See in Reader
23 lines
3.5 KiB
JSON
23 lines
3.5 KiB
JSON
{
|
|
"1": "Mơnuĩh gơnrơh lơmã ayùq tơliãq, nữn hlãq bôh sa voh pitỗq mưng dlòc lơngĩq hõq trôt hlồq, pitỗq nữn hũ tồq mãq anàq tlir bãc anĩh dơlãp viãq. ",
|
|
"2": "Pitỗq nữn pơh bãc tơlơvàt dơlãp, nữn bôh asãq tơgùq yơu asãq kanãm prõc;ia harơi sì pah lơwah tơviãq jơc sồp kanãm kơyua mưng asãq tơviãq mưng lơvàc dơlãp nữn. ",
|
|
"3": "Mưng di asãq nữn, hũ tơpuôl katòc por tơviãq trôt pãq hlồq, sì hũ mơnuĩh vrơi ga tơpuôl katòc nữn hũ ganuar-chơnuãq yơu adiãc dòq pãq hlồq. ",
|
|
"4": "Hũ pơnuaĩq pơđar sì pơnõq nhũ laìq juơi ngãq iãh di rỡq sì kơyơu halơi pãq hlồq, yơu nữn mĩn ngãq iãh di dơgrữq mơnuĩh ôh hũ pơc nữm Yàc Pô Lơngĩq di thơi pơnõq nhũ. ",
|
|
"5": "Sì avih kaya nữn laìq juơi pamơtai mơnuĩh, mĩn ngãq pơđìq pơđua mơnuĩh dơlãp lơmã vlàt. Avih kaya nữn ngãq pơđìq pơđua mơnuĩh yơu adiãc kẽq. ",
|
|
"6": "Dơlãp hadup harơi nữn, avih mơnuĩh ưng mơtai mĩn ôh mơtai jơc, ưng mơtai mĩn kaya mơtai đuaĩq dơuq tlah pơnõq nhũ.",
|
|
"7": "Tơpuôl katòc nữn drơh yơu tơpuôl aseh rchãc-pơkhra nao mơsôh-mơtãq, di akõq hũ truãq chrơng yơu chra-pha mữh, hũ bòq yơu bòq mơnuĩh, ",
|
|
"8": "Hũ bồq yơu bồq kamơi, hũ tơgơi yơu tơgơi rơmong phum, ",
|
|
"9": "Nhũ kung chồq ao nao mưsôh yơu ao vơsơi, sãp siaoq nữn yơu sãp rơdeh lu aseh katũc đuaĩq tơviãq anĩh mơsôh-mơtãq, ",
|
|
"10": "akô pơnõq nhũ hũ ia mãq yơu anàq adiãc, sì ganuar-chơnuãq pơnõq nhũ la dòq pãq akô pơnõq nhũ pioh ngãq pơđìq pơđua dơgrữq mơnuĩh dơlãp lơmã vlàt. ",
|
|
"11": "Avih kaya nữn hũ pitao, pơnuaĩq He-bơ-rơ angãn la A-pa-đôn, sãp Grec la A-pô-li-ôn.",
|
|
"12": "Kaya dleh dlàr sa nao gãt vloh. Mĩn dòq dua kaya dleh dlàr tra.",
|
|
"13": "Mơnuĩh gơnrơh nãm ayùq tơliãq, nữn hlãq hmỡq sãp tơviãq mưng pàq tơkìq ban tơlơvàt mữh di anãq Yàc Pô Lơngĩq. ",
|
|
"14": "Sãp nữn đơp sì mơnuĩh gơnrơh nãm apãt tơliãq laìq: Parlao vẽq pàq aràc mơnuĩh gơnrơh kađòc akãq dơlãp kròc prõc Ơ-phơ-rat. ",
|
|
"15": "Yơu nữn, pàq aràc mơnuĩh gơnrơh nữn jơc parlao tơviãq. Pơnõq nhũ jơc rchãc-pơkhra pioh pamơtai sa vơnah tlơu avih mơnuĩh dơlãp thôt nữn, vlàt nữn, harơi nữn, tũq lơwah nữn. ",
|
|
"16": "Katih aseh mơnuĩh ling la dua ratôh talàc; katih nữn hlãq song hmỡq. ",
|
|
"17": "Dơlãp kaya pabôh, hlãq bôh dơgrữq aseh la yơu nĩ: Sì dơgrữq mơnuĩh đìq aseh chồq ao vơsơi ia kanhìq yơu apôi, ia lơngãu lơngĩq yơu pơtơu-mang lơngãu ia mưriãq yơu siaoq; dơgrữq aseh hũ akõq yơu akõq rơmong phum, mưng mvah pơnõq nhũ kaprôh apôi, asãq sì siaoq. ",
|
|
"18": "Sa vơnah tlơu kaya dleh dlàr nữn la apôi, asãq sì kadier tơviãq mưng mvah nữn, sa vơnah tlơu avih mơnuĩh kađòc pamơtai. ",
|
|
"19": "Aseh nữn hũ pran dơlãp mvah sì akô, akô nữn drơh yơu anãq ala, di akô hũ akõq, nữn mãq akõq nữn ngãq iãh mơnuĩh.",
|
|
"20": "Avih mơnuĩh ka-ô kađòc pamơtai dơlãp kaya dleh dlàr nữn, ôh mvai tlah vruãq tơngãn drơi hũ ngãq, ôh padơi tơlơvàt avih kamlai sì vơngãq rồp ngãq sì mữh, priãq, đông, pơtơu sì kơyơu, la avih kaya ôh bôh, ôh pãc, ôh nao jơc. ",
|
|
"21": "Pơnõq nhũ ôh mvai tlàq avih dlaìq pamơtai mơnuĩh, iãq ia, dri-drõc sì tlẽq."
|
|
} |