See in Reader
23 lines
4.2 KiB
JSON
23 lines
4.2 KiB
JSON
{
|
|
"1": "Nĩ la kaya akhàt tơviãq pơnuaĩq dơđỡuq Yàc Dõc Pơ-tlah Je-su hũ nữn Yàc Pô Lơngĩq song vrơi ga Pitrai pioh akhàt tơviãq ga dơgrữq halỗt mơnãq Pitrai dơgrữq vruãq iỡuq sơmar tơviãq trôh. Pitrai akhàt nhũ tơviãq mưng mơnuĩh gơnrơh Pitrai, nữn Pitrai pơđar nao trôh sì halỗt mơnãq Pitrai hũ la Jãng. ",
|
|
"2": "Jãng ngãq chưng mưng pơnuaĩq Yàc Pô Lơngĩq hũ kung yơu pơnuaĩq ngãq chưng mưng Yàc Dõc Pơ-tlah Je-su, nữn la dơgrữq kaya drơi iãq bôh. ",
|
|
"3": "Lơngai ga mơnuĩh pơpoh prong sì mơnuĩh hmỡq pơnuaĩq sơrãq gơnuar hwơr nĩ hũ, vloh patui nữn pãc tui dơgrữq kaya song hũ wãq dơlãp đỡn, kơyua tũq jơ song jẽq vloh. ",
|
|
"4": "Hlãq la Jãng, pơyua ga tơjuh sàc pơjũm sơđah pãq char A-si: Lakơu pơnõq adơi sơai hũ kaya anĩt sì dadu lơngai mưng Pitao tũq nĩ hũ, song hũ, sì ròq trôh, kung yơu mưng tơjuh vơngãq pãq anãq sơvan Pitrai hũ, ",
|
|
"5": "sì mưng Yàc Dõc Pơ-tlah Je-su, la mơnuĩh ngãq chưng Tơpãq Dãng, Voh Akõq Thũt dơlãp mơnuĩh mơtai hũ, sì Pitao apãt akõq dơgrữq pitao pãq dlòc tơnãh. Lakơu Pitao khiãng duman pơnõq drơi, song angui dơrãh Pitrai dõc suãq pơnõq drơi tlah dlàiq dơnũh drơi, ",
|
|
"6": "tồq ngãq ga pơnõq drơi tơviãq jỡc sa lơgar mơnuĩh gơnuar pioh kaya duh talơvãt duh vruãq Yàc Pô Lơngĩq sì Ama Pitrai- lakơu Pitrai hũ gơhluh sì gơnuar chơnuãq gãm gãm. A-men. ",
|
|
"7": "Dih, Pitrai ãn trôh pãq khrah dơgrữq pỗc huãl; dơgrữq mơta ròq tơlàq bôh Pitrai, sì gãm dơgrữq mơnuĩh song tlỡuq Pitrai. Sì dơgrữq apõc pơtiàt pãq dlòc tơnãh ròq sia chõq kơyua mưng Pitrai. Iỡuq yơu nữn, A-men. ",
|
|
"8": "Yàc la Yàc Pô Lơngĩq đơp: \"Kơu la An-pha sì Ô-mê-ga, Pitao tũq nĩ hũ, song hũ, sì ròq trôh, Pitao gơnuar chơnuãq.\" j</sup>",
|
|
"9": "Hlãq la Jãng- mơnuĩh adơi sơai pơnõq adơi sơai hũ, sì mơnuĩh pa mơpha sigỡuq sì pơnõq adơi sơai kaya rũc rài, palơi lơgar, sì kaya ãt ỡl dơlãp Yàc Je-su- hlãq ãn dòq pãq voh pơlao hũ angãn la Bat-mô kơyua mưng pơnuaĩq Yàc Pô Lơngĩq hũ sì pơnuaĩq ngãq chững mưng Yàc Je-su. ",
|
|
"10": "Dơlãp harơi Yàc hũ, hlãq dòq dơlãp Vơngãq Sơđah, sì hlãq hmỡq pãq hadơi drơi sa sãp prong yơu sãp tơliãq. ",
|
|
"11": "Sãp nữn đơp, \"Iỡuq wãq tơma sơrãq dơgrữq vruãq anàq bôh sì pơyua ga tơjuh sàc pơjũm sơđah- pãq E-phe-sô, Si-miec-nơ, Bet-gãm, Thi-a-ti-rơ, Sat-đe, Phi-la-đen-phi, sì Lao-đi-xe.\"",
|
|
"12": "Hlãq gơlàiq wỡq pioh mững sãp ãn đơp sì drơi nữn, sì dơlãp tũq gơlàiq wỡq nữn hlãq bôh tơjuh tơkai apôi đeng mữh. ",
|
|
"13": "Pãq khrah dơgrữq tơkai apôi đeng hũ sa Pitao drưh yơu Anàq Mơnuĩh, chồq ao ơtah trôh tơkai, sì vuh sa dãc talơi mữh rĩng dơda. ",
|
|
"14": "Akõq sì bồq Nhũ hũ kòq yơu vlơu avo- kòq ôh krơi hagĩq yơu pơlia- dòq mơta Nhũ nữn drưh yơu dơlah apôi. ",
|
|
"15": "Tơkai Nhũ yơu kơsuan sơdah, kaya kơsuan song hũ rơyiãq dơlãp agòq, sì sãp Nhũ hmỡq yơu sãp lũ ia đuaĩq. ",
|
|
"16": "Pãq dlòc tơngãn hơnuãq Nhũ hũ tơjuh ia pitỗq, dòq mưng mơvah Nhũ blò tơviãq bẽq đao dua dơlah haluỡq chrĩc. Bòq mơta Nhũ sơdah yơu ia harơi dơlãp tũq pơsàc sơdah avih. ",
|
|
"17": "Tũq hlãq bôh Nhũ, hlãq lơvuh trỗt anĩh tơkai Nhũ yơu mơnuĩh mơtai. Nhũ mãq tơngãn hơnuãq apãt hlãq sì đơp, \"Juơi huaĩq. Kơu la chơmrờp sì luỗiq hadơi, ",
|
|
"18": "La Pitao hadiuq. Kơu song mơtai nữn nĩ, Kơu hadiuq gãm gãm, ôh luỗiq! Kơu hũ anàq tlir kaya mơtai sì tơnãh ala. ",
|
|
"19": "Kơyua yơu nữn, iỡuq wãq wỡq dơgrữq kaya anàq song bôh, dơgrữq vruãq tũq nĩ sì dơgrữq vruãq ròq tơviãq trôh hadơi nĩ. ",
|
|
"20": "Dòq nĩ la pơnuaĩq gơtha pơdỡuq tơđỡuq tơjuh ia pitỗq hũ nữn anàq bôh pãq dlòc tơngãn hơnuãq Kơu, sigỡuq sì tơjuh tơkai apôi đeng mữh: Tơjuh ia pitỗq la dơgrữq mơnuĩh gơnrơh tơjuh sàc pơjũm sơđah hũ, dòq tơjuh tơkai apôi đeng nữn la tơjuh sàc pơjũm sơđah.\""
|
|
}
|