See in Reader
22 lines
4.7 KiB
JSON
22 lines
4.7 KiB
JSON
{
|
|
"1": "Patui nữn, hlãq hũ pơjao vrơi kayơu tơràc pioh angui ngãq sơnua dũq, sì hmỡq pơđar làiq, \"Iỡuq tơgùq dỡc sơnua dũq sàc duh talơvãt Yàc Pô Lơngĩq hũ sì ban talơvãt, sigỡuq sì dơgrữq mơnuĩh duh talơvãt dơlãp đỡn. ",
|
|
"2": "Nữn iỡuq luơi wỡq làt gah lơniãu sàc duh talơvãt, juơi sơnua dũq ngãq hagĩq, kơyua nhũ song hũ pơjao luơi ga dơgrữq vual vơla lơniãu. Pơnõq nhũ ròq juãq jơlì palơi prong sơđah sơchih dơlãp pàq plôh dua vlàt. ",
|
|
"3": "Kơu ròq vrơi gơnuar ga dua aràc mơnuĩh ngãq chưng Kơu hũ, chồq ao vlơu, pơnõq nhũ ròq đơp hwơr dơlãp sarơvơu dua rơtôh nãm plôh harơi.\" ",
|
|
"4": "Dua aràc mơnuĩh ngãq chưng nĩ la dua bẽq kayơu ô-liu sì dua bẽq tơkai apôi đeng dỡc pãq anãq Yàc voh hlùq hũ. ",
|
|
"5": "Mơyah làiq asơi sơga ngãq iãh pơnõq nhũ nữn hũ apôi tơviãq mưng mơvah pơnõq nhũ chôh gơhuar mơnuĩh jơdrãq sì drơi. Mơyah làiq mơnuĩh halơi ưng ngãq iãh pơnõq nhũ nữn iỡuq kađòc pa-mơtai yơu nữn. ",
|
|
"6": "Pơnõq nhũ hũ gơnuar krỡq tãl lơngĩq pioh ôh hũ hajàt dơlãp harơi pơnõq nhũ đơp hwơr. Pơnõq nhũ hũ gơnuar pãq dlòc ia pioh ngãq ia tơviãq jỡc dơrãh sì ngãq iãh pơhãn voh hlùq mưng tãl dơgrữq kaya rũc rài dơlãp tũq halơi nữn pơnõq nhũ ưng. ",
|
|
"7": "Dơlãp tũq pơnõq nhũ song ngãq chưng vloh nữn anàq asỡq mưng thòc dơlãp ôh hũ tơkai tơgùq ròq mơsôh atòc sì pơnõq nhũ. Nhũ ròq pha rlao sì pơnõq nhũ sì pa-mơtai pơnõq nhũ. ",
|
|
"8": "Rùp atơu pơnõq nhũ hũ ròq đih pãq dlòc jơlàt prong palơi prong hũ ( hũ angãn iơu pa-mơyơu yơu la Sô-đôm sì E-jip-tơ), kung la anĩh Yàc pơnõq nhũ kađòc pỡc đĩn hũ. ",
|
|
"9": "Dơlãp tlơu harơi sa mơtơh, hũ tơkìq mơnuĩh mưng dơgrữq vual vơla, apõc pơtiàt, pơnuaĩq ơkhar sì palơi lơgar ròq iãq rùp atơu pơnõq nhũ hũ sì ôh vrơi va dor dơgrữq rùp atơu nữn. ",
|
|
"10": "Vual vơla pãq dlòc vloh hlùq ròq uỗt sơh mưng pơnõq nhũ sì bõc uỗt sơh. Tơpuôl nhũ vloh kung pơyua kaya alĩn ga gỡuq kơyua dua aràc mơnuĩh gơnuar hwơr nữn song ngãq ga vual vơla pãq dlòc voh hlùq iỡuq ãt dleh dlar. ",
|
|
"11": "Nữn hadơi tlơu harơi sa-mơtơh, yuà hadiuq mưng Yàc Pô Lơngĩq ròq tơma dơlãp pơnõq nhũ, pơnõq nhũ ròq tơgùq dỡc pãq dlòc tơkai drơi, sì dơgrữq mơnuĩh iãq bôh pơnõq nhũ ròq kơtuãq huaĩq viãq. ",
|
|
"12": "Vloh pơnõq nhũ ròq hmỡq sa sãp prong mưng dlòc lơngĩq đơp sì drơi, làiq, \"Iỡuq đìq tơgùq pãq đì!\" Sì pơnõq nhũ ròq đìq tơgùq lơngĩq dơlãp pỗc huãl, ãn sì tũq dơgrữq mơnuĩh jơdrãq sì pơnõq nhũ tơlàq iãq pơnõq nhũ. ",
|
|
"13": "Dơlãp tũq nữn ròq hũ sa kaya sơđô mơgơi tơnãh prong sì sa vơnah saplôh palơi prong hũ ròq jơlưh trỗt. Ròq hũ tơjuh rơvơu mơnuĩh mơtai dơlãp kaya sơđô mơgơi tơnãh, sì dơgrữq mơnuĩh dòq hadiuq ròq tơtơh huaĩq nữn sơ-uỗt mơyòp Yàc Pô Ngĩq pãq dlòc lơngĩq. ",
|
|
"14": "Kaya rũc rài bãc dua song tơpa gãt. Dih! Kaya rũc rài bãc tlơu ròq sơmar tơviãq trôh. ",
|
|
"15": "Vloh mơnuĩh gơnrơh bãc tơjuh ayùq gơdèt, sì hũ dơgrữq sãp đơp prong pãq dlòc lơngĩq, làiq, \"Palơi lơgar dun kơyua song tơviãq jỡc palơi lơgar Yàc pơnõq drơi hũ sì Pitao ãt pa-vuh mơnhàq Pitrai hũ. Pitrai ròq apãt akõq gãm gãm, ôh luỗiq.\" ",
|
|
"16": "Vloh dua plôh pàq aràc pô tơha dòq guh pãq dlòc sơvan pãq anãq Yàc Pô Lơngĩq vơviar rùp trỗt duh talơvãt Yàc Pô Lơngĩq. ",
|
|
"17": "Pơnõq nhũ đơp, \"Talơvãt Yàc la Yàc Pô Lơngĩq gơnuar chơnuãq, Pitao gãm hũ sì song hũ, pơnõq hlãq ỡn ngai Pitrai kơyua Pitrai song apãt mãq gơnuar chơnuãq prong viãq Pitrai hũ sì song pơdòq apãt akõq. ",
|
|
"18": "Dơgrữq vual-vơla lơmùq mơvai, nữn kaya ơnõc mơvai prong Pitrai song trôh. Nĩ la tũq chahrơna mơnuĩh mơtai, vrơi kaya alĩn ga dơgrữq halỗt mơnãq Pitrai, nữn la dơgrữq mơnuĩh gơnuar hwơr sigỡuq sì dơgrữq mơnuĩh gơnuar pơđar sơđah, sì vrơi ga dơgrữq mơnuĩh duh huaĩq angãn Pitrai, mơnuĩh lơđeh gãm sì mơnuĩh prong, sì pa-lơhiãq dơgrữq mơnuĩh ãn pa-lơhiãq voh hlùq.\" ",
|
|
"19": "Vloh sàc duh talơvãt Yàc Pô Lơngĩq hũ dòq pãq dlòc lơngĩq pơh tơviãq sì vòc pơnuaĩq hẽ grưh Yàc hũ nữn iãq bôh gah dơlãp sàc talơvãt Pitrai. Hũ tơlia liãq, sãp gring grang, sãp grĩm sỡm-wàc, sơđô mơgơi tơnãh sì hajàt patơu prong. "
|
|
}
|