi hũ alĩn vrơi dua gah siãuq chip klàc rơyàq prong hũ pioh por trôh anĩh drơi hũ dơlãp blàc chuah, la anĩh nhũ ròq hũ iãq jàc dơlãp sa tũq lơwah, dơgrữq tũq lơwah sì mơtơh tũq lơwah- pleh atah dơđỡuq mơta anàq ala. ",
|
|
"15": "Kơyua yơu nữn, anàq ala kaprôh ia dơlãp mơvah tơviãq yơu ia kròc pagui tui mơnuĩh kamơi, pioh ngãq ga mơnuĩh kamơi kađòc ia blũc sỡq va. ",
|
|
"16": "Nữn voh hlùq dõc tlah mơnuĩh kamơi. Voh hlùq gàq mơvah tơviãq luỗt avih ia kròc nữn anàq grãi song kaprôh tơviãq mưng mơvah nhũ. ",
|
|
"17": "Yơu nữn la anàq grãi tơgùq ơnõc sì mơnuĩh kamơi sì tlàq nao mơsôh atòc sì dơgrữq anàq tơcho tơmo mơnuĩh kamơi hũ, dơgrữq mơnuĩh pãc tui pơnuaĩq pơđar-va Yàc Pô Lơngĩq hũ sì rơmiãq jàc pơnuaĩq ngãq chưng mưng Yàc Je-su. ",
|
|
"18": "Vloh nhũ dòq dỡc pãq dlòc chuah gah ia tơsìq. "
|
|
}
|