See in Reader
20 lines
3.7 KiB
JSON
20 lines
3.7 KiB
JSON
{
|
|
"1": "Hadơi nữn, pãq dlòc lơngĩq tơviãq hũ sa nữm krơi prõc, hũ sa aràc mơnuĩh kamơi chồq ia harơi yơu ao, hũ ia vlàt di ala tơkai nhũ, pãq akõq nhũ truãq sa plôh dua pitỗq drơh yơu chrơng pitao. ",
|
|
"2": "Nhũ mơtiàt, sì priao prõc mưng kaya đeh nhũ pơđìq pađua. ",
|
|
"3": "Pãq dlòc lơngĩq kung tơviãq hũ sa nữm krơi tơmo tra mĩn: Dih, bôh sa drơi anàq grai mưriãq prõc, hũ tơjuh akõq sì sa plôh tơkìq, dơgrữq akõq nhũ truãq tơjuh voh chrơng pitao. ",
|
|
"4": "Akô nhũ katũc sa vơnah tlơu dơgrữq pitỗq dlòc lơngĩq sì prah trôt voh hlồq. Anàq grai nữn dỡc di anãq mơnuĩh kamơi jẽq đeh, pioh nhũ rgơi bõc luôt anàq mơnuĩh kamơi dơlãp tũq đeh vloh.",
|
|
"5": "Mơnuĩh kamơi nữn đeh sa aràc anàq lakơi, anàq lakơi nữn ròq apãt sa voh gai vơsơi pioh apãt akõq dơgrữq vual-vơla. Yơu nữn anàq lakơi nữn hũ va tơgùq trôh pãq Yàc Pô Lơngĩq, trôh pãq sơvan Pitrai hũ. ",
|
|
"6": "Dòq mơnuĩh kamơi nữn đuaĩq dơuq pãq blàc soa, sì pãq đỡn nhũ hũ sa anĩh Yàc Pô Lơngĩq song rchãc lơih ga nhũ, pãq đỡn nhũ hũ chiẽp-ròc dơlãp sa rơvơu dua ratôh nãm plôh harơi.",
|
|
"7": "Tũq nữn, pãq dlòc lơngĩq hũ kaya poh mưsôh; Mi-chen sì dơgrữq mơnuĩh gơnrơh nhũ ling poh mưsôh sì anàq grai, anàq grai sì dơgrữq mơnuĩh gơnrơh nhũ poh mơsôh wơq, ",
|
|
"8": "Yơu nữn pơnõq nhũ ãt alah, sì pãq dlòc lơngĩq ôh dòq bôh anĩh halơi ga pơnõq nhũ tra. ",
|
|
"9": "Anàq grai prõc ãt prah, nữn la anàq ala mơkal, angãn la phut kamlai sì kamlai Sa-tan, la mơnuĩh aniãi avih dun-kayua; Nhũ ãt prah voh hlồq sì dơgrữq mơnuĩh gơnrơh nhũ kung ãt prah sigơuq sì nhũ.",
|
|
"10": "Hlãq hmỡq mưng dlòc lơngĩq hũ pơnuaĩq đơp prõc laìq:Tũq nĩ, Pitao dõc pơtlah, ganuar-chơnuãq,Lơgar Yàc Pô Lơngĩq pơnõq drơi hũ,Sì ganuar Pitao Krist Pitrai hũ song trôh,Mưng mơnuĩh yãq vãq adơi sơai pơnõq drơi, mơlãp sì harơi yãq vãq pơnõq nhũ pãq anãq Yàc Pô Lơngĩq pơnõq drơi,Song ãt prah vloh,",
|
|
"11": "Pơnõq nhũ song hũ pha rlao phut kamlai kơyua mưng ganang di dơrah Avo anàq, sì ganang di pơnuaĩq ngãq chưng pơnõq nhũ, mưng pơnõq nhũ ôh ưng sì ôh plai kaya hadiuq drơi trôh tũq mơtai. ",
|
|
"12": "Yơu nữn, ơ dơgrữq tãl lơngĩq sì dơgrữq mơnuĩh dòq pãq đỡn, uôt sơh vẽq! Yơu nữn dleh dlàr ga hlồq tơnãh sì ia tơsìq, mưng phut kamlai lơmùq-mvai prõc sì trôt trôh pãq pơnõq hã, kơyua mưng nhũ thơu tũq harơi nhũ ôh dòq suơi tra!",
|
|
"13": "Bãc anàq grai bôh nhũ song kađòc prah dơlãp voh hlồq, nữn nhũ pơgui tui mơnuĩh kamơi song đeh anàq lakơi. ",
|
|
"14": "Yơu nữn mơnuĩh kamơi tồq mãq dua voh siaoq klàc-rơya prõc, tồq nhũ rgơi por pleh mưng anàq ala sì trôh pãq anĩh nhũ dòq dơlãp blàc soa; pãq đỡn nhũ hũ chiẽp-ròc dơlãp sa harơi, dơgrữq harơi sì mưtơh. ",
|
|
"15": "Anàq ala prôh ia mưng di chơboai nhũ, tơviãq jơc yơu sa voh kròc tui mưng hadơi mơnuĩh kamơi, pioh pơđuaĩq nhũ dơlãp kròc ia nữn. ",
|
|
"16": "Yơu nữn, voh hlồq dõc đơ mơnuĩh kamơi; mưng hlồq pơh chơboai dui ia sì anàq grai song kaprôh mưng chơboai nhũ. ",
|
|
"17": "Yơu nữn, anàq grai lơmùq-mvai di mơnuĩh kamơi, sì nao mưsôh sì dơgrữq mơnuĩh tơmo dơlãp pơjẽh pơtiàt mơnuĩh kamơi nữn, la dơgrữq mơnuĩh rơmiãq jàc dơgrữq voh-va Yàc Pô Lơngĩq sì hũ pơnuaĩq ngãq chưng mưng Yàc Je-su. ",
|
|
"18": "Anàq grai dỡc pãq choah ia tơsìq."
|
|
} |