See in Reader
17 lines
3.4 KiB
JSON
17 lines
3.4 KiB
JSON
{
|
|
"1": "Suet hlãq bôh sa aràc mơnuĩh gơnrơh trôt mưng dlòc lơngĩq, tơngãn apãt anàq tlir bãc lơvàc dơlãp sì sa dãc tơlơi prĩq prõc.",
|
|
"2": "Nhũ mãq akãq anàq grai nữn la anàq ala mưng kal, la phut kamlai la Sa-tan, sì akãq nhũ sa rơvơu thôt. ",
|
|
"3": "Prah nhũ dơlãp lơvàc prõc dơlãp krỡq bãc, sì pơc nữm, pioh ga nhũ ôh nao pagla dơgrữq vual-vơla tra, song tãl sa rơvơu thôt vloh. Hadơi sì nữn iơuq wàq nhũ dơlãp sa asit suơi.",
|
|
"4": "Nữn hlãq bôh dơgrữq sơvan, sì dơgrữq mơnuĩh dòq guh pãq đỡn, la mơnuĩh song hũ ganuar charnã. Hlãq kung bôh vơngãq yua dơgrữq mơnuĩh song ãt koh akõq kơyua mưng pơnuaĩq ngãq chưng mưng Yàc Je-su, yơu nữn mưng pơnuaĩq Yàc Pô Lơngĩq nữn la dơgrữq ôh duh tơlơvàt anàq asỡq sì vơngãq rồp nhũ, sì ôh tồq mãq nữm nhũ vãq thơi sì vãq plàq tơngãn drơi. pơnõq nhũ hũ hadiuq wơq, sì apãt akõq sigơuq sì Pitao Krist dơlãp sa rơvơu thôt.",
|
|
"5": "Nữn la kaya hadiuq wơq bãc chơmrờp, dòq dơgrữq mơnuĩh tơmo song mơtai nữn ôh hũ hadiuq wơq tãl trôh di sa rơvơu thôt song tãl vloh.",
|
|
"6": "Lơngai ga mơnuĩh halơi hũ vơnah dơlãp kaya hadiuq wơq bãc chơmrờp! Kaya mơtai bãc dua ôh hũ ganuar pãq dlòc pơnõq nhũ, yơu nữn pơnõq nhũ ròq ngãq jơc mơnuĩh ganuar pioh kaya kakôh tơlơvàt Yàc Pô Lơngĩq sì Pitao krist pơnõq nhũ apãt akõq sigơuq sì Pitrai dơlãp sa rơvơu thôt.",
|
|
"7": "Dơlãp tũq sa rơvơu thôt song tãl vloh, nữn kamlai Sa-tan hũ wàq tleh mưng di anĩh krỡq; ",
|
|
"8": "Nữn nhũ tơviãq nao pioh pagla dơgrữq vual-vơla dòq pàq gah voh hlồq, nữn la Got sì Ma-got pioh pơtõm pơnõq nhũ pioh nao mơsôh, katih pơnõq nhũ lu yơu choah ia tơsìq. ",
|
|
"9": "Pơnõq nhũ đìq vãq avih voh hlồq, grơwàc avih dơgrữq mơnuĩh sơđah sơchih sì pơlơi prõc khiãng dôman yơu nữn hũ apôi kluaĩq trôt mưng dlòc lơngĩq, sì chôh pơkãp pơnõq nhũ. ",
|
|
"10": "Dòq phut kamlai la mơnuĩh pagla pơnõq nhũ nữn ãt prah trôt dơlãp lơvàc apôi prõc sì siaoq; pãq anĩh nữn song hũ anàq asỡq sì dơgrữq mơnuĩh ganuar-huar vlữq lor. Pơnõq nhũ ròq ãt pơđìq pơđua mơlãp harơi gãm gãm ôh luôiq.",
|
|
"11": "Suet hlãq bôh sa sơvan kòq prõc sì Pitao dòq guh pãq dlòc sơvan; Lơngĩq tơnãh đuaĩq dơuq avih mưng di anãq Pitrai, ôh bôh anĩh halơi ga pơnõq nhũ tra. ",
|
|
"12": "Hlãq bôh dơgrữq mơnuĩh mơtai mơnuĩh prõc sì mơnuĩh tìt, dòq dỡc di anãq sơvan, sì dơgrữq sơrãq hũ pơh tơviãq. Kung hũ sa tãp sơrãq tơmo hũ pơh tơviãq mĩn la sơrãq kaya hadiuq. Dơgrữq mơnuĩh mơtai ãt charnã tui yơu dơgrữq kaya song wãq dơlãp dơgrữq sơrãq nữn, tui yơu dơgrữq vruãq pơnõq nhũ song ngãq ",
|
|
"13": "Tơsìq pơjao wơq dơgrữq mơnuĩh song mơtai dơlãp nhũ, kaya mơtai sì lơgar atơu kung pơjao wơq dơgrữq mơnuĩh mơtai dơlãp pơnõq nhũ, avih dơgrữq nhũ ãt charnã tui yơu dơgrữq vruãq pơnõq nhũ song ngãq. ",
|
|
"14": "Nữn kaya mơtai sì lơgar atơu ãt prah trôt dơlãp lơvàc apôi. Lơvàc apôi la kaya mơtai bãc dua. ",
|
|
"15": "Mơyah-laìq mơnuĩh halơi ôh hũ wãq angãn mơta dơlãp sơrãq kaya hadiuq nữn ãt prah dơlãp apôi nữn mĩn."
|
|
} |