raglay_2021_rgs_rlt_jas_book/jas/1.json

{
  "1": "Ja-kơ, halôt mơnãq hũ Yàc Pô Lơngĩq sì hũ Yàc dõc pơtlah Je-su, pơyua ga sa plôh dua pơlôh pơJẽh pơtiàt dòq chalah chaluơn. lakơu chuãq rơwãc ga Adơi Saai.",
  "2": "Ơ adơi sơai hũ hlãq,tũq adơi saai iỡuq ãt dơgrữq kaya lòc dleh dlar,nữn iỡuq iãq la uôt sơh. ",
  "3": "Kơyua thơu làiq kaya lòc voh-tui adơi sơai tơviãq jơc kaya pran ãt-ơn. ",
  "4": "Miẽt pioh kaya kơjãp-hatai ãt ơn  ngãq wil tãl vruãq nhũ, pioh ga adơi sơai hũ ha jũc hla si hũ wil tãl, ôh dòq siẽq sa asit hgĩq.. ",
  "5": " Nữn mơyah-làiq hũ arãc asơi dơlãp adơi saai  siẽuq kaya jãc rgơi, mơnuĩh anữn iỡuq iơu lakơu Yàc Pô lơngĩq, la Pitao vrơi  kaya anĩt lơnơng lơnai vrơi ga dơgrữq mơnuĩh lakơu  si ôh gơrloh pơkhe asơi, nữn pitrai ròq vrơi. ",
  "6": "Yơu nữn iỡuq iơu lơkơu dơlãp voh-tui, Juơi dỡq-dơn hgĩq, Koyua mơnuĩh dỡq-dơn drơh yơu dalah ia tơsìq, kađòc pađuaĩq pãq anãq rơvũq si pãq đi pãq dĩh.",
  "7": "Mơnuĩh yơu nữn juơi sơning drơi ròq tồq hũ kaya hagĩq mưng  Yàc. ",
  "8": " Sa aràc mơnuĩh yơu nữn hũ dua hatai,siẽuq kaya ngãq gơnĩt dơlãp dơgrữq Jơlãt athua drơi.",
  "9": "Adơi sơai rơpãh iỡuq yeh drơi mưng vơnah prõc màc hũ drơi, ",
  "10": "Dòq adơi saai mơda hela iỡuq yeh drơi mưng vơnah vơ-viar rồp drơi hũ, Kơyua mơnuĩh nữn ròq nao tơpa yơu vơnga Jrũh pãq lơniau blàc rỡq. ",
  "11": "ia harơi tơviãq tơgùq, si pran kluaĩq chuh pakãq si ngãq thô-thiãq rỡq kayơu, vơnga nhũ  ròq jruh, kaya siãp mơkrơ nhũ lơhiãq lơmuiq yơu sơning: Mơnuĩh mơda kung ròq lơhiãq thit nao pãq khrãh rai hdiuq drơi.",
  "12": "Lơngai ga mơnuĩh ãt lòc dleh dlar, Kơyua hadơi tũq song nao gãt ãt jơc kaya lòc vloh pơnõq nhũ, ròq tũq mãq chrang mữh kaya hadiuq hũ hẽ grữh vrơi dơgrữq mơnuĩh khiãng dôman yàc pô lơngĩq.",
  "13": " Tũq kađòc kaya aniãi, Juơi hũ asơi sì đơp: hlãq kađõc Yàc pô lơngĩq aniãi ! Kơyua Yàc Pô Lơngĩq ôh kađõc kaya mơsãc aniãi; mĩn pitrai kung ôh aniãi arãc asơi.",
  "14": "Yơu nữn dơgrữq mơnuĩh kađòc aniãi kơyua kaya ham khiãng hũ mĩn drơi, la dơgrũq kaya dui-va nhũ sì pachữh pagla pơnõq nhũ. ",
  "15": "Hadơi tũq ham khiãng krơi nữn mơtiàt, nhũ đeh tơviãq dlàiq dơnuh; hadơi si tũq dlàiq dơnuh prõc tơgùq,nhũ tơviãq jơc kaya mơtai ",
  "16": "Ơ adơi sơai khiãng dôman hlãq hũ, juơi luơi drơi kađõc pagla. ",
  "17": "Avih dơgrữq kaya siàp lơgeh sì dơgrữq kaya vrơi soh wil tãl hũ la mưng pãq dlòc. la kaya trôh mưng ama hũ sơđah blãc sigỡuq Pitrai nữn ôh hũ kaya pasơdua,hela vơngãq rãp hũ kaya pavlỡq ôh. ",
  "18": "Yàc pô lơngĩq rơwãh đeh tơviãq pơnõq drơi  mưng pơnuaĩq hũ tơpãq viãq, pioh pơnõq drơi ròq la sa  kaya voh akõq thut hũ dơgrữq kaya Pitrai chrơng pơJỡc.",
  "19": "Ơ adơi sơai khiãng dôman, adơi sơai thơu kaya nữn: arãc Asơi Asơi kung iỡuq sơmar hmỡq sì, ôh sơmar đơp, si ôh sơmar nong. ",
  "20": "Kơyua kaya nong hũ anàq Mơnuĩh ôh ngãq jơc kaya tơpãq ring hũ Yàc Pô lơngĩq. ",
  "21": "Kơyua nữn,iỡuq wàq tlàq avih dơgrữq kaya tơsỡuq nrãc vrũq lơmuỡq kung dơgrữq kaya mơsãc vãq rẽ, iỡuq mãq hatai lơmuơn siàp tũq mãq pơnuaĩq song dra pla,la pơnuaĩq palih hũ \n dõc pơtlah vơngãq yua adơi sơai,",
  "22": "Hela la mơnuĩh Ngãq tui pơnuaĩq, juơi mĩn la mơnuĩh hmỡq sì pagla rũp drơi. ",
  "23": "Kơyua mơyah-làiq mơnuĩh halơi la mơnuĩh hmỡq pơnuaĩq sì ôh iỡuq la mơnuĩh ngãq tui, nữn drữh yơu sa arãc mơnuĩh pơsàc iãq bòq mơta vơhiãn iãq hũ drơi dơlãp krơh. ",
  "24": "Mơnuĩh nữn pơsãc drơi viãq gơnĩt, vloh tlàq nao si wơr bòq mơta drơi la yơu halơi. ",
  "25": "Yơu nữn mơnuĩh thơu gơria iãq pơweh gơnĩt voh-va wil tãl, hũ kaya lơnơng lơnai, sì miẽt patui ngãq yơu nữn,ôh iỡuq mĩn hmỡq vloh song wơr, si la mơnuĩh ngãq tui pơnuaĩq nữn mơnuĩh anữn ròq hũ lơngai dơlãp dơgrữq vruãq ngãq hũ drơi.",
  "26": "Mơyah-làiq hũ asơi sơning drơi hũ tui jalàt kakôh tơlơvàt, sì ôh rơmiãq jàc dalah drơi,làiq dòq krơi pagla hatai drơi, nữn vruãq tui jalàt kakôh tơlơvàt hũ mơnuĩh nữn la viãq ôh kwơ. ",
  "27": "Jalàt kakôh tơlơvàt sơđah sơchih si sađah blãc ôh nữm, pãq anãq Yàc  A-ma yàc A-ma pơnõq drơi, la dõc jãc mơnuĩh ôh hũ Ama mơnuĩh rơpah kamơi vlơu dơlãp tũq dleh dlàr pơnõq nhũ, sì rơmiãq jàc ga drơi tlah kaya tơsơuq nrãc dun-kayua."
}