See in Reader
13 lines
2.4 KiB
JSON
13 lines
2.4 KiB
JSON
{
|
|
"1": "Hadơi sì nữn hlãq iãq bôh, dih, sa voh bãc pơh tơviãq pãq dlòc lơngĩq, sì pơnuaĩq hlãq song hmỡq mưng chơmrờp đơp sì hlãq yơu tơliãq mơnhĩ, pơnuaĩq nữn đơp sì hlãq laìq; đìq pãq nĩ vẽq, kơu ròq tơchơi ga hã dơgrữq kaya iơuq tơviãq trôh hadơi.",
|
|
"2": "Tũq nữn mư hlãq hũ lơheh-lơhuai mưng Yàc Vơngãq, sì nĩ, hũ sa voh sơvan pãq dlòc lơngĩq, sì hũ sa Pitao dòq guh di sơvan nữn. ",
|
|
"3": "Pitao dòq guh pãq nữn sơđah kachràq yơu pơtơu-mang kachràq sì pơtơu-mang mưriãq, sì tòpdar hũ sa voh, ",
|
|
"4": "Tòpdar sơvan nữn hũ dua plôh pàq voh sơvan tơmo, pãq dlòc sơvan nĩ, hũ dua plôh pàq aràc pô taha dòq guh, pơnõq nhũ chồq ao kòq sì pãq akõq pơnõq nhũ truãq chrơng ngãq sì mữh.",
|
|
"5": "Mưng sơvan nữn tơviãq talia liãq sì sãp katãl tãq; sì pãq anãq sơvan nữn hũ tơjuh voh sơnuh apôi, nữn la tơjuh vơngãq Yàc Pô Lơngĩq. ",
|
|
"6": "Pãq anãq sơvan hũ ia tơsìq krơh drơh yơu krơh sơđah kòq, pãq khrãh pãq gah tòpdar sơvan, hũ pàq drơi anàq asỡq, pãq anãq pãq hadơi pơnõq nhũ hũ lu mơta. ",
|
|
"7": "Anàq asỡq chơmrờp yơu rơmong phum, anàq dua yơu lơmo tơno, anàq tlơu mơta yơu mơta anàq mơnuĩh, anàq pàq yơu chĩp klàc por. ",
|
|
"8": "Pàq anàq asỡq nữn, hũ nãm siaoq, tòpdar rồp sì gah dơlãp hũ lu mơta; mơlãp harơi ôh padơi priao tơgùq laìq:Sơđah blãc, sơđah blãc, sơđah blãc,Yàc la Yàc Pô Lơngĩq ganuar prõc vãq avih,Pitao song hũ, gãm hũ, sì ròq trôh!",
|
|
"9": "Sì tãl bãc dơgrữq anàq asỡq mãq kaya gahluh, kaya kwơ màc, kaya ơn ngai sì pioh ga Pitao dòq guh pãq sơvan nữn, la Pitao hadiuq dòq gãm gãm ôh luôiq. ",
|
|
"10": "Nữn dua plôh pàq mơnuĩh pô taha pơviar di anãq Pitao dòq guh pãq sơvan, sì kakôh tơlơvàt Pitrai la Pitao hadiuq dòq gãm gãm ôh luôiq. Pơnõq nhũ prah dơgrữq chrơng pitao pơnõq nhũ pãq anãq sơvan sì đơp laìq; ",
|
|
"11": "Tơlơvàt Yàc la Yàc Pô Lơngĩq pơnõq drơi, Pitrai la Pitao iơuq viãq tồq mãq kaya gahluh, kaya kwơ màc, sì ganuar-chơnuãq, mưng Pitrai song chrơng pơjơc avih dơgrữq kaya, sì kơyua mưng hatai khiãng dôman Pitrai nữn dơgrữq kaya nữn song hũ tơviãq jơc sì hũ chrơng pơjơc."
|
|
} |