See in Reader
24 lines
4.4 KiB
JSON
24 lines
4.4 KiB
JSON
{
|
|
"1": "Patui nữn, mơnuĩh gơnrơh pơto ga hlãq bôh kròc ia kaya hadiuq, ia sơdah yơu chai kràc. Kròc vơngũn duaĩq mưng sơvan Yàc Pô Lơngĩq sì Avo Anàq,",
|
|
"2": "dòq dơlãp khrah jơlàt palơi prong hũ. Dua gah kròc ia la kayơu kaya hadiuq pajỡc sa plôh dua pơjẽh voh, dơgrữq vlàt kung tơviãq voh. Hlàq kayơu nữn angui pioh pasồq pakhơĩh ga dơgrữq vual vơla. ",
|
|
"3": "Sì ròq ôh dòq kaya sơtãp rơmẫh halơi tơra. Sơvan Yàc Pô Lơngĩq sì Avo Anàq hũ ròq dờq dơlãp palơi prong, sì dơgrữq mơnuĩh halỗt mơnãq Pitrai ròq duh vruãq Pitrai. ",
|
|
"4": "Pơnõq nhũ ròq bôh bòq mơta Pitrai, sì angãn Pitrai ròq wãq pãq thơi pơnõq nhũ. ",
|
|
"5": "Ròq ôh hũ dlài mơlãp, anàq mơnuĩh ròq ôh chàc kaya sơdah apôi đeng hẽla kaya sơdah ia harơi, kơyua Yàc la Yàc Pô Lơngĩq ròq pơsàc sơdah ga pơnõq nhũ, sì pơnõq nhũ ròq apãq akõq gãm gãm, ôh luỗiq. ",
|
|
"6": "Vloh mơnuĩh gơnrơh đơp sì hlãq, \"Dơgrữq pơnuaĩq nĩ kung đang mang chàc gơnang sì tơpãq viãq. Yàc, nữn la Yàc Pô Lơngĩq vơngãq hatai dơgrữq mơnuĩh gơnuar hwơr, song pơđar mơnuĩh gơnrơh Pitrai vrơi pa-thơu ga dơgrữq mơnuĩh halỗt mơnãq Pitrai dơgrữq vruãq iỡuq sơmar tơviãq trôh.\" ",
|
|
"7": "\"Nĩ! Kơu ròq trôh sơmar! Lơngai ga mơnuĩh rơmiãq jàc dơgrữq pơnuaĩq gơnuar hwơr dơlãp sơrãq nĩ.\" ",
|
|
"8": "Hlãq, Jãng, la mơnuĩh song bôh sì hmỡq dơgrữq vruãq nĩ. Dơlãp tũq hlãq hmỡq sì bôh yơu nữn, hlãq vơviar rùp trỗt pioh duh talơvãt mơnuĩh gơnrơh song vrơi pa-thơu ga hlãq dơgrữq vruãq nữn. ",
|
|
"9": "Nữn mơnuĩh đơp sì hlãq, \"Jươi ngãq yơu nữn! Hlãq kung la mơnuĩh halỗt mơnãq yơu sơai, yơu dơgrữq pơnõq adơi sơai gơnuar hwơr sơai hũ, sì yơu dơgrữq mơnuĩh rơmiãq jàc dơgrữq pơnuaĩq dơlãp sơrãq nĩ. Iỡuq duh talơvãt Yàc Pô Lơngĩq vẽq!\" ",
|
|
"10": "Vloh nhũ pơđar hlãq, \"Juơi krỡq tap-ban-kiq dơgrữq pơnuaĩq hwơr dơlãp sơrãq nĩ, kơyua tũq jơ song jẽq trôh. ",
|
|
"11": "Mơnuĩh halơi ôh ngãq tơpãq, nữn miẽt ôh ngãq tơpãq. Mơnuĩh halơi tơsỡuq nrãc, nữn miẽt tơsỡuq nrãc. Mơnuĩh halơi tơpãq dãng, nữn miẽt tơpãq dãng. Mơnuĩh halơi sơđah sơchih, nữn miẽt sơđah sơchih.\" ",
|
|
"12": "\"Nĩ! Kơu ròq trôh sơmar, sì va kaya ban gãm sì Kơu pioh alĩn vrơi ga dơgrữq mơnuĩh tui yơu vruãq pơnõq nhũ song ngãq. ",
|
|
"13": "Kơu la Al-pha sì Ô-me-ga, Pitao chơmrờp sì luôiq hadơi, Pitao pơdòq chơmrờp sì luỗiq hadơi. ",
|
|
"14": "Lơngai ga dơgrữq mơnuĩh voh sơchih ao drơi, pioh hũ gơnuar nao trôh pãq kayơu kaya hadiuq, sì hũ gơnuar tơma gãt dơgrữq sơvòq bãc nữn tơma dơlãp palơi prong. ",
|
|
"15": "Dòq dơgrữq asơu, dơgrữq mơnuĩh pơjơu, dơgrữq mơnuĩh dri-drõc, dơgrữq mơnuĩh pamơtai mơnuĩh, dơgrữq mơnuĩh kakôh tơlơvàt vơngãq rồp, sì avih dơgrữq mơnuĩh khiãng dôman đơp lor sì ngãq lor, nữn pơnõq nhũ dòq pãq lơniao pơlơi.",
|
|
"16": "Kơu la Je-su song pơđar mơnuĩh gơnrơh kơu trôh ngãq chưng dơgrữq kaya nữn ga pơnõq hã pãq anãq dơgrữq sàc pơjũm sơđah. Kơu la phuôt akha sì anàq tacho Da-vit, la pitỗq mư-ờp sơđah kachràq.",
|
|
"17": "Yàc Vơngãq sì sơdiuq kamơi vơhrơu đơp laìq: Mai vẽq! Mơnuĩh halơi hmỡq nữn đơp vẽq laìq: Mai vẽq! Mơnuĩh mơhao nữn mai vẽq. Mơnuĩh halơi ưng nữn tồq mãq soh vẽq ia kaya hadiuq. ",
|
|
"18": "Hlãq ngãq chưng ga dơgrữq mơnuĩh hmỡq pơnuaĩq ganuar-huar dơlãp sơrãq nĩ: Mơyah-laìq mơnuĩh halơi pơtãl tơmã sơrãq ganuar-huar nĩ kaya halơi, nữn Yàc Pô Lơngĩq ròq pơtãl ga mơnuĩh nữn kaya rũc-rai song wãq dơlãp sơrãq nĩ. ",
|
|
"19": "Sì mơnuĩh halơi suãq tơviãq kaya halơi dơlãp dơgrữq pơnuaĩq dơlãp sơrãq ganuar-huar nĩ, nữn Yàc Pô Lơngĩq ròq suãq tơviãq vơnah pơnõq nhũ mưng kơyơu kaya hadiuq sì pơlơi sơđah sơchih, song hũ wãq dơlãp sơrãq nĩ.",
|
|
"20": "Pitao ngãq chưng ga dơgrữq pơnuaĩq nữn, đơp laìq; Viãq, Kơu trôh sơmar! A-men, tơlơvàt Yàc Je-su, lơkơu Pitrai trôh sơmar!",
|
|
"21": "Lơkơu kaya anĩt Yàc la Yàc Je-su dòq sigơuq sì avih dơgrữq mơnuĩh!"
|
|
}
|