See in Reader
23 lines
4.0 KiB
JSON
23 lines
4.0 KiB
JSON
{
|
|
"1": "Tũq nữn, hlãq hmỡq sa pơnuaĩq prõc mưng dơlãp sàc tơlơvàt tơviãq, đơp sì tơjuh mơnuĩh gơnrơh laìq: Nao vẽq, tuh tơjuh jơlũq kaya lơmùq-mvai Yàc Pô Lơngĩq trôt hlồq.",
|
|
"2": "Mơnuĩh gơnrơh bãc sa nao tuh jơlũq nhũ trôt hlồq, nữn tơviãq kaya katãl iãh sơnãc sì pơđìq pơđua pãq dlòc dơgrữq mơnuĩh hũ nữm anàq asỡq pàq bẽq tơkai sì dơgrữq mơnuĩh kakôh tơlơvàt vơngãq rồp nhũ.",
|
|
"3": "Mơnuĩh gơnrơh bãc dua, tuh jơlũq nhũ trôt tơsìq, nữn ia tơsìq tơviãq jơc dơrah, yơu dơrah mơnuĩh mơtai, yơu nữn avih dơgrữq kaya dòq dơlãp tơsìq mơtai avih. ",
|
|
"4": "Mơnuĩh gơnrơh bãc tlơu, tuh jơlũq nhũ trôt dơgrữq kròc sì dơgrữq chroh ia, nữn ia tơviãq jơc dơrah. ",
|
|
"5": "Hlãq hmỡq mơnuĩh gơnrơh dơgrữq ia đơp laìq: Ơ Pitao tũq nĩ bôh sì song bôh, la Pitao sơđah sơchih, Pitrai la tơpãq dãng, mưng Pitrai song charnã yơu nữn. ",
|
|
"6": "Kơyua mưng pơnõq nhũ song ngãq hõq dơrah dơgrữq mơnuĩh sơđah sơchih sì dơgrữq mơnuĩh ganuar-huar, sì Pitrai song vrơi ga pơnõq nhũ mơnhũm dơrah; la iơuq viãq. ",
|
|
"7": "Hlãq hmỡq wơq ban tơlơvàt đơp laìq: Viãq. Ơ Yàc, la Yàc Pô Lơngĩq ganuar-chơnuãq, dơgrữq kaya charnã Pitrai la tin tơpãq sì tơpãq dãng. ",
|
|
"8": "Mơnuĩh gơnrơh bãc pàq tuh jơlũq nhũ pãq dlòc ia harơi, nữn ia harơi hũ ganuar mãq apôi chôh anàq mơnuĩh. ",
|
|
"9": "Anàq mơnuĩh ãt apôi kluaĩq viãq chôh, pơnõq nhũ ròq đơp sơvil di angãn Yàc Pô Lơngĩq la Pitao hũ ganuar pãq dlòc kaya dleh dlàr nữn, sì pơnõq nhũ kung ôh mvai tlàq dlaìq sì sơuôt mơyòp Yàc Pô Lơngĩq.",
|
|
"10": "Mơnuĩh gơnrơh bãc lơmã tuh jơlũq nhũ pãq dlòc sơvan anàq asỡq pàq bẽq tơkai, nữn lơgar nhũ tơviãq jơc sồp kanãm, anàq mơnuĩh ròq kẽq dalah mưng kaya dleh dlàr. ",
|
|
"11": "Sì mưng kaya pơđìq pơđua katãl pơnõq nhũ, yơu nữn pơnõq nhũ đơp sơvil di Yàc Pô Lơngĩq pãq dlòc lơngĩq, yơu nữn ôh mvai tlàq dlaìq vruãq ngãq drơi.",
|
|
"12": "Mơnuĩh gơnrơh bãc nãm tuh jơlũq nhũ trôt kròc prõc Ơ-phơ-rat, kròc nữn thô-thiãq mư, pioh rchãc-pơkhra jalàt ga dơgrữq pitao mưng gah ia harơi tơgùq hũ jalàt nao. ",
|
|
"13": "Hlãq bôh mưng chơboai anàq grai, anàq asỡq pàq bẽq tơkai, chơboai mơnuĩh ganuar-huar vlữq lor bôh tlơu vơngãq kamlai tơviãq, yơu anàq kiauq. ",
|
|
"14": "Nữn la dơgrữq vơngãq kamlai Satan, ngãq nữm krơi nao trôh sì dơgrữq pitao vãq avih dun-kayua, pơnõq nhũ pơjũm pơgõm wơ sigơuq pioh avih pitao nao mưsôh dơlãp harơi prõc Yàc Pô Lơngĩq ganuar-chơnuãq. ",
|
|
"15": "Nĩ, kơu trôh yơu mơnuĩh tlẽq. Lơngai ga mơnuĩh mưoah mưdơh sì rơmiãq jàc ao drơi, pioh ôh nao kalôh, sì mơnuĩh ôh bôh kaya mơlơu alah drơi lơiq. ",
|
|
"16": "Pơnõq nhũ pơjũm pơtõm gơuq wơq sa anĩh, tui pơnuaĩq He-bơ-rơ angãn la Ha-ma-ghe-đôn.",
|
|
"17": "Mơnuĩh gơnrơh bãc tơjuh tuh jơlũq nhũ trôt pãq khrãh lơwah, nữn hũ pơnuaĩq prõc mưng sơvan dơlãp sàc tơlơvàt tơviãq đơp laìq: Vloh. ",
|
|
"18": "Nữn mư, hũ tơlia liãq, grim, katãl tãq sì mơgơi hlồq prõc, mưng tũq hũ anàq mơnuĩh pãq hlồq ka-ôh bôh kaya mơgơi hlồq prõc yơu nữn. ",
|
|
"19": "Pơlơi prõc pachalah tơviãq jơc tlơu vơnah, dòq dơgrữq pơlơi prõc dơgrữq lơgar tarơyah. Sì Yàc Pô Lơngĩq sơdơr trôh pơlơi prõc Ba-bi-lôn, pioh vrơi ga nhũ mơnhũm choàt alãc kaya lơmùq-mvai Pitrai, ",
|
|
"20": "Dơgrữq vlao lơhiãq avih, dơgrữq chỡq kung ôh bôh tra. ",
|
|
"21": "Dơgrữq akhar hajàt plier prõc, trãq pơgãp pàq plôh ki-lô-gam, mưng lơngĩq hõq trôt pãq dlòc anàq mơnuĩh, mưng anàq mơnuĩh đơp sơvil trôh Yàc Pô Lơngĩq kơyua mưng kaya dleh dlàr hajàt plier nữn, mưng nữn la kaya dleh dlàr sơvỡc rữc."
|
|
} |