See in Reader
23 lines
4.6 KiB
JSON
23 lines
4.6 KiB
JSON
{
|
|
"1": "Hadơi nữn, hlãq hmỡq pãq dlòc lơngĩq hũ pơnuaĩq driao prõc yơu tơpuôl lu đơp laìq: Ha-le-lu-ya! Kaya dõc pơtlah, kaya gahluh sì ganuar-chơnuãq pơweh mưng Yàc Pô Lơngĩq pơnõq drơi. ",
|
|
"2": "Mưng dơgrữq kaya charnã Pitrai la tơpãq viãq sì tơpãq dãng; Pitrai song charnã mơnuĩh kamơi dri prõc. La mơnuĩh song mãq kaya dri-drõc nhũ pioh ngãq lơhiãq lơmuiq pãq hlồq, sì Pitrai song đồq tơngãn di nhũ mưng dơrah dơgrữq halôt mơnãq Pitrai.",
|
|
"3": "Pơnõq nhũ đơp sa bãc tra laìq: Ha-le-lu-ya! Asãq nhũ nữn por tơgùq pãq dlòc tãl gãm gãm ôh luôiq. ",
|
|
"4": "Dua plôh pàq aràc mơnuĩh pô taha sigơuq sì pàq anàq asỡq pơviar kakôh tơlơvàt Yàc Pô Lơngĩq la Pitao dòq guh pãq dlòc sơvan, sì đơp laìq: A-men, Ha-le-lu-ya! ",
|
|
"5": "Mưng sơvan nữn hũ pơnuaĩq đơp laìq: Ơ avih dơgrữq pơnõq hã la halôt mơnãq Pitrai, sì dơgrữq mơnuĩh duh huaĩq di Pitrai, dơgrữq mơnuĩh tìt sì dơgrữq mơnuĩh prõc, sơuôt mơyòp Yàc Pô Lơngĩq pơnõq drơi.",
|
|
"6": "Suet hlãq hmỡq pơnuaĩq ngãq yơu sa pơnuaĩq sa tơpuôl lu, yơu pơnuaĩq ia hõq lu, sì yơu pơnuaĩq mơnhĩ dơnai prõc đơp laìq: Ha-le-lu-ya! Mưng Yàc la Yàc Pô Lơngĩq pơnõq drơi, la Pitao ganuar-chơnuãq vãq avih, jơc ganuar apãt akõq. ",
|
|
"7": "Mưng pơnõq drơi uôt sơh sì sơh sơr vẽq, sơuôt mơyòp vẽq Pitrai; Mưng kaya lơpơi Avo anàq song trôh vloh, sì sơdiuq Pitrai song rchãc-pơkhra vloh. ",
|
|
"8": "Song vrơi ga nhũ chồq ao pơcha lơmuơn sơđah kachràq sì sơđah sơchih, mưng pơcha lơmuơn nữn la dơgrữq vruãq ngãq tơpãq dãng dơgrữq mơnuĩh sơđah sơchih.",
|
|
"9": "Mơnuĩh gơnrơh đơp sì hlãq laìq; wãq vẽq pơnuaĩq nĩ, lơngai ga dơgrữq mơnuĩh hũ jàq trôh pãq anĩh bõc mơnhũm dơlãp kaya pơhuãq Avo anàq, nhũ đơp wơq laìq: Nữn la pơnuaĩq tơpãq viãq Yàc Pô Lơngĩq. ",
|
|
"10": "Tũq nữn, hlãq pơviar rồp di tơkai nhũ pioh duh tơlơvàt nhũ, yơu nữn nhũ đơp sì hlãq laìq: Juơi ngãq yơu nữn, kơu la mơnuĩh mơyơu duh vruãq sigơuq sì hã sì adơi sơai hã mĩn, la dơgrữq ngãq chưng mưng Yàc Je-su. Kakôh tơlơvàt vẽq Yàc Pô Lơngĩq. dơgrữq mơnuĩh ngãq chưng mưng Yàc Je-su nữn hũ Yàc Vơngãq ngãq lơheh-lơhuai kung yơu dơgrữq mơnuĩh ganuar-huar.",
|
|
"11": "Suet hlãq bôh lơngĩq pơh tơviãq, hũ sa drơi aseh kòq, Pitao đìq pãq dlòc aseh nữn angãn la Pitao tui tơpãq sì tơpãq viãq; Pitrai charnã sì mơsôh-tui kaya tơpãq dãng. ",
|
|
"12": "Mơta Pitrai drơh yơu dalah apôi, akõq truãq lu chrơng pitao; hũ wãq angãn, angãn nữn rlao sì Pitrai ôh hũ mơnuĩh halơi thơu. ",
|
|
"13": "Pitrai chồq ao nhòm dơrah, angãn Pitrai la pơnuaĩq Yàc Pô Lơngĩq. ",
|
|
"14": "Dơgrữq tơpuôl ling pãq dlòc lơngĩq chồq ao pơcha lơmuơn kòq sơđah sơchih, đìq aseh kòq nao tui Pitrai. ",
|
|
"15": "Hũ sa bẽq đao hluơq tơviãq mưng chơboai Pitrai pioh ngãq dơgrữq vual-vơla; pitrai ròq angui gai jra vơsơi pioh apãt akõq pơnõq nhũ, Pitrai ròq juãq lơsũc alãc kaya mvai prõc Yàc Pô Lơngĩq ganuar-chơnuãq. ",
|
|
"16": "Pãq dlòc ao sì pãq pha Pitrai hũ wãq sa angãn laìq: Pitao dơgrữq pitao, sì Yàc dơgrữq Yàc.",
|
|
"17": "Nữn hlãq bôh sa aràc mơnuĩh gơnrơh dỡc dơlãp ia harơi. Nhũ priao prõc pơđar avih dơgrữq chĩp por pãq khrãh lơngĩq laìq: Nao trôh vẽq pơtõm pãq anĩh bõc mơnhũm prõc Yàc Pô Lơngĩq. ",
|
|
"18": "Pioh bõc rlo dơgrữq mơnuĩh pitao, rlo dơgrữq mơnuĩh pô prõc mưsôh, rlo dơgrữq mơnuĩh pran khãc, rlo dơgrữq aseh sì rlo dơgrữq mơnuĩh đìq aseh, sì rlo avih dơgrữq mơnuĩh, mơnuĩh lơnang-lơnai sì rlo mơnuĩh halôt mơnãq, mơnuĩh tìt sì mơnuĩh prõc. ",
|
|
"19": "Hlãq bôh anàq asỡq sì dơgrữq pitao pãq hlồq sigơuq sì dơgrữq tơpuôl ling pơnõq nhũ, pơjũm sigơuq pioh mưsôh sì Pitao đìq aseh, sigơuq sì tơpuôl ling Pitrai. ",
|
|
"20": "Anàq asỡq kađòc mãq, sigơuq sì mơnuĩh ganuar-huar vlữq lor la mơnuĩh song ngãq dơgrữq nữm krơi pãq anãq nhũ, pioh pagla dơgrữq mơnuĩh song tồq nữm anàq asỡq sì dơgrữq mơnuĩh kakôh tơlơvàt vơngãq rồp nhũ; Dua aràc pơnõq nhũ dòq hadiuq sì ãt prah dơlãp lơvàc apôi prõc sì siaoq. ",
|
|
"21": "Dơgrữq mơnuĩh dòq wơq nữn ãt tlơuq mơtai sì đao tơviãq mưng di chơboai Pitao đìq aseh, sì avih dơgrữq chĩp hũ bõc trơi rlo pơnõq nhũ."
|
|
} |