See in Reader
30 lines
4.4 KiB
JSON
30 lines
4.4 KiB
JSON
{
|
|
"1": "Ja-kơ, halôt mơnãq hũ Yàc Pô Lơngĩq sì hũ Yàc dõc pơtlah Je-su, pơyua ga sa plôh dua pơlôh pơJẽh pơtiàt dòq chalah chaluơn. lakơu chuãq rơwãc ga Adơi Saai.",
|
|
"2": "Ơ adơi sơai hũ hlãq,tũq adơi saai iỡuq ãt dơgrữq kaya lòc dleh dlar,nữn iỡuq iãq la uôt sơh. ",
|
|
"3": "Kơyua thơu làiq kaya lòc voh-tui adơi sơai tơviãq jơc kaya pran ãt-ơn. ",
|
|
"4": "Miẽt pioh kaya kơjãp-hatai ãt ơn ngãq wil tãl vruãq nhũ, pioh ga adơi sơai hũ ha jũc hla si hũ wil tãl, ôh dòq siẽq sa asit hgĩq.. ",
|
|
"5": " Nữn mơyah-làiq hũ arãc asơi dơlãp adơi saai siẽuq kaya jãc rgơi, mơnuĩh anữn iỡuq iơu lakơu Yàc Pô lơngĩq, la Pitao vrơi kaya anĩt lơnơng lơnai vrơi ga dơgrữq mơnuĩh lakơu si ôh gơrloh pơkhe asơi, nữn pitrai ròq vrơi. ",
|
|
"6": "Yơu nữn iỡuq iơu lơkơu dơlãp voh-tui, Juơi dỡq-dơn hgĩq, Koyua mơnuĩh dỡq-dơn drơh yơu dalah ia tơsìq, kađòc pađuaĩq pãq anãq rơvũq si pãq đi pãq dĩh.",
|
|
"7": "Mơnuĩh yơu nữn juơi sơning drơi ròq tồq hũ kaya hagĩq mưng Yàc. ",
|
|
"8": "Nữn la sa aràc mơnuĩh hũ dua hatai, mơyah-laìq ngãq vruãq hagĩq kung ôh ngãq gơnĩt.",
|
|
"9": "Adơi sơai halơi dòq pãq anĩh viar viãq iơuq yeh drơi mưng vơnah prõc màc drơi, ",
|
|
"10": "Mơnuĩh mơda kung iơuq yeh drơi mưng vơnah vơ-viar rồp, mưng nhũ ròq tơpa nao yơu vơnga rỡq. ",
|
|
"11": "ia harơi tơgùq, kluaĩq tơàl, ngãq rỡq thô-thiãq, vơnga jruh, kaya mơkrơ lơhiãq lơmuiq avih: Mơnuĩh mơda kung ròq thô-thiãq yơu nữn dơlãp dơgrữq vruãq drơi ngãq.",
|
|
"12": "Lơngai ga mơnuĩh ãt aniãi; kơyua mưng tũq song ãt jơc kaya lòc vloh, nữn ròq tũq mãq chrang mữh kaya hadiuq sì Yàc Pô lơngĩq song hẽ grữh ga mơnuĩh khiãng dôman Pitrai.",
|
|
"13": "Juơi hũ asơi ãn tũq kađòc aniãi sì đơp laìq: Nữn la Yàc Pô Lơngĩq aniãi hlãq; mưng Yàc Pô lơngĩq ôh ãt kaya mơsãc halơi aniãi jơc, sì mĩn Pitrai kung ôh aniãi asơi.",
|
|
"14": "Yơu nữn dơgrữq mơnuĩh kađòc aniãi kơyua mưng kaya ham khiãng dui-va sì kaya pagla. ",
|
|
"15": "Suet, hatai ham khiãng krơi song mưng tũc mơtiàt nữn đeh tơviãq Dlaìq dơnuh; dlaìq dơnuh song prõc tơgùq nữn tơviãq jơc kaya mơtai ",
|
|
"16": "Ơ adơi sơai khiãng dôman hlãq, juơi krơi pagla drơi. ",
|
|
"17": "Avih dơgrữq kaya anĩt siàp lơgeh sì kaya vrơi soh wil tãl nữn trôh mưng anĩh dlòc sì mưng ama sơđah blãc song trôt, dơlãp Pitrai ôh hũ sa kaya pasơdua, kung ôh hũ vơngãq kaya pavlỡq ôh. ",
|
|
"18": "Nữn mĩn Pitrai tui hatai ưng drơi, song angui pơnuaĩq tơpãq viãq pơjơc pơnõq drơi, pioh ga pơnõq drơi hũ jơc yơu voh akõq thôt dơgrữq kaya Pitrai chrơng pơjơc.",
|
|
"19": "Ơ adơi sơai khiãng dôman hlãq, adơi sơai thơu kaya nữn: Mơnuĩh halơi kung iơuq sơmar hmỡq sì, ôh sơmar đơp, ôh sơmar nong. ",
|
|
"20": "Mưng kaya nong anàq Mơnuĩh ôh ngãq jơc kaya tơpãq ring Yàc Pô lơngĩq. ",
|
|
"21": "Yơu nữn, iơuq prah vẽq avih dơgrữq kaya tơsơuq nrãc sì avih dơgrữq kaya sơnãc-mơsãc dòq wơq, va hatai lơmuơn siàp tũq mãq pơnuaĩq song pla dơlãp hatai adơi sơai, la pơnuaĩq dõc jơc Vơngãq yua adơi sơai.",
|
|
"22": "Ngãq tui pơnuaĩq vẽq, juơi mãq taniã ngãq tãl sì pagla drơi. ",
|
|
"23": "Mưng mơyah-laìq hũ mơnuĩh hmỡq pơnuaĩq sì ôh ngãq tui, nữn krơi hagĩq mơnuĩh dih pơsàc mơta drơi dơlãp krơh. ",
|
|
"24": "Bôh vloh nữn nao, vloh wơr bòq mơta drơi la yơu halơi. ",
|
|
"25": "Yơu nữn mơnuĩh halơi iãq pơweh gơnĩt voh-va wil tãl, la voh-va mưng kaya lơnơng lơnai, sì kơjãp-hatai iãq pơweh, ôh iơuq mĩn hmỡq vloh song wơr, nữn iơuq avih hatai rơmiãq tui adãt adiã nữn, nữn mơnuĩh nữn ròq duah hũ lơngai dơlãp kaya drơi pãc sãp.",
|
|
"26": "Mơyah-laìq hũ asơi sơning drơi la tui jalàt kakôh tơlơvàt, sì ôh rơmiãq jàc dalah drơi, yơu nữn krơi pagla hatai drơi, nữn kaya tui jalàt kakôh tơlơvàt mơnuĩh nữn viãq ôh kwơ. ",
|
|
"27": "Kaya tui jalàt kakôh tơlơvàt sơđah sơchih ôh nữm, pãq anãq Yàc Pô lơngĩq, Ama pơnõq drơi, la: Chuãq rơwãc mơnuĩh rbah, mơnuĩh vlơu dơlãp tũq dleh dlàr pơnõq nhũ, sì rơmiãq jàc drơi tlah kaya tơsơuq nrãc dun-kayua."
|
|
}
|