See in Reader
24 lines
4.4 KiB
JSON
24 lines
4.4 KiB
JSON
{
|
|
"1": "Patui nữn, mơnuĩh gơnrơh pơto ga hlãq bôh kròc ia kaya hadiuq, ia sơdah yơu chai kràc. Kròc vơngũn duaĩq mưng sơvan Yàc Pô Lơngĩq sì Avo Anàq,",
|
|
"2": "dòq dơlãp khrah jơlàt palơi prong hũ. Dua gah kròc ia la kayơu kaya hadiuq pajỡc tơviãq sa plôh dua pơjẽh voh kayơu, dơgrữq vlàt kung tơviãq voh. Hlàq kayơu nữn angui pioh pasồq pakhơĩh ga dơgrữq vual vơla. ",
|
|
"3": "Sì ròq ôh dòq kaya sơtãp rơmãh halơi tơra. Sơvan Yàc Pô Lơngĩq sì Avo Anàq hũ ròq dòq dơlãp palơi prong, sì dơgrữq mơnuĩh halỗt mơnãq Pitrai ròq duh vruãq Pitrai. ",
|
|
"4": "Pơnõq nhũ ròq bôh bòq mơta Pitrai, sì angãn Pitrai ròq wãq pãq thơi pơnõq nhũ. ",
|
|
"5": "Ròq ôh hũ dlài mơlãp, anàq mơnuĩh ròq ôh chàc kaya sơdah apôi đeng hẽla kaya sơdah ia harơi, kơyua Yàc la Yàc Pô Lơngĩq ròq pơsàc sơdah ga pơnõq nhũ, sì pơnõq nhũ ròq apãt akõq gãm gãm, ôh luỗiq. ",
|
|
"6": "Vloh mơnuĩh gơnrơh đơp sì hlãq, \"Dơgrữq pơnuaĩq nĩ kung đang mang chàc gơnang sì tơpãq viãq. Yàc, nữn la Yàc Pô Lơngĩq vơngãq hatai dơgrữq mơnuĩh gơnuar hwơr, song pơđar mơnuĩh gơnrơh Pitrai vrơi pa-thơu ga dơgrữq mơnuĩh halỗt mơnãq Pitrai dơgrữq vruãq iỡuq sơmar tơviãq trôh.\" ",
|
|
"7": "\"Nĩ! Kơu ròq trôh sơmar! Lơngai ga mơnuĩh rơmiãq jàc dơgrữq pơnuaĩq hwơr dơlãp sơrãq nĩ.\" ",
|
|
"8": "Hlãq, Jãng, la mơnuĩh song bôh sì hmỡq dơgrữq vruãq nĩ. Dơlãp tũq hlãq hmỡq sì bôh yơu nữn, hlãq vơviar rùp trỗt pioh duh talơvãt mơnuĩh gơnrơh song vrơi pa-thơu ga hlãq dơgrữq vruãq nữn. ",
|
|
"9": "Nữn mơnuĩh gơnrơh đơp sì hlãq, \"Jươi ngãq yơu nữn! Hlãq kung la mơnuĩh halỗt mơnãq yơu sơai, yơu dơgrữq pơnõq adơi sơai gơnuar hwơr sơai hũ, sì yơu dơgrữq mơnuĩh rơmiãq jàc dơgrữq pơnuaĩq dơlãp sơrãq nĩ. Iỡuq duh talơvãt Yàc Pô Lơngĩq vẽq!\" ",
|
|
"10": "Vloh nhũ pơđar hlãq, \"Juơi krỡq tap-ban-kiq dơgrữq pơnuaĩq hwơr dơlãp sơrãq nĩ, kơyua tũq jơ song jẽq trôh. ",
|
|
"11": "Mơnuĩh halơi ôh ngãq tơpãq, nữn miẽt ôh ngãq tơpãq. Mơnuĩh halơi tơsỡuq nrãc, nữn miẽt tơsỡuq nrãc. Mơnuĩh halơi tơpãq dãng, nữn miẽt tơpãq dãng. Mơnuĩh halơi sơđah sơchih, nữn miẽt sơđah sơchih.\" ",
|
|
"12": "\"Nĩ! Kơu ròq trôh sơmar, sì va kaya ban gãm sì Kơu pioh alĩn vrơi ga dơgrữq mơnuĩh tui yơu vruãq pơnõq nhũ song ngãq. ",
|
|
"13": "Kơu la Al-pha sì Ô-me-ga, Pitao chơmrờp sì luỗiq hadơi, Pitao pơdòq chơmrờp sì luỗiq hadơi. ",
|
|
"14": "Lơngai ga dơgrữq mơnuĩh voh sơchih ao drơi, pioh hũ gơnuar nao trôh pãq kayơu kaya hadiuq, sì hũ gơnuar tơma gãt dơgrữq sơvòq bãc nữn tơma dơlãp palơi prong. ",
|
|
"15": "Dòq gah lơniãu la anàq asơu, dơgrữq mơnuĩh ngãq pajơu, mơnuĩh arĩh athãm, mơnuĩh pa-mơtai mơnuĩh, mơnuĩh duh talơvãt rùp rãp, sigỡuq sì dơgrữq mơnuĩh khiãng sơh sì ngãq vruãq vlữq lor. ",
|
|
"16": "Kơu, la Je-su, song pơđar mơnuĩh gơnrơh kơu trôh ngãq chưng ga anàq mưng dơgrữq vruãq nữn pioh akhàt payơr ga dơgrữq sàc pơjũm sơđah. Kơu la phuỗt vơngũn sì anàq tơcho Da-vĩt hũ, la Pitỗq Mơ-ờp sơdah kơchràq.\" ",
|
|
"17": "Yàc Vơngãq sigỡuq sì Sơdiuq Kamơi đơp, \"Trôh vẽq!\" Yơu nữn mơnuĩh halơi hmỡq, kung đơp vẽq, \"Lakơu trôh vẽq!\" Mơnuĩh halơi mơhao ia, trôh vẽq, sì mơnuĩh halơi ưng, iỡuq tồq mãq ia kaya hadiuq vrơi soh. ",
|
|
"18": "Hlãq ngãq chưng ga dơgrữq mơnuĩh hmỡq pơnuaĩq hwơr dơlãp sơrãq nĩ, làiq: Mơyah-làiq mơnuĩh halơi pơtãl tơmã sơrãq hwơr nĩ kaya halơi, nữn Yàc Pô Lơngĩq ròq pơtãl ga mơnuĩh nữn dơgrữq kaya rũc rài song wãq dơlãp sơrãq nĩ. ",
|
|
"19": "Mơyah làiq mơnuĩh halơi suãq tơviãq sa-asĩt dơgrữq pơnuaĩq dơlãp sơrãq hwơr nĩ nữn Yàc Pô Lơngĩq ròq va nao vơnah mơnuĩh nữn hũ mưng kayơu kaya hadiuq sì mưng palơi sơđah sơchih hũ gơnuar dơlãp sơrãq nĩ. ",
|
|
"20": "Pitao ngãq chưng ga dơgrữq vruãq nĩ đơp, \"Viãq! Kơu ròq trôh sơmar.\" A-men! Talơvãt Yàc Je-su, lakơu trôh vẽq! ",
|
|
"21": "Lakơu kaya anĩt Yàc Je-su hũ dòq sigỡuq sì avih dơgrữq mơnuĩh gơnuar pơđar sơđah. A-men. "
|
|
}
|