See in Reader
21 lines
3.5 KiB
JSON
21 lines
3.5 KiB
JSON
{
|
|
"1": "Luỗiq hadơi, pa-thơu pơnõq adơi sơai, lakơu iơu lakơu ga pơnõq hlãq, pioh pơnuaĩq Yàc hũ sơmar akhàt tơviãq sì hũ sơ-uỗt mơyòp, kung yơu song bôh dơlãp pơnõq adơi sơai, ",
|
|
"2": "sì pioh ga pơnõq hlãq hũ dõc suãq tlah mưng dơgrữq mơnuĩh iãh mơsãc sì mơnuĩh iãh sàq, kơyua ôh iỡuq dơgrữq tãl aràc kung hũ voh-tui. ",
|
|
"3": "Nữn tui tơpãq viãq la Yàc, Pitao ròq ngãq ga adơi sơai kơjãp kađữc sì iãq jàc pơnõq adơi sơai tlah mưng mơnuĩh mơsãc. ",
|
|
"4": "Pơnõq hlãq hũ hatai pãc gơnĩt dơlãp Yàc mưng pơnõq adơi sơai làiq pơnõq adơi sơai ãn ngãq sì ròq ngãq dơgrữq kaya pơnõq hlãq pơto pơđar. ",
|
|
"5": "Lakơu Yàc pơto dui-va hatai pơnõq adơi sơai weh sì kaya anĩt duman Yàc Pô Lơngĩq hũ sì trôh dơlãp kaya ãt-ỡl Yàc Dõc Pơ-tlah hũ. ",
|
|
"6": "Bôh làiq yơu nữn, pa-thơu pơnõq adơi sơai, tũq nĩ mãq angãn Yàc pơnõq drơi la Yàc Dõc Pơ-tlah Je-su, pơnõq hlãq pơto akhàt ga pơnõq adơi sơai, tồq ga pơnõq adơi sơai pleh atah dơgrữq mơnuĩh pãc-tui yàc hadiuq ôh hũ voh-va sì ôh ngãq tui dơgrữq kaya mưng halơu thrơi nữn pơnõq adơi sơai song tồq mãq mưng pơnõq hlãq. ",
|
|
"7": "Kơyua rùp phuỗt pơnõq adơi sơai thơu làiq pơnõq adơi sơai iỡuq mơgrũ đõm pơnõq hlãq yơu hayơu, kơyua pơnõq hlãq song ôh hadiuq suẽl voh-va di khrãh pơnõq dơi sơai, ",
|
|
"8": "pơnõq hlãq kung ôh bõc soh kaya bõc sa aràc mơnuĩh halơi, nữn harơi mơlãp ngãq vruãq dơlãp kaya dleh dlar kãl dơmãn pioh ôh ngãq dleh dlar ga avih tãl aràc dơlãp pơnõq adơi sơai, ",
|
|
"9": "ôh iỡuq kơyua pơnõq hlãq ôh hũ gơnuar, nữn pioh pơnõq hlãq chẽq krơi rùp drơi yơu ngãq krơh ga pơnõq adơi sơai tồq mơgrũ đõm pơnõq hlãq. ",
|
|
"10": "Kơyua viãq, tũq dòq sì pơnõq adơi sơai, pơnõq hlãq song pơto pơđar pơnõq adơi sơai pơnuaĩq nĩ, làiq: \"Mơyah làiq mơnuĩh halơi ôh ưng ngãq vruãq nữn juơi luơi mơnuĩh nữn bõc.\" ",
|
|
"11": "Kơyua pơnõq hlãq hmỡq đơp dơlãp pơnõq adơi sơai hũ tơkìq mơnuĩh hadiuq ơlah atàq. Pơnõq nhũ ôh ngãq vruãq nữn vloh sròq tơma vruãq mơnuĩh tơmo hũ. ",
|
|
"12": "Tũq nĩ, dơlãp Yàc Dõc Pơ-tlah Je-su, pơnõq hlãq pơto pơđar sì pơto pa-sơdor dơgrữq mơnuĩh yơu nữn, làiq pơnõq nhũ iỡuq ngãq vruãq savĩq suà lìt pioh bõc kaya bõc rùp phuỗt drơi hũ. ",
|
|
"13": "Dòq pa-thơu pơnõq adơi sơai, lakơu pơnõq adơi sơai juơi ơlah dơlãp tũq ngãq vruãq siàp. ",
|
|
"14": "Vơnãh tơmo, mơyah làiq mơnuĩh halơi ôh rơmiãq jàc pơnuaĩq pơnõq hlãq dơlãp sơrãq nĩ, nữn iỡuq iãq mưng nhũ - tồq nhũ ôh ngãq salơnuãq sì aràc, pioh ga mơnuĩh nữn thơu mơlơu ơlah. ",
|
|
"15": "Nữn juơi iãq mơnuĩh nữn yơu mơnuĩh ngãq jơdrãq, nữn iỡuq pơto pơđar pơnõq nhũ yơu adơi sơai drơi. ",
|
|
"16": "Lakơu mĩn rùp phuỗt Yàc dadu lơngai vrơi ga pơnõq adơi sơai kaya dadu lơngai mưng dơgrữq vruãq dơlãp dơgrữq vơnãh. Lakơu Yàc dòq sigỡuq sì avih tãl aràc pơnõq adơi sơai. ",
|
|
"17": "Nĩ la pơnuaĩq tơnĩa rơwãc kơyua mưng tơngãn hlãq wãq - Pol - nữn la tãp-ban-kiq dơlãp dơgrữq vlah sơrãq. Hlãq gãm wãq yơu nữn. ",
|
|
"18": "Lakơu kaya anĩt Yàc pơnõq drơi, la Yàc Dõc Pơ-tlah Je-su, dòq sigỡuq sì avih tãl aràc pơnõq adơi sơai. "
|
|
}
|