See in Reader
16 lines
2.9 KiB
JSON
16 lines
2.9 KiB
JSON
{
|
|
"1": "Suet hlãq bôh pãq tơngãn hanuãq Pitao dòq guh pãq dlòc sơvan hũ sa vlah vơpòq hũ wãq gah dơlãp sì gah lơniao, sì hũ pơc tơjuh voh nữm. ",
|
|
"2": "Hlãq kung bôh sa mơnuĩh gơnrơh pran khãc mãq sãp prõc akhàt laìq: Mơnuĩh halơi iơuq viãq pơh sơrãq vơpòq nĩ sì suãq dơgrữq nữm nĩ? ",
|
|
"3": "Ôh sa aràc asơi pãq dlòc lơngĩq, pãq hlồq hela pãq ala hlồq rgơi pơh hela iãq sơrãq nữn jơc. ",
|
|
"4": "Hlãq sia lu viãq, mưng ôh bôh mơnuĩh halơi đang mang pơh hela iãq sơrãq nữn. ",
|
|
"5": "Nữn sa aràc dơlãp dơgrữq mơnuĩh pô taha đơp sì hlãq laìq: Juơi sia, dih, rơmong phum pơjẽh pơtiàt Ju-đa, la phuôt akha Da-vit song pha rlao pioh rgơi pơh sơrãq nữn sì suãq tơjuh voh nữm tơviãq.",
|
|
"6": "Hlãq bôh wơq pãq khrãh sơvan sì pàq anàq asỡq, sì pãq khrãh dơgrữq mơnuĩh pô taha, hlãq bôh sa drơi Avo anàq dỡc nhũ ngãq yơu song ãt kađòc pamơtai, Avo anàq hũ tơjuh tơkìq sì tơjuh mơta, la tơjuh vơngãq Yàc Pô Lơngĩq pơđar nao vãq avih voh hlồq. ",
|
|
"7": "Avo anàq nao trôh, mãq sơrãq vơpòq mưng tơngãn hanuãq Pitao dòq guh pãq dlòc sơvan. ",
|
|
"8": "Dơlãp tũq mãq sơrãq pàq anàq asỡq sì dua plôh pàq pô taha paviar rồp pãq anãq Avo anàq, tãl aràc pơnõq nhũ apãt kanhi sì dơgrữq kơdoh ngãq sì mữh vãq thồp gơhluh, nữn la dơgrữq pơnuaĩq iơu lơkơu dơgrữq mơnuĩh sơđah sơchih.",
|
|
"9": "Pơnõq nhũ adoh sa kaya adoh vơhrơu laìq:Pitrai đang mang mãq sơrãqSì pơh dơgrữq nữm tơviãq, mưng Pitrai song ãt pamơtai,Mãq dơrah drơi tơvuh ga Yàc Pô lơngĩqDơgrữq mơnuĩh dơlãp avih dơgrữq pơjẽh pơtiàt, pơnuaĩq đơp, vual-vơla, sì lơgar,",
|
|
"10": "Sì Pitrai song ngãq ga dơgrữq mơnuĩh nữn tơviãq jơc lơgar mơnuĩh Pitao sì tơviãq jơc mơnuĩh ganuar pioh kaya tơlơvàt ga Yàc Pô Lơngĩq pơnõq drơi;Sì pơnõq nhũ apãt akõq dơlãp voh hlồq.",
|
|
"11": "Vloh yơu nữn hlãq iãq bôh sì hmỡq pơnuaĩq lu viãq mơnuĩh gơnrơh tòpdar sơvan, dơgrữq anàq asỡq sì dơgrữq mơnuĩh pô taha, ôh thơu hadup pơnuaĩq đơp mơnuĩh gơnrơh, gơnrơh lu tơlãc tơmơn. ",
|
|
"12": "Sigơuq adoh prõc laìq:Avo anàq song ãt pamơtaiĐang mang tồq mãq ganuar-chơnuãq, kaya mơda-ganãp, kaya jãc rgơi,Ganuar pran, kaya kwơ màng, kaya gahluh sì kaya sơuôt mơyòp.",
|
|
"13": "Hlãq hmỡq avih dơgrữq kaya chrơng pơjơc pãq dlòc lơngĩq, pãq hlồq, pãq ala hlồq, pãq ia tơsìq, sì avih dơgrữq kaya dơlãp dơgrữq anĩh nữn đơp sigơuq laìq:Lơkơu Pitao dòq guh pãq dlòc sơvan sigơuq sì Avo anàqHũ kaya sơuôt mơyòp, kaya mơang-mơyàc, kaya gahluh sì kaya ganuar pran dòq gãm gãm ôh luôiq!",
|
|
"14": "Sì lơmã drơi anàq asỡq đơp laìq: A-men! Sì dơgrữq mơnuĩh pô taha pơđih rồp sì kakôh tơlơvàt."
|
|
} |