See in Reader
19 lines
3.5 KiB
JSON
19 lines
3.5 KiB
JSON
{
|
|
"1": "Hadơi nữn, hlãq bôh pàq aràc mơnuĩh gơnrơh dỡc di pàq gah akiãc hlồq, apãt pàq gah angĩn, pioh ga ôh angĩn halơi vluh pãq dlòc voh hlồq, pãq dlòc ia tơsìq hela pãq dlòc kơyơu halơi. ",
|
|
"2": "Hlãq song bôh sa aràc mơnuĩh gơnrơh tơmo đìq mưng gah ia harơi tơviãq, apãt voh nữm Yàc Pô Lơngĩq dòq hadiuq gãm, nhũ priao tơgùq sãp prõc sì pàq aràc mơnuĩh gơnrơh hũ ganuar ngãq iãh voh hlồq sì ia tơsìq sì đơp laìq, ",
|
|
"3": "juơi ngãq iãh di voh hlồq, ia tơsìq, hela dơgrữq kơyơu, tãl trôh di tũq halơi pơnõq drơi song pơc nữm di thơi dơgrữq mơnuĩh halôt Yàc Pô Lơngĩq pơnõq drơi. ",
|
|
"4": "Sì hlãq song hmỡq katih mơnuĩh hũ pơc nữm la; sarơtôh pàq plôh pàq rơvơu mơnuĩh hũ pơc nữm, mưng dơlãp avih dơgrữq pơjẽh pơtiàt anàq tacho Is-ra-el. ",
|
|
"5": "Dơlãp pơjẽh pơtiàt Ju-đa hũ saplôh dua rơvơu aràc mơnuĩh hũ pơc nữm, dơlãp pơjẽh pơtiàt Ru-ben, saplôh dua rơvơu aràc, dơlãp pơjẽh pơtiàt Gat saplôh dua rơvơu aràc; ",
|
|
"6": "Dơlãp pơjẽh pơtiàt A-se saplôh dua rơvơu aràc, dơlãp pơjẽh pơtiàt Nep-ta-li saplôh dua rơvơu aràc, dơlãp pơjẽh pơtiàt Ma-na-se saplôh dua rơvơu aràc. ",
|
|
"7": "Dơlãp pơjẽh pơtiàt Si-me-ôn saplôh dua rơvơu aràc, dơlãp pơjẽh pơtiàt Le-vi saplôh pàq rơvơu aràc, dơlãp pơjẽh pơtiàt I-sa-ka saplôh dua rơvơu aràc,",
|
|
"8": "Dơlãp pơjẽh pơtiàt Sa-bu-lôn saplôh dua rơvơu aràc, dơlãp pơjẽh pơtiàt Jô-sep sa plôh dua rơvơu aràc, dơlãp pơjẽh pơtiàt Ben-ja-min sa plôh dua rơvơu aràc hũ pơc nữm.",
|
|
"9": "Hadơi sì vruãq nữn hlãq iãq bôh, dih, bôh lu mơnuĩh ôh mơnuĩh halơi rgơi yao jơc, tơviãq mưng dơgrữq lơgar, pơjẽh pơtiàt, vual-vơla, sì pơnuaĩq đơp pơnõq nhũ dỡc pãq anãq sơvan sì pãq anãq Avo anàq, pơnõq nhũ chồq ao atah kòq, sì apãt halàq agual. ",
|
|
"10": "Pơnõq nhũ priao sãp prõc laìq: Kaya dõc pơtlah pơweh mưng Pitao dòq guh pãq sơvan sì Avo anàq. ",
|
|
"11": "Sì avih dơgrữq mơnuĩh gơnrơh dỡc tòpdar sơvan sì tòpdar dơgrữq mơnuĩh pô taha sì pàq anàq asỡq, pơviar rồp sì tơlơvàt Yàc Pô Lơngĩq, ",
|
|
"12": "Đơp laìq: A-men, kaya sơuôt mơyòp, kaya gahluh, kaya jãc rgơi, kaya ơn ngai, kaya mơang-mơyàc, ganuar-chơnuãq sì ganuar pran pơweh sì Yàc Pô Lơngĩq pơnõq drơi gãm gãm ôh luôiq. A-men! ",
|
|
"13": "Tũq nữn hũ sa aràc dơlãp dơgrữq pô taha taniã hlãq laìq: Dơgrữq mơnuĩh chồq ao atah kòq nữn la asơi, trôh mưng halơi? ",
|
|
"14": "Hlãq drơ laìq: Ơ ung, ung thơu kaya nữn, pô taha đơp sì hlãq laìq: Nữn la dơgrữq mơnuĩh tơviãq mưng kaya rũc-rai prõc. Song voh kòq ao atah drơi dơlãp dơrah Avo anàq. ",
|
|
"15": "Mưng nữn, pơnõq nhũ hũ dỡc pãq anãq sơvan Yàc Pô Lơngĩq, harơi sì mơlãp duh vruãq Yàc Pô Lơngĩq dơlãp sàc tơlơvàt Pitrai hũ; dòq Pitao dòq guh pãq sơvan ròq dòq sigơuq sì pơnõq nhũ. ",
|
|
"16": "Pơnõq nhũ ròq ôh kađòc lơpa, ôh mơhao ia tra; kung ôh bôh ia harơi, hela kaya pơđiãq kluaĩq halơi ngãq iãh pơnõq nhũ mĩn. ",
|
|
"17": "Mưng Avo anàq dòq pãq khrãh sơvan ròq iãq jàc pơnõq nhũ, sì dui-va pơnõq nhũ trôh pãq dơgrữq chroh ia kaya hadiuq, sì Yàc Pô Lơngĩq ròq uãq avih ia mơta di mơta pơnõq nhũ."
|
|
} |